چیلله گلنه یی تورکلرین ان قدیم کولتور وارلیغی دیر

Çillə gələnəy türklərin ən qədim kültür varlığıdır


Sorumlu müdir : Dr.Hüseyn Şərqidərəcək Soytürk

مدیر مسئول : دکتر حسین شرقی دره جک (سوی تورک)

 

بشر تاریخی همیشه طبیعتین آخیشی ایله آیارلانمیشدیر. الده ائدیلن بوتون مدنی و کولتورال وارلیقلار زامان سوزگه جیندن گئچرک گلنه یه  و عادت عنعنعه یه چئوریلمیشدیر. مین ایللردیر  آذربایجان اینسانی طرفیندن حیات طرزینه و عادت وردیشینه چئوریلن بو گوزل فرهنگی قازانیم یعنی چیلله مراسمی میلیونلارجا انسان طرفیندن قید ائدیلمکده دیر.

قونشو خالقلارلا اورتاق مدنیت سایلان بو بشری حادثه فرقلی چالارلارا مالیک اولسادا ایچریلیک یونتمی عینی دیر.

طبیعتین آهنگینه اویقونلاشماق و اونو  چوخ ثمره لی صورت ده انسانا خدمته چئویرمک . حتی زورلوقلاری قولای سووشدورماق .آجیلاری و آغیر شرایطلری  سئوینجه و فرحه چئویرمکدیر.

چیلله ایکی بولومدن عیبارتدیر :

1. بویوک چیلله . بو چیلله قیشین گیریشی ایله باشلار و 40 گون داوام ائدر.

2. کیچیک . بو چیلله ایسه بویوک چیلله نین قورتاریشیندان همن سونرا باشلار و 20 گون دوام ائدر.اون سونو بایرام آیینین گیریشی ایله بیتر. آرتیق قیشین چتین 60 گونو چیله لی گونلر اولاراق آرخادا قالمیش اولور.

انسانلار باهار سئوگیسیله نوروز بایرامینی گوزله یرک قید ائتدیمیز بایرام آیینیدا مختلیف بولگو و گونلرین آدیلا قیشی گوزل باهار سونلوغونا ترک ائدر.

آنجاق چیلله همان چیله و آجی چکمک دئمکدیر. بو سوزون عرفان و ایچ دورالتما کیمی انسان گورورشلرینی قاپسایان ماهیته مالیک اولماسیدا واردیر.

اکینچیلیک و مالدارلیقدا دا بو ترمینین اوزونه خاص یئری واردیر.

چیلله نیز قولای اولسون . جانینیز و روحونوز چیله گورمه سین ...