MISMIRİQ DÜNYA , BİZƏ NƏ VERMİSƏN ALA BİLMİRSƏN ?

 


SORUMLU MÜDİR:Dr.Hüseyn Şərqidərəcək SOYTÜRK

مدیر مسئول و سردبیر : دکتر حسین شرقی دره جک (سوی تورک)

بیر اوزو گولن او بی اوزو آغلایان دونیا گورسن بو گونلر نیه بو قدر میسمیریقدی ؟ او بیزدن اوز دوندریبدیر. ایچیمیزده کی سئوگی و شفقتی سوندوروبدور. مکر؛ ریا ؛ حیله ؛ سیاست و زوربالیق خسته لیی دونیامیزین گرچک اوزونو اورتموشدور. قایغی و سئوگی چوخ اوجوز و سیرا دیشی اولموشدور. منملیک ؛ کبر و قدارلیق دونیامیزین روحونا هوپموشدور.

آرتیق اوشاقلارین گوله بیلمیر. اوینایب ؛ سئوینه بیلمیر. لاپ او بیر اوجوندان یعنی لاتین آمریکادان ؛ کانادادان ؛ آمریکادان (قیزیل دریلر ؛ قارا دریلر غ یوخسول یئرلیلر) روندادان ؛ فیلیپینلردن ؛ سوریه دن ؛ افقانستان و یمن دن ؛آوروپادان و اوکراینادان گولوش سسی یئرینه آجی باریت دومانی کوکوسو گلیر. چین ده اویغورلار ؛ روسیه ده مسلمانلار بورالاردا تورکلر او بیر یاندا ایچی و روحو ایله برابر آلیشیب یانان اینسانلارین داها اوزو گولمور. آجلیق ؛ ساواش و سالقین خسته لیکلر آرتیق اینسانلارینین جانینی آجیتماقدادیر.

یوخسوللوق روحوموزو و رفتاریمیزی کیرلندیرمکده دیر. نه واخت بو ساللانمیش صورتین گولجک. یورولدوق آرتیق و اینامیمیزی ایتیرمه یه باشلادیق. لطفا گولومسه ای دونیا ! لوطفا ...!

میسمیریغین یئری سوپورور ؛ آنالارین سنه فریاد ائدیر. چوجوقلارین کوسوبدور سندن. بیر سورو اوره یی قیریق اینسان یاشاییر سن ده . نه اولار اوزونه گل و بیزلری او گوزل ومهریبان قوجاغینا آل .

نه اولار قوروتما اورمو گولوموزو. چوله دوندرمه گوزل یوردوموزو...

سنه یالوارریق ای قوجا دونیا ؛ آجیلاری سئوینجه دوندرن دونیا . اللریمیزی دعادان اکسیک ائتمه ریک اینان . دوردور بو قاوقالاری .

سوز وئرریک بیر داها اوزووه قایتمارییق. مئشه و اورمانلارینی یوخ ائتمریک. سولارینی کیرلتمریک.هاوانی و اتمسفری محو ائتمریک . سوز وئریریک ای آنا دونیا ؛ ای آتا دونیا . ای سئوگیلی و اسیرگه ین دونیا.

نه اولار قویما دیلیمیز یوخ اولا . اوشاقلاریمیز لال اولا . گئچمیشیمیز اونودولا. نه اولار بیزی ده سئو هم ده چوخ سئو اونا گوره کی ایللردیر اوز دیلیمیز و کولتورموزدن اوزاقلاشدیریلیریق. هیچ اولماسا اوزون وئردیینی اوزون قورو...

بیز سنی سئویریک آچ عینینی و بیز وئریین اوزگورلوک امانتینه صاحیب چیخ. چاغری یاخیندادی هه چوخ یاخین دا. اوزون دئدین ائله او گون . من بونا اینانیرام سنین میسمیریغین یئری سوپورمیه جک.