بیر عالیمین ، شاعیرین فلسفی دوشونجه سی اونون پوئتیک سطیرلرینده

بیر عالیمین ، شاعیرین فلسفی دوشونجه سی اونون پوئتیک سطیرلرینده


BİR ALİMİN VƏ ŞAİRİN FƏLSƏFİ DÜŞÜNCƏSİ ONUN POETİK SƏTİRLƏRİNDƏ

 


Description: سوییSORUMLU MÜDİR: Dr.HÜSEYN

ŞƏRQİDƏRƏCƏK (SOYTÜRK)

مدیر مسئول: دکتر حسین شرقی دره جک (سوی تورک)

 

 

 فلسفه دوشونجه لشنده پوئتيک روح يادداشلا بيرلشنده ميللي چالارلارلا بويانيب بزننده بير ميلتين يوز ايللر ياشاديغي دويغو و سئوينجي، هم ده کدرله بير يئرده عقلين گيزلين ساخلانجيندا زامانين آخاري ايله اولوسون حافظه يه چئوريلير. اونا گؤره کي دوشونجه لريميزين يادداشي زامانين کاناليندا آخارکن جيلالانير  و موديرکليک زيروه سينه چاتير. زامان کئچسه ده، روح اونونلا ياشاماغا داوام ائدير. دوشونجه و ياراديجيليق روحون اؤلمزليگينده هميشه وار اولور. دوشونجه  يادداشين پوئتيک سطيرلرينده کاميللشه–کاميللشه ابدي ياشاماغا دوغرو يؤنله رک گئدير.

 

 

 کؤنول خوشلوغو بعضن اولور کؤنول بوشلوغو.

 ندن  اولور کؤنول بوشلوغو؟

ندن اولور کؤنول خوشلوغو؟  

گؤرونور عاليمين پوئتيک دوشونجه سينده اورکدن گلن بير سس و گوج اونون ياراديجيليغيني قورويور و يؤن وئرير. اينسان سئوگيسيندن محروم اولان ياراديجيليق آياق آچيب يئريسه ده چوخ اوزاقلارا گئده بيلمير. روح کؤنولون خوشلوغوندان نييه خوش و نييه مأيوس اولور؟

 هر قلبين اؤز سؤزو وار،

 هر قلبين اؤز گؤزو وار.

توفيق موعليم اينسانين تقدير آخينتيسينا قاپالي باخماسينا قارشي اولاراق قودرتلي اينسانين اؤز يولونو دوغرو سئچمينده گؤرور. باخماياراق کي، اينسانين اوزرينه چوخ چتينليکلر دوشه بيلر، آنجاق مئيداني عدالتسيزلييه و قفلته بوراخماق اولماز. چونکي اصلینده اينسان و طبيعت اؤزو دوشونجه نين پوئتيک يادداشيدير. اينسانين دوشونجه سي اولدوغو کيمي وطنين و يوردون دا اوز دوشونجه روحو واردير. بونا  گؤره ده ميللي دوشونجه دن دوغان پوئزييا عومومبشري يادداشي اؤزونده احتيوا ائدير کي، ثابيتليگين، تامليليغين و بشرين ايلاهيدن اينسانليغا اوزانان عکس-صداسي اولسون.

 زامان اينسانلاري آغاج کيمي قوپارير

بو دونيادان او دونيايا آپارير.

 اينسان وارليغي، اونون دوشونجه يادداشي زامانلا روحون جيسيمدن آيريلماسينا محل قويمادان اؤز زاوالسيزليغيني خالقين دوشونجه يادداشي نين روحوندا قورويور. چونکي دوشونجه تانري تؤحفه سيدير. ميللي دوشونجه اينساندا سخاوت و محبت پاييدير. اونون بيرلشديريجي و قورويوجو گوجو واردير. توفيق موعليم اؤز دوشونجه روحوندا آغري و آجيلاري ياشاياراق اونو کلاملاشديرير. او اينسانليغين زاوالا اوغراماسيندان نيگاراندي.

 پيس سؤز ندن تئز ياييلير،

 هامييا سيرايت ائدير؟

هرجايي  دانيشماق بعضيلرينده عادت اولوب،

 اخلاق و اونون نورمالاري نين پوزولماسي شاعيرين روحونو مأيوس ائدير، بعضن روحو آغريير، روحونون درينليگينده ساغالماز يارا آچير. او ايسه آغريلاري نين سيزيلتيسيني پوئتيک سطيرلرينده ساکيتلشديرمه يه چاليشير. ويجداني نين کيريمه ين هايقيرتيلارينا سرحدسيز وطن مستويده ، توپراق و اينسانين ميثاليندا ايظهار فضاسي آختارير. او سويداشلاري نين چکديگي آجي و آغريلاري اينيکاس ائدير.

قاراباغ مؤوضوسو هميشه اونون پوئزيياسي نين گؤينه ين يئريدي. يورد ايتکيسي شخصي ايتکيلرينه قاريشاراق دوشونجه لري نين يانغيلاري نين کؤزرتيلريني کاغيذ اوزرينده سطيرلره سپير. مؤحتشم اوردو آپرئل دويوشلرينده کيکيمي قوروسون وطني، يوردو.آپرئل دؤيوشلري قلبينده اؤزونه يووا قوردو. مؤوضويا اوميدله ، تحسينله ياناشان وطنپرور وطنداش، ميللي آجيميز اولان قاراباغ ايتکيسيني بديعي و پوئتيک تفککورده جانلي و هميشه ياددا قالان حقيقت کيمي قورويور و اونو اونوتماغا ايجازه وئرمير.

 توفيق موعليمين ياراديجيليق فعاليتي نين اساس قايه سي اونون شخصيتينده ايفاده اولونان پوئتيک روحوندادي. بو اوزدندير کي، اونون اثرلري نين روحو و ماهيتي دوغرودان دوغرويا عدالتين و حقيقتين ايضاحي و ايظهاريدير. شاعيرين دوشونجه سينده فانتازييالار هئچ ده گؤيلرده گزمير، يئرده مؤحکم آدديملارلا عدالتين جارچيسي اولور. اونون ميصراعلاري نين يولو قاراباغدان، آغدامدان، شوشادان، خانکندينده ائرمني ظولموندن پارچالانان اورگيندن، يعني، خوجاليدان کئچيب گلير. ائله بيل ايچيميزين آغريسيني دوياراق ميصراعلانير شعرلري. بونونلا ياناشي او اوميدلريميزي چيچکلنمه سي يؤنونده گؤره رک آيدين صاباحلارين شفقيني پوئتيک سطيرلرده موژدله يير.

 دئييرلر کيمسه سيزلرين الينده ايختييار اولمور،

 ايختيياري اولمايانلارسا بختييار اولمور.

آما هر بير حالين اؤز ملاحتي وار،

کيمسه سيزلرين اؤلکه سينه صداقتي وار.

 منفور  ظاليملره مئيدان اوخوياراق بير گون کيمسه سيزلرين ده بختييار اولاجاغي نين موژده سيني وئرير، اونلارا هاوادار اولور. ياخشي نين پيسه قاليب گله جگينه اينانير. شاعير دوزو – دوز کيمي دئدینده ده يئنه شوشا عقليندن گئچير. باهارين شوشاسيز نئجه گليب کئچمه سيندن غوصه لنير.

 توفيق فريد بوتون وطن يانغيسي ايله ياناشي معنن تميزليگي ده  اينسانلارا تؤوصيه ائدير.

قانمازليق ذکايا، قافايا قصددير.

اينسانلار!! قانماز اولمايين، داها بسدي.

ندندي قانمازليق اؤزو ده اينساندا بير آمال، بير هوسدي.

 توفيق فريد بو مقصدله دويغو و دوشونجه لريني، اؤز سؤز خزينه سيني، يعني کيتابلاريني اؤلکه داخيلينده، هم ده اؤلکه خاريجينده نشر ائتديره رک اينسانليغين حاق سسي اولماغا عزمکارليق گؤسترير. اونون کيتابلاري، او جومله دن  " وطن عشقي " ،  " باباسيز جوجوق "  تورکيه ده ايستانبول تورکجه سينده، تهراندا ايسه  " همشهري گداي من  "  ديگر شعر و حکايه لر فارسجا و تورکجه نشر ائديلميشدير

فلسفي دوشونجه لريم پوئتيک سطيرلريمده

 

  کؤنول خوشلوغو بعضا اولور کؤنول بوشلوغو. 

  ندن اولور کؤنول بوشلوغو؟ 

  ندن اولور کؤنول خوشلوغو؟ 

  هر قلبين اؤز سؤزو وار. 

  هر قلبين اؤز گؤزو وار. 

  بيري اولور مرحمتلي، ووقارلي، 

  او بيري جيليز، قلبي دارلي. 

  بيري شاختالي، بيري يازلي 

  بيري توخ، او بيريسي گؤزو آجلي 

  بيري قورخاق، او بيري متين 

  بيري يومشاق، او بيري چتين. 

  اونلاردان بيري ياراديرکؤنول خوشلوغو 

  او بيريسي – کؤنول بوشلوغو. 

  **** 

  زامان اينسانلاري آغاج کيمي قوپارير 

  بو دونيادان او دونيايا آپارير. 

  بونو ائدير هردن بيردن يا دا قفلتن، بيردن 

  سوروشمور بونو کيمسه دن، کيمدن 

  ياخينلار آغلايير، ساچيني يولور 

  دونن ديري اولان، بو گون افسانه اولور. 

  **** 

  دونيا اؤزو درد الينده،  چونکي لنگر وورور 

  سوپئر دؤولتلرين فعلينده. 

  سوپئر اوليقارخلار(الیگارشیستلر) اوتوروبلار دونيانين بئلينده. 

  اونلار دانيشيرلار يئکه-يئکه، 

  سوخوبلار آداملارين بوغازينا زهرلي تيکه. 

  اکولوژی کورلانير،  دونيا اؤزو ده قم الينده. 

  چونکي آتوم وار  سوپئرلرين الينده. 

  دئين يوخدور، آي سوپئر، 

  آتومدان دانيشما بير ده. 

  اؤزون گئج-تئز دوشرسن درده. 

  دوستوم، رنگين پاييز يارپاغي 

  تک ساراليب سولاندا، 

  گؤزلرين قم-غوصه دن دولاندا 

  کؤورک حیسلرين سانکي، 

  منيم قوناغيم اولدو. 

  دئه، ندن احوالين بئله اولدو؟ 

  **** 

  پيس سؤز ندن تئز ياييلير، ائدير هامييا سيرايت. 

 هرجايي دانيشماق بعضيلرينده  اولوب بير عادت. 

  بو عوذور آداملاري،قالمير اونلاردا طاقت. 

  بعضا ده اويادير، تاثير ائدير سببکارا 

  بو معنادا لازيم اولور، گلير کارا. 

  **** 

  دوستوم، لاييقسيز سؤز دئسم  گتيرمه ديله. 

  بونو دئميشم ائله-بئله قلبن گوله-گوله. 

  دئمه ميشم بيله-بيله 

  خوش سؤزلريم سنه قوربان،  بير ده ائله. 

  **** 

  منه بيري دئيير هله واخت وار 

   “ ياز، يارات “  بير آز دا اوجال. 

  او بيريسي دئيير:  “ قوجالميسان، 

  خوش، لياقتلي عؤمورله قوجال “ . 

  دوزگون دئييرلر، يازمالييام 

  بلکه عؤمور وئرمه دي ماجال.  

  **** 

  همکاري يوخلاييجي يولداشينا دئدي: 

  يوخلاماني وور قولتوغونا، ايشلري بيرتهر ائيله. 

  مودير سوروشاندا،  “ هر شئي قايداسيندادير “

-  سؤيله  اؤزونو آپار سانکي تميز، ملک، 

  آما اونوتما بو ايشده لازيمدير، 

  هم ده ساختاليق، کلک. 

  يوخلاييجي: بونو ائده بيلمرم، 

  بلکه سني يوخلامايا گؤنده رک؟ 

  سنده وار، منده يوخدور کلک. 

  **** 

  جاناوارلارين اولماسايدي مؤحکم، ايتي ديش.  

  قويونلاري ديري-ديري پارچالاماقلا 

  يئمک اولمازدي اونون ورديشي. 

  بعضا اينسانلارين دا اولور 

  بو قايدالي ياراماز ايشي. 

  **** 

  دوشوندوکجه هئي دوشونورم 

  الدن گئدير هئييم، گوجوم. 

  سانکي قلميم بئينيمه  چکير نره، هوجوم. 

  اورکده اولمور ووجودوما  داياق، ديرک. 

  قلبيمجه دئيير، ياز، يارات 

  آذربايجانلا بيرگه يوکسلک. 

  بلکه، مؤهلت وئردي  بيزه فلک. 

  ايسته ييرم خوش گونلر گؤرک. 

  **** 

  ضيالي نين بيليک تمللري، 

  اونون داورانيش عمللري 

  اويغون گلنده بير-بيرينه 

  تايي، برابري اولماز  اونون نفوذو، قوووتي. 

  وطن عشقي اولار اونون آمالي، قيسمتي. 

  **** 

  ايسترم شانلي اوردو  

  قوروسون وطني، يوردو. 

  آپرئل دؤيوشلرينده کي  کيمي. 

  آپرئل دؤيوشلري قلبيمده  

  اؤزونه بير يووا قوردو. 

  اوردوموزدا واردير 

  گوجلو، پوتئنسيال قوووه. 

  ياغييا ائنديره بيلر  قفلتن ضربه. 

  گتيره بيلرمي شرف و شؤهرتي 

  قيزيل، زينت، وار بيزه 

  يوخسا گتيرر آلچاقليق،عار بيزه؟ 

  ياي دا، ايستي ده قار بيزه؟ 

  يوخسا گتيرر قورو ايفتيخار بيزه؟ 

  **** 

  ظالیم، کؤنلومده اولان صافليغا  

  سن هئچ واخت اينانمازسان. 

  چونکي سن منيم ايدئاليمي، 

  صافليغيمي قانمازسان. 

  اونا گؤره ده منه اينانمازسان. 

  **** 

  عاريف آدامي جاهيل آدام  

  دانلاسا، ائتسه اونا مذمت 

  بو زمانه اوچون اولار 

  آغير بير تؤهمت، علامت. 

  **** 

  فاغيرين، يئتيمين ماليني يئمزلر 

  يئسه لر ده آجگؤزلره 

  ياخشي آدام دئمزلر. 

  **** 

  ايسترديم دونيانين سوپئر دؤولتلرينه 

  مئساژ گؤندريم. 

  اونلاري قاتي مکيرليکدن،  

  زوراکيليقدان دؤندريم. 

  سوساماسينلار کؤرپه لرين،  

  کيشي و قادينلارين قانينا.  

  حیفي گلسين ائکولوگييايا، 

  بوتون جانليلارين جانينا. 

  زينت ييغانلار ايسته ديلر  

  زينتله اوجالتسينلار آديني. 

  زينتسيزلر معنا ايله سؤيله ديلر: 

  سيز قانميرسينيز حياتين معناسيني، داديني؟ 

  زينتلر الدن آليناندا، لاغ ائدن ده بيلر حياتين داديني. 

  روسواي ائدر ائل ايچينده اؤز آديني. 

  **** 

  اگر سؤز-صؤحبت گزرسه گيزليجه، 

  آيدا، ايلده 

  بيل کي، بو سيرر اولاراق قالماياجاق، 

  ياييلاجاق ائل-اوبادا، ديلده. 

  ان اؤنملي اودور کي، شاييه يايماياسان سؤزده، ديلده. 

  **** 

  اي اينسانلار، دانيشمايين  

  کوبود بوغازلا، نفسله. 

  دانيشين مولاييم، اينجه سسله، 

  مهريبان، نوازيشلي اولون هر کسله. 

  **** 

  دونيادا باش وئرسه ده مين بير اويون 

  اينسانلارا ياناشيلسا دا سانکي بير قويون 

  دوستوم، قم يئمه،  

  هر شئيي اورگينه ساليب 

  ساغلامليغيني، عؤمرونو يئمه. 

  ناشوکور اولوب  “ آلله نييه بئله اولدو “  دئمه. 

  صبيرلي اول، کيم يئيير، يئسين، 

  سن اؤزون کاسيبلارين ماليني يئمه. 

  **** 

  گزيب دولانسام دا يئر اوزونو، دونياني 

  شوو بيزنئسده تاپا بيلمه ديم 

  موغامداکي معناني. 

  شوودا گؤردوم ايکيلي معناني 

  شوبهه لي، اؤتري سئوگي موعماني 

  گؤردوم بوردا سئوگي هيجراني. 

  **** 

  فقيره، کيمسه سيزه ظولم ائدنين 

  آغير اولار آلله طرفيندن جزاسي. 

  خسته لنر، گونو-گوندن آرتار هئي آرتار بلاسي. 

  توفيق فريد دئه، کيمسه سيزه، يئتيمه  

  بادالاق وورماغين وارمي معناسي؟ 

  کيمه خوش گلمير يئتيمين، 

  کيمسه سيزين هاراسي؟ 

  نه عئيبي وار کي، يوخدور اونون پاراسي 

  بلکه چؤکوبدو آغلاماقدا، 

  سيزلاماقدان گؤزلري نين قاراسي؟ 

  **** 

  پاراسي اولمايانا مين دوللار 

  گؤرسنر سانکي افسانه. 

  ندن ايمکانليلار ايمکانسيزلارا

    اولوبدور بئله بيگانه؟ 

  قوي کاسيبلار، آهيل قادينلار دا 

  قيدالانسينلار، بطنينده کي  کؤرپه لر 

  دوغولاندا اولسونلار، گلسينلر جانه. 

  **** 

  ايسترديم اينسانلارا خوش گونلر گلسين 

  يئردن، گؤيدن، سمالاردان. 

  تلاتومده قالماسين بيزيم بشر 

  آتومدان حتّی، بير آن. 

  اولماسين مؤحنت، اوزوموزه گولسون 

  اينديکي حال، گله جک، دؤوران. 

  قالماسين کيمينسه قاپيسي باغلي 

  اولماسين اينسانلارين قلبي داغلي. 

  **** 

  آدام وار کي، ايسته مز سيرريني ائتسين   عالمه بيان. 

  آما اييرنج داورانيشي ايله

    بونو اؤزو ائدير، اينان. 

  **** 

  آلوئرچييه، اوليقارخا دوللار گؤزلدي 

  ضيالييا، عاليمه کيتاب، قلم ازلدي 

  سئونلره هردن بير هيجران اؤزلدي 

  سئودا اولسا، قم اولماسا، 

  بو هاميسيندان ازلدي. 

  توفيق فريدين يازديقلاري هم شعيردير،  هم ده قزلدي. 

  **** 

  حالالليغين دا هارامليغين دا 

  اؤز حددي اولور. 

  بيرينين کيسه سي ياريمچيق،  

  او بيرينينکي دولو اولور. 

  بيري يومورتادان يون قيرخير، 

  او بيري بير آز اينصافلي اولور. 

  بيري لوتفه گليب رحم ائيله يير، 

  او بيريسي ديلي نين اوجوندا 

  هئي  “ دوللار “  سؤيله يير.  

  **** 

  غريبه  ايشلري وار هر دؤورانين 

  تزه سي، کؤهنه سي وار هر آنين. 

  بو گون اولان حؤکم صاحيبي، آزاد 

  صاباح اولا بيلر ايشلري برباد. 

  آغلايار، سيزلايار ائيلر فرياد 

  گيلئيلنر ائدر دادي-بيداد. 

  **** 

  دوستوم اولجه جاوانليق ائله دي، 

  ايشلري برباد ائله دي. 

  زمانه دن گيلئيلندي،  داد ائله دي. 

  سونرالار چاليشدي، اوخودو، 

  اؤزونه بير شرفلي آد ائله دي. 

  واليدئينلريني اونوتمادي،  

  اونلاري هميشه ياد ائله دي. 

  **** 

  هامينين عئيني اولا بيلمير گئرچک ايمکاني 

  بو دئمک دئييلدير کي،  

  ديدمه ليدير اينسان-اينساني. 

  توفيق فريد، دئه هامي نين ايمکاني هاني؟ 

  **** 

  نادان مجليسينده حيکمتلي سؤز ده 

  اورواتدان، حؤرمتدن دوشر. 

  ازلدن بئله عنعنه  ياراديب بيزيم بشر. 

  نئيلیيم کي، ضيالي سؤزو نادانا يئتيشمز. 

  يئتيشسه ده دئييلنلري قبول ائتمز، ائشيتمز. 

  **** 

  دئييرلر سئوگيلي جانانلار 

  اولورلار درد آلانلار. 

  آما بعضا ده اولورلار سئوديکلريني 

  درده سالانلار. 

  بوندان ناراحات اولور دوستلار،  

  يئرده قالانلار. 

  اولورمو قاداسيني آلانلار؟ 

  سئوگيده اولا بيلير يالانلار. 

  **** 

  دوشنده خوجالي نين ظولمو ياديما 

  يازيغيم گلير اونلارين فريادينا. 

  دانليييرام اؤزو-اؤزومو،  

  گله بيلمه ديم اونلارين دادينا. 

  بو سببدن غضبله نيرم 

  اؤز پروفسور، علمي آديما. 

  **** 

  دوستونا سايغيلي اول، اينجيتمه اونو. 

  يوخسا حؤرمتدن دوشرسن اونون يانيندا. 

  قفلتن زامانين بير آنيندا 

  سونرا پئشمانچيليق چکرسن اونون يانيندا. 

  **** 

  اينسانلارا آچديم اورگيمي 

  خوش رفتاريم ايله. 

  ايسته ديم اونلار دا منيم کيمي 

  گله شيرين ديله.  

  بونو ائتديم دوستلوغون 

  قدير-قييمتيني بيله-بيله، 

  قلبن سئوينجک، گوله-گوله. 

  من نه بيليم کي، بو حیسسلر  برباد اولاجاق. 

  اينجه دويغولارا باشقا بير آد اولاجاق. 

  **** 

  اينسان ازلدن وورغوندور  

  غريبه لييه، حئيرته. 

  بعضا ده قلم قاشا، قامته. 

  آز مئييلليدير صميميته، غئيرته. 

  بو دا بعضا ضرر گتيرير 

  اينسانلارا، جمعيته، ميلته. 

  **** 

  اينسان، جمعيت اولان يئرده دردي-قم اولماسا اولماز. 

  آما درک ائدک کي،  چمنلييه سو وئرسن 

  گول-چيچک ساراليب سولماز. 

 

 

 

 

مهريبانچيليق اولسا،  

نه آرواد، نه ده کيشي  ائويندن قووولماز. 

  **** 

  يامان سورعتله گئدير دؤورون گرديشي، 

  خيردالانير دونيا. 

  بؤيوک دؤولتلرين کيچيک دؤولتلرله  

  آرتير موناقيشه لي ايشي. 

  آتومدان توتموش هر ايشه قدر 

  آپارير نظارتي، تشويشي 

  توفيق فريد، سانکي اونلارين  

  بوندان باشقا يوخدور ايشي.  

  **** 

  ظالیم، نييه اينسانلارا حالالي هارام ائيله دين؟ 

  اؤزونسه هارامي حالال ائيله دين؟ 

  قويمادين دانيشماغا، اينسانلاري 

  کار ائيله دين، لال ائيله دين.  

  پيسلره نومونه، ميثال ائيله دين. 

  اونلاري آلچالماغا، موتولشمه يه  

  وادار ائيله دين. 

  قلبي گئنيشلري، قلبي دار ائيله دين. 

  بعضا ده اؤزونه اغيار ائيله دين.  

  **** 

  دئديم زمانه اَيه بيلمز قامتيمي 

  بلکه، دييشه بيلر حياتدا ايستيقامتيمي 

  دوزدور، يوخاريلاردا ساخلاماديلار حؤرمتيمي. 

  من ايسه ساخلاديم غورورومو، قامتيمي، 

  اوسته ليک ده سوسيال يؤنوملو فلسفي ايستيقامتيمي. 

  آخي، نه اوچون چکمه لييم کيمينسه 

  نازيني، گؤتورمه لييم ميننتيني؟ 

  اونسوز دا قيريبلار کؤنلوم شوشه سيني، 

  آز چکمه ميشم بعضيلرين انديشه سيني. 

  آما قوروموش آغاج اولماديم، 

  کسه بيلمه ديلر کؤتويومون ريشه سيني. 

  گؤتوره بيلمه ديلر علميمين نيشانه سيني. 

  **** 

  دئييرلر: مجنون لئيلي نين اليندن  

  اولدو سرسري، هم ده دلي. 

  آما دئميرلر بلکه مجنون لئيليني  

  ايبني سينايا قيسقانديغينا گؤره اولوب دلي؟ 

  آما يئنه ده لئيلي-مجنون عشقي 

  اولدو محبت هئيکه لي  

  ايندي ده اولور موعاصير لئيلي، مجنون،

   ابن سينا انديشه سي 

  سينير، تؤکولور گنجلرين جلب شوشه سي 

  اولمور بعضا ياتماغا کيچيجيک گوشه سي. 

  **** 

  بير گنج عاليم دوستوم ايشلريني قوردو 

  دوببه-دوز، روان 

  چاليشدي علم يولوندا هر آن 

  آما بير شئي آلينمادي، 

  چونکي ايندي دييشيب زامان. 

  ايندي او، اؤزونه بخت آختارير 

  اؤزونه  “ بؤيوکلرين “  70 ياشيندا 

  قوهومونو ائتدي گلين. 

  دئدي آداملارا: 70 ياشلي گلي نين تويونا گلين. 

  بئله ليکله، گنجين بختي تاريدي 

   “ گلين “  ايشه دوزلتدي نوه سي  بويدا ار-اوغلاني. 

  آرخاسيز  “ نوه نين “  آرخالي اولدو  اطرافي، هر ياني. 

  **** 

  کئفقوملار (اهل کیف) چکنده کئفچيل دميني 

  من چکديم قاراباغين، دونيانين قميني 

  آختارماديم بختيمي،  “ دايي “ ،  “ اميني “  

  آما حسابا آلديم باشقالارين  

  ييغيلان هارام پوللاري نين جمعيني. 

  بير ايقتيصادچي کيمي دهشته گلديم 

  بو دا دوباره آرتيردي قميمي 

  قلبيمده بو حالي اؤز-اؤزومه  ايظهار ائله ديم. 

  آما اهلي-جاهانا بيلديرمگي 

  توفيق فريد اؤزومه آر ائله ديم 

  **** 

  گؤرنده گؤزل قيز اويويوب فيتنه يه، 

  بير ده نه يه، نه يه؟ 

  مني سانکي آتديلار گؤيدن يئره. 

  ندن زمانه گتيردي بئله؟ 

  بئله ده اولارميش تخريبات، حيله  

  توکه نير بونو بيلنده صبري-قراريم. 

  دئييرم: بودورمو آزادليق؟ 

   “ يوخ دئييرم “  - بودور منيم 

  قطعي شوعاعريم. 

  بونو بيلنده پيس اولور حاليم 

  آما تدبير گؤرمه يه يوخدور ايختيياريم. 

  **** 

  کؤنول توخلوغونون اولور ياخشي آوراسي 

  اولور گؤزل آبو هاواسي 

  اصيل سئوگينينسه - عؤمورلوک وفاسي. 

  **** 

  يوخدور دونيانين وار-دؤولتي منيم گؤزومده. 

  چونکي او واردير منيم  سطيرلريمده، سؤزومده. 

  بو حالا، حالالليغا معطل قاليرام اؤزوم ده. 

  **** 

  گزرديم لاچي نين، کلبجرين، 

  شوشانين داغلاريندا، چمنلرينده. 

  بو دوغوروردو غورور، حئيرت حیسي منده. 

  حيف کي، اورالاري سالديلار کمنده 

  ايندي او حیسسلر يوخدو منده. 

  اوميديم وار گؤيچه ماحاليندا  اولاجام من ده. 

  **** 

  نئجه بيله سن، هارادا و نئچه ظالیم وار؟ 

  توفيق فريد، ياشين اؤتوب، 

  بونو بيلمه يه، حسابلاماغا حالين وار؟ 

  يقين کي، سئنتيمئنتال، اوتوپيک ياناشماق خيالين وار. 

  **** 

  گئدنده قبريستانا باخيرام قبيرلره، 

  حياتيني دييشنلره. 

  دئييرم: اونلارين دا بير گون خوش دمي اولموش، 

  همده مي اولموش، قه مي اولموش. 

  ايندي اؤزلرينه بوردا مکان توتموش. 

  باخين، باش داشلاريندا قوشلار، 

  قارغالار اوتورموش. 

  ايندي بوردا يوخدور نه آد گونو، 

  نه عقيل، نه ده هوش. 

  هر شئي قوروموش، هر شئي يوخ اولموش. 

  يوخدور وظيفه ، نه هر هانسي بير 

  سايقيلار، دويغولار. 

  **** 

  دئييرلر کيمسه سيزلرين الينده ايختييار اولمور 

  ايختيياري اولمايانلارسا بختييار اولمور 

  آما هر بير حالين اؤز ملاحتي وار 

  کيمسه سيزلرين اؤلکه سينه صداقتي وار.  

  **** 

  خوشاگلمز ايشلر توفيق فريدي  زينهارا گتيردي. 

  هئچ اؤزوم ده بيلميرم قلبيمي، 

  دويغولاريمي هارا گتيردي؟ 

  دئديم اؤز-اؤزوم: ظالیم، 

  حدديني آشما، بسدي. 

  سنين حرکتين آداملارا قصدي. 

  نه ائله دينسه قوتار، هوسدي، بسدي! 

  **** 

  قلم، کيتاب ذکالانماق اوچون 

  بير چاره دير. 

  اوندان محروم اولانلار اصيل آواره دير. 

  علم طلب ائدير هر کسدن هوس. 

  لازيم دئييل کئچيره سن واختي بوش-بوشونا، عبث. 

  اوندا اينسانلاري گؤزله ير  فاجيعه ، يا دا قفس. 

  علميسيز، کيتابسيز ذکا  وئرمز هئچ بير بهره. 

  بهرسيزليک حياتي پوچ ائدر، اينساني اوزر. 

  **** 

  اينسانلار اولورلار گاه پولپرست،  

  گاه شؤهرتپرست، گاه روحاني صفا. 

  صفادان تاپيرلار اؤزلرينه شفا. 

  آما اؤنمليدير محمد هادي دئميشکن: 

   “ ادب آموزي-عومومي اينسان “  

  اوندا اولار خوش اونسيت، خوش بير نيت.