ULUSAL ÇIXARLAR MİLLİ DƏYƏRLƏR FONUNDA GƏLƏCƏYİN YAŞIL İŞIĞDIR.
مدیر مسئول : دکتر حسین شرقی دره جک سوی تورک
SORUMLU MÜDÜR: Dr .HÜSEYN
ŞƏRQİDƏRƏCƏK SOYTÜRK
دونیا بوتون اینسانلیغین میراثی اولسادا و هر بیریمیز بو میراثین پارچاسی اولساقدا گئنه فرقلی - فرقلی ماراقلاریمیز واردیر. اونا گوره ده همیشه فرقلیلیین گوزللیکلرینی و کوتولوکلرینی یاشاماغا مجبوروق. اونوتمامالییق کی یئر اوزونون اینسان تورو وارلیغی اولدوغوموز اوچون چوخ شانسلییق. عینی زاماندا هم ده چوخ مسئولییتلییک دوغایا قارشی , عدالت و حاقسیزلیغا و بوتون دیرلره قارشی اویانیق اولماغیمیز گره کیر.
اولوسال دیرلر گئچمیشدن بو گونه یاشاییب و یاشادن عنصرلردیر. بونلارین آدی توره , دویون , توی , بایرام و میللی ادبیات و کولتوردور. بیز کیملرله برابر یاشاماغیمیزدان آسیلی اولمایاراق اوز دیرلریمیزین اینسانییق. دیرلریمیزین و گلنکلریمیزین بویروقلاری اساسیندا حیاتین حکمونو سوردورمه لییک. شر و خایین قوه لر نه قدر ده دیرلریمیزه قارشی اولسادا بیز اونلاری توپلوم اولاراق یاشاتماغی باجارساق اونلارین پیس عمللرینین عهده سیندن گلمه یی باجاراجاییق.
بو اولوسال چیخارلارین بیری ده کوکتور گتیرگه لری دیر. ایلین دورد فصلی وار بیز هامیمیزی بونو بیلیریک. لاکن هره سینین اوزونه خاص گوزللیکلری واردیر. یاز یعنی باهار طراوتی یای
سخاوتی پاییز ایسه اینجه
لییله و قیش ایسه چیله سی ایله مشهوردو. داها دوغروسو یاددا قالیر.
ایندی ایسه بیز قیش فصلینی یاشاییریق و ایلک بیلدیمیز بویوک چیله و کیچیک چیله دیر.ایسته ییردیم.بیزدن اونجه کیلرین طبیعی و کولتورل سرر اولاراق بیزه میراث قویدوغو سرر حاقیندا ایک جومله دانیشیم : بون میللی وارلیغی باشقا یونده یوزانلار بیلسین کی , چیله تورکجه چکیلمک ویاییلماق یعنی کش آمدن معناسیندادیر. یای چیله دن چیخدی.سوزو کیمی . هم ده اوزونتو و زورلوقلارین یاشاندیغی آنلامدیر. چیله چکمک یعنی آجی چکمک و دارالماق , یوخسونلاشماق حتی آجلیق چکمک دئمکدیر. اونا گوره کی طبیعتین ان زور بولومونو یعنی قیشی یاشاییریق. و بو چتین گونلری بویوک و کیچیک چیله یا چیلله اولاراق اونا گوره آدلاندیرمیشیق کی آجیلاری بیر آز رقمسال دا اولسا خفیف لتمیش اولاق.
بو اولوسال دیر میللی چیخارلاریمیزین گیریش قاپیسی دیر. بونلاری وارلیق اونلاراق کیمسه یه قاپدیرماق حاقیمیز یوخدور. ساده جه پایلاشیب و اونو سئوینجینی یاشاماق حقوقونو باشقالارینا بخش ائده بیلریک.
خالقیمیزین اولوسال دیرلر میراثی بیزیم یاشام پاسپورتوموزدور.
یئنه خدافرین درگیسی بو سایدا بویوک بیر بولومونو کلاسیک ادبی میراثمیز اولان نظامی گنجوینین قم شهریندن تاپیلان ال یازماسینا حصر ائتمیشدیر. اینانیرام کی هم اوخوجولاریمیز هم ده بیلگینلریمیز اوچون یئنی آچیلمیش بیر پنجره اولاجاقدیر.