دکتر صدیق و اوشاق ادبیاتی

 

.

 

 

 

 

 

 

 

 

 

اشعار ترکی عباسقلی آقاپور(سولغون)-شهرستان خداآفرین روستای قاقالو-ساکن تهران و معلم ادبیات

من آذر اوغلویام
من آذر اوغلویام مرد دوغولموشام
نامرده چؤکمه رم هئچ واخت دیز بالا
چؤلیم له ایچه ریم بیردی آینا تک
یولومو توتموشام هر واخت دوز بالا

نامرده قیلینجام مظلوما آرخا
نادان لا آخمادی سویوم بیر آرخا
کؤهنلمم تاریخه نه ده کی چارخا
شعریم له قویموشام ایتمز ایز بالا

بیر عؤمور چالیشدیم قازاندیم حالال
آلدادا بیلمه دی نه شؤهرت نه مال
اؤز یاوان چؤره گیم یئدیم سانکی بال
تیکمه دیم ال له ره بیر ده گؤز بالا

دالدا دا آخیتدیم گؤزلردن سئلیم
من دردی گیزلت دیم گؤرستدی تئلیم
هئچ ائیه بیلمه دی درد کدر بئلیم
چون آنام دئمیشدی درده دؤز بالا

اؤرنه گیم کس دئییل یانلیز آللاهیم
مردله رین شاهی دیر منیم ده شاهیم
بیلیرم باشقالار ائشیتمز آهیم
کدردن یازمیشام شاها سؤز بالا

تانیلماز سولغونام مرامیم حاخدی
کیم عالیم گؤزونده کیم دلی باخدی
حقیقت چایلاری هئی منه آخدی
باشارسان گؤلوم ده سنده اوز بالا
اینسان قوجالدیر
اینسانی دؤوران یوخ اینسان قوجالدیر
عؤموره نه وار کی یاشا نه وار کی
بیر بئله نیفرت له پبیس لیگ الیندن
عؤمور تئز قوتاریب آشا نه وارکی

هر یئتن یئتنه اولوب دور یاغی
غضب دن هر کسین اوجالیب داغی
او قدر چوخالیب ظولمون اوجاغی
اریدر دمیری داشا نه وار کی

دوست دوستو گزدیریر آلوودان قورا
دیری کان سال لاییر ها گوردان گورا
اینسان لار الیندن چکیلن زورا
آیاخ دا آغارار باشا نه وار کی

نه آها باخان وار نه ده آمانا
گولول لر قلبینه آل قان دامانا
دوزوب لر آجی سؤز اوخ تک کامانا
عاشیقی اوخلایان قاشا نه وار کی

اوزده محبت دیر کینه لر ایچه
چالیشیر هر یئتن دوست زوغو بیچه
قورخورام سولغون دا دؤنوب قان ایچه
یوخسا مجنون اولوب چاشا نه وار کی