سروانه داغتوماس ادبياتشوناس

 Sərvanə Dağtumas 

  گيريش. قيرغيز يازيچيسي سئويلن يازار چينگيز آيتماتووون قلمه آلديغي ان گؤزل عشق حکایه سي " جمیله " اثرينده سئوگي نين، محبتين، مردليگين، ديانتين گوجو آزياشلي يئنييئتمه نين عالمينده ايلاهيلشديريلير. اثرين هر جومله سيندن، سؤزلريندن پاکليق داملايير، اوبرازلارين ياشاديغي دويغولار اوخوجونو وجده گتيرير،سرين روحوندان شففافليق آخير، اوخوجونون، سانکي گؤزلريني قاماشديرير. اثر جاوان، قوچاق اوغلانين-سييدين ديليندن نقل ائديلير. اثرده يئگانه تحکييه چي اودور. بو، تسادوف دئييل. آيتماتوو تالاس واديسينده جريان ائدن جمیله نين احوالاتي نين بيلاواسيطه شاهيدي اولموش و همين حاديثه لري بير نئچه ايل سونرا قلمه آلميشدير. گومان ائديريک کي، سید يازيچي نين پرووبرازيدير. اصلینده اثر اوشاغين حياتيندان، اونون گيزلي دونياسيندان، دويغولاريندان، ايستکلريندن، اوشاقليغي نين بير حيصه سيندن بهس ائدير و بو عشق حکایه سي نين يئگانه جانلي شاهيدي اولور.  

  جمیله نين حبس اولونموش خياللاري. اثرين باش قادين قهرماني جمیله چاليشقان، زحمتکئش، مؤحکم، باجاريقلي، توندخاسيت بير قيرغيز گليني ايدي. داغ آيلي بکاييرده ايلخيچي قيزي ايدي، آتلارا ياخشي بلد ايدي، ائوين يئگانه اؤولادي ايدي ،خاراکتئرينده کوبودلوق حیس اولونوردو ،ايله عوضولرينه قارشي حؤرمتلي، سؤزه قولاق آسان، آچيقسؤزلو، آچيقفيکيرلي، اورگيته ميز بير ائو گليني ايدي،لاکين عئيني زاماندا اوندا موطيعليک،يتاتکارليق قطعييين حیس اولونموردو. جمیله نين خاراکتئري عاييله عوضولريني ،خوصوسيله ده قاييناناسيني آچماسا دا او نارازيليق ائتمير، گلينيني چوخ سئويردي. عاييله سي اونون خوشبختليگيني، سعادتيني وارلي خوشبخت ائوه دوشمگينده گؤروردولر. آيلده ان واجيب قايدا-قانون گلي نين اؤز خوشبختليگي نامينه ناموسونو و ويجدانيني قورويا بيلمه سي ايدي. جمیله دئييب-گولن، شن، ظارافاتجيل بير قيز ايدي، اؤزونه آزادليق وئرميشدي. خاراکتئرينده ديريباشليق، ديللي-ديلاورليک داها چوخ نظره چارپيردي، جيگيتلرله قهقهه چکير، شيلتاق حرکتلر ائديردي.   

  جمیله-صاديق " محبتي " . اونلارين تانيشليغي دا موعماليدير: باهاردا جيدير زاماني جمیله ايلخيچي ساديغي مغلوب ائتميش، صادیق بو مغلوبيتين هئيفيني جمیله ني قاچيرداراق چيخميشدي . سئوه رک ائولنديکلريني ايديعا ائدنلر ده واردي. هر حالدا آيل اهلي بئله دانيشيردي. اثري گؤزدن کئچيرن زامان بو ائوليليگين اولدن سئوگي عصاسيندا قورولماديغي آيدين دويولور. 4 آيليق بيرگه موناسيبتدن سونرا جمیله نين اري موحاريبه نين باشلانماسي ايله علاقه دار اوردويا چاغريلميشدي و جمیله اري نين يالنيز 3 ايلدي، يولونو گؤزله ديگي " مکتوبلاري " ايله تسللي تاپيردي. دانييارين کنده گليشي سانکي اسل " موحاريبه نين " باشلانغيجي اولدو. جمیله نين قلبينده سويوق کولکلر اسديردي، اونون روحونو تاماميله قوپاريب آپاردي. جمیله هر کند قاديني کيمي آغير ايشلر گؤروردو، آنجاق بو، هسرتله اريندن گؤزله ديگي مکتوبون گلمه سي و آدي نين آخيردا لاقئيد شکيلده چکيلمه سي قدر آغير اولا بيلمزدي. قادين ائله بير وارليقدير کي حتّی خيانتي بئله باغيشلايار، فقط سويوقلوغو، يادليغي، سئوگيسيزليگي باغيشلاماز. هر عذاب-ازيته دؤزر، اري نين هر جفاسيني چکر، قلبي قيريلسا دا دينمز، سئوگي گؤرمه سه ، سئوگي گوللري قلبينده سوسوز قالسا، اونو هئچ بير قوووه اولکي حالينا قايتارا بيلمز، يئنيدن عشق توخومو آرتيق جوجرمز.  

  صادیقين گئجيکميش " محبتي " .  

  قادينين و کيشي نين خوشبختليگي نده ايدي؟ جمیله و صادیق خوشبخت ايدي مي؟ جمیله آيلين جيگيتلريله مئهريبان و صميمي داورانيردي . بونا رغمن اونون قلبينده ييغيليب قالميش سئوگييه اسل احتيياج حیسي واردي. اونلار خوشبخت دئييلديلر و بو خوشبختليگين اولماماسينا نه اونلارين آرالارينداکي مسافه، نه ده جمیله نين بؤيودويو موحيطين نئقاتيو تاثيري سبب اولموشدو. مسافه لر اوزاق اولسا دا دوعالارلا، ايستکلرله گؤروشن قلبلر وار. جمیله ار يوخ، محبت آختاريردي. صادیقين محبتي ايسه گئجيکميشدي، او يئتري قدر خانيمينا محبت بسله يه، قايغي گؤستره بيلمه دي. سئومک اوچون بونو ديلله دئمک لازيم دئييل، سئوگيني حیس ائتديرمه ليسن، او ايسه خانيمينا بونو ياشادا بيلمه دي. اسل خوشبختليک سئوگيني حیس ائتديرمک، اؤز حيات يولداشينا سئوگيني وئرمک، اونون معنوي احتيياجلاريني قارشيلاماقدي. جمیله بو خوشبختليک مفهومونو دوزگون درک ائده رک، رئاليست آدديم آتدي و اؤزونو دانييارا تسليم ائتدي.  

  جمیله نين خاراکتئري و يا سفيل حياتينا اؤيرشمه سي بو آيريليغا سبب اولا بيلردي مي؟ جمیله ظارافاتجيل، شيلتاق، حتّی ارکؤيون قيز ايدي، او سادتي پولدا، وار-دؤولتده گؤرموردو، کند اهلي نين دوشونجه لريندن فرقلي اولاراق، رئالليقلا دوشونمک لازيم گلسه، وارلي عاييله نين عوضوو اولماق، وارلي عاييله ده اؤولاد دونيايا گتيرمک اينسانا سئوگي قازانديرمير. " سئوگي ايله قارين دويمور " دئييرلر، آما جمیله نين قلبي آج ايدي، قلبي نين آجليغي اونا داها چوخ ايشگنجه وئريردي، قارني آجقيز اوچون.    

  جمیله صادیقي سئوميرديسه، اونون مکتوبا قارشي موناسيبتي نييه دييشدي؟ بلکه ده سئومک ايسته ييردي، لاکين او بو سئوگي نين قارشيليغين گؤرمه دي. آيلين اؤز عادت-عنعنه لري واردي، بونلاردان بيري ده حيات يولداشينا يازيلان مکتوبون اولماماسي ايدي. دوزدور، صادیق اونون آديني آخيردا قئيد ائديردي، لاکين بو اونون يولداشينا توخنونوردو، او اريندن داها چوخ قايغي، داها چوخ سئوگي گؤرمک ايسته ييردي، هر حالدا اري نين يولونو گؤزله ين بير قادي نين مکتوب آلماسيني ايسته نيلن قادين آرزولايار. بيزيم فيکريميزجه، ان آزيندان او ،يولداشينا سالام گؤندرمک يئرينه " اوندان موغايت اولون، اونو سيزه تاپشيريرام " دئمه سي داها مقصدويغون اولاردي. صادیق سئوگي مکتوبو گؤندره بيلمزدي، بونا احتيياج دا يوخ ايدي ،امما 3 ايلدن سونرا قادينينا قارشي بئله سايمازليق ائتمه سي جمیله نين هيسلريندن يان کئچمه دي، دوغرودور، سئون هئچ نه يه باخمير، آما بو سئوگي قارشيليقلي اولماق شرطيله. جمیله ني داها چوخ غضبلنديرن اري نين گئجيکميش مکتوبو داها دوغروسو، گئجيکميش سئوگيسي ايدي، چونکي هر شئي اوچون آرتيق صادیق گئجيکميشدي و اونون بو حرکتي جمیله ني اريندن قاچماغا اوندان اوزاقلاشماغا سؤوق ائتدي.   

  صادیق جمیله ني سئويردي مي؟ سئويرديسه ده جمیله يه بونو حیس ائتديرمک لازيم ايدي .ونون بونا احتيياجي واردي. جمیله آللاها و ارينه صادیق اولماغا چاليشيردي، عاييلهسي نين ده ايسته ديگي بو ايدي، لاکين جمیله بو حياتدان سيخيلدي، صادیقدان قلبي قيريلدي و او ،تسلليني دانيياردا تاپماغا چاليشدي. هر شئي بير اينساني سئومکله باشلايار. بلکه ده او سئويردي، بونا باخماياراق قلبي آرتيق قيريلميشدي و دانييارلا گئتدي، اونون يانيندا خوشبختليگيني تاپدي، اوندان سئوگي قايغي گؤردو و اونونلا ياشلانماغا قرار وئردي.   

   موحاريبه اولماسايدي جمیله نين طالعيي دييشردي مي؟ سئون هئچ واخت ترک ائتمز، هر حالدا اري نين وارليغي بئله اولسا اوندان سئوگي گؤرمه سه يئنه گئدردي، اري نين سئوگيسيني اوزاقدان حیس ائتمک اونا کيفايت ائدردي، او، اري نين يانيندا اولماغيني دئييل، اونا سئوگيسيني وئرمگيني ايسته ييردي. يانيندا اولدوغونو حیس ائتديرمک يانيندا اولماقدان داها اؤنمليدير. موحاريبه نين بو آيريليغين سببکاري اولماسي يالنيز بير بهانه اولا بيلر. ايللرله ارلري نين يوللاريني گؤزله ين ناموسلو، عيصمتلي قادينلار وار. جمیله يئنه گئده جکدي ،اؤز سعادتي نين آرخاسينجا گئده جکدي، او سانکي بونو الينده فنر گؤزله ييردي، عؤمور بويو بو عشقي آختاريردي و آخير کي او بو عشقينه قوووشدو. او آج دا اولسا ،سوسوز دا اولسا خوشبختليگيني تاپيبسا، آرتيق اونون وار-دؤولته ذره قدر ده احتيياجي يوخدور. او تنگه گلميشدي ،قلبينده کي بوشلوق اونون بوتون وارليغينا حاکيم کسيلميشدي و او سفيل حياتا بئله راضي ايدي ،يئتر کي يئنيجه چيچک آچميش اولوي محبتي، سئوگيليسي اونون يانيندا اولسون.  

  جمیله داها تئز گئده بيلردي، آما...  

  گئده بيلردي، لاکين بلکه ده آختارديغي اوزون ايللر گؤزله ديگي شخصله قارشيلاشماميشدي، بلکه ده اري ايله آرالارينداکي معنوي مسافه اونلارين يئنيجه چيچک آچميش موناسيبتي نين بيتمه سينه سولماسينا گتيريب چيخارتدي. جمیله نين فيکرينجه دونيادا قادين قلبيني باشا دوشن کيشيلر يوخدور، کيشيلر سادجه اؤزلريني دوشونورلر. قادين کيشيلرده ياخشي گله جک، کيشيلر ايسه قادينلاردا ياخشي کئچميش آختارير. گؤرونور، جمیله صادیقدا ياخشي گله جک گؤره بيلمه دي. اونون لاقئيد موناسيبتي جمیله نين قلبيني قيردي ،سانکي قيصاص آلماق حیسيله بو آدديمي آتدي و ساديغي دانييارا دييشدي. بئله دئسک، پولو سئوگييه دييشدي.  

  فيرتينالي عشق داستاني. دانييار اثرين عصاس سوژئت خطيني تشکيل ائدن اوبرازلاردان بيريدير. او، عئيني آيلدن ايدي ،يئتيمليگين و حياتين هر سرت اوزونو گؤرموشدو. بير مودت سونرا قوهوملاري طرفيندن اونودولموش، ائله بوردا مسکونلاشماغا باشلاميشدي. حاقيندا سؤز-صؤحبت ياييلان بو جاوان اوغلان تئز بير زاماندا دا اونودولموشدو.

  اونون آچيق-آشکار اولمايان سيماسيندا سانکي بير فيرتينا قوپور، سويوق کولکلر اسيردي. دانييار دئينده عاغيلا قاپالي، جيدي، سرت، آدامايوووشماز، قارادينمز، قاراقاباق، هاميدان قاچان، آزدانيشان بير خاراکتئر گليردي. هميشه آيل اهلي ايله مسافه لي ايدي، فيکري عادتن، داغينيق اولوردو. اونون دالغين، کدرلي، خيالپرور گؤزلري، بيتکين، يورغون و قمگين باخيشلاري اينسانين گؤزو قارشيسيندا جانلانيردي. اوزدن ساکيت و فاغير گؤرسه نيردي، يالنيزليغي اؤزونه سيرداش سئچميشدي. موحاريبه نتيجه سينده اينسانليقدان، قلبيندن باشقا هر شئييني ايتيرميشدي. سانکي تورپاق اونو قبول ائتمک ايستميردي و او نفس آليردي. جمیله نين اونو لاغا قويماسي، اونا قارشي لاقئيد داورانماسي دانيياري هئچ واخت اؤزوندن چيخارماميشدي. او، بوتون ايلهام وئريجي ماهنيلاري جمیله اوچون اوخويوردو، اونون قلبينده کي احتيراسي، وورغونلوغو، ايستکله، آرزو ايله جوشوب-داشان، وجده گلن هيسلريني سانکي جمیله اورتايا چيخارا بيلميشدي. جمیله نين قوراقليغا چئوريلن قلبينه يئني توخوملار سپن ده او ايدي. دانييار يالنيز بير آدامين وورغونو دئييلدي، سانکي قلبينده داها بؤيوک حيسلر باش قالديرميشدي، طبيعتين ،داغلارين، تورپاغين، قوشلارين ،بير سؤزله حياتين وورغونو ايدي و بو دويغولار اونون زومزومه ائتديگي ماهنيدا داها آيدين اؤزونو بوروزه وئريردي ،ونو سانکي بوتون طبيعت-چايلار ،يارپاقلار،داغلار-دره لر دينله يير و ايفاسيندان فيضاب اولوردو.   

  دانييارين کيسه ني آپارماق جسارتي گنج قيزدا حيسلر مي اوياتدي؟ جمیله ايله قايني نين قوردوغو بو تله اوغورسوز اولدو و بو، جمیله يه شوبهه سيز تاثير گؤستردي. هميشه ايستئهزا دولو باخيشلاري ايله دانيياري تعقيب ائدن، اونو اله سالان، اؤز شيلتاقليغيندان يئنه ده واز گئچمه ين جمیله بئله بير حاديثه ايله قارشيلاشاجاغيني تصوورونه بئله گتيرمزدي. بو حاديثه دن سونرا ايضطيراب ايچينده ايدي و ويجدان عذابي چکيردي. اونو ان چوخ اينجيدن دانييارين يارالي آياغي ايله او يوکو داشيماسي يوخ، اونون قلبي نين يارالي اولماسي، جمیله يه زيللنن يالواريش، مرحمت، ايمداد دولو باخيشلاري ايدي. جمیله حیس اولونوردو کي، سون واختلار آرتيق اوندان چکينيردي، جيگيتلرله سودا اويناماقدان بئله اوتانير، دانييارين کسکين، قملي باخيشلاريني اؤز اوزرينده حیس ائده رک، گئري آدديم آتيردي. دانييار سانکي هم فرح، هم ده غوصه دولو باخيشلاري ايله نسه دئمک ايسته ييردي، گؤرونور، او دا سادتيني گنج قيزدا گؤرموشدو. اونلار آختارديقلاري سئوگيني، خوشبختليگي بير-بيرلرينده تاپميشديلار. جمیله ني آرتيق نه سعاديغين مکتوبو، " سئوگيسي " ،نه ده اؤزو ماراقلانديريردي . بونون اوچون آرتيق گئج ايدي. طبيعت بؤيوک بير عشقله ياراتديغيني عئيني طنطنه ايله ده محو ائدر. دانييار ظاهيرن کاسيب ايدي، لاکين اونون معنوياتي، زنگين عشقي، توکنمز سونسوز ايدي، بعضا اينسانلار حياتين کؤهنه قانونلاري نين آمانسيزجاسينا پوزولماسي نين عليه ينه ايديلر. اونلار جمیله نين بو آدديمي ايله باريشا بيلمير، مئنتال ديرلره ضيد ساييرديلار. جمیله نين بو حرکتي " رومانتيک خيانت " ساييلير.  

  جمیله ستئرئوتيپلري آشا بيلديمي؟ جمیله نين معنوي حياتي سفيل ايدي، اونون بو حرکتي يولوئريلمز حساب اولونا بيلر، آنجاق گنج قيز چوخ قيريلدي ،سئوگي قارشيليقلي حؤرمت، قايغي، خوشبخت حيات اساسيندا يارانير، اونون قارشيليغين گؤرمه سه ن، آرتيق سئوگينه، حؤرمتينه لاييق اولمايان اينسانلا عئيني دام آلتيندا ياشاماغا ،بير ائوده ياشلانماغا ديمز. جمیله بونلاري درک ائديردي و آرتيق او، اؤزونه حاق قازانديراراق، خوشبختليگي نين آرخاسينجا گئتدي. صادیق ايلک باشدا اونون خبرسيز گئديشيني باياغي قارشيلاسا دا سونرادان دوشونجه لري نين يالنيش اولدوغونو باشا دوشدو.  

  دانييار جمیله-صادیق موناسيبتلري نين بيتمه سينده رول اوينادي مي؟ جمیله نين ياشي آز اولسا دا عاغلي باشيندا، دوشونجه لي بير قيز ايدي، اونو هئچ کيم بو حرکتي ائلمه يه وادار ائده بيلمزدي. او آرتيق قراريني وئرميشدي. ساديغين اونا سونرادان مکتوب گؤندرمه سي نين بير اؤنه مي قالماميشدي. اونا داها او مکتوبلار لازيم دئييلدي.  

  سئوگي اوچبوجاغي. دانييار جمیله ني سئويردي ،بو اونون گيزلي، عينادکار، يالواريش دولو باخيشلاريندان حیس اولونوردو، بلکه ده دوشونوردو کي، او، الچاتمازدير و هئچ واخت جمیله اونون اولماياجاق، آما اؤزو ده بيلمه دن جمیله نين ياتميش روحونو اوياتدي. دانييار قلبن وورغون آدام ايدي. اونون محبتي موقدس، بؤيوک محبت ايدي. بو سئوگيني او، ماهنيلاريندا گيزلي ساخلاميش، اونونلا ياشاميشدي. لاقئيد، داغينيق آدام بو نغمه لري اورکدن وورغونلوقلا سسلنديره بيلمزدي. موحاريبه دن يارالي قاييتميش بو آدام اينسانلاردان اوزاق دوروردو. اثرده گؤرونور، گئستاپ سووئت رژيمينه قارشي دا کسکين اعتيراض موتيولري وار.

 موحاريبه نين حاکيم کسيلمسي و دهشتي دانييارين گئييميندن، فيزيکي قوصوروندان-آخساماسيندان، سويوق داورانيشيندان، سوسقونلوغوندان حیس اولونوردو، لاکين ان ياخشي مصلحتچي زاماندير.

 زامان کئچديکجه اينسان ياشاديقلاري مشققتلري، آغريلاري، آجيلاري، يارالاريني اونودور، بعضا ده ياشاديغي تراومانين، عذابين قارشيسيندا عاجيز قالير و تسليم اولور. بلکه ده بونا گؤره اينسان اؤز دويغولاريندا گيزله نير، قارانليق طرفلريني گؤسترمير، هئچ کس بو اينساني آنلامير، اينسان بلکه ده اونو باشا دوشن بيري نين اولماماسيني بيلديگي اوچون اؤز داخيلي عالمينه چکيلير و اطراف عالمدن تجريد اولور.  

  قادين نه ايسته يير؟ عاييله حياتي قايغيدير، اؤزو اوچون دئييل ده باشقاسي اوچون ياشاماقدير، حيات دا بو زامان معنالي کئچير، اؤزو اوچون ياشاياندا ايسه اؤلوم قورخوسو اونو بوتون آغوشونا آلير. عاييله قورماق آساندير، لاکين اونو الده ساخلاماق، داغيتماماق، قوروماق چتيندير. عاييله قالا کيميدير، اورا گيرمک ايسته ين چوخدور، موحافيظ ه گوجلو اولسا، او قالاني هئچ کس داغيدا، اورا گيره بيلمز. اينسان ايلک نؤوبه ده قالاني اؤزو موحافيظه ائتمه ليدير، اؤزو داغيتماماليدير، يالاني، خيانتي، گوونسيزليگي، سئوگيسيزليگي اورا بوراخماماليدير، يوخسا قالا تئز اوچولار. جمیله ده موحافيظ ه ائده بيلمه دي، چونکي قيلينجي يوخ ايدي، قوروماغا هئچ نه يوخ ايدي. صادیق اوردودا موباريزه آپاردي، اؤز قالاسيني موحافيظه ائده بيلمه دي، نه اؤزو قيلينج اولدو، نه ده جمیله يه قيلينج وئردي. اؤزو بونا شرايت ياراتدي، اؤز جسارتسيزليگي نين، قطعيتسيزليگي نين قورباني اولدو. اينسان آللاه اوچون، قلب اوچون ياشاماليدير. قلبي ياراديب کي، اينسان سئوسين، سئوگيسيز اينسان هئچنه دير، سئوگي اولماياندا، اونون يئريني نيفرت آلير. اينسان ايلک اؤنجه آللاهيني، سونرا ايسه بنده لريني سئومه ليدير. فيرتينا زاماني وجده گلن اوکئان، گؤيده گورولدايان شيمشک کيمي ايفاده لر اثرلرده ائستئتيک اووقات يارادير. اينسان بعضا گوللو-چيچکلي، باغلي-باغاتلي چمنليگي سئير ائدر، بعضا اوچورومدان دره نين ديبينه باخار، ائله اولور کي، اوچورومون ديبينده کي گؤزللييه آلدانيب اؤزونو اونون قوجاغينا آتير، همين گؤزلليک ده اونون اؤلومونه بايس اولور. بيرينجي منظره سئوينج حیسيدير، ايکينجي ايسه قورخو. ديگري ايسه خوشبختليگين گؤرونمه يهن دهشتلي طرفي. اينسان اوچورومدان اوزاقلاشماق ايسته ديکجه، اونا ياخينلاشير، الده ائده بيلمه ديگي شئيلرين آرخاسينجا قاچير، اونا دوغرو جان آتير، دايم هسرتيني چکير. اوچوروم آدلانديرديغيميز مفهوم اصلینده اينسان قلبي نين درينليکلريدير، هر بير اينسانين قلبي اونون اوچورومودور. اينسان، خوصوصيله ده قادينلار دايم حيسلري نين، دويغولاري نين اسيريدير. قلبده اگر نيفرت مسکن ساليبسا، محبت مغلوب اولور، اينسان هر کسدن و هر شئيدن قاچير، تنهالاشير، سوندا بو حياتدان اوز دؤندرير.   

  گلين-قايينانا موناسيبتلري. موعاصير دؤور اوچون بو ايکي عاييله قادي نين موناسيبتلري ضيديتلي اولسا دا، اثرده بو حالين تام عکسيله قارشيلاشيريق. بونون دا سببي ماراقليدير. گؤره سن، جمیله کيمي گلينلرين سايي آزاليب، يوخسا آنالار بئله گليني قبول ائتمک ايستميرلر، يا دا بئله قايينانالار آزليق تشکيل ائدير، بلکه ده جمعيت قبول ائتمير...کيچيک آنا آدلانديريلان قهرمان آنا اوبرازي اؤز موثبت کئيفيتلريله ياددا قالير: خيرخواه، اوزويولا، فاغير، چاليشقان، زحمتکئش، حؤرمتلي، اينصافلي، عاغيللي، تجروبه لي، مئهريبان ائو صاحيبه سي... آنانين سرتليگي و اؤجوشکنليگي يوخ ايدي، لاکين اونون آغير، توند، عادت-عنعنه يه باغلي خاصيتي ده واردي. گليني جمیله ني چوخ سئويردي، اونون شيلتاق حرکتلرينه فيکير وئرمير، ياشا دولاندان سونرا دوزله جگينه اوميد ائديردي، اونون قلبي نين گيزلي هيسلريندن هامي خبرسيز ايدي، اونا نه قايينانا، نه زنگين ائو، شرايت، نه ده قوروجا بير ار لازيم ايدي. اونا ان چوخ تاثير ائدن گليني نين ائودن واختسيز گئديشي اولدو.   

  قاييناناسي نين و يا ديگر عاييله عوضولري نين جيدي موناسيبتي جمیله اوچون نييسه دييشردي مي؟ اگر قاييناناسي چوخ سرت اولسا ايدي، دئيرديلر کي، قايينانادان بئزيب گئتدي، آما قاييناناسي ان آزيندان اونو يولونا قويسا، گلينه گلين اولدوغون حیس ائلتديرسه ايدي، گلين اؤزو ايله حسابلاشاردي. قايينانا ايسه ايسته ييردي کي جمیله اؤزو بونو ائتسين.

  " گلين دوشدويو اوجاقدا گليندير " دئييبلر. او گلين کي اؤزونو نئجه آپارماق قايداسيني بيلمه دي، بونون سونو اولماز. ان آزيندان او بونو درک ائتمه لي ايدي، داورانيشلاريني نيظاما سالمالي ايدي، قاييناناسي نه قدر اونا سرت داورانسا دا اونون اؤزونون عاغلي باشيندا اولماليدير، اؤزو گلين اولدوغون درک ائتمه ليدير.    

  گئري دؤنوش اولدومو؟ سئوگي نين تمه ليني " جمیله " ايله قويان محض آيتماتوو اولدو. اثرين عشق قهرمانلاري نين سونراکي طالعيي اوخوجولارا معلوم اولماسا دا آيتماتوو قئيد ائدير کي، اونلار آرتيق چوخ خوشبختديرلر و لاييق اولدوقلاري محبتله ياشاييرلار. البتته گومان اولونور کي، جمیله حياتين آنلاميني درک ائتميش و آرزولارينا چاتميشدير، گئري دؤنوشون اولماسي مومکون دئييلدي. اونو کيمين، نيين خوشبخت ائده جگيني، کيليدلنميش اورگي نين قيفيليني کيمده و هارادا اولدوغونو تاپدي، کوت بئيينلي، داشلاشميش فيکيرلرين اسيري اولان، دوشونمک باجاريغيني تاماميله ايتيرميش اينسانلارين سؤزلريني اؤنمسمه دي. او، جاماعاتين کاسيب، فيزيکي قوصورلو دانيياري تنقيد ائتمه لري نين بئله فرقينده دئييلدي. هئچ کس دانييارين داخيلي زنگينليگيندن آگاه دئييلدي. ماراقليدير کي، بئله بير جيدي آيل موحيطينده جمیله نين جيگيتلرله ظارافاتيانا موناسيبتي، اؤزونو بعضا ياشينا اويغون اولمايان طرزده آپارماسي دئييل ده اؤز سادتي نين آرخاسينجا قاچماسي داها چوخ آيلين زورونا گئدير، داها چوخ ايستئهزا و نيفرتله قارشيلانيردي.  

  جمیله نين گوناهي نه ايدي؟ صاف، پاک هيسلري قلبينده ياشاتماسي ؟ بونا گؤره مي اونو مذمت ائديرديلر؟ جسارتيله ياشايا بيلمه يهن عصارتيله اؤلر. يازيچي اوچون ان بؤيوک مؤوزو اينساندير و او، بشر اؤولادي نين دوشونجه لريني، ايستکلريني، خوشبختليگيني، سئوينجيني سعادتيني هر شئيدن اوستون حساب ائديردي. آيتماتوو اينسانلاري تقصيرلنديرمير، محاکيمه ائتميردي. جمعيت باسقيسيني، موحافيظه کارليغيني، شابلون دوشونجه لريني سوبوت ائتمه يه چاليشير و اينساندان قات-قات آشاغي سويييه ده اولدوغونو گؤزلري نين اؤنونه سرير. جمیله دوغوردان دا حئيرت دوغوردو، گوج-قوووه اينام وئردي، جسارت ياراتدي، مقصده چاتماغين، ايستکلره قوووشماغين، بو قارانليق زينداندان خيلاص اولماغين هئچ واخت گئج اولماديغيني، آرزولاديغيميز حياتي ياشاماق اوچون کيمسه نين انگل يارادا بيلميه جگيني ايثبات ائتدي. اينسانلارين بير قيسمي حياتينا ساريلان قيريلماز زنجيرلردن قورتولوب خوشبختلييه قوووشاجاغي گونون خياللاريني قورور. " باشقالاري نه دئير " دوشونجه سي، محاکيمه سي، تنه سي، اوجوز و بولانيق فيکيرلري ايله ياشايان زامان ايسه آرتيق بوتون آرزولاريني، ايستکلريني باسديرير، خياللاريني اؤلدورور، پوچ ائدير، اؤز جسارتيني ايتيرير و بو ايتکي نين قورباني اولور. بو دوشونجه لردن، قارانليق فيکيرلردن آزاد اولان، اؤز آرزو و مقصدلري نين آرخاسينجا گئدن جمیله کيميلري نين عزمکارليغي، موباريزه سي دانييار کيميلري نين زنگين، معنوياتلي اولمالاري، اينام و اوميدلري نين آشيب-داشماسي، نهايت بو ايکي گنجين ايستکلري نين قوووشماسي اينسانلاري موتيواسييا ائدير، روحلانديرير، آزاد قوش کيمي قانادلانديرير . مسافه لر بئله اوزاق اولسا، دوعالارلا گؤروشن قلبلر واردير.  

  سييدين موکممل رسم اثري. يازيچي بو سئوگي حکایه سيني سیدين ديليندن وئرير. جمیله ني سئون اونو قيسقانان اونا صاحيبلنن يئنييئتمه قايني بورادا ديقت چکير. بو اوبراز يازيچي نين پروتوتيپيدير. او، دايم دوغما اولمايان قارداشي آرواديني قوروماغا چاليشير، حتّی بونا گوجو يئتمه يهنده آجيقلانيردي. بلکه ده او، عئيني قاندان اولان دوغما قارداشي اولسا ايدي، بئله ائتمزدي. جمیله قايني نين اونا قارشي بيلديرديگي ايراديني اؤنمسمير، حتّی اينجيگيردي. هر حالدا جمیله اؤزو نيي نئجه ائده بيله جگي بير قادين اولدوغونو دوشونوردو و اونا گؤره ده آزياشلي قايني نين ائتديگي حرکتلرينه آجيغي گلير، چوخ واخت ايرونييا ايله گولور، بعضا گولمکدن ده اؤزونو گوجله ساخلاييردي. اثرده ديقت چکن مقاملاردان بيري ده بو سيرلي محبت باشلايان آندان اعتيبارن عادي کارانداشلا بونلاري تصوير ائدن سیدين رسسامليغيدير. او، گله جکده رسام اولور و شاهيدي اولدوغو بو سئوگيني بويالارلا تصوير ائدير، سانکي او شکيله باخاندا جمیله ايله دانييارين فيزيوقنوميکاسي دئييل، داخيلي عالمي داخيلي دونياسي آچيق-آشکار گؤرونور. او، اونلارين قيسا زاماندا شاهيدي اولدوغو خوشبختليگيني رسم اثريله ابديلشديرير و موناسيبتلريني دستکله يير.  

  اثرين ايدئياسي. پوزولماسي يالنيش قايدا-قانونون هر شئيدن يوکسکده دوران محبتدن آشاغي اولماسي. يازيچي نين دا اصل قلبه سي بو ايدي- سئوگيني هر شئيين فؤوقونده وئرمک و موقدسلشديرمک.  

  اثري اوخوياندا سانکي فيلم ايزله ييرسن و هر شئي سه نين گؤزلري نين قارشيسيندا جانلانير. بو جور اثرلر اکراندا ياييملاناراق، داها چوخ اوغور قازانير. اونلاردان بيري ده " جمیله " دير. اثرين سوژئت خطي اساسيندا فيلم ده چکيلميشدير. مؤليف اؤز يوردونون-تالاس واديسي نين تاريخينه، مدنيتينه،کولتورونه، عادت-عنعنه لرينه توخونور، وادي نين داغلاري، يايلاقلاري، چايلاري آيدين شکيلده تصوير اولونور. حتّی بعضا اؤزونو بير اوبراز کيمي ده گؤرورسن. اثرده آيتماتوو دونموش جمعيتي دونموش سولار کيمي " اريتمه يه " چاليشير. موحاريبه نين سيمووليکاسي اثرده دانيياردير. اونون آلديغي فيزيکي و معنوي تراومالار، ضربه لر و چکديگي ايضطيرابلار بونون باريز نومونه سيدير. قلبي ده اؤزو ده يارالي اولان دانيياري دا بو سئوگي دييشير. هر کسه قارشي مسافه لي اولسا دا جمیله ايله آراسيندا کؤرپو قورور. ايرونييا ايله باشلانير و عشقله داعوام ائدير. اونون بدبخت اولاجاغيني دوشونن جاماعات اونون اسل خوشبختليگيندن خبرسيز ايديلر. اونلار ايسه هئچ نه يه باخماديلار و ال-اله وئره رک، هر شئيي آرخادا قويوب گئتديلر. اونلارين خوشبخت اولاجاقلاريندان سید امين ايدي، اونا گؤره ده او نه قينييير، نه ده نيگاران قاليردي. آيتماتوو اوچون اينسانين اوغورو، حياتدا الده ائتديگي قازانج اينسانين خوشبختليگيدير، اونون گئرچکلشن آرزولاري، خياللاريدير. جمیله ده سؤزون اصل معناسيندا تعجوبلنديرير، جسارت وئرير، گوج-قوووه يارادير، بويوندوروقدان چيخماغين هئچ واخت گئج اولماديغيني، ياشاماق ايسته ديگين حياتي ياشاماق اوچون هئچ کسين مانعه تؤره ده بيلميه جگيني سوبوت ائدير، گله جک نسيللره ده باريز نومونه اولور. اونو قينايان ساختا، جاهيل اينسانلارا بو گئديشي ايله بؤيوک ايز قويان " بومبا " آتير.  

  تصادوف آللاهين گيزلي تخلوصودور. بلي، قيسمت ده، طالع ده، آلين يازيسي دا، قضا دا، قدر ده آللاهين موختليف آدلاريدير. آلله هر کسه بير فورصت وئرير و اينسانين اونو ديرلنديرمگيني ايسته يير. بعضا بيز قارشيلاشديغيميز فورصتلري ديرلنديرير، ايمتاحاندان اوزواغ چيخيريق، بعضا ده اونون بيزيم اوچون مصلحت بيلديگي تسادوفلره، قيسمته راضي اولور، موطيعليکله بويون اَييريک، ائله اولور کي، تأسوفله نيريک، ائله ده اولور کي، سئوينيريک. طالع ده سؤزون اسل معناسيندا جمیله نين اوزونه گولور و ستانسييايا تاخيل داشيياراق، دانييارلا تانيش اولور. دانييارين دانيشيغيندان آرتيق اونون حيات، سئوگي –هر شئي حاقيندا فرقلي دوشونجه لري صاحيب اولماسي نين شاهيدي اولوروق و گنج اوغلان دوشونجه لريني چوخ واخت ديله گتيرمير، خوصوصيله ده فلاکتلي موحاريبه حاقدا دانيشماغا اورک ائلمير، يالنيز قلبي نين قاپيلاري نين جمیله يه آچير.  

  چينگيز آيتماتووون " جمیله " اثري صيرف رئالليغينا گؤره فرقله نير و معنوي کولليزييالارين اينسان حياتيندا رولونو گؤسترميشدير، قادين عادت-عنعنه يه باغلي اولسا دا اؤز فيکيرلريني اورتايا قويماقدان دا چکينمير، سرت رئژيمه قارشي چيخير. جمیله نين ياشاديغي موحيطده قانون-قايدا حکم سورور و ياشاييش دا سيخيجيدير، گنج قيز دا بو موحيطدن قوپماق، قورتولماق ايسته يير، يني اصلینده کئچميشدن. اونا سئوگي آنلاييشي ياددير، ايدئال سئوگي آختارير. يازيچي قادي نين فردي خوصوصيتلريني، ائتنيک-ميللي پسيخولوگيياسيني راحات شکيلده اورتايا قويور. آيتماتوو يئني تيپلي اينسان اوبرازي نين فورمالاشماسي و تشککولونده بؤيوک رول اويناميشدير. ايلک اولاراق، اثرلرينده سووئت رژيمينه قارشي چيخميش، محاريبه نين تؤرتديگي فسادلاري آچيق-آيدين تصوير ائدير. او، اوبرازلارين معنوي عالمي نين زنگينليگيني، رنگارنگليگيني طبيعي شکيلده اوخوجويا تقديم ائدير، اثرلرينده، کرئدوسوندا بشريليکله ميلليليک وحدت تشکيل ائدير، هارمونييا اوزره تارازلاشير، قهرمانلارين سيماسيندا مثبت، درين اينساني کيفيتلر تظاهور ائدير.