چاغداش گونئی شعرينده ميللي تعصوبکشليک موتيولري سولماز داش دميرووا

1946-جي ايلدن  سونرا ايرانين  ايرتيجا قوووه لري نين و اونلارين خاريجي هاوادارلاري نين گونئي آذربايجاندا کوکره ميش آزادليق هرکاتيني بئشيگيندجه بوغماسي ايله علاقه دار اولاراق گونئي شاعيرلري نين بير قيسمي موهاجير عؤمرو ياشاماغا مجبور اولورلار. دار آغاجيندا آسيلماقدان، حبس و زيندانلاردان، آمانسيز تقيبلردن ياخا قورتارا بيلن قلم صاحيبلري، ضياليلار و اينقيلاب فدايلري بؤيوک وطنين ديگر ياريسيناقوزئي آذربايجانا پناه گتيره رک قان قارداشلاري نين قانادلاري آلتينا سيغينيرلار... طبيي، بؤيوک وطنين قوزئي پارچاسي دا اؤز نؤوبه سينده اونلارا دوغما آنا تک قوجاق آچير، قايغي و قهرلريني چکير... 

 

طالعلري بير-بيرينه بنزه ين  بالاش آذروغلو، الي توده، مدينه گولگون، ابوالفض حسيني، سؤهراب طاهير، حؤکمه بوللوري، ايسماعيل جعفرپور و ب. شعر و  پوئمالاريندا او ايللرين آغير کدر دوغوران حاديثه لري، دوغما يورد حسرتي، ايکييه بؤلونموش آذربايجانين آغري-آجيلاري،  وطن اؤولادلاري نين باشينا گلن  موصيبتلر اؤز بديعي عکسيني تاپير، بو اثرلر ادبياتيميزي يئني مؤوضولارلا، يئني اينسان  خاراکتئرلري ايله زنگينلشديريردي. موعين معنادا اؤز طالعلري نين شاعيري اولان  بو صنعتکارلار محض آجي طالعيين ديقته سيله وطنين ديگر پارچاسيندا مسکونلاشسالار دا، آذربايجان ادبياتيندا  " موهاجير شاعيرلر "  صحيفه سيني يازديلار. اونلارين پوئما ياراديجيليغيني سيله آراشديرميش ک.اغاماليوغلو بالاش آذروغلونون  " اردبيلده بير مئيدان وار "  (1953)،  " ايلک مکتوب "  (1956)،  " منيم جبهه  دوستلاريم "  (1975)، الي توده نين  " اصل يولداش "  (1954)،   " سنگرلي  قالا "  (1950)،  " تونقال يانير "  (1953)،  " دوغما سس "  (1959)، مدينه گولگونون  " ساوالانين اتکلرينده "  (1950)،  " فيرودين "  (1963)،  " عدالت "  (1964) " ،  " آيدي نين گونده ليگي " (1971)،  " آتا "  و س. کيمي پوئمالاريندا گونئي آذربايجاندا ياشايان باجي-قارداشلاريميزين کدرلي حياتي، معيشتي، اونلارين آرزو و دوشونجه لري نين بو و يا ديگر شکيلده اؤز عکسيني تاپديغيني يازير خوصوصيله وورغولايير کي،  " اثرلرين هاميسي نين بديعي کونفليکتي ايرتيجا قوووه لري ايله آزادليق فدايلري آراسينداکي بير-بيرينه دابان-دابانا ضيد موناسيبتلرين بديعي عکسيدير "  (1، ص.98). 

 

  1941-45 و 1946-جي ايللرده باش وئرن حاديثه لره بديعي موناسيبتين محصولو اولان بو اثرلرده حاکيم طبقه لري باش وئرنلردن عيبرت گؤتورمه يه چاغيريش نيدالاري دا آيدين ائشيديلير. الي توده، سؤهراب طاهير، بالاش آذر اوغلو، مدينه گولگون و حؤکومه بوللوري نين و ب. پوئمالاريندا اوخوجو خالقلار  دوستلوغونو، صولح و امين-آمانليق شرايتينده ياشاماق ايسته ين ميليونلارلا اينسانين آرزولاريني بوغان قارا قوووه لره، ايمپئرياليزمه، فاشيزمه نيفرت دويغولاري، آيريليق و  حسرتدن دوغان قملي نوتلارلا برابر، صنعتکارليق  خوصوصيتلري ايله سوسلو رنگارنگ بير عالم ده گؤرور. ع.توده نين پوئمالاري نين اکثريتي، دئمک اولار کي، بين الخالق ايرتيجانين ايفشاسينا، صولحه و  خالقلار دوستلوغونا هسر ائديلميش اثرلردير. شاعيرين  " آنانين آرزوسو " ،  " گيزلي دؤيوش " ،  " صولحون کئشيگينده "  پوئمالاري اسارت آلتيندا ياشايان هموطنلريميزين دؤزولمز آغير حيات شرايطيني، عدالتسيزليگي و حاقسيزليغي، اؤلکه ده توغيان ائدن قانونسوزلوغو و اؤزباشيناليغي  قاباريق  شکيلده غزونده عکس ائتديرمکله، هم ده بو وضعيته موعين بير آيدينليق دا گتيرير. کوتله لرين آزادليق اوغروندا موباريزه  تصويرلري شاعيرين بو مؤوزوداکي بوتون پوئمالاريندا صنعتکارليقلا اؤز تجسسومونو تاپميشدير. بونونلا ياناشي، همين پوئمالاردا نؤقصانلار دا مؤوجوددور. 

 

  لاکين خالق روحو، موترققي ايدئيالار، يئني ادبي مئييللر و ايشيقلي فيکيرلر بو پوئمالاردا ديقتي ايدئيالار، يئني ادبي مئييللر و ايشيقلي فيکيرلر بو پوئمالاردا ديقتي داها قاباريق جلب ائتديگيندن، بعضي چاتيشمازليقلاري گؤسترمه يه لوزوم گؤرموروک. اساس اودور کي، شاعير اؤزونمخصوص صنعتکارليقلا قلمه آلديغي پوئمالاردا حيات حاديثه لري نين ايجتيماعي-سياسي يؤنده حلل ائديله جگينه و ميلتين قارشيسينا قويدوغو مقصدلره چاتاجاغينا اؤزو ده اينانير، اوخوجونو دا بو گؤزل گله جگه اينانديرماغي باجارير. 

 

  خخ اسر گونئي ادبياتيندا  صولحون و  خالقلار دوستلوغونون تبليغي و ترننومو دئمک اولار کي، تانينميش قلم صاحيبلري نين بير چوخونون پوئمالاريندا اؤز بديعي حلليني تاپميشدير. شاعيرين ياراديجيليغينداکي اينجه نوتلارا، خوصوصن ده  ايجتيماعي موتيولره بديعي تخييولون محصولو کيمي باخانلار دا آز دئييل. سؤز يوخ، ايستر ه.توده ياراديجيليغيندا، ايسترسه ده ديگر گونئي شاعيرلري نين ياراديجيليغيندا بديعي تخييول اؤزونو آيدين حيسس ائتديرير، لاکين بو سيستئم اوزره قورولموش يوکسک صنعتکارليق خوصوصيتلري همين پوئمالارين تکجه شاعير  دوشونجه لري نين دئييل، هم ده شرايتيندن دوغان بير ادبيات محصولو اولدوغونو اوخوجويا چاتديرا بيلير. اوخوجو بو اثرلرين گئرجک وطن آشيقلري- حاقيقي قلم آداملاري طرفيندن يازيلديغيني ياخشي آنلايير و بو سببدن، ايستر بديعي جهتدن ضعيف اولسون، ايسترسه ده گوجلو، همين اثرلرده نؤقصان آختارماغا سي گؤسترمير... 

 

  بالاش آذروغلونون پوئمالاريندا صنعتکارليق مثله لري اؤزونه-مخصوص جهتلريله فرقله نير. شاعيرين  " فئستيوال " ،  " عرب اوغلو "  پوئمالاريندا ترننوم باشليجا شرطدير. بورادا شاعير يالنيز آرزو و ايستکلريني نه واختسا گئرچکلشه جک بير ديناميکا کيمي وئرير و اوخوجونو، ائله موراجيعت ائتديگي شخصي ده همين گونه، همين آنا اينانديرماغا چاليشير. مثلن،  " فئستيوال "  پوئماسيندا اوخويوروق: 

 

  فقط، اينان کي دوستوم، 

 

  آراز بير گون داشاجاق؛ 

 

  دالغالار او تايداکي 

 

  قايالاردان آشاجاق... (16، ص. 196). 

 

  بو اثرلرده شاعير آرزو و ايستکلريني نه واختسا گئرچکلشه جک بير ديناميکا کيمي وئرير، اوخوجونو و خيتاب ائتديگي شخصي ده همين گونه، همين آنا اينانديرماغا سي گؤسترير.  " عرب اوغلو "  پوئماسيندا ايسه ترننوم باشليجا کئيفيتدير. بو پوئمادا دا کونکرئت اوبراز و خاراکتئرلر يوخدور.  " فئستيوال "  پوئماسيندان فرقلي اولاراق بو  منزوم اثرده شاعيرين موراجيعت ائتديگي قهرمان بوتون عرب خالقيدير. 

 

  گونئي شاعيرلري نين پوئمالاريندا (وموميتله، بوتون اثرلرينده) باخماياراق کي، آغير و دؤزولمز حيات شرايتي، خالقين چکديگي زويم و مشققتلر، اينقيلابي موباريزه لرده خالق چئويکليگي و س. تصوير اولونور، نيکبين بير احوالي-روحيه ده سوندا اؤزونو قاباردا بيلير. بو، صنعتکارليغين بير تظاهورودور. ب.ازروغلونون يوکسک صنعتکارليغيني آدي چکيلن هر ايکي پوئماسيندا آيدين گؤره بيليريک.  

 

  شاعير بو پوئمالاريندا تصوير و ترننوم ائتديگي تاريخي حاديثه لره دؤورونون قاباقجيل صنعتکاري گؤزو ايله باخا و موعاصيري اولدوغو ايجتيماعي موتيولري اؤزونه-مخصوص صنعتکارليقلا  بديعي يوکسکلييه قالديرا بيلميشدير. 

 

  بالاش آذروغلو کيمي مدينه گولگونون پوئمالاريندا دا يوکسک صنعتکارليق ائلئمئنتلريني موشاهيده ائديريک. شاعيرين  " پروانه "  پوئماسيندا اينسانليق، هومانيزم و جسارتلي شخصيت يوکسک پافوسلا وئريليب. پوئما آغير و دهشتلي موحاريبه ني، بورادا جريان ائدن آغير حيات حاديثه لريني تجسسوم ائتديرير. سوژئت يوکسک صنعتکارليقلا ايشلنميشدير. بو، مؤليفين  " پروانه "  پوئماسيندا باش وئرنلري ياشاياراق، دريندن موشاهيده ائده رک يازديغيني يانسيدير. مدينه گولگونون ديگر ايري حجملي اثرلري ده اؤزونون يوکسک  ايدئياليغي، بديعي سپئسيفيک خوصوصيتلري ايله سئچيلير، ديقتي جلب ائدير. 

 

  بو شاعيرلر سيراسيندا حؤکومه بوللوري نين ده اؤزونمخصوص يئري واردير.  " ميللي پوئتيک فيکرين هئچ بير سرحد، حدد-حودود تانيماديغي باره ده فيکير يوروتسک، گؤرريک کي، حؤکومه بوللوري يالنيز گونئي  آذربايجانين دئييل، اودلار يوردونون گؤزل، حسساس بديعي سؤز اوستالاريندان بيري اولموشدور. اونون طالعيي، معنوي وارليغي ايله آيريلماز اولان ياراديجيليغي دوغما آذربايجان تورپاغيندا موباريز وطنداش شاعيرين اؤلمز پوئتيک داستانيدير "  (24، س.414). هؤکومه بوللوري نين بوتون ياراديجيليغيندا موباريز اوبرازلار اساس سعجيييوي ايستيقامت کيمي خاراکتئريزه اولونور. شاعير اينساني مرد، موباريز و معسود، خوشبخت گؤرمک ايسته يير. بو سببدن، اونون اثرلرينده ليريک قهرمان هميشه قايغيلي و دوشونجه ليدير. ايکييه بؤلونموش آذربايجان مؤوزوسو هؤکومه بوللوري ياراديجيليغيندا اساس يئر توتور. مرحوم آکادئميک  هميد آراسلي  هؤکومه بوللوري نين ايلک شعرلر کيتابيني عذاب و ايشگنجه لره معروض قالميش بؤيوک بير خالقين آرزوسو حساب ائديردي.  بو موناسيبتله او، يازيردي:  " بو  آرزو بير اثردن آرتيق اؤز دوغما قارداشيندان آيريليب، چوستبيد شاهلارين ، آزغين خانلارين، قولوزورلو ظاليملارين ظولمو و عذابي آلتيندا ياشاماغا مجبور اولان گونئي آذربايجانليلارين آرزوسودور. بو آرزو ستارخانلار، باغيرخانلار، خيابانيلر، پيشوريلر بؤيودن بير خايقين آرزوسودور. بو آرزو  بو گون آمئريکا و اينگيليس ايمپئرياليستلري نين آغاليق ائتديگي بير اؤلکه ده، اؤز وطني نين منافعييني ساتان مورتجع ايران باشچيلاري نين سويغونوندان آزاد اولوب اؤز-اؤزو حلل ائتمه يه، اؤز موستقيل دؤولتيني قورماغا جان آتان گونئي آزربايجانليلارين آرزوسودور "  (7)

 

  گونئي ادبياتيندا يارانان پوئمالاردا بين الخالق مؤوضولار دا اوستونلوک تشکيل ائدير. ايسماعيل جعفرپول  " قهرمانين دوشونجه لري "  پوئماسيندا ايستيقلال موجاهيدي، جسور بئلويانيسين آزادليق اوغروندا آپارديغي  موباريزه لردن جانلي شکيلده، يوکسک صنعتکارليق  بهس ائدير. 

 

   

 

  عوموميتله، يوکسک صنعتکارليق گئرچک حاديثه  و لؤوحه لر اوزرينده ايجرا اولوندوقدا داها موکممل تاثير باغيشلايير. بو تيپده اثر يازان شاعيرلرين سونرادان  بديعي تخييول اساسيندا هانسيسا بير فيکير فورمالاشديرماق ايستگي چوخ حاللاردا ايسته نيلن نتيجه ني وئرمير. جونکي يوکسک صنعتکارليغا اولمايان هر هانسي مؤليفين تخييول له بديعي حاقيقت ياراتماق ايستگي ضعيف  آلينير، بديعي حاقيقت اوخوجونو اينانديرمير. بو خطي بعضي گونئي شاعيرلري نين ده ياراديجيليغيندا گؤرمک مومکوندوت. 

 

  معلومدور کي،  بوتون ژانرلارين عصاسيني حيات حقيقتلري تشکيل ائدير. بو، مؤليفين بديعي حقيقتي نئجه قاوراماسيندان و تخييول سوزگجيندن کئچيره رک اونا اويغون فورما و مضمونو موعينلشديرمه سيندن آسيليدير. لاکين بو، بوتون حاللاردا مومکون اولمور. جونکي فورما و مضمونون موعينلشديريلمه سي پروسئسينده صنعتکارليق خوصوصيله بؤيوک رول اوينايير. مثلن، حؤکومه بوللوري نين  " کورئيا داغلاريندا "  پوئماسي بو جهتدن بير قدر يئکنسقدير. بو پوئما دا اي.جفرپورون  " قهرمانين دوشونجه لري "  پوئماسي کيمي صنعتکارليق باخيميندان  بير قدر  زيفدير. بئله کي،  اگر صنعتکار بين الخالق مؤوزودا اثر يازماغي قارشيسينا مقصد قويورسا، ايلک نؤوبه ده، او، باش قهرمانيني فورمالاشديران خالقين حياتيني، دوشونجه طرزيني، عادت-عنعنه سيني، فولکلورونو، عوموميتله، ادبياتيني دريندن اؤيرنمه لي، موکممل بيلمه ليدير. خيالي حيسسلر قاوراميندا بين الخالق حاديثه لرين پوئتيک  شرحي چتين مثله دير. بو سببدن، يوخاريدا آدلاريني چکديگيميز پوئمالاردا خالق روحو يوکسک اولسا دا، تصوير و ماهيت باخيميندان گؤزله نيلن نتيجه ني وئره بيلمير. گؤروندويو کيمي، دؤورون ژانرا موهاجيرتينده موعين ائنمه-قالخمالار اولموشدور و بو تئندئنسييا داها چوخ صنعتکارليق مسله لري ايله علاقه دار ايدي. 

 

  ميللي آزادليق حرکاتي نين يوکسه ليشي، قلبه سي و مووققتي مغلوبيتي دؤورونده پوئما ژانريندا بير سيرا اوغورلو اثرلر يازيلماسينا باخماياراق ( " باکي سفري " ،  " آذريلر " ،  " قهرمانلار " ،  " جاوانشير " ،  " ايکي قيزيل قوشون صؤحبتي " ، و س.)، بو جوشقونلوق 1947-1950-جي ايللرده موشاهيده اولونمور. همين ايللري گونئي آذربايجان دئموکراتيک ادبياتيندا  پوئما  ژانري نين ايکينجي حاضيرليق مرحله سي، دؤورو آدلانديرماق، فيکريميزجه، داها دوغرو اولاردي. بو  دؤور گونئي آذربايجان دئموکرات شاعيرلري اوچون اصل ياراديجيليق مکتبي اولدو. اونلارين سووئت ايجتيماي حياتيندان چوخ شئي اؤيرنديکلريني ده دوشونسک، منظره داها  آيدين گؤرونر. سووئت ادبي موحيطينده اصل ياراديجيليق مکتبي کئچن و گئتديکجه فورمالاشان گونئي آزربايجان دئموکرات شاعيرلري 1950-جي ايللردن سونرا موختليف مؤوزولاردا و بديعي شکيللرده بير-بيريندن ديرلي پوئمالار ياراتديلار. تشککول تاپديغي ايلک گوندن 1960-جي ايله قدر يارانميش بو پوئمالار مؤوزو باخيميندان دا موختليفدير. همين مؤوزولاردان ان سجيييويسي، گئنيش و احاطه لي اولان گونئي آذربايجانداکي ميللي آزادليق حرکاتي نين ترننومو مسله سيدير. گونئي آذربايجان پوئزيياسي اوچون  " ادبي اولان مؤوضو " لاردا دا پوئمالار يارانميشدير. اؤنمليسي اودور کي، همين مؤليفلر کلاسسيکلري تکرار ائتمه ميش، عنعنه وي مؤوضولارا يئني روح گتيرميش، يئني بديعي ايفاده واسيطه لري ايشلتميشلر. 

 

   

 

   

 

قایناق

 

  1. مدينه گولگون  " سئچيلميش اثرلري  " شرق قرب " ، باکي، 2004. ص.24 

 

  2. سؤهراب طاهير سئچيلميش اثرلري شرق قرب. باکي 2004. 

 

  3. ووقار احمد آذربايجان ادبياتيندا جنوب حسرتي نين ايفاده سي. 

 

  4. ووقار احمد 2012، 27.12.  " داعوام آز بوتؤو آذربايجان آدينا 

 

  4. ساوالان ياراديجيليغيندا فولکلور موتيولري جنوبي آذربايجان آنتولوگيياسي. ص. 25، 1994. "