يازيچي مير جلال، شاعير مير جلال Yazıçı Mir Cəlal , Şair Mir Cəlal

Prof.Həcər Emin qızı Hüseynova

 

  پروف.هجر امين قيزي حسين اووا 

   

  مودريکلرين  فيکرينجه،  " بشريتين ان بؤيوک حيکمتلريندن، اينسان شعوورونون ان بؤيوک کشفلريندن بيري سؤزدور. موقددس کيتابلار سؤز، دؤولتلري چيينينده ساخلايان قانونلار - سؤز، حيکمت ده، فضيلت ده سؤزدور. دون-يانين آدي بيلينن و بيلينمه ين هر اؤلکه سيندن، تاريخين هر دؤوروندن سوزولوب گلن ايشيق دا سؤزدور " . 

  اينسان سؤز واسيطه سيله کئچميشله، گله جکله علاقه  ساخلايير، اؤز دوشونجه و دويغولاريني تاريخين، زامانين يادداشينا يازير. پوئتيک سؤز سونو گؤرونمه ين بير اوکئانا بنزه يير. ديل واسيتلري بو اوکئانين ايچريسينده عوذور، سؤز سررافلاري بديي اثرين مؤوضوسو اوبرازلارين جانليليغي اوچون همين ايفاده واسيطه لريندن اويغون اولانيني سئچير، اوبرازلاريني رنگله يير، تظاهور ايمکانلاري نين اوبرازليليق سيستئميني ياراديرلار. 

  آذربايجان نثري نين گؤرکملي سيمالاريندان بيري اولان مير جلال اصل ايستعداد صاحيبي اولموشدور. اصل ايستعدادلاردا، داهيلرده ايسه هر شئي ساده، صاف و صميمي اولور.  " داهيلر بشريتين سرلؤوحه سيدير " ، دئييرلر.  " مير جلال20  عصر آذربايجان نثري نين، 20 عصر آذربايجان ادبياتي نين سرلؤوحه سيدير "  - دئسک، يانيلماريق. چونکي مير جلال هئچ زامان اؤزونو اينسانلاردان يوکسکده توتماميش، هميشه ساده اينسانلارلا بير يئرده، بير سيرادا اولموشدور. 

  عاليملرين، يازيچيلارين اؤز اثرلرينده ياشاماق قودرتي وار. اثرلرينده ياشايانلار ايسه اؤلمورلر. يازيچيلارين عؤمرو ايللرله دئييل، ياراتديغي اثرلرله، عمللريله اؤلچولور. يازيچيلار اؤز اثرلرينه، اثرلري ايسه خالقا منسوب اولور. مير جلال ياراتديغي سؤز خزينه سي ايله اؤز آديني آذربايجان ادبييياتي تاريخينه ابديليک يازميشدير. اونون بديي اثرلرينده خالقيميزين تاريخي، عادت-عنعنه سي، اينام و اعتيقادلاري موکممل شکيلده عکس اولونور. يازيچي اثرلرينده خالقين قلبينه، روحونا نوفوذ ائتميش، دردينه شريک اولموش، تفصيلاتي ايله تصوير ائتميشدير. مير جلالين بديعي اثرلرينين ديلي حياتي، جانلي، تبيي، ساده و صميميدير. اثرلرينين اوغور  قازانماسي نين اساس سببي ده محض بو اولموشدور. 

  مير جلال  " ديريلن آدام " لارين  " مانيفئست " يني  " آچيق کيتاب "  کيمي قارشيميزا قويدو،  " يولوموز هايانادير "، - دئيه چاره سيز قالان  " ياشيدلار " اي  " تزه شهر " لره توپلاماقلا کيفايتلنمه دي، اونلاري قارانليقدان آيدينليغا، آزادليق اوغروندا موباريزه يه سسله دي.  " زنجيرلري قيرماق اوچون عقل گوجو ده، ال  گوجو ده لازيمدير " ، - دئيه رک آذربايجانين آزادليق مئيدانيني کربلا مئيدانينا برابر توتدو، آزادليغين وئريلمه ديگيني، آلينديغيني و اونو قوروماغين موقددسليييني اينسانلارا آنلاتدي. 

  مير جلال مضمونو بسيط اولان، اينساني و اينسان حيسسلري نين اوبرازيني ايفاده ائده بيلمين اثري  اثر حساب ائتميردي. اونون فيکرينجه، بديعي اثر کئچميش ياشانميش حياتي يئنيدن جانلانديريب اوخوجونون تصوورونده ياشادير، صنعنتکارين ياراتماق قابيليتي نين، مهارتي نين، قلم گوجونون اهميييتيني گؤسترير.  

  20 عصر آذربايجان  نثري نين گؤرکملي نومايندلريندن اولان مير جلالين بديي اثرلري نين ديلي اولدوقجا طبيي، جانلي، لاکونيک و ريتميکدير.  " ساده ليک، صميميليک و اينانديريجيليق مير جلالين ديلينه مخصوص اساس کئيفيتلردندير. او ندن يازيرسا، يازسين، هميشه ساده اولماغا چاليشميش، معنا و فورمانين وحدتينه داها چوخ فيکير وئرميشدير "  (ي.سيد اوو). 

  عاليم مير جلالين علمي آراشديرمالاري دا بديعي اثرلري قدر سئويلن، اوخونان و آذربايجان ادبياتشوناصليغينين اينکيشافي ساحه سينده عوض ائديلمز منبعلردير. 20 عصرين 2-جی ياريسيندا يئني ايجتيماعي-سياسي آب-هاوا ادبييياتشوناسليقدا پوئتيکا ساحه سيندکي اننلرين اينکيشافينا شرايت ياراتميشدي. همين ايستيقامتده يارانان ايلک اثر مير جلالين  " فوضولي صنعتکارليغي "  اثري اولموشدور. کيتابدا پوئتيک کاتئقورييالارين اينکيشافي آرديجيل و موقاييسه لي شکيلده تحليل ائديلميشدير. 

  فوضولي نين  دونيا بديعي تفککورونون اينکيشافيندا اوزولونماز خيدمتلري، بديعي کشفلري مونوقرافييادا علمي تحليلين منطيقي ايله ايثبات ائديلميشدير. موقاييسه لي تحليللر فوضولي نين صنعتکارليق قدرتيني، پوئتيکاسينداکي يئنيليکلري اوزه چيخارماغا ايمکان وئرير. 

  تدقيقاتچي-عاليم مير جلال بير چوخ گؤرکملي شاعيرلرين خاقاني، نيظامي، نسيمي، خطايي، حبيبي و باشقالاري نين ياراديجيليغيني موقاييسه لي شکيلده تحليل ائتميشدير. بو ايسه، بؤيوک يازيچي نين  شعیره، پوئزييايا ماراغينين، سئوگيسي نين نتي-جسي ايدي. لاکين اونو دا قئيد ائتمک لازيمدير کي، آذربايجان ادبياتي نين ان قديم قايناقلارينين نظم فورماسيندا  اولماسي بير چوخ يازيچيلاريميزين ياراديجي-ليغينا تاثيرسيز قالاماميشدير. بو، داها سونرالار فورمالاشان نثر نومونلري نين، حتّی موعاصير نثريميزين ده شعیرله باغليليغيني، پوئزييادان، شعیردن قايناقلانديغيني ايثبات ائدير. 

  کيچيک باياتيلاردان باشلاياراق هم نظمي، هم ده نثري اؤزونده عکس ائتديرن داستانلارا قدر يوکسلن خطله اينکيشاف ائدن فولکلور ادبياتي دا، ايلکين واريانتدا نظمله ياراديلان، سونرا کاتيبلر طرفيندن اوزو کؤچورولرکن نثرلش-ديريلن، قافييه لي نثره چئوريلن  " کيتابي-دده قورقود "  داستاني دا دئديکلريميزي ايثبات ائدير.  

  همين خوصوصيت آذربايجان يازيچيلاري نين بير چوخونون اثرلرينده اؤزونو گؤسترير. لاکين بو جهت کيمدسه آز، کيمدسه داها چوخ گؤزه چارپير. 

  معلومدور کي، م.ف.آخوندوو، م.س. اوردوبادي، م.ابراهيموو و ديگرلري کيمي، مير جلال دا ياراديجيليغا شعیرله باشلاميش، 30-جو ايللرده نثره کئچميش و 20 عصر آذربايجان ادبياتي تاريخينده رومان و حکايه لر اوستادي کيمي مشهورلاشميشدير. 

  1920-جي ايللرين سونلاريندا بير چوخ آذربايجان شاعيرلري کئچميش عنعنه ني اؤز پوئزييالاريندا داوام ائتديرسه ده، بعضيلري تاماميله فرقلي يول توتموشدولار. اونلار  " روس ادبياتينين پوئزيياسي نين گونشي "  ولاديمير ماياکووسکي عنعنه لريني داوام ائتديره رک يئني حياتي، رئالليقلاري ترننوم ائتمه يه چاليشيرديلار. 

  مير جلال دا همين يازيچيلاردان بيري ايدي. لاکين سونرالار مير جلالين  " اؤزونمخصوص رمزينه چئوريلن نثري اونون پوئزيياسيني او درجه ده کؤلگه ده قويموشدور کي، اديبين ياراديجيليغي نين بو قولو پوئزييا، دئمک اولار کي، تاماميله اونودولموشدور "  (ع.حاجييئو). پوئزييايا اولان سئوگيسي ايسه يازيچي نين نثر اثرلرينه تاثير گؤسترميشدير. مير جلال ياراديجيليغيندا - بديعي (هتتا علمي) تفککورونده اينتوناسي- يا خوسوسي يئر توتور. يازيچي نين نثر اثرلري عنعنه وي نثر اينتوناسيياسيني اؤزونده عکس ائتديرير. عئيني زاماندا موشاهيده لر گؤسترير کي، مير جلال دئييم طرزينه، فردي اوسلوبونا گؤره باشقالاريندان فرقله نير. اونون نثري داها ريتميک، ليريک، داها ائموسيونال و آهنگدار اولاراق نظمه داها ياخيندير. 

  يازيچي ايلک ياراديجيليغا شعیرله باشلاماسي، پوئزييايا ماراغي ايله باغلي اؤز ترجومه  حاليندا يازميشدير:  " ...گنج ايشچي " ... من ايستييرديم اورادا يازيم. بير نئچه شعیر قارالاييب پوچتلا گؤندرديم، جاواب چيخمادي... بير دفعه  ماياکووسکينين  " ضربه چي مارشي "  شعیري اليمه کئچدي، اوخودوم و ندنسه ترجومه ائتمک فيکرينه دوشدوم...بير هفته سونرا همين ترجومه شعیريم چيخدي. بو، منيم مرکزي مطبوعاتدا ايلک يازيم ايدي "   مير جلالين شعیر ياراديجيليغي حاقيندا قيسا ملوماتلاردان بيرينه ايسه ج.خندانين  " مير جلال "  (ب.، 1958) مونوقرافيياسيندا راست گليريک. مؤليف مونوقرافييادا يازميشدير:  " 1924-28-جي ايللرده مير جلالين ادبي-ايجتيماعي فعالييتي باشلانير و او، ايلک شعیرلريني نشر ائتديرير "  (ص.5). 

  س.روستم مير جلالين نثري ايله پوئزيياسيني بؤيوک مهارتله علاقه لنديره رک:  " سنين نثرين ده ائله شعیر کيميدير "، فيکريني سؤيلميشدير. 

  اديبين 1924-29-جو ايللرده  " قيزيل گنجه " ،  " گنج ايشچي "  و باشقا مطبوعات اورقانلاريندا نشر اولونموش شعیرلري حاققيندا پروف.ع.حاجييئو  " پوئزييادان نثره "  (م.جلال نثري نين پوئتيک اساسلاري. باکي، 2011) کيتابيندا اطرافلي معلومات وئرميش، همين شعیرلري اولدوقجا دريندن، هرطرفلي تحليل ائتميشدير. ماياکووسکي پوئزيياسي نين تاثيري نين حسس اولوندوغو  " شيمالدان سس "  شعیرينده مؤليف ساده اينسانلارين آغير وضيعتيني، ليريک قهرمانين چتينليکلريني ايفاده ائتمک اوچون يازيچينين چوخ اوغورلو سؤز و ايفاده لر سئچديگيني (محبس، مزار، دمير قفس... و س.) وورغولاميشدير. قهرمانين ايجتيماعي-سياسي اينکيشافينا شيمالدان گلن سسين سبب اولدوغونو و اثرين ده ائله بو جهته گؤره  " شيمالدان سس "  آدلانديريلديغيني قئيد ائتميشدير. پروف ع.حاجييئو  " شيمالدان سس "  شعیريني  " پوئتيکلشديريلميش نثر "  آدلانديرميشدير.  " دنيزين جينايتي "  (1928) شعیرينده ايسه قارا دنيزده قزايا اوغرايان  " مصطفی صبحي "  گميسي نين فاجيعه سيندن بحث اولونموش، يازيچي-شاعير بو فاجيعه ده پوئتيک ديلله دنيزي گوناهلانديرميشدير. 

   " آنامين وصيتي "  شعیرينده ليريک قهرمانين آناسي سون نفسده اوغلونا تحصيل آلماغي، شهيد آتاسي نين يولونو داوام ائتديرمگي وصيت ائدير. بو حاديثه نين بيرباشا مير جلالين اؤز شخصي حياتيندان گؤتورولدويو قئيد اولونور. 

  مير جلال  " موخبير "  شعیرينده بير موخبيرين حياتيني تصوير ائتميش، موخبيرلرين حيات حاديثه لريني دوغرو-دوزگون عکس ائتديرمه لي اولدوقلاريني ديقته چاتديرميش، سانکي موعاصير ژورناليستيکا مکتبي، گنج موخبيرلر اوچون بير اؤرنک ياراتميشدير. 

  اديبين محبت مؤوزولو شعیرلري زمانه ميزه قدر گليب چاتماميشدير. 

  بئله قناعته گلمک اولار کي، پوئزييادا دا اؤزونمخصوص يولو، اوسلوبو اولان مير جلال سونرالار دويغو و دوشونجه لريني ايفاده ائتمک اوچون نثري داها موناسيب بيلميشدير. آما نثر اثرلري نين مؤليفي اولماسي، نثرله يئني-يئني زيروه لر فتح ائتمه سي مير جلالي پوئزييادان بيردفه ليک اوزاقلاشديرا بيلمه ميشدير. چونکي نثر اثرلريني حکايه و رومانلاريني تدقيق ائدرکن گؤرکملي يازيچي نين بو اثرلرده ده پوئزييا، نظم عنصورلرينه يئر وئرمه سي نين، بعضا حتّی ترننومون تصويري اوستله مه سي نين شاهيدي اولوروق. بو اثرلر قافيه لي نثر پارچالاري ايله زنگيندير.

 قافييه لي نثر پارچالاري ايسه نثرين آغيرليغيني آرادان قالديرير، اثرين ائموسيونال-ائستئتيک تاثيريني، پوئتيزميني، ديناميکليگيني آرتيرير.

 مثلن،  " آچيق کيتاب "  رومانيندا اؤولاديني ايتيرن آنانين فاجيعه سيني يازيچي قافييه لي نثرله آشاغيداکي کيمي ايفاده ائتميشدير: 

  آنانين گؤزلريندن آخان ياشميدير؟ 

  گؤيلرين قهريندن تؤکولن دولومودور؟ 

  تؤکون، ياغديرين گولله لرينيزي،

 ائي بولود قوشونلاري! 

  آنا سينه سيندن قوپان حسرت کولگي گورلاسين، 

  دولو دؤيسون، سئل باسسين! 

  هاوا دورولسون، يئر تميزلنسين! 

                   (مير جلال، سئچيلميش اثرلري، اوچونجو، ص.391) 

  وئريلميش پارچادا يازيچي تانري قدر موقددس حساب ائتديگي آنانين فاجيعه سيني، اونون کئچيرديگي حسسي-حالي طبيعت حاديثه لري ايله اعلاقلنديرميش، اينسانلا طبيعتين ديالئکتيک وحدتيني قافييه لي نثرله ترننوم ائتميشدير. ديققت يئتيرسنيز، بيز بورادا  " تصوير ائتميشدير "  دئييل،  " ترننوم ائتميشدير "  ايفاده سيني ايشلتمگي داها مقصده اويغون بيلميشيک. بو، تصادوفي دئييل. اصلینده، تصوير نثرين، ترننوم ايسه نظمين اساس کئيفيتلريندن، ايفاده اوسوللارينداندير. يازيچي گؤردويو، تصوير ائتديگي حاديثه نين اوندا ياراتديغي هيجاني ترننوم ائتميشدير. يوخاريداکي پارچادا دا اوخوجو يازيچي نين کئچيرديگي هيجاني حيسس ائده بيلير. عوموميليکده، ج.جاببارلي نين  " آنا "  شعیري ايله عئيني سوييه ده دايانا بيلن بو پارچانين نثر پارچاسي اولدوغونو بئله، ايلک باخيشدان موعين ائتمک چتيندير. 

   " يولوموز هايانادير "  رومانيندا م.ع.صابير (اثرده طاهيرزاده) حاقيندا مير جلال بئله بير معلومات وئرميشدير: 

  شاعير قانادلانماق، 

  تورپاقدان قوووت، 

  گونشدن قودرت، 

  چؤللردن ووسعت آلماق، 

  قهقهه لي چاغيريشلاريني 

  وطن گؤيلرينه يازماق،  

  وطنداشلارينا اوخوتماق ايسته ييردي. 

                  (مير جلال، ص.ع. بشینجی ج.، ص.10) 

پارچادا ايشلنميش  " قوووت، قودرت، ووسعت "  همقافييه ايسيملري،  " آلماق، يازماق، اوخوتماق "  فعيللري داخيلي قافيه لري خاطيرلادير. نثر پارچاسينا اويناق بير ريتم، آهنگدارليق وئرير. نثرين قافيه لري، آهنگي پئرسوناژلارين دوشونجلري نين، سئوينج و کدري نين اوبرازلي ايفاده سينه خيدمت ائدير. 

" مرکز آدامي "  حکايه سينده عنترزادنين ايشله مک اوچون کنده گؤندريلمه سي خبريني ائشيدنده دوشدويو وضيعيتي ايفاده ائتمک اوچون مير جلال يئنه قافييه لي نثري موناسيب بيلميشدير: رايونا گئتمک خبريني سؤيلينده دئيسن کيشييه واي خبريني وئرديلر:    

  سارالدي، کيچيلدي،  

                  بوغازي بيچيلدي. 

  يالواردي، 

                بوراخماديلار. 

  حدله دي،  

                 قورخماديلار. 

  سس-کوي سالدي، ائشيتمه ديلر.  

                        (مير جلال، ص.ع. 1 ج.، س.28) 

  پارچادا همقافييه همجينس خبرلر بيرينجي ترکيب حصه ني آيدينلاشديرميشدير. عادي اينتوناسييا ايله باشلانان جومله خوصوصي ريتمله، اويناق آهنگله سارالدي، کيچيلدي، بوغازي بيچيلدي همقافييه  سؤزلري ايله باشا چاتير. هادي-سنين جيدديليگي،  " واي خبري " نين کدرلي دئييل، اويناق آهنگله وئريلمه سي ايله تضاد تشکيل ائدير، پئرسوناژين دوشدويو وضعيتين گولونجلويونون داها قاباريق شکيلده ايفادسينه شرايط يارادير. 

   " ديريلن آدام "  رومانيندان بير نومونيه نظر سالاق: 

   قاتيرچيلار قاتيرلاردان تؤکولدولر، 

   قاتيرلاري مئشه يه اؤتوردولر  

                                        (مير جلال، ص.ع. 1 ج.، ص.28) 

  بو ايکي ميصراعدا جومله ده يازيچي فيکرين اوبرازلي ايفاده سي اوچون بير نئچه اوسلوبي واسيتدن ايستيفاده ائتميشدير: بيرينجي نومونه ده جومللرده  " ق "  ساميتي نين آلليتئراسيياسي،  " قاتير "  سؤزونون تکرار ايشلديلمه سي،  " تؤکولدولر، اؤتوردولر "  هم-قافييه فئيللري پارچانين ريتميني، حاديثه  نين ديناميکليگيني تامين ائتميشدير.  

   

  بو يئرده اوروج عليئو آغزي باغليدير. 

  آغزي باغليدير، اورگي داغليدير   

  (مير جلال، ص.ع. 3 ج.، ص.43)

 

  وئريلميش پارچادا  " آغزي باغلي، اورگي داغلي "  ايفاده لري همقافييه،  " آغزي باغلي "  بيرلشمه سي ايسه سينتاکتيک-کونستروکتيو تکرار اولاراق آناديپلوسيس ياراتماغا خيدمت ائتميش، فيکرين تاثيرلي ايفاده سيني تامين ائتميش، اوخوجونون ديققتيني اساس حرکته يؤنلتمک  فونکسيياسيني يئرينه يئتيرميشدير. مير جلالين بديعي اثرلري بو و ديگر اوسلوبي واسيطه لرله، لينقووپوئتيک عنصورلرله زنگيندير. اونلارين هر بيري حاقيندا آيريجا دانيشماق لازيمدير.  

  باشقا بير نومونه: 

  بلکه، ببير به يه قانديريبلار کي، قدير قاتير مممده چؤرک وئرنلر نسليندندير. قوهومدور، قاهماردير، فيلاندير، بهماندير.  

  بو نومونه ده ايسه خالق قهرمانينا خالقين محبتي قافييه لي نثرله پوئتيک ايفاده سيني تاپميشدير: قوهومدور، قاهماردير، فيلاندير، بهماندير. 

  مير جلال اؤز اثرلري ايله بو گون ده گنج نسلين وطنپرورليک روحوندا تربييه اولونماسي کيمي موقدس ايسه خيدمت گؤستريرسه، دئمه لي، او اؤلمه ميشدير. مير جلال يارادانلاردان  ايدي. ياراتماق ايسه اؤلومو اؤلدورمک دئمکدير: زامان کئچر، سؤز قالار. 

  ياراتديغي اثرلره بؤيوک مسئوليتله ياناشان مير جلال گنج نسلين وطنپرورليک روحوندا تربييه اولونماسي ايشينده اهميييتيني نظره آلاراق اثرلريني حيکمتلي سؤزلرله، مودريک کلاملارلا زنگينلشديرميشدير. يازيچي نين ياراتديغي زنگين  معنوي خزينه نين، معنوي سروتين بيرحصه سي اونون هيکمتلي سؤزلريدير. همين کلاملار اينسانلارين يالنيز معنوياتيني دئييل، هم ده اونون ياشاديغي مکاني، زاماني دا ايشيقلانديرير. بؤيوک تربييوي اهميتيني نظره آلاراق يازيچي نين حيکمتلي سؤزلريني - آفوريزملريني کيتابين 2-جی حيصه سينده اوخوجولارا تقديم ائتمگي مقسدويغون بيليريک. امينيک کي، بو حيکمتلي سؤزلر-کلاملار حياتدا  هر  بير اينسانا دوغرو يولو گؤستره جک، حقيقتي، عدالتي تاپماق يولوندا يارديمچي اولاجاق.