" خدافرين " درگيسي و حسين شرقي...

    وقار احمد

 

 

حسین شرقي دره جک ايبراهيم اوغلو سويتورک 1966-جي ايل گونئي آذربايجانين خدافرین بؤلگه سينده يوردسئور بير عاييله ده دونيايا گؤز آچميشدير. او، آذربايجان عادت-عنعنه لري نين چوخ درين کؤکلره ماليک اولان قديم تورک عنعنه لري ايله بؤيويوب باشا چاتميشدير. ايبتيداي تحصيليني خدافرینده فارس ديلينده آلماق مجبوريتينده قالميشدير. حسین اورتا تحصيليني تئهران شهرينده داعوام ائتديرميشدير. تهراندا اونيوئرسيتئته داخيل اولموش، طلبه ليکله ياناشي موعليمليکله ده مشغول اولموشدور. او، طلبه ليک دؤورونده علمي-پئداقوژي فاليتله ياناشي، ادبي ايجتيماي فاليتله ده ياخيندان ايلگيلنميشدير. تئهراندا چوخ آز دا اولسا آذربايجان ديلينده نشر اولونان نشريات اورقانلاري نين ان فال عوضوو کيمي آذربايجان مدنيتي نين و علمي نين اينکيشافيندا رول اويناميشدير. تهرانين «رودهن» اونيوئرسيتئتي نين «سوسيال علملر و پسيخولوگييا» کافئدراسيندا سوسيولوگييانين سوسيال خيدمتلر بؤلومونو بيتيررک «يران، تورکييه و آذربايجان تورکلري نين اورتاق و فرقلي جهتلري» مؤوضوسوندا ديسسئرتاسييا مودافيعه  ائتميش، اونيوئرسيتئتين يگانه آذربايجانلي طلبه سي اولاراق ديلچيليک علمي نين اينکيشافيندا يئني آدديم آتماغي باجارميشدير. 1997-جي ايلده باکي دؤولت اونيوئرسيتئتي نين «سوسيال علملر و پسيخولوگييا» فاکولته سينه «سوسيال پسيخولوگييا» اوزره عياني آسپيرانت (دوکتورانت) کيمي قبول اولونموش و 2002-جي ايلين نويابر آييندا سوسيال پسيخولوگييا ايختيصاصي اوزره «نارکومانلارين کلينيکي و پوست کلينيکي رئابيليتاسيياسي نين سوسيال-پسيخولوژي پروبلئملري» مؤوضوسوندا ديسسئرتاسييا مودافيعه  ائده رک پسيخولوگييا علملري اوزره فلسفه دوکتورو عاليمليک درجه سينه لاييق گؤرولموشدور. عئيني زاماندا او، آذربايجان تئلئراديو شيرکتلري نين علم و تحصيل رئداکسيياسي ايله ياخيندان امکداشليق ائتميش، بير چوخ علمي، ادبي و ايجتيماعي مقاله لرين مؤليفي اولموشدور. تانينميش پسيخولوق دوکتور  شرقي ايرانين يازارلار بيرليگي قلم درنگي نين (1997)، سوسيال علملر اوزره سوسيال خيدمتچيلر درنگي نين (1994)، ايران دونيا سياحلار بيرليگي نين (1998) عوضوو اولماقلا ياناشي، آذربايجان پسيخياترلار آسسوسياسيياسي نين (2002)، آذربايجان يازيچيلار بيرليگي نين (2003)، آذربايجان ژورناليستلر بيرليگي نين (2010) ده عوضوو دور. اؤلکه سينده پسيخولوق-مصلحتچي کيمي چاليشان ح. شرقي بير چوخ پسيخولوژي مسله لرين حللي يؤنونده دونيا اهميتلي مقاله لرين ده مؤليفيدير. او، حال-حاضيردا علمي و پسيخولوژي مصلحتله ياناشي،  2003-جو ايلدن  تهراندا يئگانه آيليق آذربايجانديللي «خدافرین» ژورنالي نين تاسيسچيسي، باش رئداکتورو و مسئول موديريدير.  

 " خدافرین "ژورنالي نين فعاليتي بوتؤو بير ادبياتشوناس، فولکلورشوناس، تاريخي، ديلچي و س. نسلين فورمالاشماسينا شرايط يارادير. ژورنالدا اساسن وطن، يورد تعصوبو، ميللي غيرت، قارداش طرفکشليگي، ميللي کيمليک و بيرليک مؤوضولاريدير. ژورنالين ايلک نؤمره سينده دوکتور جاواد هئيت اؤز خير دوعاسيني وئره رک يازير:  " اساسن نشريه چيخارماق چتين بير ايشدير. خوصوصيله تورک ديلينده اولسا اونون چتينليکلري هودودسوزدور. بو ايشين معنوي-ماددي ازيتلري واردير. اوميد ائديرم کي، اونلارين هاميسينا سينه گلرک ايراده نيزله بو اذيتلري يئنه جک و چؤزه جکسينيز. درگينيز مووفق اولسون. گله جکده بير مکتب کيمي ابديلشسين " . 

 

 

حسین محمدزاده صديق، ائل اوغلو، اوستاد بهزاد بهزادي، گنجعلي صباحي رحيم رئيسنييا، غلامرضا مجدفر، هاشيم ترلان و س.

 ايلک گوندن" خدافرین "ژورنالي نين صميمي و فداکار همکارلاريندان اولموشلار." خدافرین "  ژورنالي نين ايلک ساييندان بو گونه کيمي م. کريمي (ائل اوغلو)  آزاربايجان کلاسسيک ادبيات تاريخينه آيد فارسجا، يازديغي آذربايجانين بؤيوک شخصيتلري حاقيندا قييمتلي معلوماتلار وئرميشدير. ژورنالين  " آغساققال "  روبريکاسيندا دوکتور محمدعلي فرزانه يازير:  " خالقيميزين کيمليگيني، تاريخيليليک وارليغيني ايشيقلانديران و حوريتيميزي اولدوغو کيمي اوزه چيخارماقدا و حرکاتين تمل داشي اولان ديليميزي و مدنيتيميزي، تاريخين گليشمه سينده ياراديلان اينساني و معنوي خاروقه لري هاشا ائتمکده، خالقيميزين دئموکراتيک و برابرليک حوقوقونو آياق آلتينا سالماقلا،لاغا قويماقلا و بير سؤزله اييرنج آسیيميلياسيونا اوغرايان خالقلارين حاقيندا عمل ائتمکده بو درگي نين ايفشا ائتديگي و سارسيديجي رولو اولموشدور. "  

  م. فرزانه نين آنا ديلي نين اينکيشافي اوغروندا يازيلان مقاله لري، گنجعلي صباحي نين حکايه لري، ه. ترلانين  آجيلي-شيرينلي خاطيره لري و ادبي-تنقيدي مقاله لري، کلاسسيک و موعاصير ادبياتدان سئچيلميش نومونه لر ائله ايلک گوندن ژورنالين نوفوذونون آرتماسينا و اوخوجو سايي نين قازانماسينا سبب اولدو. سؤنمزين، ساوالانين، سهندين، ساهيرين، ه. ترلانين گؤزل شعيرلري اوخوجولارين رغبتيني قازانميشدير. 

" خدافرین " ژورنالي نين اوغورلاريندان بيري ده  " کيم-کيمدير؟ "بؤلومونده آدي و صنعتي اوخوجولارا بللي اولمايان شاعير و موتفککيرلرين حيات و ياراديجيليغي حاقيندا معلومات، اثرلريندن اؤرنکلر ژورنالين صحيفه لرينده آرديجيل اولاراق نظره چارپير. م. موصديق، ص. بهرنگي، ب. آذراوغلو، ع. توده، ه. ترلان، گ. صباحي، ع.محسوني،ک.سؤنمز، ب.ق.سهند و باشقا گؤرکملي شاعير و يازيچيلارين ياراديجيليقلاريندان گئنيش ايستيفاده اولونموشدور. 

"خدافرین "ژورناليندا حکايه، درام، پوئما، پووئست و س. ژانرلاريني دا احاطه ائدير. بو ژانرلار جنوبي آذربايجان ادبياتي اوچون شعير قدر عنعنه وي اولماديغيندان، ژورنالدا اونلارين هره سيندن بير-ايکي نومونه لر وئرمکله کيفايتلنميشلر. 

  فولکلور نومونه لري ايله ياناشي، فولکلورون تدقيقينه حسر ائديلميش مقاله لرده " خدافرین» ژورنالي نين صحيفه لرينده لاييقلي يئر تاپميشدير. بو جهتدن آپاريجي مؤوقعده جنوبلو عاليم تدقيقاتجيلار دورسا دا، شيماللي عاليملرين اثرلريندن ده يئري گلديکجه ايستيفادا اولونموشدور. کلاسسيک و چاغداش ادبياتدا اولدوغو کيمي، فولکلور نومونه لرينده ده موشته رک مؤوضولارا مئيل ژورنالين ايلک سايلاريندان اوزونو گؤسترمکده دير. 5-جي ساييندان باشلاياراق «فولکلور (آشيق ناغيللاري)» روبريکاسي آلتيندا وئريلن يازيلار عليرضا ذيحقين  " آشيق ادبياتي "  يازيسي ايله باشلايير. 

  ژورنالين 2006-جي ايل 19-جي ساييندا چاپ اولونموش پروفسور علم الدين عليبيزاده نين «دده قورقود»ون تاريخي حاقيندا» و محمد داوورياري نين  " دده قورقود "  داستانيندا قادين صورتلري "   مقاله سي بو باخيمدان ديقتي جلب ائدير. تدقيقاتجيلار زنگين تاريخي منبعلره و داستانين اؤزونه اساسلاناراق خالقيميزين بو مؤحتشم فولکلور آبيده سي نين يارانما تاريخي باره ده علمي دقيقلشديرمه لر آپارميشلار. 

  درگيده شيماللي يازيجي و شاعيرلتين جنوب حسرتي، جنوبداکي قارداشلاري ايله معنوي بيرييگي عکس ائتديرن اثرلري ايله ياناشي، جنوب مؤليفلرين شيمال حسرتيني، خوصوصن سون ايللرده آذربايجان خالقينييي باشينا گلن موصيبتلره همده همرایليکلريني عکس ائتديرن اثرلره يئر وئريلميشدير. رؤوشن خياوي نين «او تايليق، بو تايليق» شعيري - شيمالي آذربايجان ادبياتينداکي جنوب مؤوضوسو ايله چوخ ياخيندان سسلشير:  

  ايللر بويو گؤزوم يولدا،  

  من بو تاي دا، يار او تا يدا.  

  عاشيقلره بودور قايدا 

  آراز گلدي، يوردو بؤلدو،  

  شاهلار بيزه جپر هؤردو.  

  «خدافرین» درگيسينده شيمالي آزربايجان آدبياتيندان وئريلميش ديگر اؤرنکلر حکايه، درام، پوئما، رومان، پووئست ژانرلاريني احاطه ائدير. بو ژانرلار جنوبي آذربايجان آدبياتي اوچون شعير قدر عنعنه وي اولماديغيندان، ژورنالدا اونلارين هره سيندن بير - ايکي نومونه وئرمکله کيفايتلانميشلر. 

درگيده آکادئميکلر عیس حبيببيلي،نيظامي جعفروو، پروفسورلار قضنفر پاشايئو،تيمور احمدوو، معاريفه حاجيیوا، ووقار احمد،ا يسلام قريبلي،عباسقولو لطفزاده، تدقيقاتچيلار:فلسفه دوکتورلاري،علمي ايشچيلر ف. سولئيمان اوغلو، م. مهديبيووا، ، ا. شوکورووا، پ. مممدلي، ل. ميرزيئوا و د. رضايئوا و س. سيلسيله مقاله لري نين وئريلمه سي ادبي سالنامه نين احاطه ائتديگي نوفوذ دايره سي باره ده ده موعين تصوور يارادير.