آذربايجان مطبوعات تاريخينده آذربايجان تورکجه سي

 Prof.Maarifə haciyeva  

Description: معارفه  پروف. دکتر. معاريفه حاجي اوا 

   

  موتخصيصلرين يازديقلارينا گؤره آوروپادا مطبوعات 10 جو عصره آيد ائديلير، 1440-جي ايلده آلمان عاليمي ايوهان قوتئنبئرق کيتاب چاپي اوچون ايلک چاپ جيهازي ايجاد ائتميش و «توورات»ي يايينلاميشدي. سونرالار بير چوخ آوروپا اؤلکه لرينده چاپ جيهازي ايله کيتابلار يايينلانير. 

  آذربايجاندا مطبوعات تاريخي داها سونرالارا تصادوف ائتسه ده، اونلو آذربايجان عاليمي نصرالدين توسي نين (1201-1274) «تحريراصول اقليدس» آدلي رياضيات اثري تبريزده اولان ايتاليالي سياحلارين ماراغينا سبب اولموش، اونلار همين اثري ايتاليايا گؤتورموشلر و 1594-جو ايلده رومانين «مئديچي» مطبه سينده يايينلاميشلار. آذربايجان عاليمي نين بو اثري نين دونيانين 32 کيتابخاناسيندا اولدوغو منبعلرده ياييلميشدير. منبعلرده او دا يازيلير کي، آوروپادا بو کيتابا اولان بؤيوک طلبي اؤدمک اوچون او ترجومه اولوناراق              1657-جي ايلده لوندوندا چاپ ائديلير. 

  داشباسما يولو ايله کيتاب چاپي مئيدانا گلديکده، سونرا بو کيتاب شرق اؤلکه لرينده عرب ديلينده چاپ اولونوب يايينلانميشدير.

Description: images (1) 1801-جي ايلده ايستانبولدا، 1824-جو ايلده فاسدا (مراکئشد)، 1880-جي ايلده آغا ميرزه ابدول باقي حکيمباشي نين اوغلو آغا ميرزه ايسماعيل طبيب تهراني نين سعيي نتيجه سينده تهراندا نشر اولونور. مؤوجود معلومات-بيبليوقرافييا اثرلرينه اساسلاناراق «تحريراصول اقليدس»ين 1594-جو ايل روما نشريني هله ليک ايلک آذربايجان چاپ کيتابي کيمي قبول ائتمک اولار» (باخ: «ايلک آذربايجان کيتابي». اؤن سؤز. باکي، شرق-قرب مطبه سي، 1995، ص. 14-15). 

  آذربايجان مطبوعات تاريخي کيمي آذربايجان ديلي ده اؤز تاريخي ايله اؤزونمخصوصلوغو ايله ياشاميش و ياشاماقدادير. 

  بوتون ميلتلرين مدني زنگينليکلريني ياشادان معنوي بير وارليغين خالقين ديلي اولدوغو بير حاقيقتدير. خالقين وارليغي، اونون کئچميشي، بو گونو و گله جگي اينسان تفککورونون محصولو اولان اونون اؤز ديليدير. آنا ديلي آذربايجان تورکلري نين ده معنوي وارليغي و ميللي غورورودور. هر بير خالق موستقيلليک و آزادليغيني يالنيز تورپاق و شهرلر اوچون دئييل، هم ده اؤزونون مدنيتيني، ادبياتيني، اونون معنوي ثروتي اولان ديليني قوروماق اوچون ده ساواشلارا گيرديگي بير تاريخي گئرچکليکدير. چونکي بير خالقي اسارت آلتينا آلماق ايسته ين ايشغالچي دؤولتلر ايلک نؤوبه ده خالقين ديليني و مدنيتيني يوخ ائتمه يه چاليشميشلار. 

Description: images (2)  چوخ آز خالق وار کي، اونون وطني اوزرينده گزديگي تورپاق ايکييه بؤلوندويو اوچون  بو تورپاقلاري ايشغال ائدنلرين يوروتدوکلري سياست تورپاغي ايشغال اولونموش خالقين ديلينه، بو ديلي موحافيظه ائدن مطبوعاتا مانع اولوب اونا ضرر وئرمه ميش اولماسين. 

  تاريخي کؤکلري کئچميشلره دايانان قديم آذربايجان تورپاقلاري دا 19 جم عصرين اوللرينده  حاقسيزليغا اوغراياراق ايکييه بؤلوندو. آذربايجان تورپاقلارينا صاحيب اولماق اوچون ايران و چار روسيياسي موحاريبه يه گيرميش و هر  ايشغالچي دؤولت آذربايجان تورپاقلاريني آراز چايي بويونجا ايکييه بؤلموش، 1813-جو ايلده آرالاريندا باغلانان «گولوستان» و 1828-جي  ايلده «تورکمنچاي» موقاويله لري ايله بو تورپاقلارا حاکيم اولموشلار. بو موقاويله لر آذربايجان آدلي وطنين طالعيينه قارا بير گون کيمي يازيلديغي کيمي آذربايجان تورکلري نين ميللي-معنوي ديرلريني ايفاده ائدن يازي ديلينه و بو ديلي تاريخه داشييان مطبوعاتينا دا يئترينجه ضربه وورموش اولدو . 

  تقديم اولونموش مقاله ده ايستر گونئی آذربايجاندا، ايسترسه ده قوزئی آذربايجاندا 200 ايلليک بير زامان کسيگينده آذربايجان تورکجه سي نين و مطبوعات تاريخي نين طالعيي حاقيندا معلومات وئريله جکدير. 

Description: download  ايراندا گونئي آذربايجان تورپاقلاريندا ياشايان آذربايجان تورکلري 1813-1828-جي ايلده ايشغالدان سونرا سياسي حاکيميتيني ايتيرديکلري اوچون اونلارين آنا ديلينده تحصيلي، ميللي مطبوعاتي و بير چوخ آزادليقلاري قاداغان اولسا دا، خالق دوغما  آنا ديليني، ميللي کيمليگيني قوروموش، شاه رژيمي نين جيدي آخسامالارا معروض قويدوغو قاداغالارينا باخماياراق ضياليلار، اونيوئرسيتئت طلبلري آنا ديلينه آرا-سيرا بير-ايکي قزئت و درگي  يايينلاماغا مووفق اولوردو. آکادئميک، خالق يازيچيسي ميرزه ابراهيمووون يازديغي کيمي «گونئي آذربايجاندا آذربايجان ديليني، آذربايجان ادبياتيني سؤنمه يه قويمايان ان قودرتلي قايناقلاردان بيري خالق ادبياتي اولموشدور» (باخ: ميرزه ايبراهيموو. «جنوب سووقاتي». «آذربايجان» ژورنالي، 1981، 5، ص. 10). 

  ايران آذربايجان تورپاقلاريندا داشباسما اوسولو ايله مطبه بوتؤو آذربايجانين بؤيوک مدنيت مرکزي اولان تبريزده شاهزاده عباس ميرزه نين تشببوسو ايله 1817-جي ايلده تاسيس ائديلميشدير. بونون دا غريبه  بير تاريخچه سي واردير. شاهزاده عباس ميرزه بير چوخ ساحه لرده موتخصيص يئتيشمه سي اوچون آوروپايا گنجلر گؤندرير. بونلاردان ميرزه صالح شيرازي آوروپادان ايرانا دؤندوکده اؤزو ايله بير باسما ماشيني دا گتيرير و تبريزده ايلک چاپ کيتابي اولاراق ايران-روسييا موحاريبه سيندن (1806-1828) بحث ائدن «سجادیه» آدلي کيتاب 1819-جو ايلده تبريزده فارسجا نشر ائديلير.  آذربايجانين تبريز شهرينده فارسجا اولان مطبه ايشي نين اساسي بو کيتابلا قويولسا دا، آذربايجاندا آذربايجان تورکجه سي ايله کيتاب نشري آذربايجان عاليمي ميرزه زين العابدين تبريزي طرفيندن گئرچکلشميشدي و داشباسما اوسولو ايله آذربايجان تورکجه سي ايله يايينلانان کيتاب م.فوضولي نين «ليلي و مجنون» اثري اولموشدور. ايراندا 1819-جو ايله تصادوف ائدن مطبوعات آذربايجان شهري اولان قديم تبريزده 1819-جو ايلده يارانير. بونا باخماياراق ايراندا حؤکم سورن شاهليق رژيمي ايللرينده آذربايجان تورکجه سينه قويولان جيدي ياساقلار آذربايجان مطبوعاتيني جيدي آخسامالارا معروض قويوردو. 

Description: images (5)  20 -جی  يوزايلين اورتالاريندا گونئی ده ياشايان آذربايجان توکلري ايکي دفعه  باغمسیزلیق اوغروندا موجاديله ائتميشلر. 1905-1911-جي ايللرده مشروطه اينقيلابي آدلانان ايللرده «آذربايجان»، «آنا ديلي»، «زنبور»، «مزه لي» کيمي قزئت و درگيلر آذربايجان تورکجه سي ايله يايينلاندي. تأسوف کي، اينقيلاب ايرتيجا قوووه لري طرفيندن باسديريلدي و آناديللي مطبوعاتين يايينلانماسيني انگللندی

  12 دئکابر 1945-جي ايلده گونئی ده 21 آذر حرکاتي ايله آذربايجان دموکراتيک دولتي يارانماسي ايله آناديللي مطبوعات اوچون مونبيت شرايط ياراندي. بو دؤورده «آذربايجان» و بنزري آدلارلا آناديللي مطبوعات گوجلندي. ايرتيجا يئنه ده آذربايجان دموکراتيک دؤولتيني سوقوط ائتديردي.

 شووينيست شاهليق رژيمي تکرار حاکيميته گلدي. شاهليق رژيمي ايللرينده آذربايجان تورکلري نين ديل و مدنيينين يوخ ائديلمه سي اوچون هر جور زوراکيليقلار گؤستريلدي. بو زوراکيليق علمي و يا ادبي اثرين آذربايجان ديلينده يازيلماسيني، يايينلانماسيني، مکتبلرله آنا ديلي (آذربايجان تورکجه سي) درسلري نين ياساق ائديلمه سي ايله بيتميردي. «فارس ديلي» مکتبلرده «آنا ديلي» شکلينده اؤيره ديليردي. بو اوسولو تکذيب ائده رک مکتبده «فارس ديلي» يئرينه «ا

آنا ديلي» (آذربايجان ديلي) ايفاده سيني شاگيردلرينه اؤيره دن موعليمه مرضيه اوسکويونون طالعيي بيزلره ده ياخشي بللي ايدي. مرضيه يه  ائديلن قصد شاهچیلارین آذربايجان تورکجه سينه ائتديگي قصد ايدي. بو جور غدارليقلا رژيم آذربايجانليلارين دوغما آنا ديليني عاييله لردن، مکتب و مدرسه لردن، دؤولت ايداره لريندن قووماغا

Description: images (4)چاليشيردي. مستبد شاهليق رژيمي بؤيوک بير خالقين (آذربایجان تورکلرينين) ديليني اونوتدورماغين، خالقي اصيل  موقاويمت سيلاحيندان محروم ائتمگين، خالقين ميللي وارليغي نين محو ائتمک يولو اولدوغونو بيليردي. وارليغيني و آنا ديليني موحافيظه ائدن آذربايجان تورکلري بئله آغير تهلوکه لردن آنا ديليني عاييله لرده، اؤزلري نين ياشاديقلاري اؤز تورپاقلاريندا موحافيظه ائتمگي باجارديلار. 

  1979-جو ايلده شاهليق رژيمي نين چؤکوشوندن سونرا يارانان ايران ايسلام جمهوریتی ايراندا آذربايجان تورکجه سينده بير نئچه قزئت و ژورنالين نشر ائديلمه سينه ايجازه وئردي. آذربايجان ديلينده يايينلانان ايلک قزئت «اولدوز» آدلاندي. «اولدوز» و باشقا قزئتلر آذربايجان ديلينده يايينلانان ايلک قارانقوشلار ايدي. سونرالار «دده قورقود»، «کوراوغلو»، «چنليبئل»، «آراز»، «اودلار يوردو»، «آذربایجان»، «يادداش»، «وارليق» کيمي قزئت و درگيلر ايشيق اوزو گؤردو. بوندان روحلانان  «دده قورقود» يازيردي: «بيليرسينيز کي، ايللر بويو بيزيم ديل و مدنيت اوجاقلاريميز قانلي جللادلار الينده قانا بولاشيرکن، چتين وضعيتده اولموشدور. پهلوي رژيمي فارس ديليني زورلا بيزيم بوغازيميزا سوخارکن تورک ديليني دانيردي». 

Description: images (9)  چوخ تأسوف کي،  يئني رئژيمين ايزين وئرديگي بو قارانقوش  تيمثاللي درگي قزئتلرين ده چوخو قيسا عؤمورلو اولدو. البته، بئله قيسا عؤمورلو مطبوعاتين فعاليتي و مکتبلرده تدريس ائديلمه ين «آنا ديلي» درسلري نين يوخلوغو يئترلي ساييلماز. 

  ايران ايسلام جمهوریتینده آذربايجان و فارس ديللرينده يايينلانان درگيلرين ايچريسينده اوزون عؤمورلولردن بيري مرحوم پروفسور جاواد هئيتين رئداکتورو اولدوغو و اوچ آيدا بير دفعه  ايشيق اوزو گؤرن «وارليق» درگيسي اولموشدور. 1979-جو ايلدن فارس و آذربايجان ديلينده نشر اولونان «وارليق» درگيسي جاواب هئيتين وفاتيندان سونرا آراسيرا يايينلاندي و گونوموزده يايينلانمير. 

  2003-جو ايلدن تبريزده آذربايجان تورکجه سي ايله آراسيرا يايينلانان «آذري» درگيسي»، سون ايللرده نشر ائديلن «يئني يول»، «ديلمانج» قزئتلري، اردبيلده يايينلانان «آراز»، اورمييادا يايينلانان «آغري»، «يئني يول» قزئتلري ده فاصيله لرله يايينلانسا دا، مکتبلرده، اونيوئرسيتئتلرده «آذربایجان تورکجه سي» تدريس ائديلمه ديگي اوچون بونلار 30-40 ميليونلوق آذربايجان تورکونون گئنيش اوخوجو کوتله سي اوچون مال اولا بلمير.    2003-جو ايلدن آذربايجان تورکجه سي و فارسجا نشر ائديلن آيليق «خدافرين» درگيسي نين مطبوعاتدا آيريجا يئري گؤرونور. درگي نين باش رئداکتورو دکتر.حسين شرقي دره جک سوي تورکدور. گونوموزده درگيني سايتدا اوخويانلارين سايي 100

 

 ميندن چوخدور و گوندن-گونه داها چوخ اوخوجونون اولدوغو گؤرونور. «خدافرين» درگيسي آذربايجان تورکجه سي ايله خيلي کيتاب نشر ائتميش، ايستر بوتای و ايسترسه ده اوتای آذربايجاندا ياشاميش ادبي شخصلر و تاريخ کيتابلاري حاقيندا دا ماراقلي معلوماتلار وئرن درگيدير.  

  درگينين يئنيليکلريندن بيري ده 2019-جو ايلدن باشلاياراق «ادبي شخصلر» اؤزل سرييا کيتابلاري نين آذربايجان تورکجه سي ايله يايينلانماسيدير. گونوموزده گونئیآذربايجاندا آذربايجان تورکجه سي بو شکيلده دير. آرزو اولونور کي، آذربايجاندا آذربايجان تورکجه سي ايله يايينلانان  کيتاب نشرياتلاري فعاليت گؤسترسين. مکتبلرده آذربايجان تورکجه سي نين تدريسي ايله برابر، عالي مکتبلرده ده بوتون

Description: download (3)فاکولته لرده آذربايجان تورکجه سي نين تدريسي اوچون شرايط يارانسين. اونيوئرسيتئتلرده ان آزي آذربايجان ديلي و ادبياتي فاکولته سي فعاليت گؤسترسين. 

  1813 و 1828-جي ايللرده باغلانان بدنام «گولوستان» و «تورکمنچاي» موقاويله لري ايله ايشغالچي چارليق روسياسينا ايلحاق ائديلن قوزئي آذربايجان تخمينن ايکي يوز ايله ياخين (1813-1991) آذربايجان مطبوعاتيندا آذربايجان تورکجه سي نين وضعيتيني آشاغيداکي شکيلده شرح ائتمک مومکوندور. 

  چارليق روسيياسي قوزئي آذربايجاني و قافقازي ايشغال ائتديکدن سونرا روسديللي مطبوعاتين چوخالماسينا چاليشميش و اوزون ايللر آذربايجان تورکجه سينده مطبوعاتا ايزين وئرمه ميشدي. 

Description: images (7)  بير چوخ آذربايجان ضياليسي (ميرزه فتحعلي آخوندوو، ميرزه شفعي واعظ و ب.) قوزئی آذربايجاندا آذربايجان ديلينده مطبعه قورماق ايستسه لر ده چارليق روسيياسي اونلارا ماددي  و معنوي دستک وئرميه رک مطبوعاتا ايزين وئرمه ميشدي. 

  چارليق روسيياسي نين قافقازدا يايينلاديغي ايلک قزئت «تيفليسسييئ وئدوموست» (1828-1833) قزئتيدير. سياست نامينه سئنزور بو قزئتده آراسيرا آذربايجان، آذربايجان تورکلري، اونلارين شيفاهي و يازيلي  ادبياتلار حاقيندا يازيلار  وئريردي. لاکين قزئت 1829-جو ايلده گورجو، 1830-جو ايله ايسه فارسجا يايينلانير. آذربايجان ديلينده يالنيز بير ورقين يايينلانماسينا ايجازه وئرير کي، بو ورقين آدي «تاتار خبرلري» ايدي. ورقين رئداکتورو روس اصيللي س.سانکووسکي ايدي.  «تاتار خبرلري»نين آذربايجان ديلينده کي  ايلک نؤمره سي 1832-جي ايلده چيخماسينا باخماياراق قزئت بير ايل سونرا 1833-جو ايلده باغلانير و بوندان سونرا بير نئچه ايل آذربايجان ديلينده قزئتين يايينلانماسينا ايجازه وئريلمه دي.  

  «تاتار خبرلري» قزئتي نين حال-حاضيردا بير صحيفه سي بئله اولماماسينا باخماياراق، بئله بير قزئتين واختيله نشر ائديلديگي هاقدا بير چوخ آرخيو سندلري وار. بو سندلردن گؤرونور کي، «تاتار خبرلري» تک قافقازدا دئييل، تورکيه و ايراندا دا اوخونورموش (باخ: نريمان زئينالوو. «آذربایجان مطبوعات تاريخي» 1 ج.، باکي، adu، 1974، ص. 9). 

  1845-جي ايلده روسجا يايينلانان «زاقافقازسکيي وئستنيک» قزئتينه علاوه  اولاراق «قافقازين بو طرفي نين خبرلري» آدلي آذربايجان تورکجه سي ايله يايينلانان بير قزئت نشر اولونور. هفته ده بير دفعه  چيخان و روس حکومتي نين امر و قرارلاريني يايينلايان بو قزئتين 1845-جي ايلين يانوار آييندا چيخان بير نؤمره سي مؤوجوددور کي، بو نؤمره بو گون روسيانين سانکت-پئتئربورق کيتابخاناسيندادير. بو قزئتين ده بير ايل يايينلانديغي قايناقلاردا يازيلماقدادير.

Description: download (5) 

  روسييا آذربايجان تورکجه سي ايله قزئت نشرينه ايجازه وئرمگينه چوخ ناراحات ايدي. چونکي خالقين عليه نه اولان ايشلري نين، خالقين ديلينده قزئت صحيفه لرينده چيخماسيندان احتياط ائديردي. «قافقازين بو طرفي نين Description: images (10)خبرلري» قزئتي نين بير ايلليک نشريندن سونرا روس حکومتي تخمينن 30 ايل آذربايجان تورکجه سي ايله قزئت و درگي يايينلانماسينا ايجازه وئرمه دي. لاکين 1875-جي ايلده بؤيوک ضيالي حسن بي زردابي  (1842-1907) آذربايجان تورکجه سي ايله يايينلاديغي «اکينچي» آدلي بير قزئتين نشرينه ايجازه آلا بيلدي.  

  حسن بي زردابي سونرالار يازيردي: «بيزيم قوبئرناتور گئنئرال ستاروسئلسکي، دوغرودور، روس اصيللي ايدي، آما اونون آروادي گورجو قيزي ايدي. اونا گؤره قافقازين يئرلي اهاليسيني اؤزونه دوست بيليردي. من اونا درديمي دئيندن سونرا تؤوصييه ائتدي کي، قزئتين ايسميني «اکينچي» قويوم کي، گويا اکين و زراعاتدن دانيشاجاق بير قزئتدير. اؤزو ده سؤز وئردي کي، سئنزورلوغو قبول ائتسين. بئلجه ده، عريضه يازيب ايزين آلديم» (باخ: «اکينچي»، «خالق قزئتي»ي نين نشري. باکي، 2008، ص. 10).  

  حسن بي زردابي سونرالار «باکيدا اولينجي تورک قزئتي» ايسيملي  مقاله سينده يازيردي: «1875-جي ايلين اييول آيي نين 22-ده «اکينچي» نين ايلک سايي يايينلاندي. 1876-جي ايلده ايسه قوبئرناتور ستاروسئلسکي باکيداکي وظيفه سيندن آيريلدي. قزئتين باغلانماسينا چاليشان موسلمان دوشمنلري ستاروسئلسکي نين گئتمه سيندن روحلاناراق قزئتين باغلانماسينا نايل اولدولار و نينکي قزئتي يا-يينلايا بيلديم. باکيدا مني دؤولت ايداره لرينده ايشه گؤتورمه ديلر. داها باکيدان کؤچ ائديب کنديميزده زردابا يئرلشديم» (باخ: آدي کئچن اثر، ص. 16). 

  «اکينچي» قزئتي نين آذربايجان تورکجه سينه خيدمتي بؤيوکدور. حسن بي زردابي نين حيات يولداشي حنيفه خانيم خاطيره لرينده يازيردي: «بير دفعه  فرانسيز قزئتي نين باش رئداکتورو باکييا گلميشدي. او، روسيادا، خوصوصيله باکيدا قزئت ايشيني نين قورولماسيني اؤيرنمک ايسته ييردي. او، بوتون روسييادا آذربايجان ديلينده  چيخان يئگانه قزئتله ماراقلانيب هسن بيين يانينا گلميشدي. قزئتين اوچ ايل مودتينده 300 آبونه چيسي نين اولدوغونو بيلينجه حسن به يه دئميشدي: «سيز قهرمانسينيز. فارانسادا بئله فاغير قزئتلر اوچون چاليشان تاپيلماز. گؤرونور، سيز اؤز خالقينيزي چوخ سئويرسينيز» (باخ: ن.زئينالوو. «آذربایجان مطبوعات تاريخي». باکي، 1973، ص.15). 

  آذربايجان ميللي مطبوعاتين يارانماسينا چاليشان بؤيوک ضيالي حسن بي زردابي نين 1875-جي ايلده آذربايجان تورکجه سي ايله نشر ائتديگي «اکينچي» قزئتي 1877-جي ايلده باغلاندي. آذربايجان ديلينده يايينلانان «اکينچي» قزئتي  دونيانين دؤرد طرفيندن اولان خبرلردن يازير، اينسانلارا آنا ديلينده علمي معلوماتلار وئرير، آنا ديليميزين صافلاشماسيندا بؤيوک خيدمت گؤستريردي. اودور کي، زردابي قزئتي آنا ديليني اؤيره دن بير مکتب بيليردي. او، قزئتي اوخويانلارين ساييني  آرتيرماق اوچون چوخ زامان قزئتي پولسوز پايلاييردي. فقط آذربايجاني موستملکه سي حساب ائدن چار روسيياسي قزئتين نشرينه موتمادي تاثير گؤستره رک، اونون نشريني انگلله ييردي. اودور کي، قزئت باغلانماق مجبوريتينده قالير. 

Description: download (2)  قوزئی آذربايجان 1813-جو ايلدن چار روسيياسينا ايلهاق اولسا دا، 19 جو عصرين اوللرينده ضياليلارين تشببوسو ايله شوشا (1835)، گنجه (1875)، شاماخي (1887)، باکي (1892) کيمي شهرلرده مطبعه لر يارانيردي. 1900-جو ايلده باکيدا 16 مطبعه نين اولدوغو منبعلرده يازيلماقدادي. فقط چار روسيياسي آذربايجاندا مطبوعاتين فعاليت گؤسترمه سينه مانع اولور، مطبوعاتين روس ديلينده فعاليت گؤسترمه سينه چاليشيردي. 

  چار روسيياسي ايشغال ائتديگي تورپاقلاردا آزليقلا قالان بوتون خالقلار کيمي ايشغال ائديب موستملکه يه چئويرديگي قوزئي آذربايجاندا دا علمين، مدنيتين  اينکيشافينا انگللر تؤره دير، ميلتين ساوادلانماسينا فورصت وئرميردي. فقط تاريخي گئرچکليک اولان روس-ژاپون موحاريبه سينده (1904-1907) ضعيف دوشن روسيادا داخيلي ناراضيليقلارين اولماسيندان قورخويا دوشن روسيا بير چوخ گوزشتلر (مانيفئستلر) وئرمه يه مجبور اولور. بو گوزشتلردن بيري ده حکومتين سؤز، مطبوعات آزادليغي ايله باغلي 1905-جي ايل، 17 اوکتيابر مانيفئستي ايدي. بو مانيفئستدن روحلانان آچيق فيکيرلي آذربايجان ضياليلاري فورصتدن ايستيفاده ائده رک مطبوعات آزادليغي ايله باغلي طلبلر ايره لي سوردولر. بو ضياليلاردان بيري ده جليل مممدقولوزاده (1866-1932) ايدي. بير عصره ياخين موستملکه اولان آذربايجاندا ضياليلارين سؤز سؤيله مک ايمکاني يارانميشدي.  جليل مممدقولوزاده چارين سؤز آزادليغي  ايله باغلي وئرديگي مانيفئستدن اورکلنه رک «نووروز» آدلي بير قزئت چيخارماغا ايزين ايسته دي. سونرا فيکريني دييشه رک «ملا نصرالدین» (1906-1931) آدلي بير درگي نين نشرينه حکومتدن ايجازه آلدي. درگي نين ايلک سايي 7 آپرئل 1906-جي ايلده يايينلاندي. خاليص آذربايجان تورکجه سي ايله يايينلانان بو درگي او قدر مشهورلاشدي کي، جليل مممدقولوزاده نين آدي ملا نصرالدینله برابر  چکيلدي و اؤزو ده آدي  «ملا نصرالدین» دئيه  يادداشلاردا ياشادي.  

Description: images (6)  ايلک ساييني «سيزي دئييب گلميشم، ائي منيم موسلمان قارداشلاريم» خيطابي ايله باشلايان درگي تئزليکله شؤهرت قازاندي و يالنيز آذربايجاندا دئييل، ياخين شرقده ياييلدي. چونکي «ملا نصرالدین» ائله ايلک نؤمره سيندن اوخوجولاري ايله «تورکون آچيق و شيرين آنا ديلي» ايله دانيشيردي. 

  «ملا نصرالدین» «ديل مسله سي» آدلي مقاله ده يازيردي: «بيز ملا نصرالدین» مجموعه سيني آچيق آنا ديلينده يازماغا باشلاديق. بو ديله او سببدن «آنا ديلي» آدي قويوروق کي، بو ديلده يازي يازاندا و اورتاليغا «آنا» صؤحبتي گلنده بيز «آنا»ني «آنا» کيمي يازاق. آما باشقا يازيچيلاريميز يازيلاريندا «آنا» لافي گلنده «آنا» سؤزو عوضينه «مادر» يازيرلار. همچينين «آتا» سؤزو عوضينده «پدر» يازيرلار. «آنا»ني «مادر» يازانلار داها چوخ تورک سؤزلريني سببسيز يئره فارس و عرب سؤزلري ايله دييشديريرلر». 

  درگيده يايينلانان «ديل» آدلي بير فعليئتوندا وئريلن بير شکيلده تصوير اولونموشدو کي، بير آذربايجان تورکونون آغزينا زورلا عرب، فارس، روس ديللريني سوخورلار. آذربايجان تورکو دئيير کي، آ کيشيلر، من کي، ديلسيز دئييلم. ديللري نييه آغزيما سوخورسونوز؟». 

     «ملا نصرالدين» جانلي و ساده آنا ديلينده يازيردي. آذربايجان ديلي نين تميزليگيني جسارتله تبليغ ائدير، آذربايجان ديليني ياد تاثيرلردن موحافيظه ائدير، ميللي ادبياتين اينکيشافيني تبليغ ائديردي. درگي نين اساس مقصدي ائله خالقين ديلي، خالقين وارليغي، خالقين آنا ديلي نين طالعيي ايدي. 1906-جي ايلدن 1931-جي ايله قدر يايينلانان «ملا نصرالدین» درگيسي آذربايجان تورکلري نين ديل و مدنيتي آدينا بؤيوک خيدمتلر گؤستردي. 

Description: download (4)  1905-جي ايلده چار روسيياسي نين وئرديگي 19 اوکتيابر مانيفئستيندن يارارلانان آذربايجان ضياليلاري داها بير چوخ قزئت و درگيلر ده نشر ائتمه يه مووففق اولدولار. آذربايجاندا 1906-1920-جي ايللر عرضينده آنا ديلينده «بهلول» (1906)، «زنبور» (1909-1910)، «ميرات» (1910)، «آري» (1910-1911)، «کليات» (1912-1913)، «طوطي» (1914-1917)، «لک لک» (1914)، «مزه لي» (1914-1915)، «بابای امير» (1915-1916)، «تارتان-پارتان» (1918)، «مشعل» (1919) کيمي آزعؤمورلو ساتيريک درگيلر ده، عئيني زاماندا «فويوضات»، «شلاله»، «ايشيق»، «مکتب»، «دبيستان»، «رهبر» کيمي درگيلر ده ميللي دوشونجه ايفاده ائدن درگيلر ايدي. «مکتب» درگيسي نين رئداکتورو آذربايجان تورکلري نين ايلک ضيالي قادينلاريندان شفيقه افندييئوا ايدي. 

  1918-1920-جي ايللرده آذربايجان دئموکراتيک دؤولتي نين قورولدوغو،   1920-جي ايل 28 آپرئلده آذربايجانين بولشئويک قيزيل اوردوسو طرفيندن ايشغال ائديلديگي ايللر و 1991-جي ايلده آذربايجانين سووئت ايتتيفاقيندان آيريليب موستقيل دؤولت حالينا گلديکدن سونراکي دؤورلرده آذربايجان مطبوعاتي آيريجا اله آلينيب اينجلنن بير مؤوضو اولسا دا، بونو دا دئيه بيلريک کي، 1918-1920-جي ايللرده آذربايجان دئموکراتيک دؤولتي شيمالي آذربايجانين مطبوعات تاريخينده اينکيشاف مرحله سي اولموشدور. البتته، آدي چکيلن دؤنمده آذربايجان دئموکراتيک رئسپوبليکاسي نين ميللي مطبوعاتي نين اساس نومونه سي هر گون نشر اولونان «آذربایجان» قزئتي ايدي. بو قزئت آذربايجان دئموکراتيک رئسپوبليکاسي نين سالنامه سي ايدي و قزئتين اساس رئداکتورلاريندان بيري اوزئيير حاجيبيلي ايدي. 

  آذربايجاندا سووئت حاکيميتي نين مؤوجود اولدوغو 1920-جي ايلدن آذربايجان ادبي ديلي نين اوسلوبو ايله برابر علمي، رسمي اوسلوبو  فورمالاشسا دا، آذربايجان ديلي روس ديلي نين داغيديجي تزييقينه ده معروض قاليردي. فقط دؤورون بير چوخ ميللي ضياليلاري روسلاشما ديپلوماتيياسينا قارشي جيدي موباريزه ائديرديلر. بو ضياليلارين ان فداکاري بختييار واهابزاده ايدي. او، آذربايجان تورکجه سي نين محدودلاشديريلماسينا قارشي جسارتلي چيخيشلار ائديردي. اونون «آنا ديلي»، «لاتين ديلي» شعيرلري بونون اؤرنکلريندندير. بير شئيرينده ب.واهابزاده آنا ديلينه، ميللي مدنيته خور باخيب باشقا ديله اوز توتانلارا بئله سيتم ائديردي. 

   

  سيز اي آنا ديلينده دانيشماغي آر بيلن  

Description: download (1) فاسونلو ادبازلار، 

  اوخشامايير کؤنلونو قوشمالار، تئللي سازلار. 

  قوي اونلار منيم اولسون، 

  آنجاق وطن چؤرگي  

سيزلره قنيم اولسون! 

   

آذربايجان دؤولتي نين 1991-جي ايلدن برقرار اولدوغو واختدان کئچن مودتده آذربايجان تورکجه سي تاريخي وظيفه سيني يئرينه يئتيرمکده دير. زنگين اؤزللييه صاحيب اولان آذربايجان تورکجه سي دونيادا ياشايان آذربايجان تورکلري نين يالنيز اونسيت واسيطه سي دئييل، هم ده  آذربايجان خالقي نين، آذربايجان علمي نين و مدنيتي نين ديليدير. 

  تقديم اولونموش مقاله ده گونئي و قوزئي آذربايجاندا 200 ايلليک بير زاماندا آذربايجان تورکجه سي نين وضعيتيني شرح ائتمه يه چاليشديق. نتيجه اولاراق دئيه بيلرم کي، مقاله آشاغيداکي شکيلده شرح ائديلميشدير: 

  1 /آذربایجانين 1813-جو ايلده ايشغال ائديلمه سيندن سونرا ايرانداا گونئي آذربايجان مطبوعاتيندا آذربايجان تورکجه سي نين وضعيتي. 

  2./چار روسيياسينا ايلحاق ائديلميش قوزئي آذربايجان تورکجه سي نين وضعيتي. 

  3./ 1918-1920-جي ايللرده آذربايجان دئموکراتيک رئسپوبليکاسي دؤورونده آذربايجان تورکجه سي نين وضعيتي. 

  4./آذربایجاندا سووئت ايتيفاقي نين مؤوجودلوغو ايللرينده (1920-1991) آذربايجان تورکجه سي. 

  5./گونوموزده آذربايجان تورکجه سي نين اؤنمي. 

  مقاله 16-18 اوکتيابر 2019جو ايلده تورکيه نين سامسون شهرينده کي  اون دوکوز ماييس اونيوئرسيتئتينده «10-جو. اولوسلاراراسي دونيا ديلي تورکجه» سيمپوزيوموندا تورکيه تورکجه سي ايله معروضه ائديلميشدير. 

    

 

پروف. معاريفه حاجي اوا

 

پروف. معاريفه حاجي اوا 

Prof. Maarifə Haciyeva

 سئررا  گؤک کیمدیر ؟ 

SERRA GÖK KİMDİR ?

  1996-جي ايلده تورکيه نين سامسون شهرينده آنادان اولموشدور. ايلک تحصيليني آنکارانين آنادولو ليسئيينده آلميشدير. تورکيه نين بوغازيچي اونيوئرسيتئتي نين باتلي ديللري و ادبياتي بؤلومونو قازانان سئررا گؤک حال-حاضيردا همين فاکولته نين سون کورسوندا  تحصيليني داوام ائتديرير. اينگيليس، فرانسيز، ايسپان و ايسوئچ ديللرينده دانيشير. ايسوئچين اوپپسالا اونيوئرسيتئتينده ب ا ی آي اؤيرنجي اولموشدور. 

  2016-جي ايلدن بو گونه قدر بوغازيچي اونيوئرسيتئتي نين آللئرت لونق حاليل کلاسسيک موزيک کونسئپتلري نين کوورديناتور آسسيستئنتيدير. موسيقييه بؤيوک ماراغي وار، هم ده گؤزل سسي وار. آذربايجان ماهنيلاريني  سئوه-سئوه اوخويور. موختليف خور قروپلاريندا چيخيش ائدير. ديل اؤيرنمک، رسم چکمک کيمي قابيليتي وار. بير چوخ ياريشمالاردا بو ساهه ده موکافاتلار آلميشدير.  

  سئررا گؤک هم ده بديعي  نثره چوخ ماراقليدير. بير چوخ حکايه لريني نثر ساحه سينده کي  ياريشمالارا تقديم ائتميشدير. حکايه لري نين ديلي بوللور کيمي تميز و صافدير. مؤوضولاري ايسه دوستلوق، صداقت، سئوگي، ديل، وطنله باغليدير.

 سئررا گؤکون ايکي حکايه سيني ( " يئمگين دوزو، اينسانين اؤزو دوست " ،   "خوشبختليک  چيچگي ")  " خدافرين "  درگيسيني حؤرمتلي اوخوجولارينا تقديم ائديريک. حکايه لر تورکيه تورکجه سيندن آذربايجان تورکجه سينه آختاريلميشدير.  

 

  يئميين دوزو، اينسانين اؤزو دوست 

   YEMEĞİN TUZU – İNSANİN ÖZÜ- DOST

 

 سئررا گؤک دن ایکی حکایه  

 حياتا نئجه و نييه بو قدر باغلانديق دئيه دوشونورم بزن. اؤزلليکله حوزنلو زامانلاريندا اؤزومه بو سوالي وئريرم. گؤزلريمين اؤنونده کي  اينسانلار و اشيالار دييشير. بلکه اونلار يالنيزجا بير ايشيق پارچالاريدير. بو اوزدن ايشيق سورعتيله  " يوخ " آ دؤنه بيلير بو بيلديکلريميز. نه چوخ دير وئرميشيک اليميزدن کؤچوب گئدن مادده يه دئييرم. ائله دئييلمي؟  

  يئنه اؤزوم بو دوشونجه لريمي اؤزومدن اوزاقلاشديريرام. اصلینده هئچ بئله ده دئييل. مادده يوخ اولور، تکرار بيرلشير و سونرا يئنيدن وار اولور. بو دؤنمه لر داعوام ائدير. بو تکراردا قيسا اولان حياتيميزدا اصيل ايز بوراخان و اونو ديرلي ائدن ايسه بو مادديله، يني اينسان و اشيا ايله قوردوغوم باغدير. ائله دوستلوق دا يئرلشن فيليزلردن بيريدير. سئويله جک بو قدر دوست وارکن حياتا باغلانماماق مومکوندورمو؟  " حياتا نييه بو قدر باغلانديق؟ "  سوالي نين جاوابي دا ائله بو سئوگي و دوستلوقدور. سئوگي نين و دوستلوغون ائله بير جاذيبهسي وار کي، او، اينسانا يايين ايستيسينده يئديگيميز سويوق گيلاسدان داها دادلي گلير. منجه، اينساني چتين زاماندا بو ايکي سؤزجوک درين قويولاردان بئله چکيب چيخارار. حياتي سونسوزا قدر سئوديرن سئوگيدير، دوستلوغون هرارتيدير. چونکي  گؤروننلر يوخ اولا بيلر، آما اونلارين قلبيميزه تاثيري قالير، ياشايير. بونا گؤره ده هر هانسي بير وارليقدا دوستلوغو تاپماق اينسانين اينسانولما مؤعجيزه سيني کشف ائدير. 

  بو يا دا باشقا سببدن اينسانسيز قالان زامان-زامان  " نه يالنيزام! "  دئيه شيکايتله نيريک. آما يالنيزليق داعواسيز بير درد دئييل اصلینده. دوست، سيرداش آرايان اونو موطلق بير يئرده تاپار. بو يالنيز اينسانلا اولماق مجبوريتي دئييل کي. يوخاريدا ايفاده ائديلن دويغو باغي گوجلو بير شکيلده بير کيتابلا، موسيقي، چيچکله بئله قورولا بيلر، يا دا تک بير اينسانين ان سئويملي دوستو  بير کؤپک، بير پيشيک ده اولا بيلر. چونکي جيسيم يالنيز واسيطه دير دوستلوقدا. بلکه بونلار بير اينسان کيمي سنه ساريليب سني اؤلمز، اونلارين سؤزجوکلري نين ايستيسي قولاغيميزا چاتماز، فقط نه چيخار؟ بزن بير کيتابين قارا، کيچيک حرفلري سسلي کلمه لردن ده ياخشي آنلادير بيزي بيزه. آياغيميزا گئيديگيميز آياققابي نين دوزومونده کي  آغيرليق قدر اولور بوتون او بؤيوک  " اينسان "  دردلريميز و تلاشلاريميز. اؤنملي اولان دوستلوغون بوينونا ماددي دير بيچمه دن دير وئرمگي باجارماق، اينسانلا، حيوانلا، يا دا اشيا ايله قورولان باغين سئوينجيني هر زامان تقدير ائتمکدير. بو حديييه يه، سئوينجه بير دفعه  بئله صاحيب اولماق اوچونسه بير دوستون بيزه بخش ائتديگي سئوينجي، يا دا اونون اليني بوراخيب گئتمک چوخ چتيندير، حتّی ايمکانسيزدير. 

  بيلميريک کي، دوستلوق سايه سينده داخيلي چکيشمه لر، هيجانلار يالنيز بيزيم دئييل، دوستلاريميز سايه سينده ده چوخالير. دوستلاريميزي ترک ائتسک بئله نئجه توپلاريق او تاثيري گؤي اوزوندن؟ مومکونمو؟ آخي اصيل وارليغيميز دوست اورکلرينده گيزلي دورور، اورالاردا ياشايير و مين دفعه لرده ياشاديلير. 

  بلي، بئلجه باغلانيريق حياتا. اؤزوموزو تاپيريق، يئرميزي بيليريک. بيزيم اونلاري سئوديگيميز کيمي بيزي سئوديکلريني اونوتدوغوموز دوستلاريميز اولدوغونو دا بيلمه ميش دئييليک. حياتدا بونون آنلاميني بوشو-بوشونا آختارماياق. 

  قلبه يئرلشن گولوشلر اولمادان، بير بدن، موسيقي نين دونيالارجا گوجو اولمادان چيلپاق بير موسيقي آلتي و نوت کاغيذلاري، گؤزده گيزله ديلمه يه چاليشيلان گؤز ياشلاري و ذهينده دولاشان فيکيرلر اولمادان بير کيتاب ندير کي؟ بونلار هر  دؤورده  هر کس اوچون وار اولا بيلر، آما  " ان ياخين دوستوم " ،  " دونيانين ان هيجانلي موسيقيسي " ،  " حياتيمي دييشديرن کيتاب "  اولمازلار. حالبوکي بيز بو سونوجلاري  سئوريک، يانيميزدا اونلارين اولماسيني ايستريک. اونلار دوستدور بيزيم اوچون. کئچيب گئدن، نهايت يالنيز جيسمي اولانلار دئييل.  ماددياتدان آسيلي اولان دوست دا اليميزدن آلينماز. چونکي دوستون يئري نهايت  دونياسيندان چوخ اوزاقدا رؤيا کيمي بولوتلو، افسانوي بير ديياردير. باشيميزي ياستيغا قويدوقدا دوست دا بيزيمله بيرليکده يوخويا گئدر، صاباحلاري يوخو آب-هاواسيني اوزريميزدن الي ايله او اوزاقلاشديرار. ايچيميزده کي  سئوگيسي ايله بيزي ياشاماغين سِحرينه اينانديران و سئوگيسي نين اوميدييله هر گون يئنيدن آياقدا قالماغا اينانديران دوستلوق و دوستلار بو سببله بيزي ترک ائديب هئچ بير يئره گئتمزلر. 

   " بيز خبر وئرمه دن خبريميزي آليرسان او گئدر، بو گئدر، او بيري ده گئدر، دوستلوق، سن باشيميزدا قاليرسان "  دئيير بير شئيرينده ناظيم حيکمت. گئدر، هر شئي، هر کس گئدر، ائله يا بئله. هر اولايين، هر سونون و باشلانغيجين ساعاتي کيمي. فقط دوستلوغون ساعاتي، گونو يوخدور. دوستو هر کس، هر آن کؤنلونون تا ايچينده هيسس ائتمک ايستر.  " بيز خبر ائتمه دن "  ايچيميزي بيلسين. بيز اونو چاغيرمادان او، بيزه گلسين و نه زامان اوزوموزو اونا دؤندرسن، يانيميزدا اولماغيني ايسترديک کي، بيز ده اونو عئيني شکيلده هر زامان قوجاقلاياق. خياللاردا  هئي سونسوزلوغا  اوزانان دوستلوغو. يوخسا، سونسوزلوق سئويلنلرين، سئونلرين خيالي اولمادان بوش قالير چوخ اينسانلار اوچون. دوزسوز بير يئمک کيمي گرک اولدوقدا ايچه آلينير، يني يئييلير. بيزي شيشيرير، شيشيرير " .  

  دوست داديميزدير، دوزوموزدور. بير نؤقته ايله، بير حرفله، بير باخيشلا ايچيميزه آينا توتاندير، اشيالار دونياسينا   مؤهورونو قوياندير دوست. وار ايسک بئله وارليق، يوخساق، دوستلا يوخلوغا بئله قاتلاناريق. 

***   

  خوشبختليک  چيچيي 

MUTLULUK ÇİÇEYİ   

  بير زامانلار مئشه دن ده اوزاق، گؤزلردن ده اوزاق بير قصبه  وارميش. بير داغ ياماجيندا بو قصبه  نين اينسانلاري هر زامان بير-بيرينه حؤرمت و محبتله ياخينلاشار، بيري نين احتيياجي اولارسا، هر کس اونا يارديم ائدر، اينسانلار بير-بيريندن هئچ نيي اسيرگه مزلرميش. بو خئييرخاه اينسانلار او قدر خوشبختلرميش کي، قصبه يه يولو دوشن اينسانلار اونلارا هئيران اولوب يا اونلارلا ياشاماغا باشلار، يا دا گئتديگي يئرلرده قصبه دن صؤحبت آچار، قصبه  نين اينسانلاري حاقيندا اونلارا آغيزدولوسو، اوزون-اوزادي صؤحبتلر ائدرميشلر. 

  گونلرين بيرينده قصبه دن  گلنلردن بيري نين صؤحبتيني بير ياشلي آدام ائشيتميش و اؤنجه بو صؤحبته اينانماميش، آما اورگينده بير ناراحاتليق کئچيرمه يه باشلاميشدي. چونکي ياشلي آدام ياشاديغي ايللر عرضينده بير گون بئله سئوينج ياشاماميشدي. او، قصبه  حاقيندا  صؤحبت ائدن اينسانين سؤزونو آغزيندا قويوب عصبيليکله سوروشموشدور:  " خوشبختليک دئييلن بير شئي يوخدور. سن يالان سؤيله ييرسن! آما اگر کي، بو قدر باللانديرا-باللانديرا او قصبه دن  سؤز آچيرسان، او زامان سؤيله گؤرک اونون يئري هارادادير؟ ياشلي آدام بو سواللا قصبه ني آنلادان آدامين چاشيب قالاجاغيني  تخمين ائدير و بير طرفدن ده اورگينده  بئله بير قصبه  نين مؤوجود اولماسيني آرزو ائديردي. ياشلي  آدامين بو اعتيراضينا بير معنا وئرمه ين قصبه  حاقيندا دانيشان آدام سؤزونه داوام ائده رک قصبه  حاقيندا شيرين-شيرين دانيشماغينا داعوام ائدير. ياشلي آدام سئوينجيني بيلديرمه دن هر ائشيتديگيني بئينينه حک ائتمه يه چاليشير کي، هئچ نيي اونوتمادان قصبه يه چاتماغين يولونو بيلسين.  

  نهايت، قصبه دن دؤنن  آدامين صؤحبتي بيتميش. ياشلي آدام دا اونون يانيندان آيريلاراق بوخچاسيني حاضيرلاماغا باشلاميشدي. قصبه ني تاپارسا اورادا نه ائده جگيني، يا دا چاشيب قالماياجاغيني هله دوشونه بيلمه سه  ده، تک خيالي قصبه ني تاپيب اورايا چاتماق ايدي. آتينا ميندي، يولا دوشدو. بير-ايکي گون سونرا مئشه يه چاتدي. قصبه يه گئتمه سي اوچون بو مئشه ني کئچمه لي ايدي. فقط آغاجلار و بيتکيلر ائله چوخ ايدي کي، آتي ايله اونلارين آراسيندان کئچيب گئتمه سي مومکون دئييلدي. نه زامان گئري دؤنه جگيني بيلمه ديگيندن آتي بير آغاجا باغلاييب يالنيز بوراخا بيلمه دي. اونا گؤره ده آتي سربست بوراخدي.  

  آت اونون اطرافيندا بير-ايکي دفعه  فيرلانيب دؤردناللا آدامدان اوزاقلاشدي. عصبلشن ياشلي آدام سؤيلنه-سؤيلنه يولونا داعوام ائتمه يه باشلادي:  " سونوندا خوشبختلييه چاتاجام. دؤزرم "  دئيه دوشوندو. گئده-گئده گون تامام اولدو و گئجه ني مئشه ده کئچيردي. مئشه  او قدر ساکيت و راحات ايدي کي، ياشلي آدام يوخويا گئتدي او گئجه.  گونشين چيخماسيندان سونرا اوياندي و يولونا داوام ائتدي. يولدا موختليف حيوانلارا و بيتکيلره راست گلدي. بيتکيلر يامياشيل يارپاقلاري ايله مئشه يه خاص بير عطير يايير، حيوانلارسا نشه ايچينده آجاغلارين آراسيندا قاچيشيرديلار. فقط ياشلي آدام بونلارين هئچ بيرينه ديقت ائتمير، عکسينه، قارشيلاشديغي هر جانليني يولوندا بير انگل کيمي گؤرور، بيتکيلري کسيب-بيچير. اطرافينا توپلانان رنگارنگ کپنکلري الي ايله اؤزوندن اوزاقلاشديريردي.  

  بئلجه ده  گونلرله يول گئدير، آما قصبه يه چاتماديغي  اوچون هر گون حيرصله نير، بئله بير يولچولوغا قرار وئرديگي اوچون داها دا عصبلشيردي. اؤزباشينا بوراخديغي آتيني خاطيرلايير و آتين اونو قويوب گئتديگي اوچون آتا دا آجيغي توتوردو. اؤزو  ايله گؤتوردويو يول تداروکو گوندن-گونه آزالسا دا، گؤزل هاوادان و داعواملي يئريمکدن آياقلاري قوووتله نير، راحاتلاشيردي. 

  ايندي ياشلي آدام اؤزونده گنجليگينه ياخين بير چئويکليک هيسس ائتسه ده، بونون فرقينده دئييلدي. يالنيز آزالان يئمگيني و سويونو دوشونوردو. بئله دوشونجه لر ايچينده مئشه ده آغاجلارين سئيرلديگيني گؤرور، اوزاقلاردا ايسه تک-توک نؤقطه لر کيمي گؤرونن ائولري! قصبه يه آز قالميش اولدوغونو دوشونن ياشلي آدامين ايچينده کي  ايشتاه قابارميش و  "خوشبختليگي اله کئچيره جگم "  دئيه سئوينميشدي.  

  نهايت، قصبه يه چاتميشدي. قصبه نين ائولري رنگلنميش، بولاقلاري گورول-گورول آخيردي. ياشلي آدامين ياخينلاشماقدا اولدوغونو گؤرن قصبه نين اوشاقلاري اويونلاريني بوراخيب آدامين يانينا گليب اونون اطرافيندا توپلاشيرديلار. اوشاقلار اونون اوست-باشيني دوزلديب، نشيله اونو ائولرينه دعوت ائديرديلر. ياشلي آدام گؤردويو بو ديقت قارشيسنيدا چاشقينليق کئچيره رک، اوشاقلارين بو قدر سئوينجلرينه بئله قيسقاناراق اونلارا قيشقيرير و اوشاقلاري اطرافيندان اوزاقلاشديرير و يئنه يولونا داعوام ائديردي. بئله بير سرت رفتاري داها اؤنجه گؤرمه ين اوشاقلار ايسه اولجه چوخ اوزولدولر، آما آز سونرا گئري دؤنوب نشه ايله اويونلارينا داوام ائديرلر. 

  قصبه نين مرکزينه گلن ياشلي آدامي قصبه نين اؤنده گئدنلري حؤرمت و ايززتله قارشيلاييرلار. اونو يئديزديريب-ايچيرتديلر، قالاجاق بير يئر وئرديلر. گونلريني بئلجه قصبه ده کئچيرمه يه باشلاميش ياشلي آدام. او، هر گون قوشلارين سسيله اويانير، هر گئجه قصبه نين سئوينج قايناغيني تاپا بيلمه ديگي اوچون اوزوله رک يوخويا گئدردي.  " موطلق، بورادا افسانوي بير يئر اولمالي "  و يا  " جادولانميش شئيدير بو قصبه يه بو قدر سئوينج وئرن "  دئيه دوشونورموش ياشلي آدام. بو افسانوي يئري و يا جادولانميش اشياني تاپماغي دوشونوردو و دوشوندوکجه ده داها چوخ اوزولوردو. قصبه  خالقي ايسه نه ندر اونا خيدمت گؤسترسه ده، يئنه اونون سئوينديگيني گؤره بيلميردي. 

  زامان کئچديکجه ياشلي آدام قصبه  خالقي نين گونون گونورتاسيندا ائتديگي بير داورانيشي فرق ائتمه يه باشلادي. قصبه  خالقي گونورتا واختي داغين اتگينده آچان گؤزل عطيردي بياض بير چيچگي زيارت ائتمه يه گئديردي. اوشاقلار چيچگين اطرافيندا رقص ائدير، بؤيوکلر ماهنيلار اوخويور و گتيرديکلري  يئمکلري يئييرلر. بير گون چيچگي ياخيندان گؤرن ياشلي آدام  " آها "  دئميش. اونلارا سونسوز سئوينج وئرن افسانوي شئي بو اولمامالي. نهايت، اونلارين سئوينج قايناغيني تاپديم. چيچگي بورادان قوپاريب اؤزومله آپاراجاغام. خوشبختليک منيم اولاجاق. بو مقصدله گيزلينجه گونلرله داغين اتگينه گئديب-گلير و اؤزو ايله موختليف کسيجي آلتلري ده گؤتوردو. ساعاتلارلا چيچگي آلماق اوچون چاليشير، فقط چيچگي نه کسه بيلير، نه ده قوپارا بيليردي. جيدي-جهدي نين بير نتيجه وئرمه ديگيني آنلايينجا قصبه  خالقي نين آرخاسينجا گئتمه يه باشلايير. قصبه  خالقي آدامين اونلارلا گئتمک ايسته ديگيني گؤرونجه سئوينميشلر. دوشونموشلر کي، بو ياد آدام، نهايت کي، سئوينميشدي. آما ياشلي آدام هر زامانکيندان داها قاش-قاباقلي ايدي. نشه لي ماهنيلارين بيري نين اورتاسيندا دايانماييب آياغا قالخميش، چيچگين يارپاقلاريني چکيب قوپارتماغا چاليشسا دا، يئنه چيچگي يئريندن ترپه ده بيلمه ديگي اوچون حيرصله اطرافداکيلارا باغيراراق  " نييه منه گلمير بو چيچک. بو گونه قدر سونسوز خوشبختليک چيچگي نين افسانه سي يالنيز سيزه يارادي. من ايسه  حياتيمدا بير گون بئله خوشبخت اولماديم، بير گون بئله. نه اولار، بوندان سونرا دا منده قالسين، بير آز دا من موتلو اولوم ". سونرا دا ديزلري اوسته چؤکوب چاره سيز آغلاماغا باشلادي. اونون بو حاليني گؤرن قصبه  خالقي نه ائده جکلريني بيلميه رک چوخ مأيوس اولدولار.

 بو آرادا اوشاقلاردان بيري ياواشجا چيچه يه دوغرو گئده رک اونو اولدوغو يئردن قوپاردي و آغلايان ياشلي آدامين يانينا گله رک اونون اوزونو قاپاديغي اللرينه توخوندو.

 اللريني اوزوندن چکن آدام قارشيسيندا اوشاغي و الينده کي  چيچگي اؤرونجه او قدر چاشدي کي! گونلرله قوپارتماغا چاليشديغي بو گؤزل چيچگي ايندي اوشاق اونا اوزاتميشدي. اوشاغين اونو موتلو ائتمکدن باشقا بير مقصدي اولماديغيني گؤرن ياشلي آدام آغلاماغا سون سئره رک، چيچگي اوشاغين اليندن آلدي و بير نئچه گون ايچريسينده حاضيرلاشيب مملکتينه گئتمک اوچون يولا چيخير. 

  او، يئنيدن اؤزونو مئشه ده تاپير. بو سفر الينده سونسوز خوشبختليگين قايناغي اولان چيچکله. البتته  " سونوندا موتلولوق منيم اولدو "  دئيه اورکدن تکرار-تکرار سؤيله ييردي. آما يولوندا اولمايان بير شئيلر ده وارميش. چيچگي آلديغيندان بري هله ايسته ديگي خوشبختلييه قوووشا بيلمه ميشدي. اوسته ليک چيچک گوندن-گونه سولور، عطريني و گؤزلليگيني ايتيريردي.  " سونسوز بير سئوينجوئرمه گوجونه صاحيب بير چيچک نييه بئله سولدو "  دئيه دوشوندو ياشلي آدام. بو دوشونجه لرله او مئشه نين درينليکلرينه ياخينلاشيردي. قيسا بير زامان ايچينده او قوجامان چيچک آدامين اللرينده بوزوشوب کيچيلميشدي. آرتيق يوخ کيمييدي. ياشلي آدامين گؤزونون اؤنونده حيرصله خاطيرلاديغي آتي، يولدا قارشيلاشديغي اونلارلا هئيوان و بيتکي جانلاندي. فقط ايندي اونلاري فرقلي بير گؤزله گؤرور، بو جانليلارين سئوگي و صداقتيني گؤرمزدن گلديگيني آنلاييردي. بوندان سونرا دا قصبه  خالقيني دوشوندو. 

  اوشاغين چيچگي اونا اوزاتديغي آني ذهنيندن آتا بيلميردي. قارشيليق گؤزله مه دن ائديلن فداکارليق  " منه اؤز خوشبختليک قايناقلاريني وئرديلر "  دئدي ياشلي آدام. ائتديگي خطانين فرقينه واردي. چوخ دوشونمه دن يؤنونو تکرار قصبه يه چئويردي. اورايا چاتاندا قصبه  خالقي نين يئنه داغين اتگينده رقص ائديب، ماهنيلار اوخودوغونو گؤردو.

اونلارا ياخينلاشديقدا ايسه چيچگين اولدوغو کيمي، حتّی پارلاق بير شکيلده يئرينده دوردوغونو گؤردو. قصبه  ساکينلري اونون گئري گليشيني سئوينجله قارشيلاديلار. اوشاقلار دا شاشقينليقلارينا گوله رک بيلديرديلر:  " بير چيچگين کؤکونو کيمسه قوپارا بيلمز " . قوپاريلديغي يئردن تکرار-تکرار آچار، بيز ده آرا وئرمه دن هر گون اونو زيارت ائدر، بورادا ساعاتلارلا نشه ايله گزريک " . 

  ياشلي آدام بو ياشا قدر اؤيرنمه ديگي درسي او آن اؤيرندي. آنلادي کي، خوشبختليک اله کئچن بير شئي دئييلدير. پايلاشيلان، پايلاشديقجا آرتان بير حالدير.

 او، آياقلارينداکي گوجو هيسس ائده رک اوشاقلارين اليندن توتدو و اونلارلا قاچماغا، رقص ائتمه يه باشلادي. او گوندن قصبه ده ياشاماغا قرار وئردي و بوندان سونرا ايسه حياتي نين بير گونونو بئله سئوينجسيز کئچيرمه دي. قصبه  خالقي ايله برابر سئوينج و خوشبختليک ايچينده ياشاماغا باشلادي.   

ميرزه علی اکبر صابرين «فخریه سی»

. آکادمیک نظامی جعفر اف کیست؟

 

نظامی جعفراف در 21 سپتامبر 1952 میلادی در روستای ظالم خان از توابع شهرستان آخستافا در جمهوری آذربایجان چشم به جهان گشود.ایشان تحصیلات ابتدایی را در زادگاهش به پایان رسانده است. تحصیلات دانشگاهی خودرا در دانشگاه دولتی باکو در رشته ادبیات ترکی آذربایجانی ادامه داده و درسال 1992 دکترا ادبیات گرفته و درسال 1994 میلادی موفق به اخذ درجه پروفسوری میشود.

در سال 2000 میلادی عنوان خادمی علوم را دریافت کرده است.از سال 2017 عضو حقیقی آکادمی علوم  جمهوری آذربایجان میباشد.ایشان از سال 2003 تا سال 2015 رئیس شورای زبانشناسی مرکز اسناد علمی در خصوص ادبیات و زبانشناسی می باشد.از سال 2001 میلادی تا سال 2015 رئیس دانشکده ادبیات دانشگاه دولتی باکو بوده است.

ایشان فعالیتهای مستمر دانشگاهی و مطبوعاتی داشته و دارد.ایشان به زبانهای ترکی استانبولی ؛ روسی و فارسی مسلط میباشد.

نظامی جعفر اف عضو شورای تالیف کتابهای درسی در پایه نظری نیز میباشد.عضو انجمن نویسندگان جمهوری جمهوری آذربایجان میباشد.

ایشان سالهای متمادی رئیس شورای آموزش دوره دکتری ادبیات میباشد.ایشان مدیر مرکز دده قورقود شناسی نیز میباشد.

ایشان در سال 2004 نشان ادبی یوسف مممدعلی اف را دریافت کرده است.ایشان نماینده مجلس ملی جمهوری آذربایجان میباشد. نظامی جعفر اف تالیفات بسیاری در زمینه ادبیات و تاریخ زبان ادبی ترکی آذربایجانی دارد.او بیش از 500 مقاله و کتابهای علمی و درسی را تالیف کرده است .

برخی از آثار ایشان عبارتند از :

1از فضولی تا واقف باکو 1991

2-تاریخ شکل گیری زبان ترکی جمهوری آذربایجان (جمهوری جمهوری آذربایجان)1995

3-بختیار وهاب زاده باکو 1996

4-شعریت در داستان کوراوغلو باکو 1997

5- جهان ترک : بحران و کیهان باکو 1998

6-از اساطیر تا کتاب باکو 1999

7- از ژن تا ساختاری باکو 1999

8-مسایل جمهوری آذربایجانشناسی باکو2000

9-مقدمه بر جمهوری آذربایجانشناسی باکو 2002

10- کلاسیکهای معاصرباکو2004

12- ادبیات دیرین ترکان باکو2004

13-ادبیات ملل ترک 4 جلد باکو2007

14- داستان روزهای سپری شده باکو 2016

15 مقدمه بر ترکولوژی باکو2017

16- مسایل و مشکلات جهان ترک باکو2017

17- ملا پناه واقف باکو 2017

18- صحبتهای ادبی باکو 2018

19- ترکولوژی باکو2018

20- بچرخ کفگیرم بچرخ باکو 2018

ميرزه  علی اکبر  صابرين «فخریه سی»

 

  ميللتين اؤز تاريخيني دريندن بيلمه سي، اونونلا فخر ائتمه سي ميللي اؤزونودرک باخيميندان نه قدر مهم دورسه، همين تاريخه آناليتيک تنقيدي موناسيبت بسلمه سي ده او قدر اهميييتليدير. ميرزه  علی اکبر صابرين ايلک دفعه  «ملا نصرالدين» مجموعه سينين 26 آوقوست 1907جي ايل تاريخلي  32جي نؤمرسينده امضاسيز چاپ اولونموش مشهور «فخریه سی» شعيري آذربايجان خالقينين، عموما تورک خالقلارينين تاريخينه بو جور آناليتيک تنقيدي (و آييق فلسفي!) موناسيبتين، سؤزون اصل مناسيندا، تاريخي نومونه سيدير. «فخریه سی»ده بؤيوک شاعير يالنيز حقیقتي دئمکله کيفايتلنمير، هم ده منسوب اولدوغو خالقين تاريخيني نه قدر دريندن بيلديييني بوتون  پارلاقليغي ايله نوماييش ائتديرير. 

  «فخریه سی» ايدئيا مضمونجا نه قدر اورژينال اولسا دا، فورماستروکتورجا، دئمک اولار کي، اورژينال دئييلدي، بنزتمه ايدي کي، بو مسله يه ايلک دفعه  ديققت يئتيرن پروفئسسور اکرم جعفر «صابرين ياراديجيليغيندا تنزيل، نطيره و بنزتملر» مقاله تدقيقاتيندا يازير: «صابرين بؤيوک بير بنزتمه سيني ده بورادا ايضاح ائتمک لازيمدير. بونون بنزتمه اولماسينا ايندييه قدر نه ترتيبچيلر، نه  باشقالاري ديققت ائتمميشلر. بؤيوک شاعیرين شاه اثرلريندن ساييلا بيلن همين شعر «فخریه سی» باشليغي ايله مشهوردور. بو اثر عبدوالخاليق قافارزاده جننتينين يئنه «فخریه سی» آدلي شعرينه فورمال بنزتمه ديرسه، اصلینده، اونا کسکين بير جاواب، سارسيديجي بير تنقيددير». 

  بوراداکي «کسکين بير جاواب، سارسيديجي بير تنقيد» ايفادلريني ياددا ساخلاياق 

  گؤرکملي ادبیاتشوناس داها سونرا يازير: «جننتينين بو شعري «فیوضات»  ژورناليندا 1907جي ايل آوقوستون 7ده ، صابرين قئيدسيز جاوابي ايسه «ملا نصرالدين» ژورناليندا 1907 جي ايل آوقوستون 26دا نشر ائديلميشدير. جننتينين شعري آلتي بنددن، صابرين کی اون بير بنددن عبارتدير. هر ايکي شعر نقارتلي آلتيليق شکلينده يازيلميش، هر ايکيسينين وزني ده عينيدير» 

  ق.جننتينين «فخریه سی»سيني صابرين «فخریه سی»سي ايله موقاييسه ائدن ا.جعفر بو قرارا  گلير کي، «بو ايکي شعرده ايدئيا مضمونو جهتيندن درين ضدیت  واردير. جننتينين شعري تورانليلاري زامان و مکان خاريجينده باشدان  آياغا تعريف اوزرينده قورولموشدور. صابرين شعري ايسه تورکلرين تاريخيني، خوصوسن سلجوقيلردن بري عصرلر بويو ان مهم دؤورلري و حادثه لري ايله ايزليه رک ايگيرمينجي عصره قدر گليب چيخير.  جننتينين شعري بوتون بندلري ايله، اساسن، عئيني موتيوي ترننوم ائدير: «تورانليلار نجيبديرلر، شرفليديرلر، قهرمانديرلار، بيز ده اونلارا خئيرالخلفيک». صابرين شعري ايسه بوتون تورک خالقلارينين تاريخينه و اونلارين مين ايلدن بري گليب کئچميش مشهور حؤکمدارلارينا قارشي شيددتلي بير  اتحام نامه دير». 

  صابرين «فخریه سی»سيني جننتينين عئيني آدلي شعرينه بنزتمه اولدوغونو ايلک دفعه  موعینلشديرن بؤيوک  ادبیاتشوناس موقاييسسه ينده  داوام ائدير: «جننتي  عومومي سؤزلرله معناسیز ايفتيخارا قاپيلاراق  دئيير کي، جورأتلي اولماغا بيز تورکلر  بئشيکدن عادت ائتميشيک، مکتبده شوجاعت درسي اوخوموشوق، موحاريبه لرده  قابيليييت بيزه غيرتيميزين هديييه سي کيمي وئريلميشدير صابر ايسه کونکرئت تاريخي  حقیقتلره اساسلاناراق گؤسترير کي،  بيز هميشه بيربيريميزه دوشمن اولموشوق، اؤزوموز اؤز آراميزا نيفاق ساليب پارچالانميشيق، ياريميز بير پادشاها، ياريميز باشقا پادشاها تابع اولاراق بيربيريميزي قيرميشيق، ووران دا اؤزوموز، وورولان دا اؤزوموز اولموشوق». 

  مودريک (سووئت ايستينتاقيندان آز اذيت چکمميش!) اکرم جعفر «پرولئتار شاعيري» صابره نؤوبتي دفعه  «حاقق قازانديرير»: «بؤيوک شاعير بو عصرینده تورک قؤوملرينين مين ايلدن بري بيربيرلري ايله موحاريبلريني،  بيربيرلريني قيريب تؤکملريني، بئلليکله دوشمنلريني اؤزلرينه گولدوروب اونلارا مغلوب اولمالاريني آجي ايستئهزالارلا آنلادير». 

  و اوستاد اؤز «ايديولوژيدي پلوماتيک ميسسييا»سيني بئله باشا چاتديرير: «تامامیله آيديندير کي، صابرين بو شعري جننتينين شعرينه، فورما بيرليييله برابر، مضمون و ايدئياجا بوسبوتون ضيد بير اثردير.

 اؤز پوئتيک کئيفيييتي اعتباري ايله صابرين بو جيددي تاريخي شعرينه نه تنزيل، نه نظيره دئيه بيلريک. بو اثر جننتينين عصرینه يالنيز بنزتمه جاواب آدلانديريلا بيلر. آنجاق بو جاواب يوخاريدا محمد هادينين (اوستاد موعین ائدير کي، صابر اون سککيز شاعيرين شعرلرينه اوتوز دؤرد تنزيل، نظيره و بنزتمه،م.هادينينسه بير شعرينه ايکي نظيره، بير شعرينه ايسه جاواب يازميشدير) «ايستيقباليميز پارلاقدير» آدلي شعرينه صابرين «ايستيقباليميز لاغلاغيدير» باشليقلي شعري ايله  وئرديگي بنزتمه جاوابدان فرقلنير. هادييه وئريلن جاوابدا صابر اونون اينانديغينا اينانماديغيني بيلديرير، «اينانمام، سؤيلمم آرتيق کي، فیض آباد اولور عالم» دئيير. جننتييه وئريلن بنزتمه جاوابدا ايسه صابر تورکلرين تاريخي حاققيندا جننتينين فيکريني، اونون گؤروشونو شيددتلي تنقيد يولو ايله گئدير». 

  و «ايدئولوق  فورماليست» اونو واختيله  تعقيب ائتميش ايدئولوگييادان اؤزونو خلاص ائتمک اوچون (ارتيق نئچنجي دفعه ؟!) ائله همين مقالنين اوولينده تجروبه لي بير ساييقليقلا يازميشدي: «جننتي عبدوالخاليق. بونون حاققيندا هئچ يئرده بيزيم  مووضوع موزلا علاقه دار بير قئيد يوخدور. لاکين صابرين «ملا نصرالدين»ده  نشر ائديلميش مشهور «فخریه سی» جننتينين «فیوضات»دا نشر ائديلميش ««فخریه سی» ايله سيخ صورتده علاقه داردير. شوبهه يوخدور کي، «هوپ هوپنامه»نين ترتيبچيلري و يا ناثيرلري بو ايکي اثره ديققت ائتسيديلر، صابرين بو شعريني ده جننتييه نظيره آدلانديراجاقديلار». 

  «هوپ هوپ نامه»نين،  دئمک اولار کي، بوتون نشرلريني آراشديرميش اکرم جعفرين «صابر ياراديجيليغيندا تنزيل، نظيره و بنزتملر» مقاله سينده  مووافيق تئرمينلره وئرديگي ايضاحات دا ماراقليدير: 

  «بنزتمه، عمومیت له، بير شعرين باشقا بير شعره ظاهيري و داخيلي هر هانسي بير جهتدن و يا بير نئچه جهتدن بنزديلمه سيني بيلديرير. بو، نظيره اولا دا، اولمايا دا بيلر، همچينين تنزيل اولا دا، اولمايا دا بيلر. 

  نظيره سؤزو لوغتده بنظر، اوخشار دئمکدير؛ شعرشوناسليقدا ايسه ايکي و يا بير نئچه شعرين هم فورما، هم مضمونجا بير بيرينه بنزديلمسينه دئييلير. فقت بونلار، فورماجا همجينس اولماقلا برابر، مضمونجا ايدئولوژي دايردن کنارا چيخمير. 

  تنزيل سؤزو لوغتده ظارافاتا سالماق دئمکدير، شعرشوناسليقدا ايسه تنزيل جيددي بير اثري ، ان چوخ  منظوم اثري ساتيريک شکله سالماق، اونون، چوخ زامان عئيني پوئتيک فورما چرچيوسينده، ايدئيا ايستيقامتيني دييشمکدير». 

  فيردووسي، سعدي، حافیظ، فوضولي، سيد عظيم، هادي، ناميق کامال کيمي  شاعيرلره بنزتمه يازميش بؤيوک صابرين بنزتمه يازديغي (اؤزو ده بو قدر شيددتلي آتشه توتدوغو!) شاعير بدوالخاليق قافارزاده جننتي کيم ايدي؟ نه قدر بؤيوک شاعير ايدي کي، صابر اؤزونون «شاه اثري»لريندن بيري (اکرم جعفر)ني محض اونون اثرلريندن بيري (! ن.ج.) نه بنزتميشدي؟ و بو قدر بؤيوک شاعير بيزيم ادبي اجتماعی تفککوروموزده نييه يوخدور؟.. 

  سن دئمه وارييميش!.. 

  عبدالخاليق قافارزاده جننتي آذربايجان تورک ادبیاتينين 19- عصرین سونو20 عصرین اووللرينده يئتيرميش بؤيوک شاعيرلريندن بيري ايميش کي، اونو  تانيماماغيميز، ياددا ساخلاماماغيميز اونون يوخ، بيزيم گوناهيميزميش!.. و تانيييب، او جوملدن ياخشي تانيييب اونودانلارين دا دئييل، زامانين گوناهي ايميش!.. 

  «سوسياليزم رئاليزمي بيزه نه وئردي؟» دئيه بوتون آذربايجان ادبي اجتماعی مويتينه موراجيعت ائتميش خالق يازيچيسي، موتفککير ائلچينين سوالينا نورمال بير جاواب وئرمک هميشه اونا گؤره چتين اولاجاقدير کي، اگر ادبيات اجتيماعي فيکير موعین بير دؤورده هر هانسي ايدئولوژيسیاسی و يا باشقا  بير تاثیر آلتيندا نلريسه يادداشدان چيخاريرسا،  سونرا اونلاري ان موتشککيل شکيلده برپا ائتمک مومکون اولسا بئله، تاريخي ناتامامليق و يا بوشلوق سونراکي مرحله لرده بئله اؤزونو حیس ائتديرير. 

  بونونلا بئله درسليکلرده، مونوقرافييالاردا عکس اولونان، يوبيلئيي کئچيريلن (هئيکللري قويولان!) بؤيوک صنعتکارلارلا ياناشي تقدير اولونماغا لاييق نه قدر بؤيوک صنعتکارلاريميز وار کي، اونلارين آديني ادبیاتيميزين تاريخينه يازماق لازيمدير. 

  اونلاردان بيري  عبدوالقادير قافارزاده جننتيدير. او جننتي کي، بو گون آدي بؤيوک صابرين آدي ايله ياناشي چکيلير. او جننتي کي، اونون «فخریه سی»ينين هر ميصراسيندا مؤهتشم تاريخيميز رومانتيک بير ووسعتله ترننوم اولونور. و  او جننتي کي، بؤيوک  صابر، دئمک اولار کي، بوتون پوئتئخنولوژي قورولوشونو ساخلاماقلا اونون شعرينه بنزتمه يازماغا احتیاج دويموش، نتيجه اعتباريله، «شاه اثرلريندن بيري»ني ياراتميشدير. 

  عبدوالخاليق عبدوالقافار اوغلو قافارزاده  جننتي (1855 1931) باکيدا دوغولموش،  مدرسه تحصیلي آلميش آذربايجان تورکجه سينده، فارسجا کلاسسيک اسلوبدا شعرلر يازميشدير. جننتي تخللوسو ايله ياناشي عطار، واقيف، نجارزاده و داشکسن اوغلو تخللوصلري ايله ده تانينان شاعير باکيداکي «مجمع الشعرا»نين ياراديجيلاريندان و فعال عوضولريندن بيري اولموشدور. ليريک شعرلريندن باشقا، «حريت»، «وطن ترانه سي»، «تورپاق» و س. کيمي اجتماعی مووضوع لو شعرلري، پوئمالاري واردير. 

  «فخریه سی» م.ع.صابرين شاه اثرلريندن بيري اولدوغو کيمي ق.جننتينين ده شاه اثرلريندن بيري، دئمک اولار کي، بيرينجيسيدير. و پروفئسسور اکرم جعفرين معلوم ايدئولوژي تضييق آلتيندا ايدديا ائتدييينين عکسينه اولاراق هم فورما، هم ده مضمونجا کيفايت قدر موکممل اثردير: 

  هرچند دوچاري ميهني اهلي جفاييز، 

  هرچند بو اَيامده پابندي بلاييز، 

  اي خار گؤرن بيزلري، بيزلر نوجباييز، 

  مئيداني حميييتده علمداري وفاييز..

 

  تورانليلاريز، صاحيبي شاني شرفيز بيز! 

  اسلافيميزين نايبي خيرالخلفيز بيز! 

   

  ان گئري قالميش خالقلارين بديعي ياراديجيليغيندا (خوصوصیله ائپوسلاريندا!) بئله   ميللي تاريخ، اونون قهرمانلاري (ليدئرلري!او هميشه خوصوصي بير محببتله ترننوم اولونموشدور. 19- عصرین سونو20 عصرین اووللرينده تورکلرده ميللي  ايدئاللارين (و حرکاتلارين) گوجلنديگي بير دؤورده اونلارلا، حتی يوزلرله بو جور شعرلرين يارانماسي طبیعی اولدوغو قدر ده تقديرلاييق ايدي. بوتون ضدیت لرينه، پروبلئملرينه باخماياراق (بونلار هانسي خالقين تاريخينده اولماميشدير کي؟) قديم دؤورلردن اعتبارن دونيانين يادداشيندا قالميش مؤهتشم بير تاريخ صاحيبي اولان تورکلرين اؤز  کئچميشلري ايله فخر ائتمه يه، دوغرودان دا، حاقلاري  واردي. 

  آنجاق جننتي يالنيز اؤز خالقينين تاريخي ايله فخر ائتمکله کيفايتلنمير، تاريخين احتيشاميني يادا سالماقلا دوچار اولدوغوموز بلالارا، دوشدويوموز وضعیته گؤره بيزي قينايانلاردا، يوخاريدان آشاغي باخانلاردا اوبيئکتيو تصور ياراتماغا چاليشير:  اينديکي دؤورده مؤهنتلره، جفالارا دوچار اولساق دا، بلالارا دوشسک ده، اي بيزلري ذليل سايانلار، اصلینده، بيز آريستوکراتيق، غيرت ناموس مئيدانيندا  وفا اعتبار  بعراق دارييق تورانليلاريق، شان شؤهرت صاحيبيييک، آتا بابالاريميزين داوامچيلاريييق، اونلارين يئتيرمه لريييک. 

  و اصلینده، جننتي خالقين معاصر وضعيييتينه کيفايت قدر تنقيدي ياناشير؛ اسلوبي اعتباريله رومانتيک اولدوغوندان مسله نين اوزريندن اوسوللوجا کئچسه ده،  تعصب کشلیک ائتسه ده، داخيلي ناراحاتليغيني، هيجانيني گيزلتمير اودور کي، اکرم جعفرين بو شعر (و شاعير!) باره ده  موعین قدر آقرئسسيو دانيشماسي، البتته، اؤزونو دوغرولدا بيلمز. 

  هم جننتينين، هم ده صابرين «فخریه سی»سي مئيدانا چيخاندا آذربايجاندا و عموما تورک دونياسيندا تورکچولوک ايدئولوگيياسي گئنيش ميقياسدا ياييلماقدا، خوصوصیله دؤورون ضیالیلارينين تفککورونده ميللتي گئريليکدن خلاص ائدجک مؤهتشم بير پروقرامين ايديئا اساسيني تشکيل ائتمکده ايدي. 

  ظاهیرن ائله گؤرونه بيلردي کي، جننتيدن فرقلي اولاراق صابر بؤيوک شاعير متفککير همين ايدئولوگييايا قارشي چيخير، ياخود لاغ ائدير 

  آنجاق، طبیعی کي، بئله دئييلدي. 

  بؤيوک صابرين «بوتون تورک خالقلارينين تاريخينه و اونلارين مين ايلدن بري گليب کئچميش مشهور حؤکمدارلارينا قارشي شيددتلي بير اتحام نامه» يازماسي مومکون دئييلدي. بورادا صحبت تورک دونياسينين اينکيشافينا (و بوتؤولويون) ضربه وورموش ايختيلافلارين تنقيديندن گئده بيلر 

  م.ع.صابر ميللتيني سئون بؤيوک ضیالی ايدي شخصي (و اجتماعی!) حیاتينين بوتون چتينليکلرينه باخماياراق او هر جور محدوديييتلردن چيخيب طالعین اونا بخش ائتديگي ايمکانلار داخيلينده ايستعداديني، عقلي اينتئللئکتوال گوجونو نوماييش ائتديره، موحيطينين هر هانسي  موثبت و يا منفي حادثه سينه سورعت (و جورأت!)له رئاکسييا وئره بيليردي. تصادوفي دئييلدي کي، اؤز «شاه اثرلريندن بيري» (اکرم جعفر)ني «فخریه سی»ني او قدر قيسا بير مودتده يازميشدي کي، حتی بنزتمه اولسا بئله، حيران قالماماق مومکون دئييل. عبدوالخاليق قافارزاده جننتينين شعري «فیوضات»دا چيخاندان يگيرمي گون کئچمميش صابرين شعري «ملا نصرالدين»ده ايدي. تصوره گتيرمک اولماز کي، صابر بير نئچه گون ارضينده  مليک شاه، چينگيز خان، خوارزم شاه محمد، صليب يوروشلري، قاراقويونلولار، آغقويونلولار، امير تئيمور، ايلديريم بيازيد، توختاميش خان، قيزيل اوردا، روس ايشغالي، شاه اسماعیل، سولطان سليم، نادير شاه و س. تاريخلريني بو قدر دريندن اؤيرنميشدي. و بو قدر موکممل بير تاريخ منظره سي ياراتميشدي اصلينده، حسن بي زردابي، اسماعیل بي قاسپرالي، علي بي حسینزاده (و ق.جننتي!) قدر م.ع.صابر ده بو تاريخي بيليردي؛ حتی او سويييه ده  بيليردي کي، دؤورونون ان بؤيوک آوروپالي تورکولوقلاري بئله اونونلا مباحثه ائده بيلمزديلر، اونا آنجاق معتبر بير منبع کيمي ايستيناد ائده، اوندان اؤيرنه بيلرديلر. 

  صابر ايسه بير تاريخچي تورکولوق اولاراق اوزونه مخصوص اسلوبو «ديپولوماتييا»سي (و «سيياست»ي!) ايله يالنيز منسوب اولدوغو خالقا مخسوس ايدي. او اؤز   اينتيم عشقيندن  ايللر اوزونو يازديغي فضولیيانه ليريکاسيندان، هجولريندن ايمتينا ائدرک، بؤيوک ضیالی معاصرلري، خوصوصیله داهي جليل مممدقولوزاده کيمي، اونو (عشقيني!) اجتماعیلشديرميش، خالقينا باغيشلاميشدي. و منسوب اولدوغو ميللتين رووندان گلن هر سسه جاواب وئرمه يه، اؤزو ده واختيندا (حتی واختيندان اول)جاواب وئرمه يه بوتون انرِژیسي (و اينتئللئکتي!) ايله هميشه حاضیر ايدي. 

  صابر اوزونه مخصوص اسلوبو ايله تاريخدن عيبرت گؤتورمه يه، قديم دؤورلردن بري تورک دؤولتلري، خوصوصیله حؤکمدارلاري آراسينداکي يئرسيز، منحوس، موناقيشلرين نه لره گتيريب چيخارديغيني، تورکلري نه گونه قويدوغونو آنلاماغا چاغيريردي. و بونو هر کسه تاثیر ائدجک قدر هيجانلا (سرت!) دئمکدن چکينميردي: 

  هرچند اسيراني قويودان زمانيز، 

  هرچند دوچاراني بليياتي جهانيز، 

  ظن ائتمه کي، بو عصرده آوارايئ نانيز، 

  اوول نه ايديکسه، يئنه بيز شيمدي همانيز 

  تورانليلاريز، عادي شغلي سلف يز بيز! 

  اؤز قووموموزون باشينا انگل کلف يز بيز! 

  شاعير دئيير کي، هرچند زامانين زنجيرينين اسيرلريييک، دونيانين بلالارينا دوچار اولموشوق، ظن ائلمه کي، بو عصرده چؤرک آواراسيييق، يعني آدام کيمي ياشاماغين يولونو آختاريريق؛ اوول نه ايديکسه، يئنه ده همينکي کيميييک تورانليلاريق، سلفلريميزين گؤرموش اولدوقلاري ايشي عادت اوزره بيز ده گؤرمکدييک، اؤز ميللتيميزين باشينا بلاييق. 

  و علاو  ائدير: 

  ظولمتسئور اينسانلاريز اوچ بئش ياشيميزدان، 

  فيتنه گؤيرير تورپاغيميزدان، داشيميزدان، 

  تاراج ائدرک باج آليريز قارداشيميزدان، 

  چيخماز، چيخا بيلمز ده بو عادت باشيميزدان.. 

  اسلافيميزا چونکي حقيقي خلفيز بيز! 

  اؤز قؤوموموزون باشينا انگل کلفيز بيز! 

   

  بيرينجي بنده نيسبتن داها آيدين ديلده اولان ايکينجي بندده شاعير ميللي منافع نامينه اينسانلارين بيرلشديگي، خالقلارين اينکيشاف ائتديگي، امکداشليغين گوجلنديگي بير  دؤورده 20 عصرین اووللرينده تورک موسلمان دونياسينين هله قارانليقدان چيخماديغيني، خيانتلر، قارداش دوشمنچيليگي، موناقيشلر گيردابيندا بوغولدوغونو، ميللتي  پارچالايان،  اوز- اوزه قويان کؤهنه عادتلرين داوام ائتديييني گؤسترير. 

  و تاريخه موراجيعت ائدير: 

  اول گون کي مليک شاه بزرگ ائيله دي زيحلت، 

  ائتديک ايکي نامرد وزيره طبیعیيت، 

  قيرديق او قدر بير بيريميزدن کي، نهايت، 

  دوشمن قاتيب ال، تاختيميزي ائيله دي قارت 

  اؤز حاققيميزي گؤزلمه يه بي طرفيز بيز! 

  تورانليلاريز، عادي شغلي سلفيز بيز! 

  صحبت او مليک شاهدان گئدير کي، اون سککيز ياشيندا بؤيوک تورک خاقانليغي تاختينا چيخميش، يوکسک معنویيياتي، مودريکليگي و بؤيوک دؤولت ايدارچيليي مهارتي نتيجه سينده  چيندن بيزانسا آنادولويا، قافقازدان هينديستانا قدر اوزانان گئنيش بير جوغرافييادا مؤهتشم  سلجوقلولار ايمپئريياسيني ياراتميشدي. 1092 جي ايلده باغداددا قيرخ ياشيندا ايکن زهرلنرک اؤلدورولن مليک شاهدان سونرا اونون «خلفلر»ي بو تورک موسلمان دؤولتيني داخيلي چکيشملر نتيجه سينده ويران قويدولار. 

  13 عصرده ايسه شرقدن قربه دوغرو حرکت ائدرک اوول خوارزم، سونرا ديگر تورک موسلمان دؤولتلريني محو ائدن چينگيز خانين دؤورو گلدي: 

   

  بير وقت اولوب لشکري چينگيزه طرفدار 

  خوارزملري محو ائيلديک قتل ايله يکبار. 

  خوارزملرين شاهي فرار ائيله دي ناچار، 

  مسجيدلري، مکتبلري ييخديق يئره تکرار 

  حاققا کي، سزاواري نيشان و شرفيز بيز! 

  اؤز دينيميزين باشينا انگل کلفيز بيز! 

   

  چينگيز خان موسلمان دئييلدي، اونا گؤره  ده تورک موسلمان اينتيباهي دؤورونون (9- 13 عصرلر) محصوللاري اولان مسجيدلري، مکتبلري داغيدير، عادت ائتديگي «چؤل حیاتي»نين تاثیری ايله نئچه عصرليک تاريخي اولان بؤيوک شهرلري  خارابايا چئويريردي. اونون مغلوب ائديلمز اوردوسونون موطلق اکثريييتيني تدريجن تورکلر تشکيل ائتديلر کي، صابر «بير وقت اولوب لشکري  چينگيزه طرفدار» دئينده بونو نظرده توتور. 

  11 جی عصردن باشلاياراق قافقازا، اورادان دا آنادولويا آخان و بيزانسا ديز چؤکدوررک بو يئرلرده مسکونلاشان اوغوزسلجوق تورکلري آوروپادان باشلانميش اوزون سورن بير حرکاتين صليب (خاچلي) يوروشلرينين قارشيسيني اووللر آلا بيلسلر ده، سونرالار داخيلي موناقيشلر، حاکمیت داوالاري اوجباتيندان ضعيف دوشدولر: 

  بير وقت ده دعوايي صليب اولدو مهيا، 

  دعوادا  فيرنگيلره  قاليب گليب، اما 

  دينجلمييب ائتديک يئنه بير فاجيعه  برپا، 

  اؤز تيغيميز اؤز ريشميزي کسدي سراپا 

  گويا کي، بياباندا بيتن بير علفيز بيز! 

  اؤز قؤوموموزون باشينا انگل کلفيز بيز! 

   

  عمومیت له، تورک موسلمان دؤولتلري، حؤکمدارلاري آراسيندا نينکي بوتون اورتا عصرلر بويو داوام ائدن، حتی يئني دؤوره ده کئچن آمانسيز موناقيشلر، قارداش قيرغينلاري، چوخ تاسوف کي، کيفايت قدر موترققي حاديثه لرله بيرليکده بيزيم تاريخيميزين  عوضوو ترکيب حیصه سي اولموشدور.

 بير چوخ حاللاردا حتی بيلاواسیطه خلفلر بئله اؤز سلفلرينين يولونو داوام ائتديره، قويدوقلاري قانونلارا رعايت ائده و نتيجه اعتباريله، تاريخين واريثليييني ساخلايا بيلمميشلر کي، بو دا تاريخي هر دفعه  يئنيدن (اؤزوندن!) باشلاماق کيمي نئقاتيو (و آنتي تاريخي!) بير «عنعنه»نين اساسيني قويموشدور. 

  15 عصرده شرقدن اورتا آسیادان قربه آذربايجانا، آنادولويا يئنيدن گوجلو تورک آخينلاري باشلادي: 

   

  بير وقت دخي قاره قويون، آغ قويون اولدوق، 

  آذربايجانا، هم ده آنادولويا دولدوق؛ 

  اول قدر قيريب بيربيريميزدن کي يورولدوق، 

  قيرديقجا يورولدوق و يورولدوقجا قيريلديق 

  تورانليلاريز، عادي شغلي سلفيز بيز! 

  اؤز قؤوموموزون باشينا انگل کلفيز بيز! 

   

  بؤيوک شاعيرين دئديگي کيمي، اوول قاراقويونلولارين، سونرا ايسه آغقويونلولارين شرقدن قربه حرکاتلاري جيددي موناقيشلرله، قيرغينلارلا موشايعت اولونوردو. 

  امير تئيمورون حاکمیتي ضبط ائديب گوجلو قوشونلا آذربايجانا، اورادان دا آنادولويا هوجومو ايسه داها بؤيوک فجيعلره سبب اولموشدو. آنکارا ياخينليغيندا ايلديريم بيازيدي مغلوب ائدن امير تئيمور، اصلینده، تورکلرين آوروپانين قربينه ياييلمالارينين قارشيسيني آلدي. 

   

  بير وقت ساليب تفريقه اولدوق ايکي قيسمت، 

  تيمور شهه بير پاراميز  ائتدي حيمايت، 

  خان ايلديريما بير پاراميز قيلدي اطاعت، 

  قانلار ساچيليب آنکارادا  قوپدو قيامت 

  احسن بيزه! هم تيرزنيز، هم هدفيز بيز! 

  اؤز قؤوموموزون باشينا انگل کلفيز بيز! 

   

  امير تيمورون توختاميش خانا (و قيزيل اوردا دؤولتين) دوشمن موناسيبتي اونا گتيريب چيخاردي کي، شاعيرين قئيد ائتديگي کيمي، موسکوا مرکز اولماقلا روس دؤولتي گوجلنمه يه، نتيجه اعتباريله، تورکلرين کوتلوي شکيلده روسلاشماسينين اساسي قويولماغا باشلادي 

   

  تيمور شهي لنگه اولوب طالعی فرمان 

  خان توختاميشي ائيلديک آل قانينا قلتان؛ 

  تا اولدو قيزيل اوردالارين دؤولتي تالان، 

  مسکو شهينه فايده بخش اولدو بو مئيدان 

  اليؤوم اوروسلاشماق ايله ريشه ميز بيز! 

  اؤز دينيميزين باشينا انگل کلفيز بيز! 

   

  شاعير تامامیله حاقليدير کي، عصرلر بويو تورکلرين سیاسی، اقتصادي و مدني تاثیری آلتيندا اولموش، بير سيرا خالقلار (روسلار، فارسلار و ب.) سونرالار تورکلرين دئييل، محض تورک حؤکمدارلارينين «منم منمليک»لري، گوناهلاري، اساسسيز ايدديالاري، دوزگون سياست يوروتمملري نتيجه سينده حاکمیتي اله آلديلار. 

  شاه اسماعیللا سولطان سليمين شيليک و سننولوک بعراق لاري آلتيندا آپارديقلاري «موباريز» ايسه موسلمان تورکلر آراسيندا ائله بير تفريقه سالدي کي، عصرلر بويو داوام ائتدي: 

   

  بير وقت شاه اسماعیل و سلطاني سليمه 

  مفتون اولاراق ائيلديک ايسلامي دونيمه، 

  قويدوق ايکي تازه آدي بير ديني قدیمه؛ 

  سالدي بو تشييع، بو تسننوم بيري بيمه 

  قالديقجا بو حالتله سرايي اسفيز بيز! 

  اؤز دينيميزين باشينا انگل کلفيز بيز! 

 تشييع تسننوم (شيعلشمه سوننولشمع) حرکاتينين درينلشمه سي (و کوتلويلشمسي!)  ايله اورتايا چيخان موناقيشدن بوگون بئله تورک موسلمان دونياسينين دوشمنلري ايستيفاده ائتمه يه، تورکلري پارچالاماغا چاليشيرلار. 

  خالق ايچريسيندن چيخميش، اؤز قدرتي، قابيليييتي نتيجه سينده حاکمیت تاختينا چيخميش نادير شاه شيعه سوننو عداوتيني آرادان قالديرماغا چاليشسا دا، بونا نايل اولا بيلمدي: 

  نادير بو ايکي خستليگي توتدو نظرده، 

  ايستردي علاج ائيله يه بو قورخولو درده، 

  بو مقصد ايله عزم ائدرک گيردي نبرده، 

  مقتولن اونون نئشيني قويدوق قورو يئرده 

  بير شئيي عجبيز، نه بيليم، بير توهفه يز بيز! 

  اؤز دينيميزين باشينا انگل کلفيز بيز! 

  شيعليک سوننولوک عداوتينين آرخاسينجا ايسه  ايرانليليق عثمانلیليق عداوتي گلدي: 

  ايندي يئنه وار تازه خبر، ياخشي تماشا، 

  ايرانليليق عثمانلیليق ايسمي اولوب احيا؛ 

  بير قطعه يئر اوستونده قوپوب بير يئکه دعوا، 

  مئيدان کي، قيزيشدي، اولاريق محو سراپا.. 

  اونسوز دا، اگرچند کي، يکسر تلفيز بيز! 

  اؤز قؤوموموزون باشينا انگل کلفيز بيز! 

  صابرين منسوب اولدوغو خالقين تاريخينه «شيددتلي تنقيدي موناسيبت»ي (اونوتماياق کي، بو اونون اسلوبو ايدي) آرخاسينداکي اوندان قات قات شيددتلي محببتيني گؤرممک، دويماماق (و ديرلنديرممک!) مومکون دئييل. 

  م.ع.صابرين بير شاعيرموتفککير اولاراق غيري عادي طالعی وار؛ او هم ساغليغيندا، هم ده وفاتيندان سونرا (سووئت دؤورونده!) هميشه نشر اولونموش، اوخونموشدور ميللي موستقيلليک الده ائتديييميز معاصر دؤورده ده صابر، دئمک اولار کي، اعتراض دوغورمور معيشتدن باشلاميش دؤولت ايدارچيلييينه قدر هر شئيي تنقيد ائدن، کندلينين، فهلنين ميسکينليييني، ضیالیلارين شخصییتسيزليييني،  چوخ اوزلولوگونو گؤسترن و منسوب اولدوغو ميللتي تنبئه  ائتمکدن چکينمين شاعير موتفککير نييه بو قدر چوخ سئويلير؟.. 

  اونا گؤره کي، او، خالقينين کندليسيني ده، فهلسيني ده، ضیالیسيني دا (و منسوب اولدوغو ميللتي ده!) سئويردي!.. 

  م.ع.صابر نييه بو قدر بنزتمه: نظيره، ياخود تنزيل يازيب؟.. 

  اونا گؤره کي، بؤيوک شاعيرموتفککير اونا معلوم اولان تاريخ بويو مئيدانا چيخميش بوتون ادبي اجتماعی فيکره موناسيبت بيلديرمک، تاريخي تحلیل ائتمک و گلجگي، پروقرئسسيو ايمکانلاري، ياشاماق احتيراسي اولان بير تاريخ ياراتماق ايستييردي. بو معنادا او، رومانتيکلردن داها بؤيوک بير رومانتيک ايدي. 

  م.ع.صابر قدر اؤز ميللتيني تنقيد ائدن و نه قدر پارادوکسال اولسا دا، اؤز ميللتي ايله فخر ائدن ايکينجي بير شاعيرموتفککير تصور ائتمک چوخ چتيندير. آذربايجان خالقي دا، تاريخينين موختليف دؤورلرينده،  مرحله لرينده بؤيوک  پروبلئملر ياشاماسينا،  ترددودلرينه باخماياراق، اونا گؤره مودريک (و قديربيلن!)دير کي، ايلک هئيکه لي محض صابره قويموشدور 

 

اسماعیل شيخلي 100 مدريک عمر Ismayıl Şıxlı- 100 müdrik ömür Prof. Maarifə Haciyeva پروفسور معارفه حاجی اوا

«اسماعیل شيخلي هم يازيچي، هم عاليم، هم اجتماعی خاديم، هم ده اينسان و وطنداش کيمي خالقيميزين تاريخينده درين ايز، زنگين ادبي ايرث قويموشدور». 

ادامه مطلب: اسماعیل شيخلي 100 مدريک عمر Ismayıl Şıxlı- 100 müdrik ömür Prof. Maarifə Haciyeva پروفسور...

آذربايجان ادبي ديلي نسيمي پوئزيياسيندا AZƏRBAYCAN ƏDƏBİ DİLİ NƏSİMİ POEZİYASINDA

 

 

PROF. MAARİFƏ HACIYEVA

 

  15- جی عصر آذربايجان پوئزيياسي نين گؤرکملي تمثيلچيلريندن بيري اولان سيد علی عمادالدين نسيمي (1369-1417) تخمينن بئش مين ميصراعدان آرتيق فارسجا ديوان ياراتسا دا، عربجه شعيرلر يازسا دا بؤيوک اوستونلوگو دوغما آنا ديلينه آذربايجان ديلينده وئرميش، بو ديلده اون ايکي مين ميصراعليق بير ديوان قويوب گئتميشدير کي، بيز اونون آناديللي پوئزيياسيني آراشديرارکن، بئله قناعته گلديک کي، آذربايجان ديلينده فلسفي پوئزييانين بانيسي اولان بو بؤيوک فيلوسوف شاعيرين شعیرلري نين اساس منبعريندن بيري ده دؤورون جانلي دانيشيق ديلي و شيفاهي ادبي ديل اولان فولکلور ديليدير. او، يازديغي قزل، قصيده، موستضاد، روباي، مثنويلري، ترجيبند، مثنوي، تييوقلاري ايله 14- جی عصرده دوغما آنا ديليني ادبي ديل سويييه سينه يوکسلتميشدير. 

  سيد عمادالدين نسيمي نين آناديللي شعيرلريندن لئکسيکونوندا عرب-فارس سؤز و سؤز بيرلشمه لري نين چوخلوغونا باخماياراق، شعیرلرين ديلي نين اساسيندا دؤورون آذربايجان ديلي دورور. نسيمي شعیرلرينه دؤورون دانيشيق ديلي و يئرلي ديالئکت تورپاق مونبيتليگي گتيرير. بونو شاعيرين پوئزيياسينداکي سايسيز-حسابسيز نومونه لردن گؤرمک اولار: 

  «آفرين اولسون نيگارين زولفو ايله قاشينا، 

   گر ماجال بولسام حبيبين چئوريليديم باشينا». 

  «عشقه علاج ايستمه، دردينه صبر ائيل». 

  «ديلبر الينده عاشيقين قتلي ندن هارام اولا، 

  عاشيقه چون هلال ائدر وصليني قان باهاسينا». 

   

  «ئي بانا ميشکين ساچيندان کؤنلوگو قورتار دئين، 

  قانغي جافيلدير ثلاثيلدن چؤزر ديوانه سي».

   «خيرمانيندا هوسنونون گوندور باشاقچي آي ايله، 

  اوتان، ائي نيحبت قيلان، قاشي-هيلالي داسين». 

   

  «چون نسيمي سوساميش قانينا يارين لبي، 

  نولدو، اي مونکير، سانا کيم، قاينادي قانين يئن». 

  «هر کيم سنه دئمزسه، رحمان صيفتلي حاقسن، 

  ايتيرميش اول قارا گون حاقق ايله حاقشوناسي». 

   

  «گلدي ياريم ناز ايله، سوردو، نسيمي، نئجه سن؟ 

  مرحبا، خوش گلدين، ائي خيردا دهانيم، مرحابا!» 

   

  شعير نومونه لرينده کي  «ماجال»، «لاج»، «چئوريليديم باشينا»، «قان باهاسينا»، «چؤزمک»، «خيرمان»، «قاني قايناماق»، «قارا گون»، «خيردا» کيمي سؤز و ايفاده لر بو گون ده جانلي دانيشيق ديلينده و ديالکتلرده ايشلنن سؤز و ايفاده لردير. 

  سيد عمادالدین نسيمي اثرلري نين ديليني خالق آراسيندا ايشلنن معنالي ايفاده لر حسابينا زنگينلشديرمک اوچون شيفاهي ادبي ديل اولان فولکلورداکي آتالار سؤزلري، مثللر، ايدئوماتيک ايفاده لر کيمي جانلي خالق دانيشيق ديلينده کي  ادبي قايناقلاري شعیرلري نين ديلينه گتيره رک، 14-جی  عصر پوئزيياسينداکي ميللي زميني گئنيشلنديرميشدير.

 نسيمي  شعیرلرينده راست گلديگيميز «گؤزدن ايراق»، «اياغي نين توزو»، «ئوي ييخيلميش»، «عؤمور چوروتمک، «آياغي دوشمک»، «قؤنچه آغيزلي»، «چک ديليني»، «گول اولماز ديکنسيز»، «بير پولا ديمز کاينات» کيمي ايفاده لر اونو گؤسترير کي، شاعيرين يازديغي شعیر نومونه لري ساغلام آنا ديلي بونؤوره سي اوزرينده يارانميشدير. 

  بو جهتي يوکسک قييمتلنديرن خالق يازيچيسي، آکادئميک ميرزه ايبراهيموو  «ديليميزين اينکيشاف يوللاري حاقيندا» آدلي مقاله سينده يازيردي: «بيزجه، «دده قورقود»دان سونرا آذربايجان ديلي نين اينکيشافينداکي خوصوصي مرحله ني نسيمي دؤورو آدلانديرماق اولار. نسيمي آذربايجان ديليني اثري نين قاباقجيل فيکير و آرزولاريني ايفاده ائدن يوکسک بير ديل سويييه سينه قالديردي. نسيمي ديليميزي ايدئاللار اوغروندا موباريزه ديلينه، تبليغات و تشويقات ديلينه چئويردي. نسيمي اؤز فلسفه سي و تفککورو ايله علاقه دار اولاراق، ديليميزين چرچيوه سيني خئيلي گئنيشلنديردي. اونا تاماميله يئني تشبيهلر، ايفاده لر، فيکيرلر گتيردي (باخ: م.ايبراهيموو «آزربايجان ديلي» مقاله لر. باکي، 1957، ص. 10-11). 

  م.ايبراهيموو نسيميده ديلين معنا و فيکيرله عوضوي باغليليغي نين اولدوغونو خوصوصي وورغولاياراق يازير: «بعضن نسيميني آنلاماق چتينليگي اونون ديلي نين غليظليگيندن دئييل، ايفاده ائتديگي فلسفي فيکيرلري درک ائتمک اوچون موعين تاريخي، علمي، فلسفي حاضيرليغين يوخلوغوندان ايره لي گلير» (باخ: م.ايبراهيموو. آدي کئچن اثر، ص. 11). 

  ميرزه ايبراهيموو ائله همين مقاله ده نسيمي نين «مست» رديفلي شعیريني ميثال گتيره رک يازير کي، «نسيمي نين اؤزونمخصوص سؤزلري، ايفاده لري و ايصطيلاحلاري واردير». «بزمي ازل»، «شراب جوز»، «ريند وکللاش» و سايره يالنيز ايفاده لر و سؤزلر دئييل، عئيني زاماندا او دؤورده کي  عقيده لر، طريقتلر موباريزه سي ايله باغلي اولان و خوصوصي شرح طلب ائدن فلسفي ايصطيلاحلاردير» (يئنه اورادا، ص. 11). 

  پروف. عليار سفرلي ده «قديم و اورتا عصر آذربايجان ادبياتي» آدلي کيتابيندا بو جهتي خوصوصي وورغولارياراق يازير: «نسيمي نين بير سيرا شعیرلري نين ديلي آغير اولسا دا، دونيوي شعیرلري نين ديلي ساده و آيديندير. او، صوفي و حروفي شعیرلرينده رمز و ايصطيلاحلاردان چوخ فايدالانير، اؤز جسارتلي فيکيرلريني آچيق-آشکار ايفاده  ائتمکدن چکينمير. مثلن: 

  قلبيميزدير صورتين، الحمدالله، ائي نيگار، 

  تا ابد ياکه معبوددور، جمالين نسته ني. 

  بو بئيتده نسيمي «ياکه معبودو، مين جماليکه نسته ايينو» («آنجاق سنه پرستيش ائديريک، سنين گؤزلليگينه سيغينيريق، کؤمک ايسته ييريک») ايفاده سيني قوراندان ايقتيباس ائده رک، اينسانين اوزونو قيبله سايير، يالنيز اونون گؤزلليگينه پرستيش ائتديگيني بيلديرير. 

  دئمه لي، قرآندان آيه گتيرمکله اينسان گؤزلليگينه برات قازانديرير، قرآنين آيه و سوره لري نين داخيلي معناسيني شرح ائديب خالقا چاتديرماغي قارشييا قويان حروفيلر کيمي نسيمي ده بوندان اؤز ايدئاللاري نين ايفاده سي اوچون فايدالانير. قرآنين آيه و سوره لريندن ايستيفاده ائتمکله اينسانين عقلي و معنوي سربستليگينه طرفدار چيخير» (باخ: ع.سفرلي، خ.يوسيفوو. «قديم و اورتا عصرلر آذربايجان ادبياتي». باکي، معاريف، 1982، ص. 199). 

  معلومدور کي، آذربايجان يازيلي ادبي ديلي نين 14 عصرده تکامولو، اينکيشافي حسن اوغلو، قاضي احمد بورهان الدين، عمادالدين نسيمي پوئزيياسيندا گؤرونمه يه باشلادي. آذربايجان شعیري نين دوغما آنا ديلينده اولان ايلکين نومونه لريني نسيميدن اول ياشاميش هسنوغلو و قاضي بورهان الدين پوئزيياسيندا گؤرونسه ده، شعیريميزين داها موکممل نومونه لري نسيمي شعیرلرينده گؤرونمکده دير. نسيمي پوئزيياسي نين زنگينلشمه سينده دؤورون شيفاهي ادبي ديلي و خالق آراسيندا ياييلميش آتالار سؤزو، ناغيل، افسانه، باياتي، آلقيش، قارغيش، تاپماجا، لطيفه کيمي فولکلور ژانرلاري بؤيوک رول اويناميشدير. چونکي بو نومنه لرده شيفاهي ادبي ديل صافليغيني داها چوخ موحافيظه ائتميشدير. 

  شيفاهي ادبي ديلدن يازيلي ديله کؤچورولن صاف ديل نسيمي پوئزيياسيني ادبي ديل سويييه سينه يوکسلتميشدير. بونون اوچون بير نئچه پوئتيک ميصراعيا ديقت ائتمک کيفايتدير: 

  «دگمز بانا بير پولا جاهان وارليغي ايل». 

  «قان باهاسيز نئجه قان ائتمک ديلرسن، ائتمگيل». 

  «هم اول زامان کي، سئچيلدي قاراسي آغيندان». 

  «عاشيق اول، مئيدانا گير، کيم، توپ ايله چووکان بودور». 

  «چيخدي ايچيمدن توتون، چرخي بويادي بوتون». 

   

  «چيخير رنبه قولاغيندان، گؤزون آچ، 

  کي، حشر اولدووو قاليندا بو گون سور». 

  سونونجو ميصراع حسين عاريف پوئزيياسيندا بو شکيلده سسله نير: 

   

  ياخشي کي، حسرتين توستوسو يوخدور، 

  گؤز-گؤزو گؤرمزدي دومان ايچينده. 

 نومونه لردن ده گؤروندويو کيمي خالق آراسيندا بو گون ده جانلي دانيشيق ديلينده ايشلنن «جاهان بير پولا ديمز»، «قان باهاسي»، «گول تيکانسيز اولماز»، «قان ائتمک» (قان سالماق)، «قاراني آغدان سئچمک»، «توپ چووکان اويونو»، «مئيدانا گيرمک»، «قولاغيندان پامبيغي چيخارت»، «گؤزونو آچ» کيمي ايفاده لر نسيمي شعیري نين ديليني گونوموزون جانلي خالق دانيشيق ديلينه و يازيلي ادبي ديلينه باغلايير. 

  نسيمي شعیرلريني مونبيت آناديللي تورپاغا باغلايان بير جهت ده اونون شعیرلرينده خالق آراسيندا ايشلک اولان اصيل آذربايجان سؤزلري نين اؤز عکسيني تاپماسيدير: سؤز، قان، گون، يول، آنا، آتا، آغاج، قاش، گؤز، ديل، گون، گونش، ساچ، يوخسول، ماتم، باش، آياق، ماجال، يولچو، دوداق، شکر، قند، قارا، آغ، گؤي، ياس، ائشيک، آجي کيمي موعاصير آذربايجان ديلينده ايشلنن يوزلرله سؤز. 

   

  «قانيمي تؤکدو گؤزون هر لحظه بير سؤودا ايلن». 

  «چک ديليني و ابسم اول، من بو جاهانا سيغمازام». 

   

  «گر آياغينا دوشمک ماجاليم اولايدي، 

  دخي گؤتورمز ايديم باش آنين آياغيندان». 

   

  «باي ايله يوخسول منم، يولچو ايله يول منم». 

  «دوداغين قندينه شکر دئديلر». 

   

  «قارادير گئيديکي يا گؤک هميشه زاهيدين، يا رب، 

  نه ماتم دوشموش آنا کيم، توکنمز هيچ آنين ياسي». 

   

  سئيد عمادالدین نسيمي نين جانلي خالق ديلينه باغليليغي شعیرلرينده خالق اويونلاري نين، خالقين منشايني ايفاده ائدن عادت-عنعنه لرين، بايراملارين، خالق موسيقيسي نين آدلاري نين پوئتيک ايفاده سينده ده گؤرونور. شعیرلرينده خالقين معيشت مراسيملريندن، بايرام و ايدمان اويونلاريندان توتموش خالق ادبياتي نين گئنيش ياييلميش فورمالارينا قدر قييمتلي آتا-بابا ياديگارلاري نين نومونه لري سايسيز-حسابسيزدير. قيز گلين گئدرکن قارشيسيندا اوزرليک  يانديريلماسي، توي و ياس ساخلاماق عادتي، توپ و چووکان اويونو کيمي چئشيد-چئشيد خالق ايفاده و اويونونون بديعي عکسي اونون اثرلرينده کي  خلقيليگين بديعي ايفاده سيدير. نسيمي نين آذربايجان موغامي نين آدلاريني ايفاده ائدن درين تهليله لاييق آشاغيداکي قزه لينه ديقت ائتمک کيفايتدير. 

   

  حسرت ياشي هر لحظه قيلير بنزيميزي ساز، 

  بو پرده ده کيم، نسنه بيزه اولمادي دمساز. 

   

  «عششاق» مئييندن قيلالي عيشرتي- «نووروز»، 

  تا «راست» گله «چنگي-حسيني»ده سرفراز. 

   

  با «چارگاهي» لوطف قيل، اي حوسنو «بزورکي»، 

  «کوچيک» دهنيندن بيزه، اي ديلبري- «تنناز». 

   

  «زنگول» صيفت ناله قيلام زار «سه گاها»، 

  چون عزمي «حيجاز» ائيله يه محبوبي خوش آواز. 

   

  آهنگي «صيفاهان» قيلير اول نامي «عراقي»، 

  «رهاوي» يولوندا يئنه جانيم قيلا پرواز. 

   

  کؤنلومو  «حصار» ائيله دي اول روحي «موبارغ»، 

  گل اولما «موخاليف» بيزه، ائي ديلبري- «شهناز». 

   

  چون «شور» گليب عشق سؤزون قيلا نسيمي، 

  شؤوقوندن آنين جوشا گلير سه ديگي-شيراز. 

                        (اثرلري. باکي، 1976، ص. 73). 

  نسيمي نين شعیرلري نين ديلي و شعیرلرينده کي  پوئتيک دوشونجه لر بؤيوک مولاحيظه لره سبب اولدوغو اوچون، 14 عصر ادبي ديلي نين اؤزونه خاص خوصوصيتلري ايله شرح ائديلميشدير.  

  عمادالدین نسيمي نين «سؤز» رديفلي شعیري دؤورون ادبي ديلي  باخيميندان شرح ائديلرسه، شعیرده ائله شاعيرين ادبي ديل حاقينداکي مولاحيظه لريني ده گؤرمک اولار. چونکي بو شعیرينده شاعير اؤزو هم فيلولوق، هم ده فيلوسوف کيمي موحاکيمه يوروده رک، اؤزونون سؤزه اولان فلسفي باخيشلاريني و ادبي ديلله باغلي  تصوورونو ايفاده ائدير. 

   

  نازيلو مونزيل آنلا کيم، بيردير، 

  کندي کندويه ترجوماندير سؤز. 

   

  سؤز «نازيلو مونزيل» اوچون (گؤندريلديگي اوچون) «کندي کندوي» (اؤزو-اؤزونه ترجوماندير. سؤزون حددي-حودودو يوخدور. او،  بينيشاندير، موجررد وارليقدير: 

   

  طول و عرض ايله اومقو بولونماز، 

  يعني بي حد و بي نيشاندير سؤز. 

  سؤز يني عوضسيز بير قوووه دير. او، «غيري-مخلوقدور»، يعني ياراديلماميشدير.  سؤز «چار اونسور، نؤه آسيماندير»، يعني گؤيون قاتلارينا و دؤرد عنصوره (اود، سو، تورپاق، هاوا) برابردير. نسيمييه گؤره سؤز ايلکيندير، خزينه دير «کؤنولده کاندير»، اونون حددي-حودودو يوخدور، اونون وارليغينا شوبهه ائتمک اولماز. اودور کي، 

  عاقيل ايسن، سؤزونو موختصر ائت، 

  اي نسيمي، چو بي گيراندير سؤز. 

   

  يعني، اي نسيمي، عاغيلليسانسا، سؤزه حؤرمت ائديب، سؤزونو موختصر ائت، چونکي سؤز سونسوزدور. 

  سؤزون اولويليگي، حؤرمتيني اوجا توتماق گرکليگيني، سؤزون معناسي نين توکنمز اولدوغونو نسيمي آشاغيداکي بئيتلرينده ده ايفاده ائدير: 

   

  «اي نسيمي، گر سؤزون معناسي بي شايان دئييل، 

  نئيچون ايرمز کيمسه نين عقلي اونون پايينه؟» 

   

  «هر کيمسه نسيمي سؤزونو فهم ائده بيلمز، 

  بو قوش ديليدير، بونو سولئيمان بيلير آنجاق». 

   

  ايلک بئيتده نسيمي سؤزون معناسي نين سونسوز اولدوغونو سؤيله يير. اگر بئله دئييلسه، او زامان نييه هئچ کيمين عاغلي اونون سونونا چاتمير.

ايکينجي بئيتدن ايسه آيدين اولور کي، حروفيليک طريقتي نين خوصوصيتلريني، طريقتده سؤزلرين گيزلي معنالاريني بيلمه ينلر اوچون نسيمي نين سؤزو آنلاشيلماز اولاجاقدير. چونکي سؤز فيکرين گئرچکليگيدير. 

  گؤروندويو کيمي، نسيمي  اؤلمز قزل، قصيده، مثنوي و روبايلري، تويوغ، ترجيبند، موستضاد، مولممالاري ايله 14 عصرين سونلاريندا آنا ديليميزي پوئزييانين ادبي ديلي سويييه سينه يوکسلميشدير، آنا ديليميزده فلسفي پوئزييانين اؤلمز بديعي نومونه لريني ياراداراق بو پوئزييانين بانيسي سويييه سينه يوکسلميشدير. 

  دوغرو سؤيله ميشلر کي، علمين وطني يوخدور، آما عاليمين وطني وار.

 مودريک فيلوسوف شاعيريميز سيد عمادالدین نسيمي نين وطني آذربايجاندير. دوغولدوغو يئر شاماخي دياريدير. آنجاق اونون فلسفي دوشونجه لري احتيوا ائدن علمي، مودريک کلاملاري بوتون دونياني گزيب-دولانماقدادير.