AZƏRBAYCANDA SÖZ İNSANLARI İLHAMLARINI HAQDAN ALİR.
SORUMLU MÜDİR VƏ BAŞ YAZAR: Dr.HÜSEYN ŞƏRQİDƏRƏCƏK SOYTÜRK
مدیر مسئول وسردبیر : دکتر حسین شرقی دره جک (سوی تورک)
ان قدیم دوورلردن آذربایجان یورد اولاراق اینسانلاری اوز قوجاغیندا بسله میش و اونلارا وطن اولموشدور. ایلک اینسان مسکنلریندن اولان بو جغرافیا ایچینده باریندیردیغی ساغلام روحلار سایه سین ده بشری دیرلرین ان ذیروه لرینه و اورنک امثاللارینا اوجالمیشدیر.
بوردا اوخومادان شاعیر اولانلار و دونیانین او بیر طرفینی گورمه دن دونیا خریطه سینی سوزله جیزانلار اولموشلار.
سوز مولکونون خزینه داری اولان بو قوتسال دیار هم ده تانرینین سئوگی ایله تاپینیلدیغی بیرینجی تورپاق آنالاردان اولموشدور. آذربایجان سوز آنلامی اولاراق ترکیبینده باریندیردیغی مفهومی دیرلرله ده اینسانلیق آیناسی دیر.
چوبانی لقمان حکیم اولان شاعیری ده خان چوبان اولان بو یوردون قادینلاری دا خورشید بانودیر. ارلری ار اولان ایگیدلری بابک , ارنلری یول گوسترن شمس تبریز تک بیر الین ده قلم بیر الینده ایسه قیلینج توتان خوجالاری و ایگید قیز و اوغلانلاری ایله ده آد- سان قازانمیشدیر.
سوز اینجیسینین نارین آخیشی گوزل قیزلارینین قیقاجی باخیشی هم روحا هم ده وجودا ایشیق ساچان نورانی دده لریله ده مشهوردور.
عزمی و رشادتی ایله دیللره دستان اولان اوغوز بویلو تورک اینسانی ایله ده اینسان سئورلیک و دونیولیک ده ده معنولیک قدر اوجادیر.
عیرقی , دینی و کیملییندن آسیلی اولمایاراق قاپیسی هامییا آچیق و سفره سی بول برکتلی دیر.
اوغلانلاری ایگید قیزلاری خاتون لقبیله آنیلان بو دیاردا سوز صاحیبسیز دئییل . سوزونوون آرخاسیندا سینه سپردی قادینی و بیلری بو دیارین. اورکلری گئنیش صحبتلری صاف صادق دیر. مکرسیز حیله سیزدی یورتداشلاری. بویویوب بوی آتمیشلار بالالاری آنا لایلاسی ایله و ایقارلارینا بویونلاری قیلدان اینجه دیر بو یئرین آداملاری. سازی و سوز مشهمرجهان دیر . دده قورقود دان یادیگار آشیق صنعتی قلیج دان کسرلی دیر آغساققال حرمتی.
داغلاری ووقارین تمثیلی اوبالاری بوللوغون برکت رمزی دیر. الی آچیق گوزو توخدور آذربایجان اینسانی.
دوپ دورو بولاقلاری شاققیر شاققیر آخان چایلاری بهره لی بارلی تورپاقلاری بوردا یئتیشن اینسانلاری جانا یاخین و اوزو گولر ائتمیشدیر.
اوزانلارین و شاعیرلرین , قوروب یارادان ارنلرین ناموسلو حیالی گلینلرین و آنلارین یوردودور آذربایجان.
دیلی و مکتبی یاساق اولسا دا زمرد قوشو تک قینین دان دوغان قهرمانلارین اولکه سی دیر آذربایجان.
دیلینه قفیللار وورولسادا شعیرلر و دستانلار یارادان خمیری آنا سودو و آتا امه یی ایله یوغرولموش آصلانلارین یوردودور آذربایجان.
آنا دیلینی آوخومادان دونیا تک قورویوب ساخلایان و بو دیل ده شاه اثر عرصه گتیرن اولولارین حیدرباباسی , سازیمین سوزو و قاراجا بالیق سالنامه سی دیر بورا.
بورا قاراداغین سحرانگیز قوجاغیندا بویا باشا چاتان خالق شاعیری محمد تقی تقی زاده نین یوردودور. خدافرین عایله سی اولاراق دیرلری شاعیرمیزه حصر ائتدییمیز بولوموموزله اوز شرف و وطن بورجوموز یئرینه یئتیرمه یه جهد ائتمیشیک. اوماریم دنیزده بیر داملا دا اولسا اوز حاققینی وئرمیش اولاجاقدیر.
سئویملی شاعیریمیزین روحونا سئوگی و سایقیلارلا تانریدان یولونون گئدرلی اولماسینی تمنی ائدیریک. اونو دیرلی یارادیجیلیقلاری ایللر بویو یولوموزا ایشیق توتاجاقدیر. شاعرین اثرلری ایشیغی سوندورولموش بیر ائودن معجزوی نوردان سئونلرین قلبینه و آجی خنجردیر تورک دیلین سئومه ین شونسیتلرین اوره یینه. بیز قارانلیقلاردا جوجرمه یی آشینا دان اویرندیک. سئوگینی ده نیفرتی ده چوخ یاخشی بیلن میللتیک.
بیزه ائدیللن یاخشیللیقلاری و پیسللیکلری اونوتمایان اولوسوق بیز.
بورا آذربایجان دیر . ظلمته نور چلنگی بخش ائدن قوتسال دیاردیر.