بو گونلر هاوا یامان بولانیق دیر ؛ گوزلریمیز یاشلا دولو ؛ اوره کلریمیز کورکدیر

مدیر مسئول دکتر حسین شرقی دره جک

 

شخصا من گوزومو آچاندان همیشه آجیلارلا بویودوم . اوشاق ایکن شاهلیق استبدادینین اوزانتیسی اولان خان رعیتلیک ظولمونون گرچکلریه یاخیندان تانیش اولدوم. انسانلارین نئجه ده اونلارا کوله لیک ائتدیی داستانلاری دینله دیم.نئچه نئچه یئنی قورولان عایله لرین خانا تقدیم ائدیلدیینی ائشیتدیم.گنجه جیک قیزلارین زورلا اونلارا کنیز اولدوغونون آجی خاطره لرینی دینله دیم.

حتی بو حاققدا 14 یاشیمدا "خان و رعیت " پیسینی یازدیم و مختلیف مکتب و کندلرده صحنه لشدیردیم. (ایلک آنا دیلینده اولان بیر گنجین پیسی)

 حیات شرطلرینین اینسانلارا قان اوددوردوغو بیر زمانه ده عراق- ایران ساوشینین اوزانتیسیلا بویودوم . شهید گلیر ؛ فلانین اوغلو جبهه ده اولوب یا یارالانیب دئیه آجی و سارسیدیجی آنلارا شاهیدلیک ائدرک بویودوم (بویودوک) ساواشین فسادلاری اولاراق قیتلیق و کوپنلا یعنی ان آز قیدالانما رژیمینده  بویودوک. نفت ؛ گاز و ارزاق صفلرینده بیر لقمه چورک اوچون حیات مجادله سی وئردیک.

بویودوک 18 یاشا گلدیک آنجاق ایلنجه یئرینه بیزی عایله میزدن قوپاریب ساواشین ان یانار نقطه لرینه گوتوردولر. یارالاندیق. چوخوموزدا شهید اولدو. نئچه نئچه آنا آتالارین اوره یی دوردو. پریشان و یورقون اولدولار. بیز اولرکن استکبار سلاحینی ساتیب پول قازاندی. بیزیم آتالارین و آنالارین بئلی بوکولدوکچه غرب و خریستیان عالمینین انسانلارینین حیات گذرانی گوزللشدی. اونلار ایلنجه مرکزلرینده؛ تحصیل مرکزلرینده اولاندا  بیز ایسه سلاحلارا توش گلیردیک.

زامان گئچدی ساوش بیتدی آنجاق آجیلاری بیتمه دیکی بیتمه دی. ینئه غرب قان ایچمک سئوداسینا دوشدو.یئنه انسان آلوئرچیلری اطراف اولکه لری آتش چنمبرینه سالدی . قاراباغ ؛ فلسین غ سوریه ؛ یمن ؛ افغانستان ؛ نیجریه ؛ سومالی و دیگر مسامانلارا آیید اولان جغرافیالاردا. دونیایا گئنیش آچیدان باخماغا باشلادیقدا داعش ؛ ایشید ؛ بو کو حارام ؛ پ ک ک  ؛ القاعده ؛ پژاک ؛ آسالا ؛ و... نه کیمی ترور و ساواشلارلا هر گون آخشاملاری صاباحلادیق. تلویزیون و سوسیال مئدیادان اولوم و داغنتی خبرلریندن باشقا بیر شئی دویمادیق و دینله مه دیک. اوچماق ایسته دیک آمریکا اوچاغیمیزی ووردو یورومک ایسته دیک مینلرله انگللر یاراتدیلار. دونیانین ان دهشتلی کوچ دالغالارینی گوردوک. و حالا حزن ایچینده ییک باشقا بیر اولکه نین حربچیلری باشقا بیر اولکه ده باشقا بیر اولکه نین اوس دوزیی کوماندانین ترور ائدیر. دونیانین سسی چیخمیر. بونلاری هامیسی من یاشادیغیم جغرافیادا اولار. من هر گون اولومدن باشقا هئچ نه دوشونمورم. عدالتسیزلیک ؛ بوشانما وعایله لرین یوخ اولماسی ؛ ایشسیزلیک و اقتصادی تحریملر  نارکامانیا (اویشدوروجو- مواد مخدر)و حیاتین آجی قورخو و کابوسی منیم ان یاخین دوستلاریمدیر. کوچه لرده قورخونج نمایش و میتینقلر ؛ قانا بویانمیش شهرین سوخاقلاری ؛ صحرالاریندان قان قوخوسو پوسگورن اوچاق حادثه لری ؛ چوجوقلارین و گنجلرین سیاست اویونلارینا هاوادا یوخ ائدیلمه سی منیم گوندلیک حیاتیمین بیر پاچاسی دیر. بوتون دونیا مئدیاسی و خبر آژانسلاری دونیانین بوتون دیللرینده منیم جغرافیامدان آجی خبرلر یاینلاییرلار. ائوده اوشاغیما و یولداشیما یازیغیم گلیر آخی اونلار اللریندکی عقللی تلفونلارینان و دایما آچیق اولان تلویزیوندان دهشت ؛ اولوم  و قورخو خبرلر ایزله ییرلر. گورسن آخری نئجه اولاجاق .

آنجاق بیزیم جغرافیادا اولان خبرلرین هئچ بیری باتیدا (غرب ) یوخدور. اونلارین خبرلری مد غ؛ اختراع و موسیقی گروهلارینین نمایشی و اقتصادی دیرچلیش و توسعه آیید خبرلردیر. یئر کوره میز بیر اولسادا اونلار هر شئیین گوزلینی بیز ایسه آجیسینی یاشاماغا محکوم ائدیلمیشیک. اونوندا بیر سببی وار غرب بیزی بو گون سالیرکی تا کی اوزو دینج یاشاسین .آنجاق الله بویوکدور و عدالتی ده کسگین. نه قدر قان ایچیبلرسه  او قدر ده اوزوله جکلر  بیر گون...