یئنی ایلده ائلیمزه قوجاق دولو سلاملار

سردبیر و مدیر مسئول دکتر حسین شرقی دره جک سوی تورک

Başyazar ve sorumlu müdir :Dr.HÜSEYN ŞƏRQİDƏRƏCƏK (SOY22TÜRK)

 

یئنه گلدی باهار , یاز اولدو یئنی ایل آغاز و اورک لر دکی کین کدورت یئرینی سئوینج و گوزللییه وئردی. هر کس یئنی پلان و امیدلرله تازه ایلی قارشیلایاراق اوزونو باشاریلارا ساری توتاراق حرکته باشلادی.

تازه ایل اوزللیکله ده گنجلره یئنی فرصتلرین دوغماسی کیمیدیر. اونلار یئنی آچیلان یئلکنله داهادا اوفوقلری فتح ائتمه یه جهد ائتمه لیدیرلر.جان ساغلیغی و مثبت انرژی اونلاری زیرولره داشیاجاق. بیرلیک و دوغرولوقلا نئچه - نئچه ظفرلر قازانیلاجاق.باغلی قاپیلار آچیلاجاق و حاقلی اولدوغوموز یولدا تانرینین وعد ائتدیی باشاریلار بیزیم اولاجاق.

یول اوزون و چامورلو اولسادا قوتسالدیر . او یوزدن داها عزم و سئوگی ایله قله یه دوغرو یورومه ییمیزی ساغلایاجاقدیر.قوتسال دیرلریمیزی اینانج بایراغی تک باشمیزین اوستونده تانرینین قالخانی تک داشییاراق گلجک گونلری سعادت دولو حایاتینی آلقیشلا یاشایاجاغیق و قارا قیشا قارغیش ائدرک باهارین سئوگی نغمه سینی یوردوموزون هر قاریشیندا فرحله یاشایاجاغیق.

آرزولارین چین اولاجاغینی بو یازدا داهادا چوخ ایناملا تانریدان تمنی ائده جییک. اولوملو و پوزئتیو اولاجاغیق.

اورکلریمیز غلبه سئوگیسیله  تووپ تووپ آتاجاق انشالله. یوردوموزون اوزریندن قارا تعبیضلر و آراسئچگیلر اوزاقلاشاجاق. آنا دیلیمیزین آنا کولتوروموزون بیز وئردیی یئنی روحو همیشه اوجا توتاراق یوکسکلره داشیاجاغیق اونون بیزلره وئردیی غرور و غیرتی.

گوزللیکلرین پئشیندن یورویرک بوتون اینسانلیق آدینا سئوگی ظفرینی قوتلایاجاییق. امین اولاماق گرگ دیر کی , هر شئی بیزدن باشلاییر. اوزوموزو همیشه گلیشدیرمکله دوشمنین قارا پلانلارین آلت ائده جه ییک.

تازه ایل شان و شرف ایلی اولار یوردوموز اوچون انشالله.ال اله , قول قولا  یئنی باشاریلارا دوغرو...