دوم اسفند روز جهانی زبان مادری
Freedom to All Languages
International Mother Language Day 21 February
21 fevral (şubat) dünya ana dili günüdür
مدیر مسئول دکتر حسین شرقی دره جک سوی تورک
Sorumlu müdür : Dr. Hüseyn Şərqidərəcək soytürk
ديل ندير؟
-ديل اينسانلار آراسيندا آنلاشماني ساغلايان و اوزو اوچون قایدا قانونو اولان بو قایدالارچرچیوه سينده گليشن (تکامل تاپان) و تملي بيلينمين زامانلاردا آتيلميش سسلردن هؤرولموش بير آنلاشما سيستميدير.
-ديل،تکامل تاپمیش بير ارتباط وسیله سیدير.
-ديل،سسلردن یارانان بير آنلاشما سيستميدير.
-آنلاتماق و آنلاشما؛ سسلردن یارانیر و"ديل "واسیطه سیله ايله گرچکله شیر.
-ديل، دوشونجه و ذکانین بير گؤسترجیسيدير.
-ديل، جانلي بير وارليقدیر.
-ديل، سوسيال بير وارليقدير.
-ديل، بير اشتراکاتدیر.
-ديل بیر توپلومون وار اولماسیندا اونملی فاکتورلارداندیر.
-ديل بيرليگي، ميللتي اولوشدوران خصوصیتلرین باشيندا گلير.
-بير ميللتين ديلي؛ اونون تاريخي، ديني و مدنیتی ایله ايچ ايچه دير.
- ميللت اوچون گرکلي اولان هر شئي، ديل ایله محافظه اولونور و قورونور.
-ديل؛ميللتين معنوی کولتور دیرلريني، ميللت اولا بيلمک خوصوصیتلرینی بونیه سینده محکم محافظه ائدیر.
-ديل، ميللتي ميدانا گتيرن فردلر آراسيندا مشترک حس و دوشونجه لر ميدانا گتيرير.
-ديل، ميللتين بيرليک و بوتونلوغونو قورویان ان گوجلو باغدير.
چوخ درین کؤکلو صاحیب بير ديليميز اولدوغو اوچون امینلیکله دئیه بیلریک کی دوغما تورکجه ميز بیزی سیخ بیرلشدیرمه یی و بیر اولوس کیمی یاشاتماغی ساغلایاجاقدیر. یئتر کی آنا دیلیمیزی سئوک و اونو دانیشاق هر زامان جانلی ساخلایاق. دیلمیز یوخ اولسا یوخاریدا سادالادیغیم دیرلر یوخ اولاجاق. بوتون دیللره اوزگورلوک
اسفند آیینین 2-سی بوتون دونيادا بين الخالق آنا ديلي گونو کيمي قئيد اولونور. بيرلشميش ميلتلر تشکيلاتي 1999-جو ايلين آبان بنگلادش سفيري نين تشببوسو ايله همين گونو بين الخالق آنا ديلي گونو ائلان ائديب.
بو گونون تاريخي ايسه ايللر اؤنجه يه گئديب چيخير. بئله کي، 1952-جي ايل اسفندین 1-2ده پاکستاندا بنگال ديلي نين قاداغان ائديلمه سينه اعتيراض اولاراق کئچيريلن تظاهراتدا پليس و سيلاحلي قوووه لرين مداخيله سي نتيجه سينده 4 نفر شهيد اولموشدو. بنگلادش نماينده لري اسفندین 2-ني محض همين شهيدلرين خاطيره سينه احترام علامتي کيمي آنا ديلي گونو آدلانديريلماسي حاقيندا مراجيعت ائتميشديلر.
یونسکونون باش کنفرانسيندا 2- اسفند بين الخالق آنا ديلي گونو اعلان اولونموش و عضو اؤلکه لره بيلديريلميشدي کي، همين گون مکتبلرده، اونيوئرسيتتلرده آنا ديلي نين اهميتي ايله باغلي تدبيرلر، کنفرانسلار، سمينارلار کئچيريلسين.
دونيادا محو اولماق تهلوکه سي ايله اوزلشن ديللرين قورونماسي مقصدي ايله هر ايل کئچيريلن بين الخالق آنا ديلي گونو هر کسه اؤز دوغما ديلي نين وارليغيني حيسس ائتمک، اونونلا غورور دويماق، اونو قوروماق، اينکيشاف ائتديرمک حقوقو اولدوغونو بير داها خاطيرلادير.
حاضيردا يئر اوزونده 7000-ه ياخين ديل مؤوجوددور. دونيانين يئددي ديلي دونيا ديللري حساب اولونور: اينگيليس ديلي، ايسپان ديلي، عرب ديلي، روس ديلي، فرانسيز ديلي، آلمان ديلي، پرتغال ديلي .بیزیم تورکجه میز ایسه دونیانین ان ساییلی دیللریندندیر.
عاليملرين فيکرينه گؤره، سون 100 ايل عرضينده 3000-دن 6000-ه قدر ديلي اؤلوم تهلوکه سي گؤزله يير. ديلين ساخلانماسي اوچون همين ديلده ان آزي 100 مين اينسان دانيشماليدير.
يئر اوزونده اهالي نين 80%-ي 7000 ديلدن يالنيز 80 ديلي بيلير. قالان ديللرده اهالي نين%20-ي دانيشير5/3 مين ديل اهالي نين 0،2%-نه آيددير.
آذربایجان تورکجه سی (آذربايجان ديلي )
آذربايجان اولکه سینين دؤولت ديلي، اونون اهاليسي نيناونسيت واسيطه سيدير.
آذربايجان ديلي هم ده ايران دا ياشايان 40 ميليون آذربايجانلي و دیگر تورکلرینآنا ديليدير.
بو ديل 200 مينه ياخين عراقدا یاشایان تورکمان اينسانین دا آنا ديلي کيمي ايستيفاده اولونور.
اونلار اؤزلريني کرکوک و يا تورکمان آدلانديرير و اکثريتي کرکوک ويلايتينده ياشايير.
آمریکادا، خصوصا غربي آوروپا اؤلکه لرينده (داها چوخ آلمان، دانمارک، هلند، نروژ، فرانسه) چوخلو آذربايجان تورکو ياشايير. چوخو ايراندان ايشله مک اوچون گئدنلردير.
تورکيه ده ده آذربايجان تورکلری چوخدور. اونلار 1920 ايلده آذربايجاندا سووئت حاکيميتي قورولدوقدان و ايکينجي دونيا محاريبه سيندن سونرا گئدنلر و اونلارين نسيللريدير. 20-جي عصرين 90-جي ايللريندن باشلاياراق روسييايا گئدن و ايندي اورادا قاليب ياشايان آذربايجان تورکلری داها چوخدور.
بئله ليکله، دونيادا حاضيردا آذربايجان تورکجه سینده دانيشان 60 میلیوندان دان چوخ آدام ياشايير.
آذربايجان ديلي اورال-آلتاي ديللري عايله سي نين تورک ديلي قروپونون اوغوز ياريمقروپونا داخيلدير و ان ياخين قوهوملاري اولان تورک، تورکمن و قاقاوز ديللري ايله بيرليکده تورک ديللري آرئالي نين جنوب غرب قولونو تشکيل ائدير.
عنعنه وي مورفولوژي و يا تيپولوژي تصنيفات باخيميندان آذربايجان ديلي ايلتيصاقي (اقلوتيناتيو) ديللر قروپونا داخيلدير. انصيرافي (فلئکتيو) ديللردن فرقلي اولاراق آذربايجان ديلينده بوتون سؤز کؤکلري اؤزوملو دیل و گرامری معناسي اولان مستقيل سؤزلردير، گرامری معنالار و گرامری علاقه لر ايسه هميشه سؤز کؤکوندن و اساسيندان سونرا گلن تکمعنالي (مونوسئمانتيک) شکيلچيلر واسيطه سيله ايفاده ائديلير.
آذربايجان تورکجه سی بؤيوک اينکيشاف يولو کئچميش قديم ديللردن بيريدير.
" کيتاب دده قورقود "داستانلاري نين ديلي ادبي ديلين شيفاهي نؤوو کيمي قبول ائديلرسه، حاضيردا خالقا اونسيت واسيطه سي کيمي خيدمت ائدن ديلين ياشي 1300 ايلدن چوخدور.
آذربايجان تورکجه سینین يازيلي ادبي ديلي نين تاريخي ايسه هله ليک الده اولان ماتئرياللارا گؤره 13-جو عصردن باشلايير.
آذربايجان ادبي ديلي نين 800 ايله ياخين اينکيشاف تاريخي ايکي بؤيوک دؤوره – اسکي و يئني دؤورلره بؤلونور.
اسکي دؤور 13–17 عصرلري، يئني دؤور ايسه 17-جي عصردن سونراکي مرحله ني احاطه ائدير.
اسکي دؤور
آذربايجان ادبي ديلي نين ايشله نيلديگي آرئال اؤز ميقياسي ايله فرقله نير. جلايريلر، قاراقويونلولار، آغقويونلولار، صفويلر کيمي آذربايجان دؤولتلري نين ساراي و اوردو ديلي اولان بو ديل بوتون اؤن عاصييادا ادبي ديل رولونو اويناميشدير.
همين دؤورون ادبي ديلي يئني دؤور آذربايجان ديليندن اؤز ائکسترالينقويستيک (ديلخاريجي) و لينقويستيک (ديلداخيلي) خوصوصيتلري ايله ده سئچيلير.
اسکي دؤور آذربايجان تورکجه سی
اسکي دؤور آذربايجان تورکجه سینين لئکسيک ترکيبي عرب و فارس سؤزلري نين چوخلوغو ايله فرقله نير. او دؤورون ديل اوسلوبلاري، خوصوصن آپاريجي ژانر اولان شعر ادبي ديله کلي ميقداردا آلينما سؤزلرين گلمه سينه سبب اولموشدو.
ايکينجي دؤورده ايسه رئاليست شعير مکتبي نين، رئاليزم ادبي متدونون يارانماسي و فورمالاشماسي آلينما سؤزلري ادبي ديلدن سيخيشديريب چيخاردي.
ديگر طرفدن، اسکي آذربايجان ادبي ديلي نين عثمانلي ديلي ايله موشترک اولان بير سيرا سؤزلري (شيمدي، شؤيله، شو، کندي و س.) يئني دؤورده آرتيق ايشلکليگيني تاماميله ايتيرميشدي. بو، تورک ادبي ديللري ساحه سينده آيريلما (ديفئرئنسياسييا) حاديثه سي نين تام باشا چاتماسي نين نتيجه سي ايدي.
دؤورلر آراسينداکي فرقلر فونئتيک سوييه ده ده گوجلودور. بئله کي، يئني دؤور آذربايجان ادبي ديلي عيني زاماندا فونئم ترکيبي نين ثابيتلشمه سي ايله ده سعجييله نير.
بيرينجي دؤوره خاص اولان او//ا صايت، ح//ق//خ صاميت مووازيليگي آرتيق بيرينجيلرين (او و ح) قلبه سي ايله نتيجله نير.
اوخشار وضعيت قرامماتيکا ساحه سينده ده اؤزونو گؤسترير. ايسمين بيرينجي دؤوره مخصوص تاثيرليک حال شکيلچيلري نين -يي،-يي، -يو،-يو//-ني،-ني،-نو،-نو مووازيليگي ايکينجي دؤورده آرتيق آرادان چيخير. فعلين -ايسه قطعي گله جک زامان شکيلچيسي اؤز وظيفه سيني تاماميله -آجاق//-ح جک شکيلچيسينه وئرير.
اسکي دؤور آذربايجان ديلينده سؤز بيرلشمه لري نين قورولوشو داها چوخ عرب و فارس ديللري نين سينتاکتيک مودئلينه اويغون اولموشدور: فصلي-گول (گول فصلي)، ترکي-طريقي-عشق [عشق طريقي نين (يولونون) ترکي]، داخيلي اهلي کامال (کامال اهلينه داخيل)… يعني تعيين ائدن سؤز تعيين اولونان سؤزدن سونرا ايشلنميشدير. ايکينجي دؤور آذربايجان ديلينده تاماميله عکسينه دير: تعيين ائدن سؤز تعيين اولونان سؤزدن مطلق و هميشه اول ايشله نير.
ديگر سينتاکتيک فرق کيمي، بيرينجي دؤورده، اساسن، بوداق جمله نين باش جمله نين ايچريسينده يئرلشديگي تابعلي مرکب جمله لر ايشلنديگي حالدا (کيمي کيم، بيوفا دونيادا گؤردوم، بيوفا گؤردوم)، يئني دؤورده داها چوخ فعلي صيفت ترکيبلري نين ايشلنديگيني گؤرمک اولار.
هر ايکي دؤورون ادبي ديلي اؤز نؤوبه سينده موختليف مرحله لري احاطه ائدير. اسکي دؤور آذربايجان ديلي اؤز اينکيشافيندا ايکي مرحله دن کئچميشدير: 1) ادبي ديلين تشککول مرحله سي (13–14 عصرلر)؛ 2) کلاسسيک شعير ديلي مرحله سي (15–17 عصرلر).
يئني دؤور آذربايجان تورکجه سی
آذربايجان تورکجه سینين بو دؤورو اوچ مرحله ني احاطه ائدير: 1) ادبي ديلين خلقيلشمه سي مرحله سي (18-جي عصر)؛ 2) ميللي ديلين يارانماسي و اينکيشافي مرحله سي (19–20 عصرين 1-جي روبع)؛ 3) معاصر مرحله(20-جي عصرين 1-جي روبعوندن سونرا).
آذربايجان ديلي بؤيوک اينکيشاف يولونا اؤزونون ايکينجي اينکيشاف مرحله سينده (ميللي ادبي ديلين تشککولو و اينکيشافي مرحله سينده) چيخميشدير. بو ديلده شعيرله ياناشي، نثر و درام اثرلري يازيلماغا، قزئت و ژورناللار نشر اولونماغا باشلاميش، بعضي رسمي سندلر ترتيب ائديلميش، علمي آراشديرمالار آپاريلميشدير.
او دؤورده آذربايجانا گلن اجنبيلر، او جمله دن روسلار و آلمانلار دا اونا ماراق گؤسترميش، بعضيلري بو ديلي اؤيرنمه يه چاليشميشلار (روس شاعيرلري م.ي.لئرمونتوو،آ.ا.بئستوژئو-مارلينسکي، آلمان شرقشوناسي ف.بودئنشتئدت). اورتا عصرلرده اسکي آذربايجان تورکجه سینه آيد صرف و نحو و (قرامماتيکا) کيتابلاري و لوغتلر اولسا دا، علمي اثرلر و درسليکلر 19 عصردن اعتيبارا يازيلماغا باشلاميشدير. ميرزه کاظم بيين روسجا يازديغي" تورک-تاتار ديلي نين عمومي قرامماتيکاسي"(1839) اثري مشهوردور.
م.وزيروون،ل.بوداقووون،ق.ماکارووون،ن.نريمانوون، م.د.مممدوون، ص.م.غني زاده نين آذربايجان ديلينه آيد درسليکلري ده روس ديلينده يازيلميشدير.
ل.بوداقووون ايکيجيلدليک لوغتي ده ("سراونيتئلغنيي سلووارغ تورئوکو-تاتارسکيخ ازيکوو " ، 1869–1871) وار. م.افشارين آذربايجان ديلينه آيد" فن صرف تورکي "("تورک ديلي نين قرامماتيکاسي " ، 1869) آدلي ديرلي اثري ايسه آذربايجانجادير.
20-جي عصرده آذربايجان ادبي ديلي نين اينکيشافيندا اوچ ميل اؤزونو گؤسترير:
ادبي ديلي خالق ديلي ايله عئينيلشديرمک مئيلي.
بو، اؤزونون باريز عکسيني"ملا نصرالدين"ژورنالي نين يازيلاريندا، ج.مممدقولوزاده، ح. حاقوئردييئو کيمي يازيچيلارين اثرلرينده تاپميشدير؛ داها چوخ عثمانلي (تورک) و اسکي آذربايجان ديلي نين عنعنه سينه سؤيکنن ادبي ديل ياراتماق مئيلي.
بو،" فیوضات "و" حيات "کيمي بير چوخ ژورنال و قزئتلرين، ح.حسين زاده کيمي معاريفپرور يازيچيلارين ديلينده اؤزونو گؤسترير.
بو ديل او واختکي تورک ادبي ديليندن، دئمک اولار کي، سئچيلميردي؛ هامي طرفيندن آنلاشيلان، ادبي ديل نورمالارينا اساسلانان ادبي ديل ياراتماق مئيلي. هئچ بير ديالئکت تاثيريني قبول ائتمه ين بو ديلي ع.شايق، ج.جاببارلي، ص.حسين، ع.صحت کيمي شاعير و يازيچيلار ياراديرديلار. ادبي ديل ساحه سينده کيبو وضعيت عصرين اوللريندن 30-جو ايللره ده ک داوام ائتدي. يئني دؤور آذربايجان ادبي ديلي نين معاصير مرحله سينده مهم حاديثه لردن بيري آذربايجان ادبي ديلي نين دؤولت ديلي استاتوسو آلماسي اولدو.
مستقيل دؤولتين مهم آتريبوتلاريندان بيري اولان دؤولت ديلي مسله سي آذربايجان خالق جمهوريتي (20-1918 ) حکومتي نين ديقت مرکزينده اولموشدور. 1918-جي ايل 27 اييون تاريخلي قراري ايله جمهوريت حکومتي او زامان تورک ديلي آدلانان آذربايجان ديليني دؤولت ديلي ائلان ائتدي. حکومت غيري ميلتلردن اولان آذربايجان وطنداشلاري نين دؤولت ديليني اؤيرنمه لري اوچون تدبيرلر گؤرور، بو مقصدله کورسلار تشکيل ائديردي.
آذربايجاندا سووئت حاکيميتي قورولدوقدان (1920) سونرا دا ديل سيياستي مهم اهميت کسب ائتميشدير. آذربايجانين شمالي 1991 ايله کيمي شوروینين ترکيبينده اولماسينا باخماياراق، آذربايجان ديلي نين اورتا مکتبلرده تدريسي نين عصرياريمليق، اونيوئرسيتئت و اينستيتوتلاردا تدريسي نين ايسه 88 ايلليک تاريخي وار.
آذربايجان ديلي، اونون تاريخي، ديالئکتلري گئنيش صورتده تدقيق ائديلميش، بو ساحه ده آذربايجان ديلينده يوزلرله اثر چاپ ائديلميشدير.
قديم يونان ادبياتي و فلسفه سيندن توتموش بو گونه دک مؤوجود اولان بديعي و علمي اثرلرين آذربايجان ديلينه ترجومه ائديلمه سي ايله ياناشي، رياضيات، فيزيک، شیمی، طبابت و س.
- يه آيد درسليکلر ده باشقا ديللردن آذربايجان ديلينه چئوريلميشدير.
حاضيردا آذربايجان ديلينده اوريژينال درسليکلرين نشري باشا چاتميشدير.
آذربايجان ديلي دؤولت ديلي کيمي آذربايجان شوروی آنا یاساسیندا (1978) تثبيت اولونموشدور.
مستقل آذربايجان نين اولوسال رفرندوموندا قبول ائديلميش (1995) يئني آنا یاسا دؤولت ديلي نين محض آذربايجان تورکجه سییئر آلمیشدیر.
موعاصير آذربايجان ديلي نين اؤزوملو خوصوصيتلري ايله فرقلنن فونئتيک و قرامماتيک قورولوشو واردير. عملگلمه يئرينه گؤره فرقلنن حايتلر، يعني اؤن سيرا (ي، او، ائ، ه، اؤ) و آرخا سيرا (ي، او، آ، او) سايتلر عئيني بير سؤز و يا سؤزفورما داخيلينده ايشلنه بيلمز (ي صايتي ايله باشلايان ايشيق، ايلديريم کيمي بير نئچه سؤز ايستيثنادير)؛ عئيني زاماندا ديلورتاسي صاميتلرين (گ، ک) آرخا سيرا، ديلارخاسي صاميتلرين (ک، ق، غ، خ) اؤن سيرا سايتلرله بير هئجادا ايشلنمه سي ده ممکون دئييل (آلينما سؤزلر ايستيثنادير). آذربايجان ديلي نين فونئم ترکيبينده 15 صايت و 25 صاميت واردير. بو 40 فونئم آذربايجان اليفباسيندا 32 حرفله ايشاره ائديلير. اوزون صايتلره و صاميتينه آيد آيريجا حرفلر يوخدور.
آذربايجان ديلينده 9 قيسا (ي، او، ائ، اؤ، ح، آ، او، او، اي)، 6 اوزون (ي:، ائ:، اؤ:، ا:، آ:، او:) صايت واردير. اوزون سايتلر چوخ آز حاللاردا، يالنيز آلينما سؤزلرده ايشله نير. فونئتيک وورغو، بير قايدا اولاراق، سونونجو هئجايا دوشور. فونئماتيک وورغونون يئري سؤزون معناسيندان آسيلي اولاراق دييشير: . آذربايجان تورکجه سینده سؤز اولينده ايشلنمه ين 2 فونئم وار: اي(ı )صايتي و غ صاميتي.
آذربايجان ديلي نين مورفولوژي قورولوشونا اساس (ايسيم، صيفت، ساي، عوضليک، ظرف، فعل) و کؤمکچي (قوشما، باغلاييجي، ادات، مودال سؤزلر، نيدا) نيطق حيصه لري داخيلدير.
ايسيملرين کميت، منسوبيت، حال، خبرليک کاتئقورييالاري وار. بو کاتئقورييالار ايسيملشن (سوبستانتيولشن) ديگر نيطق حيصه لرينه ده آيددير. آذربايجان ديلينده ايسمين 6 حالي (آدليق، يييه ليک، يؤنلوک، تاثيرليک، يئرليک، چيخيشليق)، فعلين 5 زاماني (شهودي کئچميش، نقلي کئچميش، اينديکي، قطعي گله جک، غيري-قطعي گله جک) وار. فعلين شکيل کاتئقوريياسي 6 فورماني (امر، آرزو، شرط، واجيب، لازيم، خبر) احاطه ائدير.
فعللر سوبيئکت، اوبيئکت و حرکته موناسيبتينه گؤره 5 قرامماتيک نؤوع ده (معلوم، مجهول، قاييديش، قارشيليقليموشترک، اجبار) ايشله نير.
آذربايجان ديلي نين سينتاکتيک قانونونا گؤره، بير قايدا اولاراق، مبتدا جمله نين اولينده، خبر سونوندا، تعيين تعيين ائتديگي سؤزدن قاباقدا گلير.
سؤزدوزلتمه ده، اساسن، مورفولوژي (دميرچي، اوزومچو، تبليغاتچي؛ دميرچيليک، اوزومچولوک، تبليغاتچيليق؛ دولچا، قازانچا، اوتلوق، مئشه ليک؛ قالديريجي، ائنديريجي؛ سئوينج، گولونج؛ ياواشجا، اينديجه و س.)
و سينتاکتيک (اوتبيچن، گونموزده، بويونباغي، گوندوغان، ساريکؤينک، اليدولو، آدلي-سانلي، قيرخاياق، بش آچيلان و س.) اوسوللاردان ايستيفاده ائديلير. موعاصير آذربايجان اليفباسي لاتين قرافيکاسينا عصاسلانير.
ايشلنديگي ساحه لرله باغلي اولاراق، آذربايجان ادبي ديلي دؤرد اساس اوسلوبو اؤزونده بيرلشديرير: ايشگذار، مطبوعات، بديعي و علمي اوسلوب. ادبي ديلين معاصير مرحله سينده بو اوسلوبلارين هاميسي يوکسک درجه ده اينکيشاف ائتميشدير.سياسي، اقتيصادي، علمي، مدني حياتيندا باش وئرن بؤيوک دييشيکليکلر موعاصير آذربايجان ديلي نين لوغت ترکيبينده تئرمينلرين سورعتله آرتماسينا سبب اولموشدور. بو پروسئس ادبي ديلين بوتون اوسلوبلاريندا آيدين مشاهيده ائديلير.
آذربايجان ديلي نين لهجه و شيوه لري بش قروپدان عيبارتدير:
1) شرق قروپو (باکي، قوبا، شاماخي ديالئکتلري و لنکران، موغان شيوه لري)؛
2) غرب قروپو (گنجه، قازاخ، قاراباغ ديالئکتلري و آيريم شيوه سي)؛
3) شيمال قروپو (شکي ديالئکتي، زاقاتالا-قاخ شيوه سي)؛
4) جنوب قروپو (ناخچيوان، اوردوباد ديالئکتلري ),
5. گونئی آذربایجان قروپو ( تبریز , اورمیه , قاراداغ , اردبیل- موغان ,زنجان (خمسه) , همدان و ساوه , تهران , قاشقایی و خراسان ).
دونیا دیل عایله لری
آلتاي ديللري
تورک ديللري
مونقول قروپو
تونقوس-مانجور ديللري
اورال ديللري
فين-اوقور قروپو
سامودي قروپو
هيند-آوروپا ديللري
گئرمان ديللري
رومان ديللري
اسلاويان ديللري
ايران ديل قروپو
هيند-آري ديللري
بالتيک ديللري
کئلت ديللري
ايتاليک ديللري
يونان ديللري
پالئوبالکان ديللري
آوراسييا ديل عايله سي
سئميت قروپو
بئربئر-ليوييا قروپو
چاد قروپو
کوشيت قروپو
قافقاز ديللري
کارتوئل قروپو
آبخاز-آديق ديللري
ناخ قروپو
داغيستان قروپو
پالئواسييا ديل عايله سي
اؤلو ديللر
اسکي يونان ديلي
لاتين ديلي
سانسکريت ديلي
آسوري ديلي
اسکي تورک ديلي
اسکي فارس ديلي
اسکي روس ديلي