آلماس ایلدیریم کیم دیر

حاضیرلادی:ح.سوی تورک

 

 

آلماس ايلديريم حياتي :

آذربايجان ادبياتي تاريخينه آلماس ايلديريم کيمي داخيل اولموش شاعيرين اصل آدي عبدالحسن دیر. لاکين اوشاقليقدان اونو باباسينين آدي ايله-آلماس آدي ايله چاغيرارميشلار. شعرلريني آلماس ايلديريم ايمضاسييلا درج ائتديرديگيندن بو آدلا دا تانينميش و مشهورلاشميشدير.

Description: آلماازآلماس ايلديريم 1907-جي ايل مارت آيينين 25-ده باکينين قالا کندينده آنادان اولموشدور. آذربايجاندا سووئت حاکيميتي قورولدوقدان سونرا آلماس ايلديريمين بي نسلينه اونو سووئت توتاليتار رئژيمي طرفيندن حياتا کئچيريلن جزا تدبيرلرينين هدفينه چئويرير. وارلي تاجير اوغلو اولدوغونا گؤره او، آزربايجان دؤولت اونيوئرسيتئتينين( باکی اونيوئرسيتئتي) شرق ادبياتي فاکولتهسيندن اخراج ائديلميشدير.

1926 1926-جي ايلده شاعير سولئيمان روستم ايله بيرليکده "دون بوگون" آدلي شعر مجموعهسينين مؤليفي اولور. 1928 1928-ده شعرلرينده ايفاده اولونان ميلتچي ايسماريجلارينا گؤره داغيستانا  سورگون ائديلير. سورگونده "داغلاردان خاطيرهلر" ،"لزگي ائللري" ،"کريمدا آخشاملار" ،"سليمخان" و "گوناه کيمدهدير؟" آدلي شعرلريني يازير. 1930 1930-جو ايلده باکييا قاييديب "داغلار سسلنرکن" شعرلر مجموعهسيني نشر ائتديرير. لاکين کيتاب سئنزورادان کئچمهييب. شاعيرين تشبوسو آزربايجان يازيچيلار بيرليگينین قووولماسينا سبب اولور. بو دفعه او تورکمنيستانا سورگون ائديلير. اورادا بير مودت مکتب ديرئکتورو وضعيفهسينده چاليشير. آذربايجاندان آشقابادا گؤندريلن بير کاگ پ آگئنتي (اکبر روحي) اؤز موشاهيدهلري اساسيندا بئله نتيجهيه گلميشدي کي، "آ.ايلديريم ايدئولوژيميز اوچون ضررلي بير اينساندير...". بوندان سونرا تورکمنيستاندا قالماق آلماس ايلديريم اوچون تهلوکهلي ايدي و 1933 1933-جو ايلين اييون آييندا او، يئنيجه ائولنديگي زيور خانيمي و اوچ آيليق کؤرپهسي اوغلو آذري ده گؤتوروب ايرانا دوغرو ايستيقامت آلان قاچاقچي بير دوه کاروانينا قوشولور.

سرحد گؤزتچيلرينين و گؤمروک مأمورلارينين گؤزونه گؤرونمهمک اوچون ان چتين جيغيرلارلا سيلديريم قايالار اؤتوب، اوجا داغلار آشديقدان سونرا بؤيوک مشققتله ايران تورپاغينا چاتيرلار. آلماس ايلديريم درحال حبس اولونور. 25 گون دوستاقدا قالير. اونو بولشئويک جاسوسو حساب ائدهرک ايشگنجه وئريلير، ايستهديکلري معلوماتي قوپارماق اوچون سينهسينه قدر سويوق سويون ايچريسينده ساخلاييرلار. بو ايشگنجه شاعيرين صحتينده درين ايزلر قويور. او، ساغالماز بؤيرک خستهليگينه موبتلا اولور. نهايت، آزاد ائديليب مشهد شهرينه گؤندريلير. بورادا اورگينجه ايش تاپا بيلمهين آلماس ايلديريم چوخ يوخسول، آجيناجاقلي حيات سورور.

آلماس ايلديريم ايراندا قالا بيلمهييب تئزليکله تورکييه گئدير. 1934-جو ايلده آلماس ايلديريم تورکييه وطنداشليغينا قبول ائديلدي. آلماس ايلديريم تورکييهده کاتيبليکله، کارگذارليقلا مشغول اولور، ايبتيداي مکتبده درس دئيير. عؤمرونون تقريبن 12 ايليني ايسه او، ياراديجيليغيني داوام ائتديرمکله ياناشي موختليف اؤلکهلرده بوجاق موديرليگينده (قصبه بلديييهسينده) چاليشميشدير. 1952-جي ايلين 14 يانواريندا بؤيرک خستهليگيندن وفات ائدن آلماس ايلديريمين آذر، آراز، اورخان و باکيخان آدلي دؤرد اوغلو اولموشدور. باکينين شوولان کندينده آلماس ايلديريمين آديني داشييان کوچه واردير.

1991جو ايلده شاعيرين اوغلو آذربايجانا باش چکرکن قفلتن وفات ائدير و آبشئرونون شوولان دفن اولور.

ياراديجيليغي:

وطن حسرتي، قريبليگين حوزنو آلماس ايلديريمين دئمک اولار کي، بوتون اثرلرينين آپاريجي آهنگيني تشکيل ائدير. آلماس ايلديريم تورکييهدهکي اون يئددي ايلليک حياتيندا ژورنال و مجموعهلرد، قزئتلرده ميللي شعرلريني نشر ائتديرميش، ميللييتچي و ايستيقلالچي بير شاعير اولاراق تانينميشدير. يازديغي شعرلر "بوغولمايان سس" آدي آلتيندا چاپ اولونموشدور. بوندان باشقا، "آذربايجان ماهنيلاري" آدلي کيتابي دا وار.

اثرلري:

1.سئچيلميش اثرلري. باکي: اؤندر، 2004، 159 ص.

2.قارا داستان (شعر و پوئمالار). باکي: آذرنشر، 1994، 143 ص.

3.آزربايجانين ديدرگين سالينميش اؤولادي شاعير آلماس ايلديريمين شعرلرييله. ترتيب ائدني و اؤن سؤزون مؤليفي حاجي حاجييئو. باکي: 1990، 30 ص

4.اسير آزربايجانيم

 

آذربايجان، منيم تاختيم، تاجيم اوي

 ملاحت ريضايئوا

"آذربايجان، منيم تاختيم، تاجيم اوي" آلماز ايلديريمين وطن حسرتلي شعرلري و ايستيقلال سئوگيسي گنجلره موکممل اؤرنکديروتهني آلماز ايلديريم کيمي اينج، ظريف، عئيني زاماندا قودرتلي، موباريز روحلو ميصراعلارلا وصف ائتميش ايکينجي بير شاعير خاطيرلاماق مومکون دئييل. آلماز ايلديريم پوئزيياسيندا اينجهليکله اَييلمز ووقار، سينماز غورور، عظمت وحدت تشکيل ائدير.هانسي بير شعر پارچاسي، هانسي بير ميصراع ايندييهدک اونون "آذربايجان" شعريني عوض ائده بيليب؟!.

  نرده مني گول قوينوندا دوغوران،

 خميريمي گؤز ياشييلا يوغوران،

 بئشيگيمده، لاي-لاي بالام،

 چاغيران،آذربايجان، منيم بختسيز آنام،

اوي!نئچه ايلدير حسرتينله يانام، اوي!..

 خبر آلسام، موغانيمدان، ميليمدن،

نازلي باکيم، او نئفت قوخان گولومدن،

کيم دئميش کي، دوشموش آدين ديليمدن،

آذربايجان، منيم ائشسيز يوردوم اوي،

ؤلمز عشقيم، ايچيمدهکيدرديم، اوي!..

سالام وئرسم، روزگار آليب گؤتورسه،

اغري داغدان گؤي خزره يئتيرسه،

خزر جوشوب زنجيريني قيرسا اوي،

حؤکم ائتسه، بو سرسم گئديش دورسا، اوي.

کؤنلومه تک کعبه ياپديم سني من،

سنسيز نئيليم قوربت ائلده گونو من؟

سنسيز نئيليم آللاهي من، ديني من،

آذربايجان، منم تاختيم، تاجيم، اوي.

اويانمازمي کور اولاسي باختيم اوي!

 بو ميصراعلار هر بير آذربايجان تورکونون قانيني جوشدورماغا، قلبيني ريققته گتيرمهيه قاديردير. داماريندا تورک قاني آخان هر بير اينسان اوچون بو ميصراعلار بير وطن هيمنيدير، وطن سئوگيسينين، حقيقتن ده ائشسيز ترننومودور. آذربايجان سئوداليسي اولان بير اينسانين اؤز حيس لريني ايفاده ائتمهسي اوچون بوندان گؤزل نومونه اولا بيلمز. آلماز ايلديريم قلبيندن سوزولور بو سئوگي. وطنه سونسوز محبت، اونو نئجه وارسا، ائلجه سئومز، سؤزون بوتون معنالاريندا وطن عاشيقي اولماق. بونو آنلاماق اوچون آلماز ايلديريم شعرلريني اوخوماق يئترليدير. آلماز ايلديريم اسل وطنپرور ايدي.

 آلماز ايلديريم وطن يولوندا بير جفاکئش ايدي. اونون باشينا نه آجيلار گلميشديس، آذربايجاني سئوديگي اوچون گلميشدي. بو سئوگي سادجه بير محبتدن عيبارت دئييلدي. آلماز ايلديريم آذربايجاني اونون ايستيقلالي ايله بير سئويردي. سئوگيلي وطنيني آزاد، حر گؤرمک ايستهييردي. آلماز ايلديريمين قلبيندهکي آزاد آذربايجان سئوگيسي ايدي. البتته کي، بو ايمپئريياپرستلري قانع ائتميهجکدي. اونا گؤره ده آلماز ايلديريما اولمازين عذابلار وئرديلر، بونونلا قلبيندهکي ايستيقلال سئوگيسيني قوپاريب آتا بيلهجکلريني دوشوندولر. آما يانيلديلار. بو معنادا آلماز ايلديريمين حياتي آذربايجان گنجلري اوچون ان موکممل اؤرنکدير. وطن سئوگيسيني آلماز ايلديريم شعرلريندن آلانلارين صميميليگينه هئچ واخت شوبهه يئري قالماز. شاعيرين آناسي نيسه خانيم ائودارليقلا مشغول اولوب، اوشاقلاريني احتيياج ايچينده بؤيودوب. تدقيقاتچيلار گؤستريرلر کي، آلماز هله 6 ياشيندا ايکن عاييله لري شوولانا، 1920-جي ايلده ايسه چمبره کنده کؤچور. کيچيک آلماز 1914-15-جي ايللرده گونئی آذربايجاندان باکي نئفت معدنلرينه ايشلهمهيه گلميش فهله اوشاقلاري اوچون ايران حؤکومتي طرفيندن تشکيل اولونموش "اتحاد" مکتبينده تحصيل آلماغا باشلايير. بو مکتبده درسلر هم آذربايجان، هم ده فارس ديلينده کئچيريليردي.

 سونرا آلماز ايلديريم 1925-جي ايلده 18 ياشيندا عبالله شايقين نومونه مکتبينده تحصيليني داوام ائتديرير. بو مکتبده درس دئين موعليملر - ع.شايق و حسين جاويد اولوبلار. آلماز ايلديريم ع.شايق و حسين جاويدله داها چوخ ياخين اونسيتده اولوب. بو اديبلرله اونسيتده اولماق آلماز ايلديريمين گلهجک حياتينين فورمالاشماسيندا موهوم رول اويناييب. آلماز ايلديريم "اتحاد" مکتبينده اوخويارکن شعر يازماغا باشلاييب ائله او واختدان جيدي مؤوضولار اوزرينده ايشلهييب. بو مکتبده اوخويارکن آلماز ايلديريم حسين جاويدله، احمد جاوادلا، جعفر جاببارلي کيمي اديبلرله تانيش اولوب، اونلارين اثرلريني دؤنه-دؤنه اوخويوب. احمد جاواد اينجه روحو، حسساس قلبي، عاليجناب داورانيشي ايله شاعيرين ديقتيني جلب ائديب.

 بو کيمي خوصوصيتلره گؤره آلماز ايلديريم احمد جاوادي اؤزونه اوستاد سئچيب. بو اديبلرين سايهسينده آلماز ايلديريم او ايللرده فعاليت گؤسترن "ادبيات جمعيتي"نين عوضوو اولوب، مسئول کاتيب کيمي فعاليت گؤستريب. بو جمعيتده تانينميش صنعتکارلارلا ياناشي، گنج شاعير و يازيچيلار دا ياخيندان ايشتيراک ائديرديلر. 1926-جي ايلده بو جمعيت اؤز فعاليتيني دايانديرير. جمعيت اؤز آديني دييشديريب "قيزيل قلملر ايتتيفاقي" آدلانديرير. جمعيتين مجموعهسينده آلماز ايلديريمين 6 شعري "هيندلي قيز" ،"نريمان" ،"قربه" درج ائديليب. آلماز ايلديريم بو ايللرده عالي تحصيل آلماغي دا ياددان چيخارمير. اودور کي، 1927-جي ايلده باکي دؤولت اونيوئرسيتئتينين شرقشوناسليق فاکولتهسينه قبول اولونور. چوخ چکمير کي، آلماز ايلديريمي بو عالي تحصيل اوجاغيندان خاريج ائديرلر.

سببي ده بو اولور کي، گويا، اونون آتاسي تاجير ايميش. آنجاق حقيقتده ايسه شاعيرين آتاسي عبدالمحمد کيشي چمبرکندده کيچيک آليش- وئريشله مشغول اولموش و عاييله سيني گوجله دولانديريرميش. اونو بو کندده آنجاق بئله تانيييرميشلار. آنجاق آلماز ايلديريم بوندان چوخ مأيوس اولماسينا باخماياراق، ييغينجاقلاردا موذاکيرهلرده اؤز شعرلري ايله يئنه چيخيش ائدير. 1928-جي ايل آلماز ايلديريمي يئني تاسيس اولونموش "آذربايجان پرولئتار يازيچيلاري جمعيتي"نه گتيريب چيخارير.اونون ايستانبول شهرينده چيخان "حيات" درگيسينده "آ داغلار" ،"سئوديگيم" شعرلري چاپ اولونور. آلماز ايلديريم حسين جاويد، احمد جاواد يولو کئچميش، ج.جاببارلي اثرلريندن فايدالانميشدير. اونون شعرلرينده وطنه سئوگي، اورگيني وطنه آچماق اوستونلوک تشکيل ائدير.

لاپ اوشاقليق واختيندان آلماز ايلديريم کلاسسيک ادبي منبعلره دريندن يييلنميش، خالق شعريني، اونون اينجهليکلريني سئوميش، پوئتيک اوبرازلار ياراتميشدير. اونون پوئزيياسي چوخشاخهليدير. ايستيقلال شاعيريني دويمايان، اونون شعرلري خوشونا گلمهين کوممونيست ايدئيالاري وورغونلاري، اونون کوکرهين ايلهاميندان قورخانلار آلماز ايلديريمي تعقيبلره معروض قويور. اونو اولجه داغيستانا، 2 ايلدن سونرا ايسه تورکمنيستانا سورگون ائديرلر. آلماز ايلديريم ياخشي بيليردي کي، بو جور ايشگنجهلرله، سورگونلرله اونو سينديرماغا، اَيمهيه چاليشيرلار.

 آنجاق او نه سينير، نه اَييلير، نه ده عقيدهسيندن، مسلهکي ندن دؤنوردو. داغيستاندا سورگونده اولدوغو واختدا دا قلمي احتياط بيلمهدن يازيب-ياراديردي. شاعيري داغيستاندا دا ساکيت بوراخمير، ايزلهيير، نه يازديغينا، نئجه يازديغينا گؤز قويوردولار. 1931-جي ايلده 24 ياشيندا داغيستاندان تورکوستانا سورگون ائديلرکن "الويدا، باکي" آدلي شعرينده وطنه "جان" دئديگينه گؤره وطندن قووولدوغونو، آنجاق وطنين "بو قوربانا" آجيماديغيني يانا-يانا، اورک آغريسييلا بئله ايفاده ائتميشدير:گوناهيم "جان" دئديم، سانا، قووولدوم،اجيمادين بو قوربانا، الويدا.تکجه بو ايکي ميصراعنين اوستونده نه قدر دوشونمک، نه قدر سؤز دئمک اولار.

 آلماز ايلديريم بو شعرده وطندن نييه قووولدوغونو آچيب گؤسترير. بيز اونون "اؤز گوناهيني" ياخشي آنلاديغيني بوتون شعرلرينده حيسئديريک. "آ داغلار" شعري ده باشدان-آياغا شاعيرين "گوناهلاري"يلا يوغرولموشدور:

اوف باکي... بو آيريليق منه اؤلومدن آغير،

عالمه باهار گلدي، سنه ياغمور، قار ياغير.

گوندوزلرين دومانلي، گئجهلر ديلسيز، ساغير،
بو بوغولان سسيمي وارمي دويان، آ داغلار؟

بو شعردهکيداغلار وطنييدي. شاعير "داغلار" دئينده وطني نظرده توتوردو. "عالمه باهار گلدي، سنه ياغمور، قار ياغير" ميصراعسيندا آچيق-آيدين آذربايجانين ايشغالينا ايشاره ووروردو.

شعرلرينده ايفاده اولونان ميلتچي ايسماريجلارينا گؤره ايلديريم داغيستانا سورگون ائديلير. سورگونده "داغلاردان خاطيرهلر" ،"لزگي ائللري" ،"کريمدا آخشاملار" ،"سليمخان" و "گوناه کيمدهدير؟" آدلي شعرلريني يازير. 1930-جو ايلده باکييا قاييديب "داغلار سسلنرکن" شعرلر مجموعهسيني نشر ائتديرير. لاکين کيتاب سئنزورادان کئچمهييب شاعيرين آذربايجان يازيچيلار بيرليگيندن قووولماسينا سبب اولور. بو دفعه آلماز ايلديريم تورکمنيستانا سورگون ائديلير. آلماز ايلديريم تورکوستاندا دا هاواسيني دييشمير، قلمين اووخاريني آزالتمير. تورکمنستاندا آ.ايلديريمين هر آدديميني ايزلهمک اوچون باکيدان اکبر روحي آدلي سياسي ايدارهيه ايشلهين بير "شاعير"ه خوصوصي سيفاريش وئريلير. سؤزسوز کي، آلماز ايلديريم بوتون بونلاري گؤزل باشا دوشوردو. او گؤزل بيليردي کي، 37-جي ايل رئپرئسسييالاري باشلايان کيمي ايلکين اولاراق "ات ماشيني"نين آغزينا آتيلانلاردان بيري اولاجاق. ميلتين بوتون گؤزوآچيق، شعوورلو و ايشيقلي ضياليلاريني همين "ات ماشيني" گؤزلهييردي. اورادا بير مودت مکتب ديرئکتورو وضعيفهسينده چاليشير. آذربايجاندان آشقابادا گؤندريلن بير قپو آگئنتي (کبر روحي) اؤز موشاهيدهلري اساسيندا بئله نتيجهيه گلميشدي کي، "آ.ايلديريم ايدئولوژيميز اوچون ضررلي بير اينساندير..." بوندان سونرا تورکمهنيستاندا قالماق آلماز ايلديريم اوچون تهلوکهلي ايدي و 1933-جو ايلين اييون آييندا او، يئنيجه ائولنديگي آروادي زيور خانيمي و اوچ آيليق کؤرپهسي آذري ده گؤتوروب ايرانا دوغرو ايستيقامت آلان قاچاقچي بير دوه کاروانينا قوشولور. سرحد گؤزتچيلرينين و کؤمروک مأمورلارينين گؤزونه گؤرونمهمک اوچون ان چتين جيغيرلارلا سيلديريم قايالار اؤتوب، اوجا داغلار آشديقدان سونرا بؤيوک مشققتله ايران تورپاغينا چاتيرلار. آلماس ايلديريم درحال حبس اولونور. 25 گون دوستاقدا قالير. اونو بولشئويک جاسوسو حساب ائدهرک ايشگنجه وئرير، ايستهديکلري معلوماتي قوپارماق اوچون سينهسينه قدر سويوق سويون ايچريسينده ساخلاييرلار. بو ايشگنجه شاعيرين سههتينده درين ايزلر قويور. او، ساغالماز بؤيرک خستهليگينه موبتلا اولور. نهايت، آزاد ائديليب مشهد شهرينه گؤندريلير. بورادا اورگينجه ايش تاپا بيلمهين آلماز ايلديريم چوخ يوخسول، آجيناجاقلي حيات سورور. سونرالار بو آغريلاردان ازيت چکير، آلماز ايلديريم ايراندا قالا بيلمهييب تئزليکله تورکييهيه گئدير. 1934-جو ايلده آلماز ايلديريم تورکييه وطنداشليغينا قبول ائديلير. آلماز ايلديريم تورکييهده کاتيبليکل، کارگوزارليقلا مشغول اولور، ايبتيداي مکتبده درس دئيير. عؤمرونون تقريبن 12 ايليني ايسه او، ياراديجيليغيني داوام ائتديرمکله ياناشي، موختليف اؤلکهلرده بوجاق موديرليگينده (قسبه بلهديييهسيند) چاليشميشدير. بورادا بو اديبلر اونا يازيب-ياراتماغا بو جفاکئش شاعيره کؤمکليک ائديرلر. آلماز ايلديريمين پوئزيياسي يالنيز دوغما يوردا، آذربايجانا عاييددير. اؤزوندن سونرا ايستيقلال شاعيري 4 اؤولاد قويوب گئديب. شاعير درد-بلايا دوچار اولسا دا، سادت، خوشبختليک دويماسا دا، چوخ بؤيوک اورک صاحيبي ايدي. آذر، آراز، اوتقان، باکيخان آدلي اؤولادلاري اولوب. آذر آدلي اوغلو آلديغيميز معلوماتا اساسن، تورکييهده تانينميش نئفت موتخصيصيدير. او هم ده تانينميش شاعيردير. اوتقان و باکيخان دا تورکييهده ياشاييرلار. ايستيقلال شاعيري، مؤحکم ايرادهلي آلماز ايلديريم ماددي چتينليکلر ايچريسينده ياشاماسينا باخماياراق 7 شعر توپلوسو بيزه ميراث قويوب، مضمونلو نئچه-نئچه مقالهلر درج ائتديريب. حاقلي اولاراق تورکييهده آلماز ايلديريمي هم ده تورک شاعيري آدلانديريرلار.45 ياشلي آلماز ايلديريم 1952-جي ايل يانوارين 14-ده دونيادان کؤچور. سئومکدن دويماديغي، اوسانماديغي سئوگيلي وطنيندن ابدي آيريلير، خوش گذران کئچيرمهديگي قملي غوصه لي، ايشگنجهلي دونيادان کؤچ ائدير.خوسوسي وورغولاماق ايسترديک کي، ظريف و قودرتلي پوئزييا صاحيبي آلماز ايلديريمين 100 ايلليک يوبيلئيي دؤولت سويييهسينده قئيد ائديليب. اؤز خالقيني اورکدن سئون، بوتون چتينليکلره سينه گرن، لاکين قلبيندهکي ايستيقلال ايشيغيني سؤنمهيه قويمايان، دايم پوئزيياميزدا مشعل کيمي ايشيق ساچان مرد-موباريز آلماز ايلديريم ايرسي گنج نسله دايم اؤرنک اولاجاقدير. آلماز ايلديريم مکتبي مرد موباريزلر مکتبيدير. بو مکتبدن گنج نسيل اؤزو اوچون نومونه گؤتورمهليدير.

 

آلماس ایلدیریم ياراديجيليغيندا آذربايجانچيليق ايدئيالاري

واحيد عمراف

 

موهاجيرت ادبياتيندا اؤز دست-خطي ايله سئچيلن آلوولو شاعيرلردن بيري آلماس ایلدیریمدير. آلماس ایلدیریمين ياراديجيليغيندا آذربايجانچيليق ايدئيالارينين ترننومو اساس يئر توتور. آبيد طاهيرلي "آذربايجان موهاجيرتي" اثرينده آلماس ایلدیریم حاقيندا يازميشدير: "حاقيندا بهس ائتديگيميز دؤورده (صحبت اييرمي عصرين 20-30-جو ايللريندن گئدير ) ارتيق سووئت سرحدلرينه دمير پرده چکيلديگيندن، سسري اراضيسيني ترک ائتمک پروبلئمه چئوريلميشدي. لاکين بو، نادير حاللاردا مومکون اولموشدور.

موهاجيرت ادبياتيندا اؤز دستخطي ايله سئچيلن آلوولو شاعيرلردن بيري آلماس ايلديريمدير. آلماس ايلديريمين ياراديجيليغيندا آذربايجانچيليق ايدئيالارينين ترننومو اساس يئر توتور. عابيد طاهيرلي"آذربايجان موهاجيرتي" اثرينده آلماس ایلدیریم حاقيندا يازميشدير: "حاقيندا بحث ائتديگيميز دؤورده (صحبت ايرمي عصرين 20-30-جو ايللريندن گئدير )آرتيق سووئت سرحدلرينه دمير پرده چکيلديگيندن، سسري اراضيسيني ترک ائتمک پروبلئمه چئوريلميشدي. لاکين بو، نادير حاللاردا مومکون اولموشدور. اونودولماز شاعير آلماس ایلدیریمين حياتيني (1907-جي ايل باکي-1952-جي ايل ائلازيق، تورکييه) ايزلسک، فيکريميز آيدينلاشار. طالعيين، بختينه حسین جاويد، جعفر جاببارلي، احمد جاواد، ميکاييل موشفيق کيمي دؤورونون توفانلاريندا ياشاماق دوشموش آلماس ایلدیریم (آلماسزاده ایلدیریم عبدالمحمد اوغلو) باکيدا اورتا و عالي تحصيله يييلنمش، 20-جي ايللرده ادبي فعاليته باشلاميشدير و درحال دا "پرولئتار" يازيچيلارين تزييق دايرهسينه دوشموشدور. نتيجهده، اولجه داغيستانا، سونرا تورکوستانا سورگونولونموشدور. بورادا راحاتليق تاپمايان آ.ایلدیریم چوخ چتينليکله ايرانا، 1935-جي ايلده ايسه تورکييهيه موهاجيرت ائدير. آلماس ایلدیریم 1952-جي ايل يانوارين 14-ده "حسرت قاليب دوغما يوردون نازلي قوجاغينا، گؤزلر ياشلي، بوينو بوکوک، وطنسيز" دونياسيني دييشير. آ.ایلدیریمين حيات و ياراديجيليغي آ.زامانوو، ه.جعفر، س.روستم، ر.ذکا، ج.رمزي، م.تئيموروو، ح.حاجييئو طرفيندن اؤيرهنيلميش، تدقيق اولونموشدور. لاکين سون دؤور مطبوعاتيندا آ.ایلدیریملا باغلي مقالهلر گؤسترير کي، "قريب شاعيرين حيات و ياراديجيليغيني بوتون تفصيلاتي ايله اؤيرنمهيه بير احتيياج وار" ("اودلار يوردو" 1989، ماي، آلماز ایلدیریم، م.تئيموروو)."

گؤروندويو کيمي، آ.طاهيرلي آ.ایلدیریم حاقيندا قيسا معلومات وئرميش، ياراديجيليغيني گئنيش آراشديرماميشدير. تورکييهلي تدقيقاتچي فيضي آغوزوم هله 1953-جو ايلده يازديغي "آلماس ایلدیریمين حال ترجومهسي" مقالهسينده شاعيرين ميللي ايدئاللاري تبليغ ائتديگينه گؤره سووئتلر دؤنمينده تعقيب ائديلديگيني گؤسترير. او زامان آذربايجان نشريات شؤعبه سينده بيهنيلهرک "داغلار سسلهنيرکن" آدلي کيتاب حاليندا نشر ائديلن بو شئيرلر کوممونيزمه ضيد فيکيرلر داشيديغي اوچون ياساق ائديلميش و نوسخهلري توپلانميشدير. بو دوروم قارشيسيندا آلماس ایلدیریم آرتيق داغيستاندا بوراخيلمازدي. اونون اطرافينا توپلانان ايستيقلالچي قوووهلر ده آرتيق قپو-نو دويوق سالميشدي. بو دفعه او، تورکوستانا سورولدو. بو سورگون و شيددتلي باسقينلاردان درين بير اوزونتو دويماقلا ياناشي، شاعير بوتون تورک دونياسيندا اونو آدديم-آدديم گزديرنلره حتّي تشککور بئله ائدير:

-منيم بو شکيلده دولاشمام اونلار اوچون داها فنا اولور. مني يوردومون هر بوجاغيندا گزديريرلر، هر طرفده يالديزلي قيزيل زنجيرلرين سسيني دويماقدايام. ميلتين بوينونا آسيلان هر زنجير حالقاسي منيم کينيمي داها دا آرتيرير...

تورکمنستاندا (آشقاباددا) دايم گؤز دوستاغي اولان ایلدیریم، اورادا قافقاسييا و ايرانلي تورک شاگيردلرينين اوخودوغو بير مکتبين تدريس موديرليگينه تعيين ائديلير. بو تعيين کئيفيتي اونو يومشالدير اوميدييله، هر فورصتده "گل بيزيم سيرالارا قاتيل، اگر بيزيمله برابر اولارسان، سنه داها بؤيوک وضعيفهلر وئرهجیيک."

بوتون ايلهاميني تورکلوک آتشيندن، حريت و ايستيقلال ايدئاليندان آلان شاعير بو ييلديزلي سؤزلرين هئچ بيرينه قولاق آسمير، يازديغي ميللي، آتشين شئيرلر گيزليجه الدن-اله گزير. بؤيوک بير ذؤوق و هيجانلا اوخونان بو شئيرلر شاعيرين اطرافيندا ايستيقلالچي بير توپلولوق يارادير. آشقاباد راديوسوندا شارقي سؤيلهين موغننيلر بو اينجه شئيرلره موسيقي بسطلهييرلر. فقط، بو حال اوزون سورمور. آلماس ایلدیریم دورومونوياخيندان تعقيب ائدنلر ايشي مطبوعاتدا عکس ائتديريرلر. بونون اوزرينه قپو ايدارهسي اکبر روحي ايسمينده بير کوممونيستي باکيدان آشقابادا گؤندرهرک، وضعيتي تدقيق ائتمگي اونا تاپشيرير. اکبر روحي آلماسایلدیریمين بوتون يازيلاريني تدقيق ائدهرک، بو نتيجهيه گلير: "آلماس ایلدیریمي آذربايجاندا، داغيستاندا گؤز آچماغا قويماديلار. فقط، بورادا راحاتليق تاپميش، ايستهديگيني يازير. آرتيق بونا مئيدانوئرميهجگيک. آلماس ایلدیریم گنجدير. بيزيم طرفه کئچمک اوچون واخت هنوز موساعيددير. اگر کئچميشيندن واز کئچيب، سادجه، سؤزله دئييل،فعلن ده بيزيمله بير اولورسا نه الا، يوخسا بوندان بويلا آغير ضربهلريميزه دايانماليدير..."

سونرا فيکريني بئله يئکونلايير: "آلماس ایلدیریم ايدئولوژيميز اوچون ضررلي بير اينساندير. بيزه اينانماق شرطي ايله آراميزدا قالماق ديلهينده ايسه" بو آرزوسونو مطبوعات يولو ايله بيلديرمهليدير.

 (10 آغوستوس 1932 تاريخلي "زحمت" قزئتهسي)".

بئلهليکله، وضعيت تامامن آيدينلاشميشدي. آلماس اوچون يالنيز ايکي يول واردي - يا اکبر روحينين طلبلريني يئرينه يئتيريب، اونلارين صفينه کئچمک، يا دا ميللي ايدئالين حياتا کئچمهسي اوغروندا آچديغي موجاديلهني داوام ائتديرمک.

ايکينجي يولو سئچن شاعير اکبر روحييه جاواب وئرمهدي. آرتيق آشقاباددا قالماياجاغينا قرار وئردي. اورادا ائولنديگي آذربايجانلي قيزي و اوچ آيليق اوغلو آذرله بيرليکده 1933-جو ايلين اييونوندا ايرانا دوغروگئدن بير قاچاقچي کاروانينا قاتيلدي. سرحد بويوندا شاعير ايرانهودود کئشيکچيلري طرفيندن ياخالانير و عاييلهسي ايله بيرليکده 25 گون حبسده قالديقدان سونرا تهراندان گلن بير امرله مشهده گؤندريلير.

ايران شاعيرين روحونو اوخشامادي. اورادا قالديغي بير نئچه آي عرضينده دوچار اولدوغو روحي وضعيتيني "آذرين دوستو" آدلي شعيرينده بو طرزده ايفاده ائديردي:

حسرت قاليب دوغما يوردون نازلي، موشفيق قوجاغينا،

گؤزلر ياشلي، بوينو بوکوک، وطنسيزمي اؤلهجگم؟..

گؤز ديکرک ياد ائللرين شفا وئرمز اوجاغينا،

بؤيله قريب، بير پارچاجيق کفنسيزمي اؤلهجگم؟..

آلماس ایلدیریمين "اسير آذربايجان" شعيري آذربايجانچيليق روحونون تجسسومودور:

(بو شعری یوخاریدا وئرمیشیک)

آلماس ایلدیریمين باياتيلاريندا دا وطن حسرتي، وطنسئورليک ايدئيالاري اؤز ايفادهسيني تاپميشدير. ف.آغوزوم آلماس ایلدیریمين باياتيلاريندان بحث ائدرکن يازيردي: "افسانهلردن قاف داغي اولاراق آنيلان او قورخونج، ديولي-پريلي داغلارين، ديو ياپيلي قهرمانلار و گؤزلليکلري دونياجا تانينميش پريلر قدر ايلاهي گؤزللر يئتيشديرن مکانين قافقاس داغلاريندان باشقا بير يئر اولماديغيني گؤرنلر تسليم ائدرلر. داغلاريندا قاناد چاپان لاچينلار، قارتاللار، ترلانلارلا بوي اؤلچوشن شاميللرين، جاواد خانلارين، سليم خانلارين، قاچاق نبيلرين ديياري اولان بو اؤلکهنين گؤي قوزغونون ماوي ياخاسينا ياسلانان پارچاسينداوديوردلولار ياشارلار. آدلاريني دوغوب ياشاديقلاري تورپاغين ايچيندن فيشقيران آتشدن آلميش اولان بو قهرمان سويلولار تورکون بئشيگي تانري داغيندان قوپوب گلن ايگيد اوغوزلارين بو گون بئله قاني قاتيقسيز اولاراقياشايان بويلارينداندير.

عصرلردن بري يوردونا هوجوم ائدنلرله دورمادان و اَييلمهدن چيرپيشديغي قوووتين، نه يازيق کي،طالعيين آمانسيز جيلوهسييله باشينا چؤکن اوغورسوزلوق، هيجران و قريبليکله توکنن آذربایجان تورکونون اوت،بو بدبخت تورکون اؤنونده ايکي يول آچيلميشدير. سورگون و قوربت... هر ايکي يولون دا سونو عئيني نؤقطهيه چيخار، حالبوکي اونلار بونون تام عکسيني دئميشلردي:

عزيزينم کتان ياخشي،

گئيمهيه کتان ياخشي.

گزمهيه قريب اؤلک،

اؤلمهيه وطن ياخشي.

فقط، اونو دوغما يوردوندا اؤلمهيه بئله بوراخماديلار، سعادتلرين ان بؤيويو اولان بو ديلکدن اونو محروم ائتديلر. عجبا، کيملر؟ اونو اؤزلريندن دينلگينيز:

 

اوشاقليقدا کيم سالاردي بئشيگيم؟

کيمه قالدي منيم ائويم-ائشيگيم؟

دؤرد يانيمدا ساري سولدات کئشيگيم،

باغلاديلار اليمي، هم قولومو...

 

بئلهليکله، ايکي يولدان بيرينجيسينده گئدنلرين تورکوسو بو... بونو سؤيلهينلرين سسي، وحشي و ايمانسيز توندورالارا ياييلديقدان سونرا، کيم بيلر هانسي بير بوز پارچاسينا چيرپاراق، بؤيوک بير عکسي-سداشکلينده قارلارا گؤمولموشدور.

ايکينجي يولدا گئدنلرين سسسيز فريادلاري داها حزيندير. قوربتين قهري... تانري بونو دوست باشينا گتيرمهسين... کيتابا قونان بو باياتيلاري توپلارکن، بو يولدا سؤزوندن ان چوخ فايدالانديغيم، قوربتين قهري اوزوندن ساچلاري آغارميش، زاواللي بير آذري آناسينين ياشلي گؤزلريني مجهول بير نؤقتهيه ديکهرک، سؤيلهديگيباياتيني يازديقدان سونرا، او دا، من ده سوسدوم... سوسماق...

عزيزيم وطنه ساري،

يول گئدر وطنه ساري،

چيخايديم داغلار باشينا،

باخايديم وطنه ساري...

 

آه، وطنيم، او روي زميني اؤزونه شعار ائدنلر اوتانسايدي باري بير آز...

"دؤنوک قارداش" شعيرينده آلماز ایلدیریم تورکچولوکله آذربايجانچيليغي وحدتده تقديم ائتميشدير:

تورک دئيينجه، اؤزو-سؤزو مرد اولور،

دوست دئيينجه، آيريلماز بير فرد اولور،

قارداش دئييب دارا دوشسم، سيغينسام،

بوندان سورا بو مانا بير درد اولور...

من نه دئييم بو وفاسيز داغلارا،

اؤز قارداشي دؤنوک اولان آغلارا.

 

تورک... او، آلتايلارين دونکي اريمي؟

يولوندا جان قويدوم، وئرديم سريمي.

دوشدوگو آغلاردان قورتارسين دئي،

 سرديم آياغينا دوغما يئريمي.

قارداش ارماغاني تؤکولن قانلار،

مانا موکافاتمي گئدن قوربانلار؟

 

من دئيرديم کاييخاندير سويوموز،

بير قايناقدان وارليغيميز، بويوموز.

ديليم ديلي، يولوم يولو، عمل بير،

بير بايراقدا اولدوزوموز، آييميز.

آذري، تورک، تورکمان... وارمي آيريليق،

هاردان دوغدو بو ايمانسيز سايريليق؟

آلنيميزين يازيسي قارادير، قارا،

قارادان بير يايليق يوللاديم يارا،

يول اوزون، يار اوزاق، يئتيشمز اللر،

تورکلوگون قانايان قلبيني سارا...

 

فلک قييميش بسلنن بو ديلگه،

لعنت تورکو خنجرلهين بيلگه!

 

بير سوچومو دوشمنه کؤکس گرديگيم؟

گوناهيمي تورکلوگه کؤنول وئرديگيم؟

دوشمنين آچديغي يارادان درين،

آنا يورددا اؤز قارداشدان گؤردوگوم.

سسلنسيديم سس چيخاردي هر داشدان،

نه بکلرسن ساغيرلاشان بير باشدان؟

 

قاچدي الي قانلي چيخدي اويوندان،

نه بيليم قهبهليک وارمي سويوندا؟

گيرديگيم اؤزيورددان دؤندريلرکن،

قانيمين آخديغي سينير بويوندا.

آچان لالهلردن بير چلنگ هؤرسم،

تورکلوک دونياسينا ارمغان وئرسم..."

قارا داستان

کيمسه بيلمز تانريداغين ياشيني،

دومان آلميش آلتايلارين باشيني،

اوچورموشدور باشدان دؤولت قوشونو،

ستوتينه يوز چئويرميش زامان هئي

قوجا تورکون دوشدويو درد يامان هئي

دؤرد بير يانا داغيلميش تورک سويلاري،

سؤنموش اوجاق، کؤچوب گئتميش بويلاري،

دردلي-دردلي آخار بوزقير چايلاري،

ساخلار ايچدن گيزلي اوميد، گومان هئي

قوجا تورکون دوشدويو گون يامان هئي

آغ آلنينا قارا يازي يازيلميش،

يايلالاردا دويون-درنک پوزولموش،

گلينلرين گور ساچلاري چؤزولموش،

يادا قالميش، ديلر ائلدن آمان هئي

قوجا تورکون دوشدويو درد يامان هئي

داغدان-داغا چارپيب گئتميش دوغانلار،

قايالاردا ايز بوراخميش آل قانلار،

اوردولارا بويروق وئرمز ائلخانلار

نرده قالميش سدلر ييخان فرمان هئي

قوجا تورکون دوشدويو درد يامان هئي

خاراب اولموش بوخاراسي، باشکندي،

ماتم توتموش سمرقندي، داشکندي،

کندي سؤيلر، تؤکر گؤزدن ياش کندي

نه اوزان وار، نه يازان، نه شامان هئي

قوجا تورکون دوشدويو درد يامان هئي

قازان، باشقورد باتميش، قيريم سورولموش،

منيم چکيک گؤزلو ياريم سوزولموش،

قونوم-قونشوم، بوتون واريم سورولموش،

بولونورمو سيبيريادا ايمان هئي؟

قوجا تورکون دوشدويو درد يامان هئي

تورک ائللري بير-بيرينه يادلانير،

قازاخ، قيرغيز، تورکمن، اؤزبک آدلانير،

آذري تورک يانار، ايچدن اودلانير،

آنا يوردون ايچدن حالي دومان هئي

قوجا تورکون دوشدويو درد يامان هئي

اورقون چاغلار، ياتميش ائللر آييلماز،

تاريم چايي دوغرو يولا قويولماز،

هئي سسله‌نير آمودريا، دويولماز،

سير-دريادا قالماميشدير درمان هئي

قوجا تورکون دوشدويو درد يامان هئي

خزر جوشار، خبر سالار کورون،

آخيب گئدر کور سورونه-سورون،

ايديل آغلار، آلتين اوردو يدين،

آرال کندي وارليغيندا پئشمان هئي

قوجا تورکون دوشدويو درد يامان هئي

آذربايجان درد ايچينده دوغولموش،

سئونلري ديار-ديار قووولموش،

آغلا، شاعير، آغلا، يوردون داغيلميش،

نرده قوپوز، نرده قيريق کامان هئي؟..

نرده بؤيوک وطن - نرده توران هئي!..