• خدآفرین کورپولری - خدآفرینده
    خدآفرین کورپولری - خدآفرینده
  • بابک قالاسی - کلیبرده
    بابک قالاسی - کلیبرده
  • شاعیرلر مزاری - تبریزده
    شاعیرلر مزاری - تبریزده
  • سلطانیه گنبذی - زنجان دا
    سلطانیه گنبذی - زنجان دا
  • شیخ صفی الدین مقبره سی - اردبیل
    شیخ صفی الدین مقبره سی - اردبیل
  • طغرولون مقبره سی - تهران - ری
    طغرولون مقبره سی - تهران - ری

گزیده مجلات

Previous Next
  • 1
  • 2
80         برای دریافت این نسخه اینجا کلیک کنید         Read more
77         برای دریافت این نسخه اینجا کلیک کنید         Read more
59         برای دریافت این نسخه اینجا کلیک کنید         Read more
74         برای دریافت این نسخه اینجا کلیک کنید         Read more
57         برای دریافت این نسخه اینجا کلیک کنید         Read more
75     برای دریافت این نسخه اینجا کلیک کنید         Read more

آذربايجان دموکراتيک جمهوریتی دؤورون ادبي سالنامه سينده

 

Prof.MAARİFƏ HACİYEVA

پروفسور معارفه حاجی اووا

 

  1918-جي ايل 28 ماي. بو گون «آذرربايجان» سؤزو خريطه ده رسمي وطنداشليق حقوقو قازانميش، آذربايجان دئموکراتيک جمهوریتینين وارليغيني سجيييلنديرميشدير. 1918-جي ايلين 28 ماييندا ياراديلميش آذربايجان دئموکراتيک رئسپوبليکاسي ايسلام و تورک دونياسي تاريخينه ايلک دئموکراتيک رئسپوبليکا کيمي داخيل اولموشدور. 

1919-جو ايلده باکيدا آذربايجان دئموکراتيک رئسپوبليکاسي نين ايستيقلالي نين بي¬رينجي ايلدؤنومو موناسيبتيله «آذربایجان» قزئتينده اوزئيير حاجيبيلي يازيردي: «آذربایجان دؤولتي ساغلام بير ميللي فيکير تورکچولوک شعوورو اوزرينده قورولموشدور» (باخ: «آذربایجان تورک کولتور درگيسي»، 253، کاسيم، 1985. ص. 6). 

آذربايجان دئموکراتيک رئسپوبليکاسي نين مؤوجودلوغو تاريخينده ادبيات تاريخيميزده چوخ جيدي نوضوعولاردا بديعي اثرلر يازيلميش، بو اثرلر دؤورون آکتوال پروبلئملريني اؤزونده عکس ائتديرميشدير. 

آذربايجان دئموکراتيک رئسپوبليکاسي نين حاکيميتي ايللرينده (1918-1920) يازيلان اثرلرين بير قيسمي نين متني «آذربایجان دؤولت هيمني» ايله علاقه دار ايدي. 

28 ماي 1918-جي ايلده چار روسيياسي نين موستملکه سيندن خيلاص اولان آذربايجان موستقيلليگيني ائلان ائتديکدن سونرا دؤولتين حياتا کئچيرديگي تدبيرلردن بيري ده آذربايجان دؤولت هيمني نين قبول ائديلمه سي ايدي. آذربايجان دئموکراتيک رئسپوبليکاسي نين هيمني اوچون موسابيقه ائلان اولونموش، بو موسابيقه ايله باغلي «آذربایجان» قزئتينده (14.9.1919، 246 (روسجا) ائلان وئريلميش، سونرالار دا بو ائلان تکرارلانميشدير. بو موسابيقه حاقيندا ادهم اونگؤرون 1966-جي ايلده آنکارادا يايينلانميش «تورک مارشلاري1» (ادهم اونگورن "تورک مارشلاری"آنکارا 1966 ص 193)  کيتابيندا وئريلن معلوماتدان آيدين اولور کي، آذربايجان ميللي مارشي نين سئچيمي اوچون موسابيقه نين سون قبول تاريخي 1 فئورال 1920-جي ايلدير. 

موسابيقه يه تقديم اولونموش متنلردن بيري ده سؤزلري علي عابباس موزنيبه (1882-1938)، موسيقيسي اوزئيير حاجيبيلييه (1885-1948) آيد اولان آشاغيداکي شعردير. 

  آذربايجان چليک قوللار باغچاسي، 

  باکيخانلار گولزاريدير بو اؤلکه. 

  مهممد خان، احمد خانلار مسکه ني، 

  جاوادخانلار مزاريدير بو اؤلکه. 

   

  توران عيرقي بو اؤلکه ده بوي آتميش، 

  ايگيدليگين سانجاغيني اوجالتميش، 

  دونيالاري غئيرت ايله دوناتميش، 

  قهرمانلار پئيکانيدير بو  اؤلکه. 

   

  معدنلري فيرونلاري قودورتدو، 

  ايسکندري اوزاک يئردن گتيرتدي. 

  نوشابه ني، صدانلاري بؤيوتدو، 

  سرکرده لر قمخاريدير بو اؤلکه. 

   

  توران سويو باشقا سويا قاريشماز، 

  قول اولماغا هئچ بير زامان آليشماز. 

  قوجاغيندا ياد توتماغا چاليشماز، 

  دوشمنلرين اغياريدير بو اؤلکه. 

   

  موسکوولولار گؤزلريني يومدولار، 

  تورانلييا باربار دئيه جومدولار. 

  پوزولدولار آخير گئري دؤندولر، 

  حيرسيزلارين قهاريدير بو اؤلکه. 

   

  معبودوموز اوچ بويالي بايراغي، 

  کعبه ميزدير هر بير اوووج تورپاغي. 

  سئومز بو يئر هر خايني، آلچاغي، 

  دوغرولارين آثاريدير بو اؤلکه. 

   

  آچيقلاماسينا چوخ دا احتيياج اولمايان بو شعر وطن سئوگيسي و ميللي دوشونجه لر زمينينده يازيلميشدير.  

  آذربايجان دئموکراتيک رئسپوبليکاسي دؤورونده  علي عابباس مونزيب ميللي زمينده يازديغي شعرلري ايله برابر مقاله لر ده چاپ ائتديريردي. 1919-جو ايلين ماييندا آذربايجان دئموکراتيک رئسپوبليکاسي نين بيريلليک يوبيلئيي موناسيبتيله «آذربایجان» قزئتينده م.ا.رسولزاده نين «نه گؤزل بايرام» مقاله سي ايله ياناشي ع.موزنيبين «آذربایجان ايستيقلالي» مقاله سي نشر ائديلير.  

  مقاله ده علی عابباس موزنيب آذربايجان ايستيقلالي نين تاريخي بير گون اولدوغونو، بو گونون هئچ زامان اونودولماياجاغيني بيلديرير، اوخوجولاري بو گونله فخر ائتمه يه چاغيرير و ميللي آلديغين موقدس معناسيني ايضاح ائديردي. 

  ع.موزنيب 1919-جو ايلين اوللرينده زولفوقار حاجيبيوو ايله بيرليکده «اووراقي-نفيس» ژورناليني رئداکته ائدير. بو ژورنالدا آذربايجان دئموکراتيک رئسپوبليکاسينا حصر ائديلميش ان ياخشي شعرلر موسابيقه ده بيرينجي يئر توتور. منبعلرده يازيلير کي، ه.موزنيبين يازميش اولدوغو شعر آ.شايقين 1919-جو ايلده نشر ائديلميش «تورک چلنگي» آدلي کيتابيندا چيخميشدير (باخ: ايسلام آغايئو. «ادبيات، مطبوعات و پوبليسيستيکا پروبلئملري». باکي، علم، 2008). 

  علی عابباس موزنيب ده آذربايجان دئموکراتيک رئسپوبليکاسيندا فاليت گؤسترن ضياليلاريميز کيمي 1937-جي ايلين 27 آوقوستوندا حبس ائديلير. بير ميلتچي کيمي موحاکيمه ائديله رک، 8 ايل مودتينه سيبيره گؤندريلير. او، 1938-جي ايلده ولاديووستوک شهري ياخينليغينداکي خوصوصي منطقه ده وفات ائدير.  آذربايجان دؤولت هيمني حاقيندا يازيلميش معلوماتلاردان آيدين اولور کي، او دؤورده ميللي، ديني دويغو و دوشونجه ايله يازيلميش بير نئچه هيمن متنلري ايچريسينده سؤزلري احمد جاوادا (1892-1937) و موسيقيسي اوزئيير حاجيبيرووا (1885-1948) آيد اولان «آذربایجان دؤولت هيمني» مسابيقه نين قاليبي اولاراق 1919-جو ايلده آذربايجان دئموکراتيک رئسپوبليکاسي پارلامئنتينده قبول ائديلميشدير. سووئت رئژيمي نين 70 ايلي عرضينده آدي بير دفعه  ده اولسون ديله گتيريلمه يهن بو هيمن گونوموزده «آذربایجان دؤولت هيمني» کيمي قبول ائديلميشدير. هيمنين متني آشاغيداکي کيميدير: 

  آذربايجان! آذربايجان! 

  اي قهرمان اؤولادين شانلي وطني! 

  سندن اؤترو جان وئرمه يه جومله حاضيريز! 

  سندن اؤترو قان تؤکمه يه جومله قاديريز! 

  اوچرنگلي بايراغينلا معسود ياشا! 

  مينلرله جان قوربان اولدو، 

  سينن حربه مئيدان اولدو! 

  هوقوقوندان کئچن عسگر، 

  هره بير قهرمان اولدو! 

   

  سن اولاسان گولوستان، 

  سنه هر آن جان قوربان! 

  سنه مين بير محبت 

  سينمده توتموش مکان! 

   

  ناموسونو هيفز ائتمه يه، 

  بايراغيني يوکسلتمه يه 

  جومله گنجلر موشتاقدير! 

  شانلي وطن! شانلي وطن! 

  آذربايجان! آذربايجان! 

  آذربايجان دؤولتچيليک  تاريخي نين شانلي صحيفه لريندن اولان آذربايجان دئموکراتيک رئسپوبليکاسي نين هيمنينه، بايراغينا، ايستيقلالينا، شرفلي تاريخينه يازيلميش شعرلرله برابر آذربايجاني ايشغالچيلاردان و ائرمني تجاووزوندن قورتارماق اوچون جانلاريني فدا ائتميش تورک عسگرلريله، تورک اوردوسونا، تورک بايراغينا شعرلر ده يازيلميشدي. بو شعرلرين اؤنده گئدن مؤليفلريندن بيري احمد جاواد (1892-1937) ايدي. اونون 10 آپرئل 1919-جو ايلده  آذربايجان پارلامئنتي اوزرينده دالغالانان اوچرنگلي ميللي بايراغا يازديغي «آذربایجان بايراغينا» شعري نين متني بئله ايدي: 

تورکوستان يئللري اؤپوب آلنيني 

  سؤيلويور درديني سانا، بايراغيم! 

  اوچرنگين عکسيني قوزغون دنيزدن 

  ارمغان يوللاسين يارا، بايراغيم! 

  گئدرکن تورانا چيخدين قارشيما، 

  کؤلگن دؤولت قوشو، قوندو باشيما! 

  ايذن وئر گؤزومده جوشان ياشيما 

  دينلتسين درديني آها، بايراغيم! 

  قايي خان سويوندان آلديغين رنگي، 

  قوجاميش ائلخانلا، موسلمان بگي. 

  ائلخانين اؤولادي، دي نين ديرگي، 

  گتيردين کؤنلومه صفا، بايراغيم! 

  کؤکسومده توفانلار گلديم ايره لي، 

  اؤپوم کؤلگن دوشن موبارک يئري! 

  آللاهين ييلديزي، او گؤزل پري، 

  سيغينميش قوينوندا آيا، بايراغيم! 

احمد جاواد بو ايللرده باکيني ائرمني-روس ايشغاليندان قورتاران تورک عسگريني آلشيقلايان «اي عسگر»، «تورک اوردوسونا» (1918)، «شهيدلر» (1919) آي-اولدوزلو تورک بايراغينا محبتله يازديغي «ال بايراغا» (1919) کيمي شعرلر يازدي (باخ: احمد جاواد. «سن آغلاما، من آغلارام». باکي، يازيچي، 1991). 

  احمد جاواد بو ايللرده يازديغي شعرلرينده ايلک تورک رئسپوبليکاسي اولان آذربايجان دئموکراتيک رئسپوبليکاسي نين وارليغيني بوتون گور سسي ايله دونيايا جار چکه رک: 

  سورانلارا من بو يوردون، آنلاداييم نسييم 

  من چئيننن بير اؤلکه نين، 

  حاق باغيران سسييم دئييردي. 

  او، آزاد اؤلکه سي نين آزاد وطنداشي کيمي موستقيل آذربايجانا نغمه چلنگي توخوياراق: 

  اي تانري نين جنّت اومان قوللاري، 

  من جنّتي  بو دونيادا بولموشام. 

  آراماقدان بئزديگينيز يوللاري، 

  آرامادان من سئودادا بولموشام دئييردي.  

  آذربايجاني ايستيقلالينا قوووشدوران قافقاز ايسلام اوردوسونون موندروس موقاويله سينه گؤره اينگيليسلرين اولتيماتومو ايله گئري چاغيريلماسي، تورک اوردوسونون آذربايجاني ترک ائتمه سي و اينگيليس قوشونلاري نين باکييا داخيل اولماسي احمد جاوادي سارسيدان حاديثه يه چئوريلدي. او، نويابر آيي نين 15-ده «آذربایجان» قزئتي نين  40-جي ساييندا درج اولونان «گلمه» شعرينده «بو داغلار منيمدير، يئني گون دوغدو، بوغار سني آهيم، ائي دومان گلم» دئيه رک اؤلکه سي نين دومانلي گله جگينه اوميدسيز نظرله باخاراق، کدريني ايفاده ائتميشدير. عئيني دوشونجه «ينگيليس» شعرينده ده ايفاده ائديلميشدير. 

  او خاين گؤزونو ديکديگين ائللر، 

  منيم نيشانليمدير، تورکولر سؤيلر. 

  گؤز ديکمه تاختيما، باخ اليم تيترر، 

  دوشه جک تاختينا تالان، اينگيليس! 

  آذربايجاني بولشئويکلرين ايشغال ائتمه سيندن سونرا يازديغي «آغلارام»  آدلي شعرينده 1920-جي ايلين ماي آييندا آذربايجاندا مئيدانا گلن ايجتيماي-سياسي حاديثه لره موناسيبتيني . 

  من هر گلن بير ماييسا، 

  چوخ اوميدلر باغلاميشام. 

  هر گله جک ماييس اوچون، 

  نيسان آغلار، من آغلارام  

  شکلينده ايفاده ائدن احمد جاوادي آذربايجانين موستقيلليگينه سون قويان سووئت رئژيمي قبول ائده بيلمه دي. او، تعقيب ائديلدي، نزارتده ساخلانيلدي، اثرلري جيدي شکيلده تنقيد ائديلدي و 4 اييول 1937-جي ايلده حبس ائديلدي. وطن اوچون هر بير فداکارليغا قاتلاشان شاعير، همين  ايلين نويابر آييندا 45 ياشيندا گولللنرک اؤلدورولدو. تورپاقدا دفن ائديلديمي؟ بيلن يوخدور. مزاري نين هارادا اولدوغونو دا گؤرن يوخدور. 

1918-1920-جي ايللرده آذربايجان دئموکراتيک رئسپوبليکاسي نين حاکيميتي گنج جعفر جاببارلي نين ياراديجيليغينا قول-قاناد وئرميشدي. اونون بو دؤورده يازديغي «باکي موحاريبه سي»، «ترابليس موحاريبه سي و يا اولدوز»، «اديرنه نين فتحي» کيمي موستثنا اهميتلي اثرلري، تأسوف کي، سووئت حاکيميتي ايللرينده ميلليتچيليک روحوندا يازيلميش ضررلي اثرلر حساب ائديله رک، اوزون ايللر تدقيقاتدان اوزاق توتولموشدو. 

آذربايجان دئموکراتيک رئسپوبليکاسي نين حاکيميتي ايللرينده ج.جاببارلي «باکي موحاريبه سي» دراميني يازاراق، آذربايجان دؤولتي نين بو تاريخي دؤورونو عکس ائتديرمکله، موستقيل آذربايجان دؤولتيني آلقيشلاييردي. اثر 1919-جو ايلده تاماشايا قويولموش، فقط آذربايجان دئموکراتيک رئسپوبليکاسي نين سوقوط ائتديريلمه سيندن سونرا اثر اورتادان گؤتورولموش، آرخيولرده يالنيز اثرين پروقرام  و آفيشالاري قالميشدي. 

1918-1920-جي ايللرده باکيدا تاماشايا قويولموش يوخاريدا آدلاريني چکديگيميز اثرلر سووئت رئژيمي ايللرينده ج.جاببارليني گويف پانتورکيزم ايدئيالاريني يايديغي اوچون گؤزوکؤلگه لي ائتميش، بلکه ده 1930-جو ايللرين رئپرئسسيياسي نين ايلک قوربانلاريندان بيري ائده رک، اونون واختسيز اؤلومونه سبب اولموشدو. 

  اصلینده 1914-1918-جي ايللرده جريان ائدن اي دونيا موحاريبه سي زاماني بالکان حاديثه لريني عکس ائتديرن «اديرنه نين فتحي»، «ترابليس موحاريبه سي و يا اولدوز» اثرلرينده تورک تورپاقلاري نين دوشمنلردن تميزلنمه سي، تورکلوک سئوگيسي، ميللي بيرليک ايفاده اولونموشدو. 

6 نفردن عيبارت اديبين «فاجعه اينقيلاب» آدلانديرديغي «اديرنه نين فتحي» اثرينده تورکلرين اديرنه اوغروندا آپارديغي موباريزه لر، اوردونون گئجه-گوندوز بيلمه دن ائتديگي ساواشلار و ظفرلر عکس ائتديريلميش، وطن سئوگيسي، قهرمانليق، ميللي بيرليک اؤن پلانا چکيلميشدير. 

«ترابليس موحاريبه سي و يا اولدوز» دراميندا دا اوخوجو «ديرنه نين فتحي»نده ايگيد، وطنپرور کيمي تانيديغي راميز، انور بي (تاريخي شخصيت، تورک-ايسلام اوردوسونون باکيني ائرمنيلرين تؤرتديگي 30 مارت 1918-جي ايلده سويقيريمدان خيلاص ائدن تورکييه نين حربي نازيري انور پاشا (1880-1922)) کيمي تيپلرله بير داها قارشيلاشير. 

آذربايجان دئموکراتيک رئسپوبليکاسي نين حاکيميتي ايللرينده ج.جاببارلي «آذربایجان بايراغي» شعرينده اودلار يوردو موستقيل آذربايجان رئسپوبليکاسي نين اوچرنگلي بايراغيني ايفتيخارلا ترننوم ائديردي: 

  بوراخينيز سئير ائدگيم، دوشونگيم، اوخشاياييم، 

  بو سئوگيلي اوچ بويالي، اوچ معنالي بايراغي. 

  ملکلرين قاناديمي اوزرينه کؤلگه سالان؟ 

  نه ايميش بو، آمان آللاه! اود يوردونون بايراغي! 

شعرين سونراکي ميصراعلاريندا آذربايجان بايراغينداکي آي و اولدوز، قيرميزي، ياشيل، ماوي رنگلرين ده رمزي معناسي اؤز بديعي عکسيني ايفاده  ائتمکده دير. 

  بو آي، اولدوز بويالارين قورولتايي نه دئمک؟ 

  بيزجه، بئله سؤيله مک. 

  بو گؤي بويا گؤي موغولدان قالميش بير تورک نيشاني، 

  بير تورک اوغلو اولمالي. 

  ياشيل بويا ايسلامليغين سارسيلمايان ايماني، 

  اورکلره دولمالي. 

  بو آل بويا آزادليغين، تمددودون فرماني، 

  مدنيت بولمامالي. 

  جعفر جاببارلي شعرين سون ميصراعسيندا آرزو و ايستگيني بئله فاده ائديردي. 

  اورگيمده بير ديلک وار، او دا دوغرو کسيلسين، 

  او گون اولسون بو گؤي بايراق توران اوسته آچيلسين. 

  ج.جاببارلي نين ياشاديغي ايللرين سووئت حاکيميتي دؤورونده اونو بير نؤو گؤزوکؤلگه لي ائديب قورخو ايچريسينده ياشاماغا وادار ائدن ده محض موستقيلليگين 1918-1920-جي ايللري، بايراغين سئوينجيني، تورکلوک سئوداسيني، وطن سئوگيسيني يازديران اثرلري ايدي. 

اونون 1919-جو ايلده  آذربايجان دئموکراتيک رئسپوبليکاسي حاکيميتي ايللرينده «آذربایجان» قزئتي نين 92-جي نؤمره سينده چاپ ائتديرديگي «ؤلکم» شعري ده موستقيل آذربايجان سئوداسي ايله يازيلميشدير. 

  شيش اوجلاري بولودلارلا دؤيوشن، 

  داغلاريندا بوزلاري وار اؤلکه مين. 

  گؤي اوتلاردان ايپک پالتار گئيينن، 

  تارلالاري، دوزلري وار اؤلکه مين. 

  وئريملي تورپاغي، گئنيش چؤللري، 

  چاليشقان ارلري، ايگيد ائللري، 

  بؤيوک گميلري، دمير يوللاري، 

  کئچيدلري، ريزلري وار اؤلکه مين.

 

  گؤللرينده اؤردکلري اوزرلر، 

  چؤللرينده ماراللاري گزرلر، 

  گوللريندن گلينلر تاج بزرلر، 

  جئيران گؤزلو قيزلاري وار اؤلکه مين. 

   

  جوشقون خزر اوينار آياقلاريندا، 

  ايشيق ساچان نئفتي تورپاقلاريندا، 

  تاريخلرين قيزيل يارپاقلاريندا، 

  دادلي-دادلي سؤزلري وار اؤلکه مين. 

(باخ: ج.جاببارلي. اثرلري. 3 جيلد.   باکي، 1968، ص. 35). 

  بؤيوک اديب مهدي حسین هله 1950-جي ايللرده يازديغي «فيکير باهاديري» آدلي مقاله سينده ج.جاببارلي نين «هله آز اؤيره نيلديگيني، بلکه ده حاقيقي معنادا اؤيره نيلمه ديگيني» يازيردي.

 (باخ: مهدي حسین. «ادبيات و صنعت مسله لري». باکي: آذرنشر، 1958، ص. 126). 

مهدي حسینين بؤيوک اوزاقگؤرنليکله سؤيله ديگي بو فيکري ج.جاببارلي نين آذربايجان دئموکراتيک رئسپوبليکاسي دؤورونده يازديغي اثرلرينده، بو اثرلرده قالديرديغي پروبلئملرده، اثرده کي  قهرمانلارين ميللي دوشونجه لرينده گؤروروک. صمد وورغونون دا بؤيوک اوزاقؤرنليکله دئديگي «جعفر جاببارلي نين بيزه قويوب گئتديگي ادبي خزينه ني ايللر بويو آختارماق، اونون هله بيزه معلوم اولمايان صنعت اينجيلريني کشف ائتمک، بو باره ده قالين چئشيدلي کيتابلار يازماق لازيمدير» فيکري ادبيبين او دؤورده يازديغي اثرلرينده قالديرديغي ايجتيماي-سياسي پروبلئملري اؤيرتمک باخيميندان اوزاقگؤرنليکله سؤيله نيلميشدير (باخ: صمد وورغون. «بؤيوک صنعتکار». باکي، 1960، ص. 18). 

آذربايجان خالق جومهوريتي ايللرينده ايلک کوتلوي و گونده ليک مطبوعات اورقاني اولان «آذربایجان» قزئتيني بير مودت اوزئيير حاجيبيوو، عئيني آدلا روسجا چيخان قزئتي ايسه قارداشي جیحون حاجيبيوو (1891-1962) رئداکته ائديردي. قزئتده درج ائتديرديگي مقاله لرده  جیحون حاجيبيوو ميللي پروبلئملر قالديرديغي کيمي، بديعي ياراديجيليقلا دا مشغول اولوردو. اونون يالنيز «حاجي کريمين سحري» پووئستي دؤورون ادبيات عالمينه معلومدور. 

1920-جي ايلين 28 آپرئلينده آذربايجان دئموکراتيک رئسپوبليکاسي بولشئويکلر طرفيندن سوقوط ائتديريلديکدن سونرا اونو يارادانلارين بؤيوک اکثريتي دونيا اؤلکه لرينه سپلنمک مجبوريتينده قالديلار. صولح کونفرانسيندا آذربايجاني تمثيل ائتمک اوچون پاريسه گئدن جیحون حاجيبيوو اورادا قالدي و 1967-جي ايلده فرانسادا وفات ائتدي. 

آذربايجان دئموکراتيک رئسپوبليکاسي حاکيميتي ايللرينده آذربايجانين موستقيلليگي  عبدالله شايقين، محمد هادي نين، سالمان مومتازين دا ياراديجيليغينا تاثير گؤسترميشدير. 

  عبدالله شايق طاليبزاده بو دؤورده يازديغي اثرلرده تورک خالقلاري نين سوسيال-سياسي بيرليگيني عکس ائتديريردي. اونون «يئني آي دوغارکن»، «نئچين  بؤيله گئجيکدين» کيمي شعرلرينده تورک خالقلاريني بيرلييه چاغيران ميللي-معنوي ايدئيا سسله نيردي (باخ: آذربايجان خالق جومهوريتي و قافقاز ايسلام اوردوسو». باکي: «نورلان» نشرياتي، 2008، ص. 551-552). 

پوئزيياميزدا اؤز فلسفي توتومو ايله تانينان وطنپرور شاعير مهممد هادي آذربايجان دئموکراتيک رئسپوبليکاسي نين تريبونو اولان «آذربایجان» قزئتينده درج ائتديرديگي «تورکون نغمه سي»، شوهدايي-هورريتيميزين افکارينا ايتحاف»، «زفري-نهايه يه دوغرو» کيمي شعرلرينده هورريتيميز، ظفريميز، بو ظفر اوغروندا تؤکولن قانلار، بو يولدا گئري دؤنولمزليک ايفاده ائديردي: 

  قان ايله قازانديق ظفري وئرمگيز الدن، 

  خوف ائيله مه ديک آتشي-دههاشئ-دؤولدن. 

  بير ذره بئله قورخماييز دست-اجلدن، 

  ايسترسه جاهان چئوريلي، وارسين دا تملدن، 

  تورکون اوزو چئوريلميه جک سمتي-عملدن، 

  تورکلر گئرييه دؤنميه جک موصليح عملدن. 

  يوکسک ياشاماق ايستر ايکن جومله ميللدن، 

  تورکون تؤکولن قانلاري بيهوده گئدرمي؟ 

  ديقتله دوشون، يوخسا بو قان هپسي هدرمي؟ 

  (باخ: آذربايجان خالق جومهوريتي و قافقاز ايسلام اوردوسو. باکي: نورلان نشرييياتي، ص. 546). 

محمد هادي 1918-جي ايلين اوکتيابريندا درج ائتديرديگي «ايکي سيمايي-سياسينين موحاريبه  حاقيندا موطاليه لري موناسيبتيله» و «ضربه اينقيلاب» مقاله لرينده حياتدا قاليب چيخماق اوچون قوووت و متانته صاحيب اولماغين اؤنمي وورغولاييردي. 

م.هادي 1918-جي ايل سئنتيابرين 15-ده باکي نين  دوشمنلردن آزاد ائديليب پايتاختيميز اولماسي موناسيبتيله  يازديغي «ظفري-نهايه يه دوغرو» شعرينده بو قلبه ني بئله ترننوم ائديردي: 

  مرد اولان عسگرليگي تقدير ائدر ازيان ايله، 

  عسگر اولماق فرضدير هر مؤمينه قوران ايله. 

  عسگر اولماق بير شرفدير تورک اوچون، ايسلام اوچون، 

  عسگريتله ياشار ميلت حياتي شان ايله. 

  (باخ: آذربايجان خالق جومهوريتي و قافقاز ايسلام اوردوسو». باکي: «نورلان» نشرياتي، 2008، ص. 546). 

  شعرده م.هادي اصيل کيشي نين عسگر اولماغي اؤزونه شرف بيلمه سيني، تورک اوغلو اؤز ناموسونو اليندن سييريلميش قيلينج، ديلينده کي  ايمان و عدالتله قورويوب، دؤيوشده بئله برکيديگي فيکريني ايفاده ائده رک، آذربايجانين يوکسلن هيلالي نين بوتون شرق عالمينه بير نور گتيره جگينه ايناراراق «ايشته باخ! تورکون هيلالي بير نور بخشي شرقيدير» دئييردي. 

آذربايجان ادبياتيندا بؤيوک خيدمتلري اولان سالمان مومتاز (1883-1938) جومهوريتي محو اولما تهلوکه سيندن خيلاص ائتمک مقصديله قافقاز ايسلام اوردوسونون شکييه گلمه سي ايله علاقه دار «اؤيان، ميلت» شعرينده خالقيني تبريک ائده رک يازيردي.  

  قيزيل گول تک آچيل، گول، گؤر کي، تورکون شانلي اوردوسو، 

  رواق-عرشه نسب ائتميش، بؤيوک عوثمانلي عونوانين، 

  بوتون مومتاز ائللردن اولار تورک ميلتي مومتاز،

سورر بوندان سونرا تورکلوک شرفي، شانلي دؤورانين. 

(باخ: آذربايجان خالق جومهوريتي و قافقاز ايسلام اوردوسو». باکي: «نورلان» نشرياتي، 2008، ص. 535). 

بو دوشونجه طرزي، موستقيل آذربايجان  دؤولتي نين سئوينجي سالمان مومتاز اوچون دا آوان اولمادي. سووئت رئژيمي نين 1937-جي ايللري نين قورخونج حاقسيزليغينا  اوغرايان 70 مين آذربايجان ضياليسي ايچريسينده  آذربايجان دئموکراتيک رئسپوبليکاسي نين وارليغيني سئوينجله ياشايان و سونراکي ايللرده ده آذربايجان فولکلور علمينه موستثنا خيدمتي اوزوندن ديوان توتولاراق فيزيکي جهتدن محو ائديلمکله برابر اثرلري، آرخيوي تالان ائديلن، گؤردويو تاريخي خيدمتلره کؤلگه سالينان سالمان مومتاز دا وار ايدي. 

 چوخ تأسوف کي، 20 عصرین اوللري نين ان پارلاق صحيفه سي اولان آذربايجان دئموکراتيک رئسپوبليکاسي نين فعاليتي دؤورونده يازيلميش ادبي نومونه لر آذربايجاندا 1920-1990-جي  ايللرده کوممونيست رئژيمي دؤورونده خالقين اوزاق توتولموش، تاريخي گئرچکليک يادداشلاردان سيلينميشدير. 

   آذربايجان دئموکراتيک رئسپوبليکاسي دؤورونده جيدي اهميييتلي اولان بئله تاريخي اثرلرده 23 آيليق قيساموددتلي بير دؤورون بديعي سالنامه سي يارانميشدي. بورايا بير ده 1920-جي ايلين 28 آپرئل بولشئويک ايشغاليندان سونرا آذربايجاندان موهاجيرت ائديب تورکيه، ايران و بير سيرا آوروپا دؤولتلرينده ياشايان قلم صاحيبلري نين ده اثرلريني داخيل ائتسک، دؤورون بؤيوک بير اديبي سالنامه سي آلينار. 

  حؤرمتلي اوخوجو! آذربايجان دئموکراتيک رئسپوبليکاسي نين بير عصرليک يوبيليئي عرفه سينده سيزلره تقديم ائتديگيميز بو مقاله ده  آذربايجان دؤولتي نين ايکي ايلليک حاکيميتي ايللرينده سئوينجلري آشيب-داشان بير نئچه قلم صاحيبي نين دؤورون ادبياتينا وئرديگي تؤهفه لرين بير قيسميندن بحث ائده بيلديک. شوبهه سيز کي، بونلار او دؤورده يازيلميش اثرلرين هاميسي دئييل. سووئت رئژيمي نين سرت ايللرينده او دؤورده يازيلميش اثرلرين چوخو محو ائديلميش و يا هله ده اوزه چيخاريلماميش و يا يادداشلاردا اؤلومه محکوم ائديلميشدير.