Yeni gün ya yengi yada novruz yaxud ərgənəkün bayramı insanlıq kültür dəyərlərinin özəklərindəndir.
مدیر مسئول و باش یازار :
دکتر حسین شرقی دره جک
Sorumlu müdür və baş yazar:
Dr. Hüseyn Şərqidərəcək SOYTÜRK
یئنی یا یئنگی یادا نوروز یاخود ارگنه کون بایرامی انسانینلیق کولتورل دیرلرینین اوزکلریندن دیر دئدیک ده اونو دئمک ایسته ییرم کی بو انسان ایجادی ان دیرلی معنوی مدنیت دیری دیر. بو مدنی عابده اولان نوروز انسانلار خوش احوال روحیه ایله یاناشی هم بیرلیگ و سئوگی ارمغان ائدیر. تماما خلقی و انسانی اورون ürün(تولید) اولان بو بشری دست آورد انسانین طبیعتله هارمونیاسنی شکیلندیریر. بو بایرام قارا قیشدان یازا چیخیشین ذووقینی جانلیلارا او جومله دن ده انسانلارا یاشادیر.
بو گلنک پایلاشماق و ال توتماق منطیقیندن الهام وئریر.انسانلاری حتی میللتلری بیرلشدیریر . اونلار ان انسانی دیر اولان باریش وصلحو تقدیم ائدیر.قیشین آجیسینی اوره کلردن و روحلاردان سیلیر. انسانا و دوغایا (طبیعته) یئنی دون گئییندیریر. بیر سوزله نوروز یئنیلین و دییشیمین جارچیسیدیر. شرقین درین کوکلرین دن و مین ایللر بویو بیریکمیش مدنیت وارلیغیندان دوغان قوجاقلاییجی کولتور باغی دیر. دیرلی خدافرین اوخوجولاری و عزیز میللتیمیز بایرامینیز مبارک اولسون.
باخمیاراق کی اقتصادی چتینلیکلرله اوز – اوزه ییک و دنیا سیاسی و اکونومی بحران ایچینده چالخالنیر آنجاق گئنه ده حیاتا محکم توتونماق گرکدیر. دعا ائدک غزه ده و دونیانین دیگر بولگه لرینده انسانی کشتارلارا سون قویولسون. گوروشمک دیله ییله اسن قالین...