İllərin qanadında və sevginin marağında bizdə yenidən sizlərlə görüşə gəldik.

Sorumlu müdir və baş yazar :Dr. Hüseyn Şərqidərəcək SOYTÜRK

مدیر مسئول و سردبیر : دکتر حسین شرقی دره جک  (سوی تورک)

اوزون ایللردیر ال –اله و قول –قولا وئره رک مقدس و مدنی ایشمیزی داوام ائتدیرمکدییک. اسن کولکلر و آخان سئللر بیزی یولوموزدان دوندره بیلمه دی.

 آچیق اوره کله اوزه ریمیزه دوشه نی ائدیریک.البته یول داششسیز و چول تیکانسیز دئییل.ایاغیمیزا دیین داشلاری اونمسه مدیک الیمیزه باتان تیکانلاریدا اومورسامادیق. اما قلبیمیز توخونانلاری هیچ اونوتمادیق. بیر سئوگی نامینه اوجالان بایراغی سرت باخیشلارا قربان وئرمه دیک.

 اوجادان اوجا اولوسوموزون بیریکیملریندن فایدالاناراق تاریخین تلاطوملو گلیشیندن و بویوکلریمیزین ذکا گونشیندن دوغان اوز دییر و مدنییتیمیزی قوروماغا و اوجا توتماغا جهد ائتدیک. یاریمیز تانری و یولداشلاریمیز گوزل قلبلی سیزلر اولدونوز.

خدافرین درگیسی آرتیق اوزون عمرو و یاشارلیلیغیلا بیر باشارینین و سئوگینین تمل داشی اولماغی حاق ائتمیش اولدو. اینام اصیل رهبر توتدوغوموز گوونج توتاناجاغیمیز اولدو.

صبر و دوزوم ایسه یولوموزون نورو و ایشیغی اولدو.یارینلارا باخیشیمیز ایسه گوزوموزون سولماز ناخیشی اولدو.

عمللریمیز ایسه جان سویو ایله یوغرولاراق بیزه دوشن گوره وین آلت داشی اولدو.

آنجاق اساس اولان ائلیمیزدن آلدیغیمیز آلقیش و سئوگی اولدو.باشیمیزی دیک توتوب گله جه یی ده دوغرو گورمه یی بوردان اویرندیک. قازانجیمیز عشق اولدو . ایتیردییمیز ال چیرکی اولان پارا -پول اولدو.

اوسانمادان یئنه یئنی ایلده گئنه سیزلرله بولوشماغا گلدیک. اومارام گلیشیمیز گوزل اولار وسیزلرین چکدییمیز زحمتلره وئردیینیز قیمتلرین اعلاسی دا بیزی داها فراح توتار.

قیمتلی یول یولداشلاریمیز رمضان آیی سئوگی و شفقت آییدیر . تمنی بودور کی تانری اوره کلرینیزدن سئوگی نورونو اسکیک ائتمه سین. اوزونوز گولر ريال ، ایچینیز فراح ، باغیشلارینیز بول اولسون. ال توتان اللرینیز ، کونوللر فتح ائدن گونلونوز دایما سوگی دولو اولسون . رمضان شریفینیز دا قوتلو و مبارک اولسون .اوروج نامازلارینیز مقبول بولسون.

هر زامان اولدوغو کیمی خافرین درگیسینین سایتی پولسوز سیز اوخوجولارین خدمتین ده دیر.ایسته دیینیز زامان هم اوخویا هم ده درگینی ائندیره بیلرسیز.

WWW.KHUDAFARIN.IR

عزیز و سایقی دیر یازار ، شاعیر و آراشدیرماجیلاریمیز ایسه مطلب لرینی بیزه بو ایمیل دن گوندره بیلرلر.

 این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید

  یولونوز آچیق  و ایشینیز آوواند اولسون