• خدآفرین کورپولری - خدآفرینده
    خدآفرین کورپولری - خدآفرینده
  • بابک قالاسی - کلیبرده
    بابک قالاسی - کلیبرده
  • شاعیرلر مزاری - تبریزده
    شاعیرلر مزاری - تبریزده
  • سلطانیه گنبذی - زنجان دا
    سلطانیه گنبذی - زنجان دا
  • شیخ صفی الدین مقبره سی - اردبیل
    شیخ صفی الدین مقبره سی - اردبیل
  • طغرولون مقبره سی - تهران - ری
    طغرولون مقبره سی - تهران - ری

گزیده مجلات

Previous Next
  • 1
  • 2
80         برای دریافت این نسخه اینجا کلیک کنید         Read more
77         برای دریافت این نسخه اینجا کلیک کنید         Read more
59         برای دریافت این نسخه اینجا کلیک کنید         Read more
74         برای دریافت این نسخه اینجا کلیک کنید         Read more
57         برای دریافت این نسخه اینجا کلیک کنید         Read more
75     برای دریافت این نسخه اینجا کلیک کنید         Read more

خالق اوزانی آشیق رشید آقایی

 

یازان:دکتر شرقی

1900 یوزنئچه ده ، 1300 نئچه ده نه واخت دونیایا گلدیی اونملی دئیل او خالق اوزانی، خالق یارادیجیلیغی، اوز اولوسونون نفسی دیر. او تورکلویرموزون چینقیللی، داشلی یولونون ان دوز و دوزگون جیغیری دیر. بوگون یعنی 2013 جو ایل 1392 هجری شمسی ایلی اولاراق او 61 یا شینا یئنیجه  گیر میش آنجاق 6500 ایل بیزه تاریخ اویرتمیشدیر.

آشیق رشید قاراداغ آشیق مکتبنین ان یئتگین و دیرلی استاد آشیقلاریندان دیر. واختیله آشیق خیرالله ( رحمت لیک ) کیمی استادلارین درسلریندن اویره نرک یولا چیخمیشدی. استاد آشیق رحمت لیک عبدالعلی نورینین زامان یولداشی دیر. ان اونملیسی او خالق آراسیندا، آجیلاری، سئوینج لری دویوب و یاشایان آشیق اوزانلاریمیزداندیر.

آشیق رشید خداآفرینین سوجئیلی کندینده وارلی کندلی عایله سینده دونیایا گوز آچمیشدی. حیاتین دادلی و آجیلی آنلارینی کند حیاتیندا اولان فئودالیزم دوورینه عایید قوراللاردان اویرنمیشدی. ظولمه قارشی عوصیان ائدن گنج رشید ایلک اونجه واری دوولتی اونوداراق زامانین اونده گئدن موترقی دوشونجه لی حرکاتینا قوشولاراق یاشادیغی اجتماعی سیخینتیلاری و اونلارین اپیدمیک سبب لرین اویرنمک اوچون ان ضیالی طبقه اولان آیدین دوشونجه لی یولداشلارلا بیرآرایا گلره ک حاق سسینی اوجالتماق اوچون ان مقدس یولو یعنی اوزان صنعتینه سئچمیشدی.

گوزل آلله وئرگیسی سسه مالیک اولان رشید دده ظولمه قارشی ایلک اونجه جاذبه دارسسی ایله باشلامشیدی. مراد آقاینین سازی ایله سسی بیرله شنده بهمن زامانین دئدیی کیمی میرزه حوسین سه گاهینی آنجاق اونون زنگوله لری ایله دینلمک اینسانا حظ وئریردی. لاکین خالق آشیغی بونلارا اکتفا ائتمه ییرک ساز و سس معجزه سینی اوزو- اوز اوزلویونده بیرلشدیره رک خالقین اوزانی آدینی قازانمیشدی.

سازی سینان، سوزو سوسدورولان آشیق دیز چوکمه میش دده قورقودون اونا وصیت ائتدیی بو اولو، بویوک هونری دایما جانلی توتاراق حیاتینی بویولدا خرجله میشدی.

 

2013-10-21-

 

 

سوزو سوسدورولان، آشیق مین بیرعذاب و اذیته قاتیلاراق وطنیدن دیدرگین اولموشدو. ائولکه نین آن اوجقار و ایسیتی بولگه لرینده دام اورتویو ایزوگام یا پیشدیرما ایله مشغول اولموشدور.

بیر نیچه ایل خالقین اوزانی تهرانین کوچه لرینده وارلیلارین ائولرینی رنگ له مک له گذران حیات ائتمیشدی. آجینین شدتی توک اورپه دیر. صنعتکار او آجی طالعینی یاشایاراق عایله سینی ساخلاماق اوچون زامانین و دوشمنین اونا توخدوغو تورون ایچینده ال قول چالمیشدی. گولر اوزلو ، آغ بنیزلی دده قورتود تیمیثالی ائل آشیغی اوزوده بیلمه دیی اجتماعی ستمه معروض قالاراق. یالینز بیر اومودلا یعنی حیات بیرگون ده اونا گوله جک دئیه حیاتا داوام ائتمیشدیر. بوتون مسلک داشلاری کیمی سازی سیندیریلیب یا هده قورخوایله اوخوماقدان اوزاقلاشدیریلاراق اونو و هونرینی یوخلوغا سووق ائتمیشدیر لر. زنگین آذربایجان مدنیتینه وورولان ضربه لرین حسابی اولچولمه ین قدر اولومجولدیر. تدبیرسیز، دره بیلیک زوراکیلیق لارا معروض قالان آشیق آرتیق داهیانه یاشینی یاشیاراق، سازی باغیرندا، سوزو جانیندا اورک لرده یارینین ان آیدین اولاجاغینی بکله مک ده دیر.

اوندان اویرنیب یولاچیخاراق بوگون اون ایلدن آرتیق دیر آنا دیلمیزده یاییملانان خداآفرینی سیزه تقدیم ائدیریک. اعتراف ائدیرم اوندان اویرندیک و اونونلا غرور دویوروق. دده قورقود تیمثالی آغ ساچلاریندا تاریخین نه قدر قددار و عبرتلی اولدوغونو اویره نیریک.

یئری گلدیکده ائنیلمز آشیق  مکتبی داوامچیلارینی سیزلره بیر-بیر تانیداجاییق. سازی کیچیمسه نن، سوزو اورک لرینده حبس اولونان مقدس آنا وطن اوغروندا ان دوغروسو اولانلارین عشقینه  یولوموزا داوام...