توپلایانلار : هادی آغاپور ، سونل خانعلی پور،
رقیه چمنی و بهروز خانعلی پور
دوزنله ین : بهروز خانعلی پور
« آ» سسیله باشلایان آتا سوزلزی
- آغاجی اؤز ایچیندن قورد یییر.
- آغاج آجیسی گئدر ، دیل آجیسی گئتمز.
- آغاج بار گتیردیکجه ، باشین تیکر آشاغا.
- آت آتین یانیندا قالسا ، بویالاری بیر اولماسادا ، خویلاری بیر اولار.
- عاغیل یاشدا اولماز، باشدا اولار .
- آدام اولان هر سازیلا اویناماز .
- آغیز قوزو کوزودور ، آغدا چیخار قارادا.
- آغیزا داد ، قارینا شیون.
آغاج اولاندان ، یاپراق دوشر.
- آغاج اؤز یؤنونه یخیلار.
- آغریمایان باش ، دوز ایسته مز.
- آغریماز باشا ، دوز باغلامازلار .
- آدام کول تؤکنده باشینا ، اوجا یئردن توکسه یاخچیدی.
- آزدی آرخ- اوروخ ، هایاندان گلدی دابانی جیرخ؟
- آز قاز دایاز قاز ، آخر اؤزون دوشرسن .
- آچارام صاندغی ، توکرم پامبیغی.
- آج قاریندا ، ایمان اولماز.
- آج قولاغیم ، دینج قولاغیم.
- آجیخلی اششک ، آتدان قیوراق اولار.
- آج تویوق یوخودا ، داری گورَر.
- آشین سئویخلیغی ، دنین یوخلوغی.
- آشباز ایکی اولسا ، آش یا دوزلو اولار یا دوزسوز.
- آشیغن سؤزو قورتاراندا ، نئینیم – نئینیم ( لیلی – لیلی ) چاغیرار.
- آصلانین دیشسی ارکیی اولماز.
- آشاغادان یوخارییا گئدنین وای هاواسیندان ، یوخاریدان ائنه نین وای نالاسیندان.
- آیی قانار کوت قانماز.
- آت هوروکدن میخن چیخارسا ، بیری یئره دیسه ایکیسی اؤزونه دَیَر.
- آغیر اوتور باتمان گل .
- آغیرییان دیشی ، چکیب آتارلار.
- آدو قویدون دَییرمانچی ، چاغیر گلسین دَن کوراوغلو.
- آرازین لام آخانیندان قورخ ، اینسانن یئره باخانیندان.
- آجلیق بیر ایل گئدر ، میننت مین ایل.
- آجینی دادمایان ، دادلینی بیلمز.
- آجیخلی باشدا آغیل اولماز.
- آدام اولانا ، بیر سؤز یئتر.
- آدامی چوخ ، اوماجی آز.
- آدام اؤزونه ائلیه ینی ، ائل ییغلا ائلییه بیلمز.
- آدین چیخینجا ، جانین چیخا.
- آدامی دیندیر ، سونرا دَیَر وئر.
- آنلایان دوشمن ، آنلاماز دوستدان یاخچی دیر .
- آختاران تاپار ، یوغوران یاپار.
- آرینین یوواسنا چؤپ اوزاتامازلار
- آرپایا قاتالار آت یئمز ، کپَیه قاتالار ایت یئمز.
- آستا گئدن یورولماز.
- آز اولسون ، دوز اولسون.
- آز یئه همیشه یئه.
- آلچاخلارا یاخا وئرمه ، ایگید سنه آرخا اولار.
- آت آلمامیش ، یَهَر آلما.
- آت آلمامامیش اوخورون چکمزلر. ،
- آتلاین اوخ ، گئری گلمز ( قاییتماز ).
- آجین یوخوسونا داری گیرر.
- آجین قارنی دویار گؤزو دویماز.
- آج نه بیلر هیوا کالدی .
- آرازین باشینا داش دوشوب ، قدم آلی دا قودوغونان کئچیر .
- آفتاوانین دار یئریندن گیریب ، گئن یئریندن چیخدم.
- آنان کیمدی باجین کیم؟ یاخین قونشو دئییبلر.
- آناسی چیخان آغاجی ، بالاسی بوداخ بوداخ گزر .
- آناسینا باخ قیزین آل ، اَرشینینه باخ بئزین آل.
« ب»
- بئش بارماغین بئشیده بیر اولماز .
- بو قولاغدان آلب ، او قولاغدان وئریر.
- بویویون سؤزونه باخمایان بؤیوره – بؤیوره قالار..
- بَی وئرن آتن دیشین سانامازلار( دیشینه باخمازلار) .
- بیر آغاجین کؤلگه سینده مین قویون یاتار.
- بیر گولونن باهار اولماز.
- بیر دَلی قویویا داش آتارسا ، مین آغیللی چیخارا بیلمز .
- بیت جیندادان چیخار.
- بیر دِئه ایکی اِئشید.
- بیچاق اؤز قولپونو کسمز .
- بیر اَلده اوچ قارپیز اولماز.
- بیرین دِئه بیرین اِئشید.
- بیر کؤنولو تیکنمسن ، یخمادا .
- بیلمه ین بیتمز.
- بیر تیکیلی تملدن اَیری اولسا ، باشی عرشه دیسه ده ، دیبی اَیریدی اَیری.
- باغدان اَریک قوتاردی ، گل گئدیمیز قوتاردی .
- باشینا گورا ، بورک گؤتور .
- بالغی هاچان سودان توتسان تزَه دیر .
- باشیم هارا ، آیاغیم اورا .
- بیلَیَن آدام ایکی دؤنه آلدانماز .
- بیزیم گلین بیزدن قاچار ، آغیزن اؤرتر قیچن آچار.
- بیلَیَن آدام قیش قئیدینه یازدا قالار .
- باغ اولمایان یئرده بوروتکان اؤزون باغ چاغیرار.
- باغا باخ اوزون اولسون ، یییَنده سؤزون اولسون.
- باهالیخدا چؤره یینی گیزله ین ، اوجوزلوغدا یالقیز قالار.
- باخماقلا اؤیرنمک اولسایدی ، ایتدن قصاب اولاردی.
- بال وئرن چیچه گی ، آری تانییار.
- بالاجا قوشون آغزی بؤیوگ اولار.
- بالق باشدان ایله نَر .
- بیر دانا ، بیر ناخیری کورلایار.
- بو گونون ایشین سحره قویمازلار.
- بیر باغینکی باغبانی باجارقسیز اولا، باغی وار گتیریب باغ اولابیلمز
- بیلیکسیز باشین آغریسینی ، آیاقلار چکر .
- بولانیق سنیکدن ، بولانق سو تؤکولر.
«ج»
- جوجه نی پاییزین سونوندا سایارلار.
- جوت اؤکوز ، یورولماز.
«چ»
- چؤره گین دوزو اولسا توتار.
- چاغیرلان یئره آر ائلمه ، چاغرلمایان یئری دار ائلمه .
- چوخ یاشایان چوخ بیلمز ، چوخ گزن چوخ بیلر .
- چوخ قونوشماخ ( دانشماخ ) گوموشدن اولسا ، آز قونوشماخ قزیلدن اولار.
- چاققال گؤودن ییرتار ، قوردون آدی دئییلر.
- چؤره گی آت دنیزه بالیقدا بیلمسه ، خالیق بیلجک.
- چالشگینن دوست قازان ، دوشمن اوجاق باشیندا .
- چؤره گی وئر چؤرکچییه بیرینده آرتیق.
- چیراق اؤز دیبینه ایشق سالماز.
« د »
- دوست اولماق آساندی ، ساخلاماق چتین .
- دوزو یئیب ، دوز قابینی سیندرما.
- داش یئریندن قوپاندا مین یئره دیَر.
- دوه گؤردوم ایزین گؤرمه دیم .
- دیش یوخیکن ، داماق واریدی.
- دایی دونو گئییب سالدانمامیشق ، بو یالانا آلدانمامیشق .
- دردلی دانیشقان اولار.
- دردی بیلر باشی چکن.
- دوشاب آلدم ، بال چخدی .
- دامار- دامار گؤل اولار.
- دوه چینن دوست اولانین ، کئچیدی گئن اولمالی ( داروازاسی گئن گرک ).
- دوه ها یئکه اولسا ، فیل اونداندا یئکه دی .
- دوغرویا زاوال یوخدو ، مین دیوانا چکسنده .
- دوزده یئرییه بیلمیر ، شوملوخدا ( شُوخومدا ) شیللاغ آتیِر .
- دلی دلینی گورنده ، چوماغین قیسار دالینا.
- دَلی تاریدان ( تانری ) گوجلو اولار.
- دؤیمه تاختا قاپیسین ، دؤیللر دمیر قاپینی .
- دالدان آتیلان داش ، توپوغا دَیَر .
- دیلنچیدن بَی اولماز، دولانسادا یوز ایللر .
- دالدادا اؤزونو برک ساخلا، قانشاردا هئچ اوتانما
- دامار دامار گؤل اولار – آخار آخار سئل اولار.
- دره بوشدو تولکو بی .
- دوه اویناسا ، دئییلر کی قار یاغار.
- دَوه اوُسته آغیزا قاوود آتمازلار.
- دوه سی اؤلنه ،یول گوسترن چوخ اولار.
- دوه ها اؤلو اولسا ، گؤنو بیر یوکدور.
- دادنان قودورانی یییر.
- دالاشاندا ائله دالاش ، بارشاندا اوزون اولسون.
- دوست دوستونو دار گونده سینایار.
- دارتیلمامیش دن اولما ( دنین وار ؟).
- دوست دوستون گوزگوسودور.
- دونَنی دئمه بو گونو دئهِ ، نُخودو دئمه لپه نی دِئه.
- دَدَم اؤلدو ، یا هل هله یا ولوله.
- دمیری کوره دن ، دمیرچی چیخارار.
« ز »
- زر قدرین زرگر بیلر.
- زیانین یاریسندان قاییتماق قازاشدیر .
- زحمتسیز چؤرک اولماز .
« اِ »
- اِششیی (گی) مین آتا چاتاناجا
- اِششیی ( گی ) اؤلنه ، گوللر.
- اِشینه اِشینه چیخما (چیخب ) اوجاق باشینا .
- اِششَیین (گین ) بوینوزو اولسایدی ، بیر آدام ساغ قویمازدی.
- اِششییم ( گیم ) اؤلمه ، یازدا یونجا بیتجک.
- اِشییه (گه) گوجو چاتمیر، پالانی دویور.
- اِششیی (گی ) مینن ، آنقیرتیسینادا قاتلاشا گرک.
- ائل گوجو ، سئل گوجو.
- ائلینن اول ( الله و اکبر).
- ائللینین آدی بؤیویر ،ائلسیزین سؤزو.
- ائتدمه ائدیلرسن ( ائتدمه ائدللر).
« اَ »
- اَریم ار اولسون ، کول دیبی ائویم اولسون.
- اَر گرک ، تئز گرک .
- اَره گئدن دئییلدیک ، گؤز آچان اولدوق.
- اَت دیرناخدان آیرلماز.
- اَت یییَن قوشون ،دیمدیگی اَیری اولار.
- اَلکده سو آپاریب ، قلبیرده سو گتیریر.
- اَلگیم اَلنیب ، قلبیریم گؤیده فیرلداییر.
- اَل اَلی یویار ، الده اوزو .
- اَلدن اَله ، هارای یوخدو ( اولماز ).
- اَکنده یوخ بیچنده یوخ ، یییَنده اورتاق قارداش ؟
- اَیاغینی یورغانیوا گوره اوزات .
« ع »
- عزیزیم عزیزینین ائوینه اَزیله ازیله.
- عالام عالامنان ، کئچلده خالامنان .
« ف »
- فرلی جوجه یومورتادا جوککولدر.
- فرلی اوغول نئینیر آتا مالین، فرسیز اوغول نئییر.
- فیکیرلشیب دانیشان ، هئچ زامان پئشمان اولماز .
« ه »
- هاینان گلن ، هویونان گئدر.
- هئچ کس اؤز آیرانینا تورش دئمز.
- هوروشون بیلمه ین ایت ، اؤروشونه قورد گتیرر.
- هر گلمه یین گئتمه ییده وار.
- هرنه تؤکسن آشینا ، گلیب چیخار قاشیغنا.
- هر نَیین یئنیسی (تزه سی ) دوستون اَسکیسی( کؤهنه سی ).
- همدان اوزاق ، کردیسی یاخین .
- هامینی بَزر ، اؤزو لوت گزر.
- هر آغاج اؤز یؤنونه ییخلار.
- هر کئچلین یازیسی بیر اولماز.
- هرکسین اؤز یئری وار ، هر یئرین اؤز آدامی .
- هه وار ، داغا میندیرر/ هه وار ، داغدان ائندیرر.
- هاییدی ، هویودو ، بویودو
« ح »
- حاجا گئدن گلدی ،ساجا گئدن گلمه دی.
- حاق سؤز ، آخار سولاری ساخلار.
- حسرتین داغ داشلارا ، قاریلار اؤلسون سن یاشا.
- حالوا حالوا دئمکله آغیز شیرین اولماز ..