یئنی ایلده سیزه اوغورلار دیله ییریک Yeni ildə sizə uğrlar diləyiriK

SORUMLU MÜDİR:Dr.HÜSEYN ŞƏRQİDƏRƏCƏK SOYTÜRK

 

مدیر مسول دکتر حسین شرقی دره جک (سوی تورک)

 

تانرینین بیزه آیردیغی عمر پاییندان بیر ایل داها گئچدی.آجی دادلی ،اوغورلو-اوغورسوز هرحالدا بیر ایل ده یاشلاندیق.البته عمر دئدیین سئویملی تانری پایی هئچ ده اوزون و یا گودکلییله اولچولمور.اونا گوره کی هر آخشام اویارکن و هر صاباح دورارکن تانرییا بیر تشکور بورجوموز اولور . اونا گوره کی هر بیر اینسان حیاتی، اونون یئنی گونه آیلدیغی آندان باشلار.خیالاری و آرزولاری دیرچلمه یه باشلار.

یئنی ایستک و یئنی ایناملا یولو داوام ائتدیرنلر مطلق قازانجیلی چیخارلار.قازانج تکجه مادی الده ائدینیم لر دئیل دیر .یئنی ایل ده یئنی دوستلار ، یئنی فکرداشلار الده ائتمک هم قازانیم ، هم ده یاشام چاشنیسی دیر.سئونلرینیزین سایینی آرتیرا بیلمیشسینیزسه نه موتلو سیزه.ان بویوک یاتیریم و قازانج سئونلرینیزین سایینین گونو -گونودن چوخالاماسی دیر.

چونکو سئوگی حیاتی جانلاندیریر و اونو معنا چالارلاریلا زنگینلشدیریر.اومود ائدیرم یئنی ایل هر بیر اینسانیمیز اوچون باشاری و  اوغور ایلی اولماقلا یاناشی جان و گونولو دوستلارینین چوخالماسیلا دا مصادف اولسون. همیشه آختاریشدا اولاسیز.جانینیز ساغ، اوره یینیز سئوگی دولو اولسون. البته اوز میللی وارلیغینیزی دا هر زامان اون پلان دا توتون کی، سیزی ساییب و سئچسینلر.اوزلریندن بی خبرلر باشقالارینین سایقیسینی قازانا بیلمزلر.

خدافرینین آوازینی دونیانین هاراسیندان دویان وارسا اونلارا سلام اولسون.جان وطن دن هم ده تام آتشین اورتاسیندان هامینیزی سایقی و سئوگیله سالاملاییرام. رجا  ائدیرم گئنه بیر ایلده زیروه یه دوغرو قول -قولا و اوموز- اوموزا اولالییم.سیزین سئوگینیز بیزی بو یولدا اوسانماغا ، بیکماغا قویمایاجاق. اینانیریق، یاشایین کی ، یاشاسینلار...

پوزوتیو دوشونجه لرله دولو اولون کی ، حیاتین دادینی چیخارا بیله سیز. بوتون اولوسوموزا اوغور ،سئوینج و ظفرلر دیله ییله یولا داوام . قادر الله ین کمکلییله انشالله.