آسلان سالمانسوي
برگردان : دکتر حسین شرقی
بختييار واهابزادنين عؤمورلوگونون پارلاق و اونودولماز صحيفه لريندن بيري ده صمد وورغونلا باغليدير، هم ده چوخ سيخ، الينه تزجه قلم آلان گنج شاعيرين و ائلم يولوندا ايلک آدديملاريني آتان گنج آسپيرانتين طالعييني–ه دهبي و علمي ياراديجيليق يولونو مويينلشديره جک قدر سيخ باغليدير. اونون بيوقرافيياسيني صمد وورغوندان آيري تصوور ائتمک مومکون دئييل. اولا، او، اوستادي نين (بير چوخ صنعتکارلار کيمي، او دا وورغونو فخارتله اؤزونه اوستاد سايميش و اونا بورجلو اولدوغونو دفعه لرله ديله گتيرميشدير) ياراتديغي پوئتيک مکتبين ان ايستعدادلي نوماينده سي اولموشدور؛ ايکينجيسي، علمي فاليته، محض اوستادي نين ياراديجيليغيندان باشلاميش، هم ناميزدليک، هم ده دوکتورلوق ديسسئرتاسيياسيني اونون ياراديجيليغيندان مودافيعه ائتميشدير. لاکين، صمد وورغون ياراديجيليغي و شخصيتينه بؤيوک سئوگيسي و احتيرامي، بير طرفدن اونوانينا اوستاد شاعيره اولان خالق سئوگيسيندن پاي گتيرميش، نوفوزونو آرتيرميشسا، ديگر طرفدن ايسه چوخ جيدي تنقيدلره، حتّی، هوجوملارا معروض قالميش، اوسته ليک بو هوجوملار آذربايجانلا مهدودلاشماميش–شکلي، تکجه، " کيرپي " يه وورولماميش، هوجوملارا موسکوا موخبيرلري ده قوشولموشدولار...
صمد وورغون دؤورونون مکتبليلري، گنجلري هئچ بير صنعتکارا نصيب اولمايان توکنمز سئوگي نين اونوانينا چئوريلميش بو اونلو شاعيرين شعیرلري ايله تربييلنديکلريني فخارتله ديله گتيرير، گنج شاعيرلر ايسه پوئزييايا صمد وورغون عشقينه گلديکلريني سؤيله ميشلر. اونلارين ان ايستعدادليلاريندان اولان مممد آراز دا، اؤزو ده داخيل اولماقلا " شعیره وورغون اولماق اوچون گلديکلريني، آما اولا بيلمه ديکلريني " اعتيراف ائتميشدير. ب.واهابزاده ده " هله اوشاقليق ايللرينده اونون شعیر کيتابلاريني ساعاتلارلا موتاليه ائتديگيني و مشهور سؤز اوستاسي ايله گؤروشمک آرزوسوندا " اولدوغونو ديقته چاتديرير. گؤروشون باش توتماسي ايسه ائله ده اوزون چکمير–1944-جو ايلد–19 ياشلي گنج بختييارين " ادبيات قزئتي " نده " ياشيل چمن، آغاج آلتي، بير ده کي، توند چاي " آدلي شعیري درج ائديلديکدن بير گون سونرايا تسادوف ائدير. ائرته سي گون شاعير ز.جاببارزاده ب.واهابزاده يه خبر وئرير کي، صمد وورغون(ازربايجان سووئت يازيچيلاري ايتتيفاقي نين صدري) اونونلا گؤروشمک ايسته يير. " خوشبختليکدن اؤزومه يئر تاپا بيلميرديم. غريبه بوراسيدير کي، اونون مني چاغيرا بيله جگيني تصوورومه بئله گتيرميرديم " - يازير بختييار واهابزاده.
ص.وورغون گنج شاعيرين نه واختدان يازماسي ايله ماراقلانير و درج ائديلن شعیرده " سؤزچولوکدن، ريتوريکادان اوزاق، کونکرئت بير منظره ني تصوير ائده بيلديگينه " گؤره اونا خوش سؤزلر سؤيله يير، بونونلا ياناشي،
" صنعتده شابلون و ترافارئت عليه ينه " اولدوغونو دا ديقته چاتديرير. ايستعداديني دويوب، گله جگينه اينانديغيندان " ... ائله اوراداجا يازيچيلار ايتتيفاقينا عوضو قبول اولونماسي اوچون بختييار واهابزاده يه ضمانت يازيب وئرير ".
بختييار واهابزادنين اوستاديندان تنقيدي فيکيرلر ائشيتديگي مقاملار دا اولور. ايلک شعیري حاقينداکي خوش سؤزلردن بير نئچه آي سونرا او، ص.وورغونون يانينا يئني شعیرلري ايله گلير و شعیرلري حاقيندا صبيرسيزليکله اونون فيکيرلريني گؤزله يير: " اوتاغينا داخيل اولوب، اونو گؤردوکده هر شئي منه بللي اولدو:
" ...شعیرلريمي بينمه ميشدي. دينمز شعیرلري منه قايتاردي. صحيفه لرين کنارلاريندا قئيدلري واردي. بؤيوک تأسوفله دئدي:
–بو شعیرلرده " ياشيل چمن " دن نه ايسه وارسا دا، آنجاق اؤزونه و حاقيقته ساديق قالماميسان. بختييار، سن بورادا اؤزوندن چوخ شئي اويدورموسان. اصيل شاعيرليک حاقيقته ساديق قالماقدادير. گئت و دوشون.
او واختدان شاعيرين بو سؤزلري بوتون ياراديجيليغيمين دئويزي اولدو " .
بختييار واهابزاده کؤمک اوچون صمد وورغونا " اؤز مودافيعه چيسينه " سونراکي ايللرده ده موراجيعت ائدير و اؤزونون ده اعتيراف ائتديگي کيمي، هم گؤروشلرينده، هم ده اثرلريني اوخودوقدا " اؤزو اوچون يئني شئيلر " گؤتورور. حتّی، 1951-جي ايلده قلمه آلديغي " ابدي هئيکل " پوئماسيني صمد وورغونون قئيدلري اساسيندا " بوتونلوکله يئنيدن ايشله يير " . شوبهه سيز، اوستاديندان تعريفلر ائشيتديگي مقاملار داها چوخ اولور.
صمد وورغونون ادبياتا گلمه سينه وسيله اولدوغو، اثرلري نين چاپينا ياشيل ايشيق يانديرديغي، آرخا، کؤمک دوردوغو گنج شاعير و يازيچيلار چوخ اولوب. بختييار واهابزاده ده اونلاردان بيريدير. آما، يوکسک ايستعدادي و ائله گنجليکدن شخصيتي نين بوتؤولوگونه گؤره او، جاوانلار آراسيندا " رسمن تهکيم " اولوندوغو اوستاد شاعيرين داها چوخ رغبتيني قازانيب. بونو ب.واهابزاده ايله او واخت ادبي درنکلرده ايشتيراک ائدن همکارلاري دا اعتيراف ائديرلر.
بختييار واهابزاده اونيوئرسيتئتي بيتيريب، آسپيرانتورايا داخيل اولور.
" صمد وورغونون ليريکاسي "مؤوضوسوندا ناميزدليک ديسسئرتاسيياسي يازماغا باشلايير. گنج آسپيرانت قارشيسيندا چتين بير وظيفه دوردوغونو دريندن درک ائدير. او، " گؤزل شاعيرين مورککب ياراديجيليق يولونو آراشديرماغين و ايمکان اولدوقجا صمد وورغونون بؤيوک پوئتيک صنعتکارليغيني تدقيق ائتمگين، ائلجه ده ص.وورغون شعیري نين سيررلريني آچماغ " ين آسان اولمادغيني، گرگين آختاريشلار طلب ائتديگيني ياخشي باشا دوشور.
آسپيرانت قارشييا قويدوغو وظيفه نين عؤهدهسيندن گلير " صمد وورغونو اؤيرنن گنجلر اوچون فايدالي بير اثر " يازيب، 1951-جي ايلده اونو مودافيعه ائدير. گنج عاليم ديسسئرتاسيياسيني اوغورلا مودافيعه ائتسه ده، سئوينه بيلمير، عکسينه، پروبلئمله اوزلشير. چونکي، بختييار واهابزاده نين ديسسئرتاسييا مودافيعه ائتديگي 1951-جي ايل و سونراکي ايکي ايل ده صمد وورغونون آغير ايتتيهاملارا و تقيبلره معروض قالديغي ايللر ايدي (شايرين 1930-1940-جي ايللرده تعقيب اولوندوغو دا علم عالمينه معلومدور). آرخيو سندلرينه و موعاصيرلرين يازديغينا گؤره، مير جعفر باغيروو بو ايللرده بير چوخ شاعيرلره، خوصوصيله ده صمد وورغونا قارشي چوخ غدار اولوب.
کيتابلاري نين کيتابخانالاردان، ساتيشدان ييغيشديريلماسينا گؤستريش وئريب، اثرلريني تئاترلارين رئپئرتوارلاريندان چيخارتديريب. رئسپوبليکا رهبري نين بئله ازازيلليگي يازيچي يولداشلاري نين دا اونا قارشي چيخماسينا رواج وئرميش، مير جعفر باغيروولا صمد وورغون آراسينداکي اوچورومو موختليف " اوسوللار " لا داها دا درينلشديرميشلر. همين اوسوللار سيراسيندا باره سينده موختليف شاييه لر ياييلماسي، بعضي اثرلرينده م.ج.باغيرووون غدارليغينا اونوانلانان ائيهاملارين مقصدلي اولاراق قابارديلماسي، بعضي اثرلرينه اولمايان معنالارين وئريلمه سي ده يئر آليردي. چوخلارينا معلوم اولان " واقيف " درامينداکي قاجار اوبرازي يئگانه بنزتمه دئييل. شاعيرين مشهور " جئيران " شعیريندن ده بو مقصدله ايستيفاده ائتميشديلر. متبواتدا تنقيد ائديلمه سينه باخماياراق، " بير نئچه گون سونرا شاعير همين شعیري فيلارمونييادا کئچيريلن ادبي ييغينجاقدا اوخوموشدو. باغيرووا چاتديرميشديلار کي، صمد وورغون قصدن، سيزين آجيغينيزا بو شعیري اوخويوب، سيزي سايمير. باغيروو غضبيندن زنجير چئينمه يه باشلاميشدي. باخ، بئله بير آندا، باغيرووا خوش گلمک اوچون، تئيمور ياقوبوو قورولتايدا دئميشدي کي، " يازيچيلاريميز حياتدان اوزاق دوشوبلر. ياراديجيليقدا گئري قاليبلار. اثر يازماق عوضينه اؤزلري حاقيندا ديسسئرتاسييا يازديريرلار. صمد وورغون بختييار واهابزاده يه، سولئيمان روستم سعدي افندييئوه، مئهدي حسين ايسماييل شيخلييا اؤزلريني تعريفله ديرلر " –بو خاطيرلاما گؤرکملي يازيچي ايسماييل شيخلييا مخصوصدور.
م.ج.باغيرووون زالدا اَيلشنلره غضبلي موراجيعتي " الکچييه قيل وئرنلر " اين سئوينجينه، آدي چکيلن صنعتکارلارين ايسه، تبيي کي، هيجانينا، خوفونا سبب اولور. او، غضبله دئيير: " آخي، صمد وورغون، سولئيمان روستم نه ائديبلر کي، اونلارين حاقيندا ديسسئرتاسييا يازيرلار؟! مئهدي حسين کيمدير؟ " آ " دئييب، هله " ب " دئمه ييب. هله بيلينمير اوندان يازيچي اولاجاق، يا يوخ. بئله بيابيرچيليقلارين کؤکونو کسمک لازيمدير " .
دوغرودور، بو آغير ايتتيهام " اؤزلريني تعريفله دنلر " ه قارشي اونوانلانميشدي، آما، " تعريفله ينلر " ده بيليرديلر کي، جزالاريني آلاجاقلار (ب.واهابزادنين ص.وورغون حاقيندا يازديغي ديسسئرتاسيياني، تخمينن، ايکي ايل اول مودافيعه ائتمه سي هئچ ده اونو مسئوليتدن آزاد ائتميردي). " ايجلاسدان چيخان کيمي جعفر خندان بختييار واهابزاده ني يانينا چاغيريب، احوالاتي اونا دانيشميش و آخيردا دا علاوه ائتميشدي کي، داها سيز عالي مکتبده ايشله يه بيلمزسينيز، بلکه، باکيدان دا گئتمه لي اولدونوز. بختييارين اتگي توستولو ايدي. اونو " کيرپي " يه ده وورموشدولار. هر ايکي الينده " موغان " پوئماسي. بيرينده يازميشديلار " موغان " پيسدير " ، او بيرينده " موغان " ياخشيدير " . اونو صمد وورغون ياراديجيليغينا ايکي جور موناسيبتده، غئيري-صميميليکده ايتتيهام ائديرديلر.
جعفر خندانلا گؤروشدن سونرا يانيما، دردلشمه يه گلميشدي.
–يندي نه ائدک؟
–نه ائده جگيک، بختييار، اينستيتوتدان قووولانا قدر ايشليه جگيک.
–ديسسئرتاسييالاريميزي لغو ائتمزلر کي؟
–ينانميرام. سن مودافيعه ائلميسن، آرادان چيخميسان..،امما، مني مودافيعه ائلمه يه قويماياجاقلار...
او، يئنه پاپيروس يانديردي. اورک-ديرک وئرديم. بيليرديم کي، شاعيردير، تئز موتاثير اولور، تئز ده ساکيتلشير. بختييار چيخيب گئتدي. آما، اؤزوم سحره قدر گؤزومو يوما بيلمه ديم " بونلاري دا ايسماييل موعليم خاطيرلايير (ا.شيخلي دا ديسسئرتاسيياسيني تئزليکله م.ج.باغيروو رئسپوبليکايا رهبرلکدن آزاد ائديلديکدن درحال سونرا مودافيعه ائده بيلير).
ايسماييل شيخلي نين دئديکلري حاقيقتدير: دوغرودان دا " کيرپي " ژورنالي نين 1954-جو ايل تاريخلي 13-جو ساييندا " شاعير بختييار واهابزاده يه " باشليغي ايله ايمضاسيز( " کيرپي " ايمضاسي ايل) آچيق مکتوب و مرحوم يازيچيميزين تصوير ائتديگي شکيل درج ائديلميشدير. بو يازيدا بختييار واهابزاده، دوغرودان دا، صمد وورغونا ايکيلي موناسيبتده
( "بوقلمون " کيمي تحقيرآميز سؤزلرل) ايتتيهام ائديلير. آما، اونا " کيرپي " واسيطه سيله " آچيق مکتوب " اونوانلانماسي نين اصيل سببي بختييار واهابزاده نين ص.وورغونا يوکسک احتيرامي و سئوگيسي–سرلريني وطنله موقاييسه ائتمه سي، وطنه برابر توتماسي اولموشدو، " ايکيلي موناسيبت " ايسه بهانه ايدي. مکتوب دا ائله او " سبب " اين يئر آلديغي بختييار واهابزاده نين " ساده آداملار " پوئماسينا " آيدينليق " گتيريلمه سيندن باشلاييردي (پوئما " آذربايجان " ژورنالي نين 1954-جو ايل تاريخلي 5-جي ساييندا درج ائديلميشدير). مکتوبدا دئييلير: " " آذربايجان " ژورنالي نين 5-جي نؤمره سينده کي " ساده آداملار " آدلي پوئمانيزين بعضي يئرلريني يادينيزا سالماق ايسته ييريک. بيز اينانيريق کي، بو اثرين قهرمانلاري نين سيياهيسيني توتماميشدان قاباق دوست-آشنانين سيياهيسيني توتموشسونوز، اؤزو ده سيزدن بؤيوکلرين آديني بو سيياهي نين لاپ يوخاريسيندا يازميسينيز کي، بو واسيطه ايله اونلارا " خيدمت " ائديب، يئرينيزي شيرين سالاسينيز. بونا هم ادبي، هم ده غيري-ادبي ديلده يالتاقليق دئيرلر کي، بو باره ده سونرا دانيشاجاغيق " .
دانيشيلير، هم ده تحقيرآميز سؤز و ايفاده لردن ايستيفاده ائديله رک دانيشيلير، اثرين " کونفليکتسيزليک آزاري " نا توتولماسي، تصوير ائديلن کندين " غريبه ليگي " ، اوندان، "نينکي، 1954-جو، حتّی 1924-جو ايلين بئله قوخوسونون گلمه مه سي " ، کندده " نه پارتييا تشکيلاتي نين، نه ده کوممونيستين اولماماسي " ، اورادان " نه راديو، نه تراکتور، نه کومباين و باشقا بير ماشين سسي نين ائشيديلمه مه سي " ، خولاصه بو کندين " اينقيلابدان قاباقکي کندلردن سئچيلمه مه سي " کيمي وولقار سوسيولوگييايا خيدمت ائدن و مؤليفين سياسي صباتسيزليغيني تصديقه يؤنلميش " جيدي قوصورلار " خوصوصيله " اورتايا قويولور " و نهايت، مطلب اوستونه گلينير: " هاشيينيزين باشقا يئرينده لاپ گول وورموشسونوز. شعیره غريبه -غريبه تعريفلر وئرديکدين سونرا بيردن صمد وورغونون قارشيسيندا ديز چؤکورسونوز:
اؤز آنا يوردونا وورغون دئييلدير،
وورغونون شعرينه وورولمايانلار!
بختييار يولداش! سيز گؤرونور کي، آنا يورد مفهومونون نه قدر يوکسک اولدوغونو هله باشا دوشمميسينيز. صمد وورغون آنا يوردون بير اوغلودور. اونون آدي ايله وطن آراسيندا برابرليک ايشاره سي قويماق سياسي کورلوقدور. صمد وورغونو خالقيميز سئوير و اونون شعیرلريني ده هوسله اوخويور. او اؤزو ده سيزين بو جور تعريفنامنيزه راضي اولماز. گؤرونور، يالتاقليق گؤزلرينيزي او قدر توتوب کي، خالق و پارتييا طرفيندن پيسلنميش شخصيته تزيم کيمي بير ايشه قول قويدوغونوزو گؤرمورسونوز " .
مکتوب مؤليفي نين اؤزونون ايکي اوزلولوک ائتمه سي(صمد وورغونون آنا يوردون بير اوغلو اولدوغونو، خالقيميزين اونو سئوديگيني و اثرلريني سئوه-سئوه اوخودوغونو خاطيرلاماسي) آشکار گؤرونور و اونون شرحيني لازيم بيلميريک. قيساجا اونو دئيه بيلريک کي، مکتوب مؤليفي نين مقصدي ص.وورغونون خالق طرفيندن سئويلن بير شاعير اولدوغونو تصديقله مک يوخ، دولاييسي ايله اونون اثرلري نين داها يوکسک ديرلنديريلمه سينه قارشي چيخماق و بو مؤوقعيينه گؤره بختييار واهابزاده ني " خالقا و پارتييايا قارشي چيخماقدا " ايتتيهام ائتمک ايدي. بو ايسه چوخ آغير جزا ايله نتيجلنه بيله جک تهلوکه لي بير ايتتيهام ايدي.
يوخاريدا ايشاره ائتديگيميز کيمي، بو مثله يه " ليتئراتورنايا قازئتا " نين موخبيري و.پونئدئلنيک ده " موناسيبت " بيلديرميشدي ( " بوتون ياراديجيليق قوووه لريني بيرلشديرمه لي " ، 10 مارت 1955). او دا " کيرپي " نين " پرييومو " ندان ايستيفاده ائده رک، ص.وورغونون خالق طرفيندن سئويلن بير شاعير اولدوغونو تصديق، ب.واهابزادني ايسه ايتتيهام ائديردي. 1955-جي ايلين ماييندا يازيچيلار ايتتيفاقيندا کئچيريلن ايکي گونلوک موشاويره ده ده بو مقاله يه توخونولموشدو.
يئري گلميشکن خاطيرلاداق کي، ص.وورغونا قارشي قيسقانج موناسيبت 1960-جي ايللرده ده داعوام ائتميشدير. خوصوصيله اونا حصر ائديلن اثرلرد(شايرين اؤلوموندن سونرا موختليف ژانرلاردا اونا يوزلرله بديعي اثر حصر ائديلميشدي) شخصيتي و ياراديجيليغي نين يوکسک ديرلنديريلمه سي کيملريسه برک ناراحات ائتميشدير. بو ايسه وورغونسئورلرين، او سيرادان اونو سئون صنعتکارلارين سيراسيني داها دا گئنيشلنديرميش و مؤحکملنديرميشدير. بو سيرادا بيز ب.واهابزاده ايله ياناشي، ح. کريمي، ح.اريفي، خ.رزاني، م. آرازي، اي.سفرليني، آشيق شمشيري و بير چوخ باشقا صنعتکارلاري دا گؤروروک. اونلارين ص.وورغونا حصر ائتديکلري اثرلرده اونو ديگرلريندن فرقلنديرن مزيتلري و اونو دانانلارا قارشي اعتيراضلاري کيفايت قدر يئر آليب.
يئري گلميشکن بير مقامي دا خاطيرلاتماق ايسته ييرم: بختييار واهابزاده 6 جيلدليک " اثرلري " نين 1 جيلدينده (ب.، 2001) " مؤليفدن " باشليغي ايله تقديم ائتديگي موقدديمه ده (ص.5-6) اثرلريني جيلدلره داخيل ائدرکن اونلارين " بعضيلريني يئنيدن ايشله ديگيني، بعضيلريندن ايسه ايمتيناع ائتديگيني " ديقته چاتديرير. واختيله هوجوملارا معروض قالميش " ساده آداملار " پوئماسي ايسه شاعيرين بو نشره داخيل ائتديگي اثرلرين سيراسيندادير. بو دا ب.واهابزادنين ص.وورغونا احتيرامي و صداقتيني بير داها تصديق ائدير...
تضييقلره باخماياراق، بختييار واهابزاده دوکتورلوق مؤوضوسونو دا س.وورغوندان–ونون حيات و ياراديجيليغيندان گؤتورور و ديسسئرتاسيياسيني 1964-جو ايلد–وستاد شاعيره قارشي بعضي قوووه لرين اينکارچي موناسيبتي نين هله ده داوام ائتديگي دؤورده مودافيعه ائدير. مودافيعه ده " گورولتولو آلقيشلار ايله بيتن نيطقينده اکرم جعفر دئيير: " زر قدريني زرگر بيلر. بؤيوک شاعيرين قدريني ايستعدادلي شاعير بيلر. نئجه کي، فيردووسي نين قدريني سابير بيليردي. هؤتئ نين قدريني اليبي حسينزاده بيليردي، نئجه کي، پوشکي نين قدريني صمد وورغون بيليردي. صمد وورغون کيمي بؤيوک صنعتکارين قدريني بيلن، قييمتلنديرن شاعيرلردن بيري بختييار واهابزاده دير... بختييارين اوستونلوگو بوراسيندادير کي، او، ميرزه ايبراهيمووون دئديگي کيمي، هم حيسسي-ائموسيونال جهتجه، هم ده عقلي-اينتئللئکتوال جهتجه يئتيشميش، کاميللشميش بير تدقيقاتچيدير " .
اوغورلا کئچن مودافيعه ده چيخيش ائدنلر ب.واهابزادنين تدقيقات ايشيني يوکسک ديرلنديريرلر. ايرادلار دا سؤيله نيلير و اونلار، اساسن، ص.وورغون ياراديجيليغيندا موجررد فلسفه چيليک، ائلجه ده " واقيف " دراميندا واقيف و خورامان اوبرازلاري نين ديرلنديريلمه سي ايله باغلي سؤيله نير.
دوغرودور، بختييار واهابزاده يه قدر ده (1930-جو ايللرين اوللريندن باشلاياراق) صمد وورغونون ياراديجيليغي حاقيندا چوخ ديرلي علمي آراشديرمالار آپاريلميشدي. لاکين، او آراشديرمالارين نتيجه سي اؤز عکسيني مقاله لرده تاپميشدي. س.وورغونون ياراديجيليغيني احاته لي و سيستئملي شکيلده تدقيق ائدن ايلک عاليم ب.واهابزاده دير. او، آراشديرمالاريني، هم ده شاعيرين آرخيوينده آپارميش، اونون بير نئچه نامعلوم شعیريني اوزه چيخاريب اوخوجولارا تقديم ائتنيشدير. بختويار واهابزاده نين صمد وورغونون ياراديجيليغي حاقيندا اؤزونمخصوص، يئني و اوريژينال کونسئپسييالاري کيفايت قدردير. س.وورغونون اثرلرينده کي " ساده ليک و غئيري عاديليک " علاقه لري نين اوبرازلي شرحيني ده ايلک دفعه ب.واهابزاده وئرميشدير: " صمد وورغون شعیري ائله بير طيلسيمدير کي، بو شعیرين مضمونوندانمي، فورماسيندانمي، دئييم طرزيندنمي اؤيرنميشيک دئمک چتيندير. من بو اوستاد شاعيري هر دفعه اوخوياندا ائله بير طيلسيمه دوشورم کي، بو طيلسيمين نه آديني، نه اونوانيني، نه ايلکيني، نه ده سونونو تاپا بيلميرم. اؤز قايناغيني خالق ياراديجيليغي چئشمه سيندن گؤتورموش بو صنعت خالقين دوهاسي کيمي زنگين و زنگينليگي قدر ده ساده دير. بيزي چاشديران دا بو سِحرلي ساده ليکدير. بو صنعت بيزي ساده ليگي، بوللورلوغو و بو ساده ليگين ايچينده کي مودريکليگي ايله سِحرله يير. اصيل و بؤيوک صنعتين ده سيرري ايضاحا چتين گلن بو ساده ليکده و بو ساده ليک ايچينده کي غيري-عاديليکده دير " .
صمد وورغون ياراديجيليغي نين تاريخي مرحله لري، نوواتورلوغو، ژانر رنگارنگليگي، ميلليليک و بشريليک پروبلئملري و بير چوخ باشقا مسله لر ده بختييار واهابزاده طرفيندن سيستئملي شکيلده اؤيره نيلميشدير.
بختييار واهابزاده اوستاد شاعيرين ياراديجيليغي اوزرينده آپارديغي مونوقرافيک تدقيقاتلارلا وورغونشوناسليغين اساسيني قويموش و اونون اثرلري سونراکي آراشديريجيلارين ايستيفاده ائتديگي ديرلي و معتبر منبعلر سيراسيندا يئر آلميشدير.
بختييار واهابزاده وورغونشوناس عاليم اولماقلا برابر، صمد وورغون ادبي مکتبي نين ده ان ايستعدادلي نوماينده لريندن بيري، دئمک اولار کي، ائله بيرينجيسيدير. بختييار واهابزاده ديلي، پوئتيک روحو، دوشونجه طرزي، حتّی، پوئتيک فيقورلاري ايله صمد وورغونا داها ياخين اولان بير صنعتکاردير. اونون صمد وورغوندان تاثيرلنرک محبت، طبيعت و فلسفي مؤوضولاردا يازديغي اثرلر آز دئييل. بختييار واهابزاده نين صمد وورغوندان اخذ ائتديگي باشليجا کئيفيتلردين بيري ده وطنچيليک آذربايجانچيليقدير.
موتخصيصلر اونون " گولوستان " پوئماسيني دا صمد وورغونون " آذربايجان " شعیري نين تاثيري ايله يازديغيني وورغولاييرلار. پروفسور ق.قولييئو يازير:" ...محض، صمد وورغونون " آذربايجان " شعیري نين پافوسو بختييار واهابزاده نين اوزون ايللر کئچندن سونرا "گولوستان " پوئماسيني يازماسينا ايمکان وئردي " ...
بختييار واهابزاده صمد وورغون شخصيتي نين بؤيوکلوگونه، صنعتي نين ابديليگينه مونوقرافييالاري، علمي مقاله لري و بديعي اثرلري ايله ياناشي، چيخيشلاريندا، خوصوصيله ده وورغون اوجاغيندا شاعيرين ائو موزه ينده کئچيريلن تدبيرلرده ده آيدينليق گتيريب. همين سيلسيله دن اولان چيخيشلاريندان بيرينده شاعير دئيير: " صمد وورغون بيزيم اوچون اولو شاعيردير. اونا گؤره کي، او، اؤزوندن اولکي اولو شاعيرلرين هئچ بيريني اينکار ائتمه ميشدي. اونا گؤره کي، صمد وورغون ادبي مکتبي فوضولي، واقيف عنعنه سي اوزرينده قورولوب. بو سببدن ده صمد وورغون بيزيم اوچون بو گون نومونه دير، اؤرنکدير و بو گونون اؤزونده ادبياتا گلن 18-20-25 ياشلي گنجلر اولو وورغون صنعتينه بيگانه قالارلارسا، اونلارين يوکسله بيله جکلرينه من اينانميرام، يوخ، بو صنعتدن قيدالاناجاقلارسا، البتته، يوکسله جکلر " .
دوشونوروک کي، بختييار واهابزاده نين اؤزونون ده صنعتين و اينسانليغين اوجا زيروه سينه يوکسلمه سي نين، بو گون بير نومونه يه چئوريلمه سي نين اساس سببلريندن بيري ده گنجلره وئرديگي تؤوصييه يه اؤزونون ده عمل ائتمه سي وورغون صنعتيندن قيدالانماسي، او موقدس يولو داوام ائتديرمه سي اولموشدور.