• خدآفرین کورپولری - خدآفرینده
    خدآفرین کورپولری - خدآفرینده
  • بابک قالاسی - کلیبرده
    بابک قالاسی - کلیبرده
  • شاعیرلر مزاری - تبریزده
    شاعیرلر مزاری - تبریزده
  • سلطانیه گنبذی - زنجان دا
    سلطانیه گنبذی - زنجان دا
  • شیخ صفی الدین مقبره سی - اردبیل
    شیخ صفی الدین مقبره سی - اردبیل
  • طغرولون مقبره سی - تهران - ری
    طغرولون مقبره سی - تهران - ری

گزیده مجلات

Previous Next
  • 1
  • 2
80         برای دریافت این نسخه اینجا کلیک کنید         Read more
77         برای دریافت این نسخه اینجا کلیک کنید         Read more
59         برای دریافت این نسخه اینجا کلیک کنید         Read more
74         برای دریافت این نسخه اینجا کلیک کنید         Read more
57         برای دریافت این نسخه اینجا کلیک کنید         Read more
75     برای دریافت این نسخه اینجا کلیک کنید         Read more

صمد بئهرنگي نين اولومو

حميد هريسچي

 

    

 

 

 

 

 

 

 

 

 

 

 

 

 

  سون واختلار، بيلميرم ندن، اورگيم يامانجا سيخيلير، تئز-تئز رحمتليک آتامين نهنگ آرخيوينه گيريب ايران اينقيلابييلا باغلي سندلره باخيرام. قفيلدن گؤزومه بير قوتو ديدي. قاپاغي گؤتورنده حئيرتدن آز قالا باييلديم- پيشوري نين ان ياخين سیلاحداشلارينا وئرديگي  " 21آذر "  مئدالي، اوزون بير ميکروفيلم، عرب حرفلرييله يازيلميش کيچيک متنلر، پراقا اوپئرا بيناسي نين ازيک بوکلئتي، قزئت پارچاسينا بوکولو پاسلي آچار، نهايت، قوتونون اوزرينه حک ائديلميش  " فرانسوا ژئنو "  کلمه سي... 

 نيدي بو؟ پيشوري نين الييله آتامين ياخاسينا سانجيلميش بير پاسلي  " 21 آذر "  مئدالي چوخدان منه تانيشدي. چوخدان. بس بو ايکينجي مئدال هاردان چيخدي، نييه اونون باره سينده ايندييجن من خبرسيزييديم؟ لاکين، فرانسوا ژئنو آدي منه آز-ماز تانيشدير لاپ اوشاقليق گونلريمده آتام اونون باره سينده پيچيلتيينان بعضي صؤحبتلر ائديب منله... 

  يادداشيمي سيلکله ييب او مودهيش خاطيره لري بير داها بئينيمده جانلانديرديم.   

  ايسوئچره بانکيري 

  سيزين هر هانسي بير ايسوئچره بانکيري ايله گؤروشونوز اولوبمو، هه؟ 

***

  سواليم دئيه سن سيزلري يامانجا چاشديردي. 

  بو  " سولاخاي "  سواليما نه جاواب وئره جگينيزي ائله اينديدن ائشيديرم: اششي، بير ساده اينسانلاريق، بسته کار کامال کيميلردن دئييليک کي، هر زامان بير آياغيميز ايسوئچره گؤلو ساحيللرينده اولسون. سوالينيزين عونوانيني سحو ساليبسيز، وارلي اوليقارخلاريميزا وئرين بو سورونوزو، ال چکين بيزلردن، کاسيب آداملاريق، قپييه گولله آتيريق، بيز هئچ باکي بانکيريني گؤرمه ميشيک، هله قالسين سيز دئين او ايسوئچره بانکيرلري ... 

  سواليما بو جور جاواب وئرمکله برک يانيليرسيز، تجروبمه سؤيکنه رک دئييرم: ايسوئچره بانکيرلري هئچ واخت اؤز وارلي موشتريلرييله، -قوي او، لاپ عرب ميلياردئري اولسون!گؤروشمورلر، همين ايشي اؤز ايجراچيلارينا تاپشيريرلار. ايسوئچره بانکيرلري بيليرسينيزمي کيملرلهبير فينجان قهوه ايچيب سونرا لوزانن شهري سوکاکلاريندا گزيشير؟ ديقت ائدين دئديکلريمه اونلارين گؤروشدويو کسلر يا چوخ اعتيبارلي پرده آرخاسي- پرده اؤنو دئييل!- سياسي خاديملردير، ياخود... 

  ياخود اؤز ايشينده دؤنمزليک نوماييش ائتديرميش اصل سويوققانلي اينقيلابچيلار. بلي، دئديکلريمي دوز ائشيتديز، آلوولو دئييل، محض سويوققانلي اينقيلابچيلار لئنين کيمي! ائله بئله گئديب چيخمير قارلي ايسوئچره داغلاري اتکلرينه. اصل ايسوئچره بانکيرلري اصل اينقيلابچيلاري چوخ سئويرلر.

دئيه جکسيز  " نييه؟ "  

  سوالينيزي جاوابلانديريرام  بانکيرلر، بيزيم اوليقارخلار کيمي، هئچ واخت اينقيلابچيلارين جيبينه پول باسمير، دونيانين سيرلريني اؤيره نيب، فيکير آلوئري... بلي، محض فيکير آلوئري ائديرلر اونلارلا. اؤزو ده بو ايشده قطعييين پول اولمور. 

  نه واخت ايسوئچره بانکيري بير سياسي موهاجيرله  ژئنئوه  گؤلونه باخيب اوزون سوکوتا قاپيليرسا، هه، باخ همين آندان اصل ايسوئچره ساعاتلاري دا ايشه دوشوب باشلايير تيققيلداماغا. اوغول ايسته ييرم کي، اؤز ايتي قولاقلاريندا همين تيققيلتيني ائشيتسين، قفيلدن قانريليب بير، جئنئوه گؤلونه باخسين، سونرا اؤز قول ساعاتينا. سونرا باخسين موسکوا، تئهران ساعاتلارينا، قفيلدن، دوداقلاري اوجوندا، بير آزاجيق گولومسه سين. 

  ايسوئچ بانکيري همين گؤروشدن سونرا موطلق بير ژئنئوه ساعاتساسيزلا صؤحبت ائتمک ايستيه جک، اينقيلابچي ايسه...

  اينقيلابچي ايسه اؤز خالقييلا... 

  40 ايل اؤنجه بو جور گؤروشلرده اولموش رحمتليک آتامين خاطيره لريني ايندي سيزين ديقتينيزه چاتديريرام. 

  ناتو نون  " سئنتو "  ماجراسي 

  60-جي ايللرين اورتالاريندان ايراندا، ان چوخ دا گونئي آذربايجان اراضيسينده سيلسيله قتل حاديثه لري باش آليب گئدير . سول تفککورلو ضيالي اينقيلابچيلار گئجه واختي اوغورلانير، ايشکنجه يه معروض قالير، ياخود، قفيل حياتدان قئيب اولور، هئچ مئييدلري بئله اله گلمير. آز سونرا قتللرين ديناميکاسي داها دا آرتير، سوسیاليزمه مئيلي ايله تانينان بعضي تبريز عاييله لري اوجدانتوتما اؤلدورولور، اطراف کندلرده اوسکو، بوستاناباد(اوجان)، خامنه ده سويقيريم حاديثه لري قئيده آلينير. بير گون ايسه آراز کناريندان لاپ قارا خبر گلير تانينميش اينقيلابچي، کند موعليمي، ايتاليادا ادبي اؤدوله لاييق گؤرولموش يازيچي صمد بئهرنگي نين عئيبجر حالا سالينميش مئييدي آراز سولارينا آتيليب...غدارليغا بير باخين- قاتيللر اونون قارا جييريني  بدنيندن چيخاريبميشلار... 

  گونئيدن هيجانلي خبرلر آلان باکيداکي سياسي موهاجيرلر، پيشوري نين آذربايجان دئموکرات فيرقه سي رهبرليگي، ايران   توده  حزبینين فعاللاري چاشباش قاليرلار، گؤزلرينه يوخو گئتمير، باشلاييرلار بو جينايتلري تدقيق ائتمه يه. چئه قئوارا آرديجيلي، کند موعليمي، گونئيده باشلاناجاق پارتيزان موحاريبه سي رهبري، آنا ديليميزده اوشاقلارچون ايلک  " اليفبا "  درسليگيني يازميش صمد بئهرنگي نين خاين قتلي هاميني دوشوندورور، ضیالیلار درک ائديرلر کي، بو حنا، بو قتللر اوولکيلرين تايي دئييل، تعجيلي تدبير تؤکمه لي، قاتيللري ايفشا ائتمک لازيمدير. يوخسا بئله گئتسه، تبريزده باشينا چووال کئچيريليب اوغورلانان اينسانلارين سايي-حسابي اولماياجاق. گونئيده پارتيزان موحاريبه سي باشلاماق خيالي بوخار کيمي هاوايا سوورولاجاق. 

  شاهنشاه عکسکشفياتينداکي  " اؤز آداملارينا "  موراجيعت ائدن فدايلر غريبه  جاواب ائشيديرلر " بو سيلسيله قتللري تؤره- دن گيزلي قوووه ايران ساواکي دئييل، آختارين، بير باشقا تام مخفي گوجدور، شايد، ايراندا يئني بير جزا دسته سي فعاليت گؤسترير، مومکون کي، اونلارين  شاهنشاهلا دا هئچ بير علاقه سي يوخدور...آمئريکاليلاردان شوبهله نيريک " . 

  تئزليکله بو مسله توده نين شرقي آلمانيياداکي باش قرارگاهيندا دا جيدي شکيلده موذاکيره يه چيخاريلير، ايجلاسداکي کرئملین نوماينده لري  همين مسله ده جينقيرلاريني بئله چيخارمير، بويونلاريني سيخان  قالستوکلاريني(کراوات)  ائله هئي ساغا-سولا دارتيرلار، واسلام. موسکوانين سوکوتونو گؤرن پارتييا مرکزي کوميته سي قرارا گلير مسله ایله علاقه دار آلمان واحيد سوسياليست پارتيياسي رهبرليگينه موراجيعت ائدک، بيرباش يولداش  اولبريخت، ويلهئلم پيک، ائريک خونئککئره. 

  دقيق عونوانا گؤندريلميش خواهيشه تئز ده دقيق جاواب گلير " قتللرين آرديجيلليغيني، دوروست تاريخلريني گؤسترين، جينايتلرين هانسي جوغرافي اراضيده تؤره ديلديگيني خريطه ده نيشان وئرين " . 

  پارتييا رهبرليگي، دييرمانين ايشه دوشدويونو گؤروب دريندن راحات نفس آلير، تام مخفي  " خوصوصي تدقيقاتلار شعبه سي "  رهبري آتام قافار کندلي ايله باش کاتيب ايرج ايسکندرييه گؤستريش وئرير کي، بو ايشله علاقه دار شرقي آلمان پارتييا نوماينده لرييله سيخعلاقه  ساخلاسينلار. 

  تئزليکله آتاملا ايسکندري بئرلينه، يولداش  " قئنريخ " له گؤروشه دعوت اولونور. 

***

 تکجه ائله ايرانلا محدودلاشمير سيز دئديگييز قتللر، دونيانين هر يئرينده خوصوصن پئرو، وئنئسوئلا، سالوادور، تورکيه، فيليپپين، ايتالييادا يئرلي کوممونيستلر بو گؤرونمز قارا قوووه نين تجاووزونه معروض قاليبلار.. قوربانلاريميزين سايي آرتيق مينلرله اؤلچولور. گؤرونور بيزيم  " قئريلللا " ، يني پارتيزان موحاريبه ميزه قارشي عکسي انقيلاب اؤز  " کونترقئريللا "  دسته لريني يارادير. لاتين آمئريکاسيندا اونلارا   " اؤلوم ائسکاندرونلاري "  دئييلير...من، سيزده باش وئرن قتللرين تاريخينه، ديناميکاسينا فيکير وئرديم-قتللر ايراندا، پئرودا، سالوادور، فيليپپينده دوز عئيني واختدا تؤره ديليب...عئيني ساعاتدا...بلي، قورخولو بير ايش باش وئريب ايمپئرياليزم ده بيزلرله، نيظامي دئييل، غئيري-نيظامي پارتيزان ساواشينا قالخيب. عمليات آمئريکا مرکزي کشفيات ايداره سي واسيطه سييله حياتا کئچيريلير. کيللئر دسته لري نين ترکيبي بين الميللدير مثل اوچون، هر هانسي عمليات زاماني رابيطه ني آلمان عکسي انقيلابچيلاري تامين ائدير، سنايپئرلر ايتاليانلاردان سئچيلير، ايشکنجه ني تورکلر، دينديرمه ني آمئريکاليلار حياتا کئچيريرلر. دانيشديقلار زاماني عملياتچيلار ميللي ديللرينده دئييل، خوصوصي کودلارلا اؤز آرالاريندا دانيشيرلار.  " اؤلدور، کس! "  کيمي امرلرين خوصوصي رمزلري وار، واختاشيري اونلار دييشديريلير. ايشکنجه زاماني ان  عذابلي اوصوللاردان ايستيفاده اولونور، ايراده لي کوممونيستلر طيببي باخيمدان ماراق مرکزينده ديیر دينديرمه زاماني اونلارين اوزرينده بعضي چوخ قورخولو پسيخولوژي درمانلار سيناقدان کئچيريلير. مثل اوچون،  " ال س دی "  نارکوتيکي... 

  يولداش قئنريخ دمير سئيفيني آچيب اوردان بير بير شوشه آمپول چيخاراراق اونو ايران کوممونيستلرينه گؤسترير.  بونو گيزلي يوللارلا الده ائتميشيک. چوخ تهلوکه لي مادده دير.  

  آتامگيلدن سس چيخماديغيني گؤرن قئنريخ صؤحبتينه داوام ائدير: 

اوغورلانميش کوممونيستلرين بدن عوضولري خوصوصن، بؤيرک، اورک، گؤز، جييرلر بعضاً ياريليب چيخاريلير، دسته ترکيبينده کي   " حکيملر "  اونلارين بير باشقالارينا کؤچورولمه سي اوزرينده طيببي سيناقلار کئچيريرلر. بو عکسي انقيلابچي پارتيزان قرارگاهلاري، عادتن گؤزدن اوزاق يئرلرده، مثل اوچون، گويا نئفت، گاز، کؤمور، دمير فيليزي آختاران سييار  " قئولوق "  دوشرگه لرينده يئرلشير. قتللرين تؤره ديلديگي اراضيلره فيکير وئرين، فرقي يوخدور، بوليوييادا ياخود ايراندا اولسون،  بونو دئييب، يولداش قئنريخ بير نئچه خريطه ني آتامگيلين ديقتينه چاتديرير، گؤرورسونوزمو، ياخينليقدا هميشه بير بين الخالق، ياخود يئرلي شيرکتين تام قاپالي  " گئولوژي کشفيات "  دوشرگه سي وار. اوغورلان يولداشلارينيز اورا گتيريلير، دينديريلير، طيببي سيناقلاردان کئچيريلير. تورکيه ده، باخين بير خريطه يه، بو جينايتلر،عادتن، مثل اوچون دئييرم،  " بوتاش "  موسسه لري اراضيسينده حياتا کئچيريلير. ايندي ايران خریطه سينه باخاق، گؤرون، بوردا  جينايتلر تؤره ديليب، ياخينليقدا ايسه بير سييار گئولوژي کشفيات مرکزي وار. اوردا تورپاغي قازانلار تکجه قيزيل آختارمير، اوردا چوخ درين توپلو مزارلار دا قازيلير، سونرا اوستلري اؤرتولور... 

L8ZZY8CAJM6OVPCAPMWZJHCAY0OQOJCAEMR9DGCAUQK1GJCA0TDOXTCAJ12MX3CACJBW96CARCK7BHCA4NFBV7CADAM2G9CAVOZU6BCAJMCVI6CA4PJRDKCA9MCQNSCAFKXQHKCAN96CJNCA1DEG32CA74846X

 

 

  -دئمک، بيز همين  " گئولوق " لاردان اؤزوموزو قوروماليييق... " گئولوژي کشفيات "  ايفاده سينه مجازي معنا وئرمه ليیيک...بو کي اصل فاشيست کونسلاقئرلري، اوسوئنسيم حبس دوشرگه لريدير. دئديگينيز او طيببي سيناقلار دا ايلک اولاراق محض اوسوئنسيمده حياتا کئچيريليب. - آتام، صؤحبتين بو يئرينده عصبلريني جيلوولاممير. 

  يولداش قئنريخ بونا آنيندا جاواب قايتارير: 

  -من اؤزوم اوللر هيتلئر اوردو کشفياتي آبوئرده ايشله ميشم. بلي، اوسوئنسيمده کي  علمي تدقيقاتلارين سندلري ايندي آمئريکاليلارين ايختيياريندادير، يانکيلر ده باخ بو جور اونلاري داوام ائتديرير. لاکين، بيله سيز، بيز آلمانلار،  ليديساني، خاتيني، اورادورو يانديريب دينج اهاليني قتله يئتيرمه ميشيک. اونلاري بريتانييا-آمئريکان تخريبات دسته لري حياتا کئچيريب کي، يئرلي دينج اهاليده بيزه قارشي نيفرت حيسسي اوياتسينلار. هيتلئر کشفياتي واختيله بوتون بو جينايتلري آشکارلاييب، بريتانييالي قاتيللري ايفشا ائديب. او سندلر بيزدهمؤوجوددور...سووئتلر ده بو اوسولدان ايستيفاده ائديبلر قربي اوکراينا ميلتچيلرينه قارشي. باندئرا عسگرلري قايافه سينده خالقي قتله يئتيريبلر.  بريتانييا کشفياتيندا بو عملياتا  " يالانچي بايراق "  کود ايسمي وئريليب...ياددا ساخلايين، سيزين ايندي باشينيزا گتيريلنلر، واختيله آبوئرين ده قيسمتينه دوشوب. 

  کيچيک حاشييه: همين بو بين الخالق  " اؤلوم ائسکاندرونلاري، کونترقئريللا "  گوجلري نين بير قولو دا، ايندي تورکيه ده موحاکيمه اولونان  " ارگنه کون "  دسته سيدير. تورک مطبوعاتي ايديعا ائدير کي، سايسيز قوربانلاريني بو کيللئر، تتيکچي دسته سي عادتن بوتاش شيرکتياراضيسينده کي  درين قويولارا آتيرميش. ايندي بو قويولاري آچماق ايسته ييرلر. او کي، قالدي  " حکيملر " ين بو جور قاپالي اراضيلرده آپارديغي طيببي سيناقلارا، دئييرم، ائشيدين ايندي دونيادا  " آت چاپان "  ترانسپلانتاسييا طيبب عملياتلاري، واختيله همين  " حبس دوشرگه " لرينده آپاريليب-اوسوئنسيمده باشلايان بو جور سيناقلار، بلکه ده بوتاشلاردا داوام ائتديريله رک لاپ آخيردا اؤز طيبب ليسئنزيياسيني آليب. بو باخيمدان بوتون دونيادا آد چيخارميش تورک ترانسپانتولوقو  " دوکتور فرانکشتئين "  سؤنمزه خوصوصي فيکير وئرمگينيزي خواهيش ائدرديم. سؤنمز کيميلر، ياددا ساخلايين، همين  " ارگنه کون " اون بير باشقا طيببي!  عملياتلاريني حياتا کئچيريب. سونرا اونو، ناتو رهبرليگي کوسووايا گؤندريب کي، اوردا اؤز ايشيني داوام ائتديرسين. سؤنمز باره سينده هاي- حشير ده محض اوردان باشلاييب. بير سؤزله، اينديکي ترانسپانتولوقييا علمي نين قيسا تاريخچه سي يامانجا قارانليقدير.   

***

  کئچميش آبوئر امکداشي  " يولداش قئنريخ "  آتام قافار کندلي، توده نين رهبري  ايرج ايسکندرييه چيخاريب بير قالاق سند تقديم ائدير، آرادا، صمد بئهرنگي نين  شکيلينه ده ديقتله باخير: 

  -هه، هر گون ان دؤنمز يولداشلاريميزي ايتيريريک... بو،  " بئرلين-پراقا "  قاطارينا بيلئتينيز، قالاجاغينيز اوتئلين عونواني، بو ايسه پراقا اوپئراسينا ايکي بيلئت. دانيشديغيميز مؤوضونو اوردا تانيش اولاجاغينيز بير باشقاسي داوام ائتديره جک. ساغ اولون، سيزه اوغورلار... 

  پراقايا گليب يئرلشن کؤهنه دوستلار ائله همين آخشام اوپئرا بيناسينا يوللانيرلار. 

  صمد بئهرنگي نين قتليني آراشديرماق، بلي، گؤرون بير اونلاري هارالارا گتيريب چيخارير. 

  اوپئرا لوژاسينا داخيل اولونجا آتامگيل اوردا چوخ ياراشيقلي، عاليجناب صيرف آوروپالي بيريسييله راستلاشيرلار. او، اولجه آلمانجا دانيشير: 

  -سالام، سيزي تانيديم. دفعه لرله عوذر ايسته ييرم، من اؤزومو هميشه صؤحبتين آخيريندا قوناقلاريما تقديم ائديرم. ريجا ائديرم، شرطيمي قبول ائدين. ايندييسه اوپئراني دينله يک. 

  تاماشانين بيرينجي حيصه سي زاماني آغزينا سو آليب سوسموش همين کس، آنتراکتا آز قالميش قفيلدن اوزونو آتاما توتوب فرانسيزجا دئيير: 

  - ويئتنام موحاريبه سي باره ده فيکرينيز ندير؟ 

  -منجه، هيند-چينده آوروپاليلارلا چينليلرين ايلک ساواشي  " تيريک موحاريبه سي "  آدلانيب، ائله مي؟ 

  -دئمک، بيز همين موحاريبه نين بير يئني پيلله سيني ياشاييريق. ياددا ساخلايين-پئنتاقون موحاريبه لري ترکيبينده هميشه بير  " تيريک عملياتي "  دا اولور. لاکين، بو يئرده صؤحبتيميزي سيياستدن فلسفه يه دوغرو يؤنلتمه يه مجبورام. سيز آتلانتيدا حاقدا نه دوشونورسوز؟ 

  -قديم يونان فيلوسوفو پلاتونون آتلانتيدا باره ده دئديکلريني قوياق بير کنارا. يوخ، دئيه سن يئنه ده سيياسته قاييتماق مجبوريتيندیيک. آتلانتيداني يونان فلسفه سينده دئييل، اينديکي سياسي گئوپوليتيک مکاندا آختاراق-بو، شيمالي آتلانتيکا سياسي آليانسيدير. 

  -هه، راضييام، سيياست، گؤرورسونوزمو ان قديم فلسفي مؤوضوعلاري اوغورلايير، نتيجه ده بيز فلسفي دئييل، سياسي صؤحبتلره سوروکله نيريک.  بو مقامدا اوپئرا تاماشاسي نين بيرينجي حيصه سي بيتير، پرده آشاغي ائنير، تاماشاچيلار قالخيب ال چاليرلار، بيزيم قهرمانلار ايسه،لوژانين آرخاسينداکي قاپالي اودايا کئچير. 

  -بو سندلري گؤزدن کئچيريب  گئري قايتارين...  ناتونون  " جلاندئستينئ پلاننينگ جعمميتتئئ "  کيمي تام مخفي قوروملاري، گؤرورسونوزمو، نئجه ايشلرله مشغولدور. باتميش آتلانتيدا يئنيدن اوزه چيخير-ناتو گوجله نير، اؤز اراضيسينده بير باشقا، تام گيزلي ناتونو قورور،همين شبکه نين عومومي آدي  " ستاي-بئهيند " - يعني،  " آرخادا قالميش پارتيزان دسته لري " دير. عئيني قوروما لاتين آمئريکاسيندا   " اؤلوم ائسکاندرونلاري "  آديني وئريبلر، ايراندا بو اؤلوم ائسکادرونلاري  " سئنتو " (پاکيستان، ايران، تورکيه) حربي پاکتي چرچيوه سينده تشککول تاپيب. بوتون ديگر اؤلکه لرده اولدوغو کيمي، ايراندا دا بو قوروم  ژاندارما گوجلري ايچريسينده گيزله ديليب. سئنتو ايسمي، تصادوفن ناتو کلمه سيني يادا سالمير-تورکيه، ايران، پاکيستان همين چرچيوه ده آتلانتيک آليانسينا قاتيلير.  

  قافار کندلي ايله ايرج ايسکندري ايرانداکي  " اؤلوم ائسکادرونلاري "  (تورکيه ده ايندي موحاکيمه اولونان  " ارگنه کون " نون ائکيز قارداشي) باره ده کي  تام مخفي سئنتو سندلرينه ديقتله باخاراق اونون بوتون اينجه ليکلرينه، رهبرليگينه بلد اولورلار. صمد بئهرنگي قاتيللري اوزرينده کي  قارا پرده يئره دوشونجه، پراقا اوپئراسي اؤز پرده سيني قالديرير-تئنورلارين سسي اطرافا ياييلير. 

  -تانيش اولاق ايسوئچره بانکيري، وکيل فرانسوا ژئنو. سيزين کيمي من ده اينقيلابچييام. ايران اينقيلابينا هر جور دستک وئرمه يه حاضيرام. قربي آلمانييا مطبوعاتيندا چاپ ائتديرديگينيز آنتي شاه مقاله لر، ايران طلبه لري آراسيندا آپارديغينيز مخفي تبليغات، ايندي بيلهسيز، من طرفيمدن ماليه لشديريلير. خواهيش ائديرم، شاه باره ده، ايرانداکي اؤلوم ائسکاندرونلاري حاقدا بيلديکلرينيزي منه چاتديرين. بو ائسکادرونلار بير واحيد شبکه دير، اساس مقصدلري ايسه، دئديکلري کيمي، کوممونيزمين قارشيسيني آلماق دئييل اصلا. روسلار هئچ واخت قربي ايشغال ائتميه جک. مقصد باشقادير.اؤلوم ائسکادرونلاري واسيطه سييله بوتون دونيادا پارالئل گيزلي حؤکومتلر قورماق. ياخشي. گله جک صؤحبتلريميزه ده بير مؤوضو قالسين.اومود ائديرم کي، بو، بيزيم سون گؤروشوموز دئييل. 

***

  دوسيه: فرانسوا ژئنو-1915-جي ايلده لوزاننادا آنادان اولوب، چوخ وارلي، قديم عاييله دندير. 1930-جو ايللرده آلمانييادا تحصيل آليب، شخصن هيتلئرله گؤروشوب. 1935-36-جي ايللرده عرب اؤلکه لريني آوتوموبيله گزيب، همين واختدان ايسلامي، شرق مدنيتيني سئويب، قدسون مشهور بؤيوک موفتيسييله چوخ سيخ تماس ساخلاييرميش. دئييلنه گؤره آبوئره قوللوق ائديرميش، موحاريبه دن سونرا ناسيستلرين بوتون پول-پاراسي، لعل-جواهيرتي ژئنو واسيطه سييله ايسوئچ بانکلارينا کؤچورولوب. هيتلئر، قئببئلس قلميندن چيخان بوتون اثرلرين مؤليف حاقي سن دئمه ژئنويا مخصوصموش. الجزاير ساواشي دؤنميندن عرب ميلتچيلريني دستکله ييب، ايلک عرب-ايسلام بانکيني ياراديب، سونرا آديني فلسطين آزادليق حرکاتييلا باغلاييب. آنتي صهيونيست فلسطين حرکاتيني، آنتي کاپيتاليست سول  " قيرميزي تئررورچولار " لا (آلمانييادا  " قيرميزي اوردو فراکسيياسي " ، ايتاليان  " قيرميزي بريقادا "  تشکيلاتي) علاقه سيني، گؤزونوز آيدين، محض فرانسوا ژئنو تامين ائديب! بير چوخ سول تئرروريستي محکمه لرده يا اؤزو مودافيعه  ائديب، ياخود بو ايشلري ياخين سیلاحداشي، مشهور اينقيلابچي-وکيل ژاک وئرژئسه تاپشيريب. 70-80-جيايللر فلسطين، آوروپا سول تئررورو، بوتون دونيانين باشينا مين کره فيرلانديقدان سونرا گئديب چيخير باخ بو بيزيم ژئنونون عونوانينا. لوزانناداکي نهنگ ماليکانه سي، معمارليق باخيميندان فاشيست سواستيکاسيني خاطيرلاتماغي، اؤزونوز فيکيرلشين، ندن خبر وئريرميش، هه؟ نهايت، ...

  او،  1996-جي ايلين 30 ماي تاريخينده، عئينن هيتلئر کيمي، عاييله سي احاطه سينده، زهر ايچه رک اينتيحار ائديب. دئييلنه اينانساق او، مشهور معمالي  " اينتيحارچيلار کلوبو "  عوضوويموش... 

  خولاصه، کئچميش آبوئرچي يولداش قئنريخ، صمدين قاتيللريني آختاران قافار کندليني بير باشقا آبوئر امکداشي فرانسوا ژئنويلا گؤروشدورور.  

  اونون  "  قربي آلمانييا مطبوعاتينداکي آنتي شاه تبليغاتيني ماليه لشديريرم "  کلمه لري مني چوخ دوشوندوردو.  " او واختکي آلمان درگيلرينده بو باره ده کيم اؤز قلميني سيناييب؟ "  سواليني قارشيما قوياراق آختاريشا باشلاديم. جاواب اؤزونو چوخ گؤزلتمه دي. تانينميشقربي آلمان قادين ژورناليستي اولريکا ماينخوف! آلمانييادا 70-جي ايللر قيرميزي تئررورونون باشچيسي! بير مهم مسله ياديميزدان چيخماسين-2 اييون 1967-جي ايلده، قربي آلمانييادا، اولريکانين آنتي شاه مقاله لري نين تاثيرييله ايران شاهي علئيه ينه ايزديحاملي نوماييشتشکيل اولونور، پوليس آتش آچير، نتيجه ده طلبه بئننو اونئزورق هلاک اولور. آلمان گنجليگي محض بو قتل سايه سينده سیلاحلانيب قيرميزي تئررورا کئچير... 

  ايندي اؤزونوز دوشونون،گؤر نه لر وارميش بوتون بونلارين آرخاسيندا. صمد بئهرنگي، اولريکا ماينخوف، بئننو اونئزورق... سيزي تکجه اينقيلاب، اؤلوم بيرلشديرمير...فرانسوا ژئنو کؤلگه سي ده زيارت ائديبميش سيزين دؤيوش مئيدانلاريني... 

***

  بير باشقا سوال- " فورئرين وصيتي "  نييه جناب ژئنونون الينديميش؟ نئيچون  هيتلئر، قئببئلس کيمي تاريخي شخصيتلر اؤز موللليفليک حاقلاريني ژئنويا حواله ائتميشلر؟ نييه...بلي، نييه اونون ايقامتگاهي نهنگ سواستيکا شکلينديميش؟ گون هاردان چيخيب، نئيچون ناسيستلرين قير-قيزيلي ژئنو واسيطه سييله ايسوئچ بانکلاريندا ساخلانيليب؟ بلکه... 

  دئييرم بلکه هيتلئردن سونرا نؤوبتي گيزلي فورئر شايد ائله او ايميش، هه؟ فورئر عنعنه سينه اويغون شکيلده تخمينن عئيني طرزده ژئنو دا اينتيحار ائديب. بوتون اس اس ظابيطلري کيمي! تاريخه بير فيکير وئرين-1996-جي ايل 30 ماي. هيتلئر 1945-اين 30 آپرئلينده زهر ايچيب. آرادا دوز 50 ايل، اوسته گل، 1 ايل، 1 آي فرق وار. ژئنو، ايسوئچ ساعاتسازلارييلا مخفي علاقه ديميش. رقملرله، زامانلا، گؤزگؤرونمز تام مخفي بير ايسوئچ ساعاتييلا غريبه  ميستيک آيينلره بنزمير کي بوتون بونلار؟ بعضي کونسپيرولوقلار ايديعا ائدير کي، ژئنونون عوضو اولدوغو  " اينتيحارچيلار کلوبو "  اصلينده تام قاپالي ناسيست تشکيلاتييميش.  

  ژئنو کيمي قاتي ناسيستي آوروپا سولچولاري، ايران کوممونيستلرييله باغلايان سواللارا ايسه آشاغيدا جاواب آختاراق. 

***

  هيتلئر مغلوبيتيندن سونرا ناسيستلرين بير قيسمي کئچير آنقلو-آمئريکان تابعچيليگينه تاريخي سندلري ديقتله اؤيرنسز، واسلام، حقيقت سيزه بللي اولاجاق ناتو، اؤز  " ارگنه کون "  کيمي گيزلي تشکيلاتلاريني بوتون آوروپادا، آماللارينا دؤنوک چيخميش کئچميش ناسيست موتخصيصلري واسيطه سييله ياراديب! لاکين، تسليمچيليگي قبول ائتمه ميش ژئنو کيمي اصل فاشيستلر ده وارميش. باخ اونلار، ساغچي آتلانتيستلرله دئييل، سولچولار، بير ده، عرب-ايسلام موجاهيدلرييله بيرلشه رک بين الخالق سيونيزمه قارشي اؤز اولکي ساواشلاريني داوام ائتديريرلر! بو دفعه ، موسلمانلاري، سولچولاري اؤز موباريزه لرينه قاتيرلار! سول تئررورچولار واسيطه سييله ژئنو گؤرون بير کيملري قتله يئتيريردي-آمئريکايا ساتيلميش کؤهنه ناسيستلري! فلسطين فدايلري نين الييله ايسه او، بين الخالق صيونيستلره قارشي ساواش آچميشدي.   

 

  21 آذر اوردئني 

  قافار کندلي:من گنجليگيمده تبريزده کي   " ضيديفاشيست "  حرکاتي سيرالاريندايديم. 

  فرانسوا ژئنو:

من ده آنتيکوممونيست ايديم او واختلاراينديسه بيريک...

آلين، بودور بئهرنگي قاتيللري نين آديجمعي 286 نفر. 

032

 

 

 

 

 

 

 

 

 

 

 

 

 

 

  آدي ديللر ازبري فلسطين ساواشچیسی حدداد ( ديقت!-او، شرقي آلمانييادا، يولداش قئنريخين وطنينده وفات ائديب!) فرانسوا ژئنويا  " شئيخ ژئنو "  آديني وئريبميش. بلي، او، چوخ مورککب بير اينسانييدي عئيني آندا بير نئچه قاتدا دوشونمگي باجارير، شرقي، خوصوصن تبريز، فلسطين فداي مکتبيني بؤيوک محبتله سئويرميش.  " بين الخالق اينتيحارچيلار کلوبو "  عوضولوگونه تبريز فدايلريندن باشقا داها کيم عوضو اولماغا لاييقميش آخي؟ 

  پراقا اوپئراسينداکي قاپالي لوژادا شئيخ فرانسوا ايله قافار کندلي، ايرج ايسکندري سونرا بير نئچه دفعه  ده گؤروشورلر. همين صؤحبتلر اينديکي يوخ، گله جک صؤحبتلريميز اوچون ماراقلي گؤرونر دئيه، خاطيره لريميزه آرا وئرمک قرارينا گلديم.  

  قاييداق قافارآغانين آرخيويندن تاپديغيم   " 21 آذر "  مئدالينا. آتام، صمد بئهرنگي نين قتليني آراشديريب قاتيللري تاپميشدي. همين جللادلار آراسيندا، 1946-جي ايل تبريز قيرغينيني تشکيل ائده رک 22 مين معصوم هموطنيميزي قتله يئتيرميش شاهنشاه گئنئراللاري دا وارميش. ياددا ساخلايين صؤحبت 286 شاه گئنئرال و ظابيطيندن گئدير. اونلارين هاميسي ايران ساياغي  " ارگنه کون " ، سئنتو   " درين دؤولت " يني تشکيل ائدن حربي خونتا عوضولرييدي. شئيخ ژئنو باخ ائله همين سيياهيني تقديم ائديبميش هم بيزه، هم ده  طرفدارلارينا 1979-ون فئورال آييندا تئهرادا بيرجه سند وارميش ژئنونون وئرديگي همين سيياهي! لاکين  فدايلر  تئز ترپه نيب او جانيلري اوجدانتوتما محو ائتديلر.  

  ايندي بو سطيرلري يازارکن بير گؤزومله همين مئدالا باخيرام آتا، سن بو نيشانيني منه مي گؤندردين ايندي؟