SORUMLU MÜDÜR:Dr.HÜSEYN ŞƏRQİDƏRƏCƏK SOYTÜRK

مدیر مسئول : دکتر حسین شرقی دره جک سوی تورک

 

 

ابولقاسيم نباتي (1812،آذربایجانین قاراداغ بولگه سینین اوشتوبین کندینده دوغولموش و 1873-ج میلادی ده  اوشتوبین کندینده دونیادان کوچموشدور) 19-عصر آذربايجان ادبياتي نين نوماينده سيدیر.

 

 

 

  یاشامی

  ابوالقاسيم نباتي جنوبي آذربايجانين قاراداغ ويلايتي نين ديزمار ماحالي نين اوشتيبين قصبه سينده سایقین عاييله سينده آنادان اولموشدور. اونون اصلی قديم دؤورلردن بري آذربايجاندا گئنيش ياييلميش نباتيلر طايفالارينداندير. آتاسي مير يحیی محترم اوشتيبينده و ياخين کندلرده درويشليک ائدير، و دینی عقيده لري ياييردي. نباتي ايلک تحصيليني آتاسيندان آلميش، کلاسسيک پوئزيياني، خوصوصيله کلاسیک  ياراديجيليغيني و شرق تصووف ايدئيالاريني دريندن اؤيرنميشدير. يئنييئتمه چاغلاريندان آتاسينا قوشولوب قلندرليک ائدن نباتي آذربايجانين چوخ يئرلريني پيادا گزيب دولاشميشدير. شعيرلرينده کي  بيوقرافيک ايشاره لردن معلوم اولور کي، او، قاراجاداغدان باشقا قاراباغدا-عسگراندا، آغدامدا،  موغاندا، سالياندا، لنکراندا، تبريزده، خراساندا اولموش، بو يئرلرين ادبي-مدني حياتي ايله ماراقلانميشدير. 

  نباتي 1873-جو ايلده اوشتيبينده وفات ائتميش و اورادا کند قبريستانليغيندا دفن ائديلميشدير. 

  ابولقاسيم نباتي نين توربه سي قاراداغين خدافرين بؤلگه يسينين  اوشتيبين کندينده ده دیر

  ياراديجيليغي 

  نباتي  " مجنون " ،  " مجنونشاه " ،  " خانچوباني "  تخلوصلري ايله يازميشدير. او، هم کلاسيک شرق، هم ده آشيق شعري طرزينده اوريژينال اثرلر ياراتميشدير. ياراديجيليغيندا قوشما، تجنيس، گرايلي، قزل، چارپا، بحري-طويل کيمي ژانرلارا يئر وئرميشدير. 400 بيته ياخين شعيري ايلک دفعه  1845-جي ايلده تبريزده چاپ اولونموشدور. بوندان بير نئچه ايل سونرا 7500 ميصراعدان عيبارت  " نباتي "  ديواني ايشيق اوزو گؤرموشدور. آنجاق نباتي نين هئجا وزنينده، خالق شعري اوسلوبوندا يازديغي قوشمالارين، گرايليلارين چوخو بو ديوانا داخيل ائديلمه ميشدير. بو اثرلر ايسه نباتي ياراديجيليغي نين ان گؤزل اؤرنکلريندندير. خالق پوئزيياسي روحوندا يازديغي بعضي شعيرلرينده نباتي  " خانچوباني "  تخلوصوندن ده ايستيفاده ائديب. احتيماللارا گؤره، 18 –جی عصرده  " خانچوبانلی "  آدلي بير شاعير ده ياشاميش و اونون آدييلا باغلي  " خانچوباني "  داستاني يارانميشدير. نباتي نين حياتي بو داستانلا سسلشير. اودور کي، عادتن خانچوبانينا آيد ائديلن و بير ماهني کيمي ده خالق آراسيندا چوخ مشهور اولان  " آپاردي سئللر ساراني "  شعري نين ده مؤليفي نباتي ساييلير. 

  نباتي قوشمالاري نين اساس مؤوضوسو محبتدير. ليريکا اونون شعيرلري نين هاميسي اوچون سعجييويدير. نباتي آيدين جيناس قافيه لردن عيبارت تجنيسلر ده يازميشدير:  " گؤزلر نه گؤزلر " ،  " او اوز بو اوزه "  و س. نباتي قوشمالاري اؤز لاکونيکليگي ايله سئچيلير. 

  شاعير کئچيرديگي معنوي بؤهرانلاري  " لنگم " ،  "ندير "  رديفلي غزللرينده تصوير ائتميشدير. اونون محبت مؤوضولو غزللري ده وار...