ادبي تنقيد واقيف بهمنلي ايله دونيا دولو

اؤتن عصرين 60-جي ايللرينده نثر تفککورونون داها پارلاق اينکيشافي‌اييله موشاييعت اولونان ادبي پروسئس 70-جي ايللردن ائعتيبارن پوئزييايا يؤنلدي. بو اون ايل‌لييين بيرينجي ياراسي واقيف صمداوغلو، صابير روستم‌خانلي، راميز رؤوشن، واقيف باياتلي، ائلدار باخيش، سياووش محمدزاده، عيسي ايسماعيل‌زاده کيمي ايستئعدادلي شاعيرلري مئيدانا چيخاردي. ايکينجي بئش‌ايلليکده پوئتيک تفککور ادبي آخين حالي آلدي. و بارات ووسال، آغامالي صاديق، روستم بهرودي، واقيف بهمنلي، آغاجعفر حسنلي، زاهيد ساري‌تورپاق، معاريف سولطان، نريمان قاسيم‌اوغلو، ايمير ممدلي، محمد‌ ايلقار، توفيق قاراقايا، علي‌صميد کور، موباريز مسيم‌اوغلو، آکيف صمد، آکيف احمدگيل، شاييق ولي، زيرالدين قافارلي، صمد قاراچؤپ، آدلي شيرين، قوجا خاليد، اژدر اول، آودي قوشقار، ولي خرامچايلي، عدالت عسگراوغلو، راميز قوشاچايلي، کرامت، ابولفتح مدت‌اوغلو، سرباز حسين‌اوغلو، قشم نجف‌زاده، ماهير قارايئف، ايلهام قهرمان، ائلخان زال قاراخانلي، موراد کؤهنه‌قالا، راسيم قاراجا، نيساء به‌ييم، ماهيره عبدالله، ملاحت يوسيف‌زاده، فرقانه مهدييف، و ... کيمي چوخ سايلي يازارلار پوئزيايا همين آخينلا گلدي.

بو شاعيرلرين ايچينده صنعت مووقعي اييله بير- بيرينه ياخين اولانلاري دا وار، فرقلي جريانلاري، مئيللري، يوللاري تمثيل ائدنلري ده. بير- بيريندن بير نئچه بايرام بؤيوک، يا کيچيک، بير- بيرينه موخاليف، يا هم‌فيکير اولسالار دا، عمومي‌ليکده، اونلارين هاميسي ميللي پوئزييانين چوخ حساس بير دؤورونو تمثيل ائديرلر.