" شهيد مينار "آبيده سي، داکادابنگلادشین باش شهرینده21 فئورال 1952-جي ايلده آنا ديلي يولوندا شهيد اولموش اينسانلارين خاطيره سينه اوجالديلميشدیر.

ديل هر بير ميلتين ماددي و معنوي ايرثيني قورويان و اينکيشاف ائتديرن ان مهم و ان گوجلو واسيطه دير. هر بير اينسان اؤز آنا ديليني ياخشي بيلمه لي و اونو قوروماليدير بو اونون معنوي بورجودور. 

آنا ديلي اينسانين معنوي عالمي نين زنگينلشمه سينده، دونياگؤروشونون گئنيشلنمه سينده، مکمل تحصيل آلماسيندا، اؤز سويداشلاري ايله اونسيت قورماسيندا مهم رول اوينايير.

 آنا ديلي ميلتين اؤزونمخصوصلوغونو قوروماقلا ياناشي، ترجمه واسيطه سيله باشقا خالقلارين مدني ايرثي ايله تانيش اولماغا امکان يارادير.

ديل هر بير ميلتين ماددي و معنوي ايرسيني قورويان و اينکيشاف ائتديرن ان موهوم و ان گوجلو واسيطه دير. هر بير اينسان اؤز آنا ديليني ياخشي بيلمه لي و اونو قوروماليدير. 

آنا ديلي اينسانين معنوي عالمي نين زنگينلشمه سينده، دونياگؤروشونون گئنيشلنمه سينده، موکممل تحصيل آلماسيندا، اؤز سويداشلاري ايله اونسيت قورماسيندا موهوم رول اوينايير. آنا ديلي ميلتين اؤزونمخسوسلوغونو قوروماقلا ياناشي، ترجومه واسيطه سيله باشقا خالقلارين مدني ايرسي ايله تانيش اولماغا، اونلارلا اونسيت قورماغا ايمکان يارادير.

دیل حاقیندا دیرلی بویروقلار

بيرينه ائله بير سؤز سؤيله کي، يا ياشات، يا دا اؤلدور؛ آما اصلا يارالي بوراخما. (شمس تبريزي)

بوتون بؤيوک صنعتکارلار اصلینده هميشه عيني سواللاري قويورلار؛ لاکين هره اؤز دؤورونون ديلينده.

 (بو تورخان)

دانيش کي، سني گؤروم. (سوکرات)

ديل فيکري او زامان داها ياخشي ايفاده ائده بيلير کي، اونو اؤز آهنگينه اويغونلاشديرا بيلير.

 (بو تورخان)

ديل اينساني ديرلنديرمک اوچون واسيطه دير. 

محمد پئيغمبر (ص)

ديل کئچميش نسيللرين دوشونجه سينه بيچيلميش ليباسدير. او، اينديکي نسله دار دا گله بيلر، گئن ده.(بو تورخان)

ديل مدنيتله بيرگه بوي آتير. (آ.ن.تولستوي)

ديل نه قدر بؤيوک ميدان آچا بيلسه، فيکير ده اؤزونو او قدر آزاد حيسس ائدر. (بو تورخان)

ديل او زامان اينکيشاف ائدير کي، چاغداش دوشونجه مؤوجود ديل قليبينه سيغمير. 

(بو تورخان)

ديل خالقين روحونون تظاهورودور؛ ديل اونون روحو، روح ايسه اونون ديليدير. (هومبولدت)

هانسي ديلده دئييل، نه باره ده اوخويوب-يازماق اؤنمليدير. (بو تورخان)

 هر بير خالق اؤز ديلي ايله يارانير.آنجاق خالقين ديليني ياشاتماق، اينکيشاف ائتديرمک و دونيا مدنيتي سويييه سينه قالديرماق خالقين قاباقجيل آداملاري نين، علم، بيليک خاديملري نين فعاليتي نتيجه سينده مومکون اولور. 

(حيدر علی اف)

کيم اؤزگه ديلي ايله تانيش دئييلسه، اؤز ديلي حاقيندا دا هئچ نه بيلمير. (يوهانن وولفقانق گؤت)

شيفاهي نيطق دؤنمزدير، – بو اونون قيسمتيدير. 

(رولان بارت)

ياخشي دانيشماغي ياخشي يازان مؤليفلري اوخوماقلا اؤيرنمک اولار. (وولتئر)

 

مشهورلارين ديل حاقيندا دئديکلري

ديلي خالق يارادير، فيلولوقلار کشف ائدير و سيستئملشديرير، يازيچيلار ايسه اونون اوزرينده سؤز صنعتي ياراديرلار.

و.بئلينسکي

ديلين پيسي-ياخشيسي اولمور... چونکي ديل يالنيز گوزگودور. او گوزگويه گيلئيلنمک يئرسيزدير.

س.دوولاتوو

چوخ ديل بيلن آدامين سانکي بير قيفيلا بير نئچه آچاري وار.

وولتئر

ديل فيکرين ليباسيدير.

س.جونسون

خاريجي ديل بيلمه يهن آدام اؤز ديليني ده ياخشي بيلمز.

اي.هؤته

ديل ائله بير قورغودور کي، گرک يايي نين جيريلداماغينا ايمکان وئرمه يه سن.

آ.ريوارول

ديللر آراسيندا فرق او قدر بؤيوکدور کي، بير ديلده کو­بود سسلنن سؤز او بيري ديلده تامام فرقلي سسله نير.

د.درايدئن

ديل و سؤز آغاجين بوداغي و يارپاغي کيميدير.

آ.پئرئس

ديل خالقين تفککورونون گوزگوسودور؛ هر عيرقين اينتئل­لئکتي استئرئوتيپ کيمي ديلينه کئچير و مدال کيمي اورا حک اولونور.

خ.سئخادور

نه اولور اولسون، دوغما ديل دوغماليغيندا قالير. اورکدن دانيشماق ايسته سن، عاغلينا بير فرانسيز سؤزو گلمز. اگر سئچيلمک ايسته ييرسنسه، بو باشقا مسله.

ل.تولستوي

يالنيز اؤلو ديللر ابديته قوووشور.

آ.ريوارول

هر ديلين اؤز سؤز آخيني، هارمونيياسي وار.

ک.باتيوشکوو

بير خالقين خاراکتئريني بيلمک ايسته ييرسنسه، اولجه اونون ديليني اؤيرن.

پيفاقور

ديلي قوروماق لازيمدير. ديل ساده و ظريف اولماليدير.

آ.چئخوو

اگر ديله اؤز شيره سيندن، کؤکوندن بهره لنمه يه و اؤز ماياسيندا قيجقيرماغا ايمکان وئرمه سه نيز، ديل زنگينلشمز، معاصير طلبلره جاواب وئرمز.

و.دال

ياخشي ايفاده ائديلميش فيکير بوتون ديللرده مودريک سسله نير.

د.درايدئن

ديل تاققيلداديب موسيقي چالديغيميز چاتلاميش قازانا اوخشايير. بو سس، ائله بيل، آيي رقصي اوچون نظرده توتولوب.

ق.فلوبئر

ان مکمل ديل او ديلدير کي، اونون واسيطه سيله آز سؤزله بؤيوک معنا ايفاده ائده بيله سن.

پ.بواست

گؤزل ديل حتّی ان سارساق فيکره ده لياقت دونو گئيينديرير.

و.شوئبئل

شعير ديلي ايله نثر ديلي آراسيندا فرق آختارماق يئرسيزدير. صاف شير ديليني اوخويوب باشا چاتديرماق اولماز، صاف نثر ديليني ايسه اؤيرنمه يه ديمز.او.ودئن

دیل حاقیندا سویله ننلر

حاضیرلادی : علی محمد نیا

-ديل وار بال گتيرر، ديل وار – بلا.

-دونيادا ان آجي و ان شيرين شئي ديلدير.

-ديلدن آجي، ديلدن شيرين شئي يوخدور.

- عاغلي قيسانين، ديلي اوزون اولار.

-يامان ديل باشا بلادير.

-ديلي وارسا، ديلچگي ده وار.

-آدي ديللر ازبريدير.

-دادلي ديل – گولر اوز.

-شيرين ديل آداما دوست قازانديرار.

-شيرين ديلين اولسون، قورويان سؤزون اولسون.

-بالين يوخدور، بال کيمي ديلين اولسون.

-اورگي دولو اولانين ديلي اوزون اولار.

-اينصاف ديلين ياريسيدير.

-لالين ديليني آناسي بيلر.

-سؤزو اولانا ديل وئر، سؤز ائشيدنه قولاق وئر.

قولاغي آچان ديل اولور، ديلسيز قولاغ کار اولور.

ديشسيز، ديل ياراماز. ديلسيز، ديش آزار.

-ائوي دارالدان قوناق اولسون، قوناغي دارالدان، ديلين اولماسين.

-آت اولماسا، يول اولماز، ديل اولماسا، ائل اولماز.

-قلمين ديلي ايکي اولسادا، يازيسي بيردير.

-آغزي ياغلي، ديلي باغلي.

-ايپين اوزونو ياخشيدير، ديلين قيساسي.سوفره ده اليني ساخلا، مجليسده ديليني.

-اينسانين ديلي صانديق، دوداقلاري قيفيل اولماليدير.

-عاليمين بيليگيندن، يالانچي نين ديليندن ياپيشارلار.

-آدام ديليندن بلايا دوشر.

-آدامين باشينا نه بلا گلسه، ديليندن گه لر.

-باش، ديل ايله آسيلار.

-باشا ديل گتيره ني، ائل گتيره بيلمز.

-ائولره گئدن قيزين ديلي آلتيندا قند گرک.

-بير آغيزدان چيخار، مين ديله ياييلار.

-شيرين ديل ايلاني يوواسيندان چيخاردار.

-گولر اوز، دادلي ديل ايلاني يووادان چيخاردار.

-باليقلار قارماقلا، اينسانلار شيرين ديلله اوولانار.

-مقصيرين ديلي قيسادير.

-الي اَيري نين، ديلي دوز اولماز.

-آتي، يولويلا تاني، ائلي ديليينن تاني.

-دوغرو سؤز ديلينه گلمز.

-ايتين ديليني بيلير.

-لوتونون ديليني لوتو بيلر.

-بيرينين الي، او بيرينين ديلي ايشله يير.

-بورج وئره نين ديلي اوزون اولار.

-قوناق ايله قوناقچي، ائششک ايله ائششکچي ديل تاپار.

-گؤزو ايله گؤرور، ديلي ايله ايسته يير.

-پولون وارسا دينجليک، ديلين وارسا ائلچيليک.

-دؤولتلي نين ديلي اوزون اولار، الي قيسا.

-يوخسولون ديلي گؤدک اولار.

-کاسيبين دورمگي ياوان اولسا، ديلي ياغليدير.

-ثاواب آدامي ديللي ائيلر.

-تورک ديلي، باغا بنزر.

-فيکير ديلي باسار، ديل ده گوجو.

-ياخشي نين سؤزو ديلينده، يامانين کيني اورکده.

-دئيه-دئيه ديليمده توک بيتدي.

-ديل وار ديشي ساخلار، ديش وار ديلي ساخلار.

-ديلين قوي ديلچگينه.

-قايينانالي گلي نين ديلي نين آلتيندا فند گرک.

-نه ديل بيلسين، نه دوداق.

-ائولره گئدن قيزين: قولاقلاري کار، ديلي لال، گؤزلري کور گرک.

-ائلدن-ائله، ديلدن-ديله، کيم گوله، کيم گولمه يه.

-ائل گؤزونو ديل آچار.

-ائلي اولمايانين ديلي ده اولماز.