ايکي يوز ايلين گونئی پوئزيياسي

 

پروفسور دکتر وقار احمد 

 

19- عصر آذربايجان خالقي نين تاريخي-اجتماعی و ادبي-مدني حياتيندا يئني مئيللر اؤزونو گؤسترمه يه باشلايير. بير طرفدن 18 عصرين بيرينجي ياريسيندا آذربايجاندا موستقيل خانليقلارين يارانماسي اجتماعی-ايقتيصادي و ادبي-مدني حياتين جانلانماسينا سبب اولموشدو.  

  ايکينجي طرفدن ده 18 عصرين سونلاري، 19 عصرين اوللرينده روسييا ايمپئريياسي نين ياخين شرقده، او جومله دن ايران و زاقافقازييادا تاثيري نين گوجلنمه سي بو اؤلکهل رده آوروپا، روس معاريف و مدنيتي نين تاثيري نين گوجلنمه سينه سبب اولوردو. بو ايکي ايستيقامت کئچن عصرين بيرينجي ياريسيندا گونئی آذربايجاندا گئدن مدني-ادبي حياتين دا سجيييوي خوصوصيتلريني تعيين ائديردي. 

  18 عصرين سونلاري، 19 عصرين اوللرينده او تايلي-بو تايلي آذربايجانين تاريخي، ايقتيصادي و اجتماعی-ادبي اينکيشافي روسييا-ايران موناسيبتلري ايله باغلي ايدي. بوتون اولکي تاريخي دؤورده اولدوغو کيمي، 20 عصرين اوللرينده ده آذربايجان خالقي نين جوغرافي وضعيتي و تبيي سروتلري اونون اجتماعی-سياسي طالعييني تعيين ائدن عاميللردن ايدي. اولکي قودرتيني ايتيريب ياريمموستملکه وضعيتينه دوشمکده اولان ايارن شاهليغي ايله اؤز حربي-سياسي قودرتي نين زيروه سينده اولان روسييا ايمپئريياسي نين قانلي موحاريبه لري اساسن، آذربايجان اراضيسينده گئديردي. 

  1804-1813-جو ايل روس-ايران موحاريبه سي گولوستان موقاويله سي ايله نتيجلندي. موقاويله يه اساسن ايران داغيستانين، گورجوستانين، آبخازييانين، همچي نين باکي، قاراباغ، گنجه، شيروان، شکي، دربند، قوبا، تاليش خانليقلاري نين روسييا ترکيبينه کئچمه سي ايله راضيلاشدي. آراز چايي بويو آذربايجانين گونئی ايران ترکيبينده قالدي. هر ايکي اؤلکه نين تاجيرلري بير-بيري نين اراضيسينده سربست تيجاترت حوقوقو آلدي. 

  لاکين ايران بو مغلوبيته راضيلاشماياراق روسييايا قارشي يئني موحاريبه يه حاضيرلاشماغا باشلادي. بو موحاريبه  1826-جي1828-جي ايللرده روسييانين قطعي قلبه سي ايله قورتاردي. عابباس ميرزه نين 40 مينليک قوشونو شمکير ياخينليغيندا دارماداغين ائديلدي. روس قوشونلاري هوجومو داوام ائتديريب اي. پاشکئويجين کوماندانليغي آلتيندا ناخچيوان قالاسيني توتدولار. ايران صولح دانيشيقلارينا دايشماغا باشلاديغا مجبور اولدو. تورکمنچاي موقاويله سينه اساسن، ناخشيوان و ايروان خانليقلاري دا روسييايا بيرلشديريلدي. خزر دنيزينده روس تيجارت گميلرينين سربست حرکتي و حربي دونانما ساخلاماق هوقوقو تصديق اولوندو. 

  لاکين تورکمنچاي موقاويله سينه قدر گونئی آذربايجانلا قوزئین اجتماعی-مدني و تيجارت علاقه لري هله ده اؤز عوموميليگيني ساخلاييردي. حتّی دئمک اولاردي کي، 19 عصرين بيرينجي ياريسيندا ادبي-مدني پروسئسين عوموميليگي هله خئيلي درجه ده قاليردي. 

  گونئی آذربايجاندا اجتماعی و علمي فيکير اورتا عصر موسلمان مدنيتي زمينينده اينکيشاف ائتمکديدي. اننوي تزکيره ادبياتشوناسليغي، سیاحتنامه ژانري، ديوان اننلري اؤز مؤوقئييني ساخلاييردي.  

  19 عصرين بيرينجي ياريسيندا آذربايجان خالقي نين ادبياتي نين کؤکلري قاضي بورهانددين و شاه ايسماييل خطاي دؤورونون ادبي اينکيشافينا گئديب چيخان بير سيرا مورککب خوصوصيتلري ايله فرقله نيردي. بو خوصوصيتلرين چوخو گونئی و قوزئی آذربايجانداکي ادبي گئديشات اوچون بير شوخ جهتلردن اوموي ادبي-تاريخي و بديعي-صنعتکارليق خوصوصيتلري ايله سجيييله نيردي. 

  ادبياتين اينکيشافي نين سجيييوي خوصوصيتي اونون بيرنؤولو سجيييه سي ايله باغلي ايدي. اورتا عصرلرين فارس ادبي اننسي نين تاثيري اولاراق 13-عصردن آذربايجان ادبياتي دا اساسن شعر نؤوو اوزرينده اينکيشاف ائديردي. 

  زنگين و چوخ عصرلیک تاريخي اولان آذربايجان بديعي مدنيتي نين ايدئيا-ائستئتيک نايليتلرله سئچيلن مرحله لريندن بيري 19 عصردير. يئني تاريخي شرایطين اينيکاسي کيمي يئتيشن بو ادبيات کلاسسيک ارثين هميشياشار عنعنه لري زمينينده يارانيب اينکيشاف ائتميش، هم خرونولوژي حدودلارينا، هم سوسيال-فلسفي مضمونونا، هم ده بديعي کئيليتلرينه گؤره تامام اوريژينال و اؤزونمخصوص بير حاديثه  اولموشدور. عصرين ايلک ايللريندن اجتماعی-سياسي حياتدا باش وئرن اساسلي ديشيکليکلر، آذربايجانين شيمال حيصه سي نين روسييا طرفيندن ايشغال اولونماسي اؤلکه نين مدني حياتينا، او جومله دن ادبي-ائستئتيک فيکرين اينکيشافينا دا تاثير گؤستردي. آذربايجان ضياليلاري نين - شاعير و يازيچيلارين قربه، آوروپايا ماراغي گوجلندي. بو ايسه اؤز نؤوبه سينده بديعي ادبياتدا خلقيليگين، حياتيليگين، سوسيال پافوسون گوجلنمه سينه سبب اولدو. اونون موضو دايره سي گئنيشلندي، اجتماعی-سياسي مضمونو دولغونلاشدي. بديعي تجروبه ده تزه، اوريژينال ادبي فورما و ژانرلار ياراندي. 19 عصر ادبياتي اؤزوندن اولکي و سونراکي دؤورلرين ادبياتيندان تکجه ايدئيا- مضمون الوانليغينا گؤره يوخ، هم ده ه اَياتي بديعي اکسئتمه نين فورما و اوسوللارينا، مئتود، اوسلوب کئيفيتلرينه، بوتؤولوکده ايدئيا-ائستئتيک سيستئمينه - پوئتيکاسينا گؤره سئچيلير. کلاسسيک ادبي ژانرلار (قزل، قصيده، روباعي، موخممس) بو دؤورده گوجلو تکامول پروسئسي کئچيرير، بديعي ديل اولکي دؤورلردن فرقلنن يئني بير اينکيشاف مجراسينا دوشور. نثر، درام اوسلوبلاري، پوبليسيستيکا مئيدانا گلير. قديم و اورتا عصرلرده اولدوغو کيمي 19 عصرده ده ادبياتدا باشليجا يئري پوئزييا توتوردو. او، اوچ مهم ايدئيا-اوسلوبي ايستيقامتده داوام و اينکيشاف ائديردي: ليريکا، ائپيک شعر و رئاليست ساتيرا. بو اوچ ختدن ان قوووتليسي ليريکا ايدي. عصرين بيرينجي ياريسيندا فعاليت گؤسترميش ذاکير، باکيخانوو، واضح، نباتي، هئيران خانيم، داها سونرالار شوکوهي، بيخود، باهار، سيد عظيم، ناتوان، کمينه، ناکام، صرراف کيمي شاعيرلر اؤز اثرلرينده اينسانين معنوي دونياسي نين، طبعيي حیس و دويغولاري نين، سئوينج و هيجانلاري نين تصوير و ترننومونو گئنيش يئر وئريرديلر. اونلارين ياراديجيليغيندا محبت موضوسو خوصوصي يئر توتوردو. نيظامي، فوضولي، صايب، واقيف کيمي کلاسسيک صنعتکارلارين ياراديجيليق عنعنه لريني داوام ائتديرن 19 عصر شاعيرلري اينسان حياتيندا محبتين رولونو يوکسک قييمتلنديرير، اونا درين فلسفي معنا وئريرديلر1.  

  20 عصر گونئی آذربايجان ادبي پروسئسي 19عصرين سونلاريندا آيدينلاشان عومومي بير تئندئنسييا داوام ائتديرير.تبريز ادبي موحيطي ايکي منبعدن-باکي و تورکييه ادبي موحيطيندن پارالئل اولاراق تاثيرله نير. البتته، بو تاثيرده باکي نين پايي معلوم سببلره گؤره داها اوستوندور. 

  1905-1920-جي ايللرده گونئی آذربايجاندا ميللي مدنيتين و شعوورون فورمالاشماسي باکي نين آپاريجي تاثيري آلتينا دوشور. بو تاثيرين اساس منبعيي ايسه روس ايمپئريياسيندا گئدن حاديثه لر_بيرينجي روس اينقيلابي، روسييادا کونستيتوسييا، پارلامئنت، آزاد بورژوا مطبوعاتي نين اورتايا چيخماسي ايدي. روسييادا يارانان اينقيلابي نظريييه لر، سوسيال-دئموکرات و بولشئويک تشکيلاتلاري، سوسياليزم، آزادليق و بوتون ايراندا ياييليردي.1905-1911-جي ايللرين مشروطه اينقيلابي بوتون ايران ميقياسيندا بو تاثيرين نتيجه سي ايدي. لاکين فاکتيکي قاليب گلميش اينقيلاب خاريجي دؤولتلرين، خوصوصيله روس چاري نين موداخيله سيندن سونرا ايرتيجا قوووه لرين رئوانشي ايله نتيجلندي. 

  بو دؤورده روسييا و باکي تاثيرينين ان قودرتلي عاميلي 1918-جي ايلده آذربايجان دئموکراتيک جومهوريتي نين يارانماسي اولدو. رسمي تهران بو حکومته دوشمن موناسيبت بسلسه ده، ايرانين قاباقجيل آداملاري، معاريفچيلر اونون تاريخي معناسيني آنلايير و اونا رغبت بسله ييرديلر. نتيجه ده، ايراندا دئموکراتيک جومهوريتين تاثيري ايله شئيخ محمد خياباني نين آزاديستان رئسپوبليکاسي مئيدانا چيخدي. شئيخ محمد آذربايجانين بؤيوک وطنپروري، هم ده ايرانين بوتون خالقالريني سئون بير آدام ايدي. او، بيرپارتييالي بولشئويک اينقيلابي نين ايران موحيطينه اويغون واريانتيني ياراتماق، لاکين مارکسيزمي دينله عوضله مک ايسته ييردي. ميثيلسيز ايراده يه و عاغيلا، ساده آداملارا سونسوز لوطفه ماليک اولان بو آدام هله لاييقلي تاريخي قييمتيني آلماييب، دونياگؤروشو و دؤولتي نين هدفلري تام آيدينلانماييب. 

" 1941-جي ايلين آوقوستوندا سووئت اوردوسونون ايرانا داخيل اولماسي رضا شاه رژیميني داغيتدي. او دا اؤزوندن اولکي ايران شاهلاري کيمي خاريجه قاچمالي اولدو. آذربايجان خالقي نين آزادليق و موستقيلليک مابريزه لري نين مرکزي 1946-جي ايله قدر تبريز اولدو. بو پروسئسي ايوسيف استالينين ايراندا مطبوعات، مدنيت، معاريف، کيتاب چاپي بؤيوک ووسعت آلدي، بو حاديثه لر ميللي شعورون يوکسه ليشينه، ميللي دؤولتچيليک ايدئيالاري نين ياييلماسينا سبب اولدو. شيمالداکي بولشئويک سئنزوراسي گونئیده يوخ ايدي و بو عاميل ده اورادا ميللي مطبوعاتين و پوئزييانين يوکسليشينه تکان وئريردي. نتيجه ده، گونئي آذربايجان مطبوعاتيندا، آذربايجان دئموکراتيک پارتيياسي طرفدارلاريندا ميللي غورور حيسسلري آذربايجان تاريخينده گؤرونمه ميش بير يوکسکلييه چاتدي. 2"   

  1941-1946-جي ايللر آذربايجان خالقي نين ميللي شعورو تاريخينده يئني و داها يوکسک بير مرحله  اولدو. س. ج. پيشوري  حکومتي نين داغيلماسي شيمالدا دا آغير ميللي فاجيعه  کيمي ياشاندي، ادبي پروسئسده درين ايزلر قويدو، ميللي اووقاتلارين گنجلر آراسيندا گؤرونمه ميش درجه ده آرتماسي ايله نتيجلندي. گول حسین حسين اوغلو، ايسميخان رحیم او و ديگرلري نين داخيل اولدوغو ميللي اووقاتي طلبه ادبي درنگي نين عوضولري بولشئويک رژیمي طرفيندن رئپرئسسييا ائديلديلر. 

  1947-1978-جو ايللرده گونئی آذربايجان ادبياتي تکجه فورماجا دئييل، هم ده مضمون و ايدئياجا دا اينکيشاف ائتميش، موترققي فيکيرلرين پوئتيک داشيييجيسينا جئوريلمکله اجتماعی مضمونلو پوئزييا و نثر نومونه لري ياراتماق ساحه سينده ادبي-بديعي ترققي نوماييش ائتديرميشدير.بو يگيرمي ايلليک زامان کسيگينده ادبياتين فورماجا، مضمونجا کئچديگي تکامول، خالقين ميللي وارليغي ايله باغلي ايدئيالارين ترننومو يارانان ادبي-بديعي، نثر و پوئزييا نومونه لرينده آپاريجي خطه چئوريلير. 

  گونئی آذربايجان ادبياتيندا صؤحبت آچديغيميز دؤورون ادبي منظره سينده ديقتي جلب ائدن اودور کي، بورادا آنا ديلينه و کؤکلره باغلي شخصيت آزادليغي اؤن پلانا چکيلير. دؤورون گونئی ادبياتي نين اساس آپاريجي ايدئيا خطي-لئيموتيوي وطنپرورليکدير. اورتادا اولان اثرلرده کي  باشليجا فيکيرلر، دوشونجه لر، ايدئيالار، چوخ واخت بيرباشا اولماسا دا، دولاييسي ايله وطنه، اونون آزادليغينا خيدمت ائدير. گونئی ادبياتي نين توخوندوغو ديگر پروبلئم سئوگي آزادليغيدير. دؤوروندن، عصريندن، تاريخي شرایطيندن آسيلي اولماياراق هئچ واخت آکتوالليغيني ايتيرمه يهن بير موضودور . 

" تدقيقاتلار بير داها گؤسترير کي، سئچيلن موضولار، ايره لي سورولن موترققي، دئموکراتيک ايدئيالار يالنيز يوکسک پوئتيک، حيات حقیقتلرينه صاديق قالان قودرتلي صنعتکارليق خوصوصيتلري و پارلاق فورما ايله بيرلشديگيندن ايران اينقيلابلارينا پروقرام سندي، گله جک ادبياتا اؤرنک اولا بيلميشدير.3 "    

  1947-1978-جو ايللر گونئی آذربايجان تاريخينده ضيديتلي بير دؤوردور. بو ايللرده اينگيليس-آمئريکان بيرليگي نين جنگينه کئچن ايران آغ اينقيلاب شوعاعري ايره لي سوروردو. گويا ايرانين موعاصيرلشمه سيني ايسته ين حاکيميتين بو سيياستي بير خيال ايدي. چونکي، بوتون حاکيميت و قانونلار بير شخصين ايراده سيندن آسيلي ايدي. بو خيالي  " ايصلاحاتلار "  1978-1979 –جو ايللر ايران ايسلام اينقيلابي نتيجه سينده داغيلدي. 

  شاهنشاهين قربه سؤيکنن قانلي سيياستي گونئی آذربايجان خالقينا قارشي آپاريلان غدار، شووينيست سيياستله، گونئیده 1946-جي ايلين 12 دئکابريندا دئوريلميش ميللي حکومتين فاللارينا قارشي تؤره ديلن تئررور سيياستي ايله تزاد تشکيل ائديردي.  " اصلینده س. ج. پيشوري نين رهبرليگي ايله قورولموش حکومتين فعاليتينه قارشي موباريزه رئال فاکتورلارين تحلیلي اوزرينده يوخ، اورتا عصر قيصاصچيليغي نين وحشي منطيقي ايله آپاريليردي 4" . (ر. علیو) 

  هم تورک، هم ده فارس کؤکملي مأمورلار، فئوداللار و حربچيلر بو موباريزه نين اؤنونده گئديردي. اونا گؤره ده گونئیلیلرين دئموکراتيک حرکاتينا قارشي، اونون نتيجه لري نين آرادان قالديريلماسي اوغروندا موباريزه سينفي خاراکتئر داشيييردي5.  

  1946-جي ايل دئکابرين 11-ده استاندار سلام الله جاويدين و مجليس صدري م. شبوستري نين ايمضاسي ايله شاها و قوواما وورولان تئلئقراملاردان سونرا تبريزده دئموکراتلارا قارشي اؤنجه دن سسئناري حاضيرلانميش قانلي تئررور باشلاندي. بو سويقيريم-تئررور تهراندا شاه طرفيندن حاضيرلانميشدي. شاه ر.پهلوي همين عرفه ده اي. استالينله آبش (آمریکا بیرلشمیش ایالتلری) پرئزيدئنتي آراسينداکي گيزلي سؤودلشمه دن خبردار ايدي. بو آنلاشمايا گؤره اي. ستالين بين الخالق عالمده، ديگر اراضيلرده گؤروشلر، ايمتييازلار قازانماق شرطي ايله گونئی آذربايجاندا اؤز تاثير دايره سيندن ايمتيناع ائديردي. س.جاويدين، م. شبوستري نين ايمضاسي ايله 11 دئکابر ايران شاهينا وورولان تئلئقرام س س ري- نين قوزئی ايراندان ايمتيناعسي فاکتيني ثوبوت و تصديق ائدير. 

  ايرانين باش ناظيري احمد قووامين سووئت حکومتي ايله 1946-جي ايلين فئورال-آپرئل آيلاريندا باشلاديغي موقاويله لر باش توتمادي. تاريخي سندلره ايستيناد دئيه بيلريک کي،  " سون نتيجه ده 1947-جي ايلين ياييندا ايرانين خو چاغيريش مجليسي نين نوماينده لري 1946-جي ايل آپرئلين 4-ده ايراندا س س ري آراسيندا تهراندا ايمضالانميش نئفت موقاويله سيني ردد ائتدي. باشقا جور اولا دا بيلمزدي. بونونلا دا س س ري و رهبرليگي 1945-1946-جي ايللر گونئی آذربايجانين ميللي-دئموکراتيک حرکاتي  گودازا وئرمکله ايرانلا اويناديغي اويونو اودوزموش حساب اولوندو...6 "   

" ي. استالين و اونون ديپلوماتيياسي ايراندان چوخ آبش و اينگيلتره طرفيندن ايراندان و گونئی آذربايجاندان چيخاريلدي و سووئتلرين بو اؤلکه ني نوفوزو و ماليييلشديرديگي کوممونيست توده پارتيياسي اؤز مؤوقئلريني ايتيردي. 1947-جي ايلين 6 اوکتيابريندا شاه حکومتي آبش-دا حربي امکداشليق باره ده موقاويله باغلادي و سند مجليسده تله سيک تصديق ائديلدي.7 "   

  گونئی آذربايجان دئموکراتيک حکومتين قوروب-ياراتديغي مدني-معاريف اوجاقلاري، مکتبلر، تئاترلار، دؤوري مطبوعات، فلارمونييا باغلاندي. ايران اوسولي ايداره سي گئرييه، فئودال-پاتريارخال دوشونجه يه قاييتماغا باشلادي. ايران فورمال اولاراق کونستيتوسييالي مونارخييا دؤولتي ايدي. قانونلار ايشلميردي. ساواک حاقي دئينلره قولدارليق و فئودال دؤوروندن قالما ايشگنجه لر وئريريدي. خالقين ايقتيدارا قارشي نيفرتي گئت-گئده کسکينلشيردي و نتيجه ده ايسلام اينقيلابي نين باش وئرمه سي ايله شاهليق اوسولي-ايداره سينه سون قويدو. 

  1978-1979-جو ايللر ايران ايسلام اينقيلابي شاه رژیميني سوقوتا اوغراتدي. پهلوي خانداني پانيرانيزمين و شووينيزمين قورباني اولدو. .. 

  20 عصرين 1947-1978-جي ايللرينده گونئی آذربايجاندا هم اورتا، هم عالي تحصيل موسسيسه لري حال-حاضيردا اولدوغو کيمي يوخلوق تشکيل ائتميشدير. 

  ميللي حکومتين سوقوطوندان سونرا ايراندا آذربايجان ديلينده مطبوعات اورقانلاري نين نشرينه قاداغالار قويولدو. آنا ديليميده اولان کيتابلار يانديريلدي. گونئیلولارا آنا ديلينده يازماق و دانيشماق بئله ياساق ائديلدي. 

  1960-جي ايله قدر گونئی آذربايجانين ادبي-مدني حياتيندا دورغونلوق ياراندي. 1949-جو ايلده  " آذربايجان دوستلاري جمعيتي " نين گيزلي چاپ ائتديرديگي  " قيسا فولکلور کيتابچاسي "  ايستيثنا اولماقلا محمدحسین شهریارين  " حیدربابايا سالام "  پوئماسينا قدر (1954) دوغما ديليميزده اهميتلي بير اثر نشر اولونمادي. 

20 يوزيلليگين 50-جي ايللري نين سونو، 60-جي ايللريندن باشلاياراق ايران ايقتيداري نين گونئیه موناسيبتينده موعين قدر يومشاقليق حیس اولونماغا باشلادي. بير سيرا اثرلر چاپ اولوندو؛ حسن مجیدزاده ساوالانين ترتيب ائتديگي  " تورک ترانه لري " (1962)، س. جاويدين  " آذربايجان ديلي بيلگيسيندن يازي قايدالاري "  (1964)، ايکي جيلدليک  " آذربايجان فولکلور نومونه لري "  (1965)، بولود قاراچورلو سهندين  " سازيمين سؤزو " (1965)، محمد علی فرزانه نين ترتيب ائتديگي  " باياتيلار " (1965)، صمد بهرنگي و بهروزدهقاني نين ترتيب ائتديکلري  " آزربايجان افسانه لري "  (1965) کيتابلاري چاپ اولوندو. بو سياهيه م. ميشوولونون  " چپيک داستان "  (1977)، علیرضا نابدیل اوختايين  " ايشيق "  کيتابلاريني دا علاوه  ائده بيلريک... 

" محمدحسین شهریار (1906-1988) 20 عصر آذربايجان و ايران پوئزيياسي نين ان قودرتلي نوماينده لريندن بيري کيمي ياخين و اورتا شرقده بؤيوک  شؤهرت قازانميشدير.  " ديللر ازبري اولان مشهور  " حيدربابايا سالام " پوئماسي محمدحسین شهریار ياراديجيليغي نين زيروه سيدير. فارس ديلينده چوخجيلدليک ديوان ياراتماسينا و آذربايجان ديلينده يازيلميش ميللي شعرين کلاسسيک بديعي نومونه لريني ياراتماغا نايل اولماسينا باخماياراق، او داها چوخ  " حیدربابايا سالام "  ايله تانينيب شؤهرتلنميشدير. 8"   

  ايکي حيصه دن عيبارت اولان پوئما 1953-جو ايلده قلمه آلينميش، ايلک دفعه  1954-جو ايله تبريزده کيتاب حاليندا نشر اولونموشدور. پوئما مشهور خطات طاهير خوشنويسين خطي ايله يازييا کؤچورولموشدور. 

  قوزئی آذربايجاندا ايسه ايلک دفعه  1958-جي ايلده پروفسور حمید محمدزاده نين  " ادبيات و اينجه صنعت " قزئتينده درج ائتديرديگي  " شهریار تبريزي "  آدلي مقاله سيندن سونرا ايراندا قودرتلي بير تورکديللي شهریارين دا وارليغيندان خبر توتدولار. 

" حیدربابايا سالام "  پوئماسي 1966-جي ايلده آذربايجان اوخوجوسونا چاتديريلير.9 (ترتيب ائدني ق. بئقدئلي) 

 تورکييه ده " حیدربابايا سالام "  پوئماسي نين ياييلماسيندا ايلک آدديمي موهاجيرتده اولان آزربایجانين قوروجوسو محمد امین رسولزاده آتميشدير. آنکاراداکي آذربايجان درنگي نين اورقاني اولان  " آذربايجان "  ژورنالي پوئماني درج ائده رک يايير. 1955-جي ايلده ايسه  " حیدربابايا سالام "  حاقيندا ايلک علمي آراشديرما ساييلان و  " آذربايجان "  درگيسينده چاپ اولونان  " ادبي بير حاديثه  "  آدلي مقاله نين مؤليفي گؤرکملي اجتماعی خاديم، اديب محمد امين  رسولزاده اولموشدور. قئيد ائتديگيميز مقاله سينده م. ا. رسولزاده يازير:  " شهریار هئچ بير مکتبين تاثيرينده دئييلدير. اونداکي اينجه معنالارين هاميسي و ياراديجيليغينداکي سئويملي اوسوللار يالنيز اؤز دويغوسو و قودرتلي تفککورونون محصولودور. بو خاروقه اثرين آذربايجان ادبياتيندا بير حاديثه  تشکيل ائتديگي، بيزجه، شوبهه سيزدير10 " .  

  حیدربابا، ايلديريرملار شاخاندا، 

  سئللر-سولار شاققيلداييب آخاندا، 

  قيزلار اونا صف باغلاييب باخاندا، 

  سالام اولسون شؤوکتيزه، ائليزه.  

پوئمادا حسرتله ياد ائديلن حیدربابا داغي، خوشگيناب، شنگيلان، قورو گؤل، قاراچمن کيمي توپونيميک معنالار بؤيوک معنادا وطنين ترکيب حيصه لري، عوموميلشديريلميش رمزلردير.  " حیدربابايا سالام " داکي حسرت-وطن حسرتي،ائل-اوبا حسرتيدير. عوموميتله، بو اثر وطنه محبت آشيلايان، وطن سئوگيسيني ترننوم ائدن وطنپرورليک داستانيدير. 

  عوموميتله،  " حیدربابايا سالام "  پوئماسي ميللي ادبياتيميزين اوجا زيروه ده دوران ياراديجيليق اوغورودور. 

  سلام الله جاويد(1900-1988) تبريزين خالخال بؤلگه سي نين نيروو کندينده کاسيب بير عاييله ده آنادان اولموشدو. ايبتيداي تحصيليني موللاخانادا آلان سلام االله ین عاييله سي باکي شهرينه کؤچموشدو. باکيدا  " اتحاد "  مکتبينده تحصيل آلان سلام االله اوخويا-اوخويا 1918-جي  ايلده  " تمدن "  مکتبينده درس ده وئريردي. گيمنازيياني بيتيرديکدن سونرا  باکيدا تيبب اينستيتوتوندا تحصيل آلير. سونرا ايسه تهران طيبب اونيوئرسيتئتينده تحصيليني داوام ائدير. دوکتور سلام الله جاويد 1929-جو ايله کيمي باکيدا ياشاييب. بير نئچه ايل تهراندا دؤولت سيغورتا ايداره سينده ايشله ييب. ايران کوممونيست پارتيياسي نين عوضوو اولوب، کوممونيست فاليتينه گؤره بير نئچه ايل (1931-1941) حبسده ياتيب. تبريزده کي  دئموکراتيک هتکات باشلايان زامان 1945-جي ايلده  آذربايجانا گليب. 11

  فيلولوگييا ائلملري دوکتورو رهيم علیو يازير:  " آذربايجان ديلي و فولکلورو ايله باغلي پروبلئملر باره ده فارس ديلينده يازان مؤليفلردن بيري ده سلام الله جاويددير. او، سيد جفر پيشوري ايله بير کنددن خالخالين زاوييه سيندن ايدي و ميللي حرکات زاماني اونون ياخين سيلاحداشي، ميللي حکومتين داخيلي ايشلر نازيري اولموشدو. اونلار باکيدا بير مکتبده اوخوموشدولار و اوزاق قوهوم ايديلر. سووئت قوشونلاري 1946-جي ايلين ماييندا ايراني ترک ائتديکدن  سونرا گونئی آذربايجاندا تهرانين مووککيلي تعيين اولونموشدو و بو زامان پيشوري ايله اونون موناسيبتلري خئيلي درجه ده پوزولموشدو. شوبهه سيز کي، دوکتور جاويد 1946-جي ايلين مارت-آپرئل آيلاريندان باشلاياراق ي. استالينله آبش آراسيندا ميللي حکومتين طالعيي باره ده گئدن گيزلي دانيشيقلاردان، آلوئردن خبردار ايدي. بو آلوئر ميللي حکومتي و س. ج. پيشوريني تهرانا ياخين  " امکداشليغا "  تکيدله سوروکله ييردي. او زامان سلام الله جاويد ده امکداشليغا  " موقاويمت "  گؤسترمه مک مؤوقعيينه کئچميشدي، وضعيتدن چيخماق اوچون اؤزونه ايشيق اوجو قويموشدو. ميللي  حکومتين سوقوتو زاماني سلام الله جاويد قان تؤکولمه سي نين قارشيسيني آلماق اوچون تهرانلا تبريز آراسيندا باريشديريجي بير مؤوقع توتموش و نتيجه ده موختاريت حرکاتينن ديگر رهبرلريندن فرقلي اولاراق سرت جزايا معروض قالماميشدير 12"    

  ميللي حکومت دئوريلديکدن سونرا س. جاويد تهران ياخينليغيندا موعين مودت ائو دوستاغي اولور. سونرالار کئچميش حرکات دوستلاري نين ادبي مجليسلرينده ايشتيراک ائديردي. 

س. جاويدين اوغلو اونون  " خاطيره لري 13"  ني باکيدا چاپ ائتديرميشدير. ايراندا ايسه جاويدين فارسجا و آنا ديليميزده يازديغي اجتماعی-سياسي، ادبياتا،فولکلورا آيد و خاطيره لريندن عيبارت 17 کيتابي چاپ اولونموشدور. 14 

ديليميزين قورونماسي، فولکلوروموزون توپلانماسي، تبليغي ساحه سينده خيدمت گؤسترميش ادبياتشوناسلاردان بيري ده یحیی شیدادير. (1924-2011). 

تبريزده دونيايا گؤز آچان یحیی نين آتاسي يوزباشي لقبلي چرندابي ستارخان حرکاتي نين ايشتيراکچيلاريندان اولموشدور. 

کلاسسيک ادبي ارثي، فارس و عرب ديللريني موکممل بيلن یحیی شیدا فارسجا و تورکجه شعرلر يازميشدير. اونلارلا کيتابين مؤليفي و ترتيبچيسيدير. 

پهلوي رژیمي دؤورونده سياسي سببلر اوزوندن دايم تقيب و حبس اولونموشدور. اونون شعر کيتابلاريندان باشقا رومانلاري و آراشديرمالاري دا چاپ اولونموشدور. او، ايرانداکي بير نئچه آذربايجان شاعيري نين، او جومله دن محمد فوضولي نين، صاحيب تبريزي نين، مؤجوز شبوستري نين،  ماراغايي نين،  موللا ولي ويدادي نين،  اکبر جامالي نين، ديوانيني نشر ائتديرميشدير. اوچ جيلدليک  " ادبيات اوجاغي15 "   توپلوسونون مؤليفيدير. 

  یحیی شیدا 2011-جي ايلده تبريزده وفات ائتميشدير 

  1947-1978-جو ايللرده ده اننوي اولاراق گونئیدا دا پوئزييا ديگر ادبي ژانرلارا نيسبتن داها بؤيوک ترققي يولو کئچدي. شعرين داها لاکونيک، کوتلوي ژانر اولماغيندان ايره لي گلن بير سبب وارديسا، ديگر سبب معلومدور کي، شعرله بوتون شرق اؤلکه لرينده اولدوغو کيمي ايراندا دا عنعنه وي شکيلده اجتماعی رايه تاثير ائتمگين داها آسان اولماسي ايدي. گونئیدا هئچ بير زامان بديعي تفککورله علمي تفککور 1947-1978-جي ايللرده کي  کيمي ياخين اولماميش، بيرليکده بو درجه ده چوخلاشماميشدي. داها دوغروسو، ادبياتين، خوصوصيله شعرين ايدراکي، اهميتي خئيلي آرتميشدي. آرتيق شيماللي شاعيرلر اثرلرينده کي  گورولتولو ميصراعلارين آرخاسيندا گيزلنه بيلمزديلر. شيمالدا 1953-جو ايلدن اعتيبارن  " شخصيته پرستيش دؤورو "  بيتدي، لاکين گونئیده شاه اوسول-ايداره سي قوووه ده ايدي و واحيد بير ميلتين خالق پوئزيياسيندان قايناق گؤتورن اينتهاسيز کئچميشي بير-بيرييله ياخشي معنادا پوئزييا ياريشينا گيريردي. 

  شيمالدا ع. واحيد، ص. وورغون، س. روستم، م. راحيم، ر. رضا، ن. خزري، م. ديلبازي،ب. واهابزاده، اسلام صفرلي، ع. کريم، م. آراز، خ. رضا، ج. نووروز، ت. بايرام، قابيل، ق. کاظيمزاده، ف. قوجا، ن. حسنزاده و باشقالاري، گونئیده ايسه م. شهریار، ح. ساهير، ب. ق.سهند، ح. م.ساوالان، ک.م.سؤنمز، ي.شیدا، م. بيرييا، ع. ن. اوختاي، ه. ترلان و باشقالاري، او جومله دن قوزئيلي-گونئيلي شاعيرلر م. محزون، اولدوقجا خوشمراملي قارداشليق ياريشينا گيرميرديلر. و هر ايکي طرف بير-بيريني سئوه رک، عزيزليه رک قاليب اولوردولار.  

1950-جي ايللرده ايراندا دئموکراتيک و آنتي امپئرياليست خالق حرکاتي آلوولاناندان سونرا  آذربايجان ديلينده آرا-سيرا کيتابلار نشر اولونماغا باشلادي. بئله کيتابلاردان بيرينجيسي شهریارين سونراکي دؤورده بؤيوک ادبي شؤهرت قازانميش  "  حیدربابايا سالام "  پوئماسي اولدو. اثر ال-ال گزه رک ايراندا آناديللي ادبياتيميزين، ائلجه ده ديليميزين اينکيشافينا ميثيلسيز تاثير گؤستردي. پروفسور ائلمان قولييئو يازير: " حیدربابايا سالام "  پوئماسي اوستاد صنعتکارين ياراديجيليغي نين زيروه سي، هم ده ائمبلئميدير (آرم). آذربايجان خالقي اوچون آنا لايلاسي کيمي عزيز و شيرين اولان  " حیدربابايا سالام "  پوئماسي ايراندا آذربايجان ادبياتي نين، ادبي ديلي نين، بديعي ديل ايمکانلاري نين، گئنيش معنادا ايسه زنگين تاريخي نين و بو گونونون تصديقي باخيميندان خوصوصيله خاراکتئريکدير 16" .   

  دونيا ادبياتي نين کلاسسيکلري، پوئزييا کوريفئيلري حافظ و فوضولي ايله موقاييسه اولونا بيلن سئوگي شعرلري، فلسفي- حيکمت آميز قصيده لر، ليريک پوئمالار يازماقلا شهریار ايران ادبياتي نين ان يوکسک زيروه سينه اوجالير.  " شهریار کلاسيک شعرين بوتون ژانر، نؤو و شکيللرينده قلميني سيناميش، فارس و آذربايجان ادبياتيني يوکسک مضمونلو قزل، قصيده، مثنوي، دوبئيتي، قطعه و روباعيلرله زنگينلشديرميشدير17 "  .  

  1947-1978-جو ايللرده يازيب يارادان شاعيرلر، آرتيق اودلو-آلوولو، طلاتوملو، بورانلي، آنلاري ياشاميشلار. اودور کي، اونلار اؤز سلفلريندن بهره له سنلر ده، اونلاري تکرار ائتمه يه ايختييارلاري يوخ ايدي. چونکي همين شاعيرلر کئچميش ايللردن، آيلاردان نتيجه چيخارمالي، پوئزييايا يئني نفس، يئني طراوت گتيرمه لي، قلبي ايستيقلال، آزادليق آرزوسو ايله آليشيب يانان آذربايجان اوخوجوسونو ماراقلانديرمالي، اونو اؤزونه جلب ائتمه لي ايديلر. زامان بو نسلين بوينونا چوخ آغير يوک قويموشدو. اونلار نينکي گونئی، عئيني زاماندا عوموم آزربايجان ادبياتينا تزه آب-هاوا، يئني فيکيرلر، اوبرازلار، طراوتلي تصوير و ايفاده واسيطه لري گتيرمه لي، خالقين طالعييني، دويغو و دوشونجه لر عالميني اؤز اثرلري نين اساس موتيوينه چئويرمه لي ايديلر.دؤورون آپاريجي شاعيرلري اولدوقجا مسئوليتي و آغير وظيفه ني اوغورلا يئرينه يئتيرميشلر و زامانين نبضيني توتاراق، 50-60-جي ايللره قدر باش وئرن سياسي-اجتماعی حاديثه لري پئشکارليقلا پوئتيک ميصراعلاردا، پروزايک سطيرلرده عکس ائتديرميشلر. 

  عئيني زاماندا دوغما خالقين عادت-عنعنه لريني، ميللي ديرلريني، ميللي خوصوصيتلريني،  نجيب صيفتلريني، قديم تاريخيني و مدنيتيني بؤيوک بير سئوگي ايله ترننوم ائتميشلر. 

  1947-1978-جو ايللرده ياشاييب يارادان شاعيرلرين اثرلرينده بو جهتلر داها پارلاق شکيلده اؤزونو نوماييش ائتديرمه يه باشلاميشدي. بئله کي، بو صنعتکارلار هله ده بار-بار باغيران شاه رژیمي نين بوتون تضييقلرينه باخماياراق آذربايجانچيليق ايدئيالاري ايله چيخيش ائتمکله ياناشي، محض آذربايجان خالقينا آيد اولان عادت-عنعنلري اؤزلري نين اولدوقجا ديرلي اثرلرينده پارلاق منظره لرله و جانلي لؤوحه لرله يوکسک پوئزييانين ديلي ايله عکس ائتديرميشلر.  

معلوم اولدوغو کيمي، بو دؤور حبيب ساحيرين، ميرمهدي اعتيماد، هاشيم ترلانين، سؤنمزين، ساوالانين، سهندين، امير خوسروو دراینين، محمدلي محزونون، ايران و آذربايجانين، بؤيوک شاعيري شهریارين، آشيق حسین جاوانين، یحیی شیدانين، موظفر ديرفشي نين، فيرودين حاصارلي نين، حسین دوزگونون، گنجعلي صباحي نين و باشقالاري نين ياراديجيليغي نين ان پارلاق دؤورودور. محض بو دؤورده ليريک-ائپيک شعرلر، سون درجه زنگين پوئزييا نومونه لري مئيدانا گلميشدير. 

  محض بو دؤورده گونئی شاعيرلري نين ياراديجيليغيندا يوکسک صنعتکارليقلا زنگين، ائموسيونال ديلله يازيلميش شعر عرصه يه گلميشدير.گونئی آذربايجان شعرينده تاريخي-ميللي زمينده اينکيشاف، عنعنه  و نوواتورلوق داها قاباريق داها پارلاق بير شکيلده اؤزونو گؤسترمه يه باشلادي. بو دؤور گونئي آذربايجان پوئزيياسيندا شيفاهي خالق ياراديجيليغي روحوندا، آشيق شعري عنعنلري اوزرينده کؤکلنن ساده و آخيجي ميصراعلار، بنزه سيز دئييم طرزي گونئیلی شاعيرلريميزين روبابي اوچون شوخ سعجيييويدير. اونلار دويغولاريني دوغما ديليميزده سون درجه طبعيي و صميمي ايفاده ائديرديلر. 

  1947-1978-جو ايللردن بو گونوموزه قدر يازيب-يارادان شاعيرلردن بيري ده کريم مشروطچي سؤنمزدير.(1928) او، پيشوري حکومتي نين فعاليتينده ايشتيراک ائتميشدير. ايختيصاسجا حوقوقشوناسدير.  " وارليق "  ژورنالي ياراناندان اونونلا امکداشليغي بو گونجن داوام ائتديرير. شهریار و سهندله ياناشي سؤنمز ده گونئي آذربايجان ادبياتي نين گؤرکملي سيمالاريندان بيريدير.  

سؤنمزين اثرلري فلسفي توتوملوغو، مضمون و معنا گؤزلليگي نين فورماگؤزلليگي ايله عوضوي صورتده وحدت تشکيل ائتمه سي دايم ديقتي جلب ائدير، اوخوجونو دوشونمه يه سؤوق ائدير، گئرجکليگي، تاريخي حقيقتلري درک ائتمه سينده يارديمچي اولور. فلسفه و صنعت اثرلري نين قارشيليقلي علاقه سيني ضروري ائدن اساس جهت ايسه اونلارين گئرچکليگي درک ائتمک اوسولونداکه عوموميليکله باغليدير. ياراديجيليغينا اساسن فلسفي عوموميلشمه لر خاص اولان سؤنمز گونئيلي-قوزئيلي موعاصير عوموم آزربايجان پوئزيياسيندا اوزونه مخوص ياراديجيليق دستخطي اولان صنعتکاردير.18  

  شهریار ايستر سهند، ايستر سؤنمز و بير چوخ 1978-1979 جو ايللرده ادبي فعاليت گؤسترن شاعيرلر اؤز سلفلري کيمي هر ايکي ديلده اولدوقجا موکممل بيلييه ماليک ايديلر و هر ايکي ديلده اولدوقجا ديرلي جواهيرلر مئيدانا گتيرديلر. البتته، بير تورک اوغلو تورک اولان آذربايجانلي شاعيرلرين داها چوخ تورک ديلينده مئيدانا گتيرديکلري اثرلري تحلیل ائله ييريک. 

سهند (1926-1979)  "سازيمين سؤزو " پوئماسيندا خالق ياراديجيليغي عنعنه لري نين بير نئچه فورماسيندان ايستيفاده ائتميشدير. سهند شعري نين مووفقيتيني تمين ائدن جهتلردن بيري شاعيرين  يئرلي-يئرينده ايشلتديگي پوئتيک فورمالاردير. سهند اونو مشغول ائدن، دوشوندورن، نيفرت و محبتينه، کدر و سئوينجينه سبب اولان مسله لري هميشه الوئريشلي پوئتيک فورمالاردا وئرمه يه چاليشميش، بو  ساحه ده کي  آختاريشيني هئچ واخت دايانديرماميشدير. فولکلورا و کلاسسيک ادبياتا موناسيبتده ان دوغرو مؤوقع توتان، عنعنه  نين رولونو چوخ دوزگون باشا دوشن، نوواتورلوغو لاييقينجه قييمتلنديرن شاعير ايستر شيفاهي خاقل شعري نين، ايسترسه ده کلاسسيک پوئزييانين پوئتيک فورمالارينا هميشه حساسليقلا ياناشميش، بونلاردان چوخونو: قوشما، گرايلي، باياتي، اوخشاما، مثنوي، اوچلوک، دؤردلوک (مربع)، سککيزليک ، ترجيحبند، ترکيبند، موسترادجه س. فورمالاري پوئزيياسيندا ايشلتميشدير. سهند يازير: 

  قارغيش زمانه نين قانونلارينا، 

  قارغيش اورکلري آييرانلارا، 

  قارغيش اينسانلاري قفسه ساليب، 

" بشر حوقوقوندان "  دم وورانلارا. 19 

" 1984-جو ايلده آذربايجان س س ر-ده  " يازيچي "  نشرياتيندا سهندين  " سازيمين سؤزو "  (254ص.) آدلي کيتابي ايشيق اوزو گؤرور. فيلولوگييا علملري ناميزه دي روقييه قمبرقيزي نين ترتيب ائديب چاپا حاضيرلاديغي نشره اؤن سؤز و  " ددمين کيتابي " نين ايلک آلتي بؤلومو ايله ياناشي بير نئچه شعري ائلجه ده منظوم مکتوبلاري داخيل ائديلميشدير. سوندا چتين باشا دوشولن سؤزلرين لوغتي وئريلميشدير. کيتاب سهندين همين دؤورده سووئت آذربايجانيندا تانيديلماسي و ياراديجيليغي نين تبليغي باخيميندان بؤيوک اهميت کسب ائتسه ده، بعضي قوصورلاردان دا خالي دئييلدي. بئله کي، هئچ بير ايضاحات وئريلمه دن بعضي شعرلرين ايختيصارلا درج ائديلمه سي، ايکينجي و اوچونجو ارمغانلارين کيتابا داخيل ائديلديگي حالدا بيرينجي ارمغانا يئر وئريلمه مه سي بو باخيمدان خوصوصيله ديقتي چکير، اوخوجودا موعين سواللار دوغورور 20" .  

گونئی آذربايجان پوئزيياسي نين اوزون ايللردن بري داوام ائديب گلن زنگين تجروبه سي ايله دؤنه-دؤنه تصديق ائديلميشدير کي، صنعتکارين وطنداشليغي خالقين کئچميشينه، ميشتينه، ميللي ديرلرينه باغليليغيندا، خالق عادت-عنعنه لرينه اساسلانماسيندادير. اسل شاعيرين اؤزونون، اؤز داخيلي عالمي نين ايفاده سي محض بو زمينده خالقين مالي اولور، ادبياتين تاريخينده ياشايير، صنعتکارين اؤزوندن سونرا دا اينسانلارا خيدمت گؤسرمکده اوجا زيروه لره سسله مه يه داوام ائدير. 

1930-جو ايلده اردبيل شهري نين ياخينليغيندا ساوالان داغي نين اتگينده يئرلشن نير قصبه سينده دونيايا گؤز آچميش حسن مجيدزاده ساوالان  محض بو چور صنعتکارلارداندير. 

اينقيلاب دؤورونده  " دده قورقود " ،  " وارليق " ،  " فروغ آزادي "  ( " آزادليق ايشيغي " ) ژورناللاريندا اثرلريني مونتظم اولاراق چاپ ائتديرن ساوالان گونئي آذربايجان پوئزيياسيندا سياسي ليريکانين ان گؤرکملي نومايندله ديندن بيريدير. اونو دا قئيد ائتمک لازيمدير کي، 1977-1978-جو ايللر گونئي آذربايجان شعري نين سياسي-ايدئولوژي سويييه سي نين قوووتلنديگي بير دؤور ايدي.  

ساوالان شعري نين تاثيري اونون پوئتيکاسيندادير. اساسن فولکلور موتيولري اوزرينده يارانميش رئاليست فاکتورا، مقام، فيکير باشلانغيجي، معنوي-اخلاقي ديرلنديرمه ساوالان شعرينه بديعي مضمون کسب ائدير. 

ساوالان شعري مقامدان دوغولور، بير ياندان ياشاديغي زمانه نين خيرداليقلاريني ييغيب منينده عکس ائتديرير، ديگر طرفدن هر آن بو سويييه ني آشماغي، اوندان يوکسکده دورماغا، معنوي اوجاليغا سسله يير: 

  کيشيلرده قان اولسون، 

  دين اولسون، ايمان اولسون. 

  آناديلي آدي گلدي، 

  جان اونا قوربان اولسون.21   

ساوالان اؤز فيکيرلريني گئنيش اوخوجو کوتله سينه آسان چاتديرماقدان اؤترو زنگين خالق ياراديجيليغي خزينه سيندن گئنيش صورتده ايستيفاده ائتميشدير. شاعيرين  " آپاردي سئللر ساراني "  پوئماسي ايسه دئييلنلره  ان پارلاق ثوبوتدور. فولکلور موتيولري شوبهه سيز کي، شاعيرين اوبرازلي ترننوموو داها دا درينلشديرميش، اونا اجتماعی مضمون وئرميشدير.     

داها دوغروسو بوتون ايران خالقي نين، او جومله دن، بو ايللرده يازيب يارادان گونئی آذربايجان شاعيرلري نين پوئزيياسيندا شاها قارشي قارشيسي آلينماز بير عوصيان واردي. بو عوصيانکارلارين اؤنونده، اؤزو ده تک پوئزييانين ديلي ايله دئييل، فيزيکي وارليغي ايله خالقين آزادليغي، ميللي ايستيقلالي، آزادليغي اوغروندا هر عذابا قاتلاشان، جمعيسي 28 ياشيندا ايکن محمدرضا شاهين جللادلاري طرفيندن وحشيجه سينه قتله يئتيريلميش علیرضا نابديل اوختاي دا واردي. اوختايين وطنپرور اولماغي چوخلاريندا حئيرت دوغوروردو. 

دانيلماز بير حقیقت واردير. وطني، تورپاغي حقیقتن سئون اينسانلار حؤکمن وطن، تورپاق، خالق اوچون لازيملي بير ايش گؤرورلر. بعضيلري ايسه علیرضا نابديل اوختاي کيمي قانييلا، جانييلا، قلمييله وطنه اينتهاسيز سئوگيسيني بيلديرير. بو جور اينسانلار دايم خالقين قلبينده ياشاييرلار و ياشاياجاقلار. 

هاشيم ترلان (1923-2014) باکيدا گونئیلو فهله عاييله سينده آنادان اولموش، ايلک تحصيليني بورادا آلميشدير. ترلانين عاييله سي اصلا گونئی آذربايجاندان اولدوغو اوچون، 1938- جي ايلده اونلار ايرانا کؤچوب سراب شهري نين ياخينليغيندا، آتا-بابا يوردلاري اولان زنگيلوبا کندينده مسکن ساليرلار. ايکينجي دونيا موحاريبه سي دؤورونده ترلان دوغما کندلريني ترک ائده رک تهرانا کؤچور، اورادا تيکيش فابريکينده ايشه دوزه لير. 

  1946-جي ايلين دئکابريندا گونئی آذربايجاندا ميللي حرکات دئوريلديکدن سونرا ترلان بير مودت حبسه آلينير و سورگون اولونور. آزاد اولاندان سونرا او، ياراديجيليغيني گاه گيزلي، گاه دا آچيق شکيلده داوام ائتديرير. 

  ه. ترلان 1964-جو ايلدن اعتيبارن سلام الله جاويدين تهراندا تشکيل ائتديگي  " دوستلار گؤروشو "  ادبي مجليسينه جلب اولونور، مجليسين ييغينجاقلاريندا فعال ايشتيراک ائدير.  

  ترلانين ايلک ياراديجيليقي دؤورونو احاته ائدن  " آلوولو شعرلر "  (1979) کيتابي اوخوجولارين بؤيوک رغبتيني قازانميشدير. تدقيقاتچي اسميرا فواد اديبين بديعي ياراديجيليغيني بئله سعجيييلنديرير:  " هاشيم ترلان آذربايجان پوئزيياسيندا م. ع. صابيرين، م. مؤجوزون، ب. آ. حامّالين عنعنلريني اوغورلا داوام ائتديرن شاعيرلردندير. او، رئاليست اوسلوبدا يازديغي شعر و پوئمالاريندا، ائلجه ده  " گوموشو پئنجک "  آدلي مئموار خاراکتئرلي نثر اثرينده عومومبشري دويغولارين، خالقي نين خوش صاباحينا، عومومبشري گله جگينه اوميد و اينام حیسلريني عکس ائتديرير.  

  هاشيم ترلانين شعر ياراديجيليغينا نظر سالديقدا شاعيرين خالق عادت-عنعنلرينه بوتون وارليغي ايله باغلي اولدوغونو، نئجه دئيرلر هر ميصراعنين باشيندا گؤرريک. شاعير منطيقلي تشبيه لرله اؤز ليريک منينده دايم آذربايجان خالقي نين يوکسک معنوي کئيفيتلريني، ميللي ايستيقلال اوردوسونو، وطنپرورليگيني، مردليگيني نوماييش ائتديرير: 

  عزيز وطن، سنين دوغما ائلينده،  

  بيتن لاله، آچان گوللر منيمدير. 

  بو شؤوکتلي، عظمتلي تورپاغين، 

  قوينونداکي ايگيد ائللر منيمدير.  22

  هاشيم ترلان يوکسک ذؤوق صاحيبيدير. او، سؤز اويناتماقلا، گؤزله نيلمز فيکير،منا دؤنوشلري، داخيلي تضادلار ياراتماقدا ماهيردير. اونون  " آذربايجان انجومنينه "  شعري قوشما وضعنينده حئيرت آميز ايفاده لرله اولدوقجا زنگيندير: 

  اي کؤنول، فخر ائله، بيزيم انجومن، 

  گونش کاروانين سيراسيندادير. 

  دوستلارين مقامي، دوستلارين يئري، 

  قاشيملا گؤزومون آراسيندادير.  23

  هاشيم ترلانين قوشمالاريندا اينجه روح، گؤزلليک دويغوسو،  ملاحت و محبت  حاکيمدير.  

  هاشيم ترلان آذربايجان ادبياتي نين بوتون فورما و ژانرلاريندان بحرلنمه يه سي گؤسترميش، شعرين بوتون وضعنلرينده قلميني سيناميش، يادداقالان اثرلر ياراتميشدير. بو اثرلرده ايستيقلالا، خالقين اؤز حوقوقلاريني، ميللي منليگيني، تاريخي کئشميشيني درک ائتمه يه چاغيريش مقاملاري ديقتي جلب ائدير. او،  " وطنين اولدوزلاري " ،  " خوزيستانلي پارتيزان "  و ديگر شعرلرينده وطنپرورليک و بيرليک، همچينين بين الميلل چيليک مؤوقعييندن چيخيش ائدير: 

  دوشمنين منيم ده دوشمنيمدير بيل! 

  ديليميز آيريسا، اوجاغيميز بير. 

  قوي اينسان جيلدينه گيرن ايسرايل، 

  بيلسين دونيا بئله گئتميه جکدير. 24 

گونئی آذربايجان شعرينه يئني طراوت گتيرن، يئني اوسوللو شعرين فورمالاشماسينا و اينکيشافينا خيدمت ائدن شاعيرلردن بيري ده حبيب ساهيردير (1903-1985) 

  اونون ياراديجيليغي نين ان محصولدار دؤورو 1959-1985-جي ايللري احاطه ائدير. شاعيرين ساغليغيندا 10-دان آرتيق کيتابي نشر اولونموشدور. همين کيتابلاردان بئشي آنا ديليميزده، قالانلاري ايسه فارس ديلينده دير. آنا ديلينده ايلک شعرلر کيتابي 1965-جي ايلده ( " ليريک شعرلر " ) ايشيق اوزو گؤروب. ح. ساهير ياراديجيليغي باره ده سؤزوموزو تاماملاماق ايسته ييريک: حبيب ساهير بير شاعير کيمي دؤورون، جمعيتين آکتوال پروبلئملريني ايله تصوير ائتميشدير. اونون شعرلريني گونئی آذربايجانين  20 عصرده آپارديغي موباريزه نين، چکديگي ايضطيرابلاريني، فاجيعه لرين بديعي سالنامه سي آدلانديرماق اولار.25  

  م. ع. صابيرين گونئی آذربايجان ادبياتينا تاثيري حاقيندا چوخ دانيشماق اولار. لاکين سادجه بونو قئيد ائتمک کيفايتدير کي، م. شبوستري اکثر شعرلريني صابير طرزينده يازاراق بؤيوک ديوان باغلاميشدير. هئچ تصادوفي دئييل کي،  " گونئین صابيري "  آدلانديريرلار. او، اؤز ترجوممه حاليندا دا يازميشدير کي، من اؤز خالقيمي صابير کيمي آييلتماق ايسته ييرم. 

  مؤجوزدن سونرا گونئی آذربايجاندا ايبراهيم ذاکير، یحیی شیدا، موظفر ديرفشي، ميرمهدي چاووشي، فخرالدين محزون و بير سيرا شاعيرلر صابير ادبي مکتبي نين اعلاچي شاگيرلرينه چئوريليب قارانليق اوفوقلري ايشيقلانديرماق اوچون بؤيوک ساتيريکين اوسول و اوسلوبوندان مهارتله ايستيفاده ائده رک بير-بيريندن ديرلي نومونه لر مئيدانا گتيرمه يه باشلاديلار. 

  بئله ساتيريکلردن بيري ده ميرمهدي چاويشيدير (1909-1967). آشاغيداکي ميصراعلارا نظر سالديقدا شاعيرين بؤيوک صابيره نه قدر باغلي اولدوغونون ، اونو اؤز اوستادي حساب ائتديگي نين شاهيدي اولوروق: 

  اي سئوگيلي صابير، دئمه ظاهيرده دئييلسن، 

  هر عصرده، هر قرنه ده وارسان، اونو بيل سن، 

  سندن آليب، ايلهام يازيزان مدحيني، اوستاد، 

  شاگيردينه لوطفون چوخ اولوبدور، ائوين آباد. 26  

  گونئی آذربايجاندا صابير ادبي مکتبي نين ان گؤرکملي داوامچيلاريندان بيري، بوتون بديعي ارثي، اليازمالاري اوگئي قارداشي نين ناخلفليگي اوجباتيندان چاپا وئريلمه ميش، اونا گؤره ده ادبيات خزينه ميزه چوخ آز سايدا اثرلري داخيل اولموش سؤز صررافي علي اکبر  پاکرال حدداددير (1901-1966). بيز اونون ياراديجيليغيندا صابير اوسلوبونون بوتون ائلئمئنتلريني آيدين گؤروروک: 

  قويدو آدين عدالتيله بو جاهانيده، 

  نوشيرواني-عاديل و فرراوه قالمادي. 

  ايتدي بينا فيکيرله طاقي-مداياني، 

  ويرانه اولدو آخيري، ايرانه قالمادي. 27 

  حاقيندا صؤحبت آچديغيميز ايللرده گونئیدا سابيرين پوئزييا عنعنه لريني داوام ائتديرن شاعيرلردن بيري ده ميرزه حسین کريميدير (1932). م. ح. کريمي صابيردن تاثيرله نيب بهره لنسه ده سئچديگي موضولاري اؤزونمخصوص طرزده پوئتيک شکيلده ايفاده ائدير: 

  هر يئرده کي، بير موختصري سندن اثر وار، 

  ميلت آلير اطرافيني، گويا نه خبر وار. 

  بيرجه دئييرم: آي گدا، سنده نه خبر وار؟ 

  شيريم، فيليم، اي پول، قوچوم، اي پول، کليم، اي پول.  28

1979-2015-جي ايللرده کي  گونئی آذربايجان پوئزيياسي اجتماعی موتيولرله زنگيندير. قوزئيلي-گونئيلي      وطنين تورپاق بلالاري، ميللي قايغيلار اساس سوسيال و ائستئتيک لئيموتيوه دؤنرک پوئزيياميزين ابدي موضوسونا چئوريلميشدير.  

1979-جو ايل ايسلام اينقيلابي اوريژينال خوصوصيتلري ايله خاراکتئريزه اولونور. بو اينقيلابدا اؤلکه نين بوتون اجتماعی صينيف و طبقه لري-کندلي، فهله، صاحيبکار دا، روحاني ده، ضيالي و طلبه ده، قادينلار دا بيرگه موباريزه آپاريرديلار. اونا گؤره ده بو اينقيلابي موباريزه تاريخه خالق اينقيلابي آدي ايله  تاريخه دوشدو. 

  آمريکا ايمپئرياليستلري نين اؤلکه ده حؤکمدارليغينا سون قويولدو و اساس او ايدي کي، اورتا عصرلره مخصوص شاهليق اوسولي-ايداره سي نين حؤکم سوردويو  بو قورولوش، پهلوي محمد رضا حاکيميتي سوقوطا اوغرادي. خالق اينقيلابي ايراندا ياشايان چوخسايلي  ميلت و خالقلاري دئسپوتيزمدن خيلاص ائتدي. 

محض ايسلام اينقيلابيندان سونرا گونئیدا ادبي ديرچلمه نين سويييه سي يوکسلدي. دوغما ديليميزده بير چوخ قزئت و ژورناللار مئيدانا گلدي. بو مطبوع اورقانلارين بير چوخونون عؤمرو قيسا اولدو. آنجاق  ان اساسي، آناديللي دؤوري مطبوعاتيميزي يارادان تاريخي، سياسي-اجتماعی، مدني و ادبي-بديعي شرایطين يئنيليگي ايدي. 

  سوسيال حياتا ياخيندان باغليليق، خالقين، چاغداش اينسانين دونياگؤروشو، ميشتي ادبياتدا اؤز عکسيني تاپيردي.وتنپرورليک، آنا ديلي و اينقيلابي-دئموکراتيک ايدئيالاري يارانير و ياييليردي. م. شهریار، ح. ساهير، م. محزون، ه. ترلان، م. درفشي کيمي قوجامان صنعتکارلار، اؤز اثرلري ايله 80-جي ايللر ادبي پروسئسي نين اساسيني قويموش ص. بهرنگي، سهند کيمي ادبيبلرين ايشيني داوام ائتديرن ح. خطيبي، ع. حددال، ح. نيطقي، اورم اوغلو، ايلديريمي، ساوالان، آلوو ميللي، دئموکراتيک ايدئيالارين، اينقيلابي پوئزييانين مؤليفلري سيراسينا آيدديرلر. 

1990-جي ايللرده گونئیدا پوئزييا پروسئسيندن صؤحبت آچارکن يارانان ادبياتين ايلک نؤوبه ده، اؤزونه قدر مؤوجود اولموش بديعي تفککور عالمي ايله درين باغليليغي قئيد ائديلمه ليدير. 90-جي ايللر گونئي شاعيرلري نين ياراديجيليغيندان بهس ائتديکده گنجلرين فعالليغين خوصوصيله وورغولاماق ايسته ييريک. چونکي، همين گونئی شاعيرلري داها موباريز، اجتماعی آلوو ايله جوشان، موعاصير دونياگؤروشونه منسوب ياراديجي شخصلردير. بورادا ياش فرقي نين موثبت و يا منفي خوصوصيتلريني بلکه ده قابارتماق يئرينه دوشمور. لاکين قوجامان صنعتکارلار آرتيق سؤزلريني دئييبلر. ايندي اونلار گله جک نسيللري، ميلتيميزي تزييقلردن قوروماق نامينه ياشين آهيل دؤورونون مودريکليگينه خاص اولاراق شووينيستليک گؤسترن بعضي  " قارداشلاريميزلا "  سانکي آتشکس مؤوقعيينده دايانير. 

" گونئی گنج شاعيرلري نين گليشي ايله ادبياتا يئني باخيش تاثيري، فورما و اوسلوب جهتلري گلدي و بو گنج نسلين ياراديجيليق نايليتلري، تاپينتي و ايتکيلري، اوغور و قوصورلاري حاقيندا سؤز دئمک شوبهه سيز، او قدر ده آسان دئييلدير. اولا، اونا گؤره کي، ياراديجيليقلاري حاقيندا سؤز آچاجاغيميز يئني نسلين اؤزلوگونه ياش عاميليندن داها چوخ پوئتيک حیس و دوشونجه عاميليني حياتين، جمعيتين، باخيشلار سيستئمي نين يئنيلشمه سيني تظاهور ائتديرير. بو باخيمدان 90-جي ايللرده گونئی پوئتيک موحيطله سحر اردبيلي، نوشين موسوي، رسول رحيمي ديزه چي، رشيد کلباسي، ايبراهيم ذاهيد، محمدرضا مليکپور و ب. ياراديجيليغي  بو گونکي شعريميزين گنجليگيني ايفاده باخيميندان تحلیل اوچون داها سعجيييوي گؤرونور 29" .   

  21- عصرين اوللرينده گونئی آذربايجان پوئزيياسيندا يارانميش ادبيات هومانيست بير ادبياتدير. بو ادبيات حال-حاضيردا بوتون دونيادا باش آليب گئدن ظولم و زوراکيليغي پيسله يير، اينسانيتي، حاق و عدالتي ترننوم ائدير. بو ادبيات مضمونو، روحو، ايفاده واسيطه لري ايله اولکيلرينن فرقلنمير. بو ادبياتين، خوصوصيله پوئزييانين بوتون ايدئيا-مضمونو،  بديعي فيکير و موهاکيمه لري يالنيز حياتدان دوغور. 

 21- عصرين اوللرينده گونئی آذربايجان پوئزيياسي خالقين حياتي، موباريزه سي گؤزلليگي ايله باغلي اولمايان بير ايدئال تانيمير. لاکين بو ادبيات نه قدر بشري پروبلئملري اؤزونده عکس ائتديريرسه، اونون اساس موضوسو، ان آپاريجي ايدئياسي، ان عالي مقصدي ايکييه پارچالانميش وطنيدير: 

 آراز چايي، اؤلکه ميزده اوزاندين، 

  حياسيزجا قانيميزا بوياندين. 

  قارداشلاري بير-بيريندن آييردين، 

  وطن ايچره ندن سرحد قاييردين. 30  

  بوتون گونئي آذربايجاندان اولان شاعيرلر کيمي هريس ده آذربايجاني ايکي يئره بؤلن آراز چايينا اوز توتور. او، آراز چاييني قيناماقلا تاريخين عدالتسيزليگينه قارشي چيخير. بورادا شاعير هر بير وطنپرور آذربايجانلي نين کؤکسونده درين بير يارا آچميش تاريخي حاديثه يه اولدوقجا حساس ياناشير. اؤزونون ايدئاليست-ائموسيونال فيکريني چوخ گؤزل ايفاده ائدير. سون دؤورلرده گونئی آذربايجاندان اولان اونلارلا شاعير اؤز ياراديجيليقلاريندا اساسن بو موضويا يئر وئرسه لر ده، تاريخي حاديثه نين هر بير شاعيرده دوغوردوغو تصورات اونون خيال سوزگجيندن کئچير به هر بير شاعير اؤزونمخصوص بير شکيلده قلميني ايشه سالير: 

   

  يوللار بونو بيلسين، شانلي ائليميز وار، 

  آل قانلي آراز تک هله داشقين سئليميز وار. 31 

  صديار وظیفه  ائل اوغلونون يوخاريداکي ميصراعلاري ان ساده بير شکيلده حقیقتي اؤزونده عکس ائتديرير. اگر ص. ائل اوغلونون بئله بو اون دؤرد ميصراعدان عيبارت  " مرد ائليميز وار "  شعريني بوتؤولوکده اوخوماسان بو ميصراعلاردا حقیقتين،  شاعيري دوشوندورن پروبلئمين دوزگون عکسي، قاباقجيل فيکيرلرين ترننومو ايله وحدت تشکيل ائتديگيني آچيق-آشکار گؤرريک. 

  تارييئل اوميدين  " کؤکسون ائله گئنيشله نيب "  شعرينده ايسه بيز تامام باشقا بير دستخطين، اوسلوبون شاهيدي اولوروق: 

دانيشارام سؤزلريمي، 

آراز اولوب شاهه قالخار. 

آتيلارام آرازا من،   

ايکي ساحيل منه باخار. 32 

بو پوئتيک ميصراعلار شاعيرين فيکريني آيدين ايفاده ائدير. اوخوجو شاعيرين نه دئمک ايسته ديگيني آسانليقلا قاورايير، آرتيق هئچ بير شرحه، فلسفي باخيشلارين تحلیلينه احتيياج قالمير. بير واختلار شعرميزده کي  عنعنه وي آزادليق و دئموکراتييا ايدئاللاري اؤز فعال ايفاده سيني گونئیلو صنعتکارلاريميزدان بالاش آذراوغلو، علي توده، سؤهراب طاهير، ايسماعيل جعفرپور، مدينه گولگون، حکومه بيللوري نين و باشقالاري نين ياراديجيليغيندا تاپيرديسا، ايندي اونلارين خلفلري سحر اردبيلي، نوشين موسوي، ر. ر. ديزه چي، رشيد کلباسي، محمدرضا مليکپور، آزاده دارازلي، تارييئل اوميد، گونش اوغلو، رسولي احد، محمد باقيرياني، بختييار موغان اوغلو، تورکان مسيم، پيروز ديلنچي، راميز اؤزلر، لاله جاوانشير، ساپلاق نيگار، ريضوانه خانيم، ميهن کريمي و باشقالاري اؤز سلفلري نين يولونو لياقتله داوام ائتديره رک، فقط شعريميزه موعاصير اوسلوب الوانليغي، فيکير زنگينليک گتيررک،  ميلتيميزين جللادلارينا قارشي مغرور دورور، حيددت و غضب سسيني قالديريرلار. 

 21- عصرده گونئی آذربايجاندا يارانميش ادبيات عومومازربايجان ادبياتي نين گؤزل بير صحيفه سيني تشکيل ائده رک، اساس ايدئيا-بديعي کئيفيتلريله اونون رئاليزمينه، خلقيليگينه خيدمت ائتميشدير. 

20 عصرين سونو، 21- يوزيلليگين اولينده يارانان گونئی آذربايجان پوئزيياسيندا سياسي- پوبليسيستيک اوسلوبلا ياناشي، آناليتيک-پسوخولوژي اوسلوبون موختليف چالارلارينا و شکيللرينه موراجيعت اولونور و بوندان پوئزييانين معنوي-ائتيک مضمونو دا دولغونلاشير. بو معنادا شعريميز قولامرضا صبري تبريزي نين، مليحه عزيزپورون، نيگار خياوي نين، تورکان نسيمي نين، و باشقا شاعيرلرين ياراديجيليغي نين تيمثاليندا موهوم يئنيليکلر الده ائتميشدير. 

سون ايللرده علمي-تئخنيکي ترققي نين سورعتله اينکيشاف ائتمه سي دؤورونده صنعتين، طبيعتي نين، اخلاقدا و معنوياتدا اويناديغي موستثنا رول گونئی آذربايجان پوئزيياسيندا دا اؤز يئريني تاپميشدير. سون 40 ايله ياخين دؤورده گونئیده يارانميش پوئزييا نومونه لري نين اوخونوشوندان، تحلیليندن حاصيل اولان گوجلو تصورات بودور کي، اينکيشافين حاضيرکي مرحله سينده گونئی آذربايجان شعرينده يئنه ده ليريک باشلانغيج، دونياني شخصي هيجانلارلا تقديم ائتمک خوصوصيتي آپاريجيدير: ليريکا بو پوئزييانين ژانر-اوسلوب خطينين اساس ايستيقامتيدير. بير چوخ شاعيرلر محض بو ليريکا ساحه سينده فعاليت گؤستريرلر. اونلارين پوئزيياسي بؤيوک جوشغونلوقدان و احتيراصلاردان حرکته گلير، سؤزون زامانلا سسلشمسيني تامين ائدير. سؤزون معنوي کونتئکستيني زنگينلشديرير. اونلاري دايم دوشوندورن موضو، مطلب و پروبلئملر بونو بير داها تصديق ائدير. 

" گونئي پوئزيياسي نين گنج نسليني بيرلشديرن عومومي عاميل اونلارين وطن، ميللي ديل حاقيندا عئيني مؤوقعدن چيخيش ائتمه لريدير. بو پوئزييانين مضمونجا حدودلاري دا گئنيشدير. آذربايجانچيليق دوشونجه سي، يئني گونئی شعري نين ايدئيا زيروه سينه ووسعت وئرمکله ياناشي، اونون پوئتيک ايفاده ايمکانلاريني، اوسلوب چالارلاريني دا زنگينلشديرير. قوزئي آذربايجان شعري نين اوسلوبي تمايوللري  س.روستم، ص.وورغون، ب.واهابزاده تيمثاليندا گونئی شعري نين يئني ايستيقامتله فورمالاشماسيندا خوصوصي يئري اولدوغو کيمي، بورادا چاغداش تورک شعري نين ده تاثيري  حیس اولونور. ديگر طرفدن شاعيرلر آوروپا پوئزيياسيني دا منيمسه يير، حتّی بو گون دبده اولان پوستمودئرنيزمين تمثيلچيلري نين آدلاريني شعرلرينه گتيريرلر. 33 

  گونئی آذربايجان پوئزيياسي اساسن اروز  ايله باغلي وضعني اينکيشاف ائتديگي کيمي بو گون ده بو عنعنه لري داوام ائدير. گونئیلو شاعيرلرين اکثريتي اروزو موکممل بيلديکلري اوچون اؤز اثرلريني عصرلر بويو اساسن بو وزنينده يازميشلار.  

  هئجا وضعنينده سؤزلر تقتيلره بوتؤو بؤلوندويو حالدا، اروزون  بير چوخ بهره لرينده قليبلر سؤزلرين پارچالانماسيني، هئجالارين اوزانماسي و قيسالماسيني طلب ائدير. اروز وزنينده سيللابيک خوصوصيت اؤز وارليغيني، دايم ساخلايير.بئله کي، چوخ آز-آز ميصراعلاردا وورغو وزني بهره لنديرير. 34"   

  بير ده گؤرسيديم اؤزوم ديلبري شيرين سخني، 

  اونودارديم يئنه ده غوصه ي درد و موحني.35  

  موعاصير گونئی آذربايجان شاعيرلري اؤز سلفلري نين يولونو لياقتله داوام ائتديره رک اؤز اثرلرينده سؤز، کلمه، دورغو و نيطقين باشقا عنصورلري نين دوزگون عوضلنمه سي ايله ائموسيونالليغي يوکسلدير و شعره خوصوصي ايفاده ليليک وئريرلر. 

  علي آغا واحيد و محمدحسین شهریارين شعر بولاغيندان سو ايچميش، اونلاري اؤزونون اوستادي سايان ايبراهيم ذاهيدده خالق پوئزيياسي ژانرلارينا و ميللي شعره مخصوص اولان يوکسک خوصوصيتلر گوجلودور و بوتون بونلار  اونون  ادبي نسلي نين پوئزيياسي نين اساس جهتلريني تشکيل ائدير: 

  ذاهيدم، واحيد بابام، هم شهریار اولموش آتام، 

  باشيمين اوستونده اول داهيلرين وار سايه سي. 36 

  شهریارين  " حیدربابايا سالام "  پوئماسي گونئیدا شعرين اينکيشافيندا، ديليميزين قورونماسيندا نه قدر موستثنا رول اويناييبسا، اونون پوئزيياسي ده چوخلو شاعيرلرين يئتيشمه سينه سبب اولموشدور. شهریار ادبي مکتبي نين نوماينده لري بو گون ده گونئی شعري نين آپاريجي سيمالاريدير.  "20  يوزيلليک فارس پوئزيياسيني، بوتؤولوکده ايران ادبياتيني يئني مرحله يه، اوجا زيروه يه قالديرميش شهریار ياراديجيليغي تورکيه، اؤن و اورتا آسييا، پاکيستان، افقانيستان، هينديستان، قافقاز و ب. اؤلکه لرده ادبي پروسئسه، اونون اينکيشافينا، همين اؤلکه لرين ميللي ادبياتلارينا جيدي تاثير ائديب، ميليونلارلا اينسان، شعر هوسکارلاري، اوخوجولار اونون شعر بولاغيندان سو ايچيبلر، روحن، معنن قيدالانيبلار، ذؤوق آليبلار، بديعي تفککورلريني زنگينلشديريبلر. شهریار پوئزيياسي اونلارا شعري داها دا سئوديريب، بو اوخوجولار اونون پوئتيک  پئيکي نين اوربيتينه دوشه رک ادبي بير شعر گوشه سينه باغلانيبلار. 37"   

  اثرلريني هانسي وزنده يازمالاريندان آسيلي اولماياراق، چاغداش گونوموزده گونئی شاعيرلري عومومن ميللي ادبياتيميزي لياقتله تمثيل ائديرلر. گونئي شعريميزي تمثيل ائدن عزيز سلامي، هوممت شاهبازي، ايسماعيل اولکر، رسول يونان، کييان خياوي، هوشنگ جعفري، حیدر بايات، بهروز سدي، نادير ازهري، سعيد موغانلي، آيدين آراز، بارز، دومان اردم، عدالت دومان، مارال تبريزلي، رقيه کبيري، افسانه سولدوزلو، و حسن صفويلر، ائلدار قولووند، تورکان اورمولو، خوسروو باريشان، مرتضی سالمان، بهمن ارک، موغان اوغلو، صالح سجادي، محمد آذرشين، لاله جاوانشير، زيبا کرباسي، آلما موغانلي، واحيد طلعت، قادير جعفري، بهروز صديق، بختييار موغان اوغلو، ارگين محمد علي شريف و باشقالاري نين قلم تجروبه لري اوميد وئرير. 

  يئني نسلي تمثيل ائدن يازارلار گونئي ادبياتيندا شهریار، ساهير عصرلرين سيناغيندان چيخاراق دؤوروموزه دک ياشارليليغيني قورويوب ساخلاميش مؤحتشم پوئزييا عالمينده آچديغي يولو گئده رک گونئي شعريني فورما و مضمونجا يئنيلشديرمک ايستگي ايله يازيب-يارادير، بو ايستيقامتده ايناملي آدديملار آتيرلار. حقیقتن ده بو گون گونئي آذربايجان ادبياتينا کلاسسيک ادبي دوشونجه دن، عنعنه وي شعر فورمالاريندان قوپما و قرب-آوروپا ائستئتيکاسينا، مودئرنيست شعرين طلبلرينه اويما، ميدئرنيزمه و پستمودئرنيزمه چاناتما، قوووشما مئيلي اؤزونو قاباريق شکيلده گؤسترير.  

موعاصير گونئی آذربايجان شاعيرلريني اوخويوروق، هيجانلانيريق، کدرله نيريک، سئوينيريک.ونلارين اکثريتي اؤز اثرلرينده دؤوروموزون طلاتوملو، اجتماعی-سياسي حاديثه لريني، اينسانلارين معنوي-اخلاقي خوصوصيتلريني جانلي بويالارلا عکس ائتديريرلر. 

  بو شاعيرلرين ياراتديغي اثرلر وضعن، رديف، قافيه، تکرير، استيخاره و باشقا يانر فورمالاريندا کلاسيکلريميزين بديعي تصويرلريندن، بهره لنسه لر ده، فيکير-فلسفي موندريجه سي و بديعي-ائستئتيک کئيفيتلري ايله تاماميله اونلاردان فرقله نير. بو شاعيرلرين اثرلري بيلاواسيطه مين بير تئللرله يئني عصرين پسيخولوژي، فيکري، حياتي ايله، ايدئولوژي مئييللري، سياسي-اجتماعی، معنوي-اخلاقي خوصوصيتلري و طلبلري ايله باغليدير. چاغداش گونئی شاعيرلري نين اثرلرينده کي  خلقيليک بير-بيريني ايزله يير و تامامليير.  

بو پوئزييادا هر شئي خالقين ذؤوقونه، حياتينا، آرزولارينا مووافيقدير. بوتون  بونلاردان علاوه  دؤولت ديلي-فارس ديلي اولان، عئيني زاماندا بوتؤو تدريس اوجاقلاري، مطبوعات اورقانلاري اؤزگه ديلده فعاليت گؤسترن اؤلکه ده يارانان گونئی عطيرلي ميللي پوئزيياميزداکي خلقيليک بو شعرلرين بوتون عنصورلرينه، ديلينه، اوبرازلار سيلسيله سينه بديعي ايفاده واسيطه لرينه هوپموشدور. 

 من ائل آشيغييم ائل شاعيرييم. 

  آديم  " چاي اوغلودور " اليمده سازيم. 

  يوردوم آذربايجان-اودلار ديياري، 

  اودور کي،اودلانير منيم آوازيم.38  

  چاي اوغلو (بهروز دؤولت آبادي) شاعير اولماقلا ياناشي، هم ده موسيقيچي بسته کاردير. بونا گؤره ده اونون شعرلري موسيقيليدير، آهنگليدير و نغمه اوستونده کؤکله نيب. بداهتن يارانديغي، شعرلري سانکي اؤز چالديغي تارين، سازين، عوموميتله، خاننده لرين ايفاسي اوچون، نغمه سؤزو اوچون يازيلميشدير. 

چاي اوغلو اؤتن ايللرده چاپ ائديلديگي  " باياتي بايات اولماز "39   شعرلر کيتابيندا اؤن سؤز پوئتيک نؤو کيمي باياتيدا ايستيفاده ائديب کيتابين آديني دا  " باياتي "  ايله علاقه دار رسميلشديريب: 

  آغريمي توتسالار، اينجه سازيمدا، 

  ائليمين درديني سؤيلرم سنه. 

  زحمتله خالقيمين ايستکلريني، 

  آغلاييبان بيان ائيلرم سنه. 40  

   

  موعاصير گونئی آذربايجان پوئزيياسي نين گؤرکملي نوماينده لريندن بيري ده علي داشقين حسینزاده دير (1955).علي داشقين هم ده ناثير و دراماتورقدور.  " علي داشقين آذربايجان ديلي نين و ادبياتي نين ان چتين گونلرده بايراقداري اولموش و ادبياتيميزا، ديليميزه چوخ تؤهفه لر وئرميشدير. او جومله دن  " بايراق "  شعري تقديره لاييقدير. اونون ترتيب ائتديگي لوغتلر او تايدا گئنيش ايستيفاده ائديلير " 41 ،" يازارين ياراديجيليغيندا وطن، دوغما يورد حاقيقي سئوگي موضوسو قيرميزي خط کيمي کئچير. لاکين آزادليق، ايستيقلال، آنلاماق دردي آنا تورپاغين موقدسليگي، ديري، حياتين گئرچک اوزو، گله جگه اينام، قاراباغ ساواشي، ديدرگينليک کؤچکونلوک، آيدين صاباحا، قلبه يه اوميد و س. مسله لره پوئتيک موناسيبتده اؤزونو قاباريقليغي ايله گؤسترير. بو موضولاردا قلمه آلديغي، اثرلر اوخوجونو دوشوندورور، اونو حيات حقیقتلرينه سؤيکنن حاديثه  و سوژئتلره اينانديرمغي باجارير. اوخوجو اينانير کي، شاعير آياق آچيب ايلک آدديملاريني آتديغي موقدس تورپاغي جاني قدر سئوه بيلير. "42    

سربست شکيلده ده گؤزل شعرلر مؤليفي اولان علي داشقين طراوتلي، پوئتيک-بديعي نومونه لر يارادان شاعيرلردندير. اونون شعرلرينده قم وار، کدر وار. آزربايجان، دوغما وطنه بؤيوک محبتي وار. آنا ديلينه توکنمز سئوگي وار. آشاغيداکي پوئتيک نومونه ده شاعير دونيايا سپلنميش 65 ميليونلوق آذربايجان تورکلرينه بئله سسله نير: 

  اورتاق باختيميزين سيرداشيييق بيز، 

  بير قوجا آغبيرچک آنانين اوغلو. 

  بير کؤورک باجي نين قارداشيييق بيز، 

  اوزات اللريني اليمه دوغرو! 

  اوگئي دولانديقجا آرتيق ياناريق. 

  آخي بيز هاميميز بير آنادانيق...43  

  گونئی آذربايجاندا ادبي پروسئسي اينکيشاف ائتديرن، يئني حيات طرزي نين برقرار اولماسينا، يئني اينسانين فورمالاشماسينا تکان وئرن عئيني زاماندا ميللي ثروتلره، اعتيقادي و اينامي مؤحکملنديرن، شره، عئيبجرلييه، عدالتسيزلييه، شووينيزمه فعال موقاويمتي شعورلو تربييه ائدن چاغداش ادبيات يارانماقدادير. موعاصير آذربايجان شعري بوتؤولوکده چوخ موهوم بير خوصوصيتي باخيميندان-اونون اؤزونون عنعنه لري، تجروبه لري، قديم و ياخين کئشميشي ايله درين داخيلي عوضوي تماسدا اينکيشافينا  سعجيييلنديرمک باخيميندان علامت لردير. 

  موعاصير گونئی آذربايجان شاعيرلري نين ياراديجيليق اوغورلاري، عومومن ميللي پوئزيياميزين اينکيشاف تجروبه سيندن، پوئتيک نايليتلريميزدن آيري دئييل. موعاصير گونئی پوئزيياسي حياتين معنوي درکينده، آختاريشلاريندا، قوزئیلي-گونئیلی بوتون پوئتيک ارثيميز، پوئتيک کئچميشيميز و يادداشيميزدا فعال ايشتيراک ائدير. بو چاغداش شعر پروسئسي نين چوخ گؤزل، قييمتلي خوصوصيتيدير. معنوي کئشميشدن، يادداشدان آيريلماق-پوئزييانين بسيطليدير، يوخسوللوغودور. پوئزييا اؤز معنوي کئچميشي ايله، تاريخي ايله واريثليک کونتئکستيله اينسانيليگيني قورويوب ساخلايير. 

چاغداش گونئي آذربايجان پوئزيياسي نين منظره سي زنگين و قوووتليدير. ناراحات دونياميزين مضمونونا روحونا اويغوندور. خاراکتئريک اودور کي، آنلاملاريندا چوخلو عومومي جهتلر اولسا دا، بو همين قاوراييشين فردي، الوان، اؤزونمخصو تظاهورونه قطعين مانع اولمور. موعاصير گونئی آذربايجان شاعيرلريني بيرلشديرن، ياخينلاشديران اساس خوصوصيت-پوئتيک سؤزده زامانين سسلنمسيني تامين ائتمک، بو سؤزون معنوي کونتئکستيني زنگينلشديرمک سيلريدير. 

ميهن کريمي (1980) گونئی آذربايجانين اردبيل موحيطينده يئتيشن شاعيردير. حوقوقشوناسليق اوزره عالي تحصيل آليب.  " سرحد آشيري "  (اردبيل) راديوسوندا آپاريجي و ترجومه چي کيمي چاليشير. ايکي ايل بوندان اؤنجه تدقيقاتچي سونا خيال شاعيره نين  " ميثيلسيز سئوگي "   (2015) شعرلر کيتابيني ترانسليتئراسييا ائده رک باکيدا چاپ ائتديريب.  

"ميهنين کيتابيندا اساسن وطنپرورليک و محبت موضوسوندا اولان شعرلر اوستونلوک تشکيل ائدير. مؤليف کيتابي آناسينا و  حيات يولداشينا ايتحاف ائتديگيني قئيد ائدير. کيتابين آديندان دا گؤرونور کي، ميهن اوچون آنا محبتي تايي-برابري اولمايان سئوگيدير " 44. 

  قايتار مني اوشاقليغا قوي سيننه قويوم باشيم، 

  گؤزلرينه توخوناراق اتگينه تؤکوم ياشيم. 

  گؤتورمه گؤز گؤزلريمدن، گؤزلرينده داليم، ايتيم، 

  حيات ندير، سنده دويوم، زاي اولماميش بو گنج ياشيم.45  

  موعاصير گونئی آذربايجان پوئزيياسي موختليف نسيللره منسوب شاعيرلرين بيرگه فعاليتي نين بهره سيدير. نيسبتن ياشلي نسيلله بيرليکده سون اون بئش ايلده فورمالاشان نسيللرين تمثيل اولوندوغو چاغداش گونئی آذربايجان پوئزيياسي قارشيليقلي تاثير و تماس شرایطينده اينکيشاف ائدير، خلقيليک و وطنداشليق وظیفه  لريني يئرينه يئتيرير. 

  توکنمز ميللي ثروتيميز اولان آذربايجان ديلينه سونسوز محبتيني   حیدر تهماسيبي بو جور ايظهار ائدير: 

  اؤيونمگيم چوخ لاييقدير بو اؤلکه ده سنه، ديليم، 

  لايلاسيندا اؤگره ديبدير اؤز ديليني، آنا ديليم. 

  شکردن ده شيرين اولوب ازل گوندن، اولو قالدين، 

  زامان بويو هئي يوکسلدي، دؤندو قهرمانا ديليم. 

  گوللريني دره-دره، ايلهام وئردين سن حیدره، 

  دييشمرم سني زره، آند ايچرم، آنا ديليم 46  

  اوسلوبونون آخيجيليغي، روانليغي، ساده ليگي ايله نظري جلب ائدن حیدر تهماسيبي بو شعرده آذربايجان ديليني هر دورلو معنالاري ايفاده ائتمه يه قادير بير قهرمانا بنزه دير. 

  پرويز بساوط (حسین اوغلو کئيوان) قاراداغين کئيوان ماحالي نين تادالي کندينده آنادان اولموشدور. سونرادان تبريز شهرينه کؤچموشدور. آلتي کيتابين مؤليفيدير. حال-حاضيردا تهراندا ياشايير. آلوولو، وطنپرور، موباريز حيات و ياراديجيلي يولو واردير: 

   چوخلار منيمتک ديلي باغليدير، 

  نئجه سؤز قانمازسين لال لالا، دونيا.   

  سينه سي دويونلو، باغري داغليدير، 

  قاريشيب اورکده خال خالا دونيا. 47 

شاعير ولي شاه محمد اؤز شعرلري نين موضوسونو گؤردويو، دويدوغو، بيلاواسيطه موشاهيده ائتديگي حيات حاديثه لريندن آلير. يوخاريدا نومونه گؤسترديگيميز بو شعرده و. شاه محمد حياتين عادي حقیقتلريندن  دانيشير، اينساني درين دوشونجه لره غرق ائدير. درديني دونيايا سؤيله ين، عئيني زاماندا دونيادان اونون اؤزوندن اؤزونه شيکايت ائده رک دونياني سيمويليک اوبراز کيمي گؤسترير... 

  سازين گؤتور، بير آغي چال، داغدا بيتمير لالا، آشيق، 

  قم تؤکولور، قم اوستونه، گتير مني حالا، آشيق. 

  دؤزمميرم بو احوالا، گؤزوم باخير، يولدان-يولا، 

  کيمسم يوخدور سيرداش اولا، بير  " ساري تئل "  چالا آشيق! 

  قيز-گلينلر وسمه ياخمير، قيزيل گوله کيمسه باخمير، 

" جوشغون "  چايلار دوروب، آخمير، کؤنلوم ائدير ناله، آشيق! 48 

  فولکلورا و کلاسسيک ادبياتا موناسيبتده دوغرو مؤوقع توتان دوستعلي جوشغون بير چوخ آذربايجان شاعيرلري کيمي  ايستر شيفاهي خالق شعري نين، ايسترسه ده کلاسسيک پوئزييانين پوئتيک فورمالارينا هميشه حساسليقدا ياناشميش بونلاردان چوخونو شعر ياراديجيليغيندا ايشلتميشدير. 

چاغداش گونئی آذربايجان پوئزيياسيندا وطنپرورليک، ميلتسئورليک، تورپاغا باغليليق موتيولريله ياناشي، سئوگي موتيولري ده يئر توتور. بير سيرا گنج شاعيرلرين محبت موضولو شعرلرينده اينسان قلبي نين گؤزل، باکير حیسلري عکس اولونور. لاکين بو شعرلرده کلاسسيک شعر عنعنسي اوزرينده فورمالاشان ليريک اوسلوبدا صداقتله برابر، اجتماعی-فلسفي مضمون دا اؤز ايفاده سيني تاپماقدادير. عدالت دومانين ياراديجيليغيندا بيز بونون شاهيدي اولوروق: 

  قارا تئلدن يازما دئدين، يازمارام، 

  هئچ اولماسا بياض تئلدن يازيممي؟ 

  اوجا بويلوم، اينجه بئلدن يازمارام، 

  قيش قاتلاميش اَيري تئلدن يازيممي؟ 49  

ايران ايسلام اينقيلابيندان سونرا آشيق ادبياتيندا جانلانما، موضو رنگارنگليگي اؤزونو بيروزه وئردي.  " آذربايجاندا تاريخن جيدي سيناقدان چيخان آشيق ادبياتي سلطنت رژیمي نين سوقوطو ايله يئني مرحله يه قدم قويدو. بو، اونون طبيعتي ايله سيخ باغلي اولان بير حال ايدي... 

" بو دؤورون آشيق شعري نومونه لريني يارادانلار سيرايندا آشيق علي نين، آشيق اشرفين، آشيق حسنين، آشيق قشمين، آشيق قلمرانين، آشيق عابباس رنجبرين، آشيق رشيد قورباني نين سؤزلري و سازلاري نين خوصوصي چکيسي جلب ائده جک قدر سيقلتليدير. " 50  

ايسلام اينقيلابيندان سونرا ادبي پروسئسه خاص اولان خاراکتئريک خوصوصيتلردن بيري ده پوئزيياددا ساتيريک مئيلين موعين  قدر گوجلنمه سي اولدو. بونون اساس سببي او ايدي کي،رئال حياتين اؤزونده ساتيرا اوچون  چوخلو ادبي ماتئريال مؤوجود ايدي. هم ده سابير و مؤجوز کيمي ساتيريک کوريفئيلري اولان بير ادبياتين ورثه ليگي اؤزونون بديعي تظاهورونو گؤسترمه لي ايدي. آشاغيداکي  بير بيت فيکريميزي تصديق ائدير: 

  قاچا-قاچدير يئنه ده، اوغرو عيانلار قاچير آ... 

  ميلتي ساغلام اينک، پخمه سايانلار قاچير آ...  51

  " اينقيلابدان سونرا پوئما ژانرينا موناسيبت و ماراق اؤز تزه ليگي ايله ديقتي جلب ائدير. منجه، بو مئيلين گوجلنمه سي نين کؤکلريني هر شیدن اول بديعي تفککورون خالق حياتيني عکس ائتديرمک سعيلرينده آختارماق حقیقته اويغون اولاردي. يارانان پوئمالار بو مولاحيظه ني تصديقله مکدن اؤترو بول ماتئريال وئرير. بونون اوچون حسن ساوالانين  " خان چوبان و سارا " ، حیدر خطيبي نين  " پوسته ننه " ، سؤنمزين  " عيسانين سون شامي " ،  " بابام اؤزو گله جک " ،  " ايتين وفاسي " ، ايمران صلاحي نين  " آغبوغ  قهرمان "، سهندين داها دقيقي دئسک ائپوس آدلانديريلاجاق  " سازيمين سؤزو "  کيمي پوئمالاريني قئيد ائتمک اولار. "52    

عوموميتله، 1979-2015-جي ايللرده کي  گونئی پوئزيياسيني تحلیل سوزگه سيندن کئچيررکن،ونون ادبي تاثير مسله سيني اونوتماق اولماز. چاغداش  گونئی شاعيرلري هم کلاسيک پوئزيياميزدان، هم 20- عصر شعريميزين هم گؤرکملي نوماينده لري اولان ع واحيد، ح. جاويد، م. موشفيق، ص.وورغون، س.روستم،  م. شهریار، ب. واهابزاده، ن. خزري، م. آراز و ديگرلريندن تاثيرلنميش، اونلارين ياراديجيليغي گونئيده گنج شاعيرلر اوچون اؤرنک رولونو اويناميشدير. بو شاعيرلريميزين ارثي گنجلر اوچون موضو و ايدئيا آختاريشلاريندا اونلارين ادبي-بديعي ايستيقامت يوللاريندا بير پوئزييا خزينه سي تيمساليندا مکتب رولونو اويناميشدير. 

عوموميتله، اونو دئيه بيلريک کي، ايران ايسلام اينقيلابيندان سونرا، 1979-جو ايلدن ياشاديغيميز بو گونلره قدر گونئی آذربايجان شاعيرلري پوئتيک-بديعي تاپينتيلارا نايل اولماقلا، بوتون ژانر و وضعنلرده ياراتماغي  باجارا بيلميشلر. بونلارين ايچريسينده صنعتکارليق و پوئتيکا باخيميندان کاميل نومونه لر چوخلوق تشکيل ائدير. اوزون ايللر آپاريجي مؤوقئ توتان قزل ژانري ايله برابر هئجا وضعني نين موختليف نؤولرينده، ائلجه ده سربست شعرلر ياراتميشلار و بو گون ده ياراتماقداديرلار. 

  قزل ژانريندا  " گول و بولبول " ،  " شمي و پروانه "  يوخ،  " وطن " ،  " آنا ديلي "  کيمي ديگر اجتماعی پروبلئملر اؤز عکسيني تاپير.  

   19 و20- عصرلرده يارانان ميللي پوئزيياميز  آذربايجان ادبياتي تاريخينده (يئني دؤور ) ايدئيا-ائستئتيک نايليتلري ايله سئچيلن بير مرحله لردير. کلاسيک ارثين ابديياشار عنعنه لري زمينينده اينکيشاف ائدن، عئيني زاماندا بديعي-پوئتيک مزيتلرينه گؤره اؤزونمخصوص بير حاديثه  اولان، يئني، اوريژينال ادبي فورما و ژانرلارلا زنگين 19 و 20 يوزيلليکلر آذربايجان ادبياتيندا، خوصوصيله گونئی آذربايجان پوئزيياسيندا  عنعنه وي اولاراق آپاريجي يئري، قديم و اورتا عصرلرده اولدوغو کيمي، بو گون ده يئنه پوئزييا توتور. 21- يوزايلليکده ده گونئیده پوئزييا ديگر ژانر و ادبي نؤولره نيسبتن اؤنده دير.