دونیا فیرلانیر اما ایریدیر آسماسی, قاتمادیر تاسماسی

Dünya fırlanr amma əyridirasması, qatmadır tasması

دیرینی دیمزه ساتان شو باشی قاوقالی دونیادا تورشونو شیرینه قاتان آجیلی حکایه لر هر گون بیزی اوزره ک محورین فیرلانماسینی ساغلاماقدادیر. 

تیکان –تیکاندیر شو دونیانین دیلی و پریشان دیر احوالی زیرا آج و سوسوزدور اونون ان سئودیی اینسانی. بیر سورون بیتیرسه او بیری سورون باش قالدیریر. بیر یارا قاپانیرسا او بیر یارا پارتلاق وئریر. آفریقا دا سومورگه چیلییه معروض قالانلار اونودولور. اکراینادا وجودونو اوجوز پارایا ساتان گنجه جیک قیزلار گوز آردی ائدیلیر.لاتین آمریکا فساد و یوخسوللوقدا چیرپینیر. قاراباغدا یاریمچیق اویونلار ماسا اوستو گوزه اوفورمه لرله چیبان تک ایرینله ییر. اولکه ده کرونا اویونو ملزمه اولاراق جان آلیر .افغانستان دا استکبار مهره دییشدیریر و ستمه یاشیل ایشیق گوستریلیر. فیدانجیق قیز و اوغلانلار پارا امپریالیزمینین کیرلی و قارا پارا کامپانیالارینا او جومله دن تیجارت آماجلی اینسان آلوئری قایناغینا چئوریلیر. پارا بارونلاری ال و مکان دییشدیریر.

میانمار دا کی انسان یاغماسی اونودولور. فیلسطین شعار کیمی شعیر دفترلرینه سرلوحه اولور . چین ده اویغور تورکلری (مسلمان) اوردوگاهلاردا ایشکنجه لره معروض بوراخیلیر. کانادا و آمریکادا قارا و قیزل دریلرین کوتلوی قتللری جیزگی فیلمی کیمی سیر ائدیلیر. شرق ده چین غرب ده ایسه خریستیان سویغونچولوق مفکوره سی حکم سورور. روس تورکلری باتی ایسه مسلمانلاری چین ایسه اوزوندن اولمایانلاری ازیب گئچیر.

باش دا انگلیس شیطانی اولماق اوزره دین و عرق آیریمجیلیغی سرگیلنمک ده دیر. یازیق اینسانلار ایسه بو نهنگ ظالیم لرین و اونلارین نوکرلرینین طعمه سینه چئوریلمک ده دیر.

ائشیت اللهیم افغانستاندا یاورو قیز چوجوقلارینین جنسی تجاوزه معروض قالیش سسلرینی. نه دیر بو منفور انگلیسیزم , صهیونیزم , چینیزم , شوونیزیم , آمریکانیزیم و روسسیزم.

مئشه لرین یانیر دنیزلرین قورویور و چایلارین داشیر. نیه بو قدر چاشقینسان دونیا. بلکه بیزلره بیر شئیلر دئمک ایسته ییرسن.

لاکن بوتون قولاقلار تیخانمیش و بوتون وجدانلار کورالمیش دورومدادیر.

 بیز تورکلر ایسه حالا مدرسه لریمیز اولاجاق و فارس قارداشلاریمیز! آوروپا یانلیقلاریندان ال چکه جک و انشالله بو پاییز بیزیم ده آنا دیلیمیزده مکتبلر آچیلاجاق امیدی ایله 45 ایل قارداشلیق و بیرلیک دییرمانینا سو توکدوک . غافیل کی دییرمان بیزیم اوزوموزو اویودورموش. تاسماسی قاتمادان بایراغی زوپپادان گولوشو هوپپادان اولان دونیایا آلدانما سویداش . قارنی آجین ایمانی , اششه یی اولنین سامانیی , تومانسیزین حیاسی اولمازمیش. اوز آشینی اوزون پیشیر کیمسه نین آییرانیدا توک آختارما یوخسا سوتدن یانیق قالارسان.... سوی تورک