اویدورما گئنوسید (سوی قیریم) یاخود صلیب ساواشینین داوامی

 

 

UYDURMA GENOSİD(SOYQIRIM)

YAXUD SƏLİB SAVAŞININ DAVAMI

 

SORUMLUMÜDİR və BAŞYAZAR:

Dr.HÜSEYN ŞƏRQİDƏRƏCƏK(SOYTÜRK)

سوروملومودیرو باش یازار: دکتر حسین شرقیدره جک (سوی تورک)

 

 

گئنوسید یاخود سوی قیریم مختلیف آنلاملاردا سسلنمک ده دیر. هر هانکی پلانلی بیر عملین نتیجه سینده میللی دیل، گروهلاشما، اقتصادی و مدنی وارلیقلارین هم ده اینسانی باخیمدان بشری دیرلرله یاناشی اینسانین اوزونوده فیزیکی اولاراق یوخ ائدیلمه سینه سوی قیریم (گئنوسید) دئییلیر. بو آنلام ایلک دفعه رافائل لمپکین لهستانلی وکیل طرفیندن آمریکا نین ساونوما باخانلبغیندا (مدافعه ناظرلییی) ایشله دیلمیشدیر. اونا گوره گئنوسید ایکی درجه لی دیر: 1- مظلوم قرار تاپمیش بیرمیلتین، گروهون مدنی حاقلارینی و میللی کیملیک لرینی یوخ ائتمک 2- بیر میلتین کیملیینه زورلا تأثیر گوسترمک و اونو یوخ ائتمک.

گئنوسید اصطلاحی(ترمینی) 1948 جی ایلد اولوسلار آراسی (بین الملل) ایستاتوس آلدی. اونو بشریت علیه نه ایشله دیلمیش اَن بویوک جنایت کیمی تعریف له دیلر. بونا نمونه آلمانلارین ساواشلاردا یاپدیقلاری، روسلارین تاتار مسلمانلارینا ائتدیک لری، رووندا دا  باش وئرن قیرغین اولایلاری، اسرائیلین فلسطین خالقینا سرگیله دییی تاویری و اَن اونملی سی ده 20- جی یوز ایلین اَن دهشتلی سویقیریمی اولان خوجالی سویقیریمینی قید ائتمک اولار.

قید ائتمک لازیم دیرکی گونوموزده دونیانین بیر چوخ یئرلرینده خصوصیله ده اورتا دوغو و آفریقا دا بو کیمی سویقیریملار توره دیلمکده دیر. بونا نمونه فرانسه لیلرین الجزایرده و انگلیس لرین دونیانین بیر چوخ یئرلرینده و حالادا سومورگه چی اولکه لرین اَلی ایله یوزلرله معصوم اینسانلار اونلارین حیوانی و شیطانی ایستک لری نیتجه سینده قربان گئدیرلر. بونا اورنک عراق، سوریه و سودان کیمی مسلمان اولکه لرینده باش وئرن لییی و میصرده جریان ائدن حرکت لری گوسترمک اولار.

گئنوسید چشیدلی فورمالاردا بروز ائده بیلر:

Description: product_detailed_image_18019_413821- سیاسی گئنوسید: یعنی بیر دولتی یئرلی کوکلی آرادان قالدیرماق. 2- دینی گئنوسید : دینی دیرلری و دینی آبیدلری یوخ ائتمک (قاراباغدا ائرمنیلرین ائتدیک لری کیمی) 3- مدنیت گئنوسیدی: آنا دیلینین ایشله دیلمه سینه قاداغا قویولماسی (پهلوی دوورینده اولکه ده تورکلره قارشی یورودولن سیاست) و دیگر مدنی وارلیقلارا یوخ اولما تهلوکه سی یاراتماق. 4- اقتصادی گئنوسید: میللی اقتصادییاتی چوکرتمک، 5- یاشام گئنوسیدی: دوغارقانلیغی قصداً آشاغی سالماق، قادین -ارکک آیریسئچگیلییی یاپماق، اوشاقلارا آجیلیق سیاستی اویقولاماق. 6- فیزیکی گئنوسید: اینسانلار، قووملر و میللت لر آراسیندا آیریسئچگیلیک قویماق و اونلاری یئمک له تأمین ائتمک دن چکینمک. 7- اخلاقی گئنوسید: بو دا بیر توپلومو بیلرک دن آرادان آپارماق البته قید ائتمک لازیم دیرکی اعتیادی (نارکامانیا)، الکلی (آلکاکول) و وپورنوگرافییانی یایقینلاشدیرماقلا.

Description: thQ26TFC2Lقید ائتمک لازیم دیرکی 1948- جی ایلده بیرلشمیش میللت لر طرفیندن یارادیلمیش کنوانسیوندا بوتون اینسانی دیرلری یوخ ائدن او جومله دن میللی و مدنی دیرلرله یاناشی اینسانین اوزونو یوخ ائتمک قاداغان ائدیلمیشدیر. و بونلاری یاپان و حیاتا کئچیرنلر سویقیریم جزاسی ایله محکمه یه چیخاریلاجاقدیر کیمی قانونلار تصویب ائدیلمیشدیر.

دونیادا اَن اورنک اولان سویقیریم یاخود نسیل کسمه یا همان گئنوسید بونلاردان عیبارت دیر: (1) 45- 1935 آراسیندا آلمانلارین قاراچیلارا (کولی) یاپدیقلاری سویقیریم (2) کامبوجییا دا خمرلرین تورتدیی سویقیریم (3 میلیون اینسان اولدورولدو) 1979 1974 (3) سویقیریم رواندا دا 1994 جو ایلده. (4) 1933 1932 جو ایللرده روسلارین اکرانیادا و کریم ده تورتدیک لری سویقیریم. بو گئنوسید قصداً آج ساخلاما و قصداً کوچ ائدیرمه (5) ائله بو ایللرده ارمنیلرین تورک آذربایجانلیلارا قارشی تورتدیک لری سویقیریمی دا قید ائتمک اولار. بو سویقیریملار تورکلری بوگونکو ارمنستان آدلانان ارضینین مختلیف یئرلریندن زورلا کوچورتدولر و کوچمه ینلری ده اولدوردولر. بونا میثال، ایروان، زنگنه زور و باشقا ماحاللای آد آپارماق اولار. بونونلا یاناشی ارمنیلرین روسلارین حمایه سی ایله بوتون آذربایجان ارضیلرینده اوجومله دن قاراباغ، قوبا، لنکران سالیان, تبریز، ارومیه و سالماسدا دا فرانسه و انگلیس لرین کمکی ایله مختلیف سویقیریملار تورتدیلر.

آمریکا اردوسو طرفیندن اَن بویوک سویقیریم ویتنام دا توره دیلدی. اَن سون سویقیریم ایسه قاراباغدا خوجالی شهریند، ارمنیلرین تورکلره یعنی مسلمانلارا قارشی توره تدییی گئنوسید دیر.

ارمنیلر گلستان و تورکمن چای مقاویله سیندن سونرا بیر باشا روس و آوروپالیلار طرفیندن حمایه دارلیق اولونوردورلارکی، تورکلرین (آذربایجان) اراضینده مستقل دوولت یارادسینلار و ائله بونون نتیجه سینده مختلیف یئرلرده یعنی خوی سالماس، ایروان قاراباغ، ناخجیوان، زنگه زور، دره لیز، خداآفرین، قاراداغ، اردوباد، جلفا و وئدی باساردا مسکونلاشدیریلدیلار. ایروان شهرینین 66% مسلمانلاردان عیبارت ایدی (1886 جی ایلده). آنجاق پلانلی سیاست یورودن ارمنیلر 1918 جی ایلده داشناکسیون و روس بولشویکلرینین اَل بیرلییی ایله و باشدا شائومیان ارمنی اولماقلا باکی شهرینین اهالسینه 31 مارت دا دیوان توتدولار. بو تاریخ ده 12 مین آذربایجان شیعه مسلمانینی قادینلی، قوجالی و اوشاقلی اولدوردولر.

ائله بو تاریخ ده آذربایجانین دیگر شهرلری اوجومله دن لنکران، قوبا، سالیان، حاجی قابیل و شاماخیدا 6 الی 7 مین مسلمانی اولدوردولر. خویدا، سالماس دا، ارومیه ده، ماکی دا، قاراداغ دا 10 مین دن چوخ مسلمانی قانینا قلتان ائتدیلر. بوتون بو دئدیک لریم فاکت اولاراق روس قایناقلاریندا ائله جه ده « تاریخ 18 ساله آذربایجان» احمد کسرونین مؤلیفی اولدوغو اثرده مووجودور.

20- 1918 جی ایللرده ائرمنی داشناکسیون پارتیاسی عضولری آدلارینی چکدییمیز شهرلرله یاناشی "اوچ مؤذن" (اچمیازدین) قازاخ ,ایروان و سورمه لی ده اوست اوسته 565 مین تورک مسلمانی قتله یئتیردیلر. ائله بو تاریخ ده 575 مین آذربایجان شیعه مسلمانی اوز آتا بابا یورد یووالاریندان ائرمنیلر طرفیندن قوولدولار. ائرمنی یازاری کاردوکیان یازیرکی "شوروی یارادیلاندا ارمنستان دئیلن ارضی ده 1920 جی ایلده 10 مین آذربایجانلی وار ایدی چونکی بیز اونلاری یورد یووالاریندان دیدرگین سالمیشدیق".

آذربایجان ارضیسی دورد مرحله ده یاغی ارمنیلر طرفیندن باشقا معنادا صلیب ساواشنین جبهه دارلارنین تجاوزونه معروض قالمیشدیر. 1- 1907 1905،   2- 1920 1915 ،  3- 1953 1948 ،   4- 1988 0 1986.

1988- جی ایلدن باشلایاراق تورکسوز (مسلمانسیز ) ائرمنستان یارادیلما سیاستی یورودولمه یه باشلادی. بونونلا بئله مسلمان آذربایجانلیلار 185 یاشایش منطقه سیندن قوولدولار. 250 مین تورک و 18 مین کورد اوز یورد یووالاریندان دیدرگین ائدیلدیلر. بو سیاست نتیجه سینده 200 مین مسلمان جانینی اَلدن وئردی. بو سیاستین داوامی اولاراق اونلار قاراباغی اشغال ائتدیلر و شوروی اردوسونون 366 جی آلاینین کومه یی ایله خوجالی شهرینده بشری جنایته اَل آتدیلار و یوزلرله سیلاحسیز اینسانی اوجومله دن 613 گوناهسیز اینسان قتل عام ائتدیلر. بونلاردان 64 اوشاق 106- قادین 70- قوجا ایدی. بونونلا یاناشی قاراباغین دیگر شهرلرینده 200 میندن چوخ اینسانی قتل عام ائدیب و بیر میلیون دا آرتیق اینسانی دا یورد و یووالاریندان سوروگون ائتدیلر. متجاوز ائرمنی لر روس و آوروپالیلی دینداشلارینین یاردیمی ایله مینلرله اینسانا تجاوز ائدیلر. اوشاقلارین داخلی بدن اعضالارینی دونیادا ساتسیشا چیخارتدیلار. هله بوگون بئله یوزلرله مجهول الهویه آذربایجان قادینی ارمنی لر طرفیندن یا اولدورلموش یا دا غیر اینسانی آماجلار اوچون ساخلانیلماقدادیرلار.

یالانجی بین الخالق قوروم و تشکیلاتلار ایندیه دک 4 قطنامه قبول ائدرک ارمنی تجاوزونو محکوم ائتمیش آنجاق ارمنی لر هئچ بیرینه محل قویمامیشدیر.

بوتون قطنامه لر گوزه کول اوفورمک دیر. چونکو ارمنی تجاوزونون آرخاسیندا صلیب ساواشینین اصیل رهبرلری دایانیر و اونلار بوگونده مسلمان دونیاسیندا، اسلام امتینه هاردان نئجه ضربه وورا بیلرلر وورورلار. باخین صرب لرین بوسنی هرزگووینده تورتدیک لری وحشیلیک لر و توپلو مسلمانلارین اعدامینی گورمزدن گلرک اونو سویقیریم آدلاندیرمادیلار.

بوگون اونلارین یاراتدیغی تکفیری و داعش گروهلاشمالارینین تورتدیک لری ده سویقیریم آدلاندیریلمیر. زیرا اونلارین آماجی مسلمانلاری ضعیفلتمک و یوخ ائتمک دیر. بو ضعیف لتمه ایستر میسیونرلرین اَلی ایله یارادیلمیش قوندارما دوولت لر اولسون، ایسترسه ده اطلاعاتی سرویسلرینین نظارتیندا قورولوب و ایشله ین اسلام نما تروریست گروهلار و یاخودا اوز سویداشلاری یا دینداشلاری طرفیندن اداره اولونان اراضیلرده قونداراما رژیم لر یاراداراق باشقا مسلمان توپراقلارینا تجاوز حاضیرلاماقلا اونلاری یوخ ائتمک بوتوولوک ده مسلمانلیغی یوخ ائتمک دیر.

ایستر مسلمان عرب اولسون، تورک اولسون، آذربایجانلی یاداکی فارس و کورد اولسون اونلار اوچون مسئله نین ماهیتی عینی دیر و فرق ائتمزدیر.

 

یالانچی ارمنی سویقیریمی بایراغی آلتیندا اونا یوز ایللیک قید ائتمک له بوتون مسیحیت عالمی و آوروپالیلار اوز ایچ اوزلرینی نومایش ائتدیرمیش اولدولار. واتیکان کیمی مینی دوولتدن توتموش روس و آمریکا، فرانسه و انگلیس کیمی بویوک خریستیان اولکه لری 1915 اولایلارین بهانه ائدرک هامیسی ارمنی و مسلمانلارین عثمانلی دوولتی دوورینده ساواشینی حالا دقت مرکزینده ساخلایاراق، آنارشیست، خاین، دوولت و اولکه سینه آرخادان ضربه ووران ائرمنین یانیندا دوراراق بوگون آچیق آیدین اوتانمادان، تاریخی حقیقت لری بیله بیله گورمزدن گلرک ارمنی لرین ساوشاراق اولمه لرینی بیلدیکلرینه راماً اونلارین اؤلومونو سویقیریم آدلاندیردیلار.

بو نه دئمک دیر، بو او دئمک دیرکی قاراباغی، بوسنی هرزگووینی اورادا خریستیانلارین تورتدیک لرینی گوزمزدن گلیب و اوز قارداشلارینین یانیندا دورماقدادیرلار. تاریخ شاهید دیرکی تورک ارمنیه سویقیریم ائتمه میشدیر.

کوردلر و ارمنی لر عثمانلی دوولتی اراضسینده بیر- بیرلرینی قیرمیشدیرلار. تاریخی قایناقلاردا خصوصیله ده روس قایناقلاریندا بیر چوخ منبع گوستریرکی، ارمنی لر ارمنی لر له ساواشاراق بیر بیرلرینی اولدورموشلر.

یوز ایل اونجه مسلمان تورک لرین چاناق قالادا خریستیان عالمینه چالدیغی ظفر و غلبه حالا دا اونلارین اَن درین یاراسی دیر. اونلار بو یارالارینی و مغلوبیتینی گیزله مک اوچون قاراباغدا ارمنی الی ایله مسلمان چوجوقلارینین قارنینا نیزه تاخییر.

Description: soykirim-diyenler-bu-gercegi-biliyor-mu-2604141200_mاونلار مادریده اسلاما ووردوقلاری ضربه نین جاوابینی سلطان محمد فاتحین اسلامبولو فتحینده بیزیم قازاندیغمیزی گوروب قبول ائده بیلمیرلر. ائله بونا گوره ده، شیعه- سنی، ایرانلی، عثمانلی ساواشلاری چیخاردیب بیزی تعضیف ائتمک ایسته دیلر. باخمایاراق قسماً ایستک لرینه نایل اولدولار. آنجاق مسلمان امتینین اویاقلیغی نتیجه سینده اونلار یئنه گئری اوتورموش اولدولار و نتیجه ده کوهنه یورقان ایچی توکمه یه باشلادیلار و سویو، کوکو بللی اولمایان هایلاری (ارمنی) آلت ائدرک تورکو و اونون تیمثالیندا مسلمانی دونیا اینسانین گوزونده قاتل قلمه وئرمک ایسته ییرلر.

چاناق قالا ساواشیندا اودوزان آوروپالیلار ایندی قهبه آرواد مدلی سیاستینه اَل آتاراق شانتاژ و قارالاما ایله مشغول دور. بیر گون وار ایدی انگلیس سرهنگی دئیردی مسلمان تورک لرین حلقومو چاناق قالا بوغازیندا بیزیم اَلیمیزده دیر و اونو دمیرله کسه جه ییز، داها آوروپا مسلمان گورمه یه جک، آنجاق او دئدییی کیمی اولمادی و حالا بیز مسلمان اولاراق واریق و وار اولاجاغیق. نتیجه اعتباریله گئنوسید و قونداراما گئنوسید آدلاندیرلمالار هامیسی بیر سناریونون باشقا باشقا صحنه لریدیر. اونون دا آکتورلاری قورخاق و اوزلرینه اینامینی ایتیرمیش آوروپا لیلاردیر.

بیرگون بیزیمله اوز- اوزه ساواشا گیرن آوروپالیلار، یاریم عصر دیرکی قورخاقلیقلاری اوجوباتیندان ساواشا بیلمیرلر. ائله بونا گوره دیرکی بیرینجی نووبه ده یالانچی تبلیغات کانپانیالارینی ایشه سالیرلار. ایکینجی سی اوکی اویدورما مسیحی دوولت لر یاراداراق اونلاری بیزیم اوستوموزه قیشقیردیرلار. (ارمنیلر کیمی) اوچونچوسو مسلمان اولکه لرینین باشچیلارینی اوزلری تعین ائتمه یه چاشیرلار بعضی قوراما بولگه دوولت لری کیمی.

دوردونجوسو مسلمان اولکه لرینین داخیلینده اولان ائتنیک (قومی) گروهلاردان استفاده ائدرک اولکه نین ثابت لیینه ضربه وورورلار. مثلاً تورکیه ده کورد عنصری و عراق و یمن ده شیعه و سنی، ایران دا مختلیف دینی آد آلتیندا یارادیلمیش عرب و بلوچ سیلاحلی دسته لری، بشینجی اوزلرینین یاراتدیقلاری ترور گروهلاری و بونلاری مسلمان اولاراق قلمه وئرره رک مسلمان و اسلام تروریزمی کیمی گوستریب گویا داعش و تکفیرلر ائله مسلمانلارین اوزلری طرفیندن تشکول تاپمیش و اسلام ترور گروهودور و بئله جه ده اسلام ترور دینی دیر. یا خود القاعده، بوکوحارام و دیگر بو کیمی ارگانیزه ائدیلمیش ترورچی دسته لر یالانچی مسلمانلاردیرلارکی سومورگه چی خریستیان اولکه لرینین بوتون مادی و معنوی دسته یی ایله یارادیلمیش و اونلارین تورتدیک لری بوتون کیرلی عمللر مسلمانلارین آدینا یازیلیر.

خریستیان اولکه لری بیلیرلرکی اونلار آچیق آشکارا ساواشا بیلمزلر و ائله جه ده یالانچی فوندامنتالیزمچی دینی گروپلار یاراداراق بیر چوخ مسلمان گنجینی ده آلداداراق اولومه سوق ائدیر. اولن ده مسلمان، اولدورنده مسلمان، بدنام اولاندا مسلمان، آنجاق گل گورکو صلیب ساواشینی یورودنلر ایندی بیزیم قانیمیزی شراب عوضینه ایچیرلر.

آلتیجی مسلمان دوولتلرینی ایکیه آیرراراق شیعه، سنی دوولت لر آدلاندیرراق اونلاری بیر- بیرلری ایله ساواشدیرماق، یمن، عربستان کیمی، یئدینجی داخیلی ساواش توره درک دیگر مسلمان دوولت لرینی ایدئولوژی بولومه یه سوخاراق بیر بیرلرینه دوشمن ائتمک. سکیزینجی اویدورما غرب مدنینی آب هاواسیندا مسلمان گنجلرینی مختلیف یوللارلا، البته شیطانی آماجلارلا پوزغولاشدیرماق و اوز سوی کوکوندن اوزاق ساخلاماقدیر. بونا آراج اولاراق یونگول آوروپاسایاغی حیات طرزینی یایقینلاشدیرماق. دوققوز اقتصادی  سیاسی و اجتماعی حتی کولتورل زورنلوقلار یاراداراق مسلمانلاری کوتلوی اولاراق کوره سلشمه دن اوزاق توتماق یادا اونلاری آوروپا طرز تفکورونده هضم ائتدیرمک.

اونونجوسو ایسه یالانچی بحرانلار یاراداراق مسلمان اولکه لرینده اولان قالان اینتلئکت لری مهاجرته سووق ائتدیرمک و آوروپا اولکه لرینده یالانچی یاخشی حیات نامینه کوکوندن قوپاراراق و بیین کوچونه هرگون رواج وئرمک و بئله لیکه سیلاح و حیله ایله اَلده ائده ییلمه دینی بیین اوغورلوغو ایله حیاتا کئچیرمیش اولور. نتیجه ده سون ضربه نی بیزه وورموش اولور.

یالانچی گئنوسید لر، یالانچی گوزل حیات وعدلری، یالانچی ثروت و عشرت خبرلری، یالانچی مدینه فاضله اویدورمالاری هامیسی بیزی یوخ ائتمک دیر. یوز ایل اونجه سیلاحلا ساواشان صلیب چیلر بوگون حیله و نیرنگ ایله ایچیمیزدن و آرخامیزدان بیزی وورماقلا مشغولدورلار. طبیعی ثروتلریمیزی سوموروب بیزی یوخسول ائتمک ده دیرلر. آییل، آییل ای مسلمان قارداش.

 

آنادیلی و اونون اونمی

باش یازار : دکتر حسین شرقی دره جک سوی تورک

یارادیلیشین اَن اونملی دیرلریندن بیری دیل و دانیشیق دیر.و ائله جه اینسان وارلیغین تمل لریندن اولان دیل ونیطق اونون باشقا یاراتیقلاردان دا  فرقلنمه سینین اساسی دیر. بشرین یارانما تاریخیندن اوزوبری اونا کیملیک وئرن و بوکیملیک ایچریسیندن اونون ترقی و ایره لیله ییش یولونو آچان دیل دیر. زیرا دیل اونسیت آراجی دیر، دیل بیان و ایستک مکانیزماسی دیر. دیل دوشونجه میزین آنا آتریبوتودور.

بیلیم سل باخیشدا دیل چئشیدلی گورونسه ده موختلیف طرزلره بولونسه ده آنجاق ذاتیندا بیردیر، دیل اینسان اوغلونون بیر- بیرینی آنلاما اصولودور.منجه دیل هئچ ده عیرقی و نژادی (ائتنیکال) دئییل، بلکه دیل ایلک اونجه اینسانی آنلاشما و پایلاشما وسیله سی اولماقلایاناشی، بیر مدنیت و کولتور مسئله سی دیر.

مختلیف عیرق و سویلارا باغلی اولوب آنجاق اونسیت و آنلاشما واسیطه سی کیمی سئچیلن بیرچوخ اورتاق دیللر واردیر. اونا گوره ده تاریخ ایره لیله دیکجه دیللرین میسییاسی (وظیفه و گوروی) ده دییشیر، اونلارین قاپسام دایره لری ده بعضاً کیچیلر، یوخ اولور، بعضاً ده بویویرک منسوب اولدوغو اولوسون حدودلارینی آشیر. و اولوسلار آراسی آنلاشما و پایلاشما مکانیزمینه چئویریلیر.

بوتون بونلارلا یاناشی هربیردیل اوز تاریخی اوزانتی و گلیشمه مسافه سینده او خالقین اَلده ائتدییی بوتون مادی- معنوی و علمی دیرلری ده نسیلدن نسیللره اوتوره رک  چوخ زنگین کولتور داغارجیغی ساغلامیش اولور. ائله اونا گوره دیرکی دیلی سوی دان، نژادان آیرماق چوخ چتین اولور.

اینسانلارین یا خود اولوسلارین بو دوز خط اوزرینده دوولت لرین هم ده اولکه لرینده چوخ دا میللی دیل اولمایان دوولت لرین توتوم طرزی چوخ واخت زوراکی و دیکتاتور اولور. رادیکال دیل سیاستی یورودولور. بودا اوزلوینده  نه واختسا کئچمیشده یاشایان اینسانلارین اراده سی ایله یارادیلان بیر اولکه- دوولتین دوشونجه طرزی و دیل اویقولاماسیاستی باشقلارینی نظره آلمادان حیاتا کئچیریلیرکی، بودا آشاغیداکی پوزونتلار گتیریب چیخارییر:

1-   کئچمیشین هئچ ده بوگونه اویغون اولمایان حرکت لرینی یئنی دن زورلا بوگونکولره تحمیل ائتمک له اونلاری یوخ سایماق سورونو اورتایا چیخیز بودا پسیکولوژی جهت دن بوگونکو نسلی هم ده عین دیلدن اولمایان دیگر قووم و اولوسلاری اوزور هم ده آقریسیو آب و هاوا  یارادیر.

2-   عینی لشدیریلمه و باشقالارین اینکار ائدیلمه سیله اوز وارلیغینی نمایش ائتدیرمک دیگرلرینده گوون بوشلوغو یاراداراق کولتوراَل فرقلنمه یه سبب اولور و بونوندا نتیجه سی  آیریلیشما و بولونمه یه گتیریب چیخارابیلیر.

 

حال بوکی، دیللرین یارادیلیش آمالی بوتونلشدیریجی و بیرلیک ساغلاماقدیر. آنجاق غیر اینسانی سیاست یورودولدوکجه، من اوستونم، سن آنجاق منی اوخویوب منی دینله یه جکسن، منه اوخشایا جاقسان، کیمی اویقولامالار دیلین اصیل هدفینی زده له ییر. بئله اولدوقدادا مدنیت لر چاتیشماسی اورتایا چیخیر. بونوندا یئرکوره میزه، دونیا اینسانینا نه قدر باها باشا گله جه یی بللی دیر.

بوتون بونلارا راما دیل اینسانی یاشادان، سئوگی روحونو آشیلایان مقدس آنا زیروه سینی همیشه اوجا توتان بشری دیردیر. ائله بونا استناد ائدرک بیز آذربایجان تورکلریده بوتون دیللره، کولتورلره سایقی و سئوگی ایله یاناشاراق اینسانلیغین  اوجا توتولماسینی ایسته ییریک.

21 اسفند دونیا آنادیلی گونونو بوتون آنا دیلینی سئونلره و اونون اوغروندا مجادله وئرنلره تبریریک دئیریک. هم ده اوجاسسله هایقیراراق دونیایا جار چکیب دئمک ایسته ییریک کی ای اینسانلارین بیزیم تورکجه میز سئوگی دیلی دیر. بیز بو دیلله سئویریک، لایلا و اوخشاملار دئیریک، بودیلله باشقالارینین آجی و تاتلیلارینی دوشونرک اونا  یاناشیریق. بیرسوزله اونون اولکه داخیلینده بوگونکو آجیناجاقلی دورومونو نظره آلاراق آرخاسیز و یاردیمسیز قالان دیلمیزی، درس دن، اوخولدان محروم اولان آنامیزین سود و سئوگی یادیگارینی قوروماق آماجیلا کوتلوی شکیل ده، بوتون مکانلاردا اوز دیلمیزی دانیشما قراری آلاراق، ایلک اونجه اوزوموزدن باشلایاراق آشاغلاییجی کومپلئکسلره یوخ دئییریک

ائوده، ایش، کوچه ده، مترودا، اتوبوس دا، اوخول دا، بیلیم یوردا، خلاصه هریئرده اوزدیلمیزی دانیشماقلا، اوز آنالاریمیزی اوستون توتاق و وطنی بورجوموزو یئرینه یتیره ک. قوی آتالاریمیز و آنالاریمیز هم ده وطینیمیز بیزیمله فخر ائتسین. چونکو بیز اونلارین بیزه بوراخدیقلاری امانت لری جانیمیزین باهاسینا قوروماغا حاضیر وقادیریق، دیرلی اوخوجولار، آنا دیلمیزده هم ده هرگون یازیلی ادبیات اوخوماقلا اوز سوز گنجینه میزی دولو توتاراق بعضی یوخسونلارا محکم جاواب وئره بیلریک، اونوتمایق کی بیزیم تورکجه میز، دده قورقودون، ادیب احمدیوکناکی نین، نیظامی گنجوی نین، فضولی و نسیمی نین، مهستی و خورشود بانونون، اوغوزخانین، مئته نین امیر تیمورون، سلطان سنجرین و طغرلون، آتابی لرین، سلجوقلارین، صفویلرین، نادرشاه لارین، شاه اسماعیل، سلطان سلیمانین، بایزیدین، کوراوغلونون، امیر علیشیرنواینین، خاقانینین، آق قویونلارین، قاراقویونلارین، اویغورلارین، تورکمن لرین، قازاخلارین، ازبک لرین، چواش - قاراچایلارین کریم تاتارلارین، قاقاوز و باشقیر دلارین، هونلارین، عوثمانلیلارین، داها دوغروسو هجر و نبی لرین، بایک، شهریار، وورغونلارین دیلی دیر.

اورتا آسیادان اورتا آوروپایا قدر اوزانان بویوک تورک اولوسونون دیلی دیر. تاریخ بویو بودیل سئوگی و شقفت دیلی اولوب. قازاندیغی هئچ بیرتوپراقدا باشقا خالقلاری ازمه ییب و اونلاری زورلا آسیملاسیونا (اوزگه لشمه یه ) اوغراتماییب. «قوتاغوبیلین»، «عتبه الحقایقین» ، مقایسه الغتین نین» ، دیوان الغتین ، اوغوزنامه نین و مین لرجه ادبی عابیدلرین دیلی دیر. بیزیم آنادیلیمیز. بودیلی اوتانمادان دانیشماق، فخرایله باش تاجی ائتمک هربیر اینسانین یعنی بوجغرافیانین ساکین لرینین بورجودور.

بیزیالینز دئمیریک بودیل بیزیم دی، یوخ بو دیل هم ده قونشو خالقلاریمیزین، اوزاق ائللرده سئوگینی درک ائدنلرین دیلی دیر. دیرلی دیلداشلاریم ایلک اونجه دیلی ایچیمیزده، کلامیمیزدا، اونیست واسیطه لریمیزده استفاده ائده جه ییک هم اونو یاشاداق، هم پایلاشاق و وار اولماسینی ساغلامیش اولاق.

دوزدور ایندی بیزیم اولکه ده و اولکه داخیلینده دیلیمیزین هئچ بیر دولت قایغیسی یوخدور. آنجاق بو او دئمک دئییل کی بیز اؤلومه محکوموق، خیر بیز داهادا  جیدی و کسکین آنامیزین دیلینی یاشاتماغما سعی گوسترمه لییک. قوی تاریخ اوز آخاریلا داوام ائتسین. من اینانیرام بیزیم زنگین کولتور ودیل مدنیتمیز همیشه قازاناجاقدیر.

دیرلی خداآفرین اوخوجولاری یئری گلمیشکن یئنی ایلین گلیشینی باهارین سیجاق سئوگیسینی ده سیزلرله پایلاشاراق، ایله بو بایرام گونلرینده ده اولکه نین مختلیف بوگله لریندن آنا یوردونوز آذربایجانا گئدنده لطفاً باشقا اویرندینیز دیللری ائله اورادا قویون و گئدین. یوردونوزدا وطن هاوا سیندا، آنادیارینیزدا آنالارین حورمتینه آنادیلینیزده دانیشین قویون بو سئوگی دیلی سیزی بیر- بیرینیزه داها دا سئودیرسین، جونکویابانجی پیچیلتی لاردان وطنین روحو پریشان اولار. بیرداها بایرامینیز قوتلو اولسون.

وطنین اوزوندن چوخ سئون شاعیر

 

باش یازار: دکتر حسین شرقی دره جک ( سوی تورک )

BAŞYAZAR:Dr.HÜSEYN ŞƏRQİDƏRƏCƏK(SOYTÜRK)

 بیر دوغولور وار اولماق اوچون – بیری ده یوخ اولور وارلیق اوچون، آذربایجان توپراقی ازلدن بری ارنلر یوردو اولموشدور و اولاجاقدیر. یوردوموز دونیا تاریخی ایچریسینده همیشه فیکیر و دوشونجه اونجوللویو ایله باشقالارینا اورنک اولموشدور. مین ایللر بویو مقدس توپراقلارکیمی باشقا اولوس و خالقلار طرفیندن زیارت گاه کیمی عبادت مرکزی اولوشدور. اونون اینسانلاری ذکی، آیدین و دوغرو اولموشلار. هامییا بللی اولان اودورکی آنایوردوموز آذربایجان قیلینج و قلم قهرمانلاری ایله هر زامان تاریخده اوز یئرینی  یوکسکلرده  قوروماغی باجارا بیلمیشدیر.

هاشم طرلان ( سیدهاشم حسن زاده ) ده بیرعصره یاخین یاشی ایله ، بیرآکادمییا قدر ادبی – پوبلیستیک و اجتماعی – سیاسی چالیشمالاری و مبارزه لریله  سوز، و دوشونجه ارنلریمیزدن بیری ایدی. او همیشه یوردو اوچون یا شادی، یوردو اوچون سئودی و آذربایجان اوچون یاراتدی.

طرلانین بوتون یارادیجیلیقلاری او جومله دن ادبی- اجتماعی و سیاسی یا رادیجیلیقلاری ایچریکلیک اعتباریله زنگین تورک کولتوروندن دوغان کئچمیش دن گله جه یه کورپو اولان آذربایجان تورکونون ائنیشلی – یوخوشلو دیره نیش و مبارزه سینه حصر ائدیلمیشدیر. بویوک روح و دوها صاحیبی اولان بویوک شاعیرو ادیب هاشم طرلان آذربایجانین تاریخی عذاب و اذیتلرینی گوره رک دن، یاشایاراقدان بوتون مکمللیی ایله اونو سوز و فیکیر دونیاسیندا عکس ائتدیرمه یی، یاشاتماغی و چاتدیرماغی ، باجارمیشدی.

وطن دن وطنه سورگون اولان، وطن دن وطنه حسرتله باخان – آزاد لیغین دادینی و آجیسینی چکن هاشم طرلان سوزون حقیقی آنلامیندا آذر دن آذر و آذردن سونسوزلوغا گئدن یولون یولچوسوایدی. اونون دوشونجه عالمینده آذربایحاندان باشقا بیریسی یوخ ایدی .

اونون غرورو، اونون دیرچلیشی ، اونون دیم دیک  دوروشوندان  باشقا غلیظ و آنلاشیلمایان بیردومانلی صحنه یوخ ایدی. او دیک دوروشو، ملایم خاصیتی ، غرور دولو گولوشو ایله ائله ایلک یازدیغی شعرلرینین و میللی حکومتین اونا ارمغان ائتدیی اوزگورلوک دادنیی بوگونده بیزلره آشیلاماقدادیدی. او بیرگوزل رویا ایدی آذربایجانین گله جه یه گئدن یولوندا شیرین یوخ ایچینده ، او دیرین دریا و دنیز ایدی سوز و شعرعالمینده ، متواضع و ساغ دوروشولوایدی. ائنیلمز و جسور اورکلی ایدی. پایلاشماغی باجاران، یارادیجیلغی یایا بیلن بیراولو اینسان ایدی.

هاشم طرلان هر زامان اورنک بیرآدام ایدی. او حتی اوزوندن بویوک دوشمنلره بئله اورنه ییدی. هم ده وطن دردینی سوز اختراعلاری ایله معاصر و چاغداش دوزئیه داشیا بیلن بیلیم آدامی ایدی.

اینسانین آیا ( کره ) گئتمه سینی اوستالیقلا وطنین پارچالانمیش اورینه ملهم کمیی درمان ائدن شاعیر، وطنداشلارینی ، سویدا شلارینی قینامادان  نیک بین  گوروشله ، سیرادن آیا گئده بیلینجه ک بیرچاغمدا اونون الینین بوتایدان – اوتایا چاتماماسینی چوخ بویوک اوستالیقالا ایفاده ائمه یی باجارمیشدی. اونون مودیریک ، داهیانه حتی داها کسگین دئسک اونجول مبارز یارادیجیلیغدان بویوک شاعیرلر اوجومله دن بختیار وهابزاده و باشقالاری تأثیر له نرک منظومه لر یاراتماغی باجارمیشدی.

هاشم طرلان ساکیتجه آخان اقیانوس کیمی داخیلن چوخ زنگین و یارادیجی اینسان ایدی. اونون یارادیجیلیغی رنگارنگ اولساداچئشیدلی قونولاری احتیوا ائتسه ده بیرمعنالی اولاراق منسوب اولدوغو خالقین غرور و آجیلاریندان عیبارت دیر. جسارتله  دئیه  بیلرم کی ،اون ایللیک ژورنالیستیک حیاتیمدا  ان  میللی ، صادیق ، دوغرو و صمیمی و  اورک دن  یانان بئله وطنینی سئون اینسان اوندان باشقا بلکه بیرجه تک اونو گوردوم.

بوتون یارادیجیعلی تمناسیز و قارشیلیقسیز ایدی. او بونو بیلرکدن یارادیردی. او آجیلاری چکرک ایچینده  قان آغلایاراق  یا رادیردی . گله جک نامینه آیدین صاباحلار اوچون لاپ  اوزاقلاردا سسینی دویاچاق بیرکورپه اوچون یازیردی.

امینلیک له دئیه بیلرم کی ، بوتون یارادیجیلیغینی بیر وارلیق اوچون ، بیرعشق اوچون  ائدیردی. اودا وطن، وطن و آذربایجان اوزگورلوک نامینه ، اونو ، بونو ، منی ، سنی ، یئتییشدیرمک اوچون مجادیله ائدیردی.

فخرایله دئیه بیلرم کی بیز خدآفرین درگیسی اولاراق استاد هاشم طرلانین نثر اثری اولان "آجیلی شیرینلی خاطیرلرینی" بیرینجی دونه اولاراق بیز نشر ائتمیشیک.اوگولر اوزلو سیماسی ایله بیزیم رئداکسیایا تئز – تئز. گلردی یازیلارینی حیصه – حیصه بیزه وئرردی. هر دفعه درگیمیز نشر اولدوقجا ، درگینی گورونجه سئوینجینی بیزیمله پایلاشاردی. گوله – گوله دئیردی : « دئیین بوساینیز داچیخدی، والله قهرمان سیز، من بوگونلری اون ایللردیر حسرتله گوزله ییردیم، سن جاوان اوغلانسان هله داها چوخ گوزل شیئلر گوره جک سن »...

هاشم طرلانین خدآفرین درگیسی نین رئداکسیاسینا  گلیشی بیزلر اوچون مثبت انرژیله یاناشی آذربایجانچلیغین، گئچمشیدن بوگونه اوزانان اوزگورلوک یولونون جانلی سالنامه سی کیمی ایدی، اونون صمیمی و جددی داوارنیشی، ایستی قانلیلیغی ، ادبی دیلمیزی دریندن بیلمه سی  بیزه تانرینین معجزه سی  کیمی بیرگوندریش ایدی. همیشه یوکسک احوال – روحیه ایله بیزی یولا داوام ائتمه یه تشویق ائدیردی. حیاتیندا باشینا گلنلری آنلاتماقلا ، بوگونکو  گونوموزون  چوخ داها یاخشی اولدوغونو بیزلره خاطیر لاتماقلا ، همیشه بیزی وطن اوعزوندا  جسارتله چالیشماغا و گله جه یه ایناملا باخماغی توصیه ائدردی.

ایندی اذربایجان باشین ساغ اولسون بویوک اوغوللار دوغدون ای، بویوک اولوسوموز باشمیز ساغ اولسون، دیلمیزین ، ادبیاتیمیزین و دیره نیش مکتبیمیزین جانلی تاریخی اولان بویوک وارلیغی قایب ائتدیک ، آنجاق اونون حکمت دولو ادبی خزینه سی  هر زامان یولوموزا  ایشیق توتاجاق ، یولوموزو آیدینلاشدیراجاق  اونون دیرینی داها آرتیق بیله جه ییک.

بیلیرم کی بویوک ادبیاتچی ، دئوریمجی ، دیره نیشجی، وطن اوغلو هاشم طرلانین آدی اونون اثرلرینین اوخونوب و آراشدیریلماسیلاما هرگون یئنی دن کشف ائدیلرک ، اونوموزده  یئنی – یئنی اوفقلر آچاجاقدیر.

هاشم طرلان ( سیدهاشم حسن زاده ) 91 ایل اونجه باکی دا دونیایا گوزآچدی 25/8/1393 ده بازار گونو تهران دا حیاتا ویداع ائتدی ، 26/8/1393 ده تهران  شهرینین  بهشت زهرا  مزارلیغیندا 315- جی قیطعه ده توپراغا تاپشیریلدی.  روحو شاد ، یولو گئدرلی اولسون.

بیزده خدآفرین درگیسی عایله سی اولاراق  بو بویوک ایتگینی اونجه بویوک تورک اولوسونا، آذربایجان تورکلرینه ، ادبییات و بیلیم توپلومونا  اونون عایله سینه  و سئونلرینه باش ساغلیغی دیله یرک اولو تانریدان مرحوم استادیمیزا رحمت و قالانلارا صبیر و دوزوم دیله ییریک. بوتون قلمداشلاریمیزدان ایسته ییریک بو بویوک شخصیت حاقیندا خاطیرلری – علمی – ادبی آراشدیر مالاری وارسا بیزه گوندرسینلر. بیزده اونونلارین دیرلری یارادیجیلیقلارینی درگیمیزده نشر ائدک.

 

آوروپانین اسلامافوبیا و اوز قورخو خسته لییی

اَن قدیم دوورلردن یابانی حیات سورن آوروپالیلار شرق اینسانیا قیسقانج گوزو ایله باخمیشلار بونولا یاناشی مختلیف عصرلرده بیزلردن اویره نه اویره نه  اینسان کیمی یاشاماق نه دیر، دئیه بیزدن اویرنمیشلر. چوخ اوزاقلارا گئتمه دن لاپ 18 جی عصر و 19 جو عصرین اووللرینه دک  پاریس، لندن و باشقا آوروپانین تاننمیش شهرلری فاضلاب (کانالیزاسییا) ایچریسینده اوزرکن، پنجره لردن اینسان مدفوعولارینی بیر بیرینین باشینا توکرکن، اَن بویوک سارایلاریندا بئله انسان احتیاجینی گئدره جک توالت یوخ ایکن، بیزدن گوروب گوتوردوکده بونونلا یاناشی دا بیزه قیسقانجیلیقلا باخیرلار.

تورک لر لاپ هونلاردان بو طرفه آوروپایا گیردیک لرینده اونلارین نه قدر بربر (وحشی) و اینسانی حیاتدان اوزاق اولدوقلارینی گوردوکده اونلارا اینسانلیق، دورستلوک و پاکلیق درسلری کئچمیشلر. اوزلریله گتیردیک لری مدنیتی اوجومله دن اینسانا حورمت، تمیزلییه رعایت کیمی عنعنه لری ده اونلارا ارمغان ائتمیشلر. حامامین (حمام) نه اولدوغونو بیلمه ین آوروپالی ائله بوگونده حاماما تورکیش دئیره ک اوزونو یویوب تمیزله مه یی بیر شعورلو یاراتیق (مووجود) کیمی بیزلردن اویرنمیشلر. ایدمان (ورزشی) میدانچالاریندا اینسان باشی کسیب ایله نن بو ذاتلار لاپ بویاخینلارا  قدر فرانسه نین جمهوریت دوورینده بئله، یوزمین لرجه اینسانین باشین گیوتین (باش کسمه آلت) کسرک شهرین کوچه لرینه بوراخیب و اونون قوخوسوندان یاشاملارینی افلیج ائدیب هم ده طاعون کیمی قیریجی و یولوخوجو خسته لیک لره دوچار اولموشلار.

لاکن بوگون "شارلی ابدو" کیمی درگیلر و اونلاری اداره ائدن اسلام و شرقه قارشی اولان سیاست آوانتوریست لری هر آدیمدا بیزیم اوچون مقدس و قوتسال اولان دیرلری تحقیر ائدرک  اوز قورخولارینی  بیان  ائدیرلر.

دوغارقانلیفین (زادوولد) گونو- گوندن آزالماسی ایله قارشی قارشییا قالان آوروپالیلار، شرق و اسلام دونیاسینین اَن ذکی بیین و انتئلکئت لرینی مختلیف یوللارلا آوروپایا چکرک اوزومله شدیرمه سیاستی یوروتسه ده گئنه، داخیلی عالمینده چالخانتی و تشویش ده دیر. ائله بونا گوره دیرکی اونلارین سیاست ماشینلاری و اونون یانیندا مئدیا دونیاسی اَل بیر اولاراق مسلمانلاری هدف آلماقدادیرلار .

قید ائتمک لازیم دیرکی بو آوروپالیلار حتی بیر مسجدین تیکیلمه سی ایله بئله مخالف دیرلر، گل گور کی، هر بیر مسلمان اولکه سینده منیلرله کلیسا واردیر. بیزلر نه اینکی قورخموروخ حتی اونلارا سایقی و سئوگی ایله یاناشیریق. سئوگی روحلو پاکلیق و قارداشلیق دینی اولان اسلام دینینه قارشی یورودولن غرضلی سیاست گرچکدن آوروپانین ایچ اوزونو، او جومله دن ده اونلارین پارانویا خسته له یینین گوسترگه سی دیر.

باتی لیلار (آوروپالیلار ) بیزیم اَن قوتسال دیرلریمیزی تحقیرله اوز اولکه داخیللرینده عمومی رأی اولوشدورماق نیتینده دیرلر. خالقلارینا یوکسک وئرگی رسوملارینی تحمیل ائدرک قورخو سناریوسونو حیاتا کئچیریرلر. باخین فرانسه ده "شارلی ابدو" دئیلن درگییه ائله فرانسه دوولتی اوزو باسقین حاضیرلایاراق اوز وطن داشلارینی اولدورمک له بیزی پیس و قورخونج گوسترمک نیتینده دیرلر.  حال بوکی ائله همین بو فرانسه جمهوریتین ایلک قورولوش ایللرینده ائله گون اولوردو هر گون 300 مین آدامین باشینی کسیب کوچه لره توللاییردیلار.

منجه آوروپالیلار قان ایچمه دن یاشایا بیلمیرلر. قان توکمه دن حیاتلاری داوام تاپمیر. دونیانین هاراسینا دیقت یئتیرسه نیز گوررسینیز کی، اورادا بیر آوروپالی بارماغی وار، بو بارماقلا خالقلارین قانلارینی توکوب و اونلارین یئر اوستو یئر آلتی هم ده میللی ثروت لرینی تالان ائدیرلر. اوزلری اوچون دمکراسی دئدیکلرینی یالانچی فورما دا ایسته دیک لری اولکه لره سیرییاراق هگئمونلوق نومایش ائتدیررلر.

سیاسی اجتماعی و اقتصادی مقصد گودن، اوزگوونین (اعتماد به نفس) اولماماسیندان قایناقلانان بوگونکو یالانچی آوروپادا ترور بحرانی دئمک اولارکی، صهیونیزم و آوروپا فیکیر بیرلیینین محصولر دور. بوندان ایکی مقصد گودورلر:

1- داخیلده اداره ائتمه نین گوجلندیرمه

2- مسلمان دونیاسینی دونیایا ترس گوسترمکله، مسلمان اولکه لرینده قونداردیقلاری باشچیلارین الی ایله اونلارین میللی ثروتلرینی سومورمک. باشقا سوزلر آوروپانین یئنی سومورگه چیلیک سیاستینی ایندی ده بو فورمادا حیاتا کئچیرمک.

باتیلیلار اسلام دا مختلیف قوندارما مکتب واینانجیلار یاراتماقلا ایلک نووبه ده  واحد بیر امتی پارچالاماق سیاستی یوروتمک له، اسلام دونیاسیندا ایلک اونجه همکیشلری بیر بیرینین اَلی ایله اولدورمک، سونرا اونلاری ضعیف له دییب اونلارا مالیک اولماقدیر.

آمریکا باشدا اولماقلا دونیا دا بوتون سومورگه چیلیک سیاستینی حیاتا کئچیرن باتیلیلار و اونلارین یانداشلاری اوجومله دن عرب دونیاسیندا اسرائیل، تورک دونیاسیندا ارمنستان کیمی ماهیتجه ایچی بوش اولان قوندارمالارلا عینی کافتار(کفتار) گونه حیات طرزی ایچریسینده اصلانلاری پارچالایاراق اوز  قارنلارین  دویورورلار.

پاریس ده دونیا اولکه لرینی بیر آرایا گتیریب اسلاما قارشی گوج نومایش ائتدیرمک له نه قدر ضعیف و چاره سیز اولدوقلارینی بیر داها تاریخ ده ثوبوت ائتمیش اولدولار. اورا  قاتیلیمجیلارا  باخدیقدا سیز اسرائیلین باش باخانی کیمی منفور و اوشاق قاتیللرینی ده گوره بیلرسینیز و بویوروشون نه قدر کیرلی و پلید مقصد داشیدیغی هر کسه بللی اولور. اونلارین مسلمانلارا، عرب و تورک لره توتومو ازل باشدان بللی دیر. بونلاری حربی یوللا اولسا، یوخ ائتمک، یوخ اولماسا استثمار ائدیب آسیملاسیونا اوغرادیب تهلوکه نی اوزلریندن اوزاقلاشدیرماق.

میلیاردلارلا سئونی اولان، الله ین رسولو اولان سئوگی و شفقت پیغمبریمیزین کاریکاتوراسینی سوز آزادلیغی (به اصطلاح / سوزده) آدی آلتیندا آلت ائدیب. بیزلرین اوره ک و فیکرینی جریحه دار ائتمکله اونلار یالنیز و یالنیز اوز پارانوییک لیک لرینی گوسترمک له بیر داها تاریخدن گلن وار اولما قورخولارینی گوستردیلر.

دئمک ایسته ییرم قاراباغدا قارنینا نیزه سوخولان بیر تورک مسلمانین، فلسطین ده آتاسینین گوزو قاباغیندا گوللـه له نن اوشاق هانسی گوجه صاحیب دیرکی، بیر بئله کوفر و شیطان حکومتی باشچیلارینی شیطان یوواسی اولان پاریس ده بیر آرایا گتیریر؟

بیزیم ایچمیزده اولان اینام، سئوگی و میللی وارلیق مجادله سی، اینسانی گوزللیکلردیر کی ،اونلاری قورخو و تشویشه سالیر. اونلار قورخاراقدان آذربایجانین آیریلماز پارچاسی اولان قاراباغین "خوجالی" شهرینده 700 یوز باخین قادین، اوشاق و قوجا اینسانلاری، ائرمنی امکداشلارینین اَلی ایله اولدوره رک خزرین نفتینه صاحیب اولماق ایسته ییرلر. داعش (ایشید) ترور گروهو  یاراداراق عراق دا توکنمه ین نفته صاحیب چیخماق ایسته  بیرلر، بولگه اولکه لرینی قورخونج گوسترمک له  اونلاری بیر بیرینه دوشمن ائدیب نفت و گازی سو قیمتنه اونلاردان آلماق ایسته ییرلر.

منجه" شارلی ابدو" کیمی اولایلار اویدورمادی، گیزلی سرویسلرین و گیزلی سیاست لرین ظاهری یانسیماسی دیر. اونلارا اویمادان، اینامادان اینسان اولومونو نیفرتله قینایاراق هئچ زامان بیزیم مقدسلرله اویون اوینایانلاری راحات بوراخمایاجاییق. بیلمه لی دیرلر کی ، داها سومورگه چیلیک و اویونبازلیق دووری سونا چاتماقدادیر.

یوره سل یارادیجیلیقلار بوتولشمک ده اولان ادبیاتین اوزه ییدی

 

 

هربیر ادبی اثر، بدیعی ادبیات دیر واو اوزولویونده فردین دوشونجه دونیاسینین حیاتا باخیش آنلامی دیر. دوشونجه سوزه چئویریلنده دوشوندورور، تربیه ائدیر و بسله ییر هم ده جیغیر آچیر. سوز صنعت دیر اوزنده ماهیت ایچریلییی داشییر. بوماهیت ایچریلیی ایستر فرد ( کیشی ) ایستر توپلوم اوزریندن اولوملاشا بیلر. هر بیر اولوشان ادبی حادثه وارلیغین میثیلسیز تیمثالی دیر اونا گوره کی ادبیات و یا ادبی یارادیجیلیغین حیاتلا آداپتاسیون نقطه سینده گله جک نسلیرین یارادایجیلیغینا واسطه دیر، آراجدیر.

 

هامیا بللی دیرکی عصر دوورون ، زامانین اوز دیلی ، اوز ادبیاتی و یارادیجیلیغی واردیر. دانیلماز فاکت دیرکی گله جه نسلین ادبیاتینی یاردان و اولقونلاشدیران بوگونکو ادبی حادثه لردیر. و بونون سونوجوندا هربیر اولوسون بوتولشمیش ادبیاتینی یارادان یوره سل ادبی یارادیجیلیقلاردیر . دوغرو یولا آخان و ایره لیه باخان یارادیجیلیقلار اوز ایچریلیکلرینده اولوسال ( میللی ) معنویات داشییر حتی اونو جانلاندیریر.

 

میلی ادبیات بیرگونش دیرسه ، بولگه ادبیاتلاری و ادبی اولایلاری دا اونون شوعالاری دیر. چوخلو اولایلار فاکتلار اساسیندا یارانیر و گرچک علمی محرایا توکولرک بدیعی ادبیاتین اولوسال زمین ده ادراکینین  اولوشومونو ممکن  قیلیر.

 

بولگه ادبیاتی ، عینی عسگرلرین جبهه سنگرلرینده گئجه گوندوز یورولمادان ساواشینا بنره ییر، عسگرلرین هربیرینین دوروشو و استقامتی مرکزده اولان گوجه گوج قاتییر و وارلیغی توم آنلامیلا ساغلامیش اولور. بو یوره سل اولوشوم اوزلویونده قدرتلی بوتولشمه آماجینا چئویریلیر. باخمایاراق چئشیدلی یوره لرین ، چئشیدلی آغیز و لهجه لری واردیر. آنجاق او آغیز، لهجه و شیوه لر داغلاردان آخان سیزقا سولارا بنزه ییر کی بویوک چایی تشکیل ائدیر. ائله جه ده میللی ادبیاتین گوزه للیلی و زنگینلیی ده اونون یوره ، بولگه و آغیز چئشیدلیلینین چوخلوغوندادیر.

 

بونا باخمایاراق کی بوگون آذربایجان ادبیاتی، شعری، نثری و بوتولوکده ادبی دیلی هئچ بیر دوولتی یاردیمدان بهره لنمیر، آنجاق اونون وارلیغی اونو تثمیل ائدن اولوسون بویوکلویو ایله قیدالانیر و جانلانیر؛ کلیبردن همدانا، گیلاندان ، بیجارا، قزویندن ارومیه و اورالاردان بوتون آذربایجانا یاییلان آذربایجان تورک دیلی اوز وار اولماسینی یالنیز و یالنیز اوز خالقی نین اوز دیلینه اولان سئوگیسندن آلیر. هربیرائل ده ، اوبادا ، شهرده کندده یازیب یارادان، ایزسیز بیریازار و شاعیر بیلرکدن و بیلمیرکدن عموم میللی ادبیاتا گوج قاتمیش اولور.

 

هر بیر ادبیبین ، شاعیرین یازدیغی جمله و مصراع ایستر-ایستمز میللی ادبیاتا بیلیک و معلومات آرتیریر. دوشونجه خزینه سینی زنگینلشدییر. هربیر یارادیجی اینسانین اثرینده بدیعی ذوق، کدر و دویغولار اوز انعکاسینی تاپیر. بو اثرلردن سوزوب گلن و میللی عنواندا میللتین ادبی رایینی یارادان قوروماز همیشه آخارچشمه یارانیر.

 

11-جی یوزایللیک ده آذربایجان ادبیاتی قطرن تبریزی، 12- جی یوزایللیک ده نظامی گنجوینین روحو ایله قیدالانیرسا ، خاقانی ، نسیمی ، فضولی ، نباتی ، واقف ، صمدوورغون و شهریارین دوشونجه و گوروشلری ایله سهند کیمی شاعیرلرین سوز و فلسفه دونیاسیندا دده قورقود روحو جانلانیر .  یئنی دن اویانیش و جوجرمه باشلاییر، عزالدین حسن اوغلونون ترنوم ائدیی دیل بویوک بیر قایغی و سئوگی ایله ساوه ماحالیندا تلیم خانین فلسفی دوشونجه دونیاسیندا یئنی دن جانلانیر. ظلیم خانین هایقیریلاریندا گویچه ماحالی زنجانا سس وئریر، شکی دن بختیارین وطن نغمه لرینه زنجاندان، هوشنگ سس وئریر، بو سس دیار ، دیار دولاشییر، ایلک اونجه بولگه له شیر، سونرا بوتوولشرک ، گور سسه چئویریلیر و ادبی آذربایجان سسینه چئویریلیر.

 

اولو قاراداغدان، قوجا ساوالانا ، سهنددن ، قاف داغینا ، قوشقارا های سالیر، کوراوغلونون نعره سینی ، مئته نین ایگیدلینی ، بابکین شوجاعتینی ، دده قورقودن نفسینی ، قازان خانین متانتینی ، ایلدیرم تک شاخان تورک قهرمانلارینین وطن سئوگیستی حزین ، حزین بیزلره آشیلاییر . یوره دن ، بولگه یه ، بولگه دن  بولگه یه یایلاراق ادبی اورنه یه چئویریلن آنامیزین سسی هربیریمیزین یازیسیندا ابدیلشیر. اونوتمایاق کی آنادیلمیز، گوزل تورکجه میز ایلک اونجه سویله سویله جانیمیزا هوپموشدور. سونرا یازاراق اونو وارلیغیمیزا چئویرمیشیک.

 

کئچمیش ایرثی اویرنمک و کئچمیشه ارث قویماق باغلی محدودیت لری آچماق فیکیرلرده یول قویماق، آیدین گله جک یاراتماق یاخشی ادبی نمونه لر خالقیمیزا یادگار قویوب و گله جک ادبی استقامتی دوز و دوغرو یولندیرمک ائله قاراداغدان، قاراباغدان و دیگر بوکیمی وطن بوجاقلاریندان باشلایاراق میللی روح قازانمیشدی.

 

بولگه لردن گلن هربیر شاعیرین سسی دیرلی مضمونو و دولقون ایچریلیلی ایله همیشه بوتوو آذربایجان ادبیاتینا جان قاتمیشدیر. آذربایجان ادبیاتی اینسانلاری اینسانلار آدینا لایق اولاراق همیشه اوجا و شرفلی ذیروده دایانان ادبیات نمونه سی اولموشدور. یوردوموزون گوزل طبیعی و دوغال گوزللیک لری، قایغی چکن اینسانلاری هرزامان اونون معنوی یارادیجیلیغیندا اوزعکسینی تاپمیشدیر. هر زامان موتلولوق دولو سعادته سسله ین بیزیم ادبیات بشریته یارادیلیشدان بوگونه یعنی یارادیلیش داستانیمیزدان اوزوبری تانری سئوگیسی دیله یی ایله آدیملامیشدیر.

 

گوز اوجو باخشیلا گورمک مومکوندورکی، یوردوموزن هربیر گوشه سیندن اوجالان گوزللیک نغمه لری، شاعیر روحو، یازیچی صلابتی ائله اوز اوزلویونده باغچابانلاری ، جلیل محمد قولوزاده لری ، حسین جاوید ، صمد بهرنگی ، علیرضا نابدیللری عرصه یه گیتیرمیشدیر. هره میزه یوردون ، بیر یوره سیندن اولساقدا تک اورک ده یعنی آنا وطنین اورینده چیرپینیریق. ازلدن بئله اولموش سونا قدرده بئله اولاجاقدیر.

 

کیم بیلیر بو ادبی درنکلریمیزده یازان شاعیر و یازیچلاریمیز گله جک ده هره سی بیردونیا شهرتلی اینسانا چئویرمه یه جک ، اومیدلری ایتیردمه دن گله جه یه نیکبین باخاراق یولا داوام ائتمک ، شیفاهی ادبیاتیمیزی مطلق یازیلی ادبیاتا چئویرک. بونا گوره ده هرگون یازماق گرک دیرکی چاغداش اینسانلارین ایستک لرینه و دیلک لرینه جواب وئرن اثرلر اورتایا قویولسون ، مختلیف ادبیات نمونه لری اوخوماق و اویرنمک لازیم دیر. فیکیر و سوز خزینه میزی زنگین لئدیرمک چون واجیب دیر. اونا گوره ده یوره سل ادبیاتی مکتوبلاشدیرماق گونوموزون آن واجب و دیرلی ایشلریندن حساب اولونور.

 

شعر و نثرله یاناشی یوره سل افسانه ، اساطیر، آتالارسوزو ، داستانلار، ناغیلار ، تاپماجالار ، لطیفه لرده قلمه آلینیب و توپلانمالی دیر. هامییا بللی دیرکی بیزه بیزدن باشقا یانان یوخدور. هیچ بیر ادبی شخصیت میز ادبی ایرثمیز، ادبی نمونه لریمیز اوشاقلاریمیزا درسلیک لرده اویردیلمیر. بودا اوز اوزلویوندا اوزون زامان سوره سینده خالقیمیزین اوز کیملینه بیگانه لشمه سینه گتیریب چیخارماسینا سبب اولاجاقدیر. بئله لیک له ده یوردون هربیر اینسانینا بئله بیر بورج دوشور :

 

1-   ایلک اونجه هرکس اوز مدنیتی اویرنه جک

 

2-   اویرندیکلرینی دیگرلرینه اوتوره جک

 

3-   شیفاهی ادبیاتی یازیلی ادبیاتا آختاراجاق

 

4-   یوره سل نظم و نثری ایله یاناشی تاریخ و فولکلورودا  اونمسه یرک حیاتا کئچیریب وقوروما آلتینا آلاجاقدیر.یوره دن بوتون یوردا اولاشماق اوچون بویوک امک و سئوگی دولو اورک لازیم دیر.

 

 ظن ائتمه مک لازیم دیرکی منیم یازدیغیم بیر پارچا شعر نه یه یارایاجاق . یوخ بیر جومله بئله ، بیر میصراع بئله اوز اوزلویونده بویوک بیرتاریخدیر. کئچمیش دکی ادبی ، تاریخی، سیاسی حربی اوغورا گوره قیمت وئره جکدیر. یاخین گله جک ده هر بیرشهرین کندین و بولگه نین مدنی و ادبی اولاناقلاری یازیلی اولاراق مکتوبلاشیب گله جک نسیله اوتوروله جک دیر.