پروف.نيظامي خوديئو 

  607. اوندان سونرا تانريلار تانريسي بورخاني بئله امر ائتدي: ائي آناند! کئچميش زامانلاردا بو کاناتين بير اؤلکه سينده ماغارادان آدلي بير حؤکمدار (ايليک خان) وار ايدي. همين او ماغارادان حؤکمدار اولدوقجا قودرتلي و وارلي ايدي. قييمتلي شئيلرينه، تاخيل آنبارلارينا، اکين ساحه لرينه، مال-قاراسينا گؤره چوخ قودرتلي ايدي. او، حربي گوجونه گؤره ده چوخ قودرتلي ايدي. بوتون يئر اوزونو دونيانين دؤرد طرفيني قورخودوب اله کئچيرميش و چوخلارينا قورخو، احتيرام تلقين ائتميشدي. او، قديم ريس و دوزگون قانون و عادتله رهبرليک ائدن ايدي. او، مؤوجود خالق کوتله لريني چوخالتميش، هر طرفدن اونلاري دوشمنلردن قوروموشدور. بئله يوکسک، برابري اولمايان، گوجلو حؤکمدارين آروادي قشنگ خوشبخت اوچ اوغلان دوغموشدو. 

608-609. ايلک بؤيوک اوغلونون آدي ماغابالي ايدي. ايکينجي، اورتانجيل اوغلونون آدي ماغاديوي ايدي. اوچونجو، ان کيچيک اوغلونون آدي ماغاستوي ايدي. بير دفعه  او حؤکمدار اوچ اوغلو ايله داغلارا و چاي کنارلارينا گزمه يه گئتدي. اونلار اورايا چاتيب اَيله نيب شنلنديکدن سونرا اوچ شاهزاده حؤکمدار آتالاريندان چيچک، گيلمئيوه ييغماغا ايجازه ايسته ديلر قالديلار. اوردا-بوردا، ائلده-بئله ده دولاشاراق سيخ قاميش بيتميش بير بؤيوک چايين ياتاغينا گيريب، اورادا دينجلمک ايسته ديلر. دينجلمک اوچون اوتوراندا ان بؤيوک شاهزاده ايکي قارداشينا بئله دئدي: - آي قارداشلاريم، بو گونکو گون منه چوخ قورخولو و مودهيش گلير. بئله اولماسين! دئيه سن، بو چاي و چمن ايچريسينده وحشي هئيوانلار وار، اونلاردان ضرر گؤرمريک؟ ايکينجي شاهزاده بئله دئدي: ائي منيم بؤيوک قارداشلاريم! منيم اؤز جانيمدان چوخ قورخوم يوخدور. او ندير کي؟ من عزيزلريميزين آيريليق عذابيندان قورخورام. بو سؤزو ائشيديب اوچونجو ماغاستوي شاهزاده سونرا ايکي بؤيوک قارداشينا بئله موراجيعت ائتدي: - بو آداما يوووشمايان درويشلرين، زاهيدلرين مسکه نيديرسه، منيم هئچ قورخوم، اورکوم يوخدور، قوهوم-عقربادان آيري دوشمکدن ده قورخوم يوخدور. حتّی قلبيمده شنليک، سئوينج حیسسي دوغور. بيز بورادا بؤيوک خوشبختليک تاپاجاغيق. بو واخت بو اوچ شاهزاده اورکلريندن کئچن سؤزلري دئييب آياغا دوراراق يئنه او آرخين (چايين) ايچينه گيرديلر. بئلجه دولاشارکن اورادا يئنيجه بالالاميش ديشي پلنگ گؤردولر. بو آج پلنگين بالالاديغي يئددي گون ايدي، يئددي کوچويونه بوتون گوجونو صرف ائديب طاقتدن دوشموش، آج-سوسوز قاليب اوزولموش، تاماميله اؤلو وضعيتده اوزانميشدي. نه؟ 

610. بونو اونلاردان بؤيوک ماغابالي شاهزاده گؤروب بئله دئدي: 

- واي! ديشي پلنگين بالالاماسيندان يئددي گون کئچميش، يئددي کوچويونو يئمله مک اوچون ايسته ديگي يومشاق بير يئم تاپماديغيندان، آجليق، سوسوزلوق عذابيندان سيخيلاراق اؤز کوچوکلريني يئمه يه مجبور اولاجاق. بوندان دا زاواللي بدبخت مخلوق اولارمي؟ – دئدي. بو سؤزو ائشيديب ماغاستوي شاهزاده سونرا بؤيوک شاهزاده قارداشينا: - بو پلنگ نه يئيير، دايم يئديگي ندير؟ دئييب سوروشدو. بؤيوک شاهزاده قارداشي بئله جاواب وئردي: - پلنگين، ببيرين، قاپلانين، چؤل پيشيگي نين، شيرين، قوردون، تولکونون يئمي هميشه يالنيز ايستي ات و قاندير. بوندان باشقا داها اؤزگه يئم يوخدور کي، بو الدن دوشموش، زيفله ميش آج پلنگي ديريلتسين، -دئدي. بو سؤزو ائشيديب سونرا اونلاردان ايکينجيسي ماغاديوي شاهزاده دعوت گؤزله مه دن درهال دئدي: سون درجه گوجلو ياراديلميش، لاکين الدن دوشوب ضعيفله ميش آج پلنگ آجليق، سوسوزلوق 

611. عذابيندان اوزولوب اؤلمک اوزره دير. بيزدن باشقا کيم اولاجاق کي، بو بدبخت مخلوق اوچون موناسيب يئم، سو وئرسين، اؤزونو اونودوب اونون عؤمرونو اوزاتسين، -دئدي. بؤيوک شاهزاده بو سؤزو ائشيديب يئنه اورتانجيل قارداشينا: - ائي قارداشيم، مال-مولک و ايشدن ال چکمک چتيندير، آنجاق حياتيندان کئچمک داها چتيندير، -دئدي. بو سؤزلردن سونرا ماغاستوي شاهزاده بئله دئدي: - ائي بؤيوک قارداشلاريم! بيز هاميميز اؤز حياتيميزا اولدوقجا چوخ صداقتلي و باغليييق. بئله ليکله، ديگر جانليلارا خئيير و فايدا وئرمک اوچون بيزده مودريک بيليجي عاغلين ايشيقلي گؤزو يوخدور. يئنه بير نئچه اوجا کؤنوللو، خئييرخاه اينسان اؤولادي هميشه عزيزلريني قوربان ائده رک ديگر مخلوقلارا خئيير، فايدا وئررلر، -دئدي. بونجا سؤزلري او بؤيوک قارداشلارينا دئييب اؤز-اؤزونه فيکيرلشدي: – منيم بو بدنيم دونيادا يوز مين ايللر عرضينده نه قدر چورويوب محو اولوب! اگر بدن اتسيز ده اولسايدي، يئنه اوندان هئچ بير فايدا اولمازدي. بوگونکو گونده نئجه موناسيب، بونا بنزر يئر تاپماق اولار کي، منيم گرکسيز بدنيمي ايستيفاده اوچون يارارسيز اشيا کيمي، ايرين و چيرکي آتان کيمي محو ائديب بو آج بدبخت پلنگه آتاسان. 

  612. نييه بو آج پلنگه دوست، کؤمکچي اولماييم، -دئييب بئله دوشونوب بؤيوک قارداشلاري ايله مصلحتلشرک گزمگي باشا چاتديريب او پلنگين يانيندان کئچنده اونلار ناراحات اولوب تأسوفلنديلر. اونلارين اوچو ده  کدرلندي، سونرا ماغاستوي شاهزاده پلنگين آج، آريق، ازيييت ايچريسينده اولماسينا ديقتله باخيب، اونون اترافيندا دولانديقجا نظرلريني اوندان گؤتوره بيلميردي، سونرا اونو فيکريندن چيخاردي و اونلار باشقا يوللا گئتديلر. بو زامان يولدا ماغاستوي بئله فيکيرلشدي: - اؤز هياتيمي قوربان وئرمگين چاغي، واختي ايندي گلدي. بونلار نه اوچوندور؟ – دئدي. کيمم کي، 

613. اولدن بري بو چوروک، قانلي، ايرينلي، مهببتسيز اعتيبارسيز، دهشتلي بدنه بئله اينانديم. آش، ايچکي، دون، گئييم، ياشاييش يئري، آت، فيل، آرابا، يوک هئيوانلاري، داش-قاش، اينجي، مال-دؤولت اسيري اولدوم. چورومه، محو اولما قانونو عصاسيندا ووجودوم تدريجن محو اولدو، يوخ اولدو. هم ده بو بدني محو اولماغدان تاماميله قورويوب ساخلايا بيلمه ديم. نئچه دفعه  اونا اعتيبار ائتديمسه، سهوه يول وئرديم. سونرا ياوا دوشمنلرين قايداسينجا مني يانيلديب ووجودوم مني سئوينجدن، موکافاتدان مرحوم ائتدي. بونو بئله بيلمک گرکدير! بدن مؤحکم و ابدي دئييل، باشقالاري ايله موقاييسه ده ايستيفاده سيز اولماسي باخيميندان ياوا دوشمن تک بدهئيبت بير شئيدير. اونون اوچون من بو گونکو گونده ووجودومدان ايستيفاده ائديب بؤيوک بير ايش گؤروم، چاي ايچريسيندن بير دار قاييق تاپيم ووجودومو دوغماق، اؤلمک چئوره سيندن، دؤوريييه سيندن چکيب چيخاريم، دئييب فيکيرلشدي. او بير ده بئله فيکير ائله دي. 

614 .اگر اؤز بدنيمي محو ائتسم، اوندا تامام يوخ اولارام و قم، کدر، يارا و شيشدن، قان و ايريندن، آغري-آجيدان، قورخو و تهلوکه دن-هاميسيندان اوزاقلاشميش اولارام. بوندان علاوه : او کي قالدي بو بدنه، او دنيزده اوتوز آلتي جور زيبيلله دولو آدالارا بنزه يير. (بو بدن) سينير و دامارلارلا هؤرولموش، ساريلميش بوش و زيفدير، بوتون قورد و هشارات، ايرين، قان يوواسي، مکانيدير، ايري سوموکلر ده برکيديلميش اييرنج بير شئيدير. اونا گؤره ده منه آيد اولان اودور کي، منيم بو بدنيمي قوربان وئرمک سونسوز و ان عالي سادتدير، يوکسک و ابدي پيروانا ديله ييب درد و کدري، عذاب و ازيتي اؤزومدن اوزاق ائديم، دوغوم و اؤلوم دؤوريييه سيني علاقه لنديريم، بيزيم ائهتيراسلاردان آسيليليغيميزي آرادان قالديريم. 

615 . بونلارين هاميسيني دين واسيطه سيله، ترکي-دونياليقلا بوتون بئش عالمده مؤوجود جانلي مخلوقلاري قوربان وئريب موختليف بورخانلاري سئوينديرمکله الده ائتمک اولار دئييب بئله دوشونه رک سونرا ماغاستوي شاهزاده روحي سارسينتي وضعيتي کئچيره رک اؤزونو و باشقالاريني خيلاص ائتمک مقصدي ايله درين خيالا داليب اؤز اورگيني و داخيلي حیسسلريني آلوولانديريب ايکي قارداشينا يالواردي کي، اونلار عاغيللانيب حاق يولونو توتسونلار! سونرا اگر قارداشلاري مانع اولسالار، اؤزونون گوجو ايله ايستکلرينه نايل اولماياجاغيندان قورخوب سکسنه رک (ديکسينه رک) اونلارين قارشيسيندا اَييلدي و قارداشلارينا: - اونلار بير قدر ايره ليده گئديب اونو گؤزله سينلر، سونرا من سيزه چاتارام، -دئييب قارداشلاريني ايره لي گؤندردي. ماغاستوي شاهزاده اؤزو ايسه قاييديب يئنه آرخا گيره رک آج پلنگين يانينا گليب تئز-تله سيک پالتاريني چيخاريب قاميش بوداغيندان (کولوندان) آسيب تئز-تئز سؤيله دي: من بوددا ديني قانونو ايله اؤز چوخ سئوديگيم ايستکلي بدنيمي ديديب آتيرام. من مؤحکم و ترددودسوز اؤزومده کي  تأسوف حیسسلريني ائهتيزازا گتيريرم و تانري ائلچيسي نين برکتيني ديله ييرم، بوتون بيليجي، مودريک آداملار اوچون ديله ييرم کي، ايستکلي و مؤحترم بو برکت او اوچ دونيادا و عذابلي حيات دنيزينده کي  بوتون ايستکلي جانلي مخلوقلاري اوزه چيخارسين، اونلاري ساکيتلشديرسين، اونلارا سئوينج بخش ائتسين، -بئله دئدي و 

  616 . بو واخت شاهزاده او آج پلنگين يانيندا يئره اوزاندي. اؤز قلبي نين ايستيسي، آلووو سايه سينده او آج پلنگ آتيليب يئمه دي. بوديساتوا بونو گؤرندن سونرا اوجا بير داغا چيخيب اؤزونو اورادان آتدي. يئره يئتيشديکده بوديساتوا يئنه بئله فيکيرلشدي: - بو آريق پلنگ گوجسوز اولدوغونا گؤره مني يئيه بيلمز، دئدي و بوديساتو سونرا آياغا قالخيب اطرافينا باخيب بير بيچاق آختاردي، تاپمادي. سونرا قوروموش برک قاميش گؤتوروب اونونلا بوغاز داماريني دئشيب قان چيخاراراق ياواش-ياواش پلنگه ياخين گئتدي. 

  617 . پلنگين يانينا يئتيشديگي زامان آغير، بؤيوک، قونور يئر آلتي دفعه  سيلکله نيب ترپندي. ائله اولدو کي، گوجلو کولک قالخدي، بونونلا گؤلون سويونو جوشدوروب آلتيني-اوستونه چئويردي. ماوي گؤيون اوفوقونده کي  گون تانري راقويا تابئ اولموش کيمي ايشيقسيز، پاريلتيسيز اولدو، اؤلزيدي. دونيانين دؤرد طرفي قارالدي، قارا دومانلا اؤرتولدو. ماوي گؤيدن يئره تانري نفه سي، عطري دوشدو، شاناگولله چيچکلري ياغدي. او آرخين، چمه نين ايچي شاناگولله گوللري، چيچکلري ايله دولو اولدو… 

  618 . … او آج پلنگ بوديساتوانين بوغازيندان قان آخديغيني گؤردوکده او قاني يالاياراق اتيني تامام يئييب قورتاردي، آنجاق (ونون) قورو سوموکلري قالدي. ائله کي، بوديساتو شاهزاده نين بؤيوک قارداشي يئر ترپنمه سيني (زلزله اولدوغونو) گؤردو، او، کيچيک قارداشينا بئله دئدي: قونور تورپاق چايلار و داغلارا بيرليکده مؤحکم ترپه نير، تيتره يير، ايستيناسيز بوتون دؤرد طرف، يان-يؤره قاتي ظولمت اولوب، گؤيده گونش قاراليب، اؤلزيگيبدير. گؤيدن يئره سس-کويله تانري نين شاناگولله چيچکلري سپله نير. چوخ يقين کي، بونلار قارداشلاريميزين ووجودونو قوربان وئرمه سي نين علامتلريدير، - دئدي. بو سؤزو ائشيديب اونون کيچيک قارداشي بئله دئدي: - من ماغاستوي نين تاثيرلي، هيجانلي و چين سؤزلري نين هاميسيني ائشيتديم. او گؤروبدور کي، آجليق عذابيندان آريق، آج و گوجسوز پلنگ اؤز بالالاريني يئمه يه مجبور اولوب. اونا گؤره قارداشيمدان شوبهله 

  619 . نينیرم: پلنگ اوچون ووجودونو قوربان وئرمييب کي؟ بو زامان او ايکي شاهزاده بئله دانيشاراق آجيقلانيب (قزبله نيب؟) هيچقيراراق آغلاديلار. سونرا جلد قاييديب آغلايا-آغلايا باياقکي او آج پلنگ ياتان يئره گئتديلر. اورا يئتيشديکده، کيچيک قارداشلاري ماغاستوي شاهزاد نين پالتاري نين قاميش کولوندان آسيلديغيني، ساچي، سوموکلري ايله مئييدي نين يئرده اوزانيب قالديغيني، آخان قاني نين داغيليب تورپاغا قاتيشاراق يئري ايسلاتديغيني گؤردولر. نه ائتمه لي؟ بونو گؤروب اؤزلريني او سوموکلرين اوستونه آتديلار، عاغيللاري باشلاريندان چيخاراق اوزو اوسته دوشدولر. بير قدر کئچندن سونرا شوورلاري باشلارينا گلدي، اللريني يوخارييا قالديريب سيزلاييب آغلاديلار و بئله دئديلر: گؤرکملي، قشنگ، گؤزل قارداشيميز ايدين، غوروروموز ايدين! اؤزونو آتايا، آنايا سئوديرميشدين، عزيزيميز هئي! 

 620 . نئچه گئرييه دؤنريک؟ 

  برابرجه چيخميشديق اوچوموز. 

  نييه آتدين اؤزونو 

  نييه بيزيمله گئتمه دين؟ 

  آناميز، آتاميز بيزه 

  ترس باخيب سورورسا 

  بيز ايکيميز نه دئيه جگيک؟ 

  نئجه جاواب وئره جگيک؟ 

  داها ياخشي اولاردي اوچوموز 

  برابرجه اؤلسه ايديک: 

  بيزه گرک دئييل 

  بو ديري ووجودوموز. 

او ايکي شاهزاده بو جور ناراحات اولاراق آغلاييب، سيزلاييب بوتون بونلاردان سونرا گئرييه يولا دوشدولر. او واخت ماغاستوي شاهزادنين نؤکرلري سسلنديلر: شاهزادميز نه واخت کئچيب گئتدي، گئدک، هاردا اولسا آختاراق! ائله بو واخت خاتون آنالاري شهرده سارايين يوخاري، اوست حيصه سينده ياتيب يوخولايارکن چوخ پيس يوخو گؤردو: امجکلري تامام کسيليب، آغزيندا آزي ديشلري اووولوب تؤکولوب، بير قارتال اوچ گؤيرچيني قووور. بيريسي توتولوب، ايکيسي قورخو ايچريسينده خيلاص اولوب، -بئله يوخو گؤردويونو دئدي. يئرين ترپنمه سيندن قورخوب يوخودان آييلدي. نه ائتمه لي؟ 

621. يوخودان آييلاندان سونرا ناراحاتليق ايچينده بئله دئدي: ايندي بوتون بونلارين سببي ندير؟ قونور تورپاق بئله تيتره يير! چايلار، گؤللر ساهيليندن چيخير، آغاجلار ييرغالانير، گونش تانري نين ايشيغي رنگسيز اولدو، نه ايله ايسه اؤرتولموش تک، اوخ سانجيلميش کيمي گؤزوم، سينم تيتريير، سيخيليرام، بوتون ووجودوم تيتره يير، دينجليگيم يوخدور. گؤردويوم او يوخونون علامتي، يوزومو پيسدير. گئرچکدن او انگللر پيس اولا ايدي، -دئدي. بو اسنادا ايکي دؤشو ده ائيدي، سود آخيب گلدي. بو ندير؟ اونو گؤروب داها دا قورويوب، مات قالدي. بو واخت خاتونون قوللوقچوسو ائشيکده ايدي. او، يولدان کئچن آداملاردان ائشيتديکي کي، شاهزادني آختاريرلار، هله تاپماييبلار. بو ندير؟ بونو ائشيتديکده قورخوب چوخ هيجانلاندي، سونرا اورايا داخيل اولوب خاتونا بئله خبر وئردي: خاتون اونا قولاق آسيرمي؟ 

622  .ائشيکده بئله سؤز گزير: شاهزادني آختاريرلار، هله تاپماييبلار. بو نه سؤزدور؟ – دئيه او سوروشدو. اوندا خاتون بو سؤزو ائشيديب بؤيوک قايغي و کدر ايچينده غضبلنه رک گؤزو ياشلا دولو تله سيک حؤکمدارين يانينا گئتدي: - ائي بؤيوک حؤکمدار (ئليک بي!) من بئله سؤزلر ائشيتديم. بو نه سؤزلردير؟ مگر بيز عزيزيميز، ان کيچيگيميز ماغاستويني ايتيره جگيک؟ – دئدي. بو سؤزلري حؤکمدار ائشيديب قورخو و هيجان ايچينده آغلايا-آغلايا بئله سؤيله دي: - ائي عذاب، ائي عذاب! بوگونکو گون عزيز و سئويملي اؤولاديمي ايتيرديگيم گون اولاجاقمي؟، - دئييب آغلاماغي دايانديريب قادينا تسللي وئره رک بئله دئدي: - ائي منيم آرواديم، سن هئچ ناراحات اولما! من ايندي هر وجهله چاليشيب اؤز سئويملي اؤولادلاريمي آختاراجاغام. اون-لارين وارين، يوخون (قالماقلاريني، اؤلمکلريني) بيلجيم، - دئييب جلد اؤز بويروقلاري، اينانديقلاري ايله بيرليکده کنارا چيخيب موختليف يوللارلا گئديب اونلاري آختارماغا باشلاديلار. 

  623) اونلارين آراسيندا بو سؤز تزجه ياييلميشدي کي، بير بويروق جلد حؤکمدارا ياخين گليب: - ائي اولو حؤکمدار! لوطفا غضبلنمگين ايکي شاهزاده ساغ-اسن قاييدير، آنجاق ان کيچيک ماغاستوي شاهزاده بوتون آختاريشلارا باخماياراق تاپيلماييب، اونو آختاريب تاپاجاقلار، -دئييب موراجيت ائتدي. حؤکمدار بو سؤزو ائشيديب چوخ ساکيتلشدي و بئله دئدي: ائي عذاب، ائي عذاب! من چوخ ايستکلي و عزيز اؤولاديمي ايتيرديم. اؤولاديم يئني دوغولاندا سئوينجيم، اؤيونجوم آز اولدو، سونرا اؤولاديمي ايتيرديکده عذابيم چوخالدي. بو حالدا اؤولاديم ساغ-اسنديرسه قوي بيزيمله قوووشسون اگر اؤلموشسه، منيم ووجودوم عذاب چکميجک – دئدي. خاتون بو سؤزو ائشيديب باغرينا اوخ سانجيلميش آدام کيمي اورگي آياغينا دوشدو، زارييا-زارييا بئله اوخشادي: - اوچ اؤولاديم قوللوقچولاري ايله بيرليکده اَيلنمک، شادلانماق اوچون آرخا گئتديلر. 

  624. هاميسيندان کيچيگي سئويملي ايستکلي اؤولاديم يالنيز قاييديب گلمه سه ، تامام بيزدن آيريلاجاق، گؤرونور، نه ايسه بدبختليک وار، - دئييب آغلاييب-سيزلاديغي واخت ايکينجي بويوروق گليب حؤکمدارين يانينا يئتيشدي. اوندا حؤکمدار اونا: ائي بويوروق، سئويملي اؤولاديم ما-غاستوي هارادادير؟ – دئييب جاواب گؤزله دي: او بويوروق حؤکمدارين بويوروغونو ائشيدنده ايستي گؤز ياشلاريني آخيداراق قايغي و انديشه ايله آغلاياراق نيطقي توتولدو، ديلي، بوغازي قورودو، هئچ بير جاواب وئره بيلمه ييب ديمديک داياندي. بونو گؤروب حؤکمدار و خاتونو تلسه رک خواهيش ائتديلر، تئز اول، سؤيله، ائي بويوروق، کيچيک اوغلوم هارادادير؟ ووجودوم اسير، اودلانيب يانان کيمي؛ حیسس و دوشونجه لريم باشيمدان چيخيب، کوت آدام کيمي؛ هئچ نه درک ائتميرم، منيم قلبيمي سينديريب محض ائتمه، - دئدي. اوندان ايکينجي بويروق بوديساتو شاهزادنين اؤز جانيني قوربان وئرمگي و بوتون بونلار حاقيندا آرديجيل شکيلده دوزگون معلومات وئردي. 

  625. بو سؤزو حؤکمدار و خاتونو ائشيديب غضب و هيجاندان هئچ نه ائده بيلميه رک آنجاق هؤنکوروب آغلاديلار، اؤولادلاري نين اؤلدويو يئري گؤرمک ايستيه رک تئز جلد گئدن آتلار قوشولموش فايتونا (کانلي) اَيلشيب او قاميش بيتن آرخا گئتديلر. اونلار بوديساتوين اؤزونو قوربان وئرديگي يئره چاتاندا و اوندان سونرا بوديساتوين اورا-بورا سپلنميش سوموکلريني گؤروب بير آغاجي کولک يئره چيرپان کيمي اؤزلريني اونون اوستونه آتيب اوزوقويولو دوشدولر، هوشلاريني ايتيره رک اؤزلريندن گئتديلر. بو واخت اورادا دايانميش بويروقلارين باشچيليغي ايله بيلر و اينانجلار اونلارين اوزونه سويوق سو سپديلر، يئلپيکله ديلر، بير قدر سونرا حؤکمداري و خاتونو هوشا گتيرديلر، هوشلاري باشلارينا گلن کيمي اونلار اللريني 

  626 يوخارييا قالديريب آغلايا-آغلايا بئله تاپشيرما دئديلر: - نئجه بدبختليک اولدو؟! اؤولاديم، گؤزل بالام! اؤلمک، عذابي نه اوچون سني بئله تئز گليب تاپدي، سندن اؤنجه من گرک اؤليديم. بو نه گوندور؟ بونون کيمي بؤيوک آجي و عذابلاري کاش گؤرمه يهيديم، - دئدي. اوندان سونرا حؤکمدار خاتونونون بايغينليق وضعيييتي بير آز کئچديکده ساچلاري داغيلميش حالدا سينه سينه چيرپاراق باليق سودان چيخاريليب ايستي قومون اوستونده چابالايان، چيرپينان کيمي يئرده چابالاياراق، چيرپيناراق اؤولاديني بئله اوخشادي: 

627. من آچيقجا گؤرموشدوم بو نيشاني،

ايکي ممه بيرليکده  ديبيندن بيچيلير گؤردوم

ازي ديشيم قوپاريليب  دوشوب گلير گؤردوم.

 گؤتورموشم مگر  بو ايضطيرابين دنگيني.

  يئنه بير يوخو گؤردوم:

– اوچ گؤيرچين ياوروسو  قارتال قووالايير اوچونو

 بيريني آپارير گؤردوم

 ايندي ايتيرديم ان کيچيگي

 يوخومدا هئچ ده يالان چيخمادي،  

 کيم ايدي عجبا بيچن            

  ياوروجوغومون ووجودونو؟

  ساچيليپ ياتير ائي           

  سوموکلري يئر-يئر.                     

  قئيب ائتديم اوغلومو                      

  سئوگيلي ياورومو             

  کدره، ايضطيرابا بوغولوب 

  حرکتسيز قالديم، دئييلمي؟   

  کيم ايدي عجبا اؤلدورن                  

  ياوروجوغوم آه سني؟                    

  باشيما گتيرن بونجا                       

  کدر، قايغي، ايضطيرابي                

  قاتي شيشمک دئييلمي؟      

  منيم بو اورگيم  ان سئوگيلي ياوروجوغو 

  ياريليب ييرتيلمادان پيس دوشون (يوخونون) 

  نئجه دورور بئله؟ ايشارتي  

دئييب بئلجه اوخشادي. سونرا ائله بو واخت حؤکمدار اؤز ايکي اوغلو ايله بيرليکده آغلاييب سيزلاياراق اؤز ريسلري ايله کؤمکلشيب قالميش سوموکلري بوديساتوين موقدس خاتيره سي کيمي ييغيب توپلاديلار. جوربجور بؤيوک مراسيملر، آيينلر، سيتاييشلر ايجرا ائتديلر شاهزادنين روحونا. آيين و مراسيملرين ايجراسي باشا چاتيب قورتارديقدان سونرا شاهزادنين نيشانه لريني بير بينايا توپلاييب کيليدله ديلر.