حسین جاويد آذربايجان ادبي دوشونجه سينده HÜSEYN CAVİD AZƏRBAYCAN ƏDƏBİ DÜŞÜNCƏSİNDƏ

PROF. MARİFƏ HACİYEVA

پروف.معارفعه حاجی اوا   

«حسین جاويدي حبس ائتديلر و اونون بوتون اثرلريني قاداغان ائتديلر. حسین جاويد حبس اولوناندان، حتّی دونياسيني دييشندن سونرا اونو مييلتچي، پانتورکيست، آنتيسووئت آدام آدلانديريرديلار. آما  حسین جاويدين  اثرلري ياشادي». 

  حيدر علييو  

  کسسه هر کس دونيادان قان ايزيني، 

  قورتاران داهي اودور يئر اوزونو

 – دئين بؤيوک موتفککير، فيلوسوف-شاعير، سون درجه مورککب بير حيات و ياراديجيليق يولو کئچن حسین جاويد (1882-1941) نه يازميشديسا ويجداني نين سسي ايله يازميش، اؤزو اعتيراف ائتميشدير کي، «سيري اولدوغوم بير شئي وارسا، او دا حاقيقت و يئنه حاقيقتدير». 

  حسین جاويد معنالي ياراديجيليق يولو کئچميش، حاقيقت، عدالت، مردليک، گؤزلليک، وطنپرورليک و اينسانپرورليک کيمي بشري کئيفيتلري ترننوم ائدن بديعي نومونه لر يازميش و ادبيات تاريخينده اؤز سسي، اؤز دستي-خطي ايله مشهورلاشميشدي. حسین جاويدين هر بير اثري موباحيسه و موزاکيره لره سبب اولموش، اثرلري باره ده متبواتدا بير-بيرينه ضيد فيکيرلر سؤيلنميشدير. اونون يازيب-ياراتديغي دؤورون تنقيدي فيکري موختليف سببلر اوزوندن جاويد صنعتي نين سيرلريني يئترينجه شرح ائده بيلمه ميشدير. 

  اصلینده جاويد ياراديجيليغي شرقين فلسفي و بديعي فيکير دونياسيني درک ائتمگين منبعلريندن بيري ايدي. هر بير بديعي اثري موستقيل بير حاديثه  اولان جاويد ياراديجيليغيندا ادبياتين مؤوزو دوشونجه سي چوخ گئنيش اولموشدور. 

  حسین جاويد ياراديجيليغيني دريندن بيلمک اوچون شرقين ايجتيماي-فلسفي، ادبي-بديعي فيکريني دريندن اؤيرنمک لازيمدير. چونکي حسین جاويد ياراديجيليغيندا يالنيز ميللي حاديثه لر دئييل، شرقين و قربين سينتئزيني اکس ائتديرن بشري حاديثه لر عکسيني تاپميشدير. 

  19 عصرين اورتالاريندان باشلاياراق آذربايجان اديبلري اثرلرينده شرقين ابدي-بديعي فيکريني، فلسفه سيني، ائتيک و ائستئتيک دوشونجه لريني، عادت-عنعنه لريني ادبياتا گتيرمکله برابر قرب مدنيتينه ده ماراق گؤسترميش، اوندان فايدالانماغا چاليشميشلار. بو ماراغي دؤورون هم رومانتيک، هم ده رئاليست يازيچيلاري نين اثرلرينده گؤرمک مومکوندور. 

  خخ اسرين اوللرينده آذربايجان ادبياتيندا ديقتي چکن بير جهت ده بو ايدي کي، بو دؤورده رومانتيزم ادبي جرياني گوجله نيردي. بو دؤور آذربايجان ادبياتيندا آبباس سههت، عبدالله شايق، مهممد هادي، حسین جاويد کيمي رومانتيک ادبياتلا باغلي شاعيرلر يئتيشمه يه باشلايير. خخ اسر آذربايجان ادبياتيندا رومانتيک  ادبي جريانين تانينميش تمثيلچيسي ايسه  حسین جاويد ايدي. بونو جاويدين: 

  من فقط حسني-خدا شاعيرييم، 

  يئره ائنمم ده، سما شاعيرييم   

  ميصراعلاريندان   دا گؤرمک مومکوندور. 

  حسین جاويد هم ليريک، هم ده درام اثرلرينده اينسان حياتینين تنظيميني، عاغلين و اخلاقين رولونو رومانتيک-فلسفي باخيمدان حلل ائتمه يه چاليشيردي. حسین جاويد «پمبه چارشاف» شعرينده: 

  بو تستتور ناسيل دا جاذيبه دار، 

  بوندا پک اينجه بير لطافت وار   

 دئيه رک قادي نين اؤرتولو گزمه سينه رومانتيک بير آنلام وئريردي. اونون رومانتيزميني ايضاح ائتمک باخيميندان «شيخ صنان» اثري ايسه قييمتلي بير اؤرنکدير. آذربايجان ادبياتيندا ايلک تاريخي منظوم درام اولان «شيخ صنان» اثري مؤوزو اعتيباريله ادبياتدا يئني بير حاديثه  اولماقلا برابر، هم ده ح.جاويدين فولکلوردان يارارلاناراق مئيدانا گتيرديگي بير اثر ايدي. 

  20 عصرين قودرتلي رومانتيک قلم اوستاسي اولان حسین جاويد شعر ياراديجيليغينا دا ليريک-رومانتيک اثرلرله باشلاميش، عاشيقانه شعرلرينده دونيايا و اينسانلارا گؤزلليک معياري ايله باخاراق: 

 گؤزل سئويمليدير، جللاد اولسا دا، 

  سئوگي خوشدور، سونو فرياد اولسا دا. 

  اوغروندا منليگيم برباد اولسا دا، 

  سون ديلداريم گؤزلليکدير، سئوگيدير

  دئيه گؤزلليگي و سئوگيني رومانتيک بير شکيلده اولويلشديرميشدير.  

  حسین جاويد ادبي ياراديجيليغا بئله ليريک عاشيقانه شعرلرله باشلاسا دا، 1910-جو ايلدن ايسه دراماتورگييا ژانرينا موراجيعت ائده رک بير پرده لي «آنا» پيئسيني يازميشدير. او، 1910-جو ايلدن باشلاياراق 1937-جي ايله قدر 20-دن آرتيق درام اثري يازميشدير کي، «آنا»، «مارال»، «شيخ صنان»، «شيدا»، «اوچوروم»، «ايبليس»، «آفت»، «پيغمبر»، «توپال تيمور»، «ده لي کنياز»، «سياوش»، «خيام»، «ايبليسين اينتيقامي»، «تئللي ساز»، «شهلا» اثرلري بونلاردان بير نئچه سيدير. 

  جاويدشوناسلارين يازديغينا گؤره حسین جاويدين اثرلري نين ايلک تاماشالاري 1920-1923-جو ايللرده اولموش، 1924-1926-جي ايللرده ايسه اثرلري يئني قورولوشدا صحنهيه قويولموشدور. بو ايللرده آذربايجان تئاتري نين پرده لري چوخ واخت «شيخ صنان»ا، «ايبليس»ه آچيلميشدي. لاکين او دؤورون ادبي تنقيدي جاويدين اثرلرينده موعين ايدئيا قوصورلاري گؤروردولر. خوصوصن: 

  ايبليس ندير؟ 

  - جومله خيانتلره باعث،  

  يا هر کسه خاين اولان اينسان ندير 

  - ايبليس  

  - دئيه رک اثرده کي  بوتون حاديثه لرين گئديشينده ايشتيراک ائدن ايبليسي ايتتيهام ائدنلر. 

  آوروپادا ايشيق دا وا، ظولمت ده، 

  اوردا صفالت ده وار، فضلت ده. 

  او بير انگين دنيزدير کي، قورخونجدور، 

  اينسان گاه اينجي بولور، گاه دا بوغولور  

  دوشونجه سي ايله آوروپاداکي تضادلاري بيلن شاعيري رئاليزمدن او حاقلاشماقدا تقصيرلنديرنلر تاپيليردي. اودور کي، «ايبليس» و «اوچوروم» اثرلري او دؤورده اوزون موباحيثه و مذاکيره لره سبب اولموش، خوصوصن «ايبليس» اثري نين مفکوره جهتدن ساغلام اولماديغي ايديعا ائديليردي. بئله ايديعالار ائله آذربايجاندا سووئت دؤنه مي نين ايلک ايللريندن باشلاييردي. آذربايجاندا بولشئويک حاکيميتي نين برقرار اولماسيندان سونرا حسین جاويد موختليف قزئت و درگيلرده ياواش-ياواش تنقيد هدفينه چئوريليردي. 1930-جو ايللرده ايسه بو تنقيدين ميقياسي گئنيشله نيردي. بو هدفي ديکته ائدن ايسه موسکوا ايدي. چونکي جاويد سوسياليست اينقيلابيندان، سووئت رئژيميندن، اينقيلاب تاريخيندن دئييل، اؤز رومانتيک تفککورونون ايفاده ائتديگي مؤوضولاردان، تورک روحو و تورک دوشونجه طرزيندن، ايسلامي ديرلردن، کلاسسيک مسله لر اوزرينده کؤکلنن آذربايجان مفکوره سيندن يازديغي اوچون بولشئويک تنقيدچيلرين غضب و کيني ايله قارشيلاشمالي اولوردو. اونون اثرلري نين قهرمانلاري او زامان دبده اولان ادبي محکمه لرده موحاکيمه ائديليردي. سووئت حاکميتي نين ديکته ائتديگي تنقيد گئت-گئده حسین جاويده قارشي داها سرت مؤوقعده دايانير، بو مؤوقع 1930-جو ايللرده داها مورتجع خاراکتئر آليردي.  

  بو دؤور تنقيدي ح.جاويدين يئني جمعيتي، پرولئتار اينقيلابيني آنلاماماقدا، اثرلري نين اوسلوبوندا آذربايجان وارليغيني ايفاده ائده بيله جک عنصورون اولماماسيندا تقصيرلنديريردي. 1930-جو ايللرده م.ک. علی اکبرلي و س.شاميلوو کيمي تنقيدچيلر حسین جاويدي آذربايجان حياتي ايله آز ماراقلانان و آذربايجان امکچيلري نين موباريزه سينه ياد اولان اثرلر يازماقدا تنقيد ائديرديلر (بو باره ده باخ: مهدي مممدوو «آجي فريادلار، شيرين آرزولار». باکي، 1983). 

  دؤورون پرولئتار-مارکسيست تنقيدچيلري ان چوخ مشغول اولدوقلاري سوسياليزم-رئاليزم مسله سيني حسین جاويد ياراديجيليغيندا گؤره بيلمه ديکلري اوچون مؤوقعلريني گونو-گوندن سرتلشديريرلر. 

ح.جاويد ياراديجيليغيني دوزگون قييمتلنديرن موصتطافا قولييئو، حنفي زئيناللي، عبالله شايق کيمي تنقيدچيلر ده تاپيليردي. عبدالله شايقين (1881-1959) «جاويدين «ايبليس» نام هايله سي حاقيندا دويغولاريم» (1925)، حنفي زئيناللي نين (1896-1938) «حسین جاويدين يازديغي «پيغمبر» حاقيندا مولاحيظه لريم» (1926)، «شيخ صنان حاقيندا مولاحيظه لريم» (1926) آدلي مقاله لرينده جاويدين ياراديجيليغي، اثرلري نين مزيتلري، شاعيرين صنعتکارليق خوصوصيتلري حاقيندا موثبت فيکيرلر سؤيله نيلميشدير. 

   عبدالله شايق «خاطيره لريم» (1973) کيتابينا داخيل ائتديگي «حسین جاويد» آدلي  مقاله سينده يازيردي کي، «جاويدين شاه اثرلري، شبهه سيز، «شيخ صنان» ايله «ايبليس» فاجيعه لريدير. جاويدين بوتون اثرلري ايچريسينده «ايبليس» قدر حياتي و رئاليست بير اثر يوخدور ظن ائديرم». 

  عبدالله شايق «فناليقلارين سيموولو» اولان «ايبليس» اثري نين يازيلما سببيني ايسه «حسین جاويد» آدلي مقاله سينده بئله ايضاح ائديردي: «جاويدين «ايبليس» فاجيعه سيني ايدئولوژي جهتدن تنقيد ائدنلره اونون نه کيمي تاثير آلتيندا يازيلديغيني خاطيرلاتماق اوچون شاعيرين کئچيرديگي مودهيش بير فلاکتي يازماق مجبوريتينديم. جاويد باکيدا کؤهنه نيکولايئوسکي (اينديکي ايستيقلاليت – م.ح.) کوچه ده يئرلشن «تبريز» اوتئلينده ياشاييردي. 1918-جي ايلين مارت حاديثه سيندن سونرا يازيچي و مونققيد حسین صاديق ايله برابر بيزه گلميشدي. جاويدين بت-بنيزي آغارميشدي. او، سون درجه نشه سيز و موتاثير گؤرونوردو. احوال سوردوم. حسین صاديق جاويدين اسير دوشدويونو و اؤلومدن قورتولدوغونو سؤيله دي. سونرا شاعير اؤزو باشينا گلن قضاني موفصل شکيلده بئله دانيشدي:  

  «مارت حاديثه سي نين ايکينجي گونو بير دسته داشناک ائرمني اوتئلين قاپيسيني قيريب ايچري گيرديلر و آلتميش نفردن زياده موسافيري اسير آلديلار. من وضعيتين نه يئرده اولدوغونو حس ائده رک گئتمک ايستميرديم. «نه ائده جکسينيز بورادا ائدين!» - دئديم. لاکين هاميميزي مجبورن چيخاريب آپارديلار. يولدا هر تينباشي اوزريميزه يايليم آتشي آچيلديقجا، هاميميز قورخودان يئري سريلير، بير-بيريميزه قيسيليرديق. سونرا «قالخين!» امري وئريلينجه يولداشلاريميزدان بير چوخونون قورشونلارا فدا اولدوغونو گؤروردوک. خولاصه، آلتميش نفردن يالنيز ايکي نفر قالديق. بيزي گتيريب ماييلوو تئاترينا  بوراخديلار. آراليق ساکيتلشنه قدر اورادا قالديق. بو حاديثه دن اولدوقجا موتاثير اولدوم. بورا چوخ تهلوکه ليدير. سنه ده بورادا قالماماغي مصلحت گؤرورم». 

  حسین جاويد ايله جاويد ايکي گون سونرا انزه ليگه گئتديلر. جاويد اورادان تبريزه، تبريزدن ايسه ناخچيوانا گئتميشدي حسین جاويد آذربايجان صحنه سي نين شاه اثرلريندن اولان «ايبليس» فاجيعه سيني بو آجي تاثيرلر آلتيندا يازميش، ايبليسلرين عونوانيني گؤستره بيلميشدير» (باخ: عبدالله شايق. «خاطيره لريم». باکي،1973، ص. 294-295). 

  1937-جي ايلين  رئپرئسسييا قوربانلاريندان اولان تنقيدچي-ادبياتشوناس حنفي زئيناللي نين (1896-1938) حسین جاويدين يازديغي «پيغمبر حاقيندا مولاحيظه لريم» آدلي مقاله سي نين بير حيصه سي 1926-جي ايلده «دبي پارچالار» مجموعه سينده، او بيري حيصه سي ايه «مااريف و مدنيت» درگيسينده (1926، № 9، 10، 11) چاپ اولونموشدور. مقاله ده  بير سيرا تنقيدي مولاحيظه لريله برابر جاويدين بير عوثمانلي ادبياتي دستپرورده سي، بير آذربايجانلي بالاسي اولدوغو گؤستريلير، اونون مؤحتشم و بؤيوک مؤوضولار اوزرينده  دوشوندويو وورغولانير. جاويدين «پئيغمبر» پيئسيني ياراتماسي ايله حاضيرکي عصرين حاقيقي بير اوغلو اولدوغونو ايثبات ائتديگيني ايفاده ائديردي. 

  اثر حاقيندا تنقيدي موحاضريله لريني ده سؤيله ين حنفي زئيناللي «ايبليس»، «شيخ صنان» کيمي خاليص رومانتيک، «جانلي و مهارتلي» بير اثر يازان شاعيرين «پيغمبر»ي نين ضعيف طرفلريني تنقيد ائتسه ده، «جاويدين ياراتديغي ديل و اوسلوبون «آذربایجانداکي شاعير و اديبلريميز اوچون ده ان موستثنا، ان ظريف و نارين ديل» اولدوغونو، بو ديلين تاثيريله ياراناجاق آذربايجان تورک ادبياتي نين امثالسيز اثرلر مئيدانا گتيربيله جگيني، بونون دا جاويدين آذربايجان ادبياتينا ان بؤيوک خيدمتلريندن بيري ساييلاجاغيني يازميشدي (باخ: «جاويدي دوشونورکن». باکي، 1982، ص. 14-50). 

  يوخاريدا قئيد ائديلديگي کيمي، 1920-1930-جو ايللر آراسيندا آذربايجان درام تئاتريندا حسین جاويدين «شئيخ صنان» درامي دفعه لرله تاماشايا قويولموشدو. تاماشا حاقيندا دؤورون مطبوعاتيندا بير سيرا يازيلار يايينلانميشدير. بو ايللرده تنقيدچي مممد کاظیم علي اکبر لي، موصطافا قولييئو و باشقالاري مقاله لرينده حسین جاويد ياراديجيليغيندان، اونون صنعتکارليق خوصوصيتلريندن بحث ائديرديلر (باخ: «اپرئل ادبياتي»، «اينقيلاب و مدنيت» مجموعه سي، 1935، № 10-12. М.Кулийев. «وктябрь и тюркскاя литерاтурا» (روس ديلينده. باکي، 1930، ص. 33). 

  مممد کاظیم علي اکبر لي مقاله سينده آذربايجان ادبياتي نين اينکيشاف يوللاريندان بحث ائدرکن حسین جاويدين ده يارايجيليغينا توخونوب، اونون «شئيخ صنان» اثري نين قييمتلي بير اثر اولدوغونو قئيد ائديردي. موستافا قولييئو ايسه جاويدين فلسفي گؤروشلرينه تنقيدي ياناشسا دا جاويدين صنعتکارليق خوصوصيتلريني يوکسک قييمتلنديره رک، بو بؤيوک سؤز اوستاسي نين شعرلري نين موسيقيليگي و گؤزلليگي اعتيباريله پوشکين شعريني  خاطيرلاتديغيني دا يازيردي.  

  ح.جاويدين  ياراديجيليغي 1930-جو ايللرده مئهدي حسینين (1909-1965)، ميرزه ايبراهيمووون (1911-1993) ادبي-بديعي مقاله لرينده تهليل ائديلميش و قييمتلنديريلميشدير (باخ: «Ревوльюция и культурا» مجموعه سي، 1931، № 1،ص. 26، «دبيات و اينجه صنعت» قزئتي، 5 دئکابر 1958-جي ايل، «کوممونيست» قزئتي، 23 آپرئل 1933-جو ايل). 

  سونراکي ايللرده گؤرکملي ادبياتشوناس عاليملريندن مممد عاريف، عاريف داداشزاده، مممد جعفر جعفروو، مير جلال پاشايئو، جعفر خندان حاجييئو. علي سولطانلي حسین جاويدين اثرلري حاقيندا قييمتلي فيکيرلر سؤيله ميشلر (باخ: «آذربایجان» ژورنالي، باکي، 1962، ص. 7، م.عاريف «آذربایجان ادبياتي نين يوکسه ليش دؤورو». باکي، 1957، ص. 22، «معاريف يولو» مجموعه سي. ماهاچقالا، 1928، № 12 (45)، «ادبيات و اينجه صنعت» قزئتي، 26 اوکتيابر 1957-جي ايل).  

  1953-جو ايللردن باشلاياراق ه.جاويد حاقيندا داها چوخ يازيلماغا باشلانميش، علمي اينجلمه لر وئريلميشدي.  نئچه-نئچه آذربايجان ضياليسيني «وطن خايني»، پان اسلاميست»، «پانتورکيست» آدي ايله اؤلومه محکوم ائتديرن استالينين اؤلوموندن سونرا (1953) بير چوخ ضياليلار کيمي «برات آلان» ح.جاويدين اثرلري ياواش-ياواش نشر ائديلمه يه، حاقيندا اوبيئکتيو فيکيرلر سؤيله نيلمه يه باشلاندي. 

  ح.جاويد اثرلري نين يوکسک صنعتکارليق مزيتلري ادبين حاقيندا بو ايللرده يازيلميش مونوقرافييا و مقاله لرده اونون آذربايجان ادبياتيندا توتدوغو مؤوع شرح اولونور،  بو بؤيوک صنعتکارين طالعيي، اونون صنعتي، اثرلري نين ماهيتي بوتون آرقومئنتلرده تحليل اولونوردو. گؤرکملي صنعتشوناس عاليم  جعفر جعفروو، آکادئميک مممدجعفر جعفروو، خالق يازيچيسي ميرزه ايبراهيموو، پروفئسسورلار علي سولطانلي، عابباس زامانوو، اکبر آغايئو، اوروجعلي حسنوو، معسود علي اوغلو و باشقالاري نين يازديغي اثرلر بونلاردان بير نئچه سيدير (باخ:  جعفر جعفروو، آذربايجان درام تئاتري. باکي، 1959، الي سولطانلي. حسین جاويدين فاجيعه لري. «جاويدي خاطيرلايارکن». باکي، گنجليک، 1982، ص. 85. مممدجعفر جعفروو. «حسین جاويدين صنعتي حاقيندا قئيدلر». «آذربایجان» ژورنالي، 1960، № 12. ميرزه ايبراهيموو. «جاويدي ياد ائدرکن. «ادبيات و اينجه صنعت»، 1982، 16 آپرئل. اکبر آغايئو. «صنعتکارليق مسله لري». باکي، 1962. اوروجعلي حسنوو. «اونودولماز صنعتکار».  «علم و حيات» ژورنالي. باکي، 1963، № 3). 

  حسین جاويدين واختيله درس دئديگي طلبه سي حکيم ديلشاد مئهدييئوا موعليمينه واختيله ائديلن غرضلي موناسيبت حاقيندا  يازير کي، «شاعيره هوجومدا فعالليق گؤسترنلرين اکثريتي اصلینده اصل ميللي مدنيتددن، ميللي ادبياتدان تاماميله اوزاق، دئيرديم کي، عقيده سي ده شوبهه لي آداملار ايدي» (باخ: «جاويدي خاطيرلايارکن». باکي، گنجليک، 1982، ص. 371). 

   حسین جاويد ياراديجيليغيني ديقتله آراشديران  پروفسور معسود عليوغلو بؤيوک اوستاد و قلم صاحيبي نين قودرتلي صنعتکار، ايستعدادلي دراماتورق اولدوغونو وورغولاياراق، بئله قناعته گليردي کي، «اگر بئله بير سوال وئريلسه کي، حسین جاويد ياراديجيليغي نين باشليجا پوئتيک معناسي و جاويد صنعتي نين فلسفي-ائستئتيک مضمونو ندن عيبارتدير؟. همين سوالا داها دقيق و دوغرو جاواب بو اولا بيلر: اينسانلاري بيرلشديرن و دوغما ائدن معنوي عاميللرين تصديقي و اونلاري بير-بيريندن آييران، يادلاشديران قورخونج احتيراصلارين اينکاري» (باخ: «جاويدي خاطيرلايارکن». باکي، گنجليک، 1982، ص. 189). 

  معسود عليوغلو «حسین جاويدين رومانتيزمي» آدلي اثرينده ايسه  ح.جاويد  رومانتيزمي نين  اساس قايه سيني ده آچيقلاياراق يازير کي، «حسین جاويدين نظرينده هميشه ايکي نؤوع اينسان دايانميشدير. بيري وارلانديقجا ميسکينلشن، خيردالانان و نجيب اينساني حسلريني ايتيرن «يوخسول زنگينلردير». ديگري ايسه ايمتييازدان، وار-دؤولت اسيرليیيندن و آلتون حريصليگيندن آزاد اولموش، قلبن زنگين يوخسوللاردير» (باخ: معسود عليوغلو. «محبت و قهرمانليق». باکي، يازيچي، 1979، ص. 192). 

  پروفسور علي سولطانلي (1906-1960) «ح.جاويدين فاجيعه لري» آدلي مقاله سينده يازيردي کي، «حسین جاويد اوريژينال طبيعته ماليک بير شاعير ايدي. اونون بير ميصراعسيني سيلمک، باشقا بير ميصراع ايله عوض ائتمک مومکون دئييلدي، حتّی ديلي نين ايملاسيني دييشديرمک بئله بؤيوک جسارت طلب ائديردي. بوتون بونلار حسین جاويدين صنعتکار ايله ياراديجيليق حاقيندا اولان گؤروشلريندن ايره لي گليردي» (باخ: «جاويدي خاطيرلارکن». باکي، گنجليک، 1982، ص. 86). 

  آکادئميک مممد جعفر جعفروو 1960-جي ايلده «آذربایجان» درگيسينده نشر ائتديرديگي حسین جاويدين صنعتي حاقيندا قئيدلر» مقاله سينده ح.جاويدين ياراديجيليغيني گئنيش تليل ائده رک، اونون اؤزونمخصوص شعر ديلي، اوسلوب خوصوصيتلريندن صؤحبت آچير: «جاويد شعرينده چوخ زامان خيال، سئوينج، کدر،  اوميد کيمي پسيخولوژي حاللار، حاق، عدالت، حاقيقت، زامان، مکان کيمي موجررد آنلاييشلار دا جانلانديريليب شخصلنديريلير». 

  گؤروندويو کيمي، جاويد دوشونن و دوشوندورن بير شاعير ايدي. او، هم رئال حياتدا گؤردوکلريني، هم ده ايدئال ساييب گؤرمک ايسته ديکلريني قلمه آلاندا هومانيزم، عوصيانکار بير روح، ميلت، حريت مسله سينه موناسيبت، تاريخي شخصيتلرين طالعي کيمي مؤوضولارا اؤزونه خاص موناسيبت بيلديريردي. بوتون بونلار 1930-جو ايللرده مورتجع مؤوقعده دايانان کوممونيست تنقيدچيلرين دييرمانينا سو تؤکور. اونلار ح.جاويدين آديني رسمي دايره لرده ده حاللانديريرديلار. اودور کي، ح.جاويد 1937-جي ايللرده آذربايجانين بير چوخ ضياليسي کيمي ستالين رئپرئسسيياسينا توش گلدي. 1937-جي ايلده او، اولجه آذربايجان يازيچيلار ايتتيفاقي نين عوضولوگوندن چيخاريلدي. سونرا ايسه حبس ائديليب سيبيره سورگون ائديلدي، طالع و اؤلوم تاريخي سونرالار بللي اولدو. 

  1982-جي ايلده هله سووئت رئژيمي حؤکم سورسه ده حيدر علييوين تشببوسو ايله اونون نعشي سيبيردن آذربايجانا گتيريلدي و دونيايا گلديگي ناخچيواندا تورپاغا وئريلدي. 

  آذربايجانين موستقيلليگي نين 1995-جي ايلده عومومميللي ليدئر حيدر علييئو ح.جاويدين مقبره سي نين و ائو موزه ئي نين ياراديلماسينا حصر ائديلميش مذاکيره لرده کي  گيريش سؤزونده: «بيليرسينيز کي، حسین جاويدين حياتي، ياراديجيليغي آذربايجان اوچون نه قدر ديرلي، اهميتلي اولوب. اونون قويدوغو ادبي-معنوي ايرث بيزيم اوچون نه قدر  اهميتلي و گرکليدير. عئيني زاماندا اونون حياتي فاجيعه لي اولوبدور. آنجاق بو فاجيعه لي دؤورلر اونون ياراديجيليغيني آذربايجان خالقي نين قلبيندن چيخارا بيلمه ييب، ياشاديبدير (باخ: حيدر علييئو. «نجيب، معنوي ايدئاللارين ترننومو». باکي: اوزان، 2000، ص. 147.) 

  بوتون جاهاني خيلاص ائده جک يالنيز ايکي بؤيوک قوووت وار «و دا گؤزلليک و محبتدن عيبارتدير» فيکريني بوتون ياراديجيليغي بويو تبليغ ائدن حسین جاويد کيمي ضياليلاري محبسه، ايشگنجه يه آپاران يولون ديکته ائدني موسکوا اولدوغونو سؤيله ميشديک. اونلاري  «خالق دوشمني»، «وطن خايني» آدلانديراراق «ميللتچي»، «تورکچو»، «تورانچي» آدي آلتيندا، سووئت حيات طرزينه آيد اثر يازماماقدا، يئني حياتي، جمعيتي مارکسيست-لئنينچي پلاتفورمادان عکس ائتديرمه مکده تقصيرلنديرمک اوچون اثرلرينه بعضي تنقيدچيلر طرفيندن دامغا ووردورولوردو. تورکيه ده تحصيل آليب تورکچولوک مفکوره سينه يييلنن حسین جاويدين  ميللي زمينده تورک دوشونجه طرزي و

 

ايسلامي ديرلري  احتيوا ائدن اثرلري سووئت رئژيمي نين قاداغان ائتديگي مؤوزولار ايدي. 

Description: جاوی  چارليق روسيياسي نين آذربايجاندا حؤکمرانليق ائتديگي 1813-جو ايلدن 1991-جي ايله قدر آذربايجاني ديديب-پارچالايان رئژيمي و 1918-جي ايلده قورولان آذربايجان دئموکراتيک جومهوريتي نين 1920-جي ايلده سوقوط ائتديرن بولشئويک ايستيلاسيني نظرده توتوراق «جاويدي محسبه آپاران يول» (باکي، 2007) آدلي اثرين مؤليفي پروفسور جلال قاسيموو يازير: «آذربایجاندا سياسي رئپرئسسييالار سووئتلشمه دن اول باشلاميشدي. بو سياسي  رئپرئسسييانين ايلک قورباني آيري-آيري فردلر دئييل، بوتؤو بير رئسپوبليکا یعنی آذربايجان دئموکراتيک جومهوريتي اولموشدور. همين جومهوريتين و ميلتين تاريخي طالعيينده رول اوينايان شخصلر اوزون مودت خالقين يادداشيندا قاباغا چکيلمه ميش، درين بير لايين، قاتين آلتيندا «دفن ائديلميشديلر» ص. 4. بؤيوک حسین جاويد ده ايستيلاچي چار روسياسي نين و سووئت رئژيمي نين رئپرئسسييا قورباني ايدي.