SORUMLU MÜDÜR :

 Dr. Hüseyn Şərqidərəcək (SOYTÜRK)

مدیر مسئول:

 دکتر حسین شرقی دره جک (سوی تورک)

آذربایجان یعنی تورک اینسانی اوچون ایکی آی چوخ اهمیتلی دیر . بیری مهر آیی دیر ؛ بیری ده آذر آیی . اونا گوره کی مهر آیین دا عزیز بالالاریمیزی عایله دن آییراراق تعلیم و تربیه آدی آلتیندا میلی آسیمیلسیونا معروض قویاراق اونلاری آنا دیللریندن باشقا اولان و باشقا مدنیته خاص اولان آداب و روسوما زورلا دا اولسا اینجه آد ایله یعنی ایتیم و اویرتیم آدی آلتیندا مدنی باسقییا و اوزگلشمه یه ایته لییریک.

اینسانلار اولدورولرک سویقیرم (نسل کشی) اولوندوغونو هامیمیز بیلریک .آنجاق مدنی سویقیریم داها کوتلوی و دهشتلی دیر. او اوزدن نه قدر کی؛ آنا دیلیمیز ده آنا و میللی کیملییمیزی اویرنمکدن اوزاق ساخلانجاییقسا او قدر یوخ اولماغ معروض قالاجاغیق.

کولتورال  (فرهنگی) یوخ ائتمک بلکه اوزون زامان ایچریسینده باش توتور . آنجاق گئری دونوشومو اولمویان بیر فاجعه دئمکدیر.  اینسانلاری فیزیکی اولاراق یوخ ائدنده اونلارین قورتاریب قالانلاری سونرالار توره ییب چوخالاراق اوز سوی لارینی داوام ائتدیرمک شانسلاری اولا بیلیر .لاکن مدنی سویقیریم مانقوردلاشمایا سبب اولور و اونو گریی دونوشومو ممکونسوزدور. توت آلیم کی گئری دونوشوم ساغلانا بیلدی . او زامان داها آمانسیز اوز اجدادینا دوشمن اولان ساتقین و مانقوردلارلا قارشیلاشاجاغیق. گونوموزده بو مانقوردلارین چوخونو گوروروک یادا اثرلرینی اوخویوروق. هر مهر آیی میلیونلارجا آنالار حرمتسیزلیک اولاراق ائولادلارینی باشقا دیلده تعلیم ائدیرلر. بو آچیق آشکار والدین و اونلارین وارلیقلری اولان ائولادلارینی تحقیر دئمکدیر. بویو ترومادی و عمر بویون هر بیر فرد و سونرا توپلوم بونون عذابینی یاشاییر.

شخصا من اوزوم بو ترومانی حالا یاشاییرام. درس کیتابلاریندا اولان منیم عیرقیما قارشی و تورک سویلو حاکمیتلره قارشی تحقیر آمیز  و غرضلی موضوعلار هله ده من ده  یارانمیش معنوی بوشلوغو روحومون درینلیکلرین ده ساسیدیجی تاثیرلرینی گوسترمک ده دیر.

تهران یاشاسام ده هله ده نیه کندیمیز ده هیچ بیر یاشاییش امکانینین اولماماسینا راما آنجاق مکتبین اولماسی سونرالار منه اعیان اولدو. اصلینده او مکتبلر آسیمیلاسیون دیرمانلاری و قول یئتیشدیرمه فابریکالاریدان باشقا بیر شئی دئییلدی.

چونکو او مکانلاردا فارسلاشدیرما و فارس دیا و ادبیاتینین اویردیلمه سیندن باشق هئچ نه یوخ ایدی. فارس دیلینی اویرنیب تهران و دیگر فارس بولگه لرینه ایشلمه یه گئدیب و اورالاردا قالیب ؛ ائوله نیب اوز کیملیینی اونوتماقدان باشقا بیر آماجی یوخ ایدی.

دیگر آماجی ایسه ائولریمیزده آتا و آنلاریمیزدان اویرندییمیز تورک داستانلارینی اونوتماق و اونون

یئرینه اویدورما ادبیات و داستانلار اویره نیب داهادا کیملییندن اوزاقلاشماق ایدی. بیز تورکلر ایللر بویو اوز علیه میز درسلر اوخموش انسانلارییق. ( هله ده نیه وارلیغیمیز یوخ اولمامیشدیر او دئمک دیر کی بیزیم مادی و مدنی دیرلریمیز ساختا و ماسونیزمین یالان اویدورمالاریندان قات – قات اوستوندور. ) آتلار سوزو وار " یالان ایاق توتار آنجاق یئریمز ".گرچکدن بو فاکتور بیزی قورویوب ساخلامیشدیر. عاریتی دیل ایله دده بابالاریمیزین علینه یئتیشدیریلسک ده هله ده چوخوموز اوز دیرلریمیزی قوروماغی باجارمیشیق. زور دا اولسا اوز بقامیز اوچون هر گون ائوده ؛ چول ده ؛  اداره ده و یاشامین بوتون یونلرینده مجادله ائتمه لییک.

آذربایجان میللی حرکتینین مغلوبیته اوغرادیلماسیندان سونرا ایران دا تورکلری کوچه سوپورن و ایشچی داها دوغروسو ان پیس اجتماعی اوزللیکلره صاحیب بوتون آشاغالاییجی ایشلره وادار ائتدیلر. سینما و رادیو تلویزیونلاردا ان

پیس نقشلری تورکلره اختصاص وئرمیشدیرلر. اوغرو ؛ آدام اولدورن ؛ یاغماجی و دوشونجه سیز هم تحقیر آمیز رل لار بیز تورکلره وئریلمیشدیر. حتی دولت سویه سینده حاضیرلانان تحقیر آمیز جک لار بئله بیزی آشاغالاماق اوچون دئییلیردی. دیلیمیز دیبیندن یاساق ائدیلمیشدیر. تورک تاریخی و دیلی ساختالاشدیریلاراق آذری و مغول کیمی اویدورملارلا میللتین بینینه آشیلانماغا بشلانمیشدیر. بووتون بو ساختالاشدیرمالارین آرخاسیندا مهر آییندا باشق دیلده اوخویان مانقوردلار و اونلارین آرخاسیدا فاشیست ال ده قاییرما پهلوی حاکمیتی و اونون اربابلری دایانیردی. مظلوم تورک اینسانی بویوک بیر مدنی و آموزشی باسقی ایله یاناشی اجتماعی آشاغالاما و تحقیرلرله قارشی – قارشییادی.

البته بو وضعیت دون دییشدیرسه ده ماهیت اولاراق داوام ائتمک ده دیر. مهر آیی دا یئرینده دییر ائله درس موضوع لاری و آنا دیلی تحصیلین یاساق اولماسی دا.

منه چوخ مراخلی گلیردی البته ایندی چوخ آیدیندیر. یاشادیغیم تهران و اونون یاخینلیغیندا اولان ری شهری همیشه تورکلرین حکومت مرکزی اولوب. تاریخ دن اوزو بری بئله اولوب. ساده جه سبب لرینی بیلدیمیز قاجار شاهلیغینین چوکوشوندن سونرا و ساختا طویله چی رضا میرپنجین شاه ائدیلمه سیندن سونرا تهران آنتی تورک – مسلمان  ماسونلارین و غربلیلرین الینه کئچندن سونرا تورکلری و تورک ایزینی سیلمک اوچون اللریندن گلنی ائتدیلر. باخمایاراق کی معاص تهرانی قاجار سولاله سی باش کند ائتمیشدیر آنجاق اونلارین آدینا هئچ بیر کوچه و خیابان یوخدور. لاکن کریم خان ؛ امیرکبیر وبیر چوخلارینین آدینی هر گون تاکسی ؛ مترو؛ اتوبوسا مییننده سایاخلاییریق. نئجه دئییم آغ دان قارای دک تورک سیلینمیشدیر. البته بو پروسدور آذربایجان و دیگر تورکلر یاشایان شهرلرده ده عینی دیر.

چوخ عجایب دیر گوره سن بیز نیه بیر یئرده یاشاییریق؟. تهرانین کوچه لرینین یوزده  آلتمیشی تورک شهید آدلاری ایله بزه دیلمیش اولسا دا . یوز مینلر شهید و جانباز وئرسک ده حتی تورپاقدان تورک قانی اییسی گلسه ده. گئنه بیز – بیزیک و اونلار دا اوز بیلدیکلرینده دیر.بونلارهامیسی مهر آیینین تورکلره ائتدیکرینین تاثیری دیر.

آذری آیی ایسه آذربایجان تورکلرینین داخلی و خاریجی بین الملل دوشمن قووه لری طرفیندن ازیلمیش و تاپدالانمیش غرور و منلیک آیی دیر. بیز وار اولماق ایسته دییمیز ده بوتون قووه لری ایله اوزریمیزه یوروش ائدرک بیزی آل قانا بویادیلر. غربین خیابانی دن باشلایان و ستارخانلا مکمللشن ایچ دن یوخ ائتمه سناریوسو آذر آیین دا تمامیله اهمیتینی ایتیرمیشدیر. لاکن گئنه ضد میللت باشچیلالارین اللری ایله ( اصلینده تتیی توتان و ماشانی چکن او غرب کافیر و فاسقلر ایدی) کند وشهرلریمیزی قانا بویویاراق اینسانلاریمیزی اعدام و سورگون ائتدیلر. آذربایجان تجاوز ائدرک بیزلری تحقیر ائدیلر. بو تحقیرله باریشماق هئچ بیر تورکه یاراشماز. دیلین و مدنیتینی عالیم لرینله یئره گومدولر. بونون نتیجه سی اولاراق حالا بوتون وارلیقلاریمیزدان یوخسون اولاراق ایسته دیکلرین یاشام و ایتیم طرزینه محکوم ائتمیشلر.

بوتون بونلارین آرخاسیندا کورسللشمک نامینه بوتون میللتلری قولا چئویرن بیر قووه واردیر. سوسیال مئدییا و یاپای  ذکا بونلارین ان کیچیک پلانلاری دیر. قید ائتمک ایسته ییرم بوتون بو اولانلار اوچون فارس خالقینین هئچ بیر گناهی یوخدور. چونکو اونلاری بو ایش ده عرب و تورکلره قارشی یعنی اصیل مسلمان قارداشلارینا قارشی کیرلی بیر قوه قوللانماقدادیر. البته یئری گلنده اونلارا دا دیوان توتاجاقلار. هله کی نیفاق ایله ایره لییرلر و گیزلی جهانی آنتی اسلام پلانلارینی حیاتا گئیرمه یه داوام ائدیرلر.

آقای ظریف وزیر خارجه اولاندا تلویزیوندا بیر جمله ایشلتدی :  " آمریکایی ها می گویند اگر ما دستمان را از پشتتان برداریم همه ایران فردا ترکی حرف خواهد زد"  بله گورونن کنده نه بلدچی.

منیم یادیمدادی منیم یاشادیغیم قاراداغدا بیر نئچه دینی عالیم یعنی ملا وار ایدی آزدا اولسایدی میزره وار ایدی. ملالارین ایشی شرعی مسئله لره جواب وئرمک و دینی آیدینلیق هم ده کبین کسمک ایدی. بیر ده اولو نامازی قیلماق و اولونو باسدیرماق ایدی. هئچ مسجد ده یوخ ایدی.  ساده جه خمارلی کندینده منیم آنامین آتاسی ژنرال الکساندر دمیتریچ پتروف ( سونرا مسلمان اولاراق حسن آدی آلمیش و یئنی مسلمان اولدوغو اوچون جدیدی سوی آدی وئرمیشلر) طرفیندن بیر مسجد تیکیلمیشدیر.

اهالی نین آدی اکثریت ابراهیم ؛ یوصف (اوسوب) ؛عالی (علی) ؛قره کیشی ؛ آغ اوغلان ؛ باهادور ؛ قیطرن ؛ خانیش ؛ خان اوغلان , بال اوغلان وس... قادینلاردا ایسه : قیزتاوار ؛ قیز بس ؛ قیز خانیم , گول یئتر , سونا ؛ تزه گول ؛ گل اندام ؛ لالا و س ...

نئجه کی دیل و تورک کولتورو اوزره یوخ ائتمه سیاستی یورودولوردو عینی زاماندا دینی اساسلاردان اوزاخلاشدیرماق اوچون ده چوخ جیدی جهد گوستریلیردی. یادیمدادی سونرالار سیستملی شکیل ده محرملیق و بعضا ده اورجلوقدا ملالار کندلره گلیردی و ائولرده یادا یئنی تیکیلمیش مسجدلرده آداملارا دانیشیردیلار. 10 گون محرملیک و بیر آی اورجلوق قورتاراندان سونرا اهالی پول توپلاییب وئریردی اونلار گلدیی یئره گئدیردیلر.منیم یادیمدادی چوخ عایله لر خصوصا قیش فصلینده اونلار پول وئرمک اوچون چتینلیکلرله اوزله شیردیر. حتی بورج گوتوروردولر.اساس مسله او دور کی ؛ گلن ملالار تورک  دیلین ده دانیشیردیلر .هانسی مسجده یا ائو گئتسییدن هامیسی عینی سوزلری دانیشیردیلر. اسلامیین اساسلاریندان و خلیفه لردن دانیشیلمیردی. ساده جه غسل-ذکات کیمی موضولار و سونوندا کربلا حادثه لری نهایت آغالاشدیرما اولوردو . هر ایل عینی موضوع ایدی. اونلار تورکجه دانیشیردی بویوکلری سیستمه سوخسونلار مدرسه لرده ایسه اوشاقلارا فارسجا دانیشیلیردی کی ؛  هر ایکسینده هویتیمیزه بالتا چالینیردی . شاهین مللاسی دا معللیمی ده غرب آقالارینا خدمت ائدیردیلر.

حتی شاه "رستاخیز یا انقلاب سفید " آدی ایله تورک اداره ائتمه سیستمینی چوکرترک یئرینه آمریکایی اداره سیستمی گتیردی.

بونلار چوخ گئنیش موضوع دور و اوزرلرینده کتابلار یازماق اولار. 21 آذر حرکاتی نسبی ده اولسا بو میللی یونلره اهمییت وئرره ک . استثمارچی  غربه قارشی اوزومسل دیره نیش ایدی.