• خدآفرین کورپولری - خدآفرینده
    خدآفرین کورپولری - خدآفرینده
  • بابک قالاسی - کلیبرده
    بابک قالاسی - کلیبرده
  • شاعیرلر مزاری - تبریزده
    شاعیرلر مزاری - تبریزده
  • سلطانیه گنبذی - زنجان دا
    سلطانیه گنبذی - زنجان دا
  • شیخ صفی الدین مقبره سی - اردبیل
    شیخ صفی الدین مقبره سی - اردبیل
  • طغرولون مقبره سی - تهران - ری
    طغرولون مقبره سی - تهران - ری

گزیده مجلات

Previous Next
  • 1
  • 2
80         برای دریافت این نسخه اینجا کلیک کنید         Read more
77         برای دریافت این نسخه اینجا کلیک کنید         Read more
59         برای دریافت این نسخه اینجا کلیک کنید         Read more
74         برای دریافت این نسخه اینجا کلیک کنید         Read more
57         برای دریافت این نسخه اینجا کلیک کنید         Read more
75     برای دریافت این نسخه اینجا کلیک کنید         Read more

آذربايجان…آذربايجانين تورکلشمه سي… و آذربايجان خالقينين تشککولو

نیظامی جعفروو

آذربايجانتورک اساسلي آذربايجان خالقي نين تاريخي وطني، دونيانين قديم ائتنوکولتورولوژي مرکزلريندن بيريدير. آذربايجانليلار خالق، ياخود ميلت (سوپر ائتنوس) اولاراق محض آذربايجاندا فورمالاشميشلار. 

  آذربايجان خالقي نين تاريخي عومومتورک تاريخي نين عوضوي ترکيب حيصه سيدير، بونونلا بئله، هر بير تورک خالقي کيمي، آذربايجان خالقي نين دا اؤزونمخصوص فورمالاشما، اينکيشاف تاريخي واردير.اراشديرمالار گؤسترير کي، بو تاريخ اؤزونده ايکي مهم دؤورو: 1) ديفئرئنسياسييا و 2) اينتئقراسييا دؤورلريني بيرلشديرير. ديفئرئنسياسييا دؤورو دئديکده تورک ائتنوسونون موختليف خالقلارا (و سيرادان آذربايجان تورکلرينه، ياخود آذربايجان خالقينا) آيريلماسي پروسئسي نين اينتئنسيو دؤورو نظرده توتولور. اينتئقراسييا ايسه آذربايجان جمعيتي نين ائتنيک تاريخي نين سونراکي دؤورلرينه آيد اولوب، تورک (و بير سيرا غئيري-تورک ائتنوسلارينين) کونسوليداسيياسي، بوتؤو بير خالق تشکيل ائتمه سي پروسئسيندن عيبارتدير. آذربايجان خالقي نين ائتنوسوسيال خاراکتئري ديفئرئنسياسييا دؤورونده موعينلشسه ده، همين خاراکتئرين بير سيرا جيزگيلري محض اينتئقراسييا دؤورونده مئيدانا چيخميشدير. لاکين نظره آلماق لازيمدير کي، آذربايجان سوپئرئتنوسونون (ائلجه ده آذربايجان ديلينين) تشککولونده، تکامولونده ديفئرئنسياسييا-اينتئقراسييا موناسيبتلري کيفايت قدر مورککب طبيعته ماليکدير. آذربايجاندا (و هم حدود رئگيونلاردا) خالقين (و ديلين) فورمالاشديغي دؤورده باش وئرن رنگارنگ اجتماعی-سياسي حاديثه لر همين مورککبلشمه اوچون اساس شرط اولموش، اؤلکه ده  " ناراحات "  بير ائتنيک پروسئس گئتميشدير... 

  آذربايجان خالقي نين تاريخن مسکونلاشديغي (سوپئرئتنوس اولاراق فورمالاشديغي!) جوغرافييا موختليف دؤورلرده موختليف آدلارلا آدلانديريلسا دا،  " آذربايجان "  سؤزو داها گئنيش ياييلاراق 500 مين ک م-قدر اراضينين اساس آدينا چئوريلميشدير. آذربايجانشوناسليقدا بئله بير آيدين تصوور واردير کي،  " آذربايجان "  سؤزو  " رئگيونون تاريخينده گؤرکملي رول اويناميش آتروپاتين آدي "  (يقرار علییو) ايله باغليدير...بورادا صؤحبت او دؤوردن گئدير کي،  " گونئی آذربايجانين بوتون اراضيسي و قوزئی آذربايجان تورپاقلاري نين خئيلي حيصه سي بو و يا ديگر درجه ده آتروپاتين حاکيميتي آلتيندا ايدي "  (اي.علییو). و همين حؤکمدارين آدي تاريخي منبعلرده ايلک دفعه  اا.ا. 331-جي ايلده چکيلسه ده، اونون (اتروپاتين) ائتنيک منسوبيتي باره ده هئچ بير معلومات وئريلمير. 

  آتروپاتين حاکيميتي دؤوروندن باشلاياراق ماننا-کيچيک مادا (ميدييا) اؤز سرحدلريني گئنيشلنديررک آتروپاتئنا (شرق منبعلرينده آتروپاتاکان) آدلانديريلميشدير... آکادئمیک اي.علییوين فيکرينجه،  " همين دؤولتين مئيدانا گلمه سينه کؤمک ائدن اساس سببلردن بيريني بوتون قديم تاريخ عرضينده خئيلي درجه ده آپاريجي رئگيون اولان بو بؤلگه نين اؤزونون ايقتيصادي، سوسيال، مدني و سياسي سويييه سي نين چوخ يوکسک اولماسيندا آختارماق لازيمدير " . 

  آتروپاتئنانين ائتنولينقويستيک منظره سي باره ده موعين تصوور ياراداجاق تاريخي منبعلر، دئمک اولار کي، يوخدور. لاکين ا.ا. 1- مین ایللین اوللريندن باشلاياراق رئگيونون ايرانليلاشماسي پروسئسي بئله بير تکزيبي چتين نتيجه يه گلمه يه ايمکان وئرير کي، آتروپاتئنانين اساس اهاليسي ايرانلي اولموشدور. 

"آتروپاتئنا "  آد-توپونيمي نين آنتيک (ئتيمولوژي) معناسيني ايلک دفعه  آتشپرست ايرانليلار، ياخود ايرانديللي موحيط اونوتدوردو.  " آتروپاتئنا "  (آتروپاتين يوردو)  " آذربايجان " آ (اودلار يوردو، موقدس اودون قوروندوغو مکانا) چئوريلدي...و گؤرونور، ايرانليلار اوچون  " آذربايجان " ين هانسي کونکرئت جوغرافيياني احاطه ائتمه سي او قدر ده ماراقلي دئييلدي، اونلار همين اراضييه وطن کيمي يوخ، ايلاهي بير مکان، حدودسوز موقدس بير يئر کيمي باخيرديلار. منبعلر گؤسترير کي، آتروپاتئنا-آذربايجاندا چوخلو اود معبدلري مؤوجود ايدي. آتشپرست ايرانليلار، حتّی داها اوزاقدان هيندليلر بورايا زيارته گليرديلر. 

  اعتيراف ائتمک لازيمدير کي،  " آذربايجان "  سؤزو تورکديللي موحيطده نينکي فورمالاشماميش، همين موحيطه چوخ سونرالار موسلمان اينتيباهي دؤورونده داخيل اولموشدور. ائراميزين ايلک عصرلريندن باشلاياراق آذربايجانا و هم حدود رئگيونلارا گلرک بورادا مسکونلاشان هون-قيپچاق تورکلري دونياگؤروشو اعتيباريله آتشپرستليکدن چوخ اوزاق اولدوقلارينا گؤره  " آذربايجان "  سؤزونون تاريخن قازانديغي ايدئولوژي سئمانتيکا اوزرينده،  دئمک اولار کي، دوشونمه ميشلر. بونونلا بئله، ايرانلي تصوورونون ياراتديغي  " موقدس آذربايجان "  اوبرازي موسلمان اينتيباهي دؤوروندن اعتيبارن گئنيش ياييلماغا باشلادي. و قئيد ائتمک لازيمدير کي، همين تصوور رئگيونون رسمي دونياگؤروشو اولان ايسلاما بئله گوزشته گئتمه ديگينه گؤره آذربايجان موسلمان تاريخچيلري نين يادداشيندا ايسلاما قارشي ان چوخ موقاويمت گؤسترميش بير اؤلکه اولاراق قالميشدير. آذربايجان تاريخشوناسليغي نين بانيلريندن عا.باکيخانوو  " آذربايجان "  سؤزونو  " آذرباباقان "  (بابکين اودو) کيمي ايضاح ائدير... البتته، بورادا صؤحبت تاريخچي نين نه درجه ده سحو ائتمه سيندن گئتمير، اوندان گئدير کي، اورتا عصرلر موسلمان تاريخشوناسليغيندا آذربايجانين ايسلاما قده رکي دونياگؤ-روشلري ايله باغليليغي تصوورو اولدوقجا گوجلو اولموش، سون دؤورلره قدر ياشاميش، حتّی  "موعاصير آذربايجان "  آنلاييشي نين فورمالاشماسينا دا تاثير گؤسترميشدير. 

"آذربايجان " ين يونان-ايران منشالي دئييل، محض تورک منشالي بير سؤز اولماسي باره ده ده موعين ملاحظه لر واردير، البتته، يونان سؤزونه ايرانلي  " اينتئرپرئتاسييا " سي نه درجه ده طبيعي ايديسه، تورک  " اينتئرپرئتاسييا " سي دا او درجه ده طبيعي ساييلا بيلردي، لاکين مسله بوراسيندادير کي، تورک  " اينتئرپرئتاسييا " سي اورتا عصرلرده دئييل، 20 عصرین 70-80-جي ايللرينده مئيدانا گلميشدير... 

  پروفسور م.سيدوو يازير:  " آذربايجان " يئر آدي حاقدا اورتا يوزيلليکلردن اوزو بري آيري-آيري خالقلارين عاليملري دورلو ملاحظه لر، فيکيرلر سؤيله ميشلر. آنجاق هله ده بو سؤز سيرريني آچماقدان ائله بيل چکينير و اونون علمي سؤز بیچيمي ائتيمولوژي تحلیلي اؤز دوغرو-دوزگون حلليني تاپماميشدير " . گؤرکملي آذربايجانشوناسين فيکرينجه،  " آذربايجان-اوغورلو، ياخشييستر (آز)، ياخشييستر قيرميزي، يعني گونش (ازار//ازر)، وارلي آتا(دان) دئمکدير.و، واختيله ياخشييستر قيرميزي، يعني گونش آنتروپومورفيک تانريسي نين آدي ايميش. سونرالار آز قبيله سيندن اولان خان، اينسان معناسيندا ايشلنميشدير " ... همين فيکيرله راضيلاشماق چتيندير... هر شئيدن اول اونا گؤره کي،  "  آذربايجان "  سؤزو تورکديللي موحيطده فورمالاشديغي اوچون بو قدر مورککب تاريخي اينکيشاف مرحله سيندن کئچه بيلمزدي. ايکينجيسي، مؤليفين تکليف ائتديگي ائتيمولوگييا نه آذربايجان تورکلري نين، نه ده عوموميتله، تورکلوگون تاريخي دونياگؤروشو ايله باغلي دئييل. و نهايت، اوچونجوسو، سؤزون  " اولکي معناسي ايله  " سونراکي معناسي "  آراسيندا سئمانتيک واريثليک، دئمک اولار کي، يوخدور... 

  آذربايجان تورکلري، ايرانليلاردان فرقلي اولاراق، آذربايجاني  " موقددس مکان "  دئييل، محض وطن کيمي درک ائديب مسکونلاشميشلار. و  "  آذربايجان "  سؤزو محض آذربايجان تورکلري نين تفککورونده فورمالاشان (کونکرئت!) اراضي نين موعاصير آدينا چئوريلميشدير کي، بونون دا اساسيندا اونلارين تدريجن مسکونلاشديغي جوغرافي ميقياس (اونون گئنيشلنمه سي سورعتي) دايانميشدير. قئيد ائتمک لازيمدير کي، آذربايجانين بير اؤلکه اولاراق حدودلاري نين موعينلشمه سينده آذربايجان خالقي نين تشککولونون حل ائدیجی تاثيري اولموشدور. بئله کي، خالق فورمالاشديقجا اؤلکه نين ائتنوجوغرافي حدودلاري دا موعينلشميشدير. 

  آذربايجان اراضيسينده تاريخن موختليف دؤولتلرين مؤوجودلوغو اؤلکه نين بوتؤو بير سياسي حاديثه  کيمي قاورانيلماسينا مانع اولماقلا ياناشي،  " آذربايجان "  آنلاييشي نين فورمالاشماسي پروسئسيني ده لعنگيتميشدير. تصادوفي دئييلدير کي، همين آنلاييشين ائتنوقرافيک مضمونو اورتا عصرلرده سياسي مضمونوندان هميشه داها اوستون، آپاريجي اولموشدور...بورادا آذربايجاندا مسکونلاشميش تورکلرين دونياگؤروشو ده مهم رول اويناميشدير: تورکلر بو و يا ديگر ائتنوس-طايفا ايله همين ائتنوسون-طايفانين مسکونلاشديغي اراضي آراسيندا علاقه  گؤرموشلر. مثلن، آذربايجان تورکلري نين ايلک مؤحتشم ائپوسو  " دده قورقود " دا اوغوزلارين ياشاديقلاري مکان محض اوغوز آدلانير. تورکلر آذربايجانا گلنده، هئچ شوبهه سيز، اؤزلري نين ياراتديغي ائتنوتوپونيملرين ايشله ديلمه سينه اوستونلوک وئرميشلر، اولکي يئر آدلاري نين ايستيفاده ائديلمه سينه ايسه 11-13 عصرلردن سونرا باشلاميشلار کي، اونلاردان ان مهشورو  "  آذربايجان "  اولموشدور... 

 "آذربايجان "  آنلاييشي نين تاريخينده 19 عصرین سونو، 20 عصرین اوللري خوصوصي مرحله  تشکيل ائدير. و محض بو دؤورده همين آنلاييشين ائتنوقرافيک، اجتماعی-سياسي، ايدئولوژي مضمونو باره ده گئنيش ميقياسدا دوشونولمه يه باشلانير. ميللي دوشونجه نين تضییق ايله ايلک موستقيل آذربايجان دؤولتي يارانير کي، اونون اراضيسي نين محدودلوغو در حال ديقتي چکير...معلوم اولدوغو کيمي، بو دؤولت چوخ ياشامير، لاکين داها اوزونؤمورلو آذربايجان س س ر-ين يارانماسي اوچون سوسيال-سياسي اساس وئرير کي، 20 عصرین سونلارينا دوغرو همين اساس اوزرينده موستقيل آذربايجان دؤولتي مئيدانا چيخاراق يوکسه لير. 

  عوموميتله، هم بيرينجي، هم ايکينجي، هم ده خوصوصيله، اوچونجو رئسپوبليکا دؤورونده  " آذربايجان "  آنلاييشي گئنيش سياسي مضمون کسب ائتمه يه باشلايير، آذربايجانين قوزئی و جنوبو باره ده صؤحبت داها فعال بير شکيلده گئدير. ايکييه (يالنيز ايکييه مي؟) بؤلونموش اولکه نین، خالقين تاريخي فاجيعه سي ميللي اجتماعی تفککورون ان موختليف ساحه لرينده تظاهور ائدير. 

  بئله ليکله،  " آذربايجان "  آنلاييشي زنگين بير تاريخه ماليکدير-همين تاريخي اينکيشاف پروسئسينده بو آنلاييش کونکرئتلشميش، سياسي-ايدئولوژي مضمونجا دقيقلشميش، آذربايجان خالقي نين ياشاديغي گئنيش اراضيني ايفاده ائتمک اوچون موتيولنميشدير... "  آذربايجان "  سؤزو تورکديللي موحيطده فورمالاشماسا دا،  "  آذربايجان "  آنلاييشي نين سون مين ايلده کي  تکامول فورمالاشما پروسئسي، اساسن، آذربايجان تورک تفککورونون محصولودور.     

** *

...آذربایجانين ائتنيک تاريخي آذربايجان خالقي نين فورمالاشماسي تاريخيندن قديمدير. بو ايسه او دئمکدير کي، آذربايجان خالقي نين فورمالاشماسي پروسئسي باشلايانا قدر آذربايجاندا (و هم حدود رئگيونلاردا) کيفايت قدر مورککب ائتنيک حاديثه لر باش وئرميشدير. بونون بير سببي، حاقيندا صؤحبت گئدن جوغرافييانين ياشاييش اوچون موناسيب طبيعي شرایطيديرسه، ديگر چوخ مهم سببي موختليف ايستيقامتلره گئدن يوللار اوزرينده يئرلشمه سي، ائتنيک، سوسيال-سياسي فالليغي، قاينارليغيدير...و اعتيراف ائتمک لازيمدير کي، آذربايجانين ائتنيک تاريخي نين قديم دؤورو سونراکي دؤورلري ايله موقاييسه اولونماياجاق قدر مباحیثه ليدير مسله نين مورککبليگي ايسه بوراسيندادير کي، همين مباحیثه لر آرتيق اؤز علمي-مئتودولوژي اهميتيني (ائنئرژيسيني!) ايتيره رک  " سياسيلشمسيش " ، باشقا سؤزله، ائتنو-سياسي آمبيسييالارين، سوبيئکتيو ماراقلارين موناقيشه اوبيئکتيوينه چئوريلميشدير. لاکين قديم دؤورلرده آذربايجاندا هانسي ائتنوسون، ياخود ائتنوسلارين (ايبئرقافقازليلارين، ايرانليلارين، ياخود آلتايليلارين، تورکلرين...) آپاريجي يئر توتماسيندان آسيلي اولماياراق آذربايجان خالقي قديم دؤورون سونو اورتا عصرلرين اوللريندن باشلاياراق محض تورک ائتنوسلاري اساسيندا فورمالاشميشدير کي، همين ائتنوسلار (تورکلر) بورايا عئيني دؤورده دئييل، موختليف دؤورلرده گلميشلر. 

  قديم دؤورلرده آذربايجاندا (و هم حدود رئگيونلاردا) محض تورک ائتنوسلاري نين مؤوجود اولماسي، حتّی تورکلرين دونيايا آذربايجاندان (عوموميتله اؤن آسیادان) ياييلماسي باره ده سون زامانلارا قدر موعين علمي-اجتماعی ماراق دوغوران نظريييه آرتيق اؤز  " آزارکئش " لريني دئمک اولار کي، ايتيرميشدير. 

  ... آذربايجاندا (و هم حدود رئگيونلاردا) ايلک سوسيال-سياسي بيرليکلرين ا.ا. 5- مينيلليکده فورمالاشماسيني گومان ائتمک اولار.بونونلا بئله، اونلارين ائتنيک منسوبيتي باره ده هئچ نه دئمک مومکون دئييل. آدلاري بيزه معلوم اولان ان قديم طايفالار ايسه کوتيلر، لوللوبيلر و هورريلردير کي، منبعلر اونلار باره سينده ائ.ه. اييي مین ایللین اورتالاريندان باشلاياراق صؤحبت آچيرلار. همين طايفالار آذربايجانين اساسن جنوبوندا مسکونلاشميشديلار. و شومئر-آککاد منبعلري نين وئرديگي معلوماتا گؤره، واختاشيري اؤن آسیانين گوجلو دؤولتلريني،  خوصوصيله مئسوپوتاميياني ناراحات ائديرديلر. بو معلومات قديم آذربايجانليلارين رئگيوندا حربي-سياسي فالليغيني گؤسترسه ده، بو و يا ديگر درجه ده موکممل دؤولتچيليک تفککورونه ماليک اولوب-اولمامالاري باره ده اهميتلي بير شئي دئمير... 

  آکادئمیک اي.علییوين بئله بير مولاحيظه سيني موختليف خاراکتئرلي فاکتلار تصديق ائدير کي، کوتيلر، لوللوبيلر و هورريلر (اولا بيلسين کي، آدي قديم اؤن آسیا منبعلرينه دوشمه يهن باشقا بير سيرا سوسيال-سياسي بيرليکلر)  " هر بيري قووم طايفالاردان-قونشو اراضيلرده ياشايان، بير ديلين موختليف لهجه لرينده دانيشان و عومومي مدنيتين بير چوخ خوصوصيتلرينه يييلنميش اهالي قروپلاريندان عيبارت ايدي. "  و گؤرونور، گؤرکملي تدقيقاتچي نين ا.ا. 3- مین ایللین سونو ايي مین ایللین اوللرينده آذربايجاندا (و هم حدود رئگيونلاردا) مسکونلاشميش اهالي نين، او جومله دن کوتي، لوللوبي و هورريلرين قافقاز منشالي اولماسي باره ده کي  فيکري ده ائله بير شوبهه دوغورمور. همين فيکري قديم اؤن آسیا ديللري موتخصيصلري اي.م.دياکونوو، ق.ا.مئليکيشويلي ده تصديق ائديرلر؛ اونلارين آراشديرمالاري گؤسترير کي، کوتي، لوللوبي، هورري، اورارتو، آلبان ديللري قافقاز ديللريدير...وموميتله ائ.ه. ايي مین ایللین سونو اي مین ایللین اوللرينه قدر آذربايجاندا، خوصوصيله اونون جنوبوندا قافقاز ائتنوسلاري آپاريجي رول اويناميشلار و بئله ليکله، ا.ا. و-3 مينيلليکلرده آدلاري و ائتنيک منسوبيتلري معلوم اولمايان آذربايجانليلاري نظره آلماساق، اؤلکه نين ا.ا. 3-2 مينيلليکلره آيد سونراکي اهاليسي محض قافقاز منشالي اولموشدور. 

  البتته، قافقاز ائتنوسلاري نين اؤن آسیانين قوزئیندا گئنيش ياييلديقلاري مينيلليکلرده  "  آذربايجان "  آدلي بير اؤلکه، آذربايجانلي آدلي بير خالق يوخ ايدي... 

  ا.ا. 2- مین ایللین سونو اي مین ایللین اوللرينه آيد منبعلر آذربايجاندا  (و هم حدود رئگيونلاردا) داها بير سيرا طايفالارين، ياخود طايفا بيرليکلري نين مسکونلاشديغي باره ده معلومات وئرير: بورايا ائتنيک منسوبيتي معلوم اولمايان توروککيلر، نيگيميخلر، اورواتريلر...ايددير کي، گؤرونور، اونلار آذربايجانين ائتنيک تاريخي نين، حاقيندا صؤحبت گئدن دؤورونده ائله بير سوسيال-سياسي نوفوذا ماليک اولماميشلار. بونونلا بئله، ائ.ه. 3-2 مينيلليکلرده آذربايجاندا (و هم حدود رئگيونلاردا ) ائتنيک يئکجينسليگين پوزولماسي اوچون هر حالدا مونبيت شرایط اولدوغونو اينکار ائتمک مومکون دئييل... 

  آذربايجان اراضيسينده فورمالاشميش بيزه معلوم ايلک دؤولتين ماننانين (ا.ا. 12-9 عصرلر) ائتنيک ترکيبي ده گؤسترير کي، ا.ا. 1- مین ایللین اوللرينه قدر آذربايجاندا مسکونلاشميش اهالي نين اکثريتيني قافقاز ائتنوسلاري تشکيل ائتسه لر ده،  " مباحیثه لي "  ائتنوسلار دا مؤوجود اولموشلار. 

  ...ا.ا.(میلادان قاباق) 2- مین ایللین سونو 1- مین ایللین اوللريندن اعتيبارن آذربايجان اراضيسينده ايران ائتنوسلاري مسکونلاشماغا باشلاديلار. و همين پروسئس يالنيز آذربايجانين دئييل، عوموما اؤن آسیانين ائتنيک منظره سيني اساسلي شکيلده دييشديردي. ايران ائتنوسلاري نين ايران يايلاسينا، اورادان دا آذربايجانا ياييلماسي تدريجن، بونونلا بئله، موتشککول گئديردي. اونا گؤره ده ا.ا. 1- مین ایللین اوللريندن اعتيبارن قافقاز ائتنوسلاري گئتديکجه داها آرديجيل بير شکيلده شيمالا دوغرو سيخيشديريلماغا باشلادي. جنوبدان گلن ايران  " تضييق " ي او قدر گوجلو ايدي کي، آرتيق موعين دؤولت قوروجولوغو تجروبه سي قازانمالارينا باخماياراق قافقاز ائتنوسلاري همين  " تضييق " ين قارشيسيندا داوام گتيره بيلمه ديلر.                           

  اي.علییو ا.ا. 2- مین ایللین سونو اي مین ایللین اولينده آذربايجاندا (و هم حدود رئگيونلاردا) گئدن ائتنيک پروسئسلري نظرده توتاراق يازير:  " آيري-آيري آبوريگئن قروپلارين ديل باخيميندان، سونرا ايسه مدني جهتدن تدريجن آسسيميلياسيياسي اونلاري سون نتيجه ده ائتنيک آسسيميلياسييايا آپاريب چيخاريردي " . و مؤليف سونرا علاو  ائدير کي،  " ديلين دييشمه سي نين نيسبتن تئز بير زاماندا (بعضا ايکينجي و ياخود اوچونجو نسيلده) اينسان قروپلاري نين ائتنيک منسوبيتي نين دييشمه سينه، يئني آسسيميلياسييايا سبب اولماسي حاللاري چوخ تصادوف اولونان حاديثه لردير. مثلن، هينديستاندا، اورتا آسیادا، اافقانیستاندا و ب.يئرلرده بو جور اولموشدور " ...نه جور اولموشدور؟.. گؤرکملي تدقيقاتچي نين فيکرينجه، آذربايجانا (و هم حدود رئگيونلارا) گلرک بورادا مسکونلاشان ايران ائتنوسلاري يئرلي اهاليني ايرانليلاشديرديلار، لاکين عئيني زاماندا  " آبوريگئنلرين نينکي ماددي مدنيتيني و تصروفات نايليتلريني منيمسه ديلر، هابئله موعين درجه ده يئرلي اهالي نين آنتروپولوژي تيپلري نين ده واريثلري اولدولار " . البتته، اي.علییوين اؤزونون ده دؤنه-دؤنه اعتيراف ائتديگي کيمي، ائتنيک منسوبيتي بيلينمه ين (بلکه، اونلار دا ايران، ياخود پروتوايران ائتنوسلاري ايميشلر؟!) طايفالارين ا.ا. 2- مین ایللین سونو 1- مین ایللین اوللريندن  " ايرانلاشماسي "  باره ده بو جور جسارتله دانيشماق دوزگون دئييل. قافقاز منسوبيتي شوبهه دوغورمايان طايفالارين، يني آذربايجانين همين دؤوره قدرکي اساس اهاليسي نين  " ايرانلاشما " سينا گلديکده ايسه، بو، او قدر ده گئنيش ميقياسلي ائتنيک پروسئس اولماميشدير. عکس حالدا، قافقازين هم قوزئیندا، هم ده جنوبوندا موعاصير قافقاز خالقلاري بو جور گئنيش ياييلماز، ديللرينده، دونياگؤروشلرينده، حيات طرزلرينده ايران ائلئمئنتلري بو قدر آز اولمازدي. 

  ...قافقاز خالقلاري نين موختليف آزسايلي طايفا-ائتنوسلاردان عيبارت اولماسي گؤسترير کي، اونلار جنوبدان گلن  " تضییق " ه قارشي او قدر ده موتشککيل موباريزه آپارا بيلمه ميش، حتّی گؤرونور، همين  " تضییق "  اونلاري داها دا آييرميش، موختليف حيصه لره بؤلموشدور کي، بو  " حيصه لر "  آراسيندا تدريجن ديالئکت ديل فرقلري عمله گليب درينلشميشدير...لاکين آذربايجانين قوزئینا (اورادان دا سونرالار قوزئی قافقازا) سيخيشديريلميش قافقاز ائتنوسلاري موختليف خاراکتئرلي منبعلرده حاقيندا گئنيش بحث ائديلن آلبان دؤولتيني ياراتديلار. 

  ...ئراميزدان اولکي سون عصرلرده، ائلجه ده ائراميزين ايلک عصرلرينده آذربايجانين قوزئیندا اساسن اوتي، گيردمان، قارقاز طايفالاري ياشاييرديلار کي، بونلاري تاريخي منبعلر عومومي شکيلده  " آلبانلار " ، ياخود  " آغوانلار "  آدلانديريرلار. اي.علییو يازير:  " هئچ شوبهه سيزدير کي، اؤزونده 20-دن آرتيق طايفاني احتيوا ائتميش آلبان (آلبان-اوتي) آبوريگئن ائتنيک ماسسيوي قافقاز آلبانيياسي نين اراضيسينده اساس، اوستون ماسسيو اولموشدور...اولا بيلسين کي، آلبانلار بو ماسسيوده داها ايري طايفا ايدي. بلکه بونا گؤره بوتون اؤلکه آلبانييا آدلانماغا باشلاميشدي. لاکين بو دا تاماميله مومکوندور کي، بو طايفا اؤز آديني اولکه نین آديندان آلميشدير. " آلبانييا "  آدي نين يوزولماسي ساحه سينده کي  بير چوخ جهدلره باخماياراق هله ليک بير نتيجه حاصیل اولونماميشدير " ... 

  آلبانلارين مسکونلاشديقلاري رئگيونون طبیعی شرایطي ائله ايدي کي، نه ايران ائتنوسلاري، نه ده سونرالار آذربايجاني بوتونلوکله بوروموش تورکلر همين رئگيونا خوصوصي ماراق گؤستريب، اورادا دايمي مسکونلاشماق فيکرينه دوشمه ديلر. و تدريجن اويغونلاشديقلاري، ياشاماق اوچون غئيري موناسيب شرایط اونلاري يادئلليلرين هوجوملاريندان مودافيعه  ائتدي. 

  ا.ا 1- مین ایللین اوللريندن باشلاياراق آذربايجانا (و هم حدود رئگيونلارا) ائتنيک منسوبيتلري تاريخشوناسليقدا مباحیثه لي اولان بير سيرا دؤيوشکن طايفالار، اولا بيلسين کي، موختليف منشالي ائتنوسلاردان عيبارت سوسيال-سياسي بيرليکلر-طايفا ايتتيفاقلاري (کيممئرلر، ساکلار، ايشکوزلار و س.) گلرک بوراداکي ائتنو-سياسي مورککبليگي (سيخليغي!) بير قدر ده آرتيريرلار. خوصوصيله ساکلار، ياخود سکيفلر رئگيوندا بير مودت داها بؤيوک حربي-سياسي نوفوذا صاحيب اولموشلار...گومان ائتمک اولار کي، آذربايجانين شيمال-قرب اوجقارلاريندا مسکونلاشميش ائرمنيلر ده بورايا حاقيندا صؤحبت گئدن دؤورده گليبلر. ياخين  " قووملار " ايندان تاماميله آيري دوشموش همين ائتنوسون نه منشايي، نه ده پرووته ني معلوم دئييل. 

  يئري گلميشکن قئيد ائتمک لازيمدير کي، بير سيرا تدقيقاتچيلار کيممئرلري، ساکلاري، تورک، ياخود پروتوآذربایجانلي سايير،  " ايشکوز " ،  " اوغوز "  ائتنونيمي ايله موقاييسه ائديرلر کي، همين ملاحظه لري اساسلانديرماق اولدوقجا چتين، حتّی دئمک اولار کي، غئيري مومکوندور. 

  ائتنيک مورککبليگي ايله سئچيلن ماننا مادا-ميدييا (ا.ا. 6-7 عصرلر) طرفيندن ايستيلا اولوندوقدان سونرا اونون ترکيبينده کيچيک مادا-ميدييا آدلانماغا، عئيني زاماندا ايمپئرييانين مدني-ايقتيصادي مرکزي فونکسيياسيني يئرينه يئتيرمه يه باشلادي (ي.علییو) کي، بو دا عوموميتله مادا-ميدييانين ائتنيک ترکيبي نين (منظره سينين) موعينلشمه سينه اهميتلي تاثير گؤستردي. لاکين ا.ا. 6 -عصرین اورتالاريندا فارسلار موختليف منشالي ائتنوسلارين ياشاديغي مادادا حاکيميتي اله آلديلار. اونلار ايو عصرین اورتالارينا، يني ماکئدونييالي ايسگندر همين اراضيني ايشغال ائدنه قدر داوام ائدن ايران-هاخامانيشلر دؤولتيني ياراتديلار. قئيد ائتمک لازيمدير کي، بو دؤولت موختليف منشالي ائتنوسلارين حربي-سياسي، ايقتيصادي-تصروفات و مدني-معنوي علاقه لره گيرمه سينه شرایط ياراتماقلا ياناشي، فارس ائتنوسونون فورمالاشماسي نين اساسلاريني قويدو.و محض همين دؤوردن اعتيبارن فارسلار ديگر ايران ائتنوسلاريندان آيريلماغا، دونياگؤروشلري نين، دؤولت قوروجولوغو ايمکانلاري نين گئنيشليگي ايله فرقلنمه يه باشلاديلار کي، همين پروسئس ساسانيلر دؤورونون سونلارينا  قدر داوام ائتدي. 

  مادا-ميدييا ساتراپي آتروپات ماکئدونييالي ايسگندرين وفاتيندان (و اونون ياراتديغي ايمپئرييا داغيلديقدان ) سونرا آتروپاتئنا دؤولتيني قوردو کي، اونون اساسيني کيچيک مادا-ميدييا تشکيل ائديردي. منبعلرين وئرديگي معلوماتا گؤره، آتروپات يالنيز ماداليلاري دئييل، کادوسيلري، آلبانلاري، ساکاسئنلري ده اؤزونه تابع ائتميشدي.و گؤرونور، آذربايجان (و هم حدود رئگيونلاردا) مسکونلاشميش ديگر اساس ائتنوسلار، ياخود ائتنوسيياسي بيرليکلر ده بو و يا ديگر درجه ده اونون نظارتي آلتيندا ايديلر.ي.علییو آتروپاتئنا دؤولتي نين مئيدانا گلمه سي نين مهم سببلريندن بيريني دوغرو اولاراق اوندا گؤرور کي،  " قديم تاريخي عرضينده خئيلي درجه ده آپاريجي رئگيون اولان بو بؤلگه نين اؤزونون ايقتيصادي، سوسيال، مدني و سياسي اينکيشاف سويييه سي ...چوخ يوکسک "  ايدي. بئله کي، آتروپاتئنا ماننا-کيچيک مادا-ميدييانين بیلاواسطه واريثي ايدي. لاکين بئله بير مولاحيظه ايله راضيلاشماق چتيندير کي، گويا  " گونئی آذربايجان طايفالاري نين و خالقلاري نين کوتي، لوللوبي، هورري، ماننالي و باشقالاري نين ماداليلارلا قايناييب-قاريشماسي نتيجه سينده يئني بير ائتنوس-هئللينيزم دؤورونده ماداليلارين اوستونلوک تشکيل ائتديگي آتروپاتئناليلار ائتنوسو تشککول تاپدي "  (ي.علییو). بيرينجيسي، اونا گؤره کي،  " هله هاخامانيشيلر دؤورونده ساقارتاليلار، موکلر، اوتيلر، پاريکانليلار، اورتوکوريبانتلار، کادوسيلر، دارئيتلر، پانتيماتلار، راوسيکلر، کاسپيلر، ماتيئنلر، ماردلار، پارسلار، آناريکالار و ب.، هابئله ماداليلار طرفيندن آسسيميلياسييا ائديلمه ميش باشقا طايفالار ياشاييرديلار "  (ي.علییو). ايکينجيسي ايسه، حاقيندا صؤحبت گئدن ائتنيک پروسئس او قدر ده قديمده باش وئرمه ديگي اوچون همين پروسئسين نتيجه سي اولان ائتنوس، ياخود ائتنيک بيرليک اورتا عصرلرده هله اوزون مودت ياشامالي، دونيا مدنيتينه بؤيوک تؤهفه لر وئرمه لي ايدي... بيزيم فيکريميزجه،  " آتروپاتئنانين اورتا مادا ديلي " ني (ي.علییو) گونئی آذربايجانين بعضي کندلرينده (کوري، پير، ايسهاد، خاررند، قاراگؤز، گلينقايا...) حال حاضيردا ايشلنن آذري ديلي-ديالئکتي نين بیلاواسطه سلفي سايماق (س.ا.کسروي) تاماميله يانليشدير. هر شئيدن اول اونا گؤره کي،  " آتروپاتئنانين  اورتا مادا ديلي "  اگر مؤوجود اولموشسا دا يالنيز آذربايجان اراضيسيني دئييل، موعاصير ايرانين مدني جوغرافيياسيني بوتؤولوکده احاطه ائتميشدير.و اونو دا نظره آلساق کي، هاخامانيشيلر دؤورونده مادا-ميدييا سورعتله فارسلاشيردي، اوندا ايرانلاشمانين نه درجه ده ميقياسلي ديفئرئنسيال ائتنولينقويستيک پروسئس اولدوغونو تصوور ائتمک چتين دئييل. 

  ي.علییوين آذربايجان تاريخي، او جومله دن آذربايجان خالقي نين ائتنوگئنئزي باره ده کي  ان مباحیثه لي (بيزيم فيکريميزجه ايسه، ان يانليش!) قناعتي بوندان عيبارتدير کي،  " آذربايجان  "  آنلاييشي نين اؤزونون، هابئله اونونلا باغلي اولان ائتنو-مدني، اجتماعی و سياسي سجيييه لي حديسه لرين و حاللارين باشلانغيجي وطنيميزين تاريخي نين محض آتروپاتئنا دؤورونده قويولموشدور. قديم آذربايجان دؤولتچيليگي نين، قديم آذربايجان، داها دقيق آتروپاتئنا مادا خالقي نين منشايي محض بوراداندير " . 

  ... آذربايجان خالقي نين اساسيندا  " آتروپاتئنا-مادا خالقي " ني گؤرمک تورک ائتنوسلاري نين آذربايجان  خالقي نين فورمالاشماسينداکي حل ائدیجی رولونو اينکار ائتمک دئمکدير کي، بو جيدي مئتودولوژي قوصوردور... 

  آذربايجانين موختليف رئگيونلاريندا تجريد اولونموش ايران (ائلجه ده قافقاز) منشالي ائتنوسلار  بو گونه قدر مؤوجوددورلارسا، اوندا تورکلر کيمي (و نه زامان) آسسيميلياسييا  ائتميشلر؟.. آتروپاتئنا مادا ائتنوسو، خالقي (داها دوغروسو، سوپئرئتنوسو) باره دهکي نظريييه، گؤرونور، پانيرانيزمين ايدئولوگيياسي نين تظاهوروندن باشقا بير شئي دئييل. اگر بئله اولماسايدي، ا.ا. 1- مينيلليکده اؤن آسیانين  گئنيش چؤللرينه سپلنميش ايران ائتنوسلاري نين تمرکوزلشديگي يئر اولاراق محض آذربايجانين جنوبو سئچيلمزدي... همين جهدين معلوم تاريخي فاکتلارا دئييل، موعاصير ايدئولوگييالارا، تصوورلره، ماراقلارا اساسلانديغيني اي.علییوين بئله بير مولاحيظه سي ده تصديق ائدير:  " بيز ...آذربایجان خالقي نين اجدادلاري سيراسيندا دييارين يالنيز ان قديم ساکينلري نين دئييل، هابئله گلمه ايرانديللي ماداليلارين دا آديني چکيريک. ماداليلارين بو تورپاغا گليشينه قدرکي تاريخ ده، موعين درجه ده بيزيم تاريخيميز، خالقيميزين تاريخيدير. حاظیردا تورک ديللريندن بيرينده دانيشان آذربايجانليلار ماداليلار واسيطه سيله هيند-ايران، داها گئنيش ميقياسدا ايسه هيند-آوروپا ععالمینه باغلانير، ايرانليلارلا، هيندليلرله، گئرمانلارلا، سلاويانلارلا و باشقا خالقلارلا قووملوغا يئتيرلر. آذربايجانليلار محض ماداليلار واسيطه سيله ايران مدنيتي نين ده واريثلرينه چئوريلير، ايرانديللي خالقلارلا بيرگه بو زنگين عالمه، ائپوسا، آوئستايا، زردوشتلوک تعليمينه و بير چوخ ديگر تاريخي-مدني ديرلره صاحيبليک حقوقو قازانيرلار " . 

  مسله بوراسيندادير کي، آذربايجانليلاري - آذربايجان خالقيني آوئستانين، زردوشتلوگون، عموميتله ايران مدنييتي نين، دوغرودان دا،  " زنگين عالم " ي نين واريثي اعلان ائتمک اونو (آذربایجان خالقيني) حقیقتن منسوب اولدوغو باشقا بير زنگين عالمدن-قديم تورک ائپوسوندان، هون-تورک دؤولتچيليک عنعنه لريندن، تانريچيليق دونياگؤروشوندن اوزاقلاشديرماق، کؤکونه، اصلینه يادلاشديرماق مقصديندن ايره لي گلير کي، همين  " مئتودولوگييا "  آذربايجاندا 20 عصرین 30-جو ايللريندن اعتيبارن خوصوصي اولاراق ايشله نيب حاضيرلانميش، آرديجيل بير شکيلده حياتا کئچيريلميشدير...آذربایجان خالقي کوتيلر، لوللوبيلر، هورريلر، مانناليلار، آلبانلار واسيطه سيله قافقاز، ماداليلار-آتروپاتئناليلار واسيطجيله ايران(عومومن هيند-آوروپا)، قيپچاقلار، اوغوزلار واسيطه سيله تورک دونياسينا باغلانمالي اولسا، اوندا گرک آذربايجانليلاري، بير سيرا  " آذربايجانشوناسلار "  کيمي، کونقلامئرات، ائکلئکتيک بير  " خالق " ، موختليف منشالي ائتنوسلارين تاريخي  " ايتتيفاق " ي ائلان ائدک. همين منطيقله ياناشساق،ينگيليسلر ده، فرانسيزلار دا، آلمانلار دا، روسلار دا مورککب ائتنيک ترکيبه ماليکديرلر، عوموميتله، دونيادا موستقيل ائتنوکولتورولوژي سيستئملر مؤوجود دئييل، ائتنوسلار بير-بيرينه قاريشميشلار. 

  ...  " آتروپاتئنا-مادا خالقي " نين (ائلجه ده ديلي نين!) مؤوجودلوغونا شوبهه ائدن آکادئمیک س.سومباتزاده تاماميله دوغرو اولاراق گؤسترير کي، 3- عصرده ساسانيلر دؤولتي ترکيبينه داخيل اولانا قدر آتروپاتئنا موختليف ديللرده دانيشان طايفالاردان، ياخود خيردا خالقلاردان عيبارت ايدي.و عئيني زاماندا بوتون لاتين، يونان و سونراکي دؤوره آيد ائرمني منبعلرينده، بير قايدا اولاراق،  " آتروپاتئنا " ،  " آتروپاتاکان "  اؤلکه آدينا تئز-تئز راست گلديگيميز حالدا،  " آتروپاتانليلار " ، يعني خالق آدينا اولدوقجا آز تصادوف اولونور... بئله ليکله، ماننادا، ميدييادا اولدوغو کيمي، آتروپاتئنادا دا او درجه ده اهميتلي ائتنيک کونسوليداسييا پروسئسيندن صؤحبت گئده بيلمز کي، اونون نتيجه سينده آز-چوخ مرکزلشميش بير ائتنيک بيرليک-خالق يارانميش اولسون.  " آتروپاتئنا-مادا خالقي "  باره ده کي  نظريييه نين تنقيده دؤزمه يه ن داها بير سيرا طرفلري واردير...ملوم اولدوغو کيمي، ائراميزين ايلک عصرلريندن (حتی بير سيرا اساسلانديريلماسي چتين اولان ملاحظه لره گؤره، ا.ا. 1- مین ایللین سونلاريندان!) اعتيبارن آذربايجانا (و هم حدود رئگيونلارا) ايلک هون-تورک طايفالاري آخيشماغا باشلاديلار-قافقازين قوزئیندان جنوبونا حرکت ائدن همين طايفالارين اساس مقصدلري بورادا مسکونلاشماق يوخ، سادجه، اؤن آسیاني، او جومله دن آذربايجاني ياغمالاييب يئنيدن قافقازين قوزئینا، قيپچاق چؤللرينه قاييتماق ايدي. موختليف خاراکتئرلي منبعلرين وئرديگي معلوماتا گؤره، هون تورکلرين قافقازين جنوبونا، حتّی اؤن آسیانين ايچريلرينه هوجوم ائتديکلري 1- مین ایللین بيرينجي ياريسيندا اونلارين قارشيسيندا دوراجاق بير ائتنوسيياسي قووو يوخ ايدي. عوموميتله، قديم دؤورون سونلارينا دوغرو آذربايجاندا (و هم حدود رئگيونلاردا) ائتنيک کونسوليداسييادان چوخ، ائتنوسيياسي داغيلما، پارچالانما پروسئسي گئديردي کي، همين پروسئس تدريجن بورادا مسکونلاشان هون-قيپچاقلار اوچون الوئريشلي سوسيال-سياسي شرایط ياراتدي. 

  بئله ليکله، آذربايجان خالقي نين فورمالاشماسي پروسئسي باشلايانا قدر آذربايجانين ائتنيک تاريخيني آشاغيداکي دؤورلره بؤلمک اولار: 

  1-. ا.ا. 5- مينيلليکدن ا.ا. 3 مین ایللین اورتالارينا قدر  ائتنيک  " غئيري موعينليک "  دؤورو. 

  2-. ا.ا. 3- مین ایللین اورتالاريندان ا.ا. 2- مین ایللین سونو 1- مین ایللین اوللرينه قدر  قافقاز ائتنوسلاري نين گئنيش ياييلديغي دؤور. 

  3-. ا.ا. 2- مین ایللین سونو 1- مین ایللین اوللريندن ائراميزين 1- مينيلليگي نين اورتالارينا قدر ايران ائتنوسلاري نين گئنيش ياييلديغي دؤور.     

***

  ... آذربايجان خالقي نين تشککولونون بيرينجي مرحله سيني هون-قيپچاق تورکلري نين آذربايجاندا مسکونلاشماسي تشکيل ائدير. 

  هون-قيپچاقلار ائراميزين باشلانغيجيندا قافقازين قوزئیندا، عوموما بؤيوک چؤلده، ياخود قيپچاق چؤللرينده ياييلاراق بو يئرلرين اساس ساکينلرينه، حتّی بئله دئمک مومکونسه، صاحيبلرينه چئوريلديلر. و چوخ کئچمه دي کي، اونلار قافقازين جنوبوندا دا گؤروندولر... هون-قيپچاقلار موختليف سوسيال-سياسي بيرليکلردن عيبارت اولسالار دا، اونلارين ائتنيک ترکيبي، دئمک اولار کي، عئيني ايدي، عئيني ديلين بير-بيريندن آز فرقلنن ديالئکتلرينده دانيشيرديلار. 

  هون-قيپچاقلار ائراميزين ايلک عصرلرينده، اساسن، آذربايجانين قوزئیندا-آلبانييادا مسکونلاشميشديلار. جنوبا بير سيرا اوغورلو يوروشلري اولسا دا، گؤرونور، بؤيوک چؤلدن چوخ آرالانماق اونلاري تامین ائتميردي و بير مسله ني ده نظره آلماق لازيمدير کي، هون-قيپچاقلار همين چؤل بويو شرقدن قربه گئديرديلر. بو حرکت ايستيقامتي اونلارين حيات طرزينه هم اويغون ايدي، هم ده اؤن آسیاداکي ائتنوسوسيال سيخليق (مانعه!) بورادا مؤوجود دئييلدي. 

  آذربايجاندا (قافقازين جنوبوندا) مسکونلاشان هون-قيپچاقلار، اساسن، ساويرلردن، بولقارلاردان و خزرلردن عيبارت ايدي. و 1- مین ایللین اورتالاريندا اونلار آلبانييا اراضيسينده او قدر گئنيش ياييلميشديلار کي، آکادئمیک ض.بونيادووون وئرديگي معلوماتا گؤره، خليفه 1- معاوييه آذربايجانين عربلر طرفيندن ايشغالي زاماني بو اولکه نین نئجه بير اؤلکه اولماسي باره ده ماراقلانارکن قوشون کومانداني دئميشدي:  " آذربايجان قديملردن تورک اؤلکه سيدير، اونلار طرفيندن مسکونلاشديريلميشدير " . يئري گلميشکن قئيد ائدک کي، آذربايجاندا محض  " قديملردن "  تورکلرين ياشاماسي حاقيندا فيکير 1- مین ایللین اورتالارينا آيد قافقاز منبعلرينده بو و يا ديگر درجه ده ياييلميشدير. بيزيم فيکريميزجه، همين آناخرونيزم تورکلرين رئگيوندا توتدوقلاري بؤيوک سوسيال-سياسي موقعيين تاثيري آلتيندا يارانميشدير. 

  هون-قيپچاقلار آذربايجانين جنوبوندا دا بو و يا ديگر درجه ده مسکونلاشميشديلار... لاکين شيمالدا سياسي حاکيميت بیلاواسطه اونلارين اللرينده ايدي. جنوبدا ايسه ايران ائتنوسلاري هله ده اوستونلوک تشکيل ائديرديلر. 

  3- عصرده آذربايجانين جنوبو آدورباداقان ساسانيلر دؤولتي نين ترکيب حيصه سينه چئوريلير. اوللر آدورباداقانين ائتنيک جوغرافيياسي آتروپاتئنانين ائتنيک جوغرافيياسي ايله، دئمک اولار کي، اساس پارامئترلري ايله اوست-اوسته دوشوردو. لاکين سونرالار بورادا هون-قيپچاقلار دا موعين موقع توتماغا باشلاديلار. قافقاز ائتنوسلاري ايسه، عکسينه، جنوبداکي ائتنوسيياسي موقعلريني تاماميله ايتيرميشديلر...ادورباداقان اهاليسي نين اکثريتيني تشکيل ائدن ايران ائتنوسلاري آتروپاتئنا دؤورونده اولدوغو کيمي، موختليف ديالئکت، ياخود طايفا ديللرينده دانيشيرديلار: بونلار ايندييه قدر آذربايجاندا ياشايان تاليش، تات، آذري و س. خالقلارين، طايفالارين بابالاري ايديلر. و اورتا عصرلرين اوللريندن اعتيبارن فورمالاشماغا باشلايان فارس ديلي (عيني زاماندا فارس ائتنيک عنصرلري) آدورباداقاندا گئنيش ياييلميشدي. عوموميتله، همين ديل سونرالار دا آذربايجانين هم جنوبوندا، هم ده قوزئیندا يالنيز يوکسک طبقه لرين، سارايلارين اونسيتينده ايستيفاده ائديلميش، خالق کوتله لري آراسيندا ياييلماميشدي... 

  ...هون-قيپچاقلارين قافقازين جنوبوندا سوسيال-سياسي نوفوذلاري نين گوجلنديگي عصرلرده ائرمني کيلسه سي نين رولو يوکسه ليردي، گورجو طايفالاري دا تورکلرين ايلک گليشلري دؤورونده ياراتديقلاري هرج-مرجليکدن ايستيفاده ائديب اراضيلريني جنوب-شرقه دوغرو گئنيشلنديريرديلر... 

  عرب هوجوملاري دؤورونده ده آذربايجاندا تورکلوگون موقعييني يوکسلدن اساس منبع قوزئی قافقاز، بؤيوک چؤل اولاراق قاليردي.شيمالدان گلن خزر-تورک هوجوملاري نين قارشيسيني آلماق اوچون عربلر ده ساسانيلر کيمي سدد چکمه لي، خوصوصن سرحد قارنيزونلاري ساخلامالي اولوردولار. و گؤرونور، هون-قيپچاقلارين سربست حرکتينه مانع اولان بو جور تدبيرلر ائرمني کيلسه سينه، ائلجه ده گورجو طايفالارينا قافقازين جنوبوندا کيفايت قدر گئنيش فاليت ايمکاني وئريردي...لاکين ساسانيلر کيمي عربلر ده تورکلرين جنوبا ائنيشي نين قارشيسيني آلماق ايقتيداريندا دئييلديلر 7-8 عصرلرده خزر تورکلري عرب قوشونلاريني دفعه لرله دارماداغين ائديب، آذربايجانين قوزئیندا مسکونلاشميشديلار. ا.س.سومباتزاده گؤسترير کي، عربلرله خزرلرين اينتئنسيو بير شکيلده گئدن موحاريبه لري دؤورونده  " آذربايجانين کؤکلو اهاليسي نين-آتروپاتئناليلارين، آلبانلارين... تؤرملري نين سايي اهميتلي درجه ده آزالمايا معروض قالدي " . شوبهه سيز کي، حربي-سياسي پاسسيونارليق دؤورو کئچيرن عربلرله خزرلرين، عوموما تورکلرين قارشيلاشديقلاري، چوعصرليک موحاريبه لر آپارديقلاري بير دؤورده غئيري پاسسيونار ائتنوسلارين مودافيعه  اولونماق ايمکانلاري دئمک اولار کي، يوخ ايدي. و عربلرين ايستيلا ائتديکلري اراضيلري خوصوصيله ويلايتلرله بؤلمک، ائتنوسلارين حرکتيني محدودلاشديرماق جهدلري قافقازين جنوبونو آرتيق اؤزونونکو سايان تورکلري-خزرلري تامین ائتميردي. اونلار آذربايجانين چؤللرينده سربست دولاشماق ايسته ييرديلر... عربلره قارشي موباريزه ده، طبيعي کي، يالنيز شيمالدان-بؤيوک چؤلدن گلن تورکلر-خزرلر دئييل، موعين معنادا آرتيق  " يئرلي "  آدلانا بيلن تورکلر-ساويرلر، بولقارلار، خزرلر ده ايشتيراک ائديرديلر. گؤرونور، 9- عصرده کي  مشهور بابک حرکاتيندا همين تورکلر ده بو و يا ديگر درجه ده رول اويناميشديلار. بو حرکاتين اساس ترکيبي، چوخ گومان کي،  " قديم آذربايجانليلار " دان عيبارت ايدي. چونکي عربلرين تبليغ ائتديگي ايسلاملا باريشماياجاق دينلري محض اونلار داشيييرديلار. 

  هون-قيپچاقلارين آذربايجاندا، خوصوصيله، اونون قوزئیندا مسکون-لاشديقلاري تخمينن مين ايلليک دؤورده تورک ديلي اؤلکه ده کيفايت قدر گئنيش ياييلماغا باشلادي، 5-10 عصرلرين قافقاز منبعلرينده ايشلنن تورکيزملر ده بونو ثوبوت ائدير. لاکين همين ديل يالنيز دانيشيق ديلي ايدي. و عومومیتله، هون-قيپچاقلارين يازيسي اولماميشدي... آذربايجان ديلي تاريخي نين گؤرکملي تدقيقاتچيسي، پروفئسسور ع.دميرچيزاده نين (ائلجه ده اونون طلبه لرينين) عومومخالق آذربايجان ديلي نين  

3-5 عصرلرده فورمالاشديغي باره ده کي  مولاحيظه سينه گلديکده ايسه دئمک لازيمدير کي، آ) همين عصرلر هله قديم (-عوموم) تورک ديلي نين مؤوجود اولدوغو دؤوردور، بو دؤورده هر هانسي موستقيل تورک ديلي باره ده، عوموميتله، صؤحبت گئده بيلمز؛ ب) آذربايجانين، اساسن، قوزئیندا، باشقا سؤزله، قافقازين جنوبوندا (يعني خوصوصي ائتنيک مورککبليگي ايله فرقلنن بير رئگيوندا) مسکونلاشميش هون-قيپچاقلار نينکي 3-5 عصرلرده، حتّی بير نئچه عصر سونرا دا آذربايجان  تورکلوگونون هله يالنيز اساسلاريني ياراديرديلار. 

  ائراميزين ايلک عصرلرينده قافقازين جنوبوندا خريستيانليق ياييلماغا باشلادي...و چوخ کئچمه دي کي، رئگيوندا مؤوجود اولان اساس ائتنوسلار (داها دوغروسو، سوپئرئتنوسلار!) آلبانلار، گورجولر و ائرمنيلر خريستيان کيلسه سي نين اؤزلرينه مخصوص  " واريانت " لاريني ياراتديلار. بير-بيري ايله موباريزه آپاران آلبان، گورجو و ائرمني کيلسه لري ائتنيک پروسئسلره ده بو و يا ديگر درجه ده تاثير گؤستريرديلر... آذربايجان تاريخشوناسليغيندا بئله بير اساسسيز فيکير مؤوجوددور کي، گويا ائرمنيستاندا ياشايان آلبانلارين بير حيصه سي ائرمنيلشميش، بير حيصه سي ايسه تورکلشميشدير (آکادئمیک ز.بونيادوو، پروفئسسور ن.و ليخانلي). هالبوکي آلبان کيلسه سي (و آلبانلار) سون دؤوره قدر ائرمني کيلسه سينه (و ائرمنيشلشمه يه) قارشي موباريزه آپارديقلاري کيمي، هون-قيپچاقلارلا نه قدر ياخين سوسيال-سياسي، مدني علاقه لره گيرسه لر ده، هئچ زامان کوتلوي صورتده تورکلشمه ميشلر. 

  آذربايجانين عرب خيلافتينه داخيل اولماسي اؤلکه ده (آذربایجان دا) گئدن ائتنيک پروسئسلره موختليف باخيملاردان اهميتلي تاثير گؤستريردي. مثلن، قافقازين جنوبونا اوزاق عربيستاندان خئيلي ميقداردا عرب کؤچورولدو کي، بونلار خيلافتين شيمال سرحدلريني قورومالي، ايشغالچيلارين سوسيال-سياسي داياغي اولمالي ايديلر. ياخود ايسلام ديني نين قبولو پروسئسينده موختليف ائتنوسلاردا اؤزونودرک (و ايفاده) اووقاتي گوجلندي... بونونلا بئله، ز.بونيادووون  " اولا بيلسين کي، آرران اهاليسي نين بير حيصه سي (آلبانلار) چوخ تئز عربلشمه يه معروض قاليب، عربلرله قايناييب-قاريشميش، سونرالار ايسه سلجوق تورکلري گلديکدن سونرا عربلرله بيرليکده تورکلشمه يه معروض قالميشلار "  مولاحيظه سيني اساسلانديرماق چتيندير. همين سؤزلري پروفئسسور آ.ق.شانيدزئ نين آشاغيداکي فيکري باره ده ده دئمک اولار:  " قافقاز آلبانلاري اؤز ميللي سيماسيني ايتيره رک قونشولارلا (باشليجا اولاراق آذربايجانين تورکديللي اهاليسي و ائرمنيلرله، آز ميقداردا گورجولرله و قافقازين ديگر خالقلاري ايله) قايناييب-قاريشميشلار... " .  

  مسله بوراسيندادير کي، قافقازين تاريخينده کيفايت قدر مؤحتشم رول اويناميش بير جمعيتدن " سوپئرئتنوس " دان موعاصير دؤوره اوديلردن باشقا بیلاواسطه واريث-قاليق قالماميشدير. تدقيقاتچيلار ايسه هئچ جور اينانماق ايستميرلر کي، بؤيوک اينسان احتياطلارينا ماليک اولماسي ائله بير شوبهه دوغورمايان آلبانييادان قالان يالنيز بو آزسايلي خالق، ياخود ائتنيک قروپدور. اودور کي، پروبلئمدن چيخيش يولونو قديم آلبانلاري موعاصير گونئی قافقازين سوپئرئتنوسلاري آراسيندا بؤلوشدورمکده گؤرورلر... 

  بيزيم فيکريميزجه، آلبانييانين  " ائتنيک ترکيبي "  پروبلئميني داها دا مورککبلشديرن مسله بو و يا ديگر درجه ده بوتؤو، مرکزلشميش بير  " آلبان ائتنوسو " نون مؤوجودلوغو قناعتدير. گؤرونور،  " آلبان خالقي " ،  " آلبان ديلي " ايفاده لريني آنجاق شرطي معنادا ايشلتمک مومکوندور. و گؤرونور، آلبان طايفالاري عرب ايشغالي دؤورونده موختليف ائتنوسلار طرفيندن اينتئنسيو سوسيال-سياسي  " تضييق " ه معروض قالارکن اونلارين ائتنوکولتورولوژي باخيمدان فعال حيصه سي (اوديلر) آلبان کيلسه سي اطرافيندا سيخ بيرلشرک  " موناقيشه لي "  رئگيوندا بئله اؤزلريني کومپاکت شکيلده موحافيظه ائده بيلميش، ديگر طايفالار ايسه محض ديني دونياگؤروشلري نين آرخايکليگي، غئيري-کوتلويليگي اوجباتيندان شيمالا-قافقازين يوکسکليکلرينه دوغرو چکيلمه لي، ائتنيک منسوبيتلريني قوروماق اوچون غئيري-موناسيب يئرلرده ياشامالي (دالدالانمالي!) اولموشلار. 

  ... هون-قيپچاقلارين، آرتيق قئيد ائديلديگي کيمي، بعضا اؤن آسیانين ايچريلرينه قدر گئدن يوروشلري آذربايجانين عومومي ائتنيک سيماسيندا پرينسيپيال دييشيکليگين اساسيني قويدو. بئله کي، همين يوروشلرين  " تضييق " ي آلتيندا آتروپاتئنا-آذربايجانين ايرانديللي اهاليسي اؤلکه نين دوزنگاه اراضيلريني بوشالداراق ياشاييش اوچون او قدر ده موناسيب اولمايان، لاکين مودافيعه يه ايمکان وئرن يئني رئگيونلاري مسکونلاشديرير، يا دا جنوبا دوغرو چکيليرديلر. يالنيز بئله بير فاکتي قئيد ائتمک کيفايتدير کي، 11- عصرین اوللريندن اعتيبارن خزر دنيزي نين جنوبو ايله شيمال-شرقدن شيمال-قربه دوغرو بير قؤوس جيزاراق آذربايجانا يوروش ائدن اوغوز-سلجوقلارين قارشيسينا جيدي بير سوسيال-سياسي مانعه چيخمادي. بو، هون-قيپچاقلارين، خوصوصيله، خزرلرين اوغوز-سلجوق يوروشلري عرفه سينده اونلارا گؤسترديکلري بؤيوک حربي استراتئژي خيدمت ايدي. 

  بئله ليکله، 1- مينيلليکده آرديجيل هون-قيپچاق يوروشلري نتيجه سينده آذربايجانين قوزئی تدريجن تورکلشدي، جنوبونون آتروپاتئنا دؤورو موعينلشميش ائتنيک منظره سي (اصلينده ائکلئکتيکاسي!) شيمالدان گلن سياسي موداخيله لر نتيجه سينده دئفورماسييا اولوناراق داها غئيري-موتشککيل بير منظره آلدي. و بونونلا دا آذربايجان خالقي نين تشککول تاريخيني بيرينجي مرحله سي باشا چاتدي...  

  آذربايجان خالقي نين تشککولونون ايکينجي مرحله سي (اوغوز تورکلري نين آذربايجانا آخيني) 11- عصرین (و 2- مین ایللین!) اوللرينده باشلادي... اونلار آذربايجاني ائتنوسيياسي باخيمدان داغينيق، غئيري-موتشککيل جنوبونو چوخ قيسا بير مودتده توتوب، شيمالا-قافقازين جنوبونا دوغرو حرکت ائتديلر. لاکين بورادا اوغوزلاري کيفايت قدر جيدي موقاويمت گؤزله ييردي. آلپ آرسلان بو موقاويمتي ده تئزليکله قيرا (و قافقازين جنوبونو ايشغال ائد) بيلدي. و بئله ليکله، 11- عصرین سونلاريندا آذربايجانين هم قوزئی، هم ده جنوبو آرتيق اوغوز تورکلري نين ياراتديقلاري سلجوقلار ايمپئريياسي نين ترکيبينه داخيل اولدو...ايمپئرييانين آيدين سرحدلري اولماسا دا، ساحه سي هم کيفايت قدر بؤيوک ايدي، هم ده گئت-گئده گئنيشله نيردي. 11- عصرده، ائلجه ده 12- عصرین اوللرينده اوغوز تورکلري آذربايجانين (و هم حدود رئگيونلارين) ائتنيک سيماسيني تاماميله دييشديرديلر. ايستر تورک (قيپچاق)، ايستر ايران، ايسترسه ده قافقاز ائتنوسلاري نين، خالقلاري نين اوغوزلارا گؤسترديگي موقاويمتين هئچ بير اهميتي يوخ ايدي. چونکي عوموميتله 2- مین ایللین اوللريندن باشلايان تورک اوغوز فتوحاتي ائله بير حاديثه  ايدي کي، اونون قارشيسيني آلماق سادجه اولاراق، مومکون دئييلدي. 

  اوغوز تورکلري، حاقيندا صؤحبت گئدن دؤورده آذربايجاني بوتونلوکله تورکلشديرديلر، داها دوغروسو، 1- مین ایللین ايلک عصرلريندن باشلايان همين پروسئس (آذربایجانين تورکلشمه سي!) 2- مین ایللین ايلک عصرلرينده مين ايلدن سونرا کئيفيتجه باشا چاتدي. اوغوزلار موختليف طايفالاردان عيبارت ايديلر. همين طايفالار خئيلي درجه ده ديفئرئنسيال خوصوصيتلر داشيييرديلار...لاکين سلجوقلارين باشچيليغي آلتيندا توپلاشميش اوغوزلار حربي-سياسي باخيمدان اولدوقجا همري ايديلر کي، بو دا اونلارين گئنيشميقياسلي قلبه سيني تامين ائدن اساس شرطلردن بيري ساييلا بيلر. 

  11-12 عصرلرده آذربايجاندا مسکونلاشان اوغوز طايفالاري آراسيندا بير-بيريني اينکار ائدن ايکي پروسئس گئديردي: آ) بير طرفدن عومومي-سوسيال سياسي مقصدلر نامينه طايفا موختليفليگي تدريجن آرادان قالخير؛ ب) ديگر طرفدن ديفئرئنسياسييا (موختليفليک) گوجله نيردي...بيرينجي حاديثه  آذربايجانين داها چوخ جنوبوندا، ايکينجيسي ايسه داها چوخ قوزئیندا اؤزونو گؤستريردي... سببي او ايدي کي، آذربايجانين قوزئیندا اوغوز طايفالاري اولدوقجا مورککب ائتنيک شرایطه دوشموشدولر، همين شرایط اونلارين بيرلشمسيني،  " ايدئولوژي "  باخيمدان حاضيرليقلي (و حيله گر!) قونشولارا موقاويمت گؤستره بيلمه سيني طلب ائديردي. جنوبدا ايسه داخيلي چکيشمه لر داها گوجلو ايدي. 

  ... 12- عصرین 30-جو ايللرينده آذربايجاندا آتابيلر دؤولتي ياراندي کي، آذربايجاني ائتنوکولتورولوژي تاريخينده اهميتلي رول اويناميش همين دؤولت مونقول-تاتار هوجوملارينا قدر مؤوجود اولدو.اتابيلر دؤورونده آذربايجان اراضيسي نين چوخ حصه سی بوتؤو بير دؤولتين ترکيبينده بيرلشميش، آذربايجان خالقي نين تشککولو تاريخينده يئني مرحله  باشلاميشدي... حاکیميتده اولان سلجوقلار فارس ديلينه خوصوصي ديقت وئريب سارايدا، بير قايدا اولاراق، همين ديلده دانيشسالار دا، گئنيش خالق کوتله لري فارس ديليني بيلمير، يالنيز تورکجه دن ايستيفاده ائديرديلر. مسله نين محض بو جور اولدوغونو گؤسترن فاکتلاردان بيري آذربايجان تورکلري نين (اوغوزلارين) ياراتديقلاري مؤحتشم  " دده قورقود "  ائپوسودور. ائپوسدا گلمه موسلمان اوغوزلارلا يئرلي غئيري-موسلمان (بوتپرست، تانريچي، خريستيان و س.) قيپچاقلار، قافقاز، يونان ائتنوسلاري، خالقلاري آراسينداکي تاريخي موناقيشه، موحاريبه لر اؤز عکسيني تاپميشدير.  " دده قورقود " اون بيزه گليب چيخميش اليازمالاري بير نئچه عصر سونراکي دؤورلره آيد اولسا دا، ائپوسون ديلي ايله  " کيتاب " ين ( " کيتابي-دده قورقود " ين) ديلي، اوسلوبو آراسيندا ائله بير فرق يوخدور... 

  ائپوسدا جريان ائدن حاديثه لرين جوغرافيياسي اساسن قافقازين جنوبونو، موعين درجه ده ايسه آنادولونون شرقيني احاطه ائدير حیس اولونور کي، اوغوزلار قافقازين جنوبوندا آرتيق مؤحکملنميش، اونلارين قارشيسيندا قربه دوغرو يئني حرکت اوفوقلري آچيلميشدير... 

  ايسلامي قبول ائتميش اوغوزلارين آذربايجاندا، شرقي  آنادولودا ياييلماسي اورتا عصرلر اوچون سجيييوي بير فورمادا-ايسلام بايراغي آلتيندا گئديردي. 7-9 عصرلرده کي ندن (يعني عربلردن!!) فرقلي اولاراق 11-12 عصرلرده اوغوز تورکلري  " عربلرين ديني  " ني  داها ايصرارلا تبليغ ائدير، اونون بوتون دونيادا ياييلماسينا داها چوخ اينانيرديلار... و تصادوفي دئييل کي، تورکلر ايسلامي قافقازدا، کيچيک آسیادا، بالکانلاردا هم گئنيش تبليغ ائتديلر، هم ده حربي-سياسي يوللا قبول ائتديريب يايديلار. 

  آذربايجان خالقي نين تشککولونون ايکينجي مرحله سي، بير طرفدن، اولکه نین تاماميله تورکلشمه سي ايله سجيييله نيرسه، ديگر طرفدن ايسلامين قارشيسي آلينماز بير سورعتله اؤلکه ده مؤوجود اولموش بوتون ديني دونياگؤروشو فورمالاريني (او جومله دن ده تانريچيليغي) سيخيشديريب، آپاريجي موقعيه کئچمه سي ايله خاراکتئريزه اولونور. و خوصوصي اولاراق قئيد ائتمک لازيمدير کي، ايسلام ديني هم آذربايجان تورکلوگو اوچون موعين درجه ده ديفئرئنسيال کئيفيته چئوريلدي، هم ده اولکه یه سپلنميش (تجريد اولونموش) ايران، قافقاز منشالي ائتنوسلاري همين تورکلوک اطرافيندا بيرلشديرن گوجلو عاميللردن بيري (بلکه ده بيرينجيسي!) اولدو. خاطيرلاداق کي، 19 عصرین سونو 20 عصرین اوللرينه قدر آذربايجانليلار چوخ حاللاردا سادجه  " موسلمان "  آدلانيرديلار.  

  ... مونقول-تاتارلارين 13- عصرین اورتالارينا دوغرو آذربايجاني ايستيلا ائتمه سي اؤلکه ده (و هم حدود رئگيونلاردا) گئدن فعال ائتنيک پروسئسلره بؤيوک تاثير گؤستردي...مونقول-تاتار يوروشو دؤورونده آذربايجانا موختليف تورک طايفالاري گلديلر کي، بو دا آذربايجاندا تورکلوگون سيخليغيني بير قدر ده آرتيردي. خوصوصيله اؤز ميللي-ائتنيک منليگيني ايتيرميش سارايلار، مدنيت مرکزلري داغيديلدي. و محض 13 عصرین سونلاريندان اعتيبارن آذربايجاندا تورکديللي يازيلي ادبياتين اينکيشافي اوچون ايدئولوژي شرایط ياراندي. 

  مونقول-تاتار اوردوسونون تام اکثريتي تورکلردن عيبارت ايدي. اونلارين قوردوقلاري دؤولتلر ده تورک دؤولتچيليک عنعنه لرينه اساسلانير، او قدر ده بؤيوک اولمايان  " انظباطي قوووه "  ايله بؤيوک بير ايمپئريياني ايداره ائتمک تجروبه سي وئريردي. و مونقول-تاتار خاقانلاري نين، حاکيميتي نين حيات طرزي اؤز ساده ليگينه گؤره سلجوق سارايلارينداکي دبدبه دن اساسلي شکيلده فرقله نيردي. بيرينجيلر مين ايللر بويو ياشاديقلاري کؤچري حياتي  " رئاليزم "  ني داوام ائتديرير،  " رومانتيک "  خوليالاردان (او جومله دن ده پوئزييادان) ائله بير ذؤوق آلميرديلار... اونلارين قونشولارا (دوشمنلره!) موناسيبتده ايستيفاده ائتديکلري  " ديپلوماتييا "  دا اولدوقجا آيدين ايدي: مونقول-تاتارلار  " چئويک گوج " ه آرخالانيرديلار... 

  قاراقويونلولار، بونون آردينجا ايسه آغقويونلولار  دؤورونده آذربايجاندا (و هم حدود رئگيونلاردا) اوغوز تورکلري نين ائتنوسيياسي موقعيي بير قدر ده گوجلندي...بونونلا بئله موختليف اوغوز-تورکمن طايفالاري نين بير-بيري نين آردينجا آذربايجانا گلمه سي اؤلکه ده گئدن ائتنوسيياسي مرکزلشمه-موتشککيللشمه پروسئسينه هر حالدا منفي تاثير گؤستريردي. 

  ...وموميتله، 11- عصرین اوللريندن 10- عصرین سونو 16 عصرین اوللرينه قدرکي مرحله ده، يعني آذربايجان خالقي نين تشککولو تاريخي نين ايکينجي مرحله سينده آذربايجانا گلن اوغوز تورکلري فارسلاري داها دا جنوبا، قافقاز ائتنوسلاريني ايسه داها دا شيمالا سيخيشديرديلار. اونلارين آذربايجانداکي موقعيي قيسا بير مودتده او قدر گوجلندي کي، خيلافتي تئز-تئز ناراحات ائدن قيپچاقلار بئله اوغوز تورکلرينه موداخيله ائده بيلمه ديلر. ائرمنيلر، گورجولر، داغيستانليلار ايسه همين گوج (اوغوز تورکلوگو!) قارشيسيندا تاماميله عاجيز ايديلر...اوغوز تورکلري آذربايجاندان کئچيب آنادولويا يوروش ائتديلر. و بير نئچه عصر عرضينده يونانلاري ياريم آدادان تاماميله سيخيشديريب چيخارتديلار کي، همين دؤور، اصلینده تورکيه تورکلري نين بير خالق اولاراق تشککولو تاريخي نين ايلک مرحله سي ايدي. 

  هون-قيپچاق تورکلري کيمي اوغوز تورکلري ده اؤز عؤهده لرينه آذربايجانين قديم اهاليسي نين قاليقلاريني آسسيميلياسييا ائتمک و تورکلشديرمک ميسسيياسيني گؤتورمه ميشديلر. اصلینده، اونلارين بونا احتيياجلاري دا يوخ ايدي. خوصوصيله بؤيوک کوتله لر حاليندا آذربايجانا، عوموما اؤن آسیايا آخيشان اوغوز تورکلري نين سايي  " آبوريگئنلر " اين ساييندان موقاييسه ائديلميه جک قدر چوخ، حربي قودرتلري ايسه اينتهاسيز ايدي... رئگيونا اوغوز تورکلري ايله ياناشي کارلوک تورکلري ده گلميشديلر کي، بو، اساسن امير تئيمورون يوروشلري دؤورونه تصادوف ائدير. 

  اوغوز تورکلري آذربايجانين يئرلي (تاريخي!) مدنيتينه خوصوصي قايغي ايله ياناشديلار. اونلارين خوصوصيله يوکسک طبقه سي ساسانيلر دؤوروندن قالميش دبدبه لي ساراي حياتيني ايلک عصرلردن حتّی ديرچلتديلر، آرتيق قئيد ائديلديگي کيمي، فارسجا دانيشيب-يازماغا، مدنيتجه فارسلاشماغا باشلاديلار کي، بئله بير ائتنوسون (اوغوز تورکلرينين) کيميسه تورکلشديره جگي باره ده دوشونمک تاماميله آبسورددور...11-13، ائلجه ده 14-15 عصرلرده اوغوز فتوحاتي گئنيش بير جوغرافيياني بورودويوندن آذربايجانين ائتنيک-ائتنوقرافيک سرحدلريني موعينلشديرمک چوخ چتيندير. همين دؤورده آذربايجان هر طرفدن اوغوز تورک موحيطي ايله احاطه اولونموشدو. و اونون ائتنوکولتورولوژي يوکسه ليشينده بو موحيط حل ائدیجی رول اويناييردي. بئله کي، حاقيندا صؤحبت گئدن دؤورده ائتنيک تيپولوگييا باخيميندان آذربايجانين  " داخيل " ي  " خاريج " يندن او قدر ده سئچيلمير، دئمک اولار کي، خوصوصي علامتلر داشيميردي. لاکين دوشونمک اولماز کي، اوغوز تورکلري هر يئرده، بوتون سرحد بويو آذربايجان حدودلاريندان کنارا چيخميشديلار. مثلن، قافقازين جنوبوندا ائرمنيلر، گورجولر موختليف  " ديپلوماتييا "  اوسوللاريندان ايستيفاده ائده رک اراضيلريني گئنيشلنديرير، واختاشيري کيفايت قدر جيدي جزالانديريلمالارينا باخماياراق، خوصوصيله گورجولر (عادتن  " يئرلي "  تورکلرله-قيپچاقلارلا ايتتيفاقا گيره رک) گنجه يه قدرکي آذربايجان تورپاقلاريني ضبط ائتمه يه چاليشيرديلار. 

  آذربايجان خالقي نين تشککولو تاريخي نين ايکينجي مرحله سينده آذربايجان داخيلينده ياشايان غئيري-تورک منشالي ائتنوسلار پاسسيو وضعيييتده ايديلر کي، بونون دا اساسي هله بيرينجي مرحله ده قويولموشدو... همين ائتنوسلار آراسيندان چيخميش حؤکمدار سولاله لري نين (مسلن، شيروانشاهلارين) ايلک نسيللري نين اولماسي دا وضعيتي دييشه بيلميردي، چونکي اوغوز تورکلري نين موظفر يوروشلري (و مسکونلاشمالاري) آذربايجانين (و هم حدود رئگيونلارين) ائتنيک منظره سي نين اساسلاريني آرتيق تاماميله موعين ائتميش، کيچيک ميقياسلي ائتنيک پروسئسلرين همين منظره ده اهميتلي بير دييشيکليک ائتمه سينه ايمکان ياراتماميشدير. 

  آذربايجان خالقي نين تشککولو پروسئسي بيرنجي مرحله ده اولدوغو کيمي، ايکينجي مرحله ده ده فئودال داغينيقليغي شرایطينده گئديردي-2- مین ایللین بيرينجي ياريسيندا اؤلکه (عوموميتله رئگيون) اساسلي تورکلشمه دن سونرا مونقول-تاتارلارين، امير تئيمورون، قاراقويونلولارين و آغقويونلولارين هوجومونا معروض قالميشدي کي، همين هوجوملار آذربايجاندا تورک ائتنوسلاري نين سيخليغيني گوجلنديرسه ده، سوسيال، سياسي، مدني ستابيللشمه يه مانع اولور، آرتيق قئيد ائتديگيميز کيمي، خالقين تشککولو پروسئسيني لنگيديردي. بير-بيري نين آردينجا آذربايجانا آخيشان تورک طايفالاري اؤزلريله عصرلر بويو ياشاميش اولدوقلاري، ياخود تورکوستاندان آذربايجانا قدر کئچيب گلديکلري يئرلرين حيات طرزيني، ائتنوقرافيياسيني، آز-چوخ فرقلي مدنيتلريني، دونياگؤروشلريني، حتّی توپونيميياسيني گتيريرديلر. و اونلار يئني جوغرافي شرایطه نه قدر سورعتله اويغونلاشسالار دا، اؤزلرينه مخصوصلوقلاريني دا قورويوب ساخلاماغا چاليشيرديلار... 

  بئله ليکله، اورتا عصرلرين سونلارينا دوغرو-15 عصرین سونو 16 عصرین اوللرينده آذربايجان ارازيسينده تورکلرين چکيسي سورعتله آرتدي. و اونلار آذربايجان جمعيتي نين موطلق اکثريتيني تشکيل ائتمه يه، موختليف دؤولتلر قورماغا، مرکزلشمه يه (کونسئنتراسييايا) باشلاديلار. بونونلا دا آذربايجان خالقي نين تشککولو تاريخينده ايکينجي مرحله  بيتيب، اوچونجو مرحله  نين بير سيرا علامتلري مئيدانا چيخدي... 

  آذربايجان خالقي نين فورمالاشماسي تاريخينده اوچونجو  سونونجو (حلل ائديجي!) مرحله  15 عصرین سونو 16 عصرین اوللريندن باشلايير. و محض همين تاريخين حؤکمودور کي، بو زامان آذربايجان صفويلر دؤولتي يارانير... صفويلر دؤولتيني، گؤرونور، بيرينجي نؤوبه ده آذربايجان تورکلري نين (عومومن جمعيتينين) ائتنوسيياسي، ايدئولوژي-معنوي بيرلشمه، مرکزلشمه احتيياجي دوغوردو. 

  صفوي دؤولتي نين بانيسي اي شاه ايسماييلين سوسيال بازاسيني، پروفئسسور اوقتاي افندييئوين گؤسترديگي کيمي، عئيني بير ميللي ماراق اطرافيندا بيرلشميش موختليف اوغوز طايفالاري (اوستاجلي، شاملي، افشار، تورکمن، بايات، تکه لي، ذالقدر ، قاجار، وارساق، روملو...) تشکيل ائديرديلر. طبیعی کي، همين طايفالار بير-بيريندن او قدر ده فرقلنميرديلر... اونلار صفويلردن اول ده بو و يا ديگر درجه ده سياسي ايتتيفاقدا اولموش، خوصوصيله قاراقويونلولارين، آغقويونلولارين دؤورونده داها سيخ بيرلشميشديلر. و بو باخيمدان صفويلري حتّی اؤزوندن اولکي آذربايجان دؤولتلري نين بیلاواسطه واريثي حساب ائتمک اولار. لاکين اونو دا اعتيراف ائتمک لازيمدير کي، 15- عصرده کي  کيمي، صفويلر دؤورونده ده آذربايجان تورک طايفالاري حاکيميت اوغروندا موباريزه دن ال چکمه ميشديلر، يئرلي حاکيملر-طايفا باشچيلاري هم بير-بيرلري ايله موناقيشه يه گيرير، هم ده صفويلر سارايي نين اينتريقالاريندا فال ايشتيراک ائديرديلر. 

  1-جی شاه ايسماعيل (و اونون خلفلري) يالنيز حاکيميتلري نين اساس داياغي اولان تورک طايفالارينا دئييل، اؤلکه داخيلينده بو و يا ديگر درجه ده نوفوذا ماليک غئيري-تورکلره ده هم سارايدا، هم ده اوردودا موعين يئر وئريرديلر. بو باخيمدان تاليشلاري، کوردلري خوصوصي قئيد ائتمک لازيم گلير... البتته، صفويلرين همين سيياستي تصادوفي دئييلدي. آذربايجان جمعيتي نين ائتنوسيياسي تمرکوزلشمه احتيياجيندان ايره لي گليردي. و دؤولت قوروجولوغو ساحه سينده بؤيوک ايستعدادي اولان صفويلر بو احتيياجي نظره آلمايا بيلمزديلر...1-جی شاه ايسماييل (و اونون سلفلري!) طرفيندن اساسي قويولموش دؤولتين کيفايت قدر گوجلو ايدئولوگيياسي واردي،  " قيزيلباشليق "  آدلانديريلا بيلن همين ايدئولوگييا کؤچري تورک اصيلزاده لري آراسيندا گئنيش ياييلميشدي.اونا گؤره ده صفويلر بؤيوک بير جوغرافييادا -آذربايجاندا (و هم حدود رئگيونلاردا) ياراتديقلاري دؤولتي ايداره ائتمک اوچون تدريجن اوردودان داها آز ايستيفاده ائديرديلر. اصلینده، حاقيندا صؤحبت گئدن  " قيزيلباشليق "  ايدئولوگيياسي اوردونون اؤزونده ده بؤيوک بيرلشديريجي رولا ماليک ايدي. 

  صفويلر دؤولتي نين آذربايجان دؤولتي اولدوغونا شوبهه ائتمک، اونو عوموميتله (؟) ايران دؤولتي سايماق اؤزونو قطعييين دوغرولتمور ا.افندييئوين قئيد ائتديگي کيمي، دؤولتين اساسيني قويانلار دا، اونون يوکسه ليشيني تامين ائدنلر ده آذربايجاندا آرتيق مسکونلاشميش کؤچري تورک طايفالاري ايديلر؛ صفويلرين دؤولتچيليک دوشونجه سي، انظباطي ايداره سيستئمي بوتونلوکله قديم تورک دؤولتچيليک عنعنه لريندن ايره لي گليردي. و دؤولتين مرکزي اولان تبريزده (او جومله دن ده سارايدا)، اوردودا تورکجه دانيشيرديلار. 1-جی شاه ايسماييل (و اونون خلفلري) عنعنه ني " پوزاراق "  بير سيرا فرمانلاريني فارسجا دئييل، محض تورکجه وئرميشديلر... 

  آذربايجان صفويلر دؤولتي بير عصردن سونرا 16 عصرین سونو 13 عصرین اوللرينده اؤز تاريخي تيپولوگيياسيني ايتيرسه ده، آذربايجان خالقي نين فورمالاشماسيندا، دئمک اولار کي، حل ائدیجی رول اوينادي. 13 عصرین اوللريندن باشلاياراق، عوموميتله رئگيوندا نه قدر بؤيوک سياسي هرجمرجليک اولسا دا، خالقين ائتنيک، سوسيال-سياسي مدني کونسئنتراسيياسي پروسئسي کسيلمه دي، بو و يا ديگر شکيلده داوام ائتدي. حتی آذربايجانين خانليقلارا پارچالانديغي 18 عصرین ايکينجي ياريسيندا دا آذربايجانين معنوي-روحي بوتؤولوگو گوجلنمکده ايدي. 

  ... آذربايجان خالقي نين فورمالاشماسي گئنيش ميقياسلي ميللي اينتيباه حرکاتي ايله موشاييعت اولونوردو... يالنيز بئله بير فاکتي قئيد ائتمک لازيمدير کي، 16 عصرین اوللريندن باشلاياراق آذربايجان ادبييياتي نين شئدئورلري مئيدانا چيخدي:  " کور اوغلو "  ائپوسو، خوصوصي ياراديجيليق ائنئرژيسي نين محصولو اولان آشيق صنعتي، خالق داستانلاري...و همين اساسدا فورمالاشان ميللي يازيلي ادبيات، م.و.ويدادي، م.پ.واقيف... آذربايجان اينتيباهي يالنيز ديل، ادبيات و مدنيتي احاطه ائتميردي، بوتؤولوکده ميللي تفککورو، خالقين روحونو حرکته گتيرميشدي. ايتالييا، فرانسا، ايسپانييا... اينتيباهي کيمي، آذربايجان اينتيباهي دا خالقين ائتنوسوسيال، سياسي-ايدئولوژي مدني تمرکوزلشمه سي نين ان مهم گؤستريجيلريندن بيري ساييلا بيلر.  

  13-18 عصرلرده آذربايجان ديلي-آذربايجان تورکجه سي دئموکراتيک تفککورون ايفاده فورماسي اولاراق يالنيز آربايجانليلار آراسيندا دئييل، آذربايجاندا ياشايان ديگر خالقلار آراسيندا دا گئنيش ياييلميش اونسيت واسيطه سي ايدي. ائرمنيلر، گورجولر، داغيستانليلار... آذربايجان صنعتکارلاريني تقليد ائده رک آذربايجان تورکجه سينده يازيب-يارادير، مؤحتشم آذربايجان اينتيباهي نين تاثيريني اؤز اوزرلرينده حیس ائديرديلر. و اونو دا قئيد ائتمک لازيمدير کي، آذربايجان اينتيباهي نين بوتون گوجو ايله تظاهور ائتديگي 13-18 عصرلرده ايران مدنيتي، دئمک اولار کي، تنززول دؤورو کئچيريردي-بو دا ميللي فورمالاشما مرحله سينده آذربايجانليلارين ايرانليلاردان (فارسلاردان) تاماميله فرقلي بير ائتنوکولتورولوژي حيات ياشاديغيني گؤستريردي... 

  آذربايجان اينتيباهي، هر شئيدن اول، اولکه نین داخيلي اويانيشيني تامين ائدير موختليف ويلايتلر، رئگيونلار معنوي-مدني باخيمدان يوکسه ليردي. آذربايجان اينتيباهي ميللي خاراکتئري ائتنيک (ميفولوژي) تفککور اساسيندا تربييه ائدير، قديم (عومومي) تورک دوشونجه سي ياراديجيليغين ائتنوتيپولوژي اساسيندا دايانيردي. و  " آرخايک "  ژانرلار خالق شعري شکيللري يازيلي ادبياتين گئنيش ايستيفاده سينه وئريلمکله ياناشي، کلاسسيک (عومومشرق) شعر ژانرلاريندا دا فورمانين  " دئموکراتيکلشديريلمه " سينه جهد ائديليردي. 

  آذربايجان ادبياتي نين (و ادبي ديلينين) دئموکراتيکلشمه سي، ياخود خلقيلشمه سي، همين ساحه ده کي  ستاندارتلارين، نورمالارين پوزولماسي ايله موشاييعت اولونمور. عکسينه، ميللي (داها دوغروسو، ميلليلشميش!) تفککور اؤزونون داها موکممل فورمالاريني، مودئللريني يارادير. و ديلين، ادبياتين، مدنيتين دئموکراتيک اساسلار اوزرينده  " يئنيدن تشکيل " ي خالقين ائتنوکولتورولوژي تمرکوزلشمه سي پروسئسينه اهميتلي تاثير گؤسترير. 

  ... آذربايجان خالقي نين فورمالاشماسي، هئچ شوبهه سيز، ائتنوقرافيک، سوسيال-سياسي، معنوي، مدني... مسله لري اؤزونده احتيوا ائدن مورککب بير پروسئسدير. بورايا آنتروپولوژي مسله لر ده آيددير... .س.سومباتزاده ر.م.قاسيمووانين  " تدقيقات " لارينا اساسلاناراق گؤسترير کي، تورک طايفالاري نين آذربايجانا تخمينن اون اوچ عصر داوام ائدن آخيني، يئرلي آوتوختون اهالي ايله قاريشماسي آذربايجانليلارين آنتروپولوژي سيماسي نين هر هانسي کؤکلو دييشمه سينه گتيريب چيخارمادي  بونون عکسينه اولاراق، گلمه تورک طايفالاري نينکي اؤز ديللريني قورويوب ساخلاديلار، عئيني زاماندا اونو آوتوختون اهالي آراسيندا گئنيش يايماغي باجارديلار... 

  البتته، بو مولاحيظه تاماميله يانليشدير. هر شئيدن اول اونا گؤره کي، هله هون-قيپچاقلارين يوروشلري دؤورونده آذربايجانين قديم اهاليسي شيمال و جنوبا دوغرو سيخيشديريلميش، موعين حيصه سي ايسه ياشاييش اوچون غئيري-موناسيب يئرلرده دالدالانميشدي-بو ايسه او دئمک ايدي کي، گلمه تورک طايفالاري، خوصوصيله اوغوزلار هئچ بير  " آوتوختون اهالي "  ايله قايناييب-قاريشا، اونلارين آنتروپولوژي علامتلريني قبول ائده بيلمزديلر...يکينجيسي، نئجه اولور کي، 1- مین ایللین اورتالاريندا سايي سورعتله آزالان، ائتنوسوسيال پروسئسلرده گئت-گئده داها پاسسيو ايشتيراک ائدن قديم آذربايجانليلارين آنتروپولوژي خوصوصيتلري آذربايجانا، عوموميتله، اؤن آسیايا آخيشان اون، حتّی يوز مينلرله تورک طرفيندن قبول ائديلير؟ 

  ...و نهايت، نئجه تصوور ائتمک اولار کي، قديم دؤورلرده آذربايجاندا مؤوجود اولموش موختليف منشالي ديللرين هئچ بيري آذربايجاندا مسکونلاشان تورکلرين ديللرينه تاثير ائتمير، آنجاق اونلارين آنتروپولوگيياسيني اساسلي شکيلده دييشديرير؟.. 

  مسله بوراسيندادير کي، تورکلرين آذربايجاندا (و هم حدود رئگيونلاردا) مسکونلاشديغي مين ايلدن آرتيق بير دؤورده، هون-قيپچاقلارين موعين علاقه لريني نظره آلماساق، آزسايلي آوتوختون اهالي ايله ائله بير ائتنوسوسيال موناسيبتي اولماميشدير. تورکلر تجريد اولونموش غئيري-تورک منشالي ائتنوسلارلا بو و يا ديگر شکيلده کونتاکتا گيرمه يه هئچ زامان خوصوصي احتيياج دويماميش، يالنيز همين تجريد اولونموش ائتنوسلار هر هانسي ساحه ده (مسلن، حربي ساحه ده) اؤز خيدمتلريني تکليف ائدرکن اونلاردان ايستيفاده ائديلميشدير. آذربايجانين قديم جمعيتي نين موختليف منشالي قاليقلاري ان گئجي 1- مین ایللین سونو ايي مین ایللین اوللريندن اعتيبارن اؤلکه ده دئمک اولار کي، هئچ بير ساحه ده نوفوذا ماليک دئييلديلر...لاکين صفويلر دؤورونده، ائلجه ده سونرالار آذربايجانين قربينده کؤچري حياتي ياشايان کوردلر مسکونلاشماغا باشلاديلار کي، اونلار دا اؤز ديللريني، عادت-عنعنه لريني ساخلاماقلا ياناشي، آذربايجان تورکلري نين سوسيال-سياسي، مدني تاثيري آلتيندا ايديلر. عوموميتله، 16-18 عصرلرده سورعتله فورمالاشان آذربايجان خالقي نين ائتنيک-کولتورولوژي اساسلاريني آذربايجاندا مسکونلاشميش تورکلر تشکيل ائديرديلر... 

  بيزيم فيکريميزجه، آذربايجانين موعاصير ائتنيک-ائتنوقرافيک منظره سي 13-18 عصرلرده موعينلشميش، اوندان سونرا اساسلي بير دييشيکلييه معروض قالماميشدير. گؤرونور، بورادا يالنيز ائرمنيلرين 19 عصرین اوللريندن باشلاياراق تجاووزکار سياسي مقصدلرله آذربايجانين  موختليف يئرلرينده، او جومله دن ده، داغليق قاراباغدا مسکونلاشديريلماسي ايستيثنا تشکيل ائدير... لاکين محض همين دؤوردن سونرا اولکه نین سياسي منظره سي چوخ تئز-تئز دييشميش، آذربايجان موختليف دؤولتلرين ترکيبينه داخيل اولموشدور کي، بو دا خالقين فورمالاشماسينا، هئچ شوبهه سيز، کيفايت قدر منفي تاثيريني گؤسترميشدير. 

  آذربايجان خالقي نين تشککولو تاريخي نين ايکينجي مرحله سينده اولدوغو کيمي، اوچونجو مرحله سينده ده سوسيال-ايدئولوژي مسله لرله، اساسن، ايسلام ديني مشغول اولور، اؤزونه بو و يا ديگر درجه ده موقع قازانماق ايسته ين هر هانسي ديگر دونياگؤروشو فورماسيني قطعيتله سيخيشديريردي. حتی آذربايجان اينتيباهي نين يوکسک مرحله لرينده بئله سون سؤزو او (ايسلام ديني) دئميشدير. اونا گؤره ده دؤورون بؤيوک دوشونجه صاحيبلري بئله اؤزلريني آذربايجانلي، آذربايجان تورکو (حتی عومومن تورک!) دئييل، آرتيق قئيد ائتديگيميز کيمي، موسلمان (اهلي موسلمان) آدلانديرماقدا داوام ائتميشلر. 

  ... آذربايجان خالقي نين فورمالاشماسي يالنيز موختليف تورک (و بير سيرا غئيري تورک) طايفالاري نين ائتنوکولتورولوژي مرکزلشمه سي نين نتيجه سي اولاراق بير اينتئقراسييا پروسئسي اولماقلا قالميردي، عئيني زاماندا مورککب بير ديفئرئنسياسييا پروسئسي ايدي. بئله کي، اوغوز تورکلري اورتا عصرلرين سونلارينا دوغرو اوچ اساس جوغرافييادا مسکونلاشاراق سوسيال-سياسي، کولتورولوژي باخيمدان فرقلنمه يه باشلاديلار. و نتيجه اعتيباريله، اوچ تورک-اوغوز خالقي فورمالاشدي: تورکمنلر، آذربايجان تورکلري (آذربایجانليلار) و آنادولو تورکلري... لاکين 13-18 عصرلرده همين خالقلار آراسيندا ائتنوقرافيک، مدني، سياسي سرحدلر او قدر ده موعين دئييلدي، حتّی بير سيرا تورک-اوغوز طايفالاري اؤز ميللي-سياسي منسوبيتلريني تعيين ائتمه ميشديلر. 

  بئله ليکله، 18 عصرده آذربايجان خالقي نين 1- مین ایللین اورتالاريندان باشلايان تشککول پروسئسي سونا چاتير همين پروسئسين نتيجه سي اولاراق تورک منشالي آذربايجان خالقي فورمالاشير کي، اونون ائتنيک ترکيبينه هون-قيپچاق، اوغوز تورکلري (و بير سيرا آزسايلي غئيري-تورک منشالي ائتنوسلار) داخيل اولورلار. عئيني زاماندا، آذربايجانليلارين يئرلشديکلري جوغرافييانين حدودلاري موعينلشير کي، همين جوغرافييا تدريجن موختليف دؤولتلرين اراضيسينه چئوريلسه ده، محض آذربايجانليلارا (آذربایجان سوپئرئتنوسونا) مخصوصدور.