SORUMLU MÜDÜR  VƏ BAŞ YAZAR :

Dr. HÜSEYN ŞƏRQİDƏRƏCƏK (SOYTÜRK)

مدیر مسئول و سردبیر :

دکتر حسین شرقی دره جک (سوی تورک)

یاش اوسته یاش گلدیکجه ایللرین نه قدر یئل قانادلی اولدوغونو آنلاماغا باشلاییرسان. یعنی آرتیق سنه آیریلمیش بیر محدود زامان دیلیمی دولماق اوزره ایمیش بیر شئیلر دوشونمه یه باشلاییرسان. اینسان ائولادی باخماقدان دویمادیغی کیمی دونیا حظین دن ده دویمور. آنجاق هامیسینین بیر باشلانقیجی و بیر سونو واردیر.

منجه یارادیلیش یارادیجیلیق تمللی فلسفه اساسیندادیر اما اونون پایه سی مولکه عشق میللته دوغرولوقدور. سئوگیه اینام سئونه سئوداللیق دا وارلیغین تمل غایه سی دیر. سئوگیله دوغان دوش و فیکیر شفق ایچریکلی دیر. جبر ایله دوغان فیکیر ایسه مشقت و عذاب ایله مونس دیر. سوزون وارلیغا یانسیماسی ایسه بو ایکی خط دن دوغور.

دوغوشو معنوییات ایله باشلایان سونوجونودا مدنیتله داشلار و دوغوشونو ظلم وظلمت له باشلایان ایسه سونوجونو نیفرت و یئنلگه ایله بیتیرر. انسان اولان نوردور و نورونو حاققینی ظلمته قارشی دیره نیشی ایله وئرمه لیدیر. آدم اوغلو سئوگی عذابینی دادمالی دیر کی طعم عشقین معناسینی آنلاسین . یوخسا ذات بقاسی خسارتدن باشقا بیز زاد دئییل.

روحونو قارانلیقلارلا بسله ین کیبرین باتاقلیغین دا باتاراق سونلادیردیغی حالدا روحونو نور عشقله بسلین ایسه اوجالیغا واراراق گوزللیک دنیزین ده کایرا حالینی یاشماقدادیر.

یاناشملار و  قاورامالاریمیز فرقلی اولسا دا ایچدیمیز سویون و چکدیمیزین نفسین قایاناغی بیردیر. اوجالیق دیلرسن اوجا تانرییا وارارسان .کوتولوک ائدرسن ارلیکه ( شیطانا) یار اولورسون.

بوتون سیخینتیلارا رغما دوغا " خدافرین " درگیسینی ایشیغین قارانلیغا غلبه سی اومیدی ایله یاییملادیم. امه یین و سئوگینین جهالته و تنبلیه قارشی اولاجاغینا ایناناراق یولوموزون چیراغی کیمی بو دیرلی و اوزون عمرلو کولتورل ایشی اوجا و اصیل اولان میلتیمین عشقین ده داوام ائتدیدیم. بیز وار اولدوقجا و دیک دوردوقجا قارانلیقلار یئرینی ایشیغا تسلیم ائده جکدیر.

دویونلو دوشونجه لرله سورونلار چوزولمز . آیدین گلجک ضیا دان دوغار. ایشغینیز یانار اولسون و یولوموز گئدرلی و ابدی اولسون . اسن قالین دیرلی خدافرین اوخوجولاری.