ارگنه گون ویا نوروز بایرامی اسکی تورک گلنه یی

مدیر مسول دکتر حسین شرقی دره جک (سوی تورک)

ƏRGƏNƏGÜN VƏ YA NOVRUZ BAYRAMI ƏSKİ TÜRK GƏLƏNƏYİ

SORUMLU MÜDİR:Dr.HÜSEYN ŞƏRQİDƏRƏCƏK SOYTÜRK

 

 

سئوینج و بایرام هر زامان بیر اوغورون وغلبه نین یادا قازانیمین سونراسی یارانان دویقوسال و اونودولماز بیر اولایدیر.

تورک اولوسونون زورلوقلارا غلبه سینین سیمگه سی کیمی تاریخین یادداشیندا حک اولان "ارکنه کون" یا "ارگنه گون" سونرالار ایسه تورک آچیلیمی ایله اورتا آسیادان دیگر جغرافیالارا یاییلان و مختلیف مدنیت و دیللرده باشقا تور سسلنن بو مادی و معنوی تورک الده ائدینیمی سونرالار چئویری اولاراق ناوروز ، نوروز کیمی قاوراملارلا سسلنمه یه باشلامیشدیر.

اونوتمایاق کی دده لریمیزن کولتور ظفری کیمی دونیا اینسانلارینا تقدیم ائدیلن بو بشری ایجاد اونو گوستریرکی اونلار یارادیجی گوجه مالیک اولموشلار. بو یارادیجیلیق او قدر اونملی دیرکی حالا چاغیمیزدا بوتون بشری ایجادلارین گوجو ایله بو نایلیته چاتماق هارداسا اولومسوزدور.

ارگنه گون معنوی وارلیقدیر اونو یاراداندان باشقا کیمسه منیمسیه بیلمز.بو فرهنگی و مدنی دیر او قدر آنلاملی دیر کی،اینسانین حیات طرزینی اوزونده احتیوا ائتمیش ویوز ایللر بویو حتی مین ایللر بویو کونوللری و روحلاری فتح ائتمه یی باجارمیشدیر.

گلنکلریمیزین یاشانیلان تیمثالی اولان ارگنه گون عادتلری ان آزی بیر ایلین ایکی آیینی اوز دولغون دیرلری ایله باریندیرماقدادیر.

بایرام یعنی گوندوز و گئجه نین برابر اولدوغو بیر گونون بشر دوهاسی ایله اثباتلادیغینی هم ده بو مسئله نی تام بیر آی عرضینده دورد چرشنبه آنلامیلا قوتلاتما مراسیملری موسطویسینده حقیقی آکادمیا کیمی اینسانین یاشام فلسفه سینه اوداقلانمیشدیر. 

کونلوموز و دویغولاریمیز هر زامان ارگنه گون کوکونده اولسون.یئنی ایلده گوروشنه دک.