Türk dünyasının və ölkəmizin dəyərli türkoloq –araşdırmacı yazar və şair oğlu Prof.Hüseyn Məhəmmədzadə sədiq (DÜZGÜN) aramızdan köçdü.


مدیر مسئول و سردبیر :

دکتر حسین شرقی دره جک (سوی تورک)

Sorumlu müdür və baş yazar :

Dr. Hüseyn Şərqidərəcək (SOYTÜRK)

 

چهارشنبه ایکی شهریور 1401 یعنی 24 آقوست 2022 ده اولکه میزین و تورک دونیاسینین دیرلی ائولادی استاد حسین محمدزاده صدیق (دوزگون) تهران دا ابدیته قووشدو.

هر بیریمیز اونون نه قدر دیرلی اولدوغونو بوندان سونرا داها دا بیله جه ییک. سوز سوز کی بوتون تورک دیل و ادبیاتینی سئونلرین اونلا بیر خاطیره سی واردیر. آنجاق اونملی اولان اودور کی، او بیزه داها بویوک امانت و خاطره لر قویوب گئدرک هر بیریمیزی اونون الده ائتدیی قازانیملاری قورویوب ساخلاماغی و توسعه ائتدیرمک اینامینی داهادا یوکسک سویه ده صاحیبلنمک اولکوسونه آشیلامیشدیر.

آذربایجان و اورتادوغو ادبیات تاریخینده اونملی چکییه مالیک اولان استاد دوزگون هم ده یارادیجی بیر مکتب ایدی. البته کی یوز ایللر بویو او اویره نیله جک و آنیلاجاقدیر.

تورکلویون ائنمز علمی بایراغی اولان استاد بوندان سونرا دا سرحدسیز تورک ادبیاتینین توکنمز قایناغی اولاجاقدیر.

استادیمیزی یاخیندان تانییان بیری کیمی اونون بوتون الده ائدینیملریندن اویرنن اویرنجی کیمی اونون چوخ شاخه لی ادبی- علمی و ژورنالیستیک تجربه لریندن چوخ فایدالانمیشام.

تورکجه " سهند " گوندلییندن تانیدیغیم و امکداشلیق ائتدیم استادین روحو قارشیسیندا باش اییرم و بو عوض اولونماز ایتگینی تورک اولوسونون بوتون خالقلارینا اوزللیکله ادبی و مدنی هم ژورنالیستکامیزین چالیشانلارینا باش ساغلیغی دیله ییرم. خدافرین درگیسی امکداشلاری آدیندان  سایقی دیر عایله سینه و سئونلرینه تسلیت دییریک. باشینیز ساغ اولسون //

استادین علمی سایتیندان گوتوردویوموز بیوگرافیک معلوماتی اولدوغو کیمی اوخوجولارا تقدیم ائدیریک.