یاشام پسیکولوژیسی YAŞAM PSİKOLOJİSİ

یاشام پسیکولوژیسی  YAŞAM PSİKOLOJİSİ

دکتر حسین شرقی(سوی تورک)

Dr.HÜSEYİN ŞƏRQİDƏRƏCƏK (SOYTÜRK)

 

 

اويونجاق آلين.

آلديغنيز اويونجاقلار اوشاقلارينيزي نه قدر سئوينديريرسه، سيز بؤيوکلرين ده اؤزونوزه آلديينيز اويونجاقلار سيزي سئوينديرير. مثلا، سودا اوزمک اوچون اؤزونوزه هاوا ايله دولدورولان قاييق آلين، توپلا اوينايين، تورپاق اوزرينه اوزانين و تورپاغين ايييني آلين و او اييين سيزه نه قدر راحاتليق وئرديگيني حيس ائدين.

آرابير برک عصبلشين.

آلنينيزي قيريشديرين، قاشلارينيزي چاتين، وار گوجونوز ايله بايرين، سؤيون و اوجادان ايستمهديگينيز شئيلره ايچينيزده يييليب قالان شئيلري دئيين (ياخشي اولار کي، بونو ائدرکن يالنيز اولاسينيز).

 مشق ائدين.

اونوتمايين کي، مشق ائتمک، بدني تربييلنديرمک بوتون نيگارانچي­ليقلاري آرادان قالديرير. او قدر مشق ائدين کي، يورولاسينيز. چونکي يورولمادان راحاتليق مومکون دئييل. بير پسيخولوژي مثل وار: «گؤي قارالماسا، بولودلار چاخماسا، يايش ياغماز. قارا بولودلار حياتيميزدا دا سونراکي ياغیشلارين نيشانهسيدير».

 نيگارانچيليقلارينيزي بير سانديغا قوياراق آغزيني باغلايين.

هر گئجه ياتمادان اؤنجه پالتارلارينيزي چيخارديب آسديينيز زامان نيگارانچيليقلارينيزي دا اونونلا برابر اؤزونوزدن اوزاقلاشديرين. سيزي نيگاران ائدن مؤوزولاري بير کايز اوزرينه يازيب گيزلتمگي باغارين. امين اولون کي، او نيگارانچيليقلار تام هلل اولماسا دا، درجهسي آزالاجاق.

آز يئيين، کئيفيتلي يئيين.

بير اوتورومدا بير کيلو يئمک سني او قدر سيخا بيلر کي، 100 قرام کئيفيتلي يئديگينده بير او قدر سئوينجلي اولا بيلرسن.

اوزونوزو اؤرتون.

ايکي الينيزي اوزونوزه دوغرو قويون، بارماقلارينيزي گؤزونوزون اوزرينه ياپيشديرين و ياواش-ياواش باسين. دريندن نفس آلين. سونرا اللرينيزي گؤتورون، گؤزلرينيزي ياواش-ياواشاچين.

چوخ جيدي شئيليره جيدييه آلمايين.

جيدي شئيلرين تؤرتديگي جيدي نيگارانچيليقلار سيزي مأيوس ائده بيلر. اونا گؤره ده جيدي نيگارانچيليقلاري جوزي نيگارانچيليقلارا چئويرمگي باجارين و «هر شئي ياخشي اولاجاق» دئيين و بونو بير نئچه دفعه تکرارلايين

سئوديکلرينيزي اؤپون.

اؤپمهيه بهانه آختارين. دوداقلارينيزين واسيطهسيله وئرديگينيز و آلديينيز موثبت ائنئرژيسيزين ياشاماينيزي گؤزللشديرهجک.

قوجاقلاشين.

سيز اوشاقلاري و يا سئوديگينيز اينسانلاري قوجاقلاديقجا اونلارين موثبت ائنئرژيسيني اؤز جانينيزا چکيرسينيز. بو يوللا دا روحي ساغلامليينيزي تامين ائديرسينيز. بونا گؤره ده سئوديکلرينيزي قوجاقلاياراق قارشيمالاقدان ذؤوق آلين.

 اوجا سسله سئوگينيزي بيان ائدين.

سئوديگينيز اينسانلارلا قارشيلاشديقدا اونون اوچون نه قدر داريخديينيزي و اونو نه قدر اؤزلهديگينيزي اوجا سسله دئمکدن چکينمگين «من سني سئويرم» دئيين.

 گولمهيه بهانه آختارين.

اولا بيلر کي، گولمک اوچون مؤوزو تاپماياسينيز. آنجاق ائله شرايط يارادين کي، سيز گوله بيلهسينيز. گولون. 5 دقيقه دن 15 دقيقه يه قدر گولون. او قدر اورکدن گولون کي، قارين ازلهلرينيز آغريماغا باشلاسين. او قدر گولون کي، گولوشدن سرمست اولاسينيز.

يازين.

اؤز پروبلئملرينيزي کايز اوزرينه يازين. بونونلا ياناشي اؤز مووففقيتلرينيزي ده کايز اوزرينده يازين. سونرا پروبلئملرينيزي سورعتله اوخويون و بير کنارا آتين. آنجاق مووففقيتلرينيزي ساعاتلارلا اوخويون.

داخيلي «من»ينيزي اؤز خيدمتکارينيزا چئويرين.

هر کسه بلليدير کي، داخيلي «من» اينسانين پروبلئمينين حلينده اونا کؤمک ائدن واسيطهدير. بيز اونا ايناناراق ايشلريميزين حليني اونا تاپشيريريق. بس بيز ايناندييميز او «من»ه گوونهرک وونو آلداداراق اؤز خيدمتکاريميزا چئورمگي باجارماليييق.

 

اؤز-اؤزونوزله عهد باغلايين .

اؤزونوز اؤزونوزه دئيين کي، من بو نيگارانچيليين آخيرينا نهايت کي، آيين فيلان گونونده چيخاجاغام. هر نه قدر اؤز عهدينيزده جيدي اولسانيز، بير او قدر مووففقيت الده ائدهجکسينيز.

فيکرينيزي باشينيزا توپلاماي باجارين.

حرکتينيز، سس تونونوزا، گؤرونتونوز، بير سؤزل، دوشونجنيزه حاکيم اولون. اگر اؤزونوزه اينانيرسينيزسا، چوخ چکميهجک کي، هانسي ايستيقامته ايستهسنيز گئتمگي باجاراجاقسينيز.

اؤزونوزه ايجازه وئرين.

دينج يئر تاپين و قيشقيراراق اؤزونوزه دئيين کي، «من سنه بير داها شانس وئريرم»وه بو سؤزو يوزلرله تکرار ائدين «من باجاراجاغام». آنجاق بؤيوک شئيلري فيکيرلشين. حياتينيزي کيچيک مسلهلرله مشغول ائديب اؤزونوزو کيچيلتمکدن واز کئچين، بؤيوک دوشونون، بؤيوک قازانين، انگين راحاتليق قازانين.

راحات اينسان ايشدن ال چکمگي باجارار.

هر بيليکلي اينسان نه زامان ايشلهييب و نه زامان ايشلمهديگيني بيلر. حياتدا بيزه گرگين وضعيتلري ياشادان ايش دونياميز بيزيم ايشه نئجه ياناشما طرزيميزدن ايرهلي گلير. ايشه گئتديگينيز يوللاري، ائوه گئتديگينيز يوللاري دييشديرين. گوندهليک شخصي ماشينينيزلا گئتديگينيز يول سيزي ايشينيزدن بئزديره بيلر. اونا گؤره ده ايشه گئتديگينيز يوللاري موختليف واسيطهلرله گئتمگينيز مصلحتدير.

آهسته دانيشماي اونوتمايين.

آهسته دانيشماق سيزين نه درجهده ساوادلي، تربييهلي اولدوغونوزلا ياناشي هانسي دونيا گؤرونوشونه ماليک اولدوغونوزو و هانسي عصبي وضعيتده اولدوغو­نو­زو گؤسترير. گلين آهسته دانيشاق،بير-بيريميزي باشا دوشک.

مئهريبان اولون.

هر بير توپلوم حيس ايييات و هيجانلا حرکت ائدن فردلريني دوزگون قبول ائتمز. اونا گؤره ده ياخشي آدام اولماق اوچون ياخشيليغا دوغرو ايرهليلهمک اوچون مئهريبان اولماق لازيمدير. مئهريبان اولاق کي، باشقا­لارينين مئهري-محبتيني اؤزوموزه دوغرو چکک.

دونياگؤروشونوزه يئنيدن باخين.

اينانديينيز بير شئي سيزي چتين وضعيته ساليرسا، اونو دييشديرين. بيلين کي، سيز دونياگؤروشو اوچون دئييلسينيز، دونياگؤروشو سزين اوچوندور و سيز اونو ايستهديگينيز کيمي دييشديرمهيه قاديرسينيز.

واختينيزي ايتيرمکدن قورخمايين.

باجاريقلي اينسانلار واختلاريندان دوزگون ايستيفاده ائدهرک قالان واختلاريني اَيلنجهيه يؤنلده بيليرلر. باجارمايان اينسانلار ايسه هئچ واخت واخت تاپا بيلميرلر.

 اؤز ايستکلرينيزه اهميت وئرين.

بو ايستک ماددي معنافئ اوزرينده قورولماسا داها ياخشيدير. لاپ اوزاقلاردا بير داي، بير موقدس مکاني، بير ياشلي اينساني و يا بير شهيد مزاريني گؤرمک بيزده ايستکلريميزين اينساني يؤنلو اولماسيني و اونون نه قدر موقدس و اولوي اولدوغونون دا ثوبوتودور.

نفسينيزه اهميت وئرين.

بيليريک کي، هر آلدييميز نفس سئوديگيميز عؤمروموزون و حياتيميزين، داها دوغرو ديريليگيميزين ضامينيدير. بير آن بئده اونو آلماساق بوتون هر شئي بيزيم اوچون يوخدور. دينج بير يئر تاپين، نفس آليب وئرديگينيز ريتملره معنالي شکيلده قولاق آسين.

 ياخشي دوستونوز اولسون.

حيسوه هيجان دولو حيات ياشايان اينسانلارلا دوست اولماق چتيندير. اونلار سيزده عصبي گرگينليک يارادا بيلر. ساکين آداملارلا دوست اولماق ايسه سيزي راحاتلادا بيلر.

 حياتدا ائدهجگينيز دييشيکليکلر آراسيندا موعين بير زامان اولماليدير.

 هر شئيي حياتيميزدا بير آندا دييشديرمک مازوخيستيک بير حرکتدير. اونا گؤره ده دييشيکليکلري موعين فاصيلرله حياتا کئچيرمک لازيمدير.

 گؤروشه 15 دقيقه تئز گلين.

ايستهديگينيز يئره گئتديگينيز زامان تعيين ائتديگينيز واختدان 15 دقيقه چوخ واخت آييرين. بو ايسه سيزي تلسمهيه و سترئسه دوشمهيه قويماياجاق. هم ده گئتديگينيز يئرده 10-15 دقيقهزامانينيز اولدوغو واخت سيز اورا ايله تانيشليق الده ائده بيلهجکسينيز.

ايستيفاده ائتديگينيز قاب-قاجاي ذؤوقله سئچين.

بير مئيوهني بير گؤزل قابدا يئيهجکسينيز، بير ستکاني چايي و يا کوفئني بير گؤزل فينجاندا ايچهجکسينيز، ان آزي اوندان آلديينيز فايدا قدر ذؤوق آلاجاقسينيز.

واختيندا نيگاران اولماي باجارين.

بير چوخ اينسانلار باشقالارينين باشينا گلنلري اؤزون تطبيق ائدهرک سببسيز يئره نيگاران اولورلار. آنجاق بير حاديثه نين کيمه هارادا باش وئرهجگي بللي اولماديينا گؤره بيز باش وئرمهيهن حاديثه لره نيجاران اولماماليييق. چاليشين اينديني فيکيرلشين، گلهجگي هئچ کس بيلمير.

راحاتليي قبول ائدين.

راحاتليق ائله بير مؤوضودور کي، اونو هر کس موختليف جور قبول ائده بيلر. سيزيسه اونو اؤزونوزه اويغون شکيلده قبول ائدين. قبول ائدين کي، بئله بير مؤوضو وار.

 ساچلارينيزي دارايين.

هر گون ساچلارينيزي اؤزونوز و يا بير باشقاسي داراقلا داراسين. چاليشين درينيزه زييان وئرمهين داراقلاردان ايستيفاده ائدين. باجارديقجا توکلرين ديبينه ياخين حرکت ائتديرين. سونرا ايسه اونلاري بارماقلارينيزلا داراماغا باشلايين. گوزگونون قارشيسينا کئچهرک ساچينيزدان و اؤز گؤزلليگينيزدن ذؤوق آلين.

آياغينيزا موناسيب آياققابي گئيين.

آياقلاريميز قلبيميزدير. بو آرتيق هر کسه بللي­دير. ان باهالي و کئيفيتلي آياققابيني آليب و آيا­يميزا اويغون اولانينين گئيهرک فيزيکي و روحي ساغ­لام­لييميزي تمين ائتمگي باجارماليييق. ائوده اوتور­دوغونوز زامان هئچ بير آياققابيدان ايستيفاده ائتمگين.

 هارادا اولورسونوزسا اولون هر شئيين ياخشيسيني آختارين .

ياخشي دئمک چوخ پول خرجلهمک دئمک دئييل. سنه اويغون اولان و سني راحاتلادان هر شئي سنه گؤره ياخشيدير. بيزده موثبت حيس لري و پوزيتيو ائنئرژيني يارادان هر شئي ياخشيدير.

 اونوتما کي، سن بير اينسانسان.

باشقالارينا اوخشاماقدان چکينين. اؤزونوزو اولدوغونوز کيمي قبول ائدين. يئنين اؤزونوزه باخين، گؤرون نه قدر ياخشف کئيفيتلرينيز وار.

 آهسته و ليريک موسيقييه قولاق آسين.

يادينيزا سالين کي، آنالاريميزين حزين لايلالاري ايله نه قدر شيرين يوخولارا دالميشيق. اونا گؤره ده حياتينيزي حزين و دولغون موسيقيلرله اوشاقليق حياتي قدر راحاتلاشديرماي باجارين.

هر بير شئيده بير حظ واردير.

يازدا يامياشيل بير داغا، آياينيزين آلتيندا بيتن بير چيچهيه باخديينيزدا، يا دا ايرادنيزين گوجو ايله قازانديينيز بير اوغورا باخديينيزدا بؤيوک بير هززين اولدوغونو گؤرهجکسينيز. بوتون بونلاري بيلمک و کشف ائتمک اوچونيلک نؤوبهده اؤزونوزو کشف ائتمهليسينيز. ان بؤيوک هزز سيزين اؤزونوزسونوز.

آجي کئچميشي اونودون.

کئچميش اوچون اؤزونوزو هئچ زامان قينامايين. چونکي کئچميش آرتيق يوخدور و او ختيرهدن باشقا بير شئي دئييلدير. بو نتيجهيه چاتا بيلسنيز کي، کئچميش ايشلر کئچميشده قالدي، اوندا راحات ياشاماق حيس لريني قازانميش اولاجاقسينيز.

اوشاقلاري موشاهيده ائدين.

اوشاقلاري موشاهيده ائتمک بيزه بير درس اولماليدير. اونلاردان راحاتليين نه اولدوغونو اؤيرهنين. باخين کي، اونلار اينديني نئجه ياشاييرلار و سيز ده اونلاردان بو طرزده ياشاماي اؤيرهنين.

 آهسته دوشونمگي مشق ائدين.

يومشاق و اينجه دوشونجه طرزيني اؤزونه عادت ائدين. گؤزل حيس لر بخش ائدن منظرهلري سئير ائدين. حزين سسلره قولاق آسين، سونرا باخين گؤرون سيزده نه باش وئرهجک.

سليقلي اولون.

سليقهسيزليک فيزيکي باخيمدان سيزي يارار، روحي باخيمدان ايسه سيزي اوسانديرار. سليقلي اولون کي، قويدوغونوز هر شئيين يئرينده اولدوغوندان ذؤوق آلين.

 قصدن هيجان يارادين.

اؤزونوزو تانييين، سيزي تهريک ائدن و و سيزي دينجلدن زاماني اؤز داخيلينيزده کشف ائدين. هئچ واخت اؤزونوزو بير راحاتلاما مئتودو ايله آلداتمايين. چونکي راحاتلانماين موختليف موهرريکلري واردير.

پورتاغال يئيين.

پورتاغال يئمک توکسينلري آتماق دئمکدير. جانينيزين يئنيدن نفس آلماسي دئمکدير.

 آلما سيرکهسي ايچين.

گئجه ياتمازدان اول 1 یئمک قاشيي آلما سيرکهسيني 1 چاي قاشيي بالي ايله قاريشديراراق قبول ائدين. سحر يوخودان قالخديينيز زامان جانينيز بير چوخ زهرلي ماددهلردن تميزلنميش اولاجاقدير.

ليموندان ايستيفادني اونوتمايين.

ليمون ساغلامليق منبعيي اولماقلا ياناشي اونون عطري سيزه فراحليق و دينج احوال-روحيييه بخش ائدهجک.

ائو حيواني ساخلايين.

ائوينيزده بير قوش ساخلاسانيز مئهريبانليق حيس لرينيزي اونونلا پايلاشاراق نه قدر راحاتلاديينيزي گؤرهجکسينيز.

 سئوهرک ياشايين، سئويلهرک ياشايين، سئوين، سئويلين، سئوديرين و بونونلا دا سئوگينين داديني چيخارين.اؤزونوزه ان آزي 30 ثانيه دوشونمک ايمکاني وئرين.

بير شئيدن نيگارانسينيزسا، بير ساکيت يئر تاپاراق 30 ثانيه  دوزگون فيکيرلشمگينيز يئتر کي، سيز نيگارانچيليقدان قورتاراسينيز. بو 30 ثانيه ني گونونوزون ان مهم زاماني حساب ائتمگينيز لازيمدير.

 اوخودوغونوز يازيلارا ديقت وئرين.

کيچيک يازيلميش يازيلاري اوخومايين، اونلار مقصديؤنلو يازيلاردير. بو سيزي يورار و واختينيزي آلار. باشقالاريندان خواهيش ائدين اونلاري سيزين اوچون اوخوسون و سيزه ايضاح ائتسين. سيز ايسه ان بؤيوک يازيلاري اوخويون.

آنيندا بايشلاماي باجارين.

منفي حيس لر گؤندريلنه يوخ، گؤندرنه داها زييانوئريجيدير. اونا گؤره ده منفي ائنئرژيدن آزاد اولماق،گوناهکاري ايسه آني مقاميندا بايشلا کي، بير داها اونو فيکيرلشمهيهسن.

آرخانجا قاپيلاري اؤرتمگي باجار.

بوتون زهرلي فيکيرلردن، گوندهليک حياتين مسئوليتلريندن آزاد اولماق اوچون ان آزي بير ساعات قاپيلاريني باشقالارينين اوزونه باغلاماي باجارماليسان.

بويونوزو اوزو يوخاري دوغرو دارتين.

ايکي الينيزي يوخاري قالديراراق سيزي کيمسه گؤيدن چکيرميش کيمي اوزو يوخاري دارتينين. بئلهليکل، يئردن قوپماي فيکيرلشين. بير نئچه دفعه بونو تکرار ائدين و اونا اينانين.

 باشقالارينا الينيزله توخونون .

تانيش آداملارلا ال وئرهرک گؤروشون. اونلارين الينين اوجوندا اولان ائنئرژيني آلين. تصوورونوزه گتيرين کي، ان بؤيوک داوالارين سونو گؤروشوب و اؤپوشمک کيمي توخونمالارلا باريشا چئوريلير.

 

قاراداغین اینکیشافینا داییر


QARADAĞIN İNKİŞAFINA  DAYİR

مدیر مسئول دکتر حسین شرقی دره جک

SORUMLU MÜDİR : Dr. HÜSEYN ŞƏRQİDƏRƏCƏK SOYTÜRK


 

 

بیزیم گوزل قاراداغ گئنیش طبیعی و اینسانی امکانلارا صاحیب دیر.ساغلام اینسان یاپیسی وفیزیکی امک یونوملو ،ایش سئور اینسانلاریلا بیرلیک ده وئریملی دوغال امکانلاریلا دونیانین اینجیلریندن ساییلیر.

بو بولگه ده یئر آلتی معدنلردن توتموش یئر اوستو طبیعی قایناقلارا قدر هر شئی اینکیشافین و توسعه نین جارچیسی اولماغی بیینلرده آشیلاییر.

بول سویو و گئنیش اکین اراضیلری تاریخ بویو قاراداغی آزربایجانین کشاورزی (کند تصرفاتی) باخمیندان مرکزینه چئویرمیشدی.

وئریملی تورپاغینین سایه سینده مختلیف نوع محصول لارین اکیلمه سینه شرایط یارانمیشدیر. بوردا تولید اولان محصول لار دئمک اولار کی هامیسی صادراتی کیفیته مالیک دیر.

آخار چایلار قاراداغین سیمگه سی دیر.اوزون قیشین بهره سی اولان چای شبکه سی بو دیارین اورک داماریدی.

حیواندارلیق و قوشچولوق دا ،  قاراداغدا گئنیش وسعت آلمیش پئشه لردندیر. ایری بوینوزلو و کیچیک بوینوزلو حیوانلاری ساخلاما شرایطی بوردا موجوددور.حیواندارلیغی توسعه وئرمک و اوندان گلیر گوتورمک او قدر ده هزینه طلب ائتمه یین بخش لردن دیر.

تره وزچیلیک ده اکینچیلیین کناریندا چوخ وئریملی ساحه لردن ساییلا بیلر.قدیم زامانلارا باخمایاراق یول شبکه سینین اینکیشافی بونا امکان یاراتمیشدیر.

باغدارلیق قاراداغین مساعد جغرافی شراییطینه اویغوندور. آلما ، اوزوم،اینجیر، نار دئمک اولارکی یوکسک کیفتلی محصول لار سیراسیندادی .

هم ده بو گونده اینسانلارین گلیر منعی دیر.آنجاق مکانیزه اولارسا داهادا چوخ محصول گوتورمک اولار.

قاراداغ معدنلرین کانی دیر .بوتون داغلاریمیز باهالی ماده لرین یاتاغی دیر. اونلارین استخراج و فراوریسی یئرلی اینسانلارین اختیارینا وئریلسه هم ایشسیزلیک هم ده کوچ مسئله سی حل ائدیلمیش اولار.

مدرن کندلشمه قاراداغی ائو توریستینین مرکزینه چئویره بیلر. قاراداغین قوروق طبیعتی و تایی- برابری اولمویان مئشه لری هم بولاقلاری ویایلاقلاری هر بیر توریستس حیران ائدجک درجه ده فسونکاردیر.

قاراغ هم ده اینسان گوجو قایناغی اولاراق اولکه نین بویوک شهرلرینین متخصصلرینین تامینیندا بویوک رولا صاحیبدیر.بونلارین یوردا گئری دونوشونمو چوخ وئریملی اولا بیلر.

اینسان سرمایه سینین کوچ ائتمه سی بورانی محروم بوراخمیشدی.لاکین اینسانلاری سرمایه سی ایله گئری دونوشومو بوردا توسعه و چیچکلنمه یه شرایط یارادار.

خاریجی اولکه لره قونشولوق دا قارا داغا آیریجا بیر آوانتاژ یاراتمیشدیر. دونیا دا آز بئله نقطه تاپماق اولارکی دورد اولکه ایله سفر یاخینلیغی اولسون.بودا  بولگه نین و اهالیسینین بازرگانی قازانجینا اولوملو تاثیر ائده بیلر.(آلت یاپی اولوشمالیدی)

قاراداغین عمومی منطره سی و آگاه اینسانی هم ده میللی دیرلری اونو بیر بهیشته چئویرمیشدی.

قارداغ هم ده تاریخین زنگینلینی داشییان یئردیر.همیشه دوغو باتی آراسیندا  کورپو اولموشدور.بورا تاریخه ائو صاحیبلیی ائدیر.شاعیرلر و آشیق صنعتکارلارینی دوغوب بئجردیر.

بیز یوردوموزا قیسا نظر سالدیق.آنجاق آراشدیرماجی یوردسئورلردن ایستردیک کی قاراداغ حاققیندا بیزه علمی و کاربردی مقاله لر گوندرسینلر.

 

خلاصه راهکارهای توسعه قره داغ

1.آموزش همگانی برای بهره برداری از منابع طبیعی موجود.

2.ترویج مسافر توریستی یا به عبارتی خانه توریستی که در دنیا کنونی جز درآمدزایی خانوادههاست.

3فرآوری محصولات باغی ، کشاورزی و جنگلی.

4.بستر سازی بهینه یرای باز گشت نیروی انسانی تحصیل کرده به منطقه.

5.ترویج و آموزش مبادلات بازرگانی با کشورهای همجوار.

6.کشف و اکتشاف معادن منطقه با محوریت خصوصی سازی.

7.ترویج و آموزش  کشت و برداشت و فروش محصولات دامی وکشاورزی.

8.وام های لازم جهت ایجاد صنایع فراوری و به آوری برای لبنیات ، عسل ،تمشک و...

10.ایجاد شهرکهای صنعتی با محوریت تخصص باوری با اتکا به نیروی انسانی منطقه با دیدگاه صادرات.

حسین (ع) اورکلرین فاتیحی ،کربلا ایسه قلبلرین باش کندی

حسین (ع) اورکلرین فاتیحی ،کربلا ایسه قلبلرین باش کندی

HÜSEYN ÜRƏKLƏRİN FATİHİ, KƏRBƏLA İSƏ QƏLBLƏRİN BAŞKƏNDİ



SORUMLU MÜDİR:Dr.HÜSEYN ŞƏRQİDƏRƏCƏK(SOYTÜRK)


مدیر مسئول :دکتر حسین شرقی دره جک (سوی تورک)


 

 

 

 

 

 

 

 

 

 

 

 

تاریخ بویو عظمتیندن آزالمایان امام حسین(ع) حرکاتی ، گونوموزده ده اوز ماهیتینی قوروریاراق داهادا عظمتلی حال آلماقدادیر. اونون تاثیر دایره سی حادثه نین باش وئردیی جغرافیادان داها اوزاقلاردادا گورونمک ده دیر.

امام حسینین دیک دوروشو و ظولمه قارشی سرگیله دیی جسارت و عزمکارلیق یزیدلرین بو گونده سارایلارینی لاخلاتماخدادیر.

هر کسه تاریخین حقیقتلری آیدیندیر. باخمایاراق کی،بیر عصر دن چوخ حادثه نین اوزریندن زامان گئچمیشدیر. گئنه ده عاشورادا باش وئرن و تاریخین مجراسینی دییشدیرن کربلا اولایی اوز تازه لیینی قوروماقدادی. بیلیریک کی، تاریخده بیر چوخ حادثه لر اولموشدور آنجاق اونلارین عظمتی گون گئچدیکجه آزالمیشدیر .رنگسیزلشمیش و اهمیتینی ایتیرمیشدیر. کربلا دا باش وئرن حاققین سسی قیامی او قدر ماهیتجه زنگیندیر کی بوتون ناحق اولان حاکیم دایره لر اونو باسدیرماغا چالیشسادا اونون بویکلویونو پرده له یه بیلمه میشدی.عدالتین حاقق سسی اولان امام حسین قیامی هم ده مظلولارین حاققلارین آلینما آدرسی اولموشدور . امام حسین(ع) بوتون سئودیکلرینی ده بو نابرابر ساوشدا ایتیرسه ده او اورکلرین فاتیحی اولاراق نینوانی ده آزادیخواهلارین باش کندی یاپمیش اولموش.

کربلانین توپراقلاری حالا حسین قوغوسو ایله سوسلنمک ده دیر.علی اصغر و علی اکبرلرین گول قوغوسو حسین عاشقلرینی مست ائتمکده دیر.

زینب (س)ین اوزگورلوک سسی حالا قولاقلاردا زنگوله چکمک ده دیر. ابوالفضل العباسین غیرتی ایندی ده مردلرین نامردلر قارشیسیندا اوز جانلیلیغینی قوروماقدادی.سوسوز دوداقلارین تمکینلی فریادی تاریخین باغرینی یارماقدادی.کربلا کونوللرین باش کندی اولاراق یئنه عاشورا وتاسوعا نیسگیلینی  یانان اورکلره آشیلاماقدادی."دینین یوخسا هئچ اولماسا مردجه داوران" نیدالاری بو گون ده شهیدلری عطرینی قوخویان توپراقلاردان اشیدیلمک ده دیر.

مردلیین نامردلییه ،ایگیتلیین آلچاقلیغا غلبه چالدیغی یئر کربلادی. بشریتین خلقتدن بو گونه قدر اوزگورلویو حیس ائتدیی قیام ایسه حسین (ع) قیامیدیر.اونودولمویان و هر گون دیرینین آرتماسیله آزادیخواهلیق اورنه ینه چئوریلمکده دیر.

آنا دیلینین اینسان شخصیتینین اولوشوموندا ائتگیسی


SORUMLU MÜDİR:Dr.HÜSEYN ŞƏRQİDƏRƏCƏK(SOYTÜRK)


مدیر مسئول :دکتر حسین شرقی دره جک (سوی تورک)


Anadilinin insan şəxsiyətinin oluşumunda etgisi

 

اینسان اوغلو یارادیلیشیندان اوزو بری ایلیشگی و علاقه یاراتماق اوچون هر آن جهد ائتمیشدیر ، ائتمه یه ده داوام ائده جکدیر.اونا گوره کی اینسانین گوندلیک احتیاجی بونو طلب ائدیر. ایلیشگینین بیریسل (فردی)  و توپلومسال آماجی ایسه  بوگونو آنلاماق ویارینلاری پلانلاماقدیر. بو او دئمکدیر کی هر بیر ایجاد ائدیلن ارتباط ، دانیشیق ، گورسل ، یازیلی و ایشتمه کیمی آنلاشما مکانیزملری اوز  اوزلویوندا اینسانین بیین سلوللارینا چوکرک اونلاری آداپتاسیا یولو ایله باغلی اولدوغو کولتورون عونصورونه چئویریر.

دیل بو قورولان آنلاشیمین آنا اوزه ییدیر. اگر دیل فاکتورونو اینسانین یاشامیندان گوتورسک ، اوندا یارانان آخساقلیقلارین  دوغرولوغونوا وارمیش اولا بیلریک.

آنا دیلی هر بیر اینسان اوچون گونده لیک ماراق دایره سیندن  باشقا مین ایللر بویو داشیدیغی DNA وهوجیرلرینده  بیریکرک نسلدن نسله اوزادیلاراق نژاد یا همان سویکوکو دئدیمیز آلت یاپینی اولوشدورور. بونونلا بئله اونا وارلیق و کیملیک وئریر. باشقالاریلا بیزی فرقلندیرن ، سوموک و اتیمیزه اندیشه دونو گئیندیرن دیل دیر. او دیل کی ایلیک (مغز استخوان) و سودله بیزیم خمیریمیزین یوغورولماسینی ساغلامیش اولور. او دیلده میللی کولتور و عنعنه لریمیزین درین ایزلری یاتیر.

آنا دیلینده تحصیل آلماماق تکجه دیلین دانیشیق فورماسینی اینساندا یوخ ائتمیر . بلکه ده اونو باغلی اولدوغو درین معنوی کوکلردن قوپارمیش اولور.بو فساد اوز نوبه سینده ستمه معروض قالمیش شخصی و قومی حتی ملتی ایلک اونجه اوزاق گئچمیشیندن قوپاریب معنوی یوخلوغا سوق ائدیر.

چوخ ساده دیر، میثال اوچون گوتورک پاکستانلیلاری ، بونلار بیر عصره یاخیندی انگلیس دیلینده تحصیل آلیرلار . یازیب اوخویورلار.آنجاق بیز اونلارا اینگلیس دئمیریک.ایکینجی میثال ائله گوتورک اوزوموزدن ،ایللردیر فارسجا اوخویوروق و یازیریق آنجاق بیزه فارس دئمک مومکون اولمور.سبب اودور کی ، هر بیر میلتین اولوشوموندا بیر چوخ سبب اولدوغو کیمی دیل ده  ان مهم لریندندیر. بیر شخص فارس یا عرب اولاراق گوزل تورکجه دانیشا بیلر آما او شخص تورک دئییل . حتی سیز او شخصه تورکه فون دا دئیه بیلرسیز .

تورکه فون او زامان دئیه بیلرسیز کی او فرد اوز آنا دیلینی بیلمیر یالنیز اویرندیی تورکجه ایله ایلیشگی قورا بیلیر. بیلیریک کی اوز سوی و نژادینین دیلینی بیلمه ینلره فون سوزو ایشله دیلیر.حتی بئله اوز وارلیغینین نه اولدوغونو بیلمه سه ده او تام اولاراق اوز کوکوندن قوپمامیش دئمکدیر.

 هر بیر اینسانا آنا دیلینده  تحصیل  آلماق اونا گوره گرکلی وضروریدیر کی همن اینسان اوز وارلیغینی ایتیرمه سین.دئمک اولار کی ایران دا  یوزده 50 سی اینسانلارین تورکجه دانیشا بیلر . خصوصا ده تورکیه تورکجه سینی یاخشی بیلیرلر .اوندا نه گرک واردیر بیز تورکجه تحصیل آلاق. یوخ بو دوغرو دئییل بیز آنا دیلیمیز اولان تورکجه ده تحصیل آلماق ایسته ییریک اونون دا سببی داخلی کدلاریمیزین ومعنوی ایسته کلریمیزین طلبی دیر.

آنا دیلیمیزده تحصیل آلمادیقجا اوزوموزو تحقیر اولونموش و باسیلمیش حس ائدیریک. بو لزوم اوردان یارانیر کی ، آنا دیلی تکجه دانیشیق و ارتباط دیلی دئییل بلکه ده او بوتون بیزی و شخصیتیمیزی شکیللندیرن چوخ اوزاق گئچمیشیمیزه کورپو اولان حیاتی واسیطه دیر. هم ده روحسال اولاراق آلیشیقلیغین تابع توتولدوغو وارلیغا آداپتاسیانین پسیکولوژیک عملی دیر.

آنا دیلینین اویرنیلمه سی یاساق ائدیلدیکده او اینسانلارین گولوشلرینین رنگی بئله سولاجاق و قورویوب گوللری توکوله جک.

هم ده آنا دیلینین اوخونماسیلا برابر سن اوز دیل تاریخینی، مدنیت و معرفت امکانلارینلا تانیش اولاجاقسان. میثال اوچون بیر تورک درسی فارسیدا هئچ واخت کوراوغلونو یا ده ده قورقودو اوخویا بیلمز اونا گوره کی او درسی فارسیدی ، اوردا فردوسی ومولوی اوخونار. بو اوخونا بیلمه مکلرین نتیجه سی اودور کی  تورک اوشاغینی اوز وارلیغیندان یوخسون توتاراق مغرورلانماق حاققینی اوندان آلمیش اولور. بوتون اویرنیملر یالنیز ایلک نوبه ده آنا دیلی اساسیندا اولمالی دیر کی، اوشاغین وجودونو و روحونو شکیللندیرن یارادیلیش کدلاری آکتیولشسین .

بیز باشقالارینی ادبیات تاریخینده یا باشقا درس فنلرینده اوخویوب اویرنه بیلریک. بو سادجه اویرنمکدی و اونا گوره دیر کی سن اویرندیینی  یارادیلدیغین قاوراما کدلاریلا تطبیق ائدیب چئوره ده یاشام طرزینی آیارلایاسان.

منجه بوتون اینسانلار باغلی اولدوغو آنا کیملیینه ییه لنمه لیدیر و بوتون اویرنیملر اونون مجراسی اساسیندا آخیب گئتمه لیدیر. بو مهم مسئله دیقته آلینارسا ایتمین وئریلری یوکسک اولار.

سیاسی و ایدئولوژی آماجلارلا آنا دیلی ایتیم و اویرتیمی سورونا چئویریک ومنسوب اولانلاری آموزشین کناریندا توتماق اصل معنا دا نظرده توتلان ال ده اتمه لره ضربه دیر.

آنا دیلی هم ده فرقلیلیک دیر.بیر اولکه ده مختلیف بهانه لره فرقلیکلری آرادان قالدیرماق اصلینده یارادیلیشین دوغال وطبیعی گوزللیکلرینه صنعی یوللا مداخله ائتمک دئمکدیر. بودا اوزون مدت ده اینسانلارین منسوبیتینه وار اولوشان شخصیتینه خلل گتیره جکدیر.

آنا دیلی فیکریمیزین اساس قایناغی و تمل اولوشومون انرژی تامیناتچیسی دیر.او اوزون زامان ایچینده مکمل بیر شکیل ده شخصی وارلیغین فوندامنتی دیر.آنا اویرنیملر شرطسیز آنا دیلی اوزرینده اولمالی دیر .چونکو او غرورموزون و روحوموزون  بیتیشیک پارچاسی دیر. اوزولوموزون اوزه یی اولان دیلمیز هم کاراکتریمیز و میللی منسوبیتیمیزدیر. آنا دیلینه تحصیل یاسقلیغی هم ده گئنیش معنادا میللی کیملیک و منسوبیته وورولان ضربه دیر. اونون اینکار مکانیزماسیدی.بونو ائدنلر  ائدیلنه قارشی کولتورل ومعنوی سایقیسیزلیقلا یاناشی وارلیق سویقیریمی ائتمکده دیرلر. بو ائدیلنلر دوستلوق و قارداشیلق آنلاملارینا ضددیر.

"کول دیبیندن چیخماییب " آتا سوزو بونو تصدیق ائدیرکی ،آنا دیلی تاریخی ،روحی ،فیزیکی ،اجتماعی ،سیاسی، اویقارسال (فرهنگی)  هم ده میللی منسوبییت و وارلیق آنلامیندادیر. ایستردیک کوکوموزون اوستونده بیتک. زیرا کوکونده قوپانی یئل تز آپارار.

 

اجتماعی شبکه لر ده یارانان تورکجه ادبیات İctimai şəbəkələrdə yaranan türkcə ədəbiyyat

Sorumlu müdir:Dr.HÜSEYN ŞƏRQİDƏRƏCƏK (SOYTÜRK)

مدیر مسئول دکتر حسین شرقی دره جک(سوی تورک)

 

یاساقلاردان دوغان دوشونجه اوزگورلویو هر گون قاباریق شکیل ده اوزونو گوسترمک ده دیر.گئنیشلنن و یایقینلاشان بو ایله تیشیم آراجی بوتون زورلوقلارا میدان اوخویاراق ستمه معروض قالمیش کولتور و مدنیتلرین توتاناغینا چئوریلمیشدی.

آنجاق چوخلو ادبی  سحولرین بوراخیلدیغی دا  ائله  بو سوسیال مئدیا مکانی اولموشدور.

اوخومادان یازماق، دانیشماق، اویرتمک و اویرنمک اولماز. شعر یازماق گوزل دیر، آنجاق یئترلی دئییل.اونا گوره آنا دیلیمیزی داها ایره لیلره داشیماق اوچون هر گون اوخویوب و یازمالییق.آرتیق زامانی گلمیشدیر کی، دوشونجه و ایستکلریمیزی ، بیلیم و قاورانیملاریمیزی دیرلی تورکجه میزده گلیشدیرک.
یایملانان کیتاب و درگیلریمیز ائله جه ده سانال یاییم کانلاربندا داها چوخ متن یعنی نثر اوخویوب و اوخوتدورمالییق. شعریمیزی ده هر زامانکی کیمی  اوخودوقجا داها دولغون یازیب یاراتمالییق. بو منیم دوشونجه مدی، سیز دیرلی سویداش ، دیلداش هم ده وطنداشلاربملا پایلاشماق ایسته دیم.
ائله دی.ائشیتمک،گورمک،دینلمک،دویماق و سزمک کیمی ییلنمک گوسترگه لری وار.هامیسیدا اوز-اوزلویونده اونملی دیر.

 بیر رسمی ایتیم وار بیرده توپلومسال ایتیم اونون یانیندا چئوره ده اوز ائتگیسینی بوراخیر.آنجاق بونلارین هامیسی دوزنلی ایتیمین سوزگه جیندن گئچدیکدن سونرا آکتواللیق قازانیر.

بیریسی چوخ ذکالی اولا بیلر آنجاق هامینین بیلدینی بیله بیلمز. او اوزدن هامینین یازدیغینی اوخویوب اویرنمه لی ومنیمسه مه لی دیر. اوخوماق آنا فاکتوردور. اوخومادان اوزمان اولماز .آنجاق داهی اولا بیلر.

هامیدا داهی دئییل. تاریخیمیزی یاخود دونیا فکیر تاریخینی اینجه له سک بونلاردان نئچه سینی گوره بیلریک. اونا گوره ادبیاتیمیزی و دونیا ادبیاتینی یئنیلیکلریله برابر اوخویوب خالقا سوندوغوموز اثرلریمیزده اونو یانسیتمالییق.

 شعر روح و دویقونون عقلی وشعوری بیرلشمه سینین هم ده فردی و اجتماعی معلوماتللیغین سوزمه سیدی.
کیمسه شعری سوز ییغینیندان عبارت حساب ائدیرسه یانیلیر.اونون شعری یالنیز اونون یاشادیغی زامان دا فیزیکی شخصییتینه و سوسیال موقعینه گوره دینله نیله جک.ادبیات تاریخینده یئر توتا بیلمز.

بوتون یازدیقلاریمیز ادبیاتمیزین گلیشمه سینده ائتگلیدیر. آنجاق درین دوشونجه و دولغون آنلاملی یازیلارین اوزونه خاص یئری وار.هم ده بیزدن اونجه یارانمیش ادبیاتین بو گون اوخونوب ، یاییلماسی قطعا گله جک ادبیاتین دولغونلاشماسیندا مثبت رولو اولاجاقدیر.

رسمی ادبیاتین دولت دسته یی سایه سینده بوتون ادبیاتلاری اوسته له مه سی اونون زنگین اولدوغو آنلاما گلمز . اونا گوره کی ایران دا رسمی ادبیات منجه دوغارقانلیغینی دولته باغلی اولدوغوندان ایتیریب .آنجاق تورک (آزربایجان) یئرلی ادبیاتی و دیل زنگینلیی کونوللو اولدوغوندان اوز دوغوشونا داوام ائتمک ده دیر.هم ده تورکجه ادبیاتمیز بویوک تورک دونیاسی ادبیاتیندان تاثیرله نرک هر گون یئنی سوزلره و چاغداشلیغا حامله اولور.

اجتماعی شبکه لرده تورکجه یازانلارینین و یارادیجیلارینین آرتماسی بونون گوسترگه سیدیر.آنجاق بوردا اوزل قورویوجو قایدالارین اولماماسی و قوللانیجیلارین آنا دیللی تمل ساوادسیزلیغی اورتایا غیری هماهنگلییک چیخاردیر کی ، اودا زامانین اوتوشو ایله دوزنلنمیه یه دوغرو یونه له جکدیر.یئترکی اوزونو درک دورمادان اینکیشاف ائدیریلسین.

اوزاق گله جک ده مرکزلشمیش دولتلرین ایتیم و اویرتیم ده گوجونون آزالماسی قاچینیلمازدی. کوره- سل معلوماتلانما سرعتله ایره لیله مک ده دیر. بو تور ایتیم هم ده گونجل و ائورنسلدی.

سوسیال مئدیانین گوجو دانیلماز و اونون ائتگیسی قاچیلمازدی.تک یونلولویه سون و مرکزلشمیش تعلیم سیستمینه باغلیلیغین یوخ درجه یه قدر آزالماسی دئمک دیر.کمیسه یه شکایت ائتمه دن اوز اوزلویوموزو وار گوجله ایرلیه داشیمالییق. سوسیال مئدیانین گوجوندن یارارلاناراق واریغیمیزی قوروماقلا قالمایاق . اونو گوجلندیررک باشقالارینیدا اونون ائتگی دایره سینه آلاراق بویوک مدنیتین گوجونو سئوگی و باریشلا هر کسه گوسترمیش اولاق.